Swart studente van die universiteit van Kaapstad het “koloniale” skilderye van wit mans en vroue uit die Fuller- en Smutskoshuise Dinsdagaand aan die brand gesteek.
Polisievoertuie en ‘n brandweerwa was op die perseel om die vuur te blus.
Die polisie is ingeroep en het die betogers probeer verwilder wat gelei het tot geweld. Dit was nie onmiddellik duidelik of die betrokkene vandale almal studente was nie.
Die swart studente het die kunswerke uit die twee koshuise op die boonste kampus van die mure gaan afruk en aan die brand gesteek omdat die bestuur hulle gevra het om plakkershutte te skuif wat hulle uit protes opgerig het.
Hulle protesteer teen wit studente wat hulle sê voorkeur kry bó swartes vir behuising.
so they went to what @UCT_news calls Jameson Hall and got those white men too #Shackville pic.twitter.com/iOQZIXJuLB
— your WCW's WCW (@sofirstofall) February 16, 2016
Volgens ‘n video opgelaai op Twitter, is ‘n aantal mense in hegtenis geneem op die toneel van die brand nadat die polisie skokgranate moes gebruik om die skare uiteen te jaag.
Hulle het rubberkoeëls ook gebruik.
Die betogers het ook die gereg met klippe bestook waarna veiligheidswagte twee oproeriges in hegtenis geneem het.
‘n Veiligheidsvoertuig se vensters is stukkend geslaan en kort daarna is ‘n UK-voertuig aan die brand gesteek.
