Internasionale nuus – Bladsy 7

Merkel en Obama se eierdansie

Die manier waarop Angela Merkel die Duitse onderneming Opel gered het en terselfdertyd voorkom het dat die reddende kapitaal na General Motors VSA toe vloei, toon ondubbelsinnig dat die VSA geensins in staat is om voorwaardes af te dwing nie. Dit geld ook vir die wyse waarop Fiat belang in Chrysler bekom het. Sulke gebeurtenisse is 'n openlike vernedering vir die VSA dat hy nou by onder meer Europa moet aanklop.

Sarkozy het verlede jaar openlik die Amerikaans-Britse beleid ondersteun om op uitermate groot skaal banknote te druk en te versprei teneinde koopkrag te skep. Hy is daarin deur Duitsland en Italië gestuit, maar Sarkozy is stellig die beste moontlikheid om verdeeldheid in die Europese Unie te veroorsaak noudat Brittanje verder ineenstort en minstens voorlopig van geen belang is nie.

In haar Nuwejaarsboodskap op 31 Desember 2008 het Bondskanselier Merkel die VSA en Brittanje se beleid om met groot bedrae papiergeld die krisis te wil besleg, onomwonde verwerp. Sy het haar die gramskap van die nootbankhoofde Bernanke (Federale Reserweraad van die VSA) en Trichet (Europese Sentrale Bank) op die hals gehaal met 'n skerp teregwysing dat hulle nie met groot nootuitgifte die finansiële beleid van die lidlande van die Europese Unie (EU) moet ondermyn nie.

Die hoofde het teruggekap en aangevoer dat hulle op hulle ingeslane weg sal volhard. Trichet is 'n Fransman en dit kan Obama se doel versterk om die verhouding tussen Duitsland en Frankryk, die toonaangewende EU-lande, te vertroebel.

Die ekonomiese krisis kring duidelik na die staatkundig-politieke gebied uit. Brittanje is reeds buite die gevegsterrein geplaas. Ook die VSA ervaar 'n swak en verswakkende toestand omdat hy verplig is om 'n bedelhand na buite uit te hou in sy pogings om General Motors en Chrysler en ander groot finansiële instellings te probeer red.

Die VSA het die Britse hegemonie met en tydens die Tweede Wêreldoorlog nie net staatkundig beëindig nie, maar ook Sterling se oorheersende rol vernietig. Dit is merkwaardig dat juis Duitsland en Italië, die oorwonnenes van die Tweede Wêreldoorlog, nou die toon vir die VSA aangee.

Uittreksel uit EUROPA EN DIE VSA deur Dr PE vd Dussen

Derdew?reld siektes aan die toeneem in VSA

Parasietinfeksies en ander siektes wat gewoonlik met die Derde Wêreld in verband gebring word is aan die toeneem in die VSA. Die Wall Street Journal berig dat die armstes die ergste geraak word deur die toename.

Die Amerikaanse regering en privaat navorsers het glo nog net oor die oppervlak van die gevolge geskeer wat tot hartsiekte, beroerte en geboortedefekte lei.

Die nadeel is dat die siektes, wat voorheen geglo is alleen oorsee voorkom, net in handboeke en in mediese lesings behandel word en so vreemd is dat dokters dikwels nie die siektes herken nie.

Dit is byna uitsluitlik siektes wat spruit uit mense wat te naby aanmekaar woon, swak eetgewoontes en sanitasie het en in die omgewing van diere leef wat nie dieresorg geniet en deur veeartse behandel word nie.

Peter Hotez, 'n mikrobioloog van George Washington Universiteit en vooraanstaande navorser op die gebied, sê dié siektes is tien keer belangriker as varkgriep en "dis op niemand se radar nie".

Die siektes wat dikwels deur insekte oorgedra word, floreer veral in die klein gehuggies langs die Meksikaanse grens waar huise geen vensters het nie en daar geen dreineringstelsels is nie.

Uitbrake van bakteriese infeksies wat deur roturine oorgedra word, is onlangs in arm swart dele van Baltimore en Detroit opgemerk. Parasiete soos toxocara alleen, wat in diereuitwerpsels gevind word, veroorsaak duisende infeksies per jaar.

Dr. Hortez sê die 37 miljoen armste mense in die VSA "ly werklik" onder hierdie siektes.

hair headbands

Afrika bedel om aardverwarming om te keer

Afrika gaan ryk lande $67 miljard per jaar vra sodat die gevolge van aardverwarming aangespreek kan word.

Tien Afrika-leiers het by die AU-hoofkwartier byeengekom in die hoofstad van Ethiopië om ooreen te kom om 'n gemeenskaplike standpunt oor klimaatsverandering te formuleer voordat die VN se spitsberaad in Kopenhagen afskop

Kenners sê Afrika dra min by tot aardverwarming, maar gaan die hardste getref word deur droogtes, vloede, hittegolwe en stygende seevlakke.

Die konsepresolusie wat nog deur die tien leiers aanvaar moet word, het ryk lande gevra om te betaal om die gevolge van aardverwarming teen te werk.

Afrikaregerings se onvermoë om 'n gemeenskaplike standpunt te huldig, het in die verlede daartoe bygedra dat die kontinent se bedingingsmag nie gemonster is nie.

Die Ethiopiese eerste minister Meles Zenawi het vroeër vanjaar 'n beroep op ryk lande gedoen om Afrika vir die klimaatskade te vergoed, nadat hy gesê het dat sy land se vernietigende droogtes gedurende die tagtigerjare deur die ryk lande in die noorde veroorsaak is

Die Global Humanitarian Forum in Geneve sê in 'n verslag wat in Mei bekend gestel is, arm lande moet nege tiendes van die menslike en ekonomiese las van klimaatsverandering dra.

Volgens die verslag produseer die 50 armste lande net 1 persent van die koolstofdioksied wat wetenskaplikes as 'n berdreiging vir die planeet beskryf.

Twintig van die vyftien heel armste lande is in Afrika. Die ander is in Asië en klein ontwilkkelende eilandgroepe.

Ontwikkeldende lande kla dat die ryk lande nie geld en tegnologie beskikbaar stel om die skade om te keer nie.

'n Nuwe klimaatsverdrag sal na verwagting in Desember Kopenhagen onderhandel word, maar 'n VN-amptenaar het gewaarsku dat die samesprekinge kan misluk as dit versnel word.

Yvo de Boer, hoof van die VN se Klimaatsveranderingsekretariaat, sê "selektiewe vooruitgang" is gemaak in die konsepverdrag van 200 bladsye wat in Bonn opgestel is.

how to get sponsored instagram

SA kaptein aangehou vir wapensmokkel

'n Panamese vragskip met ’n Suid-Afrikaanse kaptein en 12 Georgiese bemanningslede word in die Filippyne aangehou oor beweerde wapensmokkelary.

Kaptein Lawrence John se skip is Vrydagoggend deur doeanebeamptes ondersoek.

Hulle het aan boord die 2400 ton Captain Ufuk gegaan nadat dit sonder kennisgewing in die Mariveles-hawe vasgemeer het.

Die owerhede het beslag gelê op die skip en die polisie aan boord gestuur om die bemanningslede aan te hou.

Die polisie het 14 kratte met vuurwapens op die skip gevind. John en sy manne kon die vrag nie verklaar nie.

Dokumente toon dat die skip vanaf Turkye gekom het, in Indonesië gestop het en onderweg was na Batangas, suid van Manila, het kusowerhede gesê.

Die Suid-Afrikaanse kaptein en sy Georgiese bemanningslede staar nou 'n ondersoek in die gesig en ’n staatsaanklaer sal besluit of daar genoeg bewyse is om ’n kriminele klag te lê.

Kernwapens vir Osama?

Daar word beweer dat die "Arctic Sea" – die Russiese skip wat blykbaar gekaap is en vir twee weke vermis is – 'n kernwapen aan boord gehad het wat vir Osama bin Laden bestem was. Volgens Joseph Farah se G2 Bulletin word dié bewerings tans deur die Britse inligtingsdiens, MI6, ondersoek.

Die skip is vandag 300 seemyl vanaf die Wes-Afrikaanse kus gevind en die bemanning is veilig, maar 'n span spesialiste in die opsporing van kernstowwe is vanuit Moskou na die toneel gestuur.

Die moontlikheid dat die skip heelwat meer as net die hout wat dit veronderstel was om te verskeep aan boord gehad het, val saam met die bin Laden se mees onlange openbare aanspraak dat hy "binnekort 'n kernwapen in die hande gaan kry".

In 'n reeks verwikkelinge wat as hoogs ongewoon beskryf word, het die "Arctic Sea", 'n vragskip met 'n Russiese bemanning, ongeveer twee weke gelede verdwyn toe dit deur die Mou, een van die besigste seekanale ter wêreld, gevaar het.

Die skip van 4 000 ton het van die hawe Pietarsaari in Wes-Finland weggevaar met hout ter waarde van $1,3 miljoen aan boord, blykbaar onderweg na Algerië.

Vier dae later is sy in Sweedse waters deur gewapende en gemaskerde mans oorval.

Die afgelope naweek het dit geblyk dat bestralingstoetse in die hawe van Pietasaari uitgevoer is nadat MI6 en beamptes van die FSB, die Russiese geheime diens, by die hawe aangekom het.

Die uitslag van daardie toetse bly geheim. Intussen het die Russiese vloot vyf oorlogskepe wat van spesiale toerusting – sensors wat kernstof kan opspoor – voorsien is na die Atlantiese oseaan gestuur.

Die moontlikheid dat kernmateriaal aan boord van die "Arctic Sea" versteek was, is ook verhoog deur die verslag dat splytbare stowwe enkele weke gelede uit 'n kernbergingsdepot indie Oeralgebergte in Rusland verdwyn het.

free poker

Sweedse koerant beskuldig Israeli weermag van orgaandiefstal

Terugbesorgde Palestyn

'n Groot Sweedse dagblad het hierdie week met 'n anti-Joodse voorbladberig opspraak gewek. Die linkse Aftonbladet beskuldig Israeli soldate daarvan dat hulle Palestyne ontvoer om hulle organe te steel.

Onder die opskrif "Hulle plunder die organe van ons seuns" haal die koerant jong Palestyne aan van die Wesoewer en Gaza wat beweer hulle word deur die Israeli weermag gevang, gedood en dat hulle liggame daarna aan hulle gesinne terugbesorg word met ontbrekende organe.

Die beweringe in die berig, wat hier in Sweeds te lese is, het 'n storm en beskuldigings van die ergste anti-Semitisme ontketen.

Donald Boström, die joernalis, haal gesinslede van Khaled van Nablus, Raed van Jenin asook die ooms van Magmoed en Nafes van Gaza aan wat almal beweer dat die seuns nie-vrywillige orgaanskenkers is. Hulle het glo net verdwyn en is eers 'n paar dae later in die nag terugbesorg, dood en nadoods ondersoek.

Boström verbind die orgaandiefstal met die misdaadsindikaat wat onlangs in die Amerikaanse deelstaat New Jersey oopgevlek is. 'n Paar rabbi's is vasgetrek en een van hulle, Levy Izhak Rosenbaum, is gevang nadat hy die verkoop van 'n menslike nier probeer onderhandel het.

Volgens die Sweedse dagblad het die orgaandiefstal in 1992 begin tydens die eerste Intifada. Die Israelse weermag het 'n klipgooier wat in die bene, maag en bors gewond was glo per militêre helikopter na 'n onbekende plek vervoer.

Die liggaaam van die man is vyf nagte later terugbesorg, in groen hospitaallakens toegedraai.

Terwyl die soldate besig was om sy graf te grawe, is die lyk se bors per abuis ontbloot en 'n lang sny vanaf sy abdomen tot sy ken het die spekulasie laat vlam vat dat iets nie pluis is nie.

Die liberale Sydsvenskan – 'n groot koerant in die suide van Swede – het hulle mededinger skerp gekritiseer in 'n opiniestuk getiteld "Antisemitbladet" ('n woordspeling op Aftonbladet).

Die ministerie van buitelandse sake het Dinsdag die berig afgekam en woordvoerder Yigal Palmor het die stuk beskryf as 'n "merk van skande" vir Swede se media.

Hy het die donker stuk as Middeleeus beskryf wat geen plek in 'n demokratiese land soos Swede het nie.

Israel het by monde van hulle ambassade in Stockholm 'n harde veroordeling gerig aan die Sweedse regering en die koerant self.

remeza Фильчаков прокурор

DNS kan maklik vervals word

Wetenskaplikes in Israel het gewys dat dit moontlik is om DNS-getuienis te fabriseer en daardeur die geloofwaardigheid van wat beskou is as die goue maatstaf van bewys in strafsake, te knou.

Die wetenskaplikes het bloed- en speekselmonsters met DNS-inhoud van 'n ander persoon as die skenker vervaardig. Hulle het ook gewys dat hulle met toegang tot 'n DNS-databasis 'n monster kan vervaardig wat 'n spesifieke persoon se profiel pas, sonder dat hulle enige weefselmateriaal van dié betrokke persoon verkry het.

"Jy kan 'n misdaadtoneel skep," sê Dan Frumkin, hoofouteur van die studie wat in die joernaal Forensic Science International gepubliseer is. Die titel is Genetics. “Any biology undergraduate could perform this.”

Dr. Frumkin is 'n stigterslid van Nucleix, 'n maatskappy in Tel Aviv, wat 'n toets ontwikkel het om werklike DNS-monsters van vervalste monsters te onderskei. Hy hoop om dit aan forensiese laboratoria te bemark.

Nie net is dit moontlik om vals DNS-materiaal by 'n misdaadtoneel te plant nie, maar die skending van privaatheid raak ook toenemend makliker.

Van die tegnieke kan gebruik word om 'n bekende persoonlikheid se DNS van 'n gebruikte plastiekkoppie of sigaretstompie te oes en 'n speekselsmeer te vervaardig wat aan genetiese toetse onderwerp kan word. Voorgeslagte en die risiko van sekere siektes kan so bepaal word.

Bekendes sal aanstons die "genetiese paparazzi" begin vrees sê Gail H. Javitt van die Genetics and Public Policy Center by die Johns Hopkins University.

Tania Simoncelli, wetenskapraadgewer van die American Civil Liberties Union, sê die bevindinge is kommerwekkend. Dit is baie makliker om DNS by 'n misdaadtoneel te plant as vingerafdrukke, meen sy.

'n Standaardtegniek bekend as heelgenoomamplifikasie kan gebruik word om DNS-materiaal by bloed te voeg waarvan die witbloedselle, wat DNS bevat, verwyder is. Sodoende kan die oorsprong van die bloed verander word om 'n ander profiel te pas.

Australi? en China sluit grootste gastransaksie

Australië en China het hul grootste handelstransaksie tot nóg toe is Dinsdag gesluit toe die wêreld se grootste genoteerde oliemaatskappye, Exxon Mobil en PetroChina, oor ’n vloeibaregastransaksie van $41 miljard ooreengekom het.

“Dit is ’n stelling oor die aard van ons twee ekonomieë en die feit dat Australië belangrik is vir China, net soos China vir Australië belangrik is,” het Martin Ferguson, Australiese minister van hulpbronne, in Beijing gesê.

Die gastransaksie tussen Exxon en PetroChina kom net weke nadat Exxon ’n transaksie van A$10 miljard met Indië se Petronet oor die Gorgon-gasvelde gesluit het. Dit is Australië se eerste transaksie oor vloeibare natuurlike gas met Indië.

Die transaksies en die byna afgehandelde gepaardgaande regulatoriese aanvaarding daarvan deur die federale regering, beteken dat die Gorgonprojekvennote die reuseprojek van vloeibare natuurlike gas in die weste van Australië teen vroeg aanstaande maand kan goedkeur.

Die jongste Gorgongasverkope sal PetroChina se totale aankope van vloeibare natuurlike gas op altesame 3,25 miljoen ton per jaar vir 20 jaar te staan bring. China sal dus die projek se grootste gaskliënt wees.

Die feit dat PetroChina nie ’n minderheidsbelang in die projek het nie, ondanks die volumes wat hy koop, dui daarop dat die langtermynvraag na vloeibare natuurlike gas steeds sterk is ten spyte van die ekonomiese afswaai.

Met ’n lys van sowat ’n dosyn voorgestelde soortgelyke gasprojekte in die Asië-Stille Oseaan-streek, is kopers ook gretig om so vinnig moontlik voorrade vas te maak vir die projekte wat die waarskynlikste ontwikkel gaan word.

Die Gorgonprojek, waarin Chevron ’n 50%-belang het en deur hulle bestuur word, is in die weste van Australië en het ’n voorgestelde jaarlikse uitset van 15 miljoen ton.

Exxon en Royal Dutch Shell besit elk 25% van die projek.

Chevron en sy vennote sal na verwagting vroeg aanstaande maand finale beleggersgoedkeuring vir die uitgestelde Gorgonprojek gee.

Die totale verwagte koste van die projek is A$50 miljard, volgens Colin Barnett, premier van Wes-Australië.

promoter instagram Фильчаков прокурор

Totsiens Jan, Luuk, Gijs en Daan!

Inligting wat deur Nederland se werksversekeringsagentskap ingesamel is, dui daarop dat Nederlandse name in stedelike sentra soos Amsterdam, Rotterdam, Den Haag en Utrecht aan't verdwyn is.

In die hoofstad Den Haag is variasies van die Moslemnaam Mohammed in die eerste, tweede en vyfde plek vir die mees gewilde name vir seuns en het tradisionele Nederlandse name soos Jan, Luuk, Gijs en Daan vervang.

Op nasionale vlak is die naam Mohammed nou 16de op die gewildheidsleer van seunsname.

Die statistiek is deur die Nederlandse Elsevier-tydskrif bekend gemaak en kom van die Sociale Verzekeringsbank (SVB). Dit verskil van amptelike statistiek wat in die verlede die verskillende spelswyses van die Moslemnaam – Mohammed, Muhamed, of Muhammad – afsonderlik getel het.

Die Nederlandse regering het sodoende gesorg dat die naam van Islam se grondlegger nie op die lys van die top-20 gewilde name vir seuns in die Lae Lande verskyn nie om kontroversie te vermy.

Geert Wilders, leier van die PVV, het gevra dat 'n ondersoek gedoen word nadat die Daily Telegraph op 8 Augustus beweer het dat meer as 'n vyfde van die EU se bevolking teen 2050 Moslem gaan wees.

Die Nederlandse kabinet sal Vrydag 79 parlementêre vrae wat handel oor nie-Westerse immigrasie en die impak daarvan op die Nederlandse samelewing deur die PVV opgestel, beantwoord.

Swart media sukkel in die VSA

Hoofstroomediapublikasies sukkel in die huidige ekonomiese klimaat om advertensie-inkomste te trek, maar by swart tydskrifte in die VSA lyk die prentjie veral droewig.

Twee van die oudste swart publikasies 'Ebony' en 'Jet' smeek hulle intekenare deesdae om nie te kanselleer nie en die eienaar Johnson Publications moes intussen hulle historiese kantoorgebou in Chicago verpand.

Uitsaaiers vir 'n swart gehoor het om staatshulp gevra om te kan bly oorleef en in Massachusetts moes die swart koerant “The Bay State Banner” sluit totdat hulle oorbruggingskapitaal ontvang het van die stad Boston.

Die koerant het die grootste rasherrie van die jaar, die arrestasie van Harvard professor Henry Louis Gates Jr., in die proses misgeloop en baie lesers en dus advertensie-inkomste so ingeboet.

Die rede sê Kai Wright van die TheRoot.com, 'n werf wat op swart politiek en kultuur fokus en deur die “Washington Post.” geborg word, is dat adverteerders geskuif het na Latyns-Ameriaanse verbruikers.

Die jong swarte identifiseer ook nie meer met die ouer swart publikasies soos 'Ebony' en 'Jet' nie.

Christopher Smith, 'n professor in kommunikasie by die universiteit van Suid-Kalifornië sê swart klasseverskille asook generasieverskille veroorsaak dat swart publikasies ondergaan.

Arabiere koop glo landbougrond in Israel

'n Israeli radiostasie het Saterdag berig dat groot stukke landbougrond in die noorde van Israel, in Galilea, deur Arabiere opgekoop word wat met geld uit die Golfstate ondersteun word.

Dosyne hektaar is reeds opgekoop en 'n plaaslike landbou-organisasie het Israelse amptenare glo tevergeefs gewaarsku oor die kopers.

Die radiostasie beweer landbouminister Shalom Simhon het gesê die grondtransaksies is nie sy besigheid nie aangesien dit "grond in privaatbesit behels".

Galilea en die Negevwoestyn in die die suide is nie so dig bevolk nie en daar is spesiaal 'n minister, Sylvan Shalom, aangewys om ontwikkeling daar te behartig.

Die grootste aantal Arabiere in Israel, 'n bevolking van ongeveer 1,4 miljoen mense, woon in Galilea.

Die Israelse parlement het op 3 Augustus 'n kontroversiële grondhervormingswet ingestem wat plaaslike amptenare in staat stel om openbare grond te privatiseer. Die Arabiese minderheid is ontevrede oor die nuwe wet.

Die wet, wat die ondersteuning van die konserwatiewe Benjamin Netanyahu geniet, sal pogings deur Palestyne om vergoeding van die Israelse owerhede te eis omdat hulle in 1948 met die totstandkoming van Israel uitgedryf is, tot niet maak.

Die nuwe wet stel plaaslike munisipale amptenare in staat om grond in stadsgebiede te verkoop en behou 'n verbod op die verkoop van grond aan nie-Jode of grond wat aan die Keren Kayemet LeIsrael Joodse agentskap behoort.

Britse minister verdedig terreur

David Miliband, Britse minister van buitelandse sake, het gesê apartheid is ’n voorbeeld van tye wanneer terreur wel geregverdig is. Hy het Vrydagaand op die BBC Radio 4-program Great Lives deelgeneem aan ’n bespreking oor die lewe van die ANC-aktivis, wyle Joe Slovo.

Slovo, Suid-Afrika se eerste minister van behuising, was ’n vriend van Miliband se Marxistiesgesinde vader Ralph.

Die Konserwatiewe Party en konserwatiewe media het met woede op sy uitlatings gereageer, omdat hulle meen sy woorde verleen steun aan die Taliban in Afganistan.’n Politieke ontleder in die Telegraph het Miliband se uitsprake ’n skande genoem.

"Die minister van buitelandse sake stuur ’n uiters gevaarlike, gemengde boodskap na Brittanje se vyande uit en gee hulle ’n yslike geleentheid vir propaganda," het die ontleder gesê.

Die dodetal onder Britse soldate in Afganistan die afgelope naweek tot 201 gestyg het.

Miliband is deur die aanbieder, Matthew Parris, gevra of terreur ooit geregverdig kan word. “Ja, daar is omstandighede wanneer dit geregverdig is, en ja, daar is omstandighede wanneer dit doeltreffend is,” het hy geantwoord.

“Op sy eie is terreur egter nie doeltreffend nie. Wat belangrik is vir my, is dat die Suid-Afrikaanse voorbeeld iets uitsonderlik bewys het: Dit het gelyk soos ’n regime wat vir ewig sou voortduur, en toe is dit weggeblaas. Dis moeilik om aan te voer dat ’n politieke stryd op sy eie dieselfde vrugte sou lewer.”

Miliband het Slovo beskryf as ’n held vir tienduisende Suid-Afrikaners. Slovo se dogter, Gillian, wat ook aan die bespreking deelgeneem het, het gesê die moderne gebruik van die woord “terroris” verskil van destyds.

“Die Arbeidersparty sou in daardie dae beslis nie die ANC beskryf het as terroriste nie – eerder guerrillastryders,” het sy gesê.

As haar pa ’n "terroris" is, het sy gesê, is die vorige Amerikaanse Bush-administrasie, wat “terreur vir politieke doeleindes gebruik het”, ook terroriste.

online casino topcargo

Slimmer kinders maerder

Slimmer kinders is minder geneig om oorgewig te wees, sê 'n nuwe studie.

In die studie het navorsers in Spanje bevind dat voorskoolse kinders wat vet is na twee jaar van onderrig minder taal- en syfervaardig is, asook swakker vaar met probleemoplossing

Groeiende getuienis dui op 'n verband tussen oorgewig en swak denk- en kognitiewe vaardighede. Dit het Dr. Monica Guxens, by die Sentrum vir Navorsing in Omgewingsepidemiologie in Barcelona, genoop om die verhouding tussen gewig en kognitiewe funksie in jong seuns en dogters verder te ondersoek.

In hulle verslag wat in die American Journal of Epidemiology gepubliseer is, het hulle bevind dat kinders wat op 'n hoë kognitiewe vlak funksioneer op die uoderdom van 4, minder geneig is om oorgewig te wees op die ouderdom van 6.

Omdat gewig in dié ouderdomskategorie min varieer, kon die navorsers nie sê of beter denkvaardighede kinders teen vetsug op 'n meer gevorderde ouderdom beskerm nie.

Van die 400 kinders in die studie het 17 persent die risiko van vetsug getoon en 12 persent was oorgewig. Hulle het ook oor die algemeen swakker gevaar met denk- en taalvaardigheid, nadat faktore soos geslag, geboortegewig, dieet en familiegeskiedenis in oorweging geneem is.

necklace bridal Фільчаков прокурор

Onwettige oorgaanoorplantings gedy in China

Chinese hospitale voer steeds onwettige orgaanoorplantings op buitelanders uit, en spoor plaaslike inwoners aan om as ‘orgaanagente’ op te tree, het die departement van gesondheid en plaaslike media Donderdag berig.

Daar is 164 instansies in China wat amptelik goedgekeur is om orgaanoorplantings te uit te voer, maar minstens 16 van hulle voldoen nie aan wetgewing nie.

Volgens die koerant, China Daily, is besonderhede oor presies hoe hierdie instansies die wet oortree nie beskikbaar nie, maar word daar beweer dat sommige hospitale steeds onwettige oorplantings uitvoer.

"Die hospitale kan hulle pasiënte se identiteite vervals om wetgewing vry te spring”, het ‘n chirurg by een van die hospitale gesê.

Volgens dié chirurg is orgaanoorplantings beskikbaar vir dié wat dit kan bekostig omdat inwoners bereid is om die ekstra koste aan te gaan om nie op lang waglyste geplaas te word nie.

China het in 2007 wetgewing wat ‘oorplantings-toerisme’ voorkom, bekragtig maar minstens drie hospitale is verlede jaar beboet ná hulle steeds onwettig organe aan buitelanders verkoop het.

Die departement van gesondheid ondersoek ook klagtes van 17 Japanse toeriste wat elkeen vanjaar sowat R695 500 op nier- en leweroorplantings spandeer het.

Sowat 2 miljoen mense in China benodig jaarliks organe, maar as gevolg van ‘n tekort aan skenkers word slegs 20 000 wettige oorplantings uitgevoer.

пескоструйный станок