Etiket: UK

Swart multimiljoenêr se seun aangekla na geweld by UK

Onder die swart studente van die Universiteit van Kaapstad wat in hegtenis geneem is weens openbare geweld en die kwaadwillige beskadiging van eiendom, is die seun van multimiljoenêr en Eskom se uitvoerende hoof, Brian Molefe.

“Dit bou karakter,” het Molefe gesê en bygevoeg dat hy sy seun ondersteun.

Molefe het Woensdag buite die Wynberg-landdroshof met die media gepraat.

Sy seun is een van die aangeklaagdes wat beskuldig word van die geweld wat gedurende betogings oor armoedige swart behuising op die kampus uitgebreek het.

Swart studente het kunswerke van wittes verbrand omdat hulle glo nie toegang het tot wit behuising nie. Hulle is ontevrede dat hulle “uitgesluit” word omdat hulle swart is.

Volgens die staatsaanklaer Rahidien Cullis, in die Wynberg-landdroshof moes die polisie Dinsdagaand ‘n groep van sowat 200 oproerige studente uitmekaarjaag.

Die swart studente het die polisie met klippe bestook, waarna die polisie van skokgranate gebruik moes maak om hulle te verwilder. Hulle het ook die belhamels in hegtenis geneem.

Die aanklagte teen die sewe studente hou verband met die beskadiging van kunswerke en twee voertuie wat aan die brand gesteek is.

Die kantoor van die vise-rektor Max Price is ook beskadig in ‘n petrolbomaanval.

Nog ‘n student het op ‘n klag van opsetlike beskadiging van eiendom verskyn nadat hy glo ‘n voertuig van die UK se ruite met klippe stukkend geslaan het.

Die saak is tot 30 Maart uitgestel vir verdere ondersoek en om die studente geleentheid te gee om vir regshulp aansoek te doen. Borg is toegestaan aan die agt.

UK se vise-kanselier voel nie sy witheid na petrolbomaanval nie

Die visekanselier van die die Universiteit van Kaapstad (UK) het Woensdag bevestig dat sy kantoor deurgeloop het onder ‘n petrolbomaanval.

Max Price het gesê hoewel dit was sy kantoor was wat aangeval is, het hy nie gevoel dat dit ‘n persoonlike aanval teen hom was nie.

“Ek gaan nie aanstoot neem nie, dit is die kantoor van die hoof van die universiteit,” het Price gesê by die mediakonferensie.

Price het ook gesê dat tot Dinsdagaand het die Universiteit van Kaapstad nie die optrede van swart studente beskou as gewelddadig en krimineel nie.

Hy sê hulle het daarom nie die behoefte gevoel om die polisie en privaatsekuriteit te ontplooi nie.

Dit blyk dat Price se seun Ilan onder die 30 UK-studente was wat buite die parlement in hegtenis is geneem vir openbare geweld en dit is bevestig deur ‘n UK-woordvoerder.

Agt UK-belhamels geskors oor geweld

Agt studente sal Dinsdag in die hof in Kaapstad op aanklagte van openbare geweld verskyn.

Media24 het voorheen berig dat die oproermakers dalk nie studente is nie.

Dié agt het vermoedelik twee voertuie en kunswerke van twee koshuise aan die brand gesteek en is intussen uit die universiteit geskors.

Hulle is in opstand oor die gebrek aan verblyf op die kampus.

Die vise-kansellier dr. Max Price sê hul gedrag is onaanvaarbaar en hul optrede sal nie geduld word nie.

Price sê Rhodes Must Fall het dit duidelik gemaak dat dit hul doelwit is om die universiteit te sluit. Hy sê die veldtog sal egter nie slaag om 30 000 studente en personeellede te weerhou van hul reg om in veilige omstandighede te studeer en te werk nie.

Die Universiteit is besig om ‘n interdik teen betogers te bekom en om strafregtelike aanklagte te lê.

Price sê die universiteit sal vandag oop wees.

Intussen is 51 studente van die Walter Sisulu Universiteit in Oos-Londen wat weens openbare geweld in hegtenis geneem is, ná hul hofverskyning met waarskuwings vrygelaat.

Die groep het ook oor studenteverblyf betoog en skade aan eiendom aangerig. Die universiteit sê hy verskaf verblyf aan meer as 30 persent van die studente wat die nasionale gemiddelde is.

Akademiese aktiwiteite is sedert verlede week by die universiteit opgeskort.

In Noordwes het die Mahikeng-kampus van die NWU weer heropen na geweldpleging deur die EFF oor die uitkontraktering van skoonmakers.

UK-studente verbrand ‘koloniale’ skilderye

Swart studente van die universiteit van Kaapstad het “koloniale” skilderye van wit mans en vroue uit die Fuller- en Smutskoshuise Dinsdagaand aan die brand gesteek.

Polisievoertuie en ‘n brandweerwa was op die perseel om die vuur te blus.

Die polisie is ingeroep en het die betogers probeer verwilder wat gelei het tot geweld. Dit was nie onmiddellik duidelik of die betrokkene vandale almal studente was nie.

Die swart studente het die kunswerke uit die twee koshuise op die boonste kampus van die mure gaan afruk en aan die brand gesteek omdat die bestuur hulle gevra het om plakkershutte te skuif wat hulle uit protes opgerig het.

Hulle protesteer teen wit studente wat hulle sê voorkeur kry bó swartes vir behuising.

Volgens ‘n video opgelaai op Twitter, is ‘n aantal mense in hegtenis geneem op die toneel van die brand nadat die polisie skokgranate moes gebruik om die skare uiteen te jaag.

Hulle het rubberkoeëls ook gebruik.

Die betogers het ook die gereg met klippe bestook waarna veiligheidswagte twee oproeriges in hegtenis geneem het.

‘n Veiligheidsvoertuig se vensters is stukkend geslaan en kort daarna is ‘n UK-voertuig aan die brand gesteek.

Anti-wit gees by US, UK en Wits vier hoogty

Open Stellenbosch het teruggekrabbel nadat hul histeriese veroordeling van twee wit vrouestudente wat hulself pers geverf het, te veel kritiek uitgelok het.

Die getalarm organisasie probeer rassepolarisasie aanmoedig deur anti-wit uitsprake en word in hul bedenklike ywer ten volle deur die US-owerhede ondersteun. Die jongste voorval het hul kwaadwillige houding jeens blankes verder beklemtoon.

Tugstappe is reeds teen die meisies begin deur die universiteit.

Open Stellenbosch het die hoop uitgespreek dat die universiteit “in die gees van geregtigheid” sy ondersoek spoedig sal afhandel, maar dit blyk dat die organisasie juis toenemend in die gees van aanhitsing en wanvoorstellings handel.

Hulle het nou ‘n halfhartige verskoning aangebied nadat hulle die twee uit hul koshuis laat skors het.

Die kwaadwillige bewerings dat die meisies hul gesigte “swart” geverf het by ‘n koshuispartytjie is as ‘n uiterste vorm van “rassisme” voorgehou wat op sigself laakbaar is.

Die beweging het ‘n vroeëre verklaring teruggetrek waarin die meisies van rassisme beskuldig is, en toegegee dat die aanvanklike beelde misleidend was.

Foto’s van die studente het op sosiale media opgeduik wat duidelik toon dat hulle gesigte pers geverf is en nie swart nie.

By nog ‘n bastion van anti-wit politieke korrektheid is ‘n student van die Universiteit van Kaapstad met ‘n vuurwapen aangehou naby die mediese kampus in die jongste voorval van geweld wat by die Universiteit voorgekom het.

Die student, Sebastian Scheidereiter sê hy is gelukkig om nog te leef nadat twee mans hom van sy rugsak met sy tablet beroof het. Terselfdertyd is ‘n vrouestudent se voertuig deur vier mans gekaap.

‘n Universiteitswoordvoerder, Kylie Hatton, sê die Universiteit is baie bekommerd oor die voorvalle.

Die polisie stel steeds ondersoek in na ‘n vermeende reeksverkragter nadat minstens drie vroue die afgelope tyd naby die Rhodes-gedenkteken naby die universiteit aangeval is.

By die Universiteit van die Witwatersrand het die woorde “Fok witmense” dié week by die ingang van die Oliver Schreiner School of Law-gebou op sy hoofkampus gepryk.

In ‘n verklaring op die Witswebwerf Maandagmiddag het die universiteit dit probeer voorhou as ‘n “klein groepie studente” wat doelbewus graffiti op die mure van die Wits-kampusse en op T-hemde aanbring.

Volgens Wits, het die groep gemobiliseer namens ‘n individu wat hierdie week voor die Suid-Afrikaanse Menseregtekommissie verskyn vir die dra van ‘n T-hemp met die woorde “Fok witmense” op die agterkant.

Wits het gesê hulle weet nie wie die klag by die SAMRK gelê het nie en ontken dat hulle daarby betrokke is.

Tweede verkragting by UK skud kampus

Nog ‘n vrou is by die Universiteit van Kaapstad naby die kampus verkrag, vyf weke nadat ‘n verkragting daar aangemeld is.

Die universiteit het in ‘n verklaring aan studente en personeel gesê daar die twee slagoffers is vermoedelik deur dieselfde persoon aangeval en verkrag.

Die aanval het op Dinsdag 19 Januarie plaasgevind, terwyl die vorige verkragting op 11 Desember plaasgevind het.

Die vrou het van die Rhodes-gedenkteken na die universiteit gestap, toe sy oorval is. Die polisie ondersoek albei voorvalle.

“Dit is met woede en spyt dat ons julle in kennis moet stel van ernstige gewelddadige voorvalle wat naby die Rhodes-gedenkteken plaasgevind het,” het die UK in ‘n verklaring gesê.

“Ons wil almal versoek om hierdie gebied, veral saans as dit donker is, te vermy.” Die UK het berading aan die studente aangebied.

Nog ‘n student is verlede week gekaap naby die M3-hoofweg onder die Rhodes-gedenkteken. Die verdagtes is egter kort daarna gevang en in hegtenis geneem.

Swart UK-betoger verkrag glo mede-betoger

‘n Vier-en-twintigjarige swarte verskyn vandag in die Wynbergse landdroshof in verband met die verkragting van ‘n student van die Universiteit van Kaapstad.

Die voorval het verlede week by een van die universiteit se geboue plaasgevind. Die swart verdagte is na bewering ‘n lid van die #FeesMustFall-veldtog en is Dinsdag in hegtenis geneem.

Intussen is swart sosiale media op hol oor die verkragting wat hulle op wit “rassiste” en die “patriargie” blameer.

Die wit “rassiste” onderhou glo die “patriargie” wat lei tot swart mans wat swart vroue verkrag, lui die argument.

Die verkragting het na bewering plaasgevind by Avenue House in Mowbray (nou bekend as Azania Hall) waar swart betogers glo geslaap het in ‘n “veilige omgewing”.

Die beweerde slagoffer het die voorval op Facebook beskryf en die beweerde verkragter se foto en naam versprei.

“It takes moments of pleading and eventually me tipping over tables and fucking shit up before niggers are able to wake up and come to the point of addressing the fact that a whole womyn [sic] body has been violated in the darkness of the night.”

Polisie ontplooi by UK

Oproeriges het Maandagoggend buitebande op die kampus van die Universiteit van Kaapstad gebrand en ingange probeer versper.

Die polisie is inderhaas ontplooi om die situasie onder beheer te hou.

Die woordvoerder van die universiteit, Pat Lucas, sê ingange is weer oopgestel en studente kan eksamen gaan skryf.

Lucas sê eksamens sal voortgaan ten spyte van die ontwrigting.

Die visekanselier van die die Universiteit van Kaapstad, Max Price sê intussen die universiteit is daartoe verbind om met die eksamen voort te gaan.

Die universiteit het die keuse aan studente gestel om hul jaareindeksamen tot Januarie aanstaande jaar uit te stel.

Die registrateur, Hugh Amoore sê studente het tot 27 November tyd om te besluit. Hy sê die eksamen sal vir die res van die studente normaalweg voortgaan.

Price sê sowat 17 000 studente het gekies om hul eksamen vanjaar te skryf.

Die betogers eis gratis onderrig en dat agterstallige skuld afgeskryf word. Die betogers het onderneem om met hul ontwrigting voort te gaan totdat daar aan hul eise voldoen is.

Studente van die Universiteit van Kaapstad, die Kaapse Skiereiland Universiteit van Tegnologie, die Universiteit van Stellenbosch en die Universiteit van Wes-Kaapland beplan ‘n massa-optog na die parlement.

Hulle eis dat die minister van hoër onderwys, Blade Nzimande hulle toespreek.

Dit volg nadat hulle vroeër na die parlement opgeruk het, waar hulle geen verhogings van klasfooie en ‘n einde aan die uitkontraktering van werknemers geëis het, eise waaraan die ANC uiteindelik toegegee het.

Die betogings gaan egter onverpoos voort met nuwe eise.

Duisende het reeds versoekskrifte onderteken om hul jaareindeksamen opsioneeel te maak.

In die eerste petisie word gevra dat studente aan die Universiteit van Kaapstad hul semester-punt as ‘n finale kursuspunt mag gebruik. Byna vierduisend mense het die petisie onderteken.

‘n Soortgelyke versoekskrif by die Universiteit van Wes-Kaapland het meer as drieduisend handtekeninge gekry.

Die woordvoerder van die UWK sê egter hulle verwag nie enige ontwrigtings met die eksamen wat vandag begin nie.

Onluste-polisie storm admingebou van US

‘n Groep van meer as 50 studente van die Universiteit van Stellenbosch ‘n interdik verontagsaam wat deur ‘n balju van die hof Dinsdagoggend aan hulle oorhandig is.

Betogers het die glas van die universiteit se Admin B-gebou se ingang gebreek en skares studente het buite saamgedrom. ‘n Menseketting is vir ‘n ruk voor die ingang gevorm.

Gerugte van een beseerde is op Twitter versprei, maar kon nie bevestig word nie.

Betogers het die admin-gebou intussen herdoop na “Winnie Mandela House”. Die Universiteit het vroeër ‘n hofbevel bekom teen ‘n betoging op die kampus.

Die Admin B-gebou se besetters het verbygangers toegesnou: “Fok julle en fok die polisie. Hulle het julle in Marikana gebruik om ons pa’s dood te maak!”

Dit is nie ‘n “fokken dieretuin” nie, het betoger ook skree toe groepe studente kom kyk het hoe die besetting ontvou. Betogers het ook geskree dat hulle “wit suprematisme” gaan beëindig.

Swart onluste-polisie monitor van vanoggend af die gespanne situasie by die universiteit waar die betogers die gebou beset.

Hulle het intussen ingestorm om die gebou te ontset onder luide veroordeling van die betogers wat geskree het “Dis nie onluste nie!”

Sommige studente was in die gebou toegesluit waar veiligheidspersoneel toesig gehou het. Die studente betoog glo teen die voorgestelde verhoging in klasfooie.

Betogers van die Universiteit van Kaapstad het na verskeie koshuise op die kampus beweeg om werkers wat uitgekontrakteer is, te dwing om hulle poste te verlaat.

By Rochesterkoshuis het betogers binnegestorm om die kos te “nasionaliseer” en hulself gehelp aan die middagete.

Hulle het daarna hul opmars na die strate van die Kaapstad se voorstede voortgesit.

Die werkers sluit veiligheidswagte en skoonmakers in. Die studente eis dat die universiteit die gebruik van privaatmaatskappye op die kampus moet staak.

Klasse is weer opgeskort en die universiteit het ‘n hofbevel gekry om die betogers te verbied om gewone bedrywighede op die kampus te ontwrig.

Intussen sê betogende mediese studente by die Universiteit van die Witwatersrand in Johannesburg hulle protesoptrede raak nie noodsaaklike dienste by die Charlotte Maxeke Akademiese Hospitaal nie.

Die betogers het intussen na die strate van Johannesburg uitgebrei waar verkeer vir die tweede dag ontwrig word.

Die betogers sê hulle verwag slegs van studente om aan die betoging deel te neem, en dat dokters en mediese personeel beskerm sal word.

Die studente betoog oor ‘n voorgestelde verhoging in klasgelde. Baie van die mediese studente was veronderstel om vandag eksamen te skryf.

Protes het voortgegaan by Wits asook Rhodes universiteite. Klasse by die drie universiteite is opgeskort vir nog ‘n opeenvolgende dag.

Protes het ook begin by Fort Hare-universiteit in die Oos-Kaap.

Protes sal ook Woensdag by Tuks Universiteit in Pretoria begin.

Polisie neem betogers by UK in hegtenis

Betogers by die Universiteit van Kaapstad is deur die polisie in hegtenis geneem. Die groep het hulself nie verset nie en protesliedjies gesing terwyl hulle in vangwa’s gelaai is.

Die betogende studente het die ingang na die Bremner-gebou beset.

Die universiteit het vroeër ‘n hofbevel van die Kaapstadse Hooggeregshof verkry om betogers vas te vat wat klasse en bedrywighede op die kampus ontwrig.

Oproer wat landwyd georkestreer word teen tersiêre instellings het die kampus van UK tot stilstand gedwing.

Alhoewel universiteite nie dieselfde fooie hef nie, betoog groepe landwyd teen registrasiefooie.

Die minister van Hoër Onderwys, Blade Nzimande het die klein groepe amokmakers wat gewelddadig betoog en universiteite se eiendom vernietig, veroordeel.

Nzimande die studente tot kalmte gemaan tydens ‘n mediasessie en gesê die huidige vlaag studentebetogings is nie ‘n krisis nie.

Hy het toegegee dat dit ‘n uitdaging is, maar is vol vertroue dat ‘n oplossing bereik kan word deur besprekings, onderhandelings en kompromieë.

Nzimande sal vandag in Kaapstad wees vir ‘n vergadering met verteenwoordigers van verskeie universiteite universiteitsfooie te bespreek.

‘n Leier van die studente organisasie Sasco, Ntuthuko Makhombothi, sê universiteite vererger die situasie deur die polisie in te roep.

Alhoewel die staat arm studente help met studielenings, het die voorsitter van die ANC-subkomitee oor onderwys, Naledi Pandor gesê studente wat voorheen benadeel is, nie “uitgesluit” word nie.

By die Universiteit van die Vrystaat, waar fooie hoog is, was daar tot dusver nie betogings nie, terwyl Rhodes Universiteit wat goedkoop is, moes deurloop.

Intussen het studente aan die Rhodes-universiteit in Grahamstad die bestuur se aanbod rakende die minimum deposito verwerp en onderneem om voort te gaan met hul betoging.

Hulle wil hê dat die universiteit sy minimum deposito afskaf, wat vereis dat studente 50 persent van hul klasgeld vooraf betaal om te kan registreer.

Die universiteit het aangebied om die deposito na 20 persent te verminder. Die studente wil ook hê dat die verhoging in klasgeld verlaag word.

Dié opstande wat kort voor die eindeksamen opgevlam het, laat die vermoede ontstaan dat wanpresteerders dit as ‘n verskoning wil gebruik om die universiteite te dwing om hulle deur te sit.

Professor Adam Habib het intussen gewaarsku dat ‘n sluiting kan volg indien geweld toeneem, nadat studente verkeer in Johannesburg ontwrig en ‘n motor omgekeer het.

Op die Stellenbosch-kampus het sowat 50 studente die Administrasie B-gebou beset en geëis om met die bestuur oor fooie te praat. Dreigemente om die kampus onregeerbaar te maak is ook geopper.

Berigte is ook ontvang dat studente aan die Universiteit van Fort Hare in die Oos-Kaap met optrede dreig indien verhogings nie heronderhandel word nie.

Betogers bestorm Senate House by Wits

Die universiteitsraad van die Universiteit van die Witwatersrand sou studente vanmiddag toespreek, maar het daarteen besluit nadat betogers Senate House bestorm het.

Die Raad sê die optrede is strydig met ‘n ooreenkoms wat vroeër bereik is.

Wits het intussen besluit om studente kwyt te skeld van die deposito wat hulle moet betaal wanneer hulle inskryf.

Die Raad het ook besluit om besnoeiingsmaatreëls in te stel om te verseker dat alle universiteitsgeld behoorlik benut word.

Die visekanselier, Adam Habib het aangekondig dat hy afstand doen van sy prestasiebonus.

Die Raad het in ‘n verklaring gesê verhoogde universiteitsfooie wat selfs die inflasiekoers troef, is problematies.

Swart studente het daarna Empireweg in Johannesburg versper en ‘n motoris wat dit te naby gewaag het, moes vlug nadat die betogers die motor omgekeer het en die voertuig se vensters stukkend geslaan het.

Studentebetogings by die Kaapstadse en Rhodes universiteite duur intussen voort.

By die universiteit van Kaapstad is ‘n student tydens die betoging oor verhoogde klasgeld beseer. UK is die duurste universiteit in die land wat registrasiefooie betref, met gelde wat byna twee keer hoër is as die res.

Die polisie is ontplooi by UK waar studente al die ingange na die universiteit versper het.

Volgens studente word hulle toegang tot die Bremner-gebou geweier waar hulle met die universiteitsbestuur wou vergader.

Die universiteit het hulle gereed gemaak vir ‘n betoging wat vir môre beplan is. Die waarnemende kanselier van die universiteit, professor Francis Petersen het vroeër gesê die universiteit is daartoe verbind om te verseker dat universiteitsgeld nooit in die pad van arm studente staan nie.

Hy het egter daarop gewys dat vryheid van uitdrukking ‘n reg én ‘n verantwoordelikheid is.

Intussen sê die studentegroep “Open Stellenbosch” dat hulle Woensdag op die hoofkampus van die Universiteit Stellenbosch teen verhoogde universiteitsgeld gaan betoog.

By Rhodes is samesprekings tussen die studente en die universiteitsbestuur opgeskort nadat hulle nie tot ‘n vergelyk kon kom oor die betaling van ‘n aanvanklike bedrag voor registrasie nie.

Ingange na die Universiteit word versper.

Betogings oor fooie kring uit

Rhodes Universiteit in Grahamstad het gesluit nadat studente oor klasgeldverhogings vir volgende jaar begin betoog het.

Betogings het verder uitgekring oor die hele land by tersiëre instellings oor verhoogde fooie.

Rhodes se SR-voorsitter Zikisa Maqubela het gesê: “Studente betoog (oor die) minimum aanvanklike betaling, wat beteken studente moet 50 persent van die koste betaal. Dit beteken dat indien studente in die koshuis woon, sal van hulle verwag word om tot R45,000 te betaal.

“Ons kan nie so baie betaal nie, ons het net nie die geld nie,” sê Maqubela.

Maqubela het gesê studente het met senior bestuur van die universiteit Vrydag vergader, maar was ongelukkig met die uitslag.

Hulle het middernag op Sondag by die universiteit begin betoog.

By die Universiteit van Kaapstad het studente ook betoog oor fooie.

Wie het Luister befonds?

Die sogenaamde film wat aantygings van rassisme teen die Universiteit van Stellenbosch “gedokumenteer” het, se vervaardiger is self betrokke by die aktiviste van Open Stellenbosch.

Dus is die vervaardigers van Luister, Dan Corder, Markus Hegewisch, Eric Mulder en Declan Manca wat hulself as “wit mans” beskryf, nie die onpartydige filmmakers wat hulle voorgee om te wees nie.

Corder het vroeër aan Greg Nicholson van die Daily Maverick erken dat hy ‘n plan wou bedink teen die US omdat sy vriend ‘n dissiplinêre verhoor in die gesig staar.

Praag het Corder per epos gevra wie die film befonds het, waarop Corder soos volg gereageer het:

For clarity, there was no funding whatsoever for this film. Not a single rand was spent on it. All of the equipment and transport costs were supplied and covered by us, the four filmmakers.

Hegewisch, bedrywig by die Universiteit van Kaapstad met radio-uitsendings en eertydse werknemer van Prime Media, het kort tevore getwiet:

Luister is a documentary about SA students facing racism & exclusion through language in varsity.

Terwyl geen Afrikaansprekende in Afrikaans by die UK geakkomodeer sal word nie, is Hegewisch klaarblyklik onbesorg dat die werklike diskriminasie en uitsluiting op grond van taal by die Universiteit van Kaapstad asook ander eentalige instellings plaasvind.

Corder is voorheen, in 2012, deur die polisie aangekeer vir openbare geweld in Kaapstad en het 10 ure in aanhouding deurgebring saam met 39 ander bruin oproeriges.

Hy het in 2011 gematrikuleer aan die gegoede Westerford High School in Kaapstad.

Anti-Rhodes-aktivis kla UK oor rassisme aan

Chumani Maxwele, die student wat die Cecil John Rhodes-standbeeld met menslike ontlasting gegooi het, sê sy skorsing van die Universiteit van Kaapstad is polities gemotiveer.

Hy het aan News24 gesê dit handel oor ‘n politieke probleem by die UK: “Ons is besig met transformasie … [en] hulle wil ons intimideer.”
 
Maxwele is deel van die Rhodes-moet-val-beweging wat die Rhodes-standbeeld verwyder wou sien.
 
Hy beskuldig die universiteit dat hulle administratiewe reëls inspan om politieke probleme op te los.
 
Die universiteit het nie bevestig dat Maxwele geskors is nie. ‘n Woordvoerder het gesê die instelling beskou dissiplinêre aangeleenthede as vertroulik.
 
Hy het intussen ‘n klag van rassisme teen die UK ingedien. Maxwele beskryf ‘n insident met die betrokke dosent wat hy beskuldig as ‘n “baie traumatiese voorval”.
 
In sy verklaring het Maxwele verduidelik wat op 1 Mei by die wiskundegebou gebeur het.

Volgens hom was die badkamers daar gesluit, want dit was ‘n openbare vakansiedag. Die dosent het hom toe vergesel om hom te wys dit is gesluit.
 
Die dosent het hom toe vertel wat met haar gebeur het in die verlede en dat sy aangeval is deur ‘n “barbaarse swart student wat toe nie ‘n student was nie” en dat ‘n “hoof van die departement vermoor is deur ‘n wrede en barbaarse swart student”.
 
“En sy het gesê dat al hierdie gebeure het veroorsaak dat dit nie meer so ‘n veilige omgewing by die universiteit en nog meer so by die departement is nie. Ek het haar gevra hoe hierdie gebeure iets met my te doene het? Uit die bloute sy het baie kwaad vir my geword en geskree “As jy my treiter, sal ek jou vra om die gebou te verlaat of ek sal die sekuriteit bel om jou uit te neem …”

Hy het hom teëgesit en die dosent uitgedaag om die sekuriteit te roep.
 
Maxwele het gesê hy is geskok en ontsteld omdat sy regte as ‘n student misken is. Hy sê in sy verklaring dat hy gepolisieer is, as ‘n krimineel behandel is en dat swartes in die wit wêreld as kriminele voorgehou word wat almal om hulle bedreig.