Suider-Afrika – Bladsy 5

Dis veilig om in Zim te bel?, s? Mugabe

Sakemanne is gister deur President Robert Mugabe van Zimbabwe verseker dat hulle geld veilig sal wees in Zimbabwe. Intussen het die minister van finansies aangekondig dat die land ongeveer R45-miljard in die skuld is.

Mugabe het ‘n tweedaglange vergadering oor beleggings in die eens springlewendige mynbedryf geopen en gesê dat Zimbabwe se eenheidsregering, soos hy dit gestel het, “bevredigende vooruitgang” gemaak het om ‘n bevorderlike beleggingsomgewing te maak.

“Die onaantasbaarheid van eiendomsregte en die soewereiniteit van die gereg in al sy dimensies word ten volle eerbiedig,” het hy gesê, sonder om te blik of bloos.

Zimbabwe se ekonomiese ineenstorting het begin nadat Mugabe die beslaglegging van duisende blanke kommersiële plase in 2000 gelas het. Dit het die landbougebaseerde ekonomie in die voormalige broodmandjie van die streek noodlottig geraak.

Sy kritici wys op voortgesette menseregteskendings, grondonteienings en wette wat ‘n meerderheid plaaslike aandeel in buitelandse firmas vereis.

Mugabe dring daarop aan dat die Eerste Minister, Morgan Tsvangirai, die voormalige opposisieleier, meer moet doen om sanksies opgehef te kry en buitelandse beleggings te herstel.

Maar die Europese Unie en ander Westerse lande sê die koalisie, wat in Februarie gevorm is, het nog nie genoeg gedoen om wet en orde te hervestig en om met demokratiese hervormings te begin nie. Hulle beskuldig Mugabe en hoëvlak lojaliste daarvan dat hulle veranderinge weerstaan.

mobile roulette free bonus

UJ se nuwe taalbeleid

Die Pan-Suid-Afrikaanse Taalraad, Pansat, het Woensdag 'n besluit van die Universiteit van Johannesburg verwelkom om Sepedi, Engels, Afrikaans en Zoeloe as die amptelike tale van die instelling te aanvaar.

"Dié transformasie sal beslis werklike betekenis aan die grondwet gee deur die gelyke gebruik en genot van al die amptelike tale te bevorder," het Pansat se hoofuitvoerende beampte, Chris Swepu in 'n verklaring gesê.

"Dit gee studente ook 'n kans om te voel dat hulle ware Suid-Afrikaners is, en dit is wat mense soos Steve Biko hulle laaste asems voor gegee het."

Hy het gepraat by die bekendstelling van die nuwe taalbeleid waar Sepedi (ook bekend as Noord-Sotho of Sesotho sa Leboa), Engels, Afrikaans en Zoeloe gebruik gaan word.

Swepu sê dit was "onaanvaarbaar" dat "inheemse tale deurentyd op die rand uitgeskuif word deur instellings".

"Ons kan nie 'n situasie onderhou waar die meerderheid burgers gedwing word om hulle grondwetlike regte wat toegang tot opvoeding, geregtigheid en inligting waarborg by die hekke van hulle huise agterlaat nie. [Die huidige situasie] bevorder die historiese meerderwaardigheid van Engels en Afrikaans," het Swepu gesê.

wedding tiara

Diensleweringgeweld in Luphisi

Mpumalanga se LUR vir regering en tradisionele sake, Norman Mokoena, het Woensdag die gewelddadige oproer in Luphisi veroordeel.

"Alhoewel ons individue se reg om kommer te wys, respekteer, moet dit binne die raamwerk van die reg geskied."

Segsman Simphiwe Kunene het gesê hulle verwerp "disinformasie deur kwaadwillige individue dat die LUR met die gemeenskap gepraat het en beloftes gemaak het".

Kunene sê die department "hanteer die gemeenskap se griewe as top proitrteit maar sal die geweld en die vernietiging van eiendom nie duld nie".

Hy het gemeenskappe aangemoedig om na vore te kom met hulle griewe.

Dit volg op Woensdagoggend se diensleweringsprotes van handuit geruk het by Luphisi, oos van Nelspruit.

Twee mense is beseer toe inwoners begin klippe gooi het en strate afgesper het sodat busse nie kon ry nie. 'n Polisievoertuig is na bewering ook gebrand.

Betogers het die plaaslike munisipaliteit daarvan beskuldig dat hulle nie hulle belofte om die hoofstraat te teer nagekom het nie.

Die LUR vir openbare werke, Clifford Mukansi, het voorheen die gebied besoek en aan 1 000 gemeenskapslede belowe dat die bou van die pad Donderdag sal begin.

promoter instagram

‘Baie vyandige situasie’ op Wits-kampus

Betogers staan in groepies voor die Grootsaal rond

Die kampus van die universiteit van die Witwatersrand word tans geteister deur soms gewelddadige betogings oor 'n verhoging in studiegelde. Die provinsiale leier van die SA Students Congress, Themba Masondo, het die situasie tussen die bestuur en studente as "baie vyandig" beskryf.

"Onderhandelinge duur voort… ons vind die bestuur hoogs arrogant. Die situasie is baie vyandig," het hy gesê.

Die polisie handhaaf 'n teenwoordigheid op die kampus en vanmiddag het dinge kalmer voorgekom as gister toe klasse ontwrig is.

Die konflik oor studiegelde het ook 'n rassedimensie aangeneem met hoofsaaklik swart studente wat aan die betoging deelneem. Blanke studente het vandag hul gang gegaan en 'n lentekonsert buite die Grootsaal bygewoon waar 'n nabootsing van die Berlynse muur opgerig is.

'n Student in finansies en ekonomie, Tumz B, meen die betoging bring die onderliggende klasse- en rasseverdeeldheid aan die Universiteit van die Witwatersrand na vore.

"Ek haat dit om dit as swart en wit te beskryf want die verdeling is meer na gelang van klas, maar dis 'n feit dat die armer studente meesal swart is.

"Die meeste blanke studente gaan nie betoog nie want hul ouers kan die studiegeld bekostig," het hy gesê.

Ander studente het gevoel die verhoging in studiegeld is 'n normale deel van universiteitsopvoeding.

"Alles gaan op, mens kan nie daarvan wegkom nie," het die eerstejaarstudent, Denise Tamagnone, gesê.

Sy voel die betoging is "intimiderend en nogal angsaanjaend".

"Die betogers het in een van my lesings ingestorm en op ons lessenaars gespring," het sy gesê, en bygevoeg dat dit onregverdig is om op haar eie kampus onveilig te voel.

'n Mediese student Trisha-Gean Mahon meen studente behoort eerder 'n brief aan die dekaan te skryf om hul griewe te lug.

"Ek dink nie dit gaan enigiets regkry nie, hulle behoort aan 'n ander manier te dink, soos om vir die dekaan te skryf," het sy gesê.

Die betogers sou laat vanmiddag oor die vordering met onderhandelings ingelig word.

Фільчаков прокурор

Mynman verdedig Maroga se salaris

Bobby Godsell, Eskom-voorsitter en regterhand van mynbelange in Suid-Afrika, het Dinsdag aan die portefeuljekomitee vir openbare ondernemings gesê dat Jacob Maroga se salaris van R5 miljoen per jaar toepaslik is.

Godsell het gesê mediaberigte oor ’n 26,7%-verhoging is “misleidend en onbehulpsaam” want Maroga het ’n verhoging van 9% gekry en geen bonus nie.

Daar is glo besluit om die betaling van langtermynbonusse uit Eskom se aandeleskema, uit te stel totdat die maatskappy finansieel gelyk breek, het hy gesê.

Godsell sê ’n “intelligente debat” moet gevoer word oor Maroga se salaris omdat Eskom ’n omset van meer as R100 miljard per jaar het.

'n Internasionale kundige het Maroga dadelik nadat hy aangestel is, gewaarsku oor ’n dreigende krisis weens Eskom se steenkoolvoorraad, maar hy het dit klaarblyklik geïgnoreer. Die voorsieningskrisis het die land in Januarie 2008 getref.

Maroga verdien twee keer meer as die president, volgens Pieter van Dalen van die DA. Hy het gesê die verhoging is boonop toegestaan ná die kragkrisis waarvoor verbruikers steeds moet opdok.

Barbara Hogan, minister van openbare ondernemings, het aan die portefeuljekomitee gesê krag teen die huidige prys aan verbruikers is nie volhoubaar nie.Eskom kan nie met sy kapitale uitbreidingsprogram van R400 miljard voortgaan teen huidige tariewe nie, het sy gesê.

how to play cludo топкарго развод

SA kan nie ‘ekonomie vir kweekhuisgasuitset opoffer’

Dit is onrealisties om van ontwikkelende lande soos Suid-Afrika te verwag om kweekhuisgasdoelwitte te jaag vanweë hulle ekonomiese status, het die minister van omgewingsake, Buyelwa Sonjica, Dinsdag gesê.

Sy het die media in Kempton Park toegespreek. Sonjica sê die regering sal nie enige ooreenkoms teken wat die land se kanse ekonomiese ontwikkeling kan kortwiek by die klimaatsveranderingkongres wat eersdaags open nie.

"Ons weet ons is die sondebokke wat koolstof vrystel want ons wek energie op met steenkool… [maar] Suid-Afrika is 'n land met maatskaplike en sosio-ekonomiese kwessies. 'n Groot deel van ons bevolking is sonder elektrisiteit dus moet 'n mens al daardie kwessies in berekening neem voordat 'n mens van steenkool kan wegbeweeg," het sy gesê.

Daar moet 'n balans wees tussen hoe die land sy koolstofuitset hanteer terwyl daar ekonomiese ontwikkeling is.

"Die grootste uitdaging wat ons tans in die gesig staar is voldoende energievoorsiening en toegang wat ons ontwikkelingsimperatiewe nie negatief gaan raak nie, en om terselftertyd 'n pad van beperkte koolstofuitsette te loop."

Alhoewel die land graag koolstofuitset wil verminder, kan daar nie van Suid-Afrika verwag word om op dieselfde skaal as die VSA geplaas te word nie.

"Ons verwag werklik dat ontwikkelde lande soos die VSA die leiding sal neem en dappertoegewings sal maak, " het Sonjica gesê.

Die internasionale gemeenskap het ontwikkelende lande ook uitgesluit uit die doelwitte wat aan ontwikkelde lande gestel is.

"Die Internasionale Paneel vir Klimaatsverandering, die IPCC (International Panel of Climate Change), se verslag sê alhoewel ons 'n verantwoordelikheid het met die uitset van gasse, is ons verantwoordelikheid en vermoeë nie dieselfde nie."

Sonjica het gepraat voor die VN se beraad oor klimaatsverandering wat in Desember in Kopenhagen, Denemarke, gehou sal word.

Die minister hoop dat die beraad op 'n "ooreenkoms sal uitloop wat voordelig vir ontwikkelde sowel as ontwikkelende lande sal wees".

Van die aspekte wat die misnister hoop aangespreek sal word, is befondsing vir armer lande om die uitdagings van klimaatsverandering aan te spreek.

'Vir Suid-Afrika sal 'n suksesvolle uitkoms een wees wat inklusief, regverdig en effektief is… sukses in Kopenhagen sal klimaatsvriendelike ontwikkeling versterk en moet dringend die wêreld se armstes en mees kwesbares help om aan te pas."

Terwyl Suid-Afrika nog steeds in die proses is om te bereken hoeveel geld nodig sal wees om die uitdaging van klimaatsverandering te bowe te kom, sal lande in Afrika tussen $200 en $400 miljard nodig hê.

Cosas-leiers geskors weens wanbestuur

Die twee leiers van die Congress of SA Students (Cosas) wat onlangs geskors is, is gevra om tuis te bly weens die wanbestuur van R6.5 miljoen en die misbruik van die organisasie se embleem, het die organisasie Dinsdag gesê.

Wesley Kgang, president, en Goodman Nkungu, adjunk sekretaris-generaal, se lot sal in November beslis word wanneer Cosas se nasionale uitvoerende komitee weer vergader, het Antonio Carels, sekretaris-generaal, aan die media gesê.

Cosas het drie maande gelede R6.5 miljoen ingesamel om die organisasie se dertigste verjaarsdag te vier.

Maar, volgens Carels, is slegs R1miljoen is vir die geleentheid gebruik en niemand weet glo wat met die res van die geld gebeur het nie.

Die organisasie se embleem is op ‘n privaatinstansie se webblad, Gauteng Online, gebruik om geld in te samel, maar Cosas het dit nie ontvang nie.

Carels beweer dat Kgang die instansie toestemming gegee het om die embleem te gebruik.

Die privaatmaatskappy het belowe om die organisasie te vergoed, maar daar het nog niks van gekom nie.

“Organisasies kan nie hand aan hand met individualisme saamleef nie, aangesien die uitskakeling van individualisme die primêre doel van die organisasie is,” het Carels gesê.

Carels het gerugte dat Julius Malema van die ANC-jeugliga die skorsing van Kgang bewimpel het, ontken.

строительство саун Фільчаков прокурор

Veiligheidswag steel motor

‘n Veiligheidswag by die Mthatha-lughawe is Dinsdagoggend in hegtenis geneem nadat hy glo ‘n motor by die lughawe gesteel het, sê die polisie.

Volgens supt. Mzukisi Fatyela, van die polisie in die Oos-Kaap, het die voorval kort na middernag plaasgevind.

“Die wag het na bewering die motor uit die parkeerarea gesteel. Hy is later in Qumbu vasgetrek.”

Hy is in hegetnis geneem en daar is op die voertuig beslag gelê.

косметика украина прокурор Фильчаков

Handel in TB-speeksel floreer

Die Daily Sun het Maandag berig dat TB-pasiënte hul speeksel glo verkoop. Gesonde mense gebruik die speeksel van tuberkulose-lyers om vir ’n ongeskiktheidstoelae te kwalifiseer.

Dit is bekend dat TB-pasiënte ophou om hul medikasie te neem sodat hulle vir die staatstoelae in aanmerking kan bly of kan aanhou om speeksel te verkoop.

Die handel en toelaes verklaar waarskynlik ook die geweldige "infeksiekoers" van TB in Suid-Afrika.

Die siekes in Khayelitsha in Kaapstad verkwansel hul speeksel teen sowat R100 per botteltjie.

Die botteljie spoeg kan ’n tydelike ongeskiktheidstoelae van R1 010 beteken.

Die TB-pasiënt van wie verslaggewers van die Daily Sun spoegmonsters gekoop het, het gesê hy maak omtrent R500 per maand deur sy liggaamsvloeistof van die hand te sit.

Die departement van gesondheid het gesondheidswerkers landwyd gevra om “uiters waaksaam” te wees nadat die bedrogspul aan die lig gekom het, het Die Burger berig.

софиты для Лобановский Харьков

Zimbabwiese hof gooi saak teen MDC-lid uit

‘n Zimbabwiese hof het gister ‘n saak teen ‘n wetgewer van die eerste minister, Morgan Tsvangirai, uit die hof gegooi. Die party het aangevoer dat die saak aanmekaargeflans is en laat vaar moet word.

Edmore Marima, ‘n wetgewer uit Bikita Oos, is vrygespreek van ‘n bedrogklag nadat ‘n landdros in Harare gesê het geen oortreding is begaan nie, sê die MDC in ‘n verklaring.

“Marima het die derde MDC LP in die afgelope maand geword om vrygespreek te word van ‘n aanmekaargeflanste klag waarmee die ZANU PF probeer om die party se meerderheid in die Parlement weg te kalwe,” sê die party.

Die wetgewer is daarvan aangekla dat hy ‘n plaasbeleggingskema vir lede van die Parlement verlede jaar uitgebuit het, maar die landdros het aan die hof gesê dat die inligting van MDC-wetgewers weerhou is “om hulle in ‘n lokval te betrap.”

Hierdie is die nuutste in ‘n reeks skermutselings tussen die twee partye wat in Februarie in ‘n eenheidsregering saamgesnoer is.

как играть теннис

Malawi?r ontvoer verkeersbeampte

‘n Malawiese motoris is in hegtenis geneem nadat hy glo ‘n verkeersbeampte gegryp en in sy motor se kattebak gestop het, het polisie in die Oos-Kaap gesê.

Volgens supt. Mzukisi Fatyela, was die beampte Sondag op diens in Mthatha toe die woedende man stilgehou het.

“Hy het eenvoudig net die beampte gegryp en in die kattebak toegesluit. Dis mos nie normaal nie. Die verdagte het ‘n verkeersbeampte ontvoer,” het Fatyela gesê.

Ooggetuies het die polisie ontbied en die Malawiër is later van die pad getrek en in hegtenis geneem.

Hy sal binnekort in Mthatha in die landdroshof verskyn op aanklagte van ontvoering en aanranding.

в екатеринбурге topcargo

Swart meisie vertrap by rietdans

Die tradisionele rietdans

’n Swart meisie, 14, is dood en talle beseer gedurende ’n stormloop die naweek by die jaarlikse rietdansfees by koning Zwelithini se paleis in Enyokeni in die noorde van KwaZulu-Natal.

Volgens die polisie is agt ander beseer en na ’n hospitaal in Nongoma geneem. Dit was teen druktyd nie bekend wat hul toestand is nie.

Dir. Phindile Radebe, polisiewoordvoerder, kon ook nie gister sê wie die oorledene is of van waar sy is nie.

Die nuuskanaal e.tv News het berig die stormloop het begin toe gratis pette aan die swart meisies uitgedeel is.

EU-hulp aan Zim vloei steeds

Hulpkommissaris van die Europese Unie, Karel De Gucht, het gesê die EU sal vanjaar hulp van €90 miljoen aan Zimbabwe gee.

"Die Europese Unie het nog nooit opgehou om Zimbabwe te help nie," het die hulpkommissaris gesê aan die einde van sy tweedaagse besoek aan die land. Dit is die eerste besoek in sewe jaar waar die EU-blok samesprekinge met Mugabe se regering gehou het.

Die Sweedse minister van ontwikkeling, Gunilla Carlsson, wie se land die roterende EU-presidentskap hou, het gesê daar is nog steeds menseregteskendings in Zimbabwe.

"Die EU het 'n duidelike riglyn dat die sleutel tot die land se terugkeer die volle implementering van die globale politieke ooreenkoms is," het sy gesê.

Sy het bygevoeg dat die magsdelingsooreenkoms en die regering van nasionale eenheid 'n "belangrike stap in die rigting van normalisering van die situasie in Zimbabwe is".

Die besoek van die EU-afvaardiging kom op 'n tydstip waar streeksleiers vra dat die sanksies teen president Robert Mugabe en sy bondgenote opgehef word.

Die sanksiese behels ondermeer bevriesde bates en 'n reisverbod op Mugabe en sy helpers.

Die EU het egter aangedring op verdere hervormings soos waarborge vir politieke en mediavryheid.

Suid-Afrika, swaargewig in die streek, het Vrydag die EU-afvaardiging ontmoet om aan te dring daarop dat sanksies laat vaar word sodat die ooreenkoms tussen Mugabe en Tsvangirai wat in Februarie onderteken is, kan voortgaan.

Die EU het sedert 2002 sowat €600 miljoen se humanitêre hulp aan Zimbabwe verleen.

Акваэлит

Chuene wil terug na IAAF

Leonard Chuene, die president van Atletiek Suid-Afrika, ASA, gaan terugkeer na die internasionale atletiekliggaam se raad om te veg vir ‘n atleet wie se geslag in twyfel getrek word.

ASA het Sondag aangekondig dat sy president gaan terugkeer na die IAAF se raad.

Chuene het gesê dat sy besluit om die raad te verlaat 'n “emosionele” een was.

Die IAAF het daarop aangedring dat geslagstoetse op die 800m wêreldkampioen Caster Semenya gedoen moet word.

Hulle weier om mediaberigte dat Semenya beide manlike en vroulike geslagsdele het te bevestig of te ontken.

Volgens die IAAF is hulle nog besig om die uitslae na te gaan en hulle sal in November ‘n finale besluit neem oor of Semenya nog aan vrouebyeenkomste sal mag deelneem.

my little pony игрушка Фильчаков