Die ANC se sekretaris-generaal, Gwede Mantashe, het uitvoerende beamptes in die mynsektor daarvan beskuldig dat hulle negatiewe sienings oor Suid-Afrika aanwakker.
Daar is ‘n gebrek aan vertroue tussen die partye in die mynbedryf wat aangespreek moet word, het Mantashe gister gesê.
Mantashe het aan afgevaardigdes by die Johannesburgse Indaba gesê dit gebeur omdat daar nie meer mynmaatskappye in Suid-Afrika in plaaslike besit is nie.
Hy het gesê om saam te werk is nie om na die belange van die bedryf ten koste van die werkers en die mynbou-gemeenskappe te kyk nie.
“As ons gaan praat oor wat ‘n vennootskap moet wees, moet dit gaan oor kompromieë wat aangegaan kan word om sekere partye te akkommodeer,” het Mantashe gesê.
Hy het gewaarsku dat die regering nie ‘n “nagwag” vir kapitaal is nie. ‘n Regering moet omsien na wat die samelewing nodig het en kyk na die belange van die gemeenskap.
Mantashe het gesê die ANC is nie die voorhoede van die werkersklas nie, maar die voorpunt van die samelewing en dit is nodig om al die sektore van die gemeenskap te mobiliseer, veral in die ondersteuning van die Nasionale Ontwikkelingsplan.
Die NDP is nie beleid nie, maar ‘n plan wat sal verander en aangepas word as dit geïmplementeer is, het hy gesê.
“Mynbou skep miljardêrs, maar mense rondom die myne is onderhewig aan die uiterste armoede, wat vertaal in wrok.
“Dit is wanneer anargie en verwoesting algemeen word. Ons moet saamwerk om dit te verander.
“So lank as wat myne spookdorpe agterlaat, moet ons besef dat daar ‘n wrokkigheid heers en daar gaan ‘n opstand teen die bedryf wees,” het Mantashe gesê.
Die minister van Minerale Hulpbronne, Ngoako Ramatlhodi het by dieselfde geleentheid gesê die regering kan van sy lisensievereistes verslap om beleggers in olie- en gasontginning te lok.
Hy het by die Johannesburg Indaba oor Mynbou gesê Suid-Afrika loop die risiko om sulke beleggings te verloor as hy nie gehoor gee aan beleggers se voorkeure nie.
Volgens ‘n wetsontwerp oor die ontginning van gas- en olie kry die regering outomaties ‘n 20 persent aandeel in alle nuwe ontginningsprojekte.
Nasionale ontwikkelingsplang = die manier wat die ANC elite vir ewig ryk gehou moet word.
Mantashe wonder hoekom daar nie vertroue in die mynbousektor is nie – baie eenvoudig – die ANC en sy trawante (Cosatu en al sy affiliasies en nou nog AMCU ook) dreig heeltyd met onteiening as hulle nie besig is om te staak nie. So hoe moet daar vertroue gebou word?
Myne sal ALTYD as spookdorpe agtergelaat word. As die minerale op is, is dit op – dan moet die mense wat daar woon skuif. Dit is hoe dit werk.
Verder praat hy van mense wat skatryk word en die op die grond wat kripeer – ja dit is so, maar wie se skuld is dit? Ek self kom uit ‘n mileue waar my oupa ‘n rotsbooroperateur was. In meeste gevalle verdien die op die myne redelik goed – vergelyk bv ‘n myner se salaris met ‘n winkelassistent – die winkelassistent kry maar R5000 per maand. Die myner verdien heelwat meer as dit en word dan nog van kos en behuising ook voorsien. Wat word egter van daardie geld? Party spaar en hulle nageslagte gaan vooruit soos my oupa gedoen het. Ander spandeer egter die geld op drank, groot karre en ander onbenullighede (hoeveel blankes het ek dit nie mee gesien gebeur nie? Baie selfs in aangetroude familie – “shaft sinkers” wat ruimskoots vergoed word vir gevaarlike werk wat aan die einde van sy loopbaan op staatspensioen moet gaan). Die mense op die grond moet ook verantwoordelikheid leer om die goeie pap wat dit reën op te gaar vir ander tye en om hulle families mee op te hef. Dit gebeur oor generasies.
Met die regering wat ‘n aandeel kry gaan die projekte nie ekonmies lewensvatbaar wees nie – hulle kry reeds hulle deel uit belasting. Dit is waar dit behoort te stop.
“Hy het gewaarsku dat die regering nie ‘n “nagwag” vir kapitaal is nie.
‘n Regering moet omsien na wat die samelewing nodig het en kyk na die
belange van die gemeenskap.”
Ek sien nog waarskuwings …
“…dit is wanneer anargie en verwoesting algemeen word…”
“…daar gaan ‘n opstand teen die bedryf wees…”