Nuus – Bladsy 24 – praag.co.za

Plaasaanvalle bedreig voedselsekuriteit

Genl.maj. Chris van Zyl, ’n assistent-hoofbestuurder van TLU SA, het Woensdag op ’n eiendomsregkonferensie van dié landbou-organisasie in Pretoria gesê plaasaanvalle bedreig voedselsekuriteit in Suid-Afrika.

Dit neem tot agt jaar om die plaas van ’n vermoorde produktiewe boer weer op dieselfde vlak te kry as voor die noodlottige aanslag.

Van Zyl het gesê 1 127 mense het sedert 1993 in altesame 1 864 aangemelde plaasaanvalle gesterf.

Die wreedheid van die aanvalle het toegeneem, alhoewel daar die laaste tyd ’n effense afname in plaasaanvalle was.

“Die brutaliteit wat met plaasaanvalle in Suid-Afrika gepaardgaan, is ongekend op ander plekke in die wêreld. Daarom is dit vir my onverklaarbaar dat daar nie in die buiteland baie oor die plaasmoorde in Suid-Afrika berig word nie,” het Van Zyl gesê.

Vir elke plaasmoord wat in Suid-Afrika plaasvind, is daar 12 of 13 plaasaanvalle.

Meer boere, hoofsaaklik Afrikaners, is die afgelope 16 jaar in plaasmoorde dood as die aantal boere saam wat gedurende die destydse Mau-Mau-opstand in Kenia en die oorloë in Mosambiek, Rhodesië, Angola en Suidwes-Afrika gesneuwel het.

In weerwil van verbete anti-Afrikaanse propaganda wat die aanvalle wil toeskryf aan swak werksverhoudinge tussen eienaars en werkers, word 78% van die aanvalle uitgevoer deur vreemdelinge.

Die aanvallers is hoofsaaklik jong swart mans tussen die ouderdom van 22 en 28 jaar.

лосины для девочки 1 Данильченко

Ermelo se uitsluiting ‘ongrondwetlik’

Die Hoërskool Ermelo se uitsluiting van nie-Afrikaanssprekende leerders is ongrondwetlik, het adv. Bantubonke Tokota, wat die departement van onderwys in Mpumalanga verteenwoordig, Donderdag gesê.

“Ons wil aanvoer dat die weiering van die skool se beheerliggaam om die taalbeleid van die skool te verander en om die skool se onderrigtaal Afrikaans te hou, ‘n direkte impak ingevolge Artikel 9 van die grondwet het.”

Tokota het só aangevoer in ‘n aansoek om verlof tot appèl teen ‘n uitspraak wat in Maart deur die appèlhof ten gunste van die skool se beheerliggaam gemaak is.

Die appèlhof het in sy uitspraak gesê die beheerliggaam van die skool het die gesag om die skool se taalbeleid te bepaal, en dat die mag nie by die department van onderwys lê nie.

Tokota het Donderdag verder aangevoer dat die skool se taalbeleid heroorweeg moet word om die kinders se regte bo alles te stel.

“’n Afrikaanse taalbeleid wat deur die beheerliggaam van die skool goedgekeur is, dui daarop dat die beheerliggaam dié skool uitsluitlik vir Afrikaners wil bewaar.

“Dit dui op indirekte en direkte diskriminasie op grond van taal en dit lug uit die aard van die saak ‘n grondwetlike kwessie,” het Tokota gesê.

Hy het ook aangevoer dat die department van onderwys in Mpumalanga die gesag het om die funksie van die beheerliggaam te onttrek as daar oor die taalbeleid besluit moet word.

Die verhoor duur voort.

купить трансформера прокурор Фильчаков

Zim staar nuwe cholera-uitbraak in die gesig

Cholera gaan in alle waarskynlikheid weer in Zimbabwe uitbreek, nadat 4 200 mense die afgelope jaar daaraan oorlede is, het die VN Woensdag gewaarsku. Net die helfte van die hulp wat nodig is om dit te keer is nog ingesamel, het amptenare aan die media gesê.

Die VN het in Junie vir $718 miljoen se hulpgeld gevra. Zimbabwe se gesondheidsministerie het die epidemie verlede maand tot 'n einde verklaar, maar die VN sê die land se impoderende infrastruktuur maak nog 'n uitbraak onvermydelik. Bykans 100 000 mense het verlede jaar aangesteek.

Slegs 44 persent van die geld is teen die einde van Julie ontvang

Peter Salama, die UNICEF-hoof in Zimbabwe, sê die reënseisoen wat in November begin gaan weer 'n probleem veroorsaak. Die infrastruktuur word nie verbeter nie, sê hy.

Die siekte, alhoewel dodelik, kan maklik beheer word deur behoorlike sanitasie en skoon drinkwater

Sesmiljoen mense het min of geen toegang tot skoon water en sanitasie nie. Sowat 2,8 miljoen mense benodig voedselhulp, terwyl 1,5 miljoen kinders ondersteuning vra vir onderwys.

детский инет магазин

Churchill se standbeeld in Parys gevandaliseer

Nog ongeskonde…

Franse anti-oorlogsaktiviste het 'n standbeeld van Winston Churchill in die sentrum van Parys, in Les jardins des Champs-Elysées, gevandaliseer met die herdenking van die stad se bevryding van Duitse besetting.

Die aanval op die bronsbeeld is in die nag gedoen. Die beeld van Churchill se twee hande is 'n rooi verf gedoop wat lyk asof dit bloed voorstel.

Die voorletters 'R.H' is ook op die beeld aangebring. Dit is waarskynlik die voorletters van Rudolf Hess, Adolf Hitler se afgevaardigde wat na Brittanje gestuur is gedurende die Tweede Wêreldoorlog in 'n beweerde poging van die Duitsers om vrede te maak.

In stede daarvan het Churchill Hess in die gevangenis laat opsluit in 1941, sodat die oorlog 'n verdere 4 jaar kon aanhou.

Nadat Hess by Nuremberg verhoor is, is hy tot lewenslange gevangenis gevonnis. Hy is op die ouderdom van 93 in die Spandaugevangenis oorlede, 22 jaar gelede hierdie week in 1987.

модельки авто

‘Matrieks slagoffers van wanadministrasie’

AfriForum Jeug het Donderdag, namens die matrikulante van die 2008-matriekgroep ŉ klag by die Menseregtekommissie (MRK) teen die departement van Basiese Onderwys ingedien.

Die matrikulante voel dat hulle regte op gelykheid, inligting en billike administrasie geskend word deur die feit dat die departement tot op hede nog geen matrieksertifikate vir die matriekgroep van 2008 uitgereik het nie, ten spyte van die feit dat tersiêre instansies en werkgewers daarop aandring.

AfriForum Jeug se nasionale voorsitter, Ernst Roets, het gesê dat dit ’n baie sensitiewe saak vir die matrikulante is, veral in die lig van die geweldige probleme wat daar met die bekendmaking van die 2008-matriekuitslae was. “Die huidige matriekgroep is al besig met voorbereiding vir die eksamen, maar die 2008-groep se sertifikate is nog nie eens uitgereik nie,” het Roets gesê.

“Vanjaar moes sommige matrikulante byna ses maande wag vir hulle matriekuitslae om uitgereik te word, net om te hoor dat hulle sertifikate ook nie binne ŉ aanvaarbare tyd uitgereik sal word nie.”

In die klag wat by die MRK ingedien is, het die matrikulante benadruk dat hulle niks verkeerd gedoen het nie en dat hulle die slagoffers van die departement se wanadministrasie geword het. Die MRK word versoek om ondersoek in te stel en aan te dui watter remedies tot die matrikulante se beskikking is.

Roets het ook aangedui dat AfriForum Jeug beplan om met die departement hieroor in verbinding te tree. “Ons wil ook bevestig of enige stappe geïmplementeer is om te verseker dat vanjaar se matriekgroep hulle uitslae betyds sal ontvang en nie ook die slagoffers van wanadministrasie sal wees nie.”

Ho?rskool Ermelo se saak vandag gehoor

Die Mpumalanga departement van Onderwys se aansoek om verlof om appèl aan te teken teen die Appèlhof in Bloemfontein se uitspraak dat die Hoërskool Ermelo weer ŉ enkelmedium Afrikaanse skool mag wees, word vandag om 10:00 in die Konstitusionele Hof aangehoor. Sou die aansoek om verlof tot appèl goedgekeur word, sal die saak direk daarna aangehoor word.

Die Appèlhof in Bloemfontein het bevestig dat die owerheid onregmatig opgetree het toe Hoërskool Ermelo gedwing is om sy taalbeleid te verander.

Daar is nie ŉ enkele voorbeeld van waar die minister of onderwysowerhede ingegryp het om ŉ enkelmedium Engelse sekondêre skool se taalbeleid te verander nie. “In teenstelling hiermee het die minister en onderwysowerhede dit nodig geag om die staat se volle mag te gebruik om te probeer verseker dat Hoërskool Ermelo verengels,” het Kallie Kriel van Afriforum gesê.

Kriel het daarop gewys dat AfriForum die grootste simpatie met die massas kinders in die land het wat nie toegang tot goeie onderwys het nie. “Die argument van toegang is egter bloot as handige verskoning misbruik om Hoërskool Ermelo van sy status as Afrikaanse skool te probeer ontneem, aangesien daar genoegsame fasiliteite in die skool se omgewing beskikbaar is om leerders wat Engels as voertaal verkies, te kan akkommodeer,” het Kriel gesê. Kriel sê dat die owerhede ŉ kunsmatige behoefte aan Engelse onderrig geskep het om ŉ anti-Afrikaanse agenda te bevorder.

Volgens Kriel bestaan daar verskeie voorbeelde wat daarop wys dat die oorskakeling na ŉ dubbel- of parallelmediumstelsel die eerste stap na ŉ eentalige Engelse instelling is, veral weens die demografiese realiteite van die land.

Die feit dat slegs 19 van die 150 voorgraadse kursusse by die Universiteit van Pretoria steeds in Afrikaans aangebied word, is volgens Kriel ŉ goeie bewys hiervan. “Die aandrang op enkelmedium Afrikaanse instellings kan dus geensins gereduseer word tot ŉ poging om ander taalsprekers uit skole te hou nie,” het Kriel aangevoer.

Sweedse koerant beskuldig Israeli weermag van orgaandiefstal

Terugbesorgde Palestyn

'n Groot Sweedse dagblad het hierdie week met 'n anti-Joodse voorbladberig opspraak gewek. Die linkse Aftonbladet beskuldig Israeli soldate daarvan dat hulle Palestyne ontvoer om hulle organe te steel.

Onder die opskrif "Hulle plunder die organe van ons seuns" haal die koerant jong Palestyne aan van die Wesoewer en Gaza wat beweer hulle word deur die Israeli weermag gevang, gedood en dat hulle liggame daarna aan hulle gesinne terugbesorg word met ontbrekende organe.

Die beweringe in die berig, wat hier in Sweeds te lese is, het 'n storm en beskuldigings van die ergste anti-Semitisme ontketen.

Donald Boström, die joernalis, haal gesinslede van Khaled van Nablus, Raed van Jenin asook die ooms van Magmoed en Nafes van Gaza aan wat almal beweer dat die seuns nie-vrywillige orgaanskenkers is. Hulle het glo net verdwyn en is eers 'n paar dae later in die nag terugbesorg, dood en nadoods ondersoek.

Boström verbind die orgaandiefstal met die misdaadsindikaat wat onlangs in die Amerikaanse deelstaat New Jersey oopgevlek is. 'n Paar rabbi's is vasgetrek en een van hulle, Levy Izhak Rosenbaum, is gevang nadat hy die verkoop van 'n menslike nier probeer onderhandel het.

Volgens die Sweedse dagblad het die orgaandiefstal in 1992 begin tydens die eerste Intifada. Die Israelse weermag het 'n klipgooier wat in die bene, maag en bors gewond was glo per militêre helikopter na 'n onbekende plek vervoer.

Die liggaaam van die man is vyf nagte later terugbesorg, in groen hospitaallakens toegedraai.

Terwyl die soldate besig was om sy graf te grawe, is die lyk se bors per abuis ontbloot en 'n lang sny vanaf sy abdomen tot sy ken het die spekulasie laat vlam vat dat iets nie pluis is nie.

Die liberale Sydsvenskan – 'n groot koerant in die suide van Swede – het hulle mededinger skerp gekritiseer in 'n opiniestuk getiteld "Antisemitbladet" ('n woordspeling op Aftonbladet).

Die ministerie van buitelandse sake het Dinsdag die berig afgekam en woordvoerder Yigal Palmor het die stuk beskryf as 'n "merk van skande" vir Swede se media.

Hy het die donker stuk as Middeleeus beskryf wat geen plek in 'n demokratiese land soos Swede het nie.

Israel het by monde van hulle ambassade in Stockholm 'n harde veroordeling gerig aan die Sweedse regering en die koerant self.

remeza Фильчаков прокурор

DNS kan maklik vervals word

Wetenskaplikes in Israel het gewys dat dit moontlik is om DNS-getuienis te fabriseer en daardeur die geloofwaardigheid van wat beskou is as die goue maatstaf van bewys in strafsake, te knou.

Die wetenskaplikes het bloed- en speekselmonsters met DNS-inhoud van 'n ander persoon as die skenker vervaardig. Hulle het ook gewys dat hulle met toegang tot 'n DNS-databasis 'n monster kan vervaardig wat 'n spesifieke persoon se profiel pas, sonder dat hulle enige weefselmateriaal van dié betrokke persoon verkry het.

"Jy kan 'n misdaadtoneel skep," sê Dan Frumkin, hoofouteur van die studie wat in die joernaal Forensic Science International gepubliseer is. Die titel is Genetics. “Any biology undergraduate could perform this.”

Dr. Frumkin is 'n stigterslid van Nucleix, 'n maatskappy in Tel Aviv, wat 'n toets ontwikkel het om werklike DNS-monsters van vervalste monsters te onderskei. Hy hoop om dit aan forensiese laboratoria te bemark.

Nie net is dit moontlik om vals DNS-materiaal by 'n misdaadtoneel te plant nie, maar die skending van privaatheid raak ook toenemend makliker.

Van die tegnieke kan gebruik word om 'n bekende persoonlikheid se DNS van 'n gebruikte plastiekkoppie of sigaretstompie te oes en 'n speekselsmeer te vervaardig wat aan genetiese toetse onderwerp kan word. Voorgeslagte en die risiko van sekere siektes kan so bepaal word.

Bekendes sal aanstons die "genetiese paparazzi" begin vrees sê Gail H. Javitt van die Genetics and Public Policy Center by die Johns Hopkins University.

Tania Simoncelli, wetenskapraadgewer van die American Civil Liberties Union, sê die bevindinge is kommerwekkend. Dit is baie makliker om DNS by 'n misdaadtoneel te plant as vingerafdrukke, meen sy.

'n Standaardtegniek bekend as heelgenoomamplifikasie kan gebruik word om DNS-materiaal by bloed te voeg waarvan die witbloedselle, wat DNS bevat, verwyder is. Sodoende kan die oorsprong van die bloed verander word om 'n ander profiel te pas.

Swart polisiemanne probeer Afrikanermotoris beroof

Howard Yawa, LUR vir veiligheid in Noordwes

Twee swart polisiemanne van Brits is aangekla van moord, diefstal en motorkaping nadat hulle na bewering 'n Afrikaner van Brits probeer dwing het om 'n "kontantboete" te betaal.

Christiaan Wynand Rudolf Nel is Maandoggend om 3.00 vm. deur die twee swart polisiemanne van die pad af getrek in 'n polisievoertuig, kwansuis omdat hy 'n rooi verkeerslig in die hoofstraat van Brits geïgnoreer het, het 'n woordvoerder van die Noordwespolisie, superintendent Junior Metsi, gister gesê.

"'n Rusie het gevolg oor 'n beweerde spoedoortreding en die twee polisiemanne het 'n afkoopboete van R2000 uitgeskryf."

Nel het sy vriendin gebel en het gereël om haar by 'n nabygeleë vulstasie te ontmoet waar die geld getrek sou word.

"Die meisie het haar vader om hulp gevra, wat 'n veiligheidsmaatskappy se hulp ingeroep het. Die geld is getrek en aan Nel gegee, waarop die polisiemanne en Nel weggery het, met een van die polisielede wat Nel se voertuig bestuur."

Die veiligheidsmaatskappy se motor het hulle egter agtervolg tot by 'n plek waar Nel R1000 aan die polisie oorhandig het.

"Dit lyk asof een van die swart polisiemanne van die veiligheidsmaatskappy se waarneming bewus geraak het, paniekerig geraak het en weggejaag het. Nel het in die rigting van die veiligheidswagte gehardloop en verskeie skote is afgevuur. Die tweede polisieman het in Nel se motor weggejaag."

Die motor is later Maandag in Brits gevind waar dit agtergelaat is.

'n Straf- en interne ondersoek is aan die gang en die saak is nou na 'n senior aanklaer verwys wat sal besluit hoe daar voortgegaan sal word.

"Niemand is bokant die wet nie en die Noordwespolisie sal alles in sy vermoë doen om korrupsie binne en buite die polisiediens uit te roei. Ons sal nie huiwer om selfs van ons eie lede in hegtenis te neem indien hulle misdaad pleeg nie," het Metsi gesê.

Die LUR vir openbare veiligheid van die provinsie, Howard Yawa, het gesê hy beskou die bewerings in 'n ernstige lig en het beveel dat die interne ondersoek binne die volgende 14 dae afgehandel moet word.

"Daar is geen plek vir korrupte elemente wat die integriteit van die polisie in die gedrang bring nie," het hy in 'n verklaring gesê.

"Die ondersoek sal moet vasstel waarom die motoris in hegtenis geneem is, indien hy inderdaad 'n verkeersoortreding begaan het en ook nie 'n bestuurslisensie kon toon nie, waarom die beweerde finansiële transaksies tussen die motoris en genoemde polisieman moes plaasvind en wat na die beweerde skietery, vlug van die polisieman vanaf die toneel en die uiteindelike agterlaat van sy motor gelei het."

top

Honderde vervals mediese kwalifikasies

Daar is honderde mediese praktisyns in Suid-Afrika wat hul kwalifikasies vervals, sê Professor Denise White, Voorsitter van die Suid-Afrikaanse Mediese Assossiasie (SAMA).

Dit wissel van mense met min of geen opleiding nie wat hul as kinderspesialiste en neuroloë voordoen, tot praktisyns wat onwettige aborsies uitvoer onder die mees onhigiëniese toestande denkbaar.

"Ons is al 'n geruime tyd daarvan bewus dat ons bitter min daaraan kan doen want aaangesien hulle nie lede van SAMA is nie kan ons nie teen hul optree nie. Al wat ons kan doen is om die publiek van hierdie bedrywighede bewus te maak sodat hulle die praktisyns se kwalifikasies en registrasie kan nagaan. "

Die gesondheidsraad van SA is bekommerd oor die vloed van advertensies deur mense wat sê hulle is dokters en deskundiges in die beëindiging van swangerskappe en vra mense om sulke praktyke te vermy.

"Slegs gekwalifiseerde mediese personeel mag swangerskappe beëindig".

"Lede van die publiek word aangemoedig om 012 338 9301 te skakel om uit te vind of hul praktisyn geregistreer is."

Sulke praktisyns behoort by die polisie aangemeld te word. Om te praktiseer sonder registrasie by 'n relevante owerheid is 'n misdaad.

Ina van der Merwe, van die Kroll maatskappy wat agtergrondondersoeke na kwalifikasies doen, sê daar is 'n toename in mense wat kwalifikasies vervals.

"Die mediese professie het 'n gunsteling onder hierdie bedrieërs geword weens die potensiaal om heelwat geld te maak."

Sy sê dat tussen 15% en 18% van kwalifikasies deesdae vervals word.

книги диснея Александр Фильчаков

Australi? en China sluit grootste gastransaksie

Australië en China het hul grootste handelstransaksie tot nóg toe is Dinsdag gesluit toe die wêreld se grootste genoteerde oliemaatskappye, Exxon Mobil en PetroChina, oor ’n vloeibaregastransaksie van $41 miljard ooreengekom het.

“Dit is ’n stelling oor die aard van ons twee ekonomieë en die feit dat Australië belangrik is vir China, net soos China vir Australië belangrik is,” het Martin Ferguson, Australiese minister van hulpbronne, in Beijing gesê.

Die gastransaksie tussen Exxon en PetroChina kom net weke nadat Exxon ’n transaksie van A$10 miljard met Indië se Petronet oor die Gorgon-gasvelde gesluit het. Dit is Australië se eerste transaksie oor vloeibare natuurlike gas met Indië.

Die transaksies en die byna afgehandelde gepaardgaande regulatoriese aanvaarding daarvan deur die federale regering, beteken dat die Gorgonprojekvennote die reuseprojek van vloeibare natuurlike gas in die weste van Australië teen vroeg aanstaande maand kan goedkeur.

Die jongste Gorgongasverkope sal PetroChina se totale aankope van vloeibare natuurlike gas op altesame 3,25 miljoen ton per jaar vir 20 jaar te staan bring. China sal dus die projek se grootste gaskliënt wees.

Die feit dat PetroChina nie ’n minderheidsbelang in die projek het nie, ondanks die volumes wat hy koop, dui daarop dat die langtermynvraag na vloeibare natuurlike gas steeds sterk is ten spyte van die ekonomiese afswaai.

Met ’n lys van sowat ’n dosyn voorgestelde soortgelyke gasprojekte in die Asië-Stille Oseaan-streek, is kopers ook gretig om so vinnig moontlik voorrade vas te maak vir die projekte wat die waarskynlikste ontwikkel gaan word.

Die Gorgonprojek, waarin Chevron ’n 50%-belang het en deur hulle bestuur word, is in die weste van Australië en het ’n voorgestelde jaarlikse uitset van 15 miljoen ton.

Exxon en Royal Dutch Shell besit elk 25% van die projek.

Chevron en sy vennote sal na verwagting vroeg aanstaande maand finale beleggersgoedkeuring vir die uitgestelde Gorgonprojek gee.

Die totale verwagte koste van die projek is A$50 miljard, volgens Colin Barnett, premier van Wes-Australië.

promoter instagram Фильчаков прокурор

Tshwane diep in die skuld

Luidens ’n verklaring skuld die Tshwane-metroraad byna R500 miljoen aan Eskom en sowat R65 miljoen aan Rand Water. Hulle het gister bevestig dat hulle by Eskom en Rand Water moes reël om die agterstallige rekening af te betaal.

Die Madibeng- en Moretele-munisipaliteite skuld Tshwane saam sowat R150 miljoen, maar die inwoners se krag- en watertoevoer sal nie afgesny word nie.

Die krisis kom nadat gerugte reeds die rondte begin doen het dat die raad geldelik in die moeilikheid is. In Mei hierdie jaar het inwoners 'n dubbele rekening vir eiendomsbelasting en vullisverwydering ontvang om glo die raad se kontantvloei te verbeter.

Die internasionale graderingagentskap Moody’s het intussen Tshwane se kredietgradering na 'negatief' afgeskuif.

play slots for лобановский обыск

Die Zammas

Min mense, binne en buite Suid-Afrika, het al van hulle gehoor. Nie eers die plaaslike mense weet van hulle nie. Hulle word die Mafia en die Zammas genoem.

Die Zammas is onwettige mynwerkers, en die Mafia is die wrede slawehandelaars wat die Zammas gebruik (lees: misbruik) om hul vuilwerk te doen. Dié praktyk is eers in 1999 ontdek, maar bestaan waarskynlik reeds sedert 1994, toe die blankes op groot skaal uit die mynbou onttrek het, en swartes beheer begin oorneem het.

Groot geld word gemaak, maar ook groot misdaad word daagliks daar diep onder die grond gepleeg. Dit wemel van die onwettige mynwerkers in Suid-Afrikaanse myne. Dié mense kom van orals, maar aanvanklik was die meeste onwettige myners mense uit Zambië en Mozambiek. Die meeste van hulle het nog nooit voorheen in ‘n myn gewerk nie, en is geheel en al onopgeleid en onkundig. Vele is kinders – weeskinders – wie se ouers aan HIV/Vigs gesterf het. Die Mafia-base is skatryk en geweldig magtig.

Na beraming woon daar duisende onwettige mynwerkers in ons myne. Ten spyte daarvan dat die strengste veiligheidsmaatreëls by die meeste mynskagte toegepas word om onwettige myners bo-gronds te hou, kry dié mense dit steeds reg om ongesiens na onder te gaan.

Die Vrystaatse Goudveld, wat dorpe soos Welkom, Odendaalsrus, Virginia, Allanridge en Theunissen insluit, het verskeie mynskagte wat ondergronds met mekaar verbind is. Elke keer wanneer ‘n sekere skag sy reëls opskerp, is daar onwettige toegang by ander skagte, waarvan sommiges reeds gesluit en in onbruik is. Daar was onlangs ‘n ontploffing ondergronds wat deur metaangas veroorsaak is. Honderde onwettige mynwerkers is in dié ontploffing dood. Dit het daartoe gelei dat ‘n kommissie van ondersoek ingestel is, en is daar ontdek dat daar ‘n hele gemeenskap is wat tot 6 maande lank ondergronds leef sonder om ooit na bo te kom. Daar is onwettige supermarkte waar kliënte feitlik enigiets kan koop, en daar is op die koop toe ‘n reuse seksslawehandel aan die gang.

Minderjarige kinders (seuns en meisies) word daarheen ontvoer en gedwing om seks met volwassenes te hê.

Niemand durf ‘n woord sê nie, want teregstellings word sommer daar en dan deur die Mafia-base ondergronds uitgevoer. En, daar is min wat die Suid-Afrikaanse regering daaraan kan doen, want die Mafia regeer Suid-Afrika se myne. Honderde onwettige myners is al in strafhowe skuldig bevind en gevonnis, maar dit is net die punt van die ysberg. Die meeste van hulle is weeskinders wat ontvoer is en gedwing word om onwettig ondergronds te gaan.

Totsiens Jan, Luuk, Gijs en Daan!

Inligting wat deur Nederland se werksversekeringsagentskap ingesamel is, dui daarop dat Nederlandse name in stedelike sentra soos Amsterdam, Rotterdam, Den Haag en Utrecht aan't verdwyn is.

In die hoofstad Den Haag is variasies van die Moslemnaam Mohammed in die eerste, tweede en vyfde plek vir die mees gewilde name vir seuns en het tradisionele Nederlandse name soos Jan, Luuk, Gijs en Daan vervang.

Op nasionale vlak is die naam Mohammed nou 16de op die gewildheidsleer van seunsname.

Die statistiek is deur die Nederlandse Elsevier-tydskrif bekend gemaak en kom van die Sociale Verzekeringsbank (SVB). Dit verskil van amptelike statistiek wat in die verlede die verskillende spelswyses van die Moslemnaam – Mohammed, Muhamed, of Muhammad – afsonderlik getel het.

Die Nederlandse regering het sodoende gesorg dat die naam van Islam se grondlegger nie op die lys van die top-20 gewilde name vir seuns in die Lae Lande verskyn nie om kontroversie te vermy.

Geert Wilders, leier van die PVV, het gevra dat 'n ondersoek gedoen word nadat die Daily Telegraph op 8 Augustus beweer het dat meer as 'n vyfde van die EU se bevolking teen 2050 Moslem gaan wees.

Die Nederlandse kabinet sal Vrydag 79 parlementêre vrae wat handel oor nie-Westerse immigrasie en die impak daarvan op die Nederlandse samelewing deur die PVV opgestel, beantwoord.