Die bestuur van die Kaapstad Kollege in Crawford is besig om die skade na Maandag se gewelddadige protesoptrede deur primêre gesondheidsorgstudente te beraam, het RSG berig.
Hulle het motorbande gebrand en van die geboue aan die brand gesteek.
Hulle beweer dat die kursus wat hulle studeer, nie geakkrediteer is nie en ook nie deur Suid-Afrikaanse Raad van Verpleegsters erken word nie.
Die studente weier ook om aan die eksamen deel te neem.
‘n Lid van die Studenteraad, Khayelethu Kama sê hul klagtes het op dowe ore geval. ‘n Woordvoerder van die instelling, Louis van Niekerk sê hulle voer gesprekke met die studenteliggaam.
Leave a Reply
You must be logged in to post a comment.