Etiket: oproer

Geweld in Pretoria versprei verder

Ten minste 21 busse is tot as verbrand in verkiesingsgeweld in Pretoria.

Berigte is ontvang dat sake-ondernemings in Atteridgeville, wes van Pretoria, geplunder word.

Groot skares het reeds versamel waar ‘n helikopter die gebied monitor.

Vroeër is ‘n patrollievoertuig van die Metropolisie in die middestad omgekeer, ook vermoedelik deur ontevrede ANC-lede, hoewel die polisie dit nog nie kon bevestig nie.

Polisie sukkel om die geweld in swart gebiede rondom Pretoria te onderdruk. Oproer het nou versprei na Atteridgeville, Garankuwa en Hammanskraal Dinsdag waar inwoners paaie afgesper het en motoriste onder klippe steek.

Strate wat in en uit Atteridgeville loop, is met doringdraad afgesper.

Pendelaars en skoolkinders kon nie die gebied verlaat nie. Slegs ‘n paar taxi’s is buite die gebied bedrywig.

Daar was ook verslae van voertuie wat met klippe bestook is in verskeie dele.

Vanoggend is twee vragmotors en ‘n bus in Hammanskraal, noord van Pretoria aan die brand gesteek.

Die polisie het motoriste gevra om van alternatiewe roetes gebruik te maak omdat die R101 tussen Hammanskraal en Pretoria asook die N1-Suid deur Hammanskraal, afgesper is.

Inwoners is ontevrede oor die keuse van die ANC-LP en voormalige minister van openbare werke, Thoko Didiza as burgmeesterkandidaat vir die Tshwane-metrogebied.

‘n Aantal busse is Maandagnag in Mamelodi oos van Pretoria aan die brand gesteek, vermoedelik deur inwoners wat gekant is teen die nuutaangekondigde burgemeesterskandidaat.

Verkeer is kwaai ontwrig op die langste straat wat die oostelike en westelike dele van die lokasie met mekaar verbind.

Die onrus volg nadat ‘n ANC-lid oor die naweek by die Tshwane Uitstalsentrum tydens die keuringsproses vir die burgemeesterskandidaat doodgeskiet is.

Intussen is wetstoepassers oor ‘n groot gebied in en om Pretoria ontplooi om orde te handhaaf.

‘n Bus is ook naby die Kalafong Hospitaal in Atteridgeville, wes van die stad aan die brand gesteek.

Verkeersontwrigting is digby die Daspoort-tonnel aangemeld. Die beplande stygings in bustariewe die einde van dié maand is blykbaar ook ván die redes vir die onrus.

Die regering het die onrus en geweld skerp veroordeel en ‘n beroep om kalmte gedoen.

Die waarnemende hoof van die regering se kommunikasie-en-inligtingstelsel, Donald Liphoko sê geen kwessie kan nié opgelos word deur middel van demokratiese prosesse en gesprekvoering nie.

Hy sê lede van die publiek moet hulle ontevredenheid deur die regte kanale opper.

Liphoko het die skuldiges gewaarsku dat hulle met die volle mag van die reg te doen sal kry.

Die burgemeester van die Tshwane metroraad, Kgosientsho Ramokgopa het ‘n beroep op inwoners van die metro se townships gedoen om hulle van geweld en vandalisme te weerhou.

Die ANC se Nasionale Uitvoerende Komitee tesame met Gauteng se provinsiale leierskap, sal na verwagting môre met die Tshwane ANC-takke vergader.

Die polisie in Delmas in Mpumalanga ondersoek ‘n saak van poging tot moord nadat ‘n twaalfjarige seun gewond is tydens ‘n betoging oor die ANC se kandidaatlys vir die komende verkiesing.

Volgens die seun se familie het sy pa hom winkel toe gestuur toe die skietery plaasgevind het.

Oproeriges het opgeruk na die huis van ‘n ANC-kandidaat, wat hulle daarvan beskuldig dat hy bo hulle keuse van kandidaat benoem is.

‘n Polisiewoordvoerder sê ‘n verdagte is nog nie geïdentifiseer nie.

Kaapse studente brand hul kollege voor eksamen

Die bestuur van die Kaapstad Kollege in Crawford is besig om die skade na Maandag se gewelddadige protesoptrede deur primêre gesondheidsorgstudente te beraam, het RSG berig.

Hulle het motorbande gebrand en van die geboue aan die brand gesteek.

Hulle beweer dat die kursus wat hulle studeer, nie geakkrediteer is nie en ook nie deur Suid-Afrikaanse Raad van Verpleegsters erken word nie.

Die studente weier ook om aan die eksamen deel te neem.

‘n Lid van die Studenteraad, Khayelethu Kama sê hul klagtes het op dowe ore geval. ‘n Woordvoerder van die instelling, Louis van Niekerk sê hulle voer gesprekke met die studenteliggaam.

Hector Pitso: The World wou in 1976 ‘n burgeroorlog ontketen

Die swart fotograaf van The World, Sam Nzima wat die foto van ‘n sterwende Hector Pitso, ook bekend as Pieterson, geneem het op 16 Junie 1976, het op dieselfde dag foto’s geneem van hoe die swart skare ‘n polisieman doodmartel maar die Angelsaksiese media het nie daarin belanggestel nie.

In die nuuskantoor van The World het die redaksie saamgespan om ‘n verhaal van wit polisiegeweld te fabriseer sodat hulle ‘n burgeroorlog kan ontketen.

Nzima was deel van die groep wat hoofsaaklik uit skoolkinders bestaan het wat onder meer by Orlando Wes Hoërskool ingebreek het sodat die swart kinders uitgelaat kon word om te gaan betoog.

Die polisie wat die orde in Soweto moes handhaaf, is uiteindelik verwilder nadat die swart skare hulle nie net onder klippe gesteek het nie, maar op hulle losggebrand het.

Net een polisieman in sy voertuig het gebly van sewe gepantserde polisievoertuie wat die swart fotograaf opgemerk het.

Die kinders het al die vensters van die oorblywende voertuig gebreek en die man uitgesleep. Hulle het hom keelaf gesny “asof hy ‘n bok was”, volgens Nzima, en hom aan die brand gesteek.

Nzima het die brutale moord op die polisiebeampte met sy Pentax afgeneem, maar het die film in sy kous versteek sodat die polisie nie die getuienis van die moord in die hande kon kry nie.

Die koerant het dadelik besluit om dié van ‘n sterwende Hector te gebruik ipv die brutale moord.

In die redaksiekantoor van The World het hulle gehoop die foto sal ‘n burgeroorlog laat uitbreek.

The World het ‘n spesiale uitgawe oor die optog laat druk. Die volgende dag, 17 Junie, was daardie foto van Hector Pitso met sy nuwe “wit” van in al die Britse koerante, die 18de in al die Amerikaanse koerante.

Die redaksie het ook summier van Nzima ontslae geraak, waarskynlik sodat die grumoord op die polisiebeampte nie rugbaar moet raak nie.

Pitso is deur ‘n dwaalkoeël van ‘n gewapende swart oproerige getref, maar dit is toegesmeer in wat kennelik ‘n kwaadwillige en voorafbeplande Britse propagandaveldtog was.

Hector Pitso se naam is met opset deur die Angelsaksiese media verander na “Pieterson” omdat ‘n swart naam nie soveel simpatie vir die “ANC se opstand teen Afrikaans” sou wek in die VSA en Brittanje nie.

In die Hooggeregshof in Bethal, het Regter Curlewis in 1979 egter bevind dat die PAC ‘n leidende rol in die Soweto-opstand gespeel het en nie die ANC nie.

Verskeie getuies het getuig hoe die PAC onder leiding van Zephania Mothopeng die Soweto-opstand beplan het.

Adam, een van die getuies het getuig voor die hof dat in een van die ondergrondse vergaderings van die PAC, wat hulself as die Jong Afrika Godsdiensbeweging voorgedoen het, PAC-leiers vanuit Soweto aan hulle voorgestel is.

Zephania Mothopeng het skoolkinders opgesteek. Hulle moes gelyktydig oor die hele land begin wegbly van die skool, en die Apartheidsregering se eiendom vernietig ten einde die ekonomie van die land in duie te laat stort.

Die polisie wat eers in Soweto moes retireer, is later herontplooi met berede eenhede en helikopters. Hulle het aangehou om traangas te gooi om die skare uitmekaar te dryf.

Anargie het later uitgebreek nadat die skoolkinders drankwinkels geplunder het, en dit aan die brand gesteek het.

Gemeenskapsprotes lei tot geweld sê nuwe verslag

Die Suid-Afrikaanse navorsingsleerstoel vir Maatskaplike Verandering by die Universiteit van Johannesburg het ‘n verslag bekendgestel oor betogings in Suid-Afrika.

Die verslag is saamgestel mbv voorvalle wat deur die polisie aangeteken is. Dit sluit betogings in wat vreedsaam sowel as met geweld verloop het.

Dit blyk uit die verslag dat die aantal protesoptogte wat per dag plaasvind, heeltemal oorskat word.

Die voorvalle is oor ‘n tydperk van 16 jaar deur die polisie aangeteken vanaf 1997 tot 2013.

Een van die skrywers van die verslag, Professor Peter Alexander sê daar is sowat 71 000 voorvalle van betogings in die databasis aangebring.

Hy sê dit kom neer op minstens elf betogings per dag, terwyl sommige bronne dit as 30 aangee.

Volgens Alexander is dit meer as wat deur mediaberigte weergegee word, maar minder as syfers wat in die parlement bekendgemaak is.

Luidens die verslag was 2012 die ergste jaar met 5500 betogings en 2003 die beste met 2300. Per kop het die Vrystaat die meeste betogings gehad.

Xenofobie het min emosies gaande gemaak en byna niemand wou die strate invaar om daarteen protes aan te teken nie.

Gemeenskapsbetogings is gewild, maar vakbonde se georganiseerde byeenkomste verteenwoordige byna die helfte van alle griewe wat na optogte lei, met 46%.

Interessant is dat optogte deur georganiseerde arbeid in meer as die helfte van gevalle nie lei tot geweld nie, maar dat gemeenskapsbetogings wel grootliks tot oproer neig.

Alhoewel diensleweringsprotes minder as 20% van alle optogte behels, lei dit in byna 50% van die aangetekende gevalle tot geweld.

Nog ‘n dag van amok in Durban, Johannesburg

Oproeriges het Maandag Jozini in die noorde van KwaZulu-Natal tot stilstand gedwing.

Die oproermakers versper paaie met vullis, en sake-ondernemings en skole moes sluit weens dreigemente van geweld.

Inwoners is glo ontevrede oor swak dienslewering, veral ‘n tekort aan water.

Twaalf mense wat vroeër in hegtenis geneem is op aanklagte van openbare geweld, verskyn vandag in die Jozini Landdroshof.

Net suid van Durban is die R-603 by Mbumbulu ook deur oproeriges versper.

Hulle het onder meer ‘n vragmotor en die kantore van die plaaslike raadslid en die onderwysdepartement aan die brand gesteek.

‘n Polisiewoordvoerder sê getalle van oproermakers het toegeneem deur die loop van oggend.

Die polisie monitor die situasie. Niemand is nog in hegtenis geneem nie.

Suid van Johannesburg, by Ennerdale en Lawley, is paaie deur oproeriges paaie versper.

Die Goue Hoofweg is ook met brandende bande en klippe onbegaanbaar gemaak.

‘n Woordvoerder van die Johannesburgse metropolisie, Edna Mamonyane vra motoriste om van alternatiewe roetes gebruik te maak.

Swart inwoners is ontevrede oor behuising en het leerlinge wat wou skool toe te gaan, afgedreig.

Manonyane het ook gesê nog beamptes moes ontplooi word om die situasie onder beheer te bring.

In Ennerdale sê leerlinge hulle is deur amokmakers geïntimideer en skoolbusse is nie in die woongebied toegelaat om deur te beweeg nie.

Inwoners is ontevrede oor die gebrek aan behuisingsontwikkeling in die gebied. Hulle sê die regering het twee jaar gelede ‘n stuk grond geïdentifiseer en onderneem om huise te bou. Tot dusver was daar geen ontwikkeling nie.

In Kaapstad word die MyCiti -busdiens in Table View word deur ‘n onbeskermde staking ontwrig.

Die burgemeesterskomiteelid vir vervoer, Brett Herron sê busbestuurders in diens van een van die MyCiti-operateurs, Kidrogen verhoed ander busse om op omliggende roetes te werk.

Geen geweld is nog aangemeld nie.

Die stad Kaapstad sê bykomende busse is op roetes wat geraak word in die Table View-gebied ontplooi.

Polisie skiet oproerige in Oos-Kaap dood

‘n Betoger is naby Mount Ayliff in die Oos-Kaap dood tydens hernude oproer.

Die slagoffer was na bewering deel van ‘n groep oproeriges wat die R-61 tussen Magusheni en Fort Donald versper en die polisie aangeval het.

Die betogers eis elektrisiteit, padinfrastruktuur en die voorsiening van water en sanitasie.

‘n Polisiewoordvoerder sê die Onafhanklike Polisie-ondersoekdirektoraat sal die dood ondersoek.

Die polisie moes al herhaaldelik ingryp in die gebied.

Toeriste moes verlede jaar in Mei omdraai nadat hul motorruit stukkend geslaan is.

Die polisie in Kokstad het bevestig dat daar soortgelyke voorvalle was.

In die woorde van een toeris, Phillida Ellis, “het ons afgekom op ‘n woedende en baie aggressiewe skare mense en is gewaarsku om terug te draai deur ‘n motoris wat probeer het om deur te ry en en afgedreig is. Die betogers het vir hom gesê hulle betoog omdat hulle nie ‘n teerpad het nie.

Op pad na Kokstad naby Fort Donald, het Ellis en haar man afgekom op ‘n vernielde motor en ‘n man wat desperaat probeer om motoriste te stop.

Dit was ‘n Duitse toeris, Dr. Herbert Plum en sy vrou, wat die swart oproeriges teëgekom het.

Die vensters van hul huurmotor was verpletter met klippe en knuppels. Hulle is van die pad gedwing en het deur die veld probeer wegkom. Die onderstel van die motor is sodanig beskadig dat dit tot stilstand gekom het by Ford Donald.

Mevrou Plum was erg getraumatiseer en kon nie ophou huil nie. Terwyl hulle daar was, het nog toeriste van Gauteng ook gestop. Die voorste venster van hul Toyota Fortuner was ook stukkend geslaan.

Polisie moet bontstaan om openbare geweld te keer

Die polisie moes plek-plek in Suid-Afrika bontstaan om openbare geweld te onderdruk.

Honderde plakkers van die Tornado-woongebied naby Brits in Noordwes het na die munisipaliteit opgeruk.

Die opmars was glo om ‘n memorandum oor swak dienslewering in die gebied aan die Madibeng-munisipaliteit te oorhandig.

Die munisipaliteit se departement van Water en Sanitasie is vroeër onder administrasie geplaas.

Volgens die plakkers is plaaslike projekte van miljoene rande wat ‘n sportveld, sanitasie en HOP-huise insluit, nooit voltooi nie.

By Dwarsloop buite Bosbokrand in Mpumalanga is die R-40 met twee vragmotors en brandende bande versper.

‘n Polisiewoordvoerder sê hulle probeer om die oproeriges uiteen te jaag. Die oproermakers is vermoedelik ontevrede oor die kandidaat wat as wyksraadslid benoem is.

Die polisie moes motoriste van Acornhoek waarsku om alternatiewe roetes te gebruik.

In Vuwani in Limpopo het onlangse gewelddadige oproer teen herafbakening nog nie bedaar nie.

Vier-en-twintig skole is die afgelope tyd aan die brand gesteek.

Volgens die Tsongas dreig die polisie hulle glo dat hulle ‘n tweede Marikana-slagting te wagte kan wees.

By Vyeboom sê inwoners is die situasie is steeds onveilig vir mense van buite. Daar is steeds slote in die strate.

Die oproer het die ekonomie tot stilstand gebring in Vuwani en omliggende dorpe.

Taxibestuurders se inkomste is negatief geraak daardeur en hulle sê hulle kan nie meer die lenings op hul voertuie terugbetaal nie.

In Kokstad in die suide van KwaZulu-Natal, sê die burgemeester Nosisa Jojozi sê sy vrees vir haar veiligheid.

Oproeriges eis dat sy en die onderburgemeester bedank.

Ontevredenes het ook probeer om die onderburgemeester se huis aan die brand te steek.

Jojozi het ‘n oproep om kalmte gedoen en sê mense moet die regte kanale volg om hulle griewe te lug.

Die polisie probeer steeds om die twee strydende groepe op Kokstad uitmekaar te hou.

Paaie is met brandende bande en rommel versper, winkels is geplunder en skole moes sluit.

Vyftig mense is reeds in hegtenis geneem en van openbare geweld aangekla.

Hulle het in die streekhof op Kokstad verskyn en sal weer aanstaande Donderdag verskyn.

In Sebokeng, suid van Johannesburg het inwoners gewelddadig geraak glo oor die stadige pas van dienslewering.

Hulle het strate met brandende buitebande en klippe versper, Verkeer is ook ontwrig.

Die inwoners wil hê dat die regering kom kyk hoe die omgewing lyk waarin hulle moet leef. Niemand is in hegtenis geneem nie.

Skole, universiteite sien honderde miljoene in rook opgaan

Swart leerlinge wat sedert verlede Donderdag Orlando High School in Soweto in puin gelê het weens ‘n hekel teen die skoolhoof, het glo veroorsaak dat die skool sal moet sluit.

Sedert verlede Maandag, toe leerlinge begin het om boeke te brand en ‘n klaskamer ook uitgebrand is, het die swart leerlinge ook skooleiendom geplunder, insluitend meubels, skoot- en tafelrekenaars.

Volgehoue pogings tot brandstigting het Dinsdag en Woensdag gevolg en Donderdag het die swart leerlinge vensters gebreek en die administratiewe blok binnegeval.

Dit is nie duidelik of die plundery direk verband hou met die 24 skole in Vuwani wat afgebrand is in soortgelyke oproer nie.

Talle ander, ewe verkwistende en sinnelose gevalle elders is ook aangeteken.

Die LUR vir onderwys in Gauteng Panyaza Lesufi het intussen geweier om skade-assessors te stuur na die Orlando-skool, en gesê dit sou geen doel dien om te betaal vir opknapping nie.

Die petrolbomaanval op die Universiteit van Johannesburg (UJ) in die vroeë oggendure Maandagoggend het skade veroorsaak wat geraam word op R100 miljoen, die universiteit gesê.

Brandstigters het ingebreek en die ouditorium by Aucklandpark kampus UJ teen omstreeks 02:00 met ‘n petrolbom verwoes.

Hulle het ook rekenaarlaboratoriums en toerusting wat gebruik word vir loopbaanassessering verwoes, het die universiteit in ‘n verklaring gesê.

Die fasiliteite was vir gradeplegtighede en halfjaarlikse assessering gebruik. Alternatiewe reëlings sal gemaak moet word.

Vuwani, Malamulele steeds uiters onbestendig

Swart onderwysers het nie Dinsdag by skole in Mashau, naby Vuwani in Limpopo vir klas opgedaag nie. Geen van die beloofde mobiele klaskamers is nog afgelaai nie.

Vuwani en Malamulele in Limpopo word steeds as uiters onbestendig bestempel ten spyte daarvan dat die minister van Staatsveiligheid die situasie dmv sekere hoofmanne probeer kalmeer.

By die Maligana Wilson-sekondêre skool het slegs twee van die 23 onderwysers aangemeld. Leerlinge het by skole opgedaag maar kon nie onderrig ontvang nie omdat onderwysers uit vrees vir geweld wegbly.

Sowat 24 skole is die afgelope ruk afgebrand na etniese geweld uitgebreek het oor ‘n besluit rakende die munisipale afbakening van die gebied

Parlementslede het ‘n blitsdebat oor die etniese krisis in Vuwani in die Nasionale Vergadering gehou. Tydens die blitsdebat oor die etniese geweld in Vuwani in die Nasionale Vergadering is die afbrand van skole gekritiseer.

Die minister van staatsveiligheid, David Mahlobo het ‘n streng waarskuwing gerig aan inwoners wat onderwysers in en om Vuwani in Limpopo intimideer.

Tradisionele leiers in die gebied het ook hul kommer uitgespreek. Hoofman Livhuwani Matsila wat Mahlobo vergesel, sê onderwysers het onderneem om aan te meld vir werk.

Matsila sê hulle is teleurgesteld, veral na hul gesprekke met die onderwysvakbond, Sadou en skoolbeheerliggame.

Die OVK het reeds in April ‘n beroep gedoen dat die geweld by sy lokale gestaak word.

Op Vuvani in Limpopo moes nege lokale weens onrus gesluit word.

Die Hoofkiesbeampte, Mosotho Moepya het ‘n beroep op kiesers gedoen om hulle van geweld te weerhou en hulle reg om te stem uit te oefen.

Die EFF se hoofsweep, Floyd Shivambu het die ANC en ‘n tekort aan ekonomiese ontwikkeling die skuld gegee vir die onrus in Vuwani.

Shivambu sê die geweld hou verband met konflik binne die ANC.

Hy beweer die burgemeester van Makhado en sekere raadslede besef dat hulle hulle poste sal verloor indien Vuwani volgens ‘n besluit van die Munisipale Afbakeningsraad by ‘n nuwe munisipaliteit ingesluit word.

Probleme wag vir Brasilië

Michel Temer, Brasilië se nuwe, waarnemende president, is self ‘n ongewilde leier en gaan met baie van dieselfde probleme te make hê as wat pres. Dilma Rousseff moes trotseer, het AFP berig.

Brasiliane hoop hul regering kan ná ’n maande lange stryd oor die geskorste Rousseff se staat van beskuldiging aanbeweeg.

Dit het die aandag afgelei van die land se ander probleme, waaronder die ergste resessie in jare en die reël­ings vir die Olimpiese Spele wat in Augustus begin.

Hoewel Temer (75) die steun van sakelui het, meen politieke ontleders hy sal dieselfde struikelblokke as Rousseff teëkom.

Rousseff (68) is deur die senaat vir tot 180 dae geskors nadat sy in ’n staat van beskuldiging gestel is en sy verhoor moet word. Sy het glo begrotingsprobleme verswyg om tot president herkies te word. Temer, ’n regse veteraan, is ook nie gewild in Brasilië­ nie.

Hoewel Rousseff se goedkeuringsyfer onder 10% geval het, sal Temer maar 1% of 2% van die stemme in ’n presidentsverkiesing kan lok, is in ’n onlangse peiling bevind.

Rousseff het hom uitgekryt vir die leier van ’n “staatsgreep” om van haar ontslae te raak en hy moet nou die openbare vertroue herstel in ’n politieke stelsel wat Brasiliane as korrup beskou.

“Hy sal baie van die Brasiliane se ontevredenheid erf weens die soort tradisionele politiek wat hy verteenwoordig.

“Dit sal vir hom moeilik wees om hom as ’n nuwe mens sonder enige verbintenis met die vorige leierskorps te herskep,” sê ­Thiago Bottino, ’n ontleder aan die Getulio Vargas-stigting.

Lincoln Secco, ’n historikus aan die Universiteit van São Paulo, sê Temer kan later ’n ander probleem hê: Rousseff.
“Vir vyf of ses maande (terwyl die verhoor aan die gang is) het ons ’n nie-uitvoerende president.

“Haar skadu sal oor Temer hang en druk sal op sy regering geplaas word om gou resultate te lewer.”

Die Temer-administrasie se hoop is op die herstel van die sukkelende ekonomie gevestig.

Die sakewêreld sien reeds uit daarna om ’n regering te hê wat markvriendeliker is ná jare van linkse beleid en groeiende tekorte. Brasilië is in sy tweede jaar van ’n resessie en sal na verwagting eers teen 2018 groei toon.

Om die ekonomie aan die gang te kry, het Temer ’n “brug na die toekoms” voorgestel waaronder besnoeiing van staatsuitgawes en handelshervormings tel.

Onder Rousseff en haar voorganger Luiz Inácio Lula da Silva, het die land se maatskaplike programme miljoene mense uit armoede gelig. Vir talle Brasiliane is Temer ’n tree terug.

“Ek dink burgerlike bewegings sal die strate invaar. Hulle gaan die lewe vir Temer nie maklik maak nie,” sê Debora Messenberg van die Universiteit­ van Brasilië.

Jonathan Jansen het glo gaan werk soek in VSA op UV se onkoste

Jonathan Jansen het bedank uit sy pos as vise-kanselier by Universiteit van die Vrystaat om aan te sluit by die Stanford Universiteit in die VSA.

Studente aan die UV het Maandag op sosiale media hul blydskap getoon Jansen se besluit om uit te wyk na Amerika dat sy termyn op 31 Augustus verstryk.

Jansen was glo nie lank gelede nie vir drie maande op die UV se onkoste na die VSA om te gaan werk soek daar.

Jansen het Maandag op ‘n senaatvergadering in die ou CR Swart-gebou die aankondiging gemaak.

Lacea Loader, woordvoerder van die UV, het dit bevestig.

Nie een van die senaatslede wou met die media oor Jansen se aankondiging praat nie.

Sy nalatenskap by die instelling is beroerd met die ondeurdagte transformasiebeleid wat hy en sy lakeie gedryf het.

Jansen het wit studente met groot ywer vervolg soos geblyk het uit die Reitz4- en rassisme-voorvalle waar wit studente aangekla en deur hom in die media verhoor en skuldig bevind is.

Met die onlangse swart oproer op die kampus het Jansen swart studente vervreem en hulle was ook verheug deur die nuus. Talle het die hoop uitgespreek dat hulle ‘n meer “progressiewe” rektor sal kry.

Die Universiteit van die Vrystaat het die gerugte verlede jaar dat Jansen gaan aftree, ontken en gesê dit is vals.

Die universiteit se kommunikasiebestuurder Lacea Loader destyds gereageer het op nuusberigte wat beweer het dat Jansen oor ‘n paar maande gaan aftree.

Loader het vertel dat Jansen in sy toespraak by die Kaapse Kamer van Koophandel en Nywerheid, waarna die berigte verwys, slegs ‘n grap gemaak het:

Dit was bloot ’n idiomatiese uitdrukking dat alles so goed verloop by die UV dat hy grappenderwys gesê het hy net sowel binne die volgende paar maande kan weggaan,” het Loader by navraag aan Volksblad gesê.
Volgens haar het die rektor “hoegenaamd geen planne om die UV te verlaat nie”.

Dit blyk nou dat die rektor gelieg het terwyl hy gaan werk soek het om weg te kom van sy groeiende hoop mislukkings op die UV se onkoste.

UJ Sanlam-ouditorium brand na petrolbomaanval

Die Sanlam-ouditorium by die Kingsway-kampus van die Universiteit van Johannesburg het afgebrand, vermoedelik na ‘n petrolbomaanval.

‘n Groot gedeelte van die hoofkampus is tans gesluit. Studente sou eksamen skryf in die gebou.

Die veiligheidspersoneel sê die voorval het moontlik in die vroeë oggendure Maandag plaasgevind en ‘n woordvoerder Herman Esterhuizen het op Twitter gesê die brand is reeds geblus.

Swartes op sosiale media het gesê dit sal lei tot verdere rassisme.

Verskeie departemente word geraak nadat die ouditorium onder ‘n petrolbom-aanval deurgeloop het.

Dit is onduidelik wie vir die voorval verantwoordelik kan wees, maar die kampus is onlangs deur verskeie voorvalle van oproer geteister.

Kolonel Perumal van Brixton-polisiestasie sê ‘n forensiese span van Pretoria is op pad na die toneel.

Studente het verlede week amok gemaak omdat vrouestudente glo deur veiligheidspersoneel geteister word, en daarna weens onvoldoende vervoer op die kampus.

Intussen is lesings by die Vaal Universiteit van Tegnologie nog steeds opgeskort nadat die hoofkampus op Vanderbijlpark suid van Johannesburg afgebrand is.

Die studente was glo kwaad omdat die sekuriteit op die kampus nie diefstal verhoed nie. Hulle eis dat die betrokke veiligheidsmaatskappy afgedank moet word.

Die bestuur het Donderdag alle studente opdrag gegee om hulle koshuise weens veiligheidsredes te ontruim.

Die universiteit se waarnemende Visekanselier, Segopane Seroka, sê die personeellede is aangesê om terug te keer sodat hulle kan werk kan voorberei.

Die studente sal later in kennis gestel word as hulle kan terugkeer kampus toe.

Seroka sê daar is heelwat kwessies wat ondersoek vereis waaronder eksamenvoorbereiding.

Kampus-oproer vlam weer op

‘n Administrasiegebou is aan die brand gesteek ná verskeie voorvalle van diefstal op die VUT-kampus in Vanderbijlpark vroeër hierdie week.

By Rhodes Universiteit in Grahamstad is grootskaalse brandstigting glo ter elfder ure afgeweer.

Studente van die Vaal Universiteit van Tegnologie het op loop gegaan teen Mafoko Sekuriteit, en beskuldig die private maatskappy van saamswering met misdadigers omdat hulle nie veiligheid op die kampus verseker nie.

Die polisie het gesê: “Eiendom is reeds beskadig, so ons probeer om die geweld wat daar plaasgevind het te onderdruk. Misdaad is reg voor die polisie gepleeg en dit is wat [hulle] probeer het om te onderdruk.”

Studente sê die sekuriteitsmaatskappy help misdadigers om toegang tot die kampus te verkry om hul eiendom te steel.

Bestuur by VUT sê hulle is altyd beskikbaar om betrokke te raak by studenteprobleme, maar is aanhoudend met vyandigheid begroet.

Die waarnemende adjunk-visekanselier Segopane Seroka het gesê die studente se reaksie op die bestuur se memorandum Dinsdag was om dit op te skeur en te verwerp.

Die Rhodes-universiteit sê intussen ‘n reuse poging tot brandstigting op die Grahamstad-kampus, is afgeweer.

Die vise-kanselier, Sizwe Mabizela sê twee brande is in die hoof administrasiegebou begin, maar ‘n veiligheidsbeampte kon daarin slaag om dit te blus voordat dit ernstige skade kon aanrig.

Hy het die poging veroordeel. Die polisie ondersoek die saak.

Oproer by Grabouw oor gedwonge verskuiwing

Die N2 tussen is steeds gesluit weens openbare geweld oor gedwonge verskuiwing by Grabouw in die Overberg.

Die Departement van Openbare Werke het ook plakkershutte afgebreek van mense wat onwettig op staatsgrond opgerig is.

Volgens verkeersbeamptes was die situasie deur die nag kalmer.

Oproeriges het munisipale eiendom beskadig omdat hulle ontevrede is oor behuising. Hulle het verlede maand krotte op ‘n oop stuk grond langs die N2 by Grabouw opgerig.

Die nasionale departement van vervoer en openbare werke, aan wie die grond behoort, het hulle glo aangesê om te trek.

Die toetssentrum van Grabouw se verkeersdepartement is Dinsdag aan die brand gesteek toe sowat 1 000 oproeriges tot verdere brandstigting oorgegaan het.

Hulle het Maandagaand begin om motorbande, rommel en bome te brand.

Die N2 tussen Sir Lowryspas-weg en die Houwhoekpas is sedert Dinsdag gesluit en motoriste moes alternatiewe roetes gebruik.

Die enigste manier om Grabouw te bereik is om oor die Franschhoekpas te ry.

Die polisie moes traanrook en rubberkoeëls inspan om die oproermakers uiteen te jaag.

Motoriste is Maandagaand met klippe bestook en ‘n joernalis van Die Burger se motorvoorruit is stukkend gegooi.

Sy moes ook oor die klippe in die pad ry en het die ervaring as verskriklik beskryf.

Vier mense is op aanklag van openbare geweld in hegtenis geneem. Hulle sal binnekort verskyn, het konst. Noloyiso Rwexana, ‘n polisiewoordvoerder, gesê.

Drie hoërskole en twee laerskole was Dinsdag gesluit weens die oproer.

Debbie Schäfer, Wes-Kaapse minister van onderwys, het die betogings veroordeel.