Internasionale nuus – Bladsy 19

Afrikapotentate dalk aangekla vir korrupsie

'n Gesiene regter, Françoise Desset, het Dinsdag verklaar dat drie Afrikapotentate in Frankryk verhoor behoort te word op aanklagte dat hulle openbare fondse verduister het.

Die klaers, gewone burgers, in 'n saak wat aanhangig gemaak word teen die beweerde korrupte staatshoofde, word verteenwoordig deur 'n liggaam wat stry teen korrupsie genaamd Transparence international France (TI).

TI wil duidelikheid hê oor die omstandighede betreffende die aankoop van eiendom in Frankryk deur Denis Sassou Nguesso, president van die Kongo, Omar Bongo Ondimba, staatshoof van Gaboen en Teodoro Obiang van Ekwatoriaal-Guinee, asook lede van hulle personeel.

Die voorsitter van TI Frankryk, Daniel Lebègue, sê dit sal 'n historiese saak wees wat "die einde van die korrupte leiers in die wêreld kan beteken". Die drie betrokke Afrikalande is groot olieprodusente.

Daar is egter politieke teenstand teen die skuif om die leiers voor die hof te daag, maar IT se advokaat meen indien die hof besluit om die saak nie aan te hoor nie, dit sal beteken dat die skeiding van wetgewende en uitvoerende gesag onder verdenking is.

Die Paryse hoërhof het reeds in 2007 en 2008 beslis dat soortgelyke klagtes teen Bongo en Sassou Nguesso uitgegooi word.

печка для бани фото topcargo отзыв

Vulkaan dreig in DRK

'n Groot vulkaniese uitbarsting is op die punt om plaas te vind in die DRK en kan meer as 'n halfmiljoen mense bedreig.

Wetenskaplikes het Donderdag gesê die twee vulkaniese pieke van Nyiragongo en Nyamulagira in die ooste van die land toon intense vulkaniese aktiwiteit, met aardskokke, lawapoele en stoompluime teen die blou lug.

Die uitbarsting kan vandag, more of enige ander tys plaasvind, het Dieudonne Wafula, hoof van Goma se Vulkaniese Observatorium, gesê.

Die Nyiragongokrater is 18 kilometers noord van die Kivumeer waar Goma ook geleë is. Dit is teenaan die grens van Rwanda en benewens die mense van Goma wat bedreig word deur die vulkaan, is daar ook Gisyeni in Rwanda wat geraak kan word.

Inwoners naaste aan die Nyiragongopiek het alreeds vertrek omdat hulle dink die vulkaan het reeds tot uitbarsting gekom. Wafula sê die Rooikruis en regeringsagentskappe maak voorbereidings, maar die land se infrastruktuur is gehawend.

Nyiragongo is gelys as een van die wêreld se agt mees gevaarlike vulkane en sy lawavloeispoed word bereken op meer as 40km per uur. Die vulkaan het in 2002 uitgebars en 'n vyfde van Goma se residensiële buurte vernietig. 'n Honderd mense is toe gedood in lawastortings van meer as 3 meter diep.

Die ander piek, Nyamulagira, het in dieselfde jaar tot uitbarsting gekom en lawa 91 meter hoog die lug ingeblaas, maar niemand is beseer nie.

Swart mans gevaarliker as varkgriep

Swart mans is glo gevaarliker as varkgriep. 'n Groep aktiviste en ministers wil hê president Obama moet dadelik MIV/Vigs as 'n openbare gesondheidskrisis onder Afro-Amerikaanse gemeenskappe verklaar.

Pastoor Calvin Butts, voorsitter van die Nationale Swart Leierskapkommissie oor VIGS, meen "dit is meer gevaarlik as varkgriep en ek hoop die land sal besef dat indien ons dit oplos, ons ander gesondheidskwessies sal kan takel."

Die helfte van alle nuwe MIV-infeksies kom voor onder swart Amerikaners en sterftes agv daarvan is ook die hoogste onder swartes. Dit is die vierde grootste oorsaak van dood onder swart mans en die derde onder swart vroue.

Charlie Rangel, Kongresverteenwoordiger uit Harlem, NY, het 'n beroep op president Obama gedoen om MIV/Vigs as 'n epidemie onder swart Amerikaners te verklaar en ook gevra dat 'n grondige studie gedoen word oor waarom die koers van besmetting so buitengewoon hoog onder swart Amerikaners is.

справка в спортивную

Grap oor Obama kos voorsitter van ABC sy werk

Spotprente, hekelstukke, afbeeldings die afgelope agt jaar van George Bush, Amerika se vorige president, wat hom as 'n onnosel, nie-lesende sjimpansee voorstel, of 'n oorlogsugtige idioot is blykbaar presies wat 'n blanke man verdien.

Maar 'n e-pos van die Withuis se grasperk wat in 'n waatlemoenland omskep is kan jou jou werk kos. Dit het die ABC (Alcoholic Beverage Commission) van Noord-Carolina se voorsitter Doug Fox ontdek nadat hy die e-pos rondgestuur het.

Die goewerneur van die Amerikaanse deelstaat, Goewerneur Beverly Purdue, het in haar verklaring gesê sulke e-posse is kwetsend en onaanvaarbaar.

Die e-pos getiteld "How true" se foto is voorsien van 'n onderskrif wat lui "There goes the neighborhood…" verwysende na die feit dat Barack Obama nou in die Withuis woon.

Die e-pos is 'n week of twee nadat Obama as president verkies is van Fox se regsfirma se adres gestuur.

Fox is nie die enigste slagoffer van die grap wat duisende reeds ontvang en rondgestuur het nie. 'n Burgemeester van 'n klein dorpie in Suid-Kalifornië, Los Alamitos, moes ook in Februarie bedank weens dieselfde e-pos wat hy aangestuur het.

Die voorsitter van die Legislative Black Caucus, Alma Adams, het die stap om Fox af te dank verwelkom. "Dis van swak gehalte," het Adams gesê. "Dit beledig ons president."

joc pool

Varkgriepvrees neig soms na die absurde

Die arme Meksikane is deesdae ongewild die wêreld oor. Die uitbraak van die H1N1-virus, oftewel varkgriep, in Meksiko, sorg ook dat die toerisme na die land dramaties afgeneem het. In Meksikostad staan 85% van alle hotelkamers tans leeg.

Maar vrees vir die siekte neig soms na die absurde.

In Nieu-Seeland beveel die owerhede aan dat mense met loopneuse en koors self na die naaste hospitaal bestuur en drie maal toeter blaas daar aangeland. Daarna moet hulle in die voertuig wag totdat hulle na die naaste kwarantynkamer vergesel kan word deur 'n dokter of verpleegster. Die raad is afkomstig van die "Griepbeheerprotokol", berig die Nieu-Seeland Herald.

Parys se lughawens het min of meer tot stilstand gekom omdat personeel wat bagasie sorteer weier om tasse van Meksiko en Spanje af te laai. Honderde passasiers is reeds verontrief en vertraag daardeur.

In Chile, in Viña del Mar, is die besoekende sokkerspan van Meksiko soos melaatses behandel. Die besoekers was so ontstig deur die kille onvriendelikheid van hul gashere, dat een speler in weerwraak in sy teenstander se bakkies gaan hoes het om daarna selfvoldaan te verklaar: "Nou ja, ek het jou so pas met varkgriep aangesteek!"

En laastens het Egipte, 'n oorwegend Moslemland, besluit dat varke die vark in die verhaal is. Die Egiptiese owerhede het gelas dat 350 000 varke van kant gemaak word ten spyte daarvan dat die virus van mens tot mens oorgedra word eerder as van vark na mens.

Obama wil sy familiegeskiedenis in Duitsland navors

President Barack Obama gaan nie met sy volgende besoek aan Duitsland saam met Kanselier Merkel afgeneem word nie. Trouens hy gaan nie eers in Berlyn aandoen nie.

Die Amerikaanse president wil eerder besoek bring aan Dresden en Buchenwaldkonsentrasiekamp om sy persoonlike familiegeskiedenis na te vors. Sy besoek aan Duitsland in Junie sal dus geen amptelike besoek wees nie.

Dit het Dinsdag aan die lig gekom dat 'n verkennende span reeds in die voormalige Oos-Duitse stad Dresden aan die Elberivier besig is om moontlike akkomodasie vir die president te soek.

Obama se grootoom, Charlie Payne, het in die 89ste Infanteriedivisie gedurende die Tweede Wêreldoorlog gedien. Hy het glo deelgeneem aan die bevryding van Ohrdruf, 'n satellietkamp van Buchenwald.

Die Duitse regering help tans aan die voorbereidings vir die besoek, wat 'n draai in Normandië in Junie mag insluit.

Kenners meen die ongewone reëlings is 'n verskoning vir die VSA om bande met Duitsland te probeer versterk, sonder om 'n amptelike besoek aan te kondig. Kanselier Merkel het nog nie besoek aan die Withuis gebring nie.

Diplomate beskryf die verhoudinge tussen die VSA en Duitsland op die oomblik as een van "wedersydse strategiese geduld".

детские куклы

Afrikane moet maan toe

Afrikane moet maan toe om te gaan vasstel wat ontwikkelde lande in die buitenste ruim aanvang. So meen Oeganda se president Yoweri Museveni.

"Die Amerikaners was al op die maan. En die Russe. Die Chinese en Indiërs gaan binnekort soontoe. Afrikane is die enigste mense wat op aarde moet sit," het hy gesê aan 'n vergadering van die Uganda Law Society in Entebbe.

"Ons moet ook gaan en sê: 'Wat maak julle mense hier bo?'"

Museveni het die vergadering van top regslui dringend versoek om die integrasie van Oos-Afrika te ondersteun, met die doel om 'n ruimteprogram te ontwikkel. Hy het gesê Oeganda kan nie alleen maan toe gaan nie want hulle is te klein.

Indien Oeganda, Kenia, Tanzanië, Boeroendi en Rwanda egter saamwerk, is die doelwit binne bereik, volgens die president. "Dan kan ons aan die Amerikaners sê: 'Wat maak julle so alleen hier?'"

Berlusconi se vrou moeg vir sy manewales

Premier Silvio Berlusconi van Italië se vrou wil glo van hom skei.

Die ANSA-nuusagentskap sowel as die dagblaaie La Stampa en La Repubblica het berig me. Veronica Lario het ’n prokureur aangestel om ’n skeisaak te begin. Met die stap het sy ook verklaar dat sy nie 'n geveg op tou wil sit nie.

Berlusconi se kantoor wou nie gister op die bewerings kommentaar lewer nie.

“Ek is genoodsaak om hierdie stap te doen,” het Lario glo aan La Stampa gesê.

Sy het verlede week haar woede uitgespreek oor berigte dat Berlusconi se politieke party TV-verhoogmeisies en opkomende aktrises as kandidate vir die Europese parlement beskikbaar gestel het. Sy was ook siedend omdat hy glo ’n 18-jarige tiener se verjaardagpartytjie in Napels bygewoon het.

Dit is maar die premier se vrou se tweede persverklaring. In die eerste het sy in 2007 'n openbare verskoning geëis omdat haar man 'n kaalborsster aangestel as minister.

Die paartjie is in 1990 getroud en het drie kinders.

topcargo отзыв

Pakistan van groot strategiese belang

President Barack Obama het Woensdag sy kommer uitgespreek oor die swakheid van Pakistan se regering en het nie Amerikaanse inmenging uitgeskakel indien die Islamitiese land se kernwapens in ekstremistiese hande sou beland nie.

In ‘n spitstydnuuskonferensie wat die 100-daemylpaal van sy presidentskap markeer, het Obama gesê: “Ons wil hulle soewereiniteit respekteer, maar ons wil ook erken dat ons groot strategiese belange het – groot nasionale veiligheidsbelange – om seker te maak dat Pakistan stabiel is en dat mens nie eindig met ‘n kernbewapende militante land nie.”

Pakistan, die Islamitiese wêreld se enigste verklaarde kernwapenstaat, is woedend oor Amerika se inmenging in sy soewereiniteit.

Pakistan het Amerika gevra om sy soewereiniteit te respekteer en toe te laat dat hulle op hul eie na militante soek, maar Amerikaanse amptenare het gesê elemente in die Pakistanse intelligensie het militante waarskuwings gegee van vorige aanvalle en soektogte.

детски машина

WGO reken lande moet gereedmaak vir varkgriep

Die Wêreldgesondheidsorganisasie het Woensdag sy pandemiewaarskuwing vir varkgriep na die tweede hoogste vlak geëskaleer, wat beteken dat ‘n globale uitbraak van die siekte om die draai lê.

WGO-direkteurgeneraal Margaret Chan het die fase 5 waarskuwing gemaak na konsultasie met griepspesialiste wêreldwyd.

Die besluit kan lei tot die globale liggaam wat addisionele maatreëls aankondig om die siekte te beveg, insluitend entstofvervaardigers wat produksie moet verander van seisoenale entstof na ‘n pandemie entstof.

“Alle lande behoort nou hulle pandemie voorbereidingsplanne te maak,” het Chan aan verslaggewers in Geneva gesê.

“Dit is eintlik die hele mensdom wat bedreig word deur ‘n pandemie.”

‘n Fase 5 waarskuwing beteken dat daar volgehoue oordrag is onder mense in ten minste twee lande.

Wanneer die virus effektiewe oordrag toon in twee verskillende streke van die wêreld, sal ‘n volledige pandemie uitbraak verklaar word.пескоструй цена лобановский депутат

Die vyf gevaarlikste Amerikaanse stede

Detroit is die grootste oortreder op die Forbeslys van Amerika se mees gewelddadige stede, danksy ‘n verbysterende 1 220 geweldsmisdade wat gepleeg word per 100 000 mense.

Detroit word op die lys gevolg deur Memphis, Tennessee, en Miami, Florida se metropolitaanse gebiede. Daardie drie stede is die enigste groot stede in Amerika waar meer as 950 geweldsmisdade gepleeg word per 100 000 mense.

Hoewel landswye misdaad gedaal het met 3,5% jaar tot jaar in die eerste 6 maande van 2008, toon die stede aan die bokant van die lys ‘n kommerwekkende neiging: al 10 van die gevaarlikste stede is onder die wat geïdentifiseer was deur die departement van justisie as vervoerpunte vir Meksikaanse dwelmkartels.

Beheer deur misdaadbaronne en hulle bendes – en die gewelddadige gebiedsoorloë – versprei die verskynsel meer na die Amerikaanse Suidweste toe en verder. Plekke soos Stockton, Kalifornië, amper 800 kilometer van Tijuana, het ‘n opvlam gesien in verwante geweldsmisdaad.

Wat sake erger maak is dat soos munisipale begrotings krimp gedurende die resessie, die fondse vir misdaadvoorkoming dikwels die eerste slagoffers is.

Detroit is 81,5% swart, 5% Latyns-Amerikaans en 1% Asies, dus 88% nie-blank.

Memphis is 61% swart, 3% Latyns-Amerikaans, dus 64% nie-blank.

Miami is 22% swart, 65% Latyns-Amerikaans, dus 87% nie-blank.

Las Vegas is 10% swart, 24% Latyns-Amerikaans en 5% Asies, dus 39% nie-blank.

Stockton is 11% swart, 1% Amerikaans–Indiaans, 20% Asies en 17,3% ander rasse en 32% Latyns-Amerikaans, dis 81% nie-blank.

лобановский обыск

Negejarige skiet by skool

‘n 9-jarige leerling het Dinsdag ‘n haelgeweer afgevuur buite ‘n skool in Noorweë, maar geen mense is beseer in die insident nie, het plaaslike media berig.

‘n Onderwyseres by die Kanebogen skool in Harstad, noordelike Noorweë, het daarin geslaag om die kind te ontwapen wat gesien is waar hy die geweer rondegewaai het buite die skool. Sommige verslae het gesê dat ten minste een skoot afgevuur is.

Aanvanklike verslae het gesê dat die kind die geweer skool toe geneem het na ‘n onderonsie met ‘n ouer leerling. ‘n Ondersoek is begin na die insident en ook van waar hy die wapen in die hande gekry het.

Die onderwyseres wat die kind ontwapen het word as ‘n heldin beskou, het die plaaslike polisiehoof, Elizabeth Kaas aan die openbare uitsaaier NKR gesê.

Plaaslike owerhede het gesê ‘n krisisspan is na die skool gestuur vir leerlinge en hulle familie, en polisie het ook met skoolwerknemers gesels.

Die skool het sowat 300 leerlinge van graad 1 tot 7, en 35 werknemers, het NRK gesê.

casino gamed

SA burgers aangehou in Ghana

Nege Suid-Afrikaanse burgers is tydelik aangehou in Ghana vanweë ongerymdhede met hulle reisdokumente, het die departement van buitelandse sake Dinsdag gesê.

Die nege is Vrydag aangehou in Akkra, Ghana, maar is deur die owerhede op dieselfde dag vrygelaat nadat die Suid-Afrikaanse hoëkommissaris, Zodwa Lallie, tussenbeide getree het, het woordvoerder Nomfanelo Kota gesê.

Die groep Suid-Afrikaners was gesubkontrakteer aan Vodafone en is nou weer terug by hulle werksplekke in Akkra.компрессоры

Switserse kanton verbied kaal stappery

Stappers sal nie meer toegelaat word om kaal te kan wandel in die idilliese Alpynse landskap van Appelzell Innerrhoden nie, na die konserwatiewe Switserse kanton kaalstappery daar verbied het.

Appenzell Innerrhoden het baie gewild geword vir kaal stappers vanweë die rustige prentjie, perfekte lande en valleie. Maar die hordes het Appenzellers omgekrap en hulle het Sondag gestem om hulle te kan opdrag gee om alles te bedek.

“Dit is belaglik dat Appenzell ‘n internasionale reputasie kry vir so afstootlike gewoonte,” het Peter Schmidt gesê wat opgedaag het met die kanton se tradisionele langswaard om te stem teen kaal stappery in die jaarlikse opelug Landsgemeide.

Die Landsgemeide is ‘n gewilde samekoms wat plaasvind in Appenzell-dorp op die laaste Sondag in April. Deelnemers stem deur middel van die opsteek van hande, ‘n voorreg wat net vir mans beskore was tot 1990, toe vroue ook toegelaat is om te stem.

Tussen 3000 en 4000 kiesers, baie met hulle tradisionele drag het opgedaag by die jaar se Landsgemeide.

Die kanton van Appenzell Innerrhoden het die jaar begin om stappe te neem om ‘n einde te bring aan wat die plaaslike regs- en polisiedepartement “immorele gewoontes” noem.

In Februarie het die kantonraad begin om kaalstappers te beboet met op die plek boetes, maar dit het klaarblyklik nie geslaag nie, en Appenzell se internasionale profiel as veilige hawe vir kaalstappers verhoog.

Kaalstap het gewild geraak in lande soos Frankryk en Duitsland.

“Daar is kaalstappers in Frankryk en Duitsland ook, het Edith Zweifel van die Switserse toerismeraad aan Reuters gesê. “Maar Switserland is baie meer konserwatief en baie tradisioneel.”

Die Switserse stapklere en toerustingvervaardiger, Mammut voel die praktyk is onveilig en onverantwoordelik.

Mammut woordvoerder Katharina Haberman het gesê om sekere delikate dele van die liggaam bloot te stel aan die son se UV-strale was gevaarlik.

Ondersteuners van kaalstap voel egter dat die beloning vir die wat dit waag om alles te toon die moeite werd was.

“Die wat al ervaar het hoe dit voel om kaal deur die mis te loop, in die son te lê, te swem en die wind te voel, weet hoe bevrydend dit is om sonder klere aan rond te beweeg,” het Alice Haller, president van die Switserse naturaliste organisasie in ‘n openbare brief geskryf.