plaasaanval – Bladsy 4

Boere, EFF ruk op vir wittes se borgaansoek na gefnuikte plaasaanval

Vier wit boere van Parys in die Vrystaat sal na verwagting vanoggend in die dorp se landdroshof om borgtog aansoek doen.

Talle wit boere uit die omgewing het opgedaag om die wittes te ondersteun in hul borgaansoek.

Die mans staan tereg op aanklagte wat verband hou met die dood van twee vermeemde swart plaasaanvallers verlede Woensdag nadat hulle ‘n plaasmoord verydel het deur vinnig op te tree.

Die twee swartes is in polisieaanhouding dood. Hulle is deur sowat 50 wit boere aangekeer nadat hul beplande aanval op die boer Loedie van der Wetshuizen misluk het.

Van der Westhuizen kon betyds die paniekknoppie druk, waarna die boosdoeners gevlug het.

Die plaasaanval op Biesiesbult word deur die EFF as ‘n loongeskil voorgehou. Kgotso Morapela, Vrystaatse leier van die EFF, sê hulle gaan by die hof betoog.

Van der Westhuizen het egter aan Netwerk24 gesê dat hy die twee nie ken nie.

Vrystaat Landbou (VL) om kalmte gemaan by Dinsdag se hofverskyning. “Weens die huidige landelike misdaadklimaat het frustrasievlakke breekpunt bereik en wil VL ‘n versoek rig vir kalm optrede van die groter publiek om verdere toename in geweld en misdaad te verhinder,” het VL in ‘n verklaring gesê.

Johan Cilliers sr., Johan Cilliers jr., Anton Loggenberg en Boeta van der Westhuizen sal na verwagting Dinsdag aansoek om borgtog doen.

Ses vas na moord op wildsboer

Ses verdagtes na verwagting Maandag in die landdroshof in Warmbad (Bela-Bela) verskyn na Saterdag se moord op ‘n plaaslike boer, Piet Venter.

Venter, 51, ‘n wildsboer van die Rooiberg-omgewing, is in sy huis oorval terwyl hy geslaap het. Hy is vermoedelik verwurg deur sy werkers.

Een van die verdagtes is dieselfde dag nog mbv spoorsnyers vasgetrek. Die ander vyf is Sondag in hegtenis geneem.

Drie van hulle is in Pretoria opgespoor terwyl die ander in die Warmbad-omgewing in hegtenis geneem is. ‘n Hulle staan tereg op ‘n aanklag van moord.

Die verdagtes is betrap met die kluis wat uit die plaashuis gesteel is.

Venter se wildplaas is naby die plaas waar Petro Res op 18 September doodgeskiet is.

Haar bebloede lyk is saam met dié van haar swaar gewonde bejaarde man en vriendin in die huis op die Motlopi Lodge-wildplaas toegesluit.

Twee swart aanvallers soek na Memel-moorde

Die polisie op Memel in die Vrystaat soek steeds na twee swart aanvallers in verband met die moord op Charlotte Viviers en ‘n familievriend, Eric Oosthuizen, in hul huis op die dorp Woensdagaand.

Polisiewoordvoerder, Tshegofatso Maliehe, sê Viviers se man, Viv, wat omstreeks 18:00 van sy plaas buite die dorp tuis gekom het, is deur twee mans in die huis oorval. Die Viviers-egpaar en Oosthuizen het in dieselfde huis gewoon.

Viviers is aangerand en met ‘n mes gesteek. Hy het ook brandwonde opgedoen. Die booswigte het sy hande en voete met toue vasgebind. Sy vrou en Oosthuizen was reeds in die huis.

Volgens Maliehe het ‘n huiswerker vanoggend omstreeks 08:00 op die beseerde Viviers afgekom. Charlotte en Oosthuizen se lyke is toe ook gevind.

Hulle hande en voete is ook vasgebind en hulle is vermoedelik verwurg. Maliehe het vroeër gesê volgens ‘n erg getraumatiseerde Viviers het die aanvallers die kluis se sleutels geëis, terwyl hy gemartel is.

Volgens haar word twee vuurwapens uit die huis vermis.

Oosthuizen se vermiste wit bakkie is ook nog nie gevind nie.

Maliehe vra enigiemand met inligting om hul naaste polisiekantoor te bel, maar wou nie die ras van die aanvallers bevestig nie.

Deur nie die ras van die aanvallers te gee nie, is dit onmoontlik om die moordenaars op te spoor.

Vrystaat landbou besluit boervrou ‘koester geen wrok’ na plaasaanval nie

Die vroue-boer van Harrismith, Alison Oates, wat Maandagmiddag wreed op haar plaas deur twee rowers aangeval is, sterk by familie aan.

Volgens Vrystaat landbou “koester sy geen wrok nie”.

Dit, volgens voorsitter van Vrystaat Landbou se komitee oor wet en orde, Tommie Esterhuyse, is wat Oates na haar ontslag uit die La Verna Private Hospitaal op Ladysmith beweer het, toe hy haar saam met ander lede van die organisasie besoek het.

Hy sê volgens die Vrystaatse polisie is nog geen verdagtes in verband met die voorval aangekeer nie.

Polisiewoordvoerder Mmako Mophiring sê Oates is deur twee swartes buite haar plaashuis oorrompel. Hulle het geld gesoek. Haar hande is agter haar rug vasgebind.

Sy is onder meer met ‘n mes in die been en regterskouer gesteek en met ‘n strykyster gebrand.

Esterhuyse het vanmiddag aan OFM-nuus gesê Oates sterk goed aan onder die omstandighede.

Vier swartes voor na aanval, moord by wildsplaas

Vier swart verdagtes wat in hegtenis geneem is in verband met die moord op ‘n vrou by die Motlopi Lodge-wildsplaas, verskyn vandag in die Thabazimbi Landdroshof in Limpopo.

Die 60-jarige Petro Res is in die kop geskiet, en haar man Bruno is in die arm geskeit toe hy die die kode van ‘n kluis kon onthou nie.

Die egpaar is na bewering vir 16 uur saam met ‘n vriendin, Marie Barnard, in ‘n instap-yskas toegesluit.

Petro is dood, terwyl Bruno en die vriendin gered is. ‘n Polisiewoordvoerder, Ronel Otto sê die egpaar se huiswerker en haar man is onder die verdagtes wat die naweek in hegtenis geneem is.

Twee van die verdagtes is in Soweto vasgetrek, terwyl die ander twee op die wildsplaas in hegtenis geneem is.

Die soektog na nog vyf swart verdagtes duur voort.

Plaasvoorman met wielsleutel aangerand

‘n Plaasvoorman van Gauteng word tans vir skedelbreuk behandel nadat drie gewapende swartmans hom Vrydagnag aangeval het in sy huis en hom herhaaldelik oor sy kop met ‘n wielsleutel geslaan het.

Die drie gewapende swartes het Johan Freysen op die Kroons Chicken Farm in Wildebeesthoek, Akasia, noord van Pretoria oorval.

Johan se dogter Elaine, 30, is ‘n professionele paramedikus, het haar pa later te hulp gesnel. Hy is ook gesteek in die arm met ‘n skroewedraaier.

Twee vriende en ‘n jong kleuter was ook ten tye van die aanval in die huis.

Volgens Freysen se dogter het die aanvallers nie daarin belanggestel om hul besittings te steel nie, maar wou glo net haar pa kom doodmaak.

Johan se vrou Rohena, 56, het met die trappe na die egpaar se slaapkamer gevlug om ‘n wapen te kry en sy kon ook die paniekknoppie druk.

Die aanvallers het gevlug met die aanhoor van die alarm. Hulle is met ‘n stel sleutels weg.

Plaasaanval wonderbaarlik gefnuik

Met ‘n geweer teen sy voorkop, het ‘n boer van Hopewell, Mark Anthony, in die koue oë van die swartman gestaar wat op die punt was om hom te skiet, en toe hoor hy die moordenaar die sneller trek.

Hy het gewag vir alles om te vervaag tot swart, maar besef hy kon steeds voel hoe sy hartklop jaag en die voor hom het die swartman met ‘n sweetpak-kappie oor sy kop, nog gestaan.

Die swartman het die geweer oorgehaal en die sneller getrek en toe weer en weer, maar nog steeds het niks gebeur nie.

Lees verder.

Vrou in heup geskiet in aanval by Brits

Vier swart verdagtes is steeds op vrye voet nadat hulle Donderdagaand ‘n vrou in ‘n aanval op ‘n kleinhoewe by Buffelsfontein naby Mooinooi in die Brits-gebied in die heup geskiet het

Noordwes-polisiewoordvoerder, Kealeboga Molale, sê die rowers het vermoedelik oor ‘n veiligheidsmuur gespring om toegang tot die erf te kry. Sy sê die vrou en twee ander gesinslede is oorval toe hul reggemaak het om buite die huis vleis te braai.

Molale sê sover bekend is twee skote afgevuur.

Molale sê die aanvallers het met die gesin se Toyota-bakkie op die vlug geslaan. Die verlate bakkie is later sowat 500 meter van die toneel gevind. Sy sê die polisie ondersoek ‘n klag van poging tot moord en huisbraak.

Volgens haar word die gewonde vrou in ‘n hospitaal in die gebied behandel. Haar toestand is onbekend.

Molale sê dit is in dié stadium onduidelik wat presies gesteel is.

Die ondersoek duur voort.

Boshof-plaasaanval: Werkers vrees vir hul lewens

Die polisie in die Vrystaat ondersoek ‘n klag van poging tot moord nadat ‘n boer, Douglas Pope, van Boshof gister by sy plaashek by ‘n grondpad vanuit ‘n bewegende motor geskiet is.

Die polisie soek nog na drie swart mans in verband met die voorval.

‘n Plaaswerker wat die afgelope 20-jaar vir Pope werk, Hendrik Seretsi, sê hy het Dinsdagoggend groot geskrik toe sy gewonde werkgewer by die opstal aankom nadat hy ‘n hele ent verder by sy plaas se hek geskiet is.

Seretsi het saam met Pope se seun Douglas gery om Douglas Senior, wat van agter in die regtersy geskiet is, na die Mediclinic Gariep in Kimberley te bring.

Hy sê plaaswerkers en hul gesinne is bekommerd oor die toenemende aanvalle op plase en vrees vir hul veiligheid.

Intussen sê polisiewoordvoerder, Mmako Mophiring, nog niemand is in hegtenis geneem weens die moord op ‘n bejaarde Oos-Vrystaatse plaasbestuurder by Harrismith verlede maand nie.

Robert Rhadebe en sy vrou Martha is op die plaas Silo in hul huis met messe aangeval. Robert is op die toneel dood, terwyl Martha, wat ook steekwonde opgedoen het, hulp by ‘n nabygeleë huis gaan soek het.

Boshof-plaasaanval: Verdagtes op vrye voet

Nog niemand is in hegtenis geneem in verband met ‘n skietvoorval gister waarin ‘n bejaarde boer op sy plaas by Boshof in die Vrystaat gewond is nie.

Die 69-jarige Douglas Pope is gister van agter in die regtersy gewond toe hy by sy plaas se hek by ‘n grondpad vanuit ‘n bewegende motor geskiet is.

Die polisie en plaaslike boere het kort ná die aanval die gebied gefynkam op soek na ‘n wit Toyota Corolla waaruit skote op Pope afgevuur is.

Pope se seun, Douglas, sê sy pa was op pad na ‘n vergadering op Boshof toe hy geskiet is. Sy gewonde pa het ná die skietery teruggejaag na die plaashuis om hulp te kry. Die polisie en boere was vinnig om omliggende paaie af te sper en ‘n soektog is begin.

Douglas sê die motief vir die voorval is onbekend.

Pope is in ‘n bestendige toestand in die Mediclinic Gariep in Kimberley. Die polisie het vroeër aan OFM-nuus gesê daar was vermoedelik drie mans in die motor. Skote is vanuit die motor se agterste sitplek gevuur.

Verdagtes van Vrede-plaasaanval weer voor

Die saak teen twee swartes wat in die rondgaande hof op Vrede verskyn het weens die aanval op ‘n bejaarde egpaar op hul plaas buite die dorp, sal na verwagting vandag hervat word.

Vrystaatse polisiewoordvoerder Zweli Mohobeleli sê Thabo Motloung sal na verwagting Augustus om borgtog aansoek doen, terwyl Paul Mei Zulu, wat slegs ure ná die aanval op Johannes en Rita Kritzinger in hegtenis geneem is, nie beplan om aansoek te doen nie.

Die verdagtes staan tereg op ‘n aanklag van poging tot moord, huisbraak en gewapende roof. Johannes is vier keer en Rita drie geskiet.

OFM-nuus het verlede week berig dat die egpaar steeds in die Netcare-Unie-hospitaal in Alberton se hoësorgeenheid is.

Hulle was onder pynverdowing en Johannes het al gepraat en reageer op sy kinders se stemme. Woordvoerder Ruan Combrink het gesê die egpaar is bewus dat twee verdagtes aangekeer is.

Jong vrou oorleef plaasaanval

Landelike veiligheidstrukture wat in plek is het heel waarskynlik vroeg vanoggend bygedra dat ‘n jong vrou op haar plaas by Ficksburg fisiek ongedeerd van ‘n plaasaanval afgekom het.

Hoof van die plaaslike veiligheidsreaksiegroep, Jordaan Marais, sê die jong vrou bly alleen op die plaas en het omstreeks 01:00 gehoor hoe haar huis se agterdeur oopgebreek word.

Hy sê sy het haar in die hoofslaapkamer toegesluit en oor ‘n tweerigtingradio hulp ontbied. Die swart aanvallers het haar slaapkamerdeur oopgebreek, haar gegryp, na buite gedwing en beveel om haar bakkie aan te skakel.

Volgens hom het hulle haar net daar gelos en is met die voertuig weg.

Hy vermoed die gesprekke op die tweerigtingradio het die swart aanvallers die hasepad laat kies.

Marais sê lede van die reaksiegroep was vinnig op die toneel, terwyl ander na die gesteelde bakkie gesoek het.

Intussen sê Vrystaatse polisiewoordvoerder Phumelelo Dhlamini ‘n klag van “huisroof” word ondersoek.

Niemand is nog in hegtenis geneem nie. Die bakkie is ook nie teruggevind nie. Dhlamini vra enigiemand met inligting om hul naaste polisiekantoor of die Crime Stop-nommer te bel.

Die vrou se naam is nie bekend nie vir haar eie toekomstige veiligheid.

Bekende Windhoeker in plaasaanval doodgeskiet

Die 76-jarige mnr. Gerald Leitner is Vrydag op sy plaas in die Hochfeld-omgewing sowat 76 km buite Okahandja deur vyf verdagtes aangeval en doodgeskiet.

Die Republikein berig dat niemand nog in verband met sy dood in hegtenis geneem nie.

Volgens die skakelbeampte van die Namibiese polisie, insp. Pendukeni Haikali, het rowers Woensdag verlede week probeer om by Leitner in te breek. Hy het op hulle losgebrand en die verdagtes het in ‘n voertuig op die vlug geslaan.

Leitner het dit by die polisie aangemeld wat ‘n ondersoek na die voorval gedoen het. Volgens Haikali het Leitner egter geen klag gelê nie en is dié saak afgehandel.

Vrydag omstreeks 19:00 het vyf mans na die plaas teruggekeer en vyf keer met ‘n .45-pistool op Leitner losgebrand.

Een van die koeëls het hom deur die hart getref en hy is op die toneel dood. Die verdagtes het ‘n vuurwapen en kontant gesteel, voordat hulle in hul eie voertuig gevlug het.

Leitner het ‘n ruk gelede sy juwelierswinkel in Windhoek verkoop en plaas toe getrek om voltyds te boer. Sy dogter, me. Sabine Gamma, was gister te geskok om enige kommentaar oor haar pa se dood te lewer.

Intussen is ‘n grondkrisis in Namibië afgeweer nadat vergadering tussen ’n regeringsafvaardiging en nege lede van die Regstellende Herposisionering-beweging (AR) wat vroeër die trekpas uit Swapo gekry het.

Die vergadering het op versoek van die president Hage Geingob plaasgevind.

Volgens ’n gesamentlike verklaring wat ná afloop van die onderhandelinge uitgereik is, sal ’n reuse- nasionale projek onderneem word wat op die toekenning van stedelike en dorpsgrond gemik is. Dit is in pas met die “oorlog teen armoede” wat Geingob in sy inhuldigingsrede aangekondig het.

Die regering sal voorts begin om 200 000 erwe landswyd te diens. Windhoek, Walvisbaai en Oshakati is vir ’n aanvanklike loodsprojek geïdentifiseer. Die tydperk tussen 29 Julie en 5 Augustus sal aan die skoonmaak van geïdentifiseerde stedelike en dorpsgrond gewy word. Hierdie geïdentifiseerde grond sal gediens word en later aan begunstigdes toegeken word.

Ingevolge die projek om stedelike en dorpsgrond op ’n grootskaalse grondslag te diens, sal Namibiërs gevra word om op ’n vrywilliger grondslag deel te neem in die diens van geïdentifiseerde grond.

Verdagtes in Vrede-plaasaanval voor

Twee verdagtes wat in hegtenis is vir die aanval op ‘n bejaarde egpaar op hul plaas naby Vrede verskyn na verwagting vandag weer in die plaaslike periodieke hof.

Paul May Zulu (39) en Thabho Shadrac Motloung (31) sal formeel om borgtog aansoek doen. Beide staar aanklagte van poging tot moord, huisbraak en gewapende roof in die gesig.

Johannes Kritzinger en sy vrou Rita is op 12 Julie ernstig beseer toe hulle op hul plaas Brakdam aangeval is. Beide het skietwonde opgedoen.