Skaal van veediefstal naby Gauteng neem drasties toe

‘n Boer van Vredefort in die Vrystaat het ‘n verlies van derduisende rande gely nadat sowat 31 van sy stoet boerbokke Maandagaand op sy plaas gesteel is.

Voorsitter van die Koepel Veediefstal-inligtingsentrum in Noordwes, Sarel van der Wat, sê dié boer, wat verkies om anoniem te bly, het Dinsdagoggend agtergekom dat 50 bokke, insluitend dragtige ooie, uit ‘n kraal weg is waar die bokke saans aangehou word. Van der Wat sê die booswigte het die diere uit die kraal gejaag na ‘n verlate plek waar hulle altesaam 31 bokke vermoedelik op voertuie gelaai het. Hy sê drade op ‘n naburige plaas is geknip om die bokke deur te jaag na die plek waar hulle gelaai is. Die bokke wat uit die kraal gejaag is, maar nie gelaai is nie, is verwilderd in die veld gekry.

Die afstand wat die gesteelde diere, en in dié geval dragtige ooie, van krale na afgeleë plekke aangejaag word, wissel van 1.5km tot 3km. Die gesteelde diere wat nie op voertuie gelaai word nie, word agtergelaat en is baie verwilderd. Eienaars kry nie die diere gevang nie.

Hy sê dit wil voorkom of bakkies moontlik gebruik is om dié gesteelde boerbokke te vervoer. Van der Wat sê ‘n klag van veediefstal is by die polisie op Vredefort aangemeld. Die polisie het nog nie op OFM-nuus se navraag gereageer nie.

Dié voorval kom nadat altesaam 11 Bonsmara-beeste onlangs in die Potchefstroom-distrik nie ver van Parys in die Vrystaat by die R500 tussen dié dorp en Fochville in Gauteng gevrek het nadat hulle wreed met skerp voorwerpe gekap en lewend geslag is.

Hy meen voorvalle van veediefstal in die Potchefstroom-distrik, nader aan Parys en Vredefort, is aan die toeneem.

Sindikate is vermoedelik betrokke en verkoop of slag die gesteelde diere om die vleis te verkwansel. Voorheen is minder diere op ‘n keer gesteel, hoofsaaklik om vir kos geslag te word. Hy meen veediewe soek geld en nie kos nie. Juis daarom word ‘n groot getal diere nou op ‘n keer gesteel.

In die meeste gevalle is boere se hande afgekap om veediefstal te voorkom, maar hy kan dit nie genoeg beklemtoon dat boere hul vee steeds moet brandmerk nie. Kleiner veeboere kan, indien moontlik, ook hul diere veral saans in krale aanhou. “Wagposte” is ook ‘n moontlikheid.

Hy sê mannekrag bly steeds ‘n kopseer veral in die polisie se spesialis-eenhede. Kwessies soos dié sal op ‘n hoë vlak bespreek moet word en oplossings sal spoedig gekry moet word, want “voedselsekerheid” word negatief geraak.

Van der Wat moedig boere steeds aan om ondanks “sekere uitdagings” – vermoedelik swart onvermoë – steeds klagte by die polisie aan te meld. Dít is belangrik vir misdaadstatistiek-doeleindes.

In nog ‘n voorval vandeesweek is 29 dragtige ooie Dinsdagnag uit ‘n kraal op ‘n ander plaas by die R500 tussen Parys en Fochville in Gauteng, in dieselfde distrik waar die Bonsmara-beeste lewend geslag is, gesteel.

Die skape is ook uit ‘n kraal naby aan die boer, wat ook nie sy naam genoem wil hê nie, se plaashuis gejaag. Die skape, waaronder ook dragtige ooie, is na ‘n afgeleë plek aangejaag waar die booswigte die gesteelde diere vermoedelik op ‘n bakkie of selfs twee bakkies gelaai het, sê Van der Wat.

Dié boer het ‘n klag van veediefstal by die Buffelshoek-polisiekantoor aangemeld.

Bron: OFM Nuus

Buitelanders in Coligny kom agter hulle is ook in die spervuur

Die situasie in Coligny in Noordwes, wat geteister word deur gewelddadige betogings, bly op ‘n mespunt.

Die polisie is steeds in die gebied ontplooi, aangesien dit binne oomblikke kan verander. Dit is volgens polisiewoordvoerder, Sabata Mokgwabone, en volg nadat geweld Woensdag weer uitgebreek het ná afloop van ‘n besoek deur die Noordwes LUR vir Openbare Veiligheid, Mpho Motlhabane, en die Ditsobotla-munisipaliteit se burgemeester, Lesego Holele.

Hulle het ook met leiers van sowel die boere- as die plaaslike gemeenskap vergader oor die “rassisme” in die gebied. Rassegeweld het Maandag in die dorp opgevlam nadat Pieter Doorewaard en Philip Schutte, wat teregstaan op versinde aanklagte van moord op die sestienjarige Matlhomola Mosweu, borgtog van R5000 elk ontvang het. Hulle sal weer op 26 Mei in die hof verskyn.

Mokgwabone sê die N14 tussen Ventersdorp en Lichtenburg is tans oop vir verkeer, maar dat motoriste egter steeds waaksaam moet bly indien hulle deur die area ry.

Verskeie huise is al geplunder en voertuie, waaronder drie vragmotors, is aan die brand gesteek. Die oorsaak van Matlhomola Mosweu se dood is nie bekend nie, maar die hoofstroommedia berig dat die twee wit boere “moord” gepleeg het.

Mosweu is Sondag by die Scotland-lokasie in Coligny begrawe waar Noordwes se Premier, Supra Mahumapelo, sowel as ander afgevaardigdes, die begrafnisgangers teen Afrikaners opgesweep het.

Maar ten minste 30 winkels in besit van buitelanders is sedert die uitbreek van rassegeweld in Coligny geplunder, het ‘n plaaslike sakeman Woensdag gesê.

“Ek het niks oor nie, hulle het alles in my winkel gesteel, hulle het selfs die koppies wat ek gebruik het om water te drink,” het Mahammed Rubel gesê.

“Dit is hartverskeurend om te sien dat jou buurman jou winkel plunder. Hulle het alles gevat, insluitende my klere. Mense het nie genade nie, jy gee hulle krediet en help hulle, maar hulle plunder jou winkel. Mense wat jy ken … ”

Rubel is een van 30 Bangladesjse handelaars wat winkels in Tlhabologang besit. Hy het gesê dat Bangladesjse sake-eienaars voorraad verloor het wat meer as R700 000 werd was.

“Ons weet nie of ons van hierdie groot verlies kan herstel nie, ons het nie ‘n manier om weer te begin nie. Ons is afhanklik van donasies van kos tot klere. Ons het nêrens om te gaan nie. Ons bly nou by die moskee en hoop ons broers in Johannesburg sal ons help.”

Motor wat in huis vasjaag dood bejaarde vrou

Die polisie op Postmasburg in die Noord-Kaap ondersoek ‘n klag van strafbare manslag nadat ‘n bejaarde vrou Woensdagaand in haar huis dood is toe ‘n motor teen ‘n buitemuur van haar huis vasgery het.

Polisiewoordvoerder, Sergio Kock, sê Martha Johanna Geldenhuys is op die toneel dood verklaar. Hy sê die bestuurder van die motor het vermoedelik in die straat buite die huis beheer daaroor verloor.

Die motor het eers ‘n boom getref, waarna dit deur die heining van die erf is en teen ‘n buitemuur van die sitkamer, waarin Geldenhuys was, vasgery het. Kock sê vensterrame en ander puin van die muur het vermoedelik op haar geval. ‘n Nadoodse ondersoek sal gedoen word om die oorsaak van Geldenhuys se dood te bepaal.

Netcare 911 se woordvoerder, Chris Botha, het vroeër gesê ‘n roomkleurige ouer model Mercedes-Benz het na bewering nie by ‘n T-aansluiting gestop nie.

Volgens hom het paramedici omstreeks 18:45 hulp verleen nadat hulle na ‘n huis in Tuinstraat ontbied is. Die motor het vermoedelik deur ‘n heining van die erf gery en Geldenhuys, wat volgens hulle op haar voorstoep was, getref, het Botha gesê.

Met hul aankoms op die toneel het paramedici Geldenhuys ondersoek, maar die vrou wat vermoedelik in haar sewentigs was, het reeds aan haar beserings beswyk. Dit het vir hulle voorgekom of die motor eers vir Geldenhuys getref het en toe teen ‘n muur van die huis vasgery het.

Geldenhuys se erg getraumatiseerde man was in hul huis, het Botha gesê. Hy is nie in die voorval beseer nie.

Volgens Botha het die motorbestuurder ligte beserings opgedoen, maar is nie na ‘n hospitaal gebring nie. Daar was glo twee ander insittendes in die motor, maar hulle het na bewering weggehardloop.

Bron: OFM Nuus

Suide van Johanneburg, Brits, Kaapstad gebuk onder onluste

Geweld oor gebrekkige dienslewering en behuising het weer opgevlam in Ennerdale in die suide van Johannesburg. Volgens berigte word voertuie met klippe bestook.

Gewelddadige oproer kom sedert verlede week in Eldoradopark, Freedom Park, Kliptown, Lenasia, Ennerdale en Finetown voor. Verskeie winkels is geplunder. Die polisie het meer as 50 mense in hegtenis geneem op aanklagte van openbare geweld.

Niemand is nog in hegtenis geneem nadat ‘n bus gistermiddag by Bapong naby Brits in Noordwes aan die brand gesteek is nie. Die polisie sê die brandstigting het tydens ‘n betoging oor werksgeleenthede by die Lonmin-myn plaasgevind.

‘n Polisiewoordvoerder, Mpeile Talane, sê niemand is in die voorval beseer nie. Die ondersoek duur voort.

In Kaapstad, het die Kaapstadse metroraad gesê geweld en intimidasie sal hom nie laat afsien van ‘n diensleweringsprojek wat vir inwoners van Tamboplein in Gugulethu op die Kaapse Vlakte bestem is nie.

Inwoners van ‘n ander gebied het vroeër die strate ingevaar en buitebande aan die brand gesteek uit protes teen die opgradering van Tamboplein. Hulle wil hê die grond moet vir ontspanningsdoeleindes gebruik word.

‘n Burgemeesterskomiteelid, Siyabula Mamkeli, sê hulle sal nie geïntimideer word om die projek te skrap nie.

Mamkeli sê die polisie is by die situasie betrek omdat die inwoners misdadig optree. Hy het dit benadruk dat hulle nie kan toegee aan ongrondwetlike eise nie.

In Durban, gaan die ANC met massa-optrede begin omdat die party in KwaZulu-Natal meen die howe maak inbreuk op die skeiding van magte.

Die ANC se provinsiale sekretaris, Super Zuma, sê hulle sal die strate van Durban invaar en betoog teen de regbank.

Hy sê opposisiepartye misbruik die regbank en sekere instellings praat asof hulle die land regeer. Zuma voer aan dat die kiesers reeds in 2014 hulle keuse gemaak het toe hulle vir die ANC en President Jacob Zuma gestem het.

Hy sê die ANC wil nie hê die howe moet die swart stem in die land ondermyn nie.

Dan Roodt: Hoe Afrikaners sonder ‘n skoot die land kan terugvat

Die huidige toestande in die land en in die wêreld daarbuite maak my baie opgewonde. Die tyd is nou amper ryp om Suid-Afrika terug te vat sonder om ‘n skoot te skiet, presies soos wat die ANC-SAKP dit in 1994 gedoen het! Goed-goed, hulle het heelwat geweld in aanloop tot die 1994-verkiesing gepleeg, waaronder die 200 gevalle van terreur, maar uiteindelik was daar geen militêre konfrontasie met die NP-bewind nie, bloot die verkrummeling van laasgenoemde tydens hul sogenaamde “oorgawe sonder neerlaag” soos Hermann Giliomee dit genoem het.

In judo en ander vorme van gevegskuns is daar ‘n tegniek om jou opponent se momentum te gebruik om hom te laat val of seer te maak. Dis presies wat ons tans behoort te doen.

Ongelukkig is die massa Afrikaners so gebreinspoel deur die media dat hulle geen idee meer het wie die opponent of die vyand is nie, maar dit maak ook nie so erg saak nie; solank ‘n minderheid van ons wel ingelig is en strategies kan dink.

Wie is ons vyande? Ten eerste natuurlik die ANC-SAKP en EFF, noem hulle maar die Afro-Marxiste. Maar daar is ook die Engelse liberale wat in die DA en ander organisasies saamgegroepeer is en tans in ‘n verbete stryd met die ANC verkeer. Omdat hulle, anders as die ANC, nie werklik oor getalle beskik nie, wil hulle die ekonomie en veral ons geldeenheid, die rand, gebruik om die ANC onder druk te plaas. Dit is waaroor die gedoe oor Pravin Gordhan, Malusi Gigaba en die ministerie van finansies gaan.

Ons sien dus dat hier twee sterk neigings is: die ANC/EFF wat toenemend antiblanke geweld gaan gebruik, waaronder die onteiening van grond, en die Engelse liberale groepering wat ekonomiese afpersing wil toepas om die mag oor te neem. Die twee vul mekaar natuurlik aan om een afwaartse spiraal vir die land te vorm, want hoe meer geweld die ANC/EFF en hul ondersteuners pleeg soos by Coligny, Eldoradopark en elders, hoe meer gaan die rand daal en die ekonomie daaronder ly.

Ons moenie die “Nuwe Suid-Afrika” wat val, probeer red nie. Laat hom val, en gee hom ‘n stamp of skop in die rug dat hy vinniger en harder val. Maniere hoe ons daartoe kan bydra, is die volgende:

  • Hou enige spaargeld of kontant in buitelandse geldeenhede aan (sommige plaaslike banke bied reeds valutarekenings aan wat mens naas jou randrekening kan bedryf).
  • Versprei al die negatiewe nuus oor Suid-Afrika wyd en syd in die buiteland (nes die ANC-SAKP in die tagtigerjare gedoen het).
  • Werk saam met regse groepe in die VSA en Europa om die negatiewe nuus te versprei en sodoende beleggersvertroue in die land verder te ondermyn.
  • Begin ‘n internasionale “Boikot Suid-Afrika”-veldtog (nes die anti-apartheidsbeweging destyds gedoen het). Sekere internasionale maatskappye kan gevra word om die land te verlaat, anders gaan al die regse Europeërs, asook Trump-ondersteuners in Amerika, hulle in die buiteland begin boikot.

Die gevolg hiervan sal wees dat die ekonomie inkrimp, werkloosheid styg en die spontane geweld wat reeds deur die swart massa gepleeg word, toeneem. Enige apatiese liberale Afrikaner wat nog nie “wakker” is nie, sal wel uit sy slaapwandeling ontwaak sodra hulle sy huis of motor begin brand soos op Coligny en ander plekke reeds gebeur.

Intussen sal ons noodgedwonge ons teen die geweld en wanorde moet beskerm. ‘n Vorm van diensplig sal weer ingestel moet word sodat ons ons woonbuurte en dorpe kan patrolleer en aanvalle die hoof kan bied.

Al stuit dit ons teen die bors, moet ons egter niks doen om die breër chaos en agteruitgang in die land te keer nie. Laat hom val, nog vinniger as wat Zimbabwe in die vroeë 2000’s in duie gestort het. Op ‘n gegewe oomblik en afhangend van omstandighede, kan ons dan toetree en dele van die land, of dalk die hele Suid-Afrika — afhangend van wat ons pas — stabiliseer en ‘n soort tussentydse Afrikanerregering saamstel. Dis egter belangrik om te besef dat ons nie met enige van die ander groepe, wat ons historiese vyande is en nog nooit iets goeds vir ons in die oog gehad het nie, moet saamwerk nie. Ons moet ook weier om deel te wees van enige onderhandelings of pogings vanuit die buiteland om die situasie te beredder.

“Demokrasie” of Afro-Marxisme of wat jy ook al die sirkus wil noem wat hom tans afspeel, het misluk. Die mislukking is permanent, nes in Zimbabwe. Ons moet dit afskryf as ‘n slegte eksperiment en nooit weer daarheen terugkeer nie. ‘n Groot deel van die huidige parasitiese heersersklas moet uit die land verban word, soos dit was. Laat hulle Zimbabwe toe gaan, of Kuba, of Venezuela of watter plek hulle ook al verkies.

Die stedelike Engelse sal in groot getalle emigreer soos wat die ekonomiese pyn begin toeneem. Dis die ironie: die 1994-revolusie wat deur die Engelse media en elite gelei is, gaan hulle self vernietig. Waarskynlik ook die Indiërs wat in ‘n hoë mate deel van Engelse Suid-Afrika is. ‘n Mens noem dit ‘n “Phyrriese oorwinning”; dit is wat 1994 vir hulle was.

Al wat gaan oorbly, is so twee miljoen Afrikanerpioniers en onderling vegtende swart stamme wat honger ly. Suid-Afrika gaan sodoende terugkeer tot dít wat dit in die negentiende eeu was, hoewel die internet nog hier en daar sal werk.

Van daar af sal ons weer van nuuts af aan kan begin bou. Enige poging om egter die huidige inploffing te probeer keer, is nie net tot mislukking gedoem nie, maar druis wesentlik téén ons eie belang in.

Ons belang is om die land of daardie dele waaraan ons waarde heg, terug te neem. Dis al wat tel. Intussen moet ons al ons energie daarop fokus om ons te beskerm en te versterk, waaronder veral ons taal, kultuur en identiteit. Terwyl die res in die strate onluste pleeg of mekaar doodmaak, moet ons musiek speel, boeke skryf en oplet dat die hekke dig gesluit is en elkeen stiptelik sy wagstaanbeurt nakom.

Brief: Wil tot mag, of wil tot selfmoord?

Ons moet kies.

Ek vermoed sekere van ons mense sal die eerste deel van die titel lees en dadelik afgesit word. Dit is jammer. Ek het al gemerk dat wanneer ek voorstel dat die oplossing vir die probleem wat ons as Afrikaners in die gesig staar is om politikie mag terug te wen, mense negatief reageer.

Hoekom is ons só ‘n afkeer daaraan om te streef vir iets wat ons vir amper ‘n halwe eeu lank gehad het, en toe in 1992 prys gegee het? Iets waarvoor ons voorvaders bereid was om hulle lewens te gee in 1899, onder omstandighede wat seker meer ongunstig was as dié wat ons vandag beleef.

Wat het intussen gebeur?

Hoekom het die meerderheid van die burgers in die twee Boererepublieke in 1899 besluit om die krygsplig op te neem vir hulle politieke onafhanklikheid; maar een eeu later, het die meerderheid besluit om te stem vir selfmoord?

Dié van ons mense wie se breine al pap gebid is, sal waarskynlik sê dat dit is omdat ons afvallig geraak het van God. Miskien. Maar tog het ons in albei gevalle verloor. Ons het verloor toe ons vroom was én ons het verloor toe ons afvallig was. Sulke redenasies is vir my een dimensioneel en pateties, en staan oop vir allerlei teenstellings van ander volke in die laaste eeu alleen, om nie eens om te praat van die wyer geskiedenis nie.

Vox Day, skrywer van The Irrational Atheist, SJWs Always Lie, en Cuckservative: How “Conservatives” Betrayed America, het die saak onlangs in sy blog vir my op ‘n goeie manier gestel:

“Jesus saves souls. He doesn’t save nations. If men want to save their nations, or their civilization, I expect they’ll have to do it on their own.”

Leon Lemmer het al meer as ‘n paar keer geskryf oor die ondergang van die Afrikaners, daar is nie veel om daarby te voeg nie. Hoekom ons nog nie ‘n totale omwenteling hier gehad het nie, veral in die 90’s toe ons nog in ‘n relatiewe sterk posisie was om dit te doen, gaan my verstand te bowe. Dít van die volk waaroor ‘n Engelsman, Anthony Jacob in sy boek White Man, Think Again! geskryf het:

“Furthermore South African political leaders – who have always been Afrikaners – have to be on their toes all the time because, as the national history shows, the moment they show signs of faltering they are rejected by their people. As a Voortrekker woman expressed it over a hundred years ago, ‘If our leaders grow tired and tearful, the Nation will take over.’ ”

Wat het met ons gebeur? Waar het daardie gees en ywer wat altyd die Afrikaner gekenmerk het heengegaan? Iets wat die jonger geslagte slegs van kan lees. Hoekom is ons toekoms weggegee vir die erkenning en goedkeuring van die massas, en vir ‘n kans om teen bruin mense sport te speel; wat ons nou in elk geval ook besig is om te verloor!

Ons erfporsie – wat ‘n gemors.

Maar tog, ons generasie het nou die kans om ons te bewys. Dit lê nou voor ons voete. Die kans vir strewe en heldedom wat ek nie dink al ooit so groot was in ons ras se geskiedenis nie. Uit óns kan legendes gemaak word! As ons suksesvol is, sal dit soos ‘n weerligstraal deur die wêreld weergalm, van Suid-Afrika tot Swede, ons broers en susters in Europa sal moed kry wat ek nog nie dink hulle het nie.

Jeug van Suid-Afrika: die toekoms is Regs en Blank.

As jy enigsins belang stel in die toekoms, en jou volk se plek daar in, moet hierdie jou gedagtes elke dag in beslag neem soos ‘n virus. Jy moet aan niks anders kan dink nie, want niks anders is belangrik nie. Die samelewing waaraan jy gewoond is, of wat jy dink jy sal kan kry deur net ‘n paar emigrasiebriewe in te vul, is besig om dood te gaan. Miskien kom jy uit, na Australië of Nieu-Seeland, of Amerika of Kanada, maar jy sal nie hierdie stryd ontsnap nie. Dit is werklik internasionaal.

Die uur is baie laat en die nood is groot.

Ons moet kies:
Gee toe,
Veg,
of Vlug.

— Pierre Fouché, jeugleier, Nasionale Konserwatiewe Party

Histerie oor ‘geweld’ van ‘Nazi-plakkate’ by Stellenbosch

Die SR van die Universiteit van Stellenbosch sê toesigkamerastelsels sal gebruik word om die dader wat “New Right”-plakkate wat oral op die hoofkampus geplaas is, op te spoor en te identifiseer.

Volgens die Studenteraad is “geweld” gepleeg deur die daders.

Die plakkate, met die naam “The Anglo Afrikaner Student” en die slagspreuk “Fight for Stellenbosch”, het Donderdag ‘n vergadering by ‘n universiteitslokaal geadverteer wat ‘n organisasie genaamd The New Right verteenwoordig.

Die SR het gesê hulle is eers Dinsdag bewus gemaak van die plakkate.

“Hierdie plakkate, wat gebruik maak van die propaganda-beelde en uitsluitingstaal van die Nazi-era, moedig haatspraak aan en ondersteun die teenproduktiewe waardes van rassemeerderwaardigheid en geweld,” het die voorsitter, Nomzamo Ntombela, sonder ironie gesê.

Wat Ntombela van Nazi’s weet, moet gevaarlik wees. Dit vorm nie deel van Afrikakultuur nie.

Die plakkate is op kampus opgesit sonder die kennis of toestemming van die universiteit, die biblioteek of die SR.

Die plakkate is ook by die Universiteit se Gelykheidseenheid aangemeld.

Ntombela het gesê die universiteit ondersoek tans die saak en as SR sal hulle verseker dat die betrokkenes aanspreeklik gehou word vir die dissiplinêre kode van die instelling en die land se Handves van Regte.

“Hierdie diskriminerende dade sal nie deur die VSR geduld word nie, en ons roep elke student op om saam te staan ​​om hierdie daad van rassisme en geweld te veroordeel, wat so sterk teen die visie en bestaan ​​van ons studenteliggaam en -inrigting stry.”

ANC se Coligny-forum gaan ‘rassime’ ondersoek; swart skole bly gesluit

Pogings om die situasie in Coligny in Noordwes te normaliseer het tydens ‘n vergadering tussen inwoners en afgevaardigdes van die regering nie veel belofte opgelewer nie.

Dit is nie verbasend nie aangesien die media voorgee dat die rassegeweld teen wittes met ‘n rede plaasvind. Terwyl daar hoegenaamd geen bewyse bestaan nie, hou die media soos Eyewitness News vol dat die swart tiener “vermoor” is.

‘n Vroeëre voorstel deur ‘n provinsiale regeringsafvaardiging dat swart leerlinge terugkeer skool toe, is geweier.

Dit het tot hernieude oproer Dinsdagaand in die Tlhabologang-lokasie gelei toe die polisie en inwoners met mekaar slaags geraak het.

Voertuie op die N14 tussen Coligny in Ventersdorp is met klippe bestook en ‘n polisievoertuig is beskadig.

Swart inwoners hoop om ‘n rasseoorlog te ontketen omdat twee wit verdagtes, wat op valse aanklagte verskyn het wat verband hou met die dood van ‘n swart tiener twee weke gelede, borgtog gekry het.

Die staat het nog nie die nadoodse ondersoek voltooi nie, maar ten spyte daarvan het die media en die ANC reeds besluit dat die tiener deur die twee wit mans gedood is.

Wit inwoners was verstaanbaar ontsteld omdat swart joernaliste al laggend die onlusmakers gevolg het wat petrolbom-aanvalle op huise geloods het, iets wat kennelik op voorkennis van die rassegeweld teen wittes dui.

Voorts probeer die hoofstroomberigte feite oor die verhoor toesmeer en bied die geweld aan asof die twee wittes skuldig is.

Die sogenaamde getuie wat “alles gesien het” het nog geen enkele mens by ‘n uitkenningspaprade uitgewys nie en dit is nie duidelik of hy eers ‘n beskrywing van die tiener kan gee nie.

Die hoofstroommedia, die minister van polisie, Fikile Mbalula en Sanef teem nou oor ‘n gebrek aan “persvryheid” en “aanvalle op die media” nadat hulle deur van die eienaars weggewys is.

Die dienslewering in die gebied is beroerd met die munisipaliteit wat water moet aanry aan meer as tweederdes van loksaie-inwoners. Die rassegeweld teen wittes is ‘n maklike manier om ‘n gebrek aan dienslewering en xenofobie deur die patetiese swart regering weg te steek.

Mpho Motlhabane, die LUR van Openbare Veiligheid van Noordwes, sê die regering het ‘n forum op die been gebring “wat sal kyk na rassisme in Coligny”.

Die LUR het ewe vroom aan swart inwoners gesê dit sal “versoening, genesing en hernuwing” verseker sodat dat “almal se regte” in die gemeenskap “beskerm” word, maar hy het uit die staanspoor die “wit rassiste” aangekla.

Na Noordwes-premier se aanhitsing brand skare vier wit Coligny-huise af

Die swart aktiviste-organisasie Sanco het glo dokumente ingedien om te vra dat die besluit van die landdros van Coligny om borgtog aan Pieter Doorewaard en Philip Schutte toe te staan, in hersiening geneem word.

Geweld het opnuut in Coligny in Noordwes uitgebreek toe ‘n huis op die plaas Rietvlei aan die brand gesteek is. Die chaos het uitgebreek nadat borgtog aan die twee wit mans toegestaan is. Intussen is altesaam vier huise afgebrand.

Die hof se besluit om borgtog toe te staan, is gegrond op gesonde regsbeginsels, sê Michal Groenewald, leier van die VF Plus in Noordwes. Hy sê Premier Supra Mahumapelo moet ophou om verdere rassistiese opmerkings teen wittes te maak.

Volgens berigte in die media het Mahumapelo by die swart tiener se begrafnis gesê hy is gedood “deur die hande van wit mense”. Hy het ook gesê dat die mense “deur wie se hande” die seun gedood is, is “Afrikaners van Coligny”.

As Mahumapelo voortgaan met sulke stellings, kan dit die swart skares tot verdere geweld aanmoedig. Die Premier moet verantwoordelikheid neem as enige gewelddadige protes weer as gevolg van sy aanhitsings uitbreek, het Groenewald gesê.

“Wanneer wit mense deur swartmense vermoor word, is dit gewone misdaad. Wanneer die situasie andersom is, noem die ANC dit rassisme. Dit is onaanvaarbaar.

“Mahumapelo is welkom om ons te vertel hoeveel begrafnisdienste van vermoorde wit boere in die provinsie hy al bygewoon het en wat hy daaroor gesê het.”

Volgens berigte behoort geen van die huise wat afgebrand is aan die twee beskuldigdes nie. Hulle is borgtog van vyfduisend rand elk toegestaan.

Die oproeriges het daarna die strate van die dorp ingevaar. Die EFF het Maandag op Twitter ondersteuners aangemoedig om wit boere te gaan aanval.

Joernaliste wat eiendom betree het sonder toestemming, is deur van die boere gewaarsku om die gebied te verlaat en nie foto’s te neem nie. Sanef het die wit boere veroordeel wat op hul privaatheid aangedring het, asof wit boere geen reg daarop het nie.

Landdros Makgaola Foso het vroeër in sy uitspraak gesê die borgtogaansoek was ‘n moeilike proses omdat verskeie belange opgeweeg moes word, soos geregtigheid, persoonlike vryheid, én die publieke belang.

Doorewaard en Schutte word van ‘n swart tiener se dood beskuldig omdat hulle hom glo van ‘n bakkie sou afgestoot het, terwyl die vermeende swart dief self van die bewegende voertuig afgespring het.

Die twee mans staan tereg op aanklagte van moord ná die dood van die 17-jarige Matlhomola Mosweu, maar ontken skuld.

Die sekretaris van Sanco in Noordwes, Packet Seaketso, sê die landddros was bevooroordeeld met sy borgtoguitspraak. Volgens Seaketso is die belange van die gemeenskap nie in aanmerking geneem nie.

Hy het ook die landdros daarvan beskuldig dat hy Vrydag die verdediging se regspan leiding gegee het oor wat hulle in die hof moet sê.

Die president van AgriSA, Johannes Möller, sê mense wat die reg in eie hande neem omdat hulle ontevrede is oor hofverrigtinge, moet aanspreeklik gehou word. Möller het die polisie gevra om beskerming aan die landbougemeenskap te verleen.

Hy sê dié tipe geweld kan geen probleme oplos nie en tot ‘n veiligheidskatastrofe lei indien die polisie en leiers in die gemeenskap nie optree nie.

Möller sê ook indien die twee verdagtes skuldig bevind word, moet hulle die gevolge van hulle dade dra.

Die waarnemende Nasionale Polisiekommissaris, Khomotso Phahlane, het die VF Plus die versekering gegee dat die polisie met versterkings sal ingryp om die plofbare situasie en hernieude geweld in Coligny te kalmeer, sê dr. Pieter Groenewald, leier van die VF Plus. Maar ten spyte van die versekerings is eiendom vernietig en gisternag het groepe swartes van plaas na plaas beweeg om wit huise aan te val.

Op die Putfontein-pad is voertuie aangeval en aan die brand gesteek, volgens onbevestigde berigte.

Van die huise wat afgebrand is, behoort aan dr. Rabie Barnard, ‘n mediese dokter wat bekend is vir die onbaatsugtige werk wat hy onder al die gemeenskappe van die gebied doen, en die ander aan ‘n boer, mnr. Henk Keyser, wat op ‘n plaas naby die dorp woon.

Dr. Groenewald is glo in direkte kontak met Phahlane en die kommissaris het hom verseker dat versterkings en ‘n helikopter na die gebied ontplooi sal word.

“Ek is ook in direkte kontak met die polisie generaal in beheer van bedrywighede in die omgewing wat my op hoogte hou van die nuutste ontwikkelinge.

“Die VF Plus doen ‘n beroep op alle politici, en veral dié van die ANC, om hul volgelinge te vertel om die oppergesag van die reg te respekteer en nie rassistiese of populistiese stellings te maak soos die Noordwes se premier Supra Mahumapelo by die begrafnis van die seun gedoen het nie.

“Die situasie is uiters plofbaar, en die VF Plus wil weer daarop wys dat ‘n gemeenskap die reg het om hom te verdedig en sy eiendom te beskerm, en dit moet deur almal gerespekteer word,” sê dr. Groenewald.

Die polisie in Noordwes het inwoners van Coligny gewaarsku dat mense wat eiendom afbrand, vervolg sal word, maar ‘n polisiewoordvoerder, Sabata Mokgwabaone, sê egter niemand is nog in hegtenis geneem nie.

Hy sê die polisie het hul hande vol om die groot groepe mense in bedwang te hou en sodra hulle die inwoners op een plek onder beheer het, breek geweld op ‘n ander plek uit. Mokgwabanone sê daar was geen berigte van enige beserings nie.

Intussen is die oorsaak van ‘n brand wat Maandag in ‘n oop stuk veld langs ‘n polisiekantoor in Jan Hofmeyrweg, Welkom uitgebreek het, steeds onbekend.

Francois Klaassen, van die Matjhabeng-munisipaliteit se brandweerdiens, sê hulle is omstreeks 14:00 ontbied. Hy sê met hul aankoms het die vlamme vinnig versprei na ‘n omheinde terrein van die polisie waar van hul voertuie en ander motors wat geskud is of in ongelukke betrokke was, gestaan het.

Vrystaat polisiewoordvoerder, Motantsi Makhele, sê van dié voertuie het aan die brand geslaan. Daar is motors wat ontplof het en selfs uitgebrand het. Makhele sê 37 voertuie van die polisie, wat nie meer in gebruik is nie of in ongelukke betrokke was, het vlam gevat.

Daar word nou gewag vir die polisie se forensiese ondersoek se uitslag. Makhele het verder gesê daar kan nie bespiegel word oor die oorsaak van die brand of die presiese omvang van die skade nie. Dit sal eers later bepaal word.

Borgaansoek-uitspraak van Coligny-boere vandag verwag

Uitspraak word vandag verwag in die borgaansoek van twee wit boere wat van moord op ‘n tienerseun van Coligny in Noordwes aangekla word.

Die swart gemeenskap wat klaarblyklik nie tussen oorsaak en gevolg kan onderskei nie, het die hotel op die dorp afgebrand om druk op die owerhede te plaas om die twee wittes skuldig te bevind.

Pieter Doorewaard en Philip Schutte word beskuldig van die moord op die 17-jarige Matlhomola Mosweu, wat tot gewelddadige betogings en brandstigting in Coligny gely het.

Die twee sê hulle het Mosweu gevang nadat hulle hom en nog ’n seun in hul werkgewer se sonneblomland gesien het. Die ander swarte het glo weggehardloop.

Die twee sê die swart tiener het van hul bewegende bakkie afgespring. Die staat het met ‘n dranksugtige getuie vorendag gekom wat beweer die beskuldigdes het Mosweu “ontvoer, met ’n vuurwapen gedreig en van die bakkie afgegooi”.

Doorewaard en Schutte staan tereg op aanklagte van moord, ontvoering en regsverydeling.

Intussen het die premier van Noordwes, Supra Mahumapelo, en die LUR vir onderwys, Sello Lehari, Sondag Mosweu se begrafnisdiens saam met vriende, familie en hooggeplaastes bygewoon. In plaas daarvan om die gemeenskap te kalmeer, het hulle olie op die vuur gegooi.

Mahumapelo het gesê die hof moet kyk hoe Mosweu dood is. Hy het ook gewaarsku dat as “geregtigheid” nie geskied nie, sal die gemeenskap aanhou onluste pleeg.

Sy woordvoerder, Brian Setswambung, sê die premier vra die gemeenskap om te wag vir die hof se beluit of borg toegeken sal word.

Pa se waarskuwingskote red jong meisie van swart aanvallers

‘n Jong sekretaresse van Heilbron in die Vrystaat is dankbaar sy leef nadat gewapende swart aanvallers haar verlede Dinsdag oorrompel en beroof het.

Tammie Watson sê dit was ‘n nagmerrie-ervaring. Sy het omstreeks 19:15 by die huis aangekom. ‘n Gewapende swartman het op haar afgepeil nadat sy uit haar motor geklim het. Sy het geskreeu. Hy het ‘n vuurwapen teen haar gesig gedruk en haar mond toegedruk.

Hy wou weet hoeveel geld en hoeveel mense in die huis is. Hy en nog ‘n gewapende man wou Watson die huis in dwing. Sy sê ‘n derde swarte het by die hek gewag en nog ‘n swarte het in ‘n motor gesit.

Sy sê dit is dieselfde motor wat vroeër die middag voor haar gery het. Watson se pa het deur ‘n skuifdeur van die huis gesien wat gebeur. Sy het vir hom geskree om nie uit te kom nie. Hy het die skuifdeur vinnig gesluit, sy vuurwapen gaan haal en ‘n waarskuwingskoot vanuit sy slaapkamervenster afgevuur.

Al wat deur haar gedagtes gegaan het, is dat hulle haar gaan skiet. “Toe hulle my pa sien, het ek hulle gevra om nie my pa te skiet nie.”

Sy sê ná haar pa se eerste waarskuwingskoot het een van die gewapende mans se fokus verskuif na haar pa toe wat aan die anderkant van die skuifdeur in die huis was. Hy het na haar pa gemik. Sy sê die ander gewapende man het haar van agter om haar nek gegryp.

Sy het gedink die rowers het haar geskiet toe sy haar pa se waarskuwingskoot hoor, maar “toe kyk ek en sien ek staan nog”. Sy was lam van die skok. Watson sê haar kat was by haar voete terwyl die mans haar gedreig het en die huis wou in dwing. Hulle het haar kat geskop en wou ook hul honde skiet wat een van die aanvallers wou aanval.

Watson sê hulle het haar in hul motor probeer dwing waarna haar pa weer ‘n waarskuwingskoot afgevuur het. Hulle het geskrik, haar selfoon gegryp, haar op die sypaadjie neergegooi en weggejaag. Sy het die voorval by die polisie op Heilbron aangemeld.

Volgens Watson is dit slegs genade van Bo dat alles uitgewerk het en dat sy en haar geliefdes nie ernstig beseer of doodgemaak is nie. Sy is nog erg getraumatiseerd en sukkel steeds om snags te slaap. “Dit is vir my ‘n nagmerrie.”

Sy sê ‘n mens verwag nie dat aanvalle van dié aard op klein plattelandse dorpies gebeur nie en wil mense graag waarsku dat gewapende rooftogte by huise op kleiner dorpies in landelike gebiede ‘n werklikheid is.

Bron: OFM Nuus

Zuma moet koes vir woedende skare in Limpopo

President Zuma se verskyning by beplande saamtrek met inwoners van Vuwani in Limpopo, moes afgelas word, nadat die president besluit het om weg te bly van ‘n vyandige skare wat hom ingewag het.

Die Presidensie sê die teenkanting van die skare teen die president, was nie verteenwoordigend van die hele gemeenskap nie, want net ontevredenes oor die nuwe munisipale afbakening was by die byeenkoms.

Die Presidensie het ‘n verklaring uitgereik nadat Zuma daarteen besluit het om oproerige inwoners van Vuwani te gaan toespreek.

Hulle sê die saamtrek was nie verteenwoordigend van almal nie, omdat die bywoning meestal bestaan het uit diegene wat gekant is teen die nuwe munisipaliteit.

Vier mense is in hegtenis geneem toe gefrustreerde inwoners, wat lank op Zuma gewag het, motors met klippe bestook het en minstens twee voertuie van die SABC ook beskadig.

Zuma het wel vroeër die plaaslike brandweerstasie besoek om met lede van die Pro-Makhado-taakspan, kerk- en tradisionele leiers, asook sakelui en die jeug te vergader, waarna hy vertrek het.

Twee voertuie van die SABC se vensters is gebreek en Zuma wou dit nie naby by die Nandoni-sportterrein waag nie.

Inwoners het ure lank in ‘n volgepakte tent op hom gewag en het later oproerig begin raak.

Zuma sal glo teruggaan vir ‘n besoek aan Vuwani in Limpopo om met álle gemeenskapslede te vergader oor die krisis met munisipale afbakening. Die gebied word reeds maande lank deur etniese onrus geteister.

SMS lei tot grootskaalse onrus suid van Johannesburg

Geweld het uitgebreek tydens ‘n diensleweringbetoging in Eldoradopark, suid van Johannesburg. Byna al die toegangsweë is gesluit.

Motoriste is gevra om die N12 en die Goue Hoofweg te vermy uit vrees dat hulle veiligheid nie gewaarborg kan word nie. Volgens berigte is brande vroegoggend in strate gestig om dit te versper.

Onbevestigde berigte lui dat inwoners oor swak dienslewering ontevrede is.

“Daar is geen manier om uit Eldoradopark uit te kom nie, daar is vure, die paaie is sedert baie vroegoggend, sedert 4:00 afgesper. Al die snelweë is geblokkeer en inwoners neem die strate oor. Ons het gisteraand ‘n SMS gekry wat gesê het alle paaie sal geblokkeer word weens swak dienslewering in die omgewing en dit is eintlik waar,” sê ‘n inwoner.

Dit is nie duidelik wie die SMS uitgestuur het aan al die inwoners nie. Inwoners eis glo dat huise toegewys word aan hulle.

Verskeie snelweë is geraak en verkeer word na alternatiewe roetes gelei, aangesien inwoners rommel en brandende bande gebruik het om paaie af te sper. Maar die onluste het totale verkeerschaos in Johannesburg veroorsaak.

Die afrit wat lei tot die N12 en die N1 oprit, oorkant Vryheidspark, is heeltemal gesluit.

Die Goue Hoofweg is ook geraak. Sommige motoriste en vragmotorbestuurders maak u-draaie op die paaie om alternatiewe roetes te probeer vind.

‘n Rookwolk van brandende voorwerpe kan van verskillende rigtings gesien word. ‘n Polisiehelikopter is ook in die lug.

#MacronLeaks te laat om uitslag van Franse verkiesing te beïnvloed

Dit was die hoogste vlak van geen belangstelling in die tweede rondte nie van ‘n verkiesing sedert 1969 in Frankryk, aangesien baie kiesers besluit het om weg te bly van die stembus, wat aan Emmanuel Macron die oorwinning oorhandig het. ‘n Massiewe inligtingskraak kon nie die uitkoms verander nie.

Macron het die presidensiële verkiesing gewen met 65 persent van die stemme teen Marine Le Pen. Sowat 10 persent van die stembriewe was leeg, twee tot drie keer meer as die gewone aantal.

Dit beteken dat minder as die helfte van die Franse vir Macron gestem het, maar ‘n verdeelde opposisie het aan hom die oorwinning besorg.

Le Pen het Macron in ‘n telefoonoproep gelukgewens en het belowe om sy vernaamste opposisie te bly. Le Pen het aan ondersteuners gesê tydens ‘n byeenkoms buite Parys. “Ek wens hom sukses toe met groot uitdagings”. Sy het bygevoeg dat die “Franse ‘n nuwe president verkies het en gekies het vir kontinuïteit”.

Die jongste president wat ooit in die land verkies is, was in sy oorwinningsrede kleinlik en giftig en het sy mededinger se party “ekstreem” genoem. Hy het Le Pen weer probeer beledig: “Ek weet hoekom mense verkies het om vir ‘n ekstremistiese party te stem.”

“Van môre af sal ons die politiek moderniseer, pluralisme herken, demokrasie laat herleef. Dit sal my eerste missie wees om almal te respekteer,” het Macron verklaar. By nadere ondersoek is die hele sin blote leë retoriek sonder inhoud.

Hy het belowe dat die premier en die regering na die inhuldiging wat voor 14 Mei geskeduleer is, aangewys sal word.

AFP het met Frankryk se president gepraat ná die uitslae bekend gemaak is. Macron het gesê: “‘n Nuwe blaadjie is omgeblaai, dié van hoop en herstel van vertroue.”

Die globaliste was verheug oor die uitslag: die Franse president François Hollande, die voormalige premier Manuel Valls, die Duitse kanselier Angela Merkel, die Britse PM Theresa, het alreeds Frankryk se president geloof.

Deur die keuse van Macron het die Franse teen die “tirannie” van “fopnuus” gestem, het die Europese Raad se Donald Tusk, gister gesê.

President Trump het ook vir Macron gelukgewens met sy groot oorwinning en getwiet dat hy “baie uitsien het om saam met hom te werk”.

Intussen het WikiLeaks getwiet dat hulle “nog nie foute in #MacronLeaks ontdek het nie” en bygevoeg dat hulle “baie skepties is dat die Macron-veldtog vinniger as ons is” om fopdokumente uit te wys.

Die kraak #MacroLeaks het onthul dat Macron op ‘n gay-poslys is, sy top-adviseurs koop dwelms aanlyn, ook vir die “baas” en dat vroue in sy veldtog baie minder betaal word as die Franse gemiddelde. Hy steek ook glo geld in die buiteland weg.

In een gelekte dokument het Macron se senior veldtoglid, Alain Tourret, ‘n ontwerperdwelm bestel met behulp van Bitcoin om die aankoop weg te steek. Die dwelm MMC-3 word deur die Franse regering in dieselfde kategorie as heroïne en kokaïen geklassifiseer. Hy het die pakket laat stuur na ‘n regeringsadres.

‘n Boekhouer in Macron se veldtog was geskok om te ontdek dat hulle veldtog se partytjies deur Rothschild Bank betaal word. ‘n Skermskoot uit haar e-posse is deur #MacronLeaks vrygestel en is deur WikiLeaks bevestig as ‘n geverifieerde dokument.

Volgens #MacronLeaks is die nuwe president van Frankryk op die poslys van VestiareGay, ‘n maatskappy wat fetisjitiese homoseksuele onderklere verkoop. Maar die lek het te laat gekom om die uitslag te beïnvloed.

Die Franse Commission Nationale de Contrôle de la Campagne Électorale het joernaliste gewaarsku om nie oor die inhoud van die gekraakte e-posse te rapporteer nie en selfs gewaarsku dat diegene wat die inligting versprei kriminele strawwe in die gesig staar.