Nuus – Bladsy 28 – praag.co.za

Chinese misdaadteikens in SA

'n Chinese burger, Tang Yiguang, 33, is verlede Sondagoggend doodgeskiet deur gewapende rowers in sy winkel in Vryheid, Kwa-Zoeloe Natal.

Die voorval het by die Chinese ambassade geregistreer en hulle werk tans nou saam met die ondersoekspan. Die ambassade het ook gewaarsku dat Chinese sakemense toenemend as misdaadteikens beskou word in Suid-Afrika.

Lou Xiandi, veiligheidsraadgewer by China se ambassade in Suid-Afrika, het gesê hy is in kontak met die polisie..

"Hulle het vyf van die agt verdagtes gevang, insluitend die gewapende man. Hulle het ook ander wapens gevind."

Lou sê die rowers het ook 'n plaaslike veiligheidswag doodgeskiet voordat hulle die kontant en ware van die supermark geroof het. Die supermark spesialiseer in die verkoop van Chinese produkte.

Tang se vader is oppad na Suid-Afrika en sy swaers het intussen die bestuur van die bedryf oorgeneem.

Lou het gesê die ambassade sal alles doen wat hulle kan om Tang se vader by te staan en het bygevoeg dat amptenare Tang se vrou en sy gesin besoek het om hulle medelye te betuig.

Die polisie het Maandag gesê die moord is deur agt mense beplan en uitgevoer, wat Tang se kassiere en haar familielede insluit. Die nuus is deur Liu Yantao, hoof van China se konsulaat in Durban, bekend gemaak.

ригонда купить

Hoofregter se benoeming dalk slim politieke skuif

Regter Sandile Ngcobo (56), wat gister benoem is as nuwe hoofregter, gaan oor minder as twee jaar aftree. Regters moet ingevolge die Grondwet ná 12 jaar diens aftree.

Hlophe, die omstrede regter-president van die Wes-Kaapse hooggeregshof, is dus nog steeds in die resies om as hoofregter benoem te word in opvolging van Ncobo.

Hlope is een van 25 regters wat reeds genader is deur die die Regterlike Dienskommissie (RDK) vir 'n onderhoud vir die pos.

Alhoewel Ngcobo se benoeming wyd verwelkom is, mag dit bloot 'n slim politieke skuif wees om Hlophe se plek uiteindelik warm te hou.

Zuma het die aankondiging oor Ngcobo se aanstelling in die pos in ’n toespraak voor die Nasionale Persklub in Pretoria gemaak.

Hy het gelag en ontken dat kritiek deur adjunkhoofregter Dikgang Moseneke hom die aanstelling gekos het.

Moseneke het voorheen gesê dat Zuma nie in belang van die land optree nie.

оборудование для Александр Фильчаков

Hillary Clinton kom in SA aan

Hillary Clinton tydens ‘n vorige besoek aan Nelson Mandela op 20 Maart 2009

Die Amerikaanse minister van buitelandse sake, Hillary Clinton, het gister in Suid-Afrika aangekom op die tweede been van haar besoek aan sewe lande in Afrika.

Clinton het in Johannesburg geland waar sy vandag met die ANC se minister van buitelandse sake, Maite Nkoana-Mashabane, sal vergader voordat sy 'n pelgrimstog na Nelson Mandela sal aanpak.

Saterdag sal sy president Jacob Zuma in Durban ontmoet.

Na verwagting gaan Clinton die Zimbabwe-kwessie ophaal, waar die huidige regering van nasionale eenheid sukkel om tot stand te kom. Waarskynlik sal Clinton verwag dat Suid-Afrika meer druk op Zimbabwe moet toepas om demokratiese en ekonomiese hervorming in te stel.

Sy sal waarskynlik ook fokus op die Vigs-pandemie wat byna ses miljoen inwoners van Suid-Afrika raak, die hoogste aantal Vigslyers in enige land ter wêreld.

Sondag sal Clinton na Angola vertrek wat Nigerië reeds as Afrika se grootste olieprodusent verbygesteek het.

Haar tog van 11 dae sal die langste wees sedert sy ses maande gelede buitelandse minister geword het. Dit is ook haar eerste besoek aan Afrika suid van die Sahara terwyl sommige mense gemeen het die vasteland geniet nie hoë prioriteit by die Obama-bewind nie.

Clinton se Afrika-safari het in Kenia begin waar die Amerikaanse president Barack Obama se pa gebore is.

Die Amerikaanse buitelandse ministerie het beklemtoon dat haar besoek, wat slegs drie weke ná Obama se eie besoek aan die vasteland geskied, die vroegste reis na Afrika is wat enige Amerikaanse minister van buitelandse sake nog onderneem het.

search casino games

‘VSA kan oor twee jaar misluk in Afghanistan’

David Kilcullen, 'n teeninsurgensiekenner, wat as een van generaal Stanley McChrystal se topadviseurs oor Afghanistan dien, is uiters krities oor die hantering van die oorlog.

Hy het Donderdag by die U.S. Institute of Peace kritiek gelewer oor die manier waarop die VSA die oorlog benader.

In 'n verslag wat opgestel is om die stand van die VSA en NAVO se betrokkenheid te ontleed, sê Kilcullen dit kan oor twee jaar duidelik raak of die VSA gaan misluk of nie.

"Ons gaan twee jaar veg en 'n suksesvolle oorgawe sien, of ons gaan twee jaar veg en dan verloor en huiswaarts keer," het hy gesê.

Die oorsig van Kilcullen kan tot verdere druk op Obama lei om nog troepe na Afghanistan te stuur, bykomend tot die groter aantal soldate, 21 000, waartoe reeds hierdie jaar ingestem is. Daar is tans 68 000 Amerikaanse soldate in Afghanistan.

Die Pentagon het reeds, soos die verslag aan die hand doen, weggedoen met die burokrasie en 'n nuwe, uiters veilige oorlogskamer opgerig waar 'n multidissiplinêre benadering geld.

Kilcullen sê die VSA het goeie redes om in Afghanistan te wees, maar om globale terrorisme te stuit is nie een van hulle nie. Die vernaamste rede om te bly is omdat die VSA belowe het om die mense daar te beskerm, om die toekoms van NAVO te verseker en om te verhoed dat Pakistan uiteindelik 'n kernmoondheid word.

Die adviseur het nagelaat om te noem dat die VSA tans presies Brittanje se koloniale strategie wat meer as 'n eeu oud is, in Afghanistan volg. Daarvolgens word die bedreiging steeds in Afghanistan as 'n globale een voorgestel en die gevaar van die Taliban oordryf.

Winston Churchill was die man wat destyds verantwoordelik was vir hierdie benadering. Dat die Taliban hoegenaamd nie met Al Kaida verbind kan word nie, het ook nie die VSA tot dusver gekeer om die stryd buite sy grense voor te stel as sou dit wêreldvrede bedreig nie.

Die Taliban volg, volgens Kilcullen, 'n klassieke insurgensiestrategie waar die swakker mag toeslaan en dan onttrek om direkte konfrontasie te vermy. Dit put die energie en reserwes van die VSA op die lang duur uit.

для бани

Post-joernaliste in die sop oor video van Clinton

Twee joernaliste van die Washington Post is in die sop nadat hulle satiriese internetvideoreeks draak gesteek het met Hillary Clinton.

Die uitvoerende redakteur Marcus Brauchli het die reeks, bekend as die "Mouthpiece Theater" Woensdag tot niet verklaar en die laaste gewraakte episode Vrydag van die koerant se werf verwyder.

In die video is 'n Withuiskorrespondent en een van die koerant se bloggers te sien met aandpakke aan, waar hulle die soort bier wat politici drink, bespreek. Die korrespondent sê dan hy kan nie bekend maak aan wie president Barack Obama die "Mal Teef Bier" sal bedien nie.

Die opmerking word gevolg deur 'n foto van Hillary Clinton wat op die skerm verskyn.

'n Vrouegroep, Women, Action and the Media, het 'n brief aan die Post oorhandig wat deur 32 vroue onderteken is. Hulle voel die video is seksisties en smaakloos.

Die grapmaker sê hy is jammer oor die video, maar het gesê hy twyfel of Clinton die video gesien het of selfs "Mouthpiece Theater".

Hy sal graag die Amerikaanse minister van buitelandse sake persoonlik wil om verskoning vra… oor 'n glas bier.

Brauchli het die grap egter 'n "ernstige oordeelsfout" genoem.

Die uitgewer van die Post, Katharine Weymouth, het verlede maand 'n verskoning geëis nadat 'n omsendbrief rondgegaan het waarin daar aangekondig is dat sy sakeleiers en lobbygroepe voortaan geld gaan vra om intiem te vergader vir ete met regeringsamptenare en die koerant se joernaliste by haar woning.

Murdoch waag yslike kans om gratis nuus te sluit

Rupert Murdoch, 78, gaan 'n kans waag en lesers binnekort, binne die volgende finansiële jaar, vir sy internetnuus laat betaal. Hy het gesê News Corp, sy multimiljardrand mediaryk, gaan oral ter wêreld ophou om gratis nuus op nuuswerwe aan te bied.

Die internetnuusmodel werk nie en is besig om gedrukte koerante, wat op die tadisionele nuusmodel geskoei is, te laat ondergaan. Internetnuus maak tans agv die resessie nie genoeg uit advertensie nie.

Hy het gesê hy hoop om uiteindelik uit betalende digitale nuusinhoud 'n inkomste te genereer. "Kwaliteit joernalistiek is nie goedkoop nie," het Murdoch gesê. "'n Bedryf wat inhoud weggee, is eenvoudig besig om sy eie vermoë om goeie verslag te doen, te kannibaliseer."

Hy wou nie uitbrei op presies die model wat hy in gedagte het nie. Dit kan per subskripsie wees, of om lesers vir enkelstories te laat betaal of om inhoud op 'n mobiele elektroniese platform te koop aan te bied.

News Corp se inhoud gaan egter gou-gou betalend wees vir lesers. Dit verteenwoordig 'n groot ommeswaai vir Murdoch wat twee jaar gelede nog gesê het advertensie gaan gratis nuuswerwe dra.

Die resessie het egter diep gesny in News Corp se winsgewendheid en die maatskappy moes 'n verlies van $4 miljard vir die jaar tot Junie sluk.

Murdoch sê die sukses van die Wall Street Journal se subskripsiediens het hom oortuig dat die model kan werk.

Alhoewel die bedryf oor die algemeen glo dat spesialiswerwe beter vaar met subskripsie, glo News Corp se hoof dat poniejoernalistiek soos die Britse The Sun, só winsgewend kan wees.

Murdoch het gesê hy glo die koerantwese sal sy voorbeeld in die toekoms volg omdat hy suksesvol gaan wees met betalende internetnuus.

прокурор Фильчаков

Nog geen varkgriep by Kovsies aangemeld nie

Daar is nog geen gevalle van varkgriep, die H1N1-virus, by die Universiteit van die Vrystaat aangemeld nie, het 'n gesondheidswoordvoerder van die instelling bekend gemaak.

Dié griep het reeds ’n tweede slagoffer in Suid-Afrika geëis.

Wes-Kaapse skole is tans net half vol, nadat vrees vir die siekte onder leerders posgevat het, en talle aktiwiteite is afgestel.

'n Woordvoerder vir die Wes-Kaapse minister van onderwys, het gesê die toestand word deur die departement gemonitor. Die getal bevestigde H1N1-griepgevalle in die provinsie staan tans op 178. Hule weet egter nog nie watter skole die ergste geraak word nie.

By een hoërskool in Durbanville is ses gevalle van die H1N1-infeksie aangemeld en die afwesigheidsyfer is baie hoog.

Hoërskole in Johannesburg het leerders ook gewaarsku teen die griep en hulle gemaan om 'n geneesheer te raadpleeg indien hulle griepsimptome ervaar.

By die Hoërskool Randburg is twee graad 12 leerders positief getoets vir die H1N1-virus.

Klinieke in die Wes-Kaap word oorval deur pasiënte met griepsimptome.

сауна в москве

Twee amptenare vas oor verkoop van lisensies

Twee amptenare van die Steve Tshwete munisipaliteit is Woensdag in hegtenis geneem nadat hulle na bewering bestuurderslisensies verkoop het, het die Mpumalangapolisie bekend gemaak.

Die twee verkoop glo al lisensies sedert 2007 en staar ongeveer 20 klagtes in die gesig, het kaptein Leonard Hlathi gesê.

Die verdagtes kan tot dusver met 22 onwettige lisensies verbind word en 16 lisensiehouers het verklarings aan die polisie gemaak in verband met die onwettige handel.

Hulle sal Donderdag in die landdroshof in Middelburg verskyn.

Данильченео

Lyk na 11 maande opgespoor

Die oorskot van Johan Nel (36), ’n geotegnikus van Louis Trichardt wat op 8 September 2008 in ’n motorongeluk naby Brits oorlede is, is byna 11 maande na sy dood opgespoor, nadat sy verkoolde oorskot deur die staatslykshuis op Brits verloor is.

ŉ Taakspan – wat op versoek van Nel se ouers, Frik en Sougnet Nel, en AfriForum deur die premier van Noordwes, Maureen Modiselle, daargestel is om ondersoek na die gebeure in te stel – het Nel se oorskot opgespoor. Onafhanklike forensiese toetse het intussen bevestig dat die oorskot wel dié van Nel is.

Nel se ouers het die opsporing van hulle seun se oorskot by monde van Kallie Kriel, uitvoerende hoof van AfriForum, verwelkom.

Die taakspan se verslag, wat meer duidelikheid sal bring oor hoe dit moontlik is dat Nel se oorskot kon verdwyn, word tans deur Nel se familie afgewag.

Volgens Kriel hoop Nel se ouers dat die taakspan se verslag oor die gebeure daartoe sal bydra dat ŉ herhaling van soortgelyke gebeure voorkom kan word. Kriel het daarop gewys dat Johan se ouers juis besluit het om nie die stryd gewonne te gee nie, omdat hulle wil toesien dat niemand anders deur dieselfde trauma as hulle moet gaan nie.

Nadat Nel se ouers die verslag ontvang en bestudeer het, sal hulle volgens Kriel besluit oor die noodsaak om verdere stappe te neem.

Die gebeure wat tot die daarstelling van die taakspan aanleiding gegee het, is dat onsekerheid bestaan het oor waar Nel se oorskot was, ten spyte daarvan dat twee lyke wat as armlastiges begrawe is, opgegrawe is en drie lyke aan Nel se pa gewys is.

заказывать игрушки

Regering bied redding aan motor- en tekstielbedrywe

Die regering van president Jacob Zuma gaan R6 miljard beskikbaar stel om maatskappye te help wat ondergang in die gesig staar. 'n Bykomende R2,4 miljard gaan vir die heropleiding van afgedankte werkers gegee word.

Die Nywerheidsontwikkelingskorporasie (NOK), sal die R6 miljard oor die volgende twee jaar direk beskikbaar gaan stel aan maatskappye wat wankel vanweë die resessie. Die ander bedrag gaan kom van die Nasionale Vaardigheidsfonds en die Werkloosheidsversekeringsfonds (WVF).

Die fondse sal gevul word met geld uit die sektorale opleidingsowerhede (setas) volgens Ebrahim Patel, minister van ekonomiese ontwikkeling.

Hy het Woensdag tydens 'n mediakonferensie gesê: “Die idee is om werkers weer in diens te laat neem wanneer die krisis verby is.”

Die skema sal in September begin en tot 2011 voortduur.

Rob Davies, minister van handel en nywerheid, sal binnekort 'n aanduiding gee van die maatstawwe wat in die onderskeie sektore sal geld vir die beloofde hulp. Maatskappye wat swak sakepraktyke handhaaf sal nie in aanmerking kom vir hulp nie.

Die motorbedryf, klere-en-tekstiel en aansporings vir die vervaardiging van kapitaalgoedere wat vir infrastruktuur, is van die sektore wat vir hulp uitgesonder word.

Handel tussen Afrikalande moet groei s? Clinton

Afrikastate se eerste prioriteit moet wees om handel met mekaar te bevorder en nie met die VSA of die ander ryk ekonomieë van die wêreld nie.

Met dié boodskap het Hillary Rodham Clinton, Amerikaanse minister van buitelandse sake, haar Afrika-safari van 11 dae gister hier begin. Sy kom vanaand in Suid-Afrika aan.

“Die VSA het 300 miljoen mense – Afrika het meer as 700 miljoen. Van al die streke ter wêreld dryf Afrikalande die minste met mekaar handel,” het Clinton op ’n ekonomiese forum van 40 Afrika-state gesê.

Die VSA wil ’n vennoot en nie ’n beskermheer van Afrika wees nie. Sy is ook nie in Afrika om voorskriftelik te wees nie, maar wil hê Afrika moet leer uit die VSA se foute.

Die VSA is daartoe verbind om Afrika te ondersteun. Dit sal hy doen deur die bevordering van beleggings en deur meer landbouhulp te gee om hongersnood te beveg. Ware ekonomiese vooruitgang in Afrika sal afhang van verantwoordelike regerings wat korrupsie vasvat, toesien dat die oppergesag van die reg gehandhaaf word en tot voordeel van hul eie mense optree.

“Dit gaan egter ook nie net oor goeie regering nie – dit gaan ook oor om goed sake te doen.”

Om ’n gunstige klimaat vir beleggings te skep, moet politiek in regering omgeskakel word.

Pres. Barack Obama, wat in Kenia gebore is, het in ’n videoboodskap wat by die beraad vertoon is, gesê “net Afrikane self kan Afrika se potensiaal ontsluit”.

firestorm 2013 watch online

Swartes in Zim ‘het nou genoeg grond gevat’

Swart Zimbabwiërs het nou genoeg grond gevat, het Zimbabwe se adjunkpremier, Arthur Mutambara, Woensdag gesê. Hy het om ’n moratorium op enige verdere oordrag van plase van wit boere gevra.

Mutambara was die gasspreker by die kommersiële boere-unie (CFU) se jaarvergadering. Byna 200 wit lede veg steeds in Zimbabwiese howe om die behoud van hul grond.

Hy het gewaarsku dat Zimbabwe nie nuwe beleggers sal oorreed om in die land te belê as boere op ’n “misdadige” wyse behandel word nie.

'n Lig het uiteindelik vir die MDC faksieleier opgegaan: “Nou het swart Zimbabwiërs genoeg grond gevat. Swart Zimbabwiërs besit nou meer as 80% van die grond in die land. Hoekom ly ons honger?”

Mutambara het gesê sy regering gebruik dit as ’n politieke instrument en die elite was die hoofbevoordeeldes daarvan. Hy het egter gewys daarop dat die MDC nie in volle beheer is nie.

Lede van die opposisie word steeds gedreig en geteister. Die gedurige vervolging kan die MDC selfs sy parlementêre meerderheid kos.

Beeld berig dat drie gewapende mans Maandag gedreig het om die wagte by Roy Bennett, nog 'n MDC-lid, se huis dood te skiet. ’n Koeël is glo verlede week by Tendai Biti, minister van finansies en MDC-sekretaris-generaal, se huis gelos as dreigement.

VF+-jeug vat Tukkies aan

Die VF+-jeug het Woensdag, 5 Augustus, 'n klagte by die Suid Afrikaanse Menseregte Kommissie ingehandig teen die

Charl Oberholzer

Universiteit van Pretoria (UP). Studente het 'n punt bereik waar hul voel dat demokrasie verdwyn het op die Tukkie-kampus. Dit is na aanleiding van die bekendmaking van ongrondwetlike verkiesingsreëls waarvolgens kandidate wat staan in die VSR-verkiesing, verhoed word om hul lidmaatskap van die VF Plus bekend te maak. Studente wat moet stem se reg tot inligting word ontneem, terwyl kandidate se reg tot assosiasie en vryheid van spraak onbillik beperk word.

Die metodes waarmee die Universiteit politiek op die kampus probeer beperk, maak egter nou meer inbreuk op studente se regte as ooit tevore. Die Onafhanklike Verkiesingskomitee weier om die ongrondwetlikheid in hierdie reëls in te sien. Boonop word kandidate voorgesê watter klere hul mag en nie mag dra op verkiesingsdag en dat hulle glad nie studente mag aanmoedig om vir hulle te stem nie. Verder mag hulle ook nie aan studente openbaar maak aan watter politieke party hulle behoort nie.

Die Universiteit is voortdurend besig met ondersoeke teen VF+-jeuglede asook studenteraadslede wat Afrikaanse studente aanmoedig om vir die verkiesing te staan.

"Universiteite moet onderhewig wees aan die demokratiese gees van die res van Suid Afrika, anders gaan ons nooit 'n oplossing vind nie," het mnr. Charl Oberholzer, woordvoerder van die VF+-jeug op die Tukkie-kampus gesê.

Mnr. Oberholzer het ook verder gesê dat die VF+-jeug hiermee 'n einde wil bring aan die voortdurende gevegte tussen die VF Plus en die Universiteitsbestuur deur ontslae te raak van hierdie obsessie van die UP om die VF+-jeug te teiken. Verder is die VF+-jeug ook van mening dat daar beter oplossings is as om studente wat hulself met sekere beginsels vereenselwig, uit die studentestrukture te probeer werk.

Blatante diskriminasie teenoor VF+-jeuglede steek hierdie jaar al kop uit voor die verkiesing, maar die VF+-jeug is reg om op te staan vir alle studente deur die Menseregtekommissie te nader en sodoende "demokrasie, verdraagsaamheid en studente te laat seëvier".

Pentagon verbied Twitter, Facebook, MySpace vir seesoldate

Dis nie net Iran en China wat onbeheerde internettoegang verbied nie, maar nou ook die VSA, ten minste vir hulle spesiaal opgeleide Seesoldate.

Die verbod wat voortaan vir hulle gaan geld op sosiale netwerkwerwe soos Twitter, Facebook, MySpace is dadelik van krag.

Die bevel wat Maandag uitgreik is, lui dat "internetwerwe bewese skuilplekke vir kwaadwillige manipuleerders is en dat inligting ontbloot kan word deur vyande". Die seesoldatekorps glo dat die wese van sosiale netwerkwerwe onnodige gevare inhou vir operasionele en kommunikasie veiligheid omdat inligting maklik daardeur gelek kan word.

Die verbod sal 'n jaar van krag wees. Dit is opgestel nadat die VSA se Stratkom in Julie gewaarsku het dat hulle die hele Weermag aan so 'n verbod wil onderwerp. Swendelary, internetwurms en Trojaanse perde word maklik dmv Twitter, Facebook en MySpace oorgedra.

Nietemin is daar vele hooggeplaastes in die Pentagon wat sulke netwerke van waarde ag. Die voorsitter van die Stafhoof het 4 000 volgelinge op Twitter. Die weermag het ook reeds gevra dat alle VSA-basisse toegang tot Facebook verkry en topgeneraals skryf deesdae blogs direk van die slagveld.

Price Floyd, die Pentagon se nuutaangestelde mediatsaar, het die sentrale beplanningskamer ingelig dat die weermag oral moet wees, ook daar waar die publiek is. "As dit beteken MySpace en YouTube, moet ons ook daar wees".

Wat die Seesoldate betref is werklike sosiale kontak met die publiek egter vir die volgende 12 maande iets van die verlede.

free casino games to play