Dan Roodt, Author at praag.co.za

Waar is die besware en woede teen de la Rey?

In Saterdag se Beeld is daar net een brief oor Tuks se nuwe rektor – en dit een wat vertel hoe "mooi" sy is!

Ek kan net nie glo dat dit al brief is wat Beeld gekry het nie, maar ek kan glo dat geen briewe van beswaar en woede oor hierdie aanstelling dit sommer in Naspers se publikasies sal maak nie.

Wil Praag nie 'n spesiale afdeling inrig waar briewe oor hierdie saak wat aan Naspers gestuur is maar nie gepubliseer is nie, volledig geplaas kan word?

Dit kan openbarend wees. Daar sal seker van insenders verwag word om te bevestig dat hulle wel die briewe ingestuur het, maar ek glo nie dit sal sommer misbruik word nie.

дровяные печи

UP slaan toe op studente wat graffitimuur verf

UP-sekuriteit slaan toe

Die Pretoria Verkennersjeug het verneem van ‘n boodskap wat op die graffitimuur geverf is, sowel as die gebeure daar rondom. Dit handel oor die aanstelling van die nuwe rektor prof. Cheryl de la Rey.

Ons moet egter nie dat haar van ons valse hoop gee nie. Inteendeel blyk dit dat daar rede tot kommer bestaan oor ondermeer wat die toekoms vir Afrikaans op Tukkies inhou. Ons praat nog nie eens van die vryheid van Afrikanerstudente om hul volkskap met trots uit te leef nie.

Die groep studente wat die verfwerk gedoen het, was skaars klaar toe hulle deur kampussekuriteit gekonfronteer is oor hul verfwerk. Dit is duidelik dat hierdie as ‘n erge misdaad beskou is te oordeel aan die aantal sekuriteitsbeamptes. Tipies van die "geregtigheid" van die NSA.

Die studente het skynbaar nie eers kans gekry om hul boodskap klaar te verf nie.

Die volgende dag is daar nog iets bygeskryf wat meer lig op die boodskap werp. Ons is nie seker of dit deur dieselfde groep studente gedoen is nie.

Die graffitimuur…

Dit blyk duidelik dat die boodskap iets te doen het met die aanstelling van die nuwe rektor. Die mansfiguur wat hardloop tesame met die prentjie wat iets te doen het met oorsee gaan, verwys waarskynlik na prof. Calie Pistorius.

Die vrouefiguur met die sweep, wat oorname deur ‘n vrou simboliseer verwys waarskynlik na prof. de la Rey.

Werner Smook

Voorsitter: Pretoria Verkennersjeug

Лобановский

UP is ‘n swart universiteit

Dan Roodt jy is 100% reg oor afrikaans by UP. Die prof. de la Rey gaan moet soek vir Afrikaanse kursusse wat sy wil beskerm. Ek is 'n tutor by metallurgiese ing. en al van 2002 daar deeltyds betrokke.

Toe porf Sandenbergh in 2002 in 'n vierdejaar klas ingestap het en vir hulle sê ons moet nou begin Engels praat, was die studente verbaas. Na een lesing was alles weer Afrikaans. Vandag word die kursus met Engels as voertaal geadverteer en tussen die 40 eerstejaars, soek jy na wit gesigte.

UP is voorwaar die grootste swart universiteit in die land en die bemarkers was baie geslaagd in hulle transformasie. Maar almal bly tjoepstil oor die patetiese slaagsyfers want die meeste studente wat hier sit met vet beurse gaan nooit anderkant uitkom nie.

Die enigste afrikaans is in M's en D's van die ou tyd ( 1992 en vroeër).

Firefox bereik 1 miljard aflaaie

Mozilla se webblaaier, Firefox het in die vroeë oggendure van Vrydag 31 Julie die 1-miljardaflaaikerf verbygesteek. Nie net is hierdie mylpaal etlike dae voor die voorspelde datum bereik nie, maar dit is ook 'n duidelike teken dat hierdie blaaier diep binne Microsoft se Internet Explorer-mark insny. Die volgende webwerf is geloods om hierdie mylpaal te vier: http://www.onebillionplusyou.com/.

Die 500-miljoenmerk isverlede jaar verbygesteek maar met die vrystelling van Firefox 3.0 en kort daarna 3.5 het hulle die 1-miljardmerk binne slegs 17 maande verbygesteek. Dit is aangehelp deur die bemarkingsveldtog wat daartoe gely het dat meer as 8 miljoen aflaaie in een dag plaasgevind het.

Firefox het die tegnologie van webblaaiers meer gestandardiseer en dit het ook 'n magdom onwikkelings in die mark teweeggebring. Firefox, tesame met die ander kleiner webblaaiers soos Safari en Opera, het getoon dat hulle beter alternatiewe vir Microsoft se weergawe kan bied. Onlangse marknavorsing het getoon dat Firefox nou meer as 22% van die mark oorgeneem het en selfs Safari is sterk op pad om 10% van die mark toe te eien. Die gevolg is dat Microsoft taamlik sterk markaandeel inboet.

Firefox is oopbron en het etlike byvoegings, temas en is ook in meer as 70 tale – waaronder Afrikaans – beskikbaar. Dit werk met Windows, Linux en ook met Apple Mac en kan hier afgelaai word http://www.mozilla.com/en-US/firefox/firefox.html.

Sunbird 1.0

Die alleenstaande kalender program van Mozilla, Sunbird, het ná 5 jaar se ontwikkeling 1.0-status bereik. Dit kan óf as 'n alleenstaande program gebruik word óf dit kan as 'n byvoeging genaamd Lightning op Thunderbird gebruik word.

Tesame met die webblaaier Firefox en hul e-pos program, Thunderbird, word Sunbird as Mozilla se “holy trinity” bestempel.

Gebruikers kan ook hul Google-kalender met Sunbird sinkroniseer wat dan die items op beide die kalenders met mekaar versoen. Ek kon egter nie my Google Tasks met Sunbird sinkroniseer nie en is dan nog aangewese op die handmatige invoer daarvan. Dit bied egter ook nie 'n adresboek nie maar dié sal hopelik binnekort beskikbaar wees. Daar is duidelik nog heelwat werk wat gedoen moet word.

Vir die nuuskieriges onder julle, hier is die skakel om dit te gaan aflaai: http://www.mozilla.org/projects/calendar/sunbird/

Microsoft en Yahoo gaan Google troef

Vandeesweek het ook een van die grootste samewerkingsooreenkomste tussen twee reuse van die internet gesien en dit alles om die soekenjinmastodont Google aan te pak. Microsoft se nuwe soekenjin Bing sal van nou af Yahoo se soekenjin aandryf en Yahoo sal die reklame vir beide hanteer. Yahoo het die laaste paar jaar gesukkel om wins te maak uit dié bedryf waarin Google die grootste rolspeler is.

Microsoft het met die tienjaarkontrak dan ook van hul oorname van Yahoo afstand gedoen en gaan met dié kontrak op die bevordering van hul Bing-soekenjin fokus. Die twee firmas hoop hierdie ooreenkoms gaan meer keuses aan adverteerders bied en die gebruikers gaan ook by hierdie tegnologiese mededinging baat.

Google Tasks beskikbaar

Minder as 'n maand gelede nadat die betafase van Google se gewilde e-posstelsel beëindig is, het Google Labs bekend gemaak dat Google Tasks ook nou ten volle besikbaar is en nie meer net as 'n Labs-funksie nie. Tasks kan nou sowel in Google se kalender as binne Google Mail gebruik word. Die Labs-funksie binne Google Mail is so gewild dat Google ook besluit het om hierdie funksie binne Google Kalender in te bou.

http://gmailblog.blogspot.com/2009/07/tasks-graduates-from-gmail-labs.html

kingdom online gameplay

Nuwe Tuks-rektor sit rasseoorheersing oor Afrikaners voort

Hoewel die bruin bevolking van Suid-Afrika oor die laagste deelname aan tersiêre onderrig beskik, is hul besetting van rektorsposte die hoogste, veral as dit by voorheen Afrikaanse universiteite kom. Met die aanstelling van prof. Cheryl de la Rey as rektor van die UP, beskik vier uit die vyf "histories Afrikaanse universiteite" oor bruin of kleurlingrektore.

Indien enigiemand nog daaroor getwyfel het of daar rassekwotas by die aanstelling van rektore geld, kan hy of sy maar gerus wees: daar ís rassekwotas.

Blykbaar word 97% van alle akademiese publikasies in Suid-Afrika deur blankes geproduseer en meer as die helfte daarvan deur blanke mans. Geen blanke man kwalifiseer egter meer om as rektor van 'n Afrikaanse universiteit aangestel te word nie en veral geen blanke Afrikanerman nie. In dié opsig moet dr. Theuns Eloff van die Noordwes-universiteit seker besef dat hy 'n volslae anomalie binne die "nuwe orde" verteenwoordig en waarskynlik eersdaags op grond van sy ras van sy pos onthef sal word of andersins net nie weer 'n aanstelling sal verkry nie.

Afgesien van Nazi-Duitsland waar Jode nie universiteitsposte mag beklee het nie, is daar geen voorbeeld in die moderne geskiedenis van 'n rassebeleid en veral 'n diskriminerende rassebeleid wat so konsekwent teen 'n bepaalde etniese groep gevoer is soos tans teen Afrikaners geskied nie.

In dié opsig is die grappies wat sowel Beeld as RSG oor die nuwe rektor se van gevoer het, as sou sy 'n "De la Rey wees wat die Tukkies kom lei", in swak smaak en kwetsend vir baie Afrikaners wat nog waarde aan hul geskiedenis en hul helde heg.

Hoewel Cheryl de la Rey 'n van geërf het, het sy reeds tydens haar RSG-onderhoud duidelik gemaak dat sy verkies om Engels te praat en dus van geen Afrikaanse of Boeresentiment verdink kan word nie.

Prof. De la Rey, indien u geen sin vir taaletiket het nie: om op die nasionale Afrikaanse stasie Engels te praat terwyl u kennelik Afrikaans magtig is, sy dit dan vir u 'n tweede of derde taal, verteenwoordig vir ons almal 'n growwe belediging en is in die konteks uiters ongepoets. Dit voorspel niks goeds vir u vrome voornemens om sogenaamde "meertaligheid te bevorder" – wat in die SA konteks al 'n sinoniem vir verengelsing geword het – en om reg aan Afrikaans aan Tukkies te laat geskied nie.

Op sy beste sit die aanstelling van "die swart vrou" Cheryl de la Rey die aftakeling van alles wat Afrikaans is en deur Afrikaners in die land opgebou is, voort, want uit haar houding blyk reeds dat sy die status quo van onafwendbare verengelsing gaan handhaaf. Op sy slegste, het ons hier net nog 'n akademiese voorbeeld van etniese en rasseoorheersing waarmee Afrikaners in dié bose, onregverdige en rassistiese bestel vir lief moet neem.

Ons moet ook onthou dat Cheryl de la Rey 'n lang verbintenis met sowel die Universiteit van Natal as die Universiteit van Kaapstad het, twee universiteite wat reeds dekades lank met 'n volgehoue veldtog van Afrikanerhaat besig is en as't ware die akademiese sentra van die huidige etniese suiweringsveldtog teen Afrikaans en Afrikaners verteenwoordig. Akademici in die algemeen is tropdiere en aartskonformiste. Heel waarskynlik dink Cheryl de la Rey nie veel anders as haar kollegas aan dié twee universiteite nie.

Die Vryheidsfront Plus se jeugtak op die kampus sal daarom dié nuwe rektor met 'n arendsoog moet dophou. Slegs voortgesette waaksaamheid en stryd sal Afrikaans nog hoegenaamd op die kampus laat oorleef. 'n Revolusie sal egter nodig wees om Afrikaans hoegenaamd weer vryheid en gelykheid te gee, dít wat taalgemeenskappe elders ter wêreld as vanselfsprekend aanvaar.

Veral moet Afrikaners nie so naïef wees om te dink dat die mooipraatjies oor "meertaligheid" enigiets anders as voortgesette verengelsing en die verdrukking van Afrikaans beteken nie.

Wil u kommentaar hierop lewer? Gaan na Dan Roodt se woernaal waar 'n kommentaarfunksie beskikbaar is.

bridal tiara headband топкарго отзывы

Polisie in Vishoek onder klippe gesteek

Die polisie moes Donderdag weer rubberkoeëls gebruik om honderde inwoners van Masiphumelele, buite Vishoek in die Wes-Kaap, uitmekaar te jaag. Binnebande is aan die brand gesteek en die polisie is met klippe bestook.

Die inwoners is ontstoke oor 'n gebrek aan behuising. Die skare het glo buite beheer raak toe 'n wyksraadslid van Masiphumelele, Felicity Purchase,die gemeenskap omstreeks 12:30 wou toespreek wat die polisie genoodsaak het om op hulle los te brand.

Honderde inwoners van die lokasie het gister alreeds omstreeks 05:00 die strate ingevaar om te betoog.

Twaalf amokmakers is nog voor Purchase se aankoms weens openbare geweld in hegtenis geneem. Hulle sal Maandag in die Simonstadse landdroshof verskyn.

Purchase het aan Die Burger gesê sy gaan met Dan Plato, burgemeester, vergader om alternatiewe behuising vir die mense te soek.

’n Twaalfjarige kind is in die geweld beseer. Die seun is na die Valsbaaise provinsiale hospitaal gebring.

play casino slots

Tweede grootste Chinese bank sluit ooreenkoms met FirstRand

China Construction Bank (CCB) het Donderdag ’n strategiese samewerkingsooreenkoms met FirstRand gesluit. CCB werk reeds nou saam met Rand Aksepbank, ’n filiaal van die FirstRandgroep, om transaksies te struktureer.

CCB is China se tweede grootste bank in terme van markwaarde. CCB sê samewerking met FirstRand sal waarde toevoeg tot sy huidige Afrikasake.

Die ooreenkoms bied volgens die bestuur talle voordele aan FirstRand om sake meer doelgerig in Afrika uit te brei, omdat CCB se balansstaat se bates van meer as $1 100 miljard FirstRand se $84 miljard verdwerg.

Die klem sal val op oornames en samesmeltingtransaksies in 39 Afrika-lande waar FirstRand tans sake doen.

Die CCB het geen belang in FirstRand opgeneem nie, anders as Standard Bank en die Chinese ICBC-bank. Die ICBC, China se grootste bank, het ’n 20%-aandeelhouer in die Standard Bank-groep.

FirstRand se stap plaas druk op Nedbank en Absa om hulle Afrikastrategie te heroorweeg. Absa se planne om Barclays se Afrikabelange te koop, het gesneuwel, terwyl Nedbank hoofsaaklik op die plaaslkke mark fokus.

лобановский харьков

‘Tukkies nie meer Afrikaanse universiteit’- rektor

Cheryl de la Rey, nuwe rektor van die UP

Die nuwe rektor van die Universiteit van Pretoria, prof. Cheryl de la Rey, het in 'n onderhoud met Radio Sonder Grense verklaar dat Tukkies "nie meer 'n Afrikaanse universiteit nie, maar 'n Suid-Afrikaanse universiteit is".

Dié antwoord het geskied op 'n vraag van die radiojoernalis oor "hoe De la Rey voel om as swart vrou aan die hoof van 'n voormalige wit, Afrikaanse universiteit aangestel te word". Volgens Cheryl de la Rey was haar oupagrootjie 'n "witman" en is sy trots op haar van en op haar "erfenis". Dis ook waarom sy haar nooiensvan behou het en nie haar man se van aangeneem het nie.

Hoewel die nuwe rektor Afrikaans magtig is, het sy op enkele sinsnedes na, verkies om die onderhoud met die nasionale Afrikaanse radiostasie op Engels te voer.

Vrae oor die taalkwessie aan Tukkies het sy met die standaardowerheidsretoriek oor "meertaligheid" beantwoord. "Meertaligheid" sal onder haar bestuur aan Tukkies bevorder word, met die klem nie op Afrikaans nie, maar op Sepedi.

De la Rey het aan die Universiteit van Natal studeer waar sy destyds as kleurling 'n permit vir dié doel moes hê.

Met haar aanstelling, beskik vier uit die vyf voorheen Afrikaanse universiteite oor kleurlingrektore. Slegs die Potchefstroomkampus van die Noordwesuniversiteit het tot dusver aan dié tendens ontkom.

online casino free топкарго кидалы

Zuma verwelkom lasterskikking

President Jacob Zuma het die skikking tussen hom en die Britse koerant The Guardian in ’n Britse hof Dinsdag verwelkom.

Hy het die koerant in April weens laster gedagvaar ná die publikasie van ’n artikel van Simon Jenkins met die opskrif: “Get Used to a Corrupt and Chaotic South Africa. But Don’t Write it Off.”

In die artikel is Zuma se regeringstyl as “geestelik besoedel, administratief chaoties en korrup” beskryf. ’n Anonieme stem is aangehaal wat Zuma as “ ’n misdadiger en verkragter” beskryf het.

Die koerant het Zuma in April om verskoning gevra en gesê hulle is spyt hulle gesuggereer het hy is skuldig aan verkragting. Dit was glo weens ’n redigeerfout.

“Daar was ’n skikking,” het Hayley Dunlop van The Guardian gesê. Sy wou nie die bedrag bekendmaak wat aan Zuma betaal is nie. Zuma het vroeër ’n aanbod van R128 500 (£10 000) verwerp.

“In die saak het The Guardian die basiese beginsels van joernalistiek en media-etiek misken,” het die presidensie gister in ’n verklaring gesê.

“Die president glo vas in mediavryheid omdat hy in die apartheidstryd hard vir vryheid van spraak baklei het.

“Albei partye beskou die saak nou as afgehandel.”.

machine games

Indi? se vlootopbou vorder

Indië gaan oor die volgende dekade 100 oorlogskepe bou in 'n poging om hulle vloot te moderniseer.

Kaptein Alok Bhatnagar, direkteur van vlootbeplanning by Indië se ministerie van verdediging, het Donderdag gesê 32 oorlogskepe en duikbote word tans in die land se skeepswerwe gebou. Werk aan nog 75 vaartuie wat fregatte, amfibiese vaartuie, vliegdekskepe en aanvalsvaartuie insluit, sal oor die volgende 10 jaar onderneem word.

Nieu-Delhi is sensitief daaroor dat hulle agter Beijung is wat hulle vloot betref. China het drie soveel oorlogsvaartuie as Indië en vyf keer soveel personeel. Amptenare is bekommerd oor die feit dat Pakistan en Sri Lanka aan die Chinese hawegebruik toestaan, omdat China daardeur groter beheer oor die Indiese Oseaan en die Arabiese See uitoefen.

Indië het egter een van die mees snelgroeiende vlote in die wêreld en sy vloot met 120 skepe is die vyfde grootste. 'n Kernduikboot wat op 'n Russiese ontwerp gebaseer is, is die naweek te water gelaat. Net 'n paar lande beskik oor die tegniese vaardigheid om só 'n vaartuig te produseer.

Bhatnagar Sê dit is 'n "strategiese noodsaaklikheid" vir Indië om hule eie skeepswerwe te bedryf sodat die buiteland sy land nie "gyselaar hou in tye van krisis" nie.

Sedert die einde van Britse oorheersing 62 jaar gelede, is Indië dank aan Rusland verskuldig vir die opbou van hulle vloot. Volgens Bhatnagar is die prioriteite om energieveiligheid en seeroetes te verseker, en die bedreiging van Moslemfundamentalisme en China se aggressiewe moderniseringsplanne te bekamp.

"China se ambisies in die Indiese Oseaan is baie duidelik," sê hy.

Admiraal Sureesh Mehta, vlootstafhoof, wil graag sien dat 'n eie militêre nywerheid op die been gebring word om tegnologie na die Midde-Ooste en Asië uit te voer.

Maatskappye wat reeds teenwoordig is is Italië se Fincantieri in die ontwerp van 'n vliegdekskip, en Thales, die Franse ingenieursmaatskappy wat 'n skeepswerf naby Chennai gaan oprig. Hulle gaan ook wapenstelsels en stuurstelsels lewer.

'n Wapenkontrakteur in Moembaai het aangedui dat die regering dit oorweeg om direkte buitelandse beleggings in die wapenbedryf te verhoog van 26% na 49%.

China het Donderdag die eerste van vier nuwe fregatte aan Pakistan gelewer wat ook Chinese helikopters insluit.

play crown