Nuus – Bladsy 47 – praag.co.za

Eskom se kapitaalbehoeftes 10 keer groter

Eskom se kapitaalbehoeftes het 10 keer groter geraak die afgelope vyf jaar, van R11 miljard na R104 miljard in 2010, het Jacob Maroga Maandag gesê.

Daar is 'n groot tekort in hulle finansies selfs nadat die regering se befondsing en lenings ingereken word en dit verduidelik die instelling se interimaansoek om 'n tariefverhoging van 34% wat uit die verbruiker se sak moet kom.

Maroga het by die Nasionale Energiereguleerder van SA in Pretoria gepraat by 'n tweedaagse openbare sitting oor die aansoek om tariefverhoging.

Eskom het aansoek gedoen om 'n verhoging in die huidige finasiële jaar en beplan later die jaar 'n verdere verhoging om die balans van die driejaarprysmodel aan te vul. Maroga het gesê dit sal 'n interimoplossing wees, aangesien daar nog nie finaal op 'n befondsingsmodel besluit is nie.

Die model "sal die behoefte aan 'n ekwiteitsinspuiting van die regering en lenings van beleggers asook tariefverhogings balanseer", en sal teen September 2009 gereed wees. Daarna sal Eskom vir nog 'n verhoging aansoek doen.

Eskom het na indringende vrae van Nersa gesê hulle het nie "duidelike oplossings" vir die impak wat die voorgestelde verhogings op die armes sal hê nie, maar het dialoog voorgestel as 'n probleem opduik.

Solidariteit en die Intensiewe Energieverbruikersgroep het die hoë kostes van die semistaatsinstelling bevraagteken in hulle gedetailleerde aansoek. Kaapstad en die Nelson Mandela-munisipaliteit het die aansoek teengestaan omdat hulle meen dit is onregmatig.

Advokaat Graham Richards van die Nelson Mandela Bay Munisipaliteit het gesê Eskom ondermyn wetgewing omdat Nersa 'n statutêre liggaam is wat administratiewe besluite neem en nie die mag het om oor onwetmatigheid te beslis nie.

Deur die interimtariefverhoging toe te laat sal munisipaliteite blootgestel word aan litigasie omdat Eskom nie by tysbepalinge gehou het nie en ook nie genoegsame redes verskaf het om die stygings te regverdigsoos die wet vereis nie.

Die Kamer van Mynwese het gesê Eskom se aansoek om tariewe te verhoog, is vaag. Cosatu het ook die aansoek verwerp. Hulle industriële beleidskoördineerder, Jonas Mosia, het aangedui dat meer as 208 000 werkers hulle werke verloor het agv die finansiële krisis en "nou moet die armes die las van hoër elekrtisiteitstariewe dra".

Solidariteit het Eskom versoek om na hulle twee grootste kostes te kyk naamlik steenkool en personeel. Dirk Herman het die instelling gevra waarom hulle kostes so "astronomies" is en voorts direk gevra dat Eskom 'n ondersoek doen "omdat daar iets verkeerd is".

Sedert 2008 het die prys van steenkool met 60% geval. Herman het 'n 12% verhoging voorgestel wat bedryfskoste sal dek, afhangend van die uitkoms van die ondersoek.

Die sitting sal Dinsdag voortgaan en Eskom sal teen 25 Junie 'n besluit neem.

Agt sterf vermoedelik agv water

Watermonsters van 'n rivier in die Oos-Kaap is vir analise weggestuur nadat agt mense in die Mphekostat oorlede is, het die departement van waterwese Maandag gesê.

"Die departement sal 'n volledige ondersoek doen en het reeds watermonsters van tradisionele waterbronne in die gebied geneem naamlikvan die Mpheko Rivier en Phantsi Kwentabafontein, " het woordvoerder Sputnik Ratau gesê. Die uitslag sal teen Woensdag bekend wees, het hy bygevoeg.

Agt mense in die Mphekostat naby Mthatha is dood nadat hulle diarrhoea ontwikkel het en braking. Daar word vermoed dat besoedelde drinkwater dalk die oorsaak van die sterftes van die afgelope paar weke kan wees.

Gesondheidswoordvoerder van die Oos-Kaap Sizwe Kupelo sê daar was geen gevalle van cholera in die gebied aangemeld nie.

"Ek kan bevestig dat dit nie cholera is nie, omdat dit nie in die winter voorkom nie," het hy gesê.

Ratau sê departementele amptenare is na die gebied gestuur en hulle werk nou saam met die inwoners.

Die departement sal pogings in noue samewerking met die provinsie se departement van gesondheid en die OR Tambo-distriksmunisipaliteit koördineer as die waterdienstegesag in die gebied, het Ratau gesê.

slots slots

Swaai na regs in Europese verkiesings

Geert Wilders van die Partij voor de Vrijheid

Die sentrum-regse Europese Menseparty het die Sosialiste bloedneus gegee in die verkiesings vir die Europese parlement wat gister plaasgevind het. Dit lyk tans asof die sentrum-regse koalisie van 74 konserwatiewe nasionale partye in Europese lande 267 setels in die Europese parlement gaan verkry, teenoor die Sosialiste se 159.

Nasionalistiese partye het ook in vele lande opgang gemaak. In Brittanje, Nederland, Oostenryk, Denemarke, Slowakye en Hongarye het die nie-tradisionele regse partye opgang gemaak.

Mnr. Nick Griffin, leier van die Britse Nasionale Party wat deur die hoofstroommedia in die Verenigde Koninkryk as "verregs" getipeer word, het vir die heel eerste keer 'n setel in die Europese parlement verkry. Griffin het 'n setel in die Noordwesstreek van Brittanje verower en Andrew Brons het 'n tweede setel vir die party in Yorkshire en Humber verkry.

In Nederland het Geert Wilders wat nie te lank gelede nie deur Britse polisie by Heathrow-lughawe verhoed is om die land binne te gaan weens sy vervaardiging van 'n anti-Moslem-film genaamd "Fitna", nie minder nie as 15% van die stemme ontvang. Sy Partij voor de Vrijheid wat maar eers in 2006 tot stand gekom het, het binne enkele jaar van 'n nulsteunbasis tot die huidige vlak gegroei.

In Oostenryk het die party van die ontslape leier, Jorg Heider, die Freiheitliche Partei Österreichs 13% van die stemme onder sy nuwe leier HC Strache behaal.

Sosialistiese en linkse partye is oor die algemeen swaar deur die kiesers gestraf, met die uitsondering van Frankryk waar die eertydse Maoïstiese studenteleier, Daniel Cohn-Bendit, 'n Groen koalisie gelei het wat 16% van die stemme behaal het, teenoor die 28% van president Nicolas Sarkozy se sentrum-regse UMP.

Die oorwinning vir die sentrum-regse groepering in die Europese parlement, sal waarskynlik daartoe lei dat Jose Manuel Barroso, 'n konserwatiewe figuur, as president van die EU se uitvoerende Europese Kommissie mag aanbly. Dié pos vereis die goedkeuring van die Europese parlement.

Martin Schultz, die hoof van die Party van Europese Sosialiste, het die uitslag as "'n bittere teleurstelling" beskryf. "Ons het vir 'n beter uitslag gehoop. In die meeste lande het dit sleg vir ons afgeloop."

Die opkoms in die Europese verkiesing was die laagste sedert die eerste stemmery in 1979 gehou is, naamlik 41%. Kritici van die stelsel meen dat 495 miljoen burgers in die 27-lidlande van die unie vervreem van die parlement voel. Die Europese parlement word as die magtigste politieke liggaam ter wêreld, naas die Amerikaanse Kongres, beskou.

Die nasionale gevolge van die verkiesing is egter reeds in vele lande voelbaar. In Brittanje gaan die swak vertoning deur die Arbeiders tot verdere druk om te bedank op die eerste minister, Gordon Brown, lei. In Duitsland egter, is kanselier Angela Merkel se kanse om in September herverkies te word deur die goeie vertoning deur konserwatiewe partye versterk.

In Italië het eerste minister Silvio Berlusconi ook 'n geringe oorwinning behaal, in weerwil van die resessie en skandale rondom sy liefdeslewe.

Die terugslag vir die Europese sosialiste kan in die volgende lande die heersende linkse regerings destabiliseer: Brittanje, Ierland, Letland, Griekeland, Hongarye, Bulgarye en Spanje.

сварочный инвертор с

Die varkgriephoofstad van die w?reld

Nege van die Brisbane Broncos en North Queensland Cowboys rugbyligaspelers is Maandag in afsondering geplaas nadat een van hulle spanlede positief getoets het vir varkgriep.

Die Nationale Rugbyligaspanne het besluit om alle spelers wat met Queensland se Ben Hannant in aanraking was, te isoleer.

Australiese toetskaptein Darren Lockyer het bevestig dat Israel Folau, Karmichael Hunt, Sam Thaiday, Justin Hodges en Peter Wallace in afsondering verkeer.

Die Cowboys het gelas dat Johnathan Thurston, Luke O'Donnell en Matt Scott soortgelyke behandeling ontvang.

Australië se bevestigde varkgriepinfeksietal het tot 1 051 gestyg, en 874 gevalle kom in die suidelike staat van Victoria voor waar die rugbyligawedstryd verlede Woensdag gespeel is.

Die meeste gevalle is in die noorde en weste van Melbourne aangeteken wat tans as die wêreld se varkgriephoofstad bekend staan, met die hoogste infeksiekoerse op die aardbol.

Victoria se owerhede het aangedui dat hulle die varkgriepbedreiging van "beheer" na "keer" opgegradeer het en sal dalk oorweeg om groot byeenkomste soos sportwedstryde te kanselleer indien die infeksiekoers bly styg.

каминные комнаты

Lyke van Air France-vlug gekry

Familielede van sommige van die 228 passasiers aan boord van Air France se Vlug 477 hoop nog dat hul geliefdes lewe. Familielede is tans in ’n hotel in Rio de Janeiro saamgedrom om na nuus oor die soektog na die vliegtuig te luister. Sommiges was verlig dat lyke gekry is, maar ander hoop steeds.

Dit ten spyte daarvan dat die lyke van twee mans wat op dié rampvlug was eergisteroggend gevind is sowat 70 km suid van waar die vliegtuig sy laaste sein uitgestuur het. Nóg drie lyke is gister gevind.

’n Brasiliaanse ondersoekspan het die naweek noord-oos van die eiland Fernando de Noronha op wrakstukke, ’n vliegkaartjie van Vlug 447 en die lyke afgekom.

Kol. Jorge Amaral, ’n Brasiliaanse lugmagwoordvoerder, het gesê die vliegkaartjie is in ’n leer-aktetas gevind. Dit het aan ’n passasier op die vlug behoort.

’n Vliegtuigsitplek met ’n reeksnommer is ook daar naby gevind.

Vlug 447, wat van Rio de Janeiro na Parys op pad was, is die dodelikste lugramp sedert 2001 en die grootste in Air France se bestaan van 75 jaar.

Die twee mans se lyke is na die Fernando de Noronha-eilande geneem.

Franse en Brasiliaanse owerhede soek steeds na die res van die wrak en passasiers.

Air France het later 'n verklaring uitgereik waarin hulle gesê het dat hulle die lugspoedsensors van langafstandvliegtuie wil vervang omdat vrese ontstaan het dat die sensors met ys aanpak.

Ondersoekers oorweeg die moontlikheid dat die spoedsensors van Vlug 447 verys het, wat veroorsaak het dat die loodse die spoed van die vliegtuig verhoog het omdat hulle 'n foutiewe lesing ontvang het en wat uiters gevaarlik is terwyl 'n donderstorm woed.

Die hoof van Frankryk se ongelukagentskap, Paul-Louis Arslanian, het aangedui dat die Airbus A330 se sensors vervang sou word, maar het gesê dit beteken nie dat die oues stukkend was nie.

Airbus het bevestig dat hulle 'n bulletin uitgereik het waarin gevra word dat die 50 of meer Airbuslugvaartoperateurs hulle vliegtuie se spoedsensors vervang, bekend as die Pitotbuise.

Air France het in 'n verklaring gesê hulle het opgemerk dat die lugspoedmeters van die A330 en die A340 in Mei 2008 met ys aanpak en het daarna 'n oplossing van Airbus geëis.

Volgens Air France het Airbus aangebied om verskillende sensors te toets, agv twyfel wat bestaan het of dit die probleem van verysing sou aanspreek, maar die lugdiens wou nie wag nie, en het vanaf 27 April begin om die sensors te vervang.

Frankryk gaan 'n kernduikboot afstuur om die twee vlugopnemers te probeer opspoor wat enige iets van 864m tot 4 000m onder die see kan wees.

fruit shop

Soedan se leier besoek Zimbabwe

President Omar al-Bashir van Soedan, wat deur die Internasionale Strafhof veroordeel is vir oorlogsmisdade en menseregteskending, het Zimbabwe se president Robert Mugabe Sondag ontmoet. Al-Bashir is die eerste sittende staatshoof wat deur die ISH veroordeel is.

Mugabe het gesê hy was nie bewus daarvan dat die Soedannese president sou opdaag nie. Zimbabwe is nie onder die 180 lande wat die statute van die wêreld se eerste permanente oorlogsmisdaadtribunaal bekragtig het nie.

Lande wat die statute aanvaar het, is onder 'n verpligting om Al-Bashir te arresteer. Zimbabwe het lof ontvang vir die verwelkoming van Arabiese en Afrikalande wat die veroordeling van Soedan se leier teenstaan.

Al-Bahir het reeds 'n halfdosyn reise buite sy landsgrense onderneem na Arabiese en Afrikalande sedert die veroordeling in Maart. In April was hy in Ethiopië, hoofkwartier van die AU. Die AU het gevra dat Al-Bashir se inhegtenisname met 'n jaar uitgestel word omdat dit die moeilike vredesproses in Soedan mag benadeel indien hy gearresteer word.

Die Arabiese Liga het die veroordeling verwerp.

Tsvangirai is tans in die buiteland op 'n besoek van drie weke om Europese en Amerikaanse leiers te ontmoet en het aan die media gesê hy was nie bewus van die besoek nie. Die opposisieleier gaan eersdaags met die Amerikaanse president vergader in Washington volgens die Zimbawiese staatsradio.

Die Nederlandse minister van ontwikkelingshulp, Bert Koenders, het tydens Tsvangirai se besoek gesê die Weste wil meer vooruitgang in menseregte sien en die inperking van ondermeer die veiligheidsmagte en die sentrale bank.

Alhoewel Tsangirai ontken het dat hy van die besoek van Al-Bashir bewus was, het Ian Makone, 'n lid van Tsvangirai se reisgeselskap, gesê Al-Bashir is 'n amptelike gas van die Comesaspitsberaad en is uitgenooi om die verrigtinge by te woon deur Kenia. Kenia se voorsitterskap van die ekonomiese groep het ten einde geloop.

Mugabe sal die voorsitterskap oorneem van die Keniaanse president Mwai Kibaki. Die leier van Zimbabwe het Sondag gesê konflik is 'n "ernstige kanker van ons streek", maar het nie na Soedan verwys nie.

Hy het 'n oproep gedoen aan die 400 miljoen mense in die streek en gevra dat Afrika 'n groter rol speel om die toekoms te beïnvloed. "Ons kan nie langer toeskouers en betogers wees nie."
complete bridal jewellery sets Александр Фильчаков

Ontevrede werker brand baas se huis af

'n Ontevrede werker is Vrydag inhegtenis geneem nadat hy sy werkgewer se huis in Hydepark in Johannesburg afgebrand het.

Die hele huis het afgebrand, het inspekteur Moses Maphakela gesê.

Die man was glo ontsteld toe hy verneem dat die taak waarvoor hy aangestel is, afgehandel is en dat sy dienste nie langer meer nodig sal wees nie. Die 24-jarige man het daarna die huis in Vierdestraat wat aan sy werkgewer behoort het en wat hy vir sy werkers gehuur het, aan die brand gesteek.

Daar was 8 werkers in die huis ten tye van die brand wat rondom 1 uur die middag begin is.

Die brandstigter het aan die ander werkers gesê hy is so kwaad dat hy die huis aan die brand gaan steek Maphakela sê hulle het gedink hy is nie ernstig nie.

Die inwoners van die huis het almal ongedeerd met hulle besittings ontsnap. Brandweermanne het die vuur vir vier ure lank probeer blus voordat dit onder beheer gebring is. Die skade beloop na raming ongeveer R500 000.

Die man sal Maandag in die Wynbergse Landdroshof verskyn.

для автомобильного

‘n Hou in die maag?

Die VN se antwoord op die jongste kerntoets wat Noord-Korea onderneem het, is 'n hou in die maag. Letterlik, want die VN beplan om luukse goedere wat duur drank en voedsel insluit van die Noord-Koreane te weerhou met die nuutste sanksievoorstelle.

Die Veiligheidsraad se gedagte om Kim Jong-Il, wat glo 'n lekkerbek is, se gunstelinggeregte soos kaviaar en perperduur cognac af te sny sodat hy sy land se kernprogram sal laat vaar, is met skeptisime begroet.

Sedert die leier, wat ook bekend staan as "Dierbare Leier", egter met sy gesondheid sukkel, meen kenners dat dit nie veel indruk op hom sal maak nie omdat hy sy dieët aangepas het en deesdae gorttee verkies.

Hennessy, die bekende drankmaatskappy, het 'n paar jaar gelede gesê Noord-Korea is een van sy grootste kliënte en spandeer ongeveer $700 000 per jaar aan Paradis-cognac. Die aankope 'n glo 'n goeie barometer van politieke stabiliteit in die land aangesien Kim meer aankoop as sy binnekring onrustig begin raak.

'n Verbod op luukse goedere sal egter ook maklik omseil kan word omdat die grens tussen Noord-Korea en China nie goed bewaak is nie.

Noord-Koreaanse restaurante in suidoos-Asië, wat vermoedelik gebruik was om geld te was en luukse aankope te doen, het almal onlangs toegemaak.

фонари круглые лобановский харьков

Betoging teen Swaziland in Johannesburg

Koning Mswati III van Swaziland

Sogenaamde "pro-demokratiese groepe" sal vandag 'n betoging buite die konsulaat van Swaziland in Johannesburg hou wat beswaar teen die inhegtenisname van 'n menseregte-advokaat maak.

"Advokaat Maseko het vele kamarade in hul regsgedinge teen die regime verteenwoordig, waaronder die geslaagde saak deur oudmynwerkers waarin die hof ten gunste van gratis onderwys bevind het," het die Suid-Afrikaanse skakelkantoor in 'n verklaring gesê.

"'n Betoging sal voor die Swazilandse konsulaat in die Johanneburgse middestad op Vrydag 5 Junie gehou word om die vrylating van advokaat Thulani Maseko te eis."

Maseko is op klagte van sedisie en ondermynende bedrywighede in hegtenis geneem, het Agence France Press Donderdag berig.

Die betoging word deur die SA skakelkantoor, die Oopgemeenskapsinstituut van Suider-Afrika, Swazilandsolidariteitsnetwerk en die SA Kommunisteparty georganiseer.

Maseko verteenwoordig die Swazi-oppososisieleier Mario Masuku, van die verbode Verenigde Demokratiese Beweging van die Mense, wat verlede jaar in die tronk gesit is.

Politieke partye is verbode in Afrika se laaste absolute monargie en koning Mswati III het die mag om die eerste minister, die wetgewende vergadering en die regbank aan te stel.

Александр Фильчаков

Oudste inwoner oorlede

Moloko Temo van Limpopo wat moontlik een van die oudste mense ter wêreld was, is eergister, slegs ’n maand voor haar 135ste verjaardag, oorlede.

Temo is op 4 Julie 1874 gebore.

Cassel Mathale, Limpopo se premier, het gesê een van die trotste oomblikke wat oor Temo onthou sal word, is toe sy haar nie deur haar jare laat onderkry het nie en vanjaar op 22 April in die algemene verkiesing gestem het.

Mathale het met Temo se familie gesimpatiseer.

Guinness World Records het haar ouderdom nooit erken nie.

Sy is volgens haar identiteitsboek, wat in 1988 uitgereik is, in 1874 gebore.

Temo, wat van die Bochum-gebied was, was 56 jaar lank in ’n rolstoel en was blind.

Australi? klap Chinese hand weg

Die Chinese regering se grootste investering in 'n Westerse maatskappy, 'n aanbod van $19,5 miljard vir 'n aandeel in die Brits-Australiese mynreus Rio Tinto, het Vrydag ineengestort.en daarmee 'n einde gebring aan China se ambisies om groter inspraak in die ontginning van die wêreld se natuurlike grondstowwe te verkry.

Die raad van Rio Tinto het Donderdag na 'n vergadering in Londen op die stap besluit om nie aandele aan Chinalco, China se staatsbeheerde aluminiummaatskappy, te verkoop nie.

Hulle het Vrydag in 'n verklaring bekend gemaak dat hulle eerder met 'n mededinger, die wêreld se grootste Australiese mynkrag BHP Billiton, wil saamwerk.

Australië het diep beswaar gemaak teen die ooreenkoms met China omdat die land se minerale rykdom bydra tot sy voorspoed en Chinese teenwoordigheid word deur talle beskou as 'n bedreiging vir Australië.

Chinalco se voorsitter het Vrydag gesê hulle is baie teleurgesteld dat die ooreenkoms platgeval het.

Rio Tinto het in 'n verklaring gesê dat hulle $5,8 miljard sal verkry deur 'n samerwerkingsooreenkoms met BHP Billiton en dat hulle 'n verdere $15,2 miljard bykomend sal bekom deur 'n aandeeluitgif.

Die ineenstorting van die ooreenkoms word beskou as die gevolg van nasionalistiese oorwegings. 'n Soortgelyke ooreenkoms het deur die mat geval nadat die Amerikaanse oliemaatskappy Unocal geweier het om 'n aandeel aan China te verkoop omdat hulle olie as 'n strategiese bate beskou en bekommerd begin raak het oor China se menseregterekord.

Rio Tinto en Chinalco het tot onlangs die ooreenkoms wat China die grootste aandeelhouer in Rio sou maak, verdedig. Die ooreenkoms sou aan China toegang verleen het tot 'n hele aantal myne regoor die wêreld, in verskeie lande.

In ruil sou Rio 'n dringende kontantinspuiting kon verkry om hulle skuld van $39 miljard wat deur 'n oordeelsfout met die aankoop van die Kanadese Alcan in 2007 aangegaan is, deels te vereffen. Die chinese ooreenkoms is tydens die ineenstorting van kommoditeitspryse en aandelemarkte verlede jaar aangegaan.

Rio Tinto se aandeelprys was toe $26.31 in Londen. Donderdag het dit verhandel teen $44.56.

Australiese opposisielede het eerste minister Kevin Rudd, wat Mandaryns praat en 'n eertydse diplomaat in Beijing was, daarvan beskuldig dat hy te vriendelik met die Chinese is.

'n Advertensie wat dië week in Australië vertoon is, het Tianmenpleinbeeldmateriaal van 1989 uitgesaai en Rudd daarvan beskuldig dat hy "geskenke aan die Chinese militêre regime aandra omdat hy toelaat dat Australië se strategiese minerale grondstowwe deur China beheer word".

Rio het aangebied om aan Chinalco 'n fooi van $195 miljoen te betaal as afskeidsbedrag. Die Australiese mynreus se beweegruimte het ook verbeter aangesien die kommoditeitspryse die afgelope paar weke effens verbeter het.

China het die reaksie teen beheer oor die mynreus beskryf as proteksionisties en nasionalisties.

Zambi? herstel elektrisiteit n? onkruidprobleem

Werkers by die Kafue Gorge-kragstasie in Zambi?

Die Zambiese elekrisiteitsverskaffer ZESCO het kragopwekking by sy hoofkragsentrale hetstel en elekrisiteitsinvoer vanuit Suid-Afrika en Namibië ná landwye kragonderbrekings beëindig, het die maatskappy Donderdag verklaar.

"Ons het opgehou om krag in te voer nadat kragvoorsiening vanaf die Kafue Gorge-kragsentrale gestabiliseer is," het ZESCO se waarnemende direkteur vir kragopwekking en transmissie, Christopher Ntala, aan 'n nuuskonferensie gesê.

Die maatskappy het oor die afgelope drie dae elektrisiteit teen 'n koste van 260 000 dollar per dag ingevoer.

Zambië het sedert Saterdag landwye kragonderbrekings nadat twee van die ses kragopwekkers by die Kafue Gorge-hidrokragstasie afgesit is omdat dooie onkruid die eenheid se watertoevoer verstop het, wat 'n verminderde toevloei van water veroorsaak het.

ZESCO het aangekondig dat hy sy kragopwekking na 710 megawatt van 400 megawatt verhoog het en voortaan sal poog om toekomstige kragonderbrekings te verminder.

лобановский депутат

Obama reik na gematigde Moslems uit

Barack Obama in Egipte

Barack Obama het Donderdag ’n pleidooi gelewer dat die Palestyne se daaglikse vernederinge, klein en groot, wat hulle vanweë Israelse besetting ervaar, beëindig moet word. Sy hardste woorde het hy aan Israel gerig en twee keer na "Palestina" verwys op 'n manier wat dit as 'n onafhanklike entiteit teenoor Israel stel.

Obama het op die kampus van die Universiteit van Kaïro in Egipte gepraat en gevra vir ’n nuwe begin in betrekkinge tussen Amerika en die Moslemwêreld. Hy het Amerika se historiese verhouding met Israel uitgelig en gesê die band tussen sy land en Israel is "onbreekbaar".

“Ek het hierheen gekom om ’n nuwe begin te soek tussen Amerika en Moslems die wêreld oor, wat berus op wedersydse belange en wedersydse respek," het hy gesê.

Die Amerikaanse president se toespraak het 55 minute geduur en hy het herhaaldelik uit die Koran aangehaal en ook Arabies tussendeur gepraat. Daar was ook verwysings na die Bybel en die Torah. Obama het die verskille wat onder Moslems heers, beklemtoon deur na die onverdraagsaamheid tusssen Soennies en Sjiïete te verwys.

Hy het voorts gesê: “Amerika en Islam is nie eksklusief nie en hoef nie te kompeteer nie. Ons deel gemeenskaplike beginsels van geregtigheid en vordering, verdraagsaamheid en waardigheid vir alle mense.”

Obama het gepraat oor die nalatenskap van die 9/11-aanvalle en die gevaar wat ekstremisme in al sy vorme inhou, maar het nooit die woorde "terreur" of "terroris" gebruik nie. Hy het ook op vroueregte, godsdiensvryheid en demokrasie gewys wat duidelik gemik was op die meer verdraagsame Moslems en het daardeur 'n wig probeer dryf tussen gematigdes en fundementaliste.

“Ons dogters kan net soveel bydra tot die samelewing as ons seuns . . . Ek respekteer vroue wat kies om hulle lewe in tradisionele rolle te lei. Maar dit moet hul keuse wees.”

Oor godsdiensvryheid het Obama gesê: “Onder sommige Moslems is daar ’n verontrustende neiging om ’n mens se geloof te meet aan die verwerping van ander (gelowe). Die rykheid van godsdienstige verskeidenheid moet in stand gehou word.”

Die president van die VSA het slegs na die militante Hamas, wat in Gasa die verkiesing van 2006 gewen het, in sy rede verwys en nie na Fatah, die party wat deur die Palestynse president Magmoed Abbas gelei word nie. Hamas is 'n gehate organisasie in Israel.

Joodse groepe het die vergelyking wat tussen die Palestyne se stryd en die Brandoffer gemaak is, skerp gekritiseer en gesê dit kan nie vergelyk word nie.

Alhoewel sy toespraak al die uitdagings belig het, het die Amerikaanse president geen besonderhede gegee van hoe die wêreld se probleme opgelos behoort te word nie, en het slegs sy eie biografie aangebied as geloofwaardige skakel tussen onderskeie botsende kulture.

Obama besoek vandag Buchenwald in Duitsland, waar Jode in die Tweede Wêreldoorlog gemartel en vermoor is. Hy het gepleit vir ’n kernwapenvrye wêreld, maar gesê Iran het die reg om kernkrag vir vreedsame doeleindes te ontwikkel.

'n Hisbollalid in Libanon, mnr. Hassan Fadlallah, het gesê: “Die Islamitiese wêreld het nie morele of politieke preke nodig nie. Dit het ’n fundamentele verandering in VSA-beleid nodig.”

Die Europese Unie se buitelandse beleidshoof, mnr. Javier Solana, het gesê dit was ’n merkwaardige toespraak wat ’n nuwe hoofstuk in betrekkinge met die Arabiese Moslemwêreld inlui.

slots to play online

Franse melkboere in opstand

Franse melkboere het Donderdag 15 000 liter melk voor die stadsaal van Puy-de-Dôme in Clermont-Ferrand uitgestort. Die melk is in drie tenkvragte aangery en op die sypaadjie uitgegiet om protes aan te teken teen die melkprys ten spyte van 'n ooreenkoms wat ure tevore in Parys onderteken is.

Honderde melkboer uit Pontaumur (Puy-de-Dôme) in vragmotors en op trekkers het met groot lawaai al toetende deur die strate van Clermont-Ferrand aangery gekom.

Hooibale is ook voor die stadsaal uitgepak en die trappe wat oplei na die gebou is met melk bespuit. "Ons het die melk wat nie deur die Lactalisfabriek in Riom-ès-Montagne (Cantal) kom haal is nie, uitgestort," het die landbouverteenwoordiger van die streek gesê.

Melkboere in Cantal blokkeer sedert Maandag die melkfabriek om hoër pryse te eis vir middelbergstreke. Om daardie rede is die melk nie afgehaal nie. Melkboere wat die afgelope maande al betoog oor die lae pryse, is woedend, sê melkprodusenteverteenwoordigers.

Woensdagaand is 'n ooreenkoms tussen die Franse departement van landbou en verteenwoordigers van melkboere in Parys bereik toe die melkprys op 280 euro per 1 000 liter gemiddeld vasgestel is vir 2009.

"Die ooreenkoms is aanvaarbaar vir boere in die weste van Frankryk, maar die Puy-de-Dôme het ander produksieprobleme soos die weersomstandighede en geografiese ligging," het 'n produsent gesê. "Ons is besig om dood te gaan, met 280 euro. Ons produksiekostes word nie verhaal nie."

баня