Internasionale nuus – Bladsy 17

Republikeine druk wetsontwerp teen VN-lidmaatskap deur

‘n Republikeinse wetsontwerp van die Huis van Verteenwoordigers het onder die radar deurgeglip wat die Verenigde State van Amerika se lidmaatskap van die Verenigde Nasies se einde kan beteken.

Die wetsontwerp, wat deur Mike Rogers, ‘n Republikein uit Alabama voorgestel is, getiteld die Amerikaanse soewereiniteitsherstel Wet van 2017, poog om ‘n volledige Amerikaanse onttrekking uit die VN te bewerkstellig, die internasionale liggaam se hoofkwartier uit New York te skop en alle deelname te staak in die Wêreldgesondheidsorganisasie.

Rogers en ander prominente Republikeine het herhaaldelik die idee ondersteun dat die Amerikaanse belastingbetalers se geld nie anti-Amerikaanse bedrywighede moet finansier nie.

Die wetsontwerp, wat op 3 Januarie aanvaar is en na die Raadskomitee oor buitelandse sake verwys is, sal die Verenigde Nasies Deelname Wet van 1945, wat in die nasleep van die Tweede Wêreldoorlog onderteken is, herroep.

“Die president sal alle lidmaatskap van die Verenigde State in die Verenigde Nasies, organisasies, gespesialiseerde agentskappe, kommissies of ander formeel geaffilieerde liggame van die Verenigde Nasies beëindig … Die Verenigde State van Amerika se sending na die Verenigde Nasies sal gesluit word. Enige oorblywende funksies van die amp sal nie uitgevoer word, nie” volgens die teks van HR 193.

Die wetsontwerp sal die ontplooiing van Amerikaanse militêre magte deur die VN beëindig, en die verlies van diplomatieke immuniteit vir VN beamptes of werknemers “op Amerikaanse bodem” beëindig.

Rogers het probeer om dieselfde wetsontwerp te laat slaag in 2015, alhoewel onsuksesvol.

“Hoekom moet die Amerikaanse belastingbetaler ‘n internasionale organisasie finansier wat werk teen Amerika se belange in die wêreld?” het Rogers gevra.

Soos ‘n ander Republikeinse ondersteuner van die wetsontwerp opgemerk het in Januarie 2015: “Ek hou nie daarvan om te betaal vir iets waar agterlike Derdewêreldlande met geen vryheid nie, ons aanval en kla oor die Verenigde State … Daar is baie redes waarom ek nie van die VN hou nie, en ek dink dat ek dit graag wil ontbind sien,” het ‘n Kentucky senator opgemerk.

“Die VN gaan voort om te bewys dit is ‘n ondoeltreffende burokrasie en ‘n mors van Amerikaanse belastingdollars.” Rogers glo die verdrae en aksies “val ons regte as burgers van die VSAaan”. Dit sluit wapenwette en die oplegging van internasionale regulasies oor Amerikaanse fossielbrandstowwe in – maar meer belangrik, die VN se aanval op Israel, “deur te stem vir Palestina se status as nie-lidstaat om permanente waarnemerstatus [aan hulle] te verleen,” het Rogers gesê in Junie verlede jaar. “Enigiemand wat nie ‘n vriend van ons bondgenoot Israel is nie, is nie ‘n vriend van die Verenigde State nie.”

Volgens berekeninge deur die konserwatiewe Heritage Foundation, betaal die VSA meer as 22 persent van alle VN-befondsing.

Madonna gooi u-draai na groot Washington Vrouemars flater

In ‘n vuilbektoespraak, het die moeë ou sangeres Madonna haar aanhitsing tot geweld verdedig nadat sy gesê het sy wil die “Withuis opblaas”.

Maar ná haar aanval tydens die inhuldiging van Trump met ‘n rits kragwoorde, het intense teenreaksie gevolg, en ou Madonna moet nou desperaat probeer om die skade van haar oproepe tot binnelandse terrorisme ongedaan te maak.

“Ek is nie ‘n gewelddadige persoon nie,” het sy probeer terugkrabbel na haar groot flater in ‘n verklaring op Instagram. “Ek het metafories gepraat”. Metafories gesproke is Madonna natuurlik ‘n groot ou slet wat nie eintlik verdien om in die openbaar gehoor te word nie.

Madonna was een van baie bekende persoonlikhede wat in Washington opgedaag het om deel te neem aan die betaalde opmars teen Trump wat George Soros gereël het – die bekende anti-Trump verdagte – en het ander nuttig idiote Helen Mirren, Scarlett Johansson en ons eie Charlize Theron ingesluit. Theron het twee swart kinders aangeneem, maar haar ouerskapvaardighede laat veel te wense oor.

Verlede jaar het die Hollywood-liefling haar swart seun Max hardhandig rondgesleep in die openbaar omdat die arme klonkie nie ballet wil doen nie.

Theron woon saam met haar ma, wat voorheen weens die moord op haar pa in Suid-Afrika onder die vorige wit regering aangekla is. Mevrou Theron was om daardie rede seker besonder bly oor “die einde van apartheid”.

Die idiote wat vroue ‘n slegte naam gee, is teen Trump se “haatspraak” maar blind vir hul eie aanhitsing tot geweld en vyandigheid.

Ten spyte van hul beste pogings was Donald Trump se inhuldiginggehoor die tweede hoogste in 36 jaar, volgens Nielsen.

Die inhuldiging van die 45ste president is deur 30.600.000 kykers op 12 netwerke besigtig.

Trump het meer kykers as óf Obama of Reagan getrek, want selfs vier jaar gelede, was portale soos YouTube, Facebook en Twitter nie so groot nie.

Die getalle is des te meer merkwaardig omdat Trump wêreldwyd met georganiseerde protes en beloftes dat hy geboikot gaan word, te kampe het.

Trump het intussen ook die TTP weggeteken soos hy belowe het. Die TTP-ooreenkoms is beskryf as ‘n staatsgreep deur oligarge wat soewereine beheer van regerings ondermyn.

Intussen het Leopold Scholz weer ‘n graad-een opstel teen Trump die lig laat sien. Dit is duidelik dat Scholz nie begryp wat aangaan nie en sy onkunde met behulp van Afrikanergeskiedenis wat geen toepassing op die huidige toedrag van sake het nie, probeer toesmeer.

Trump sê hy gaan aanhou twiet

Die gebruik van Twitter is die enigste manier om oneerlike media teen te werk, het die nuwe Amerikaanse president Donald Trump gesê tydens ‘n Fox News-onderhoud wat Woensdag uitgesaai is.

“Ek hou nie van twiet nie, ek het ander dinge wat ek kan doen,” het hy opgemerk.

“Maar ek kry baie oneerlike media, baie oneerlike pers. En dit is my enigste manier waarop ek dit kan teenwerk. Wanneer mense wanvoorstellings oor my maak, is ek in staat om dit te sê en dit uit te wys,” het die Amerikaanse verkose president verduidelik en bygevoeg dat “As die pers eerlik, wat dit nie is nie, sou ek absoluut nie Twitter gebruik het nie.”

Daar is historiese voorbeelde van direkte kommunikasie. Iemand soos Franklin D. Roosevelt, het sy kaggel-geselsies baie effektief gebruik om sy kritici by te kom en die pers te omseil.

Ronald Reagan het met openbare ongefiltreerde radio-onderhoude elke Saterdag direk met die bevolking gepraat.

“Tussen Facebook en Twitter, dink ek het ek meer as 40 miljoen mense en dit is ‘n moderne vorm van kommunikasie,” het hy gesê tydens ‘n 7 Desember-onderhoud met NBC. “Ek kry dit baie vinniger uit as ‘n persverklaring. Ek kry dit veel meer eerlik uit as deur oneerlike verslaggewers.”

Die Nederlanders verwys na valse nuus as “nep-nieuws”. Miskien kan Afrikaners by hulle gaan kersopsteek vir die neologisme nepnuus, soos in nepotistiese nuus.

Trump het ‘n punt beet oor betaalde betogers

Donald Trump het ‘n punt beet oor betaalde betogers: Advertensies in meer as 20 Amerikaanse stede bied $2500 per maand aan vir opstokers om hierdie week by die presidensiële inhuldiging te gaan amok maak.

Demand Protest, ‘n San Francisco maatskappy wat homself as die “grootste private voetsoolvlaksteunorganisasie in die Verenigde State van Amerika,” voorhou, het identiese advertensies op 12 Januarie in verskeie stede op Backpage.com geplaas om betogers te werf.

“Kry betaling om te gaan veg teen Trump!” lui die advertensie.

“Ons betaal mense wat reeds polities gemotiveer is om te veg vir die dinge waarin hulle glo. Jy gaan in elk geval tot aksie oor, waarom nie dit doen met ons nie!” Die advertensie lui voorts: “Ons is tans op soek na agente om te help om ‘n sterk boodskap van protes aan die opkomende inhuldiging te stuur.”

Die werk bied ‘n maandelikse fooi van $2500 plus “ons standaard per gebeurtenis betaling van $50/uur, so lank as wat jy deelneem aan ten minste 6 gebeure in ‘n jaar,” sowel as gesondheids-, oog- en tandheelkundige versekering vir voltydse agente.

Hulpagentskappe smokkel glo migrante na Europa

Volgens die organisasie Gefira, het ‘n aantal hulpagentskappe byna 40 000 migrante binne twee maande na Europa gesmokkel.

Amptelik, maak hulle asof hulle migrante in nood red op see. Maar die bewegings van skepe wat aan die hulpagentskappe behoort, het Gefira tot die gevolgtrekking gekom dat hulle eintlik net buite die Libiese kus migrante aan boord te neem.

Die amptelike beskrywing van die daaglikse aktiwiteite van hulpagentskappe is teenstrydig met inligting oor die bewegings van die skip Golfo Azuro, byvoorbeeld. Die vaartuig word gebruik deur die Nederlandse hulpagentskap Stichting Bootvluchting.

‘n Video wys hoe die skip, saam met drie ander skepe van hulpagentskappe, na ‘n punt 8.3 seemyl van die Libiese kus beweeg. Op sy webwerf beweer die hulpagentskap dis na ‘n oproep van die Italiaanse kuswag, maar die twee liggings verskil drasties. Tien uur na die oproep, beweeg ‘n boot van ‘n Libiese hawe reguit in die rigting van die hulpflotilla. Twee seemyl weg van hulle kom dit tot stilstand.

Die volgende dag, word berig op die webwerf van die hulpagentskap, dat hulle ‘n reddingsoperasie uitgevoer het in die Siciliaanse Straat, dit wil sê in die Middellandse See tussen Sicilië en Tunisië, baie verder noord van werklike posisie van die skepe. Met die sogenaamde reddingspoging, het ‘n drie-jarige Nigeriese seun en 17 ander mense glo verdwyn. Die 113 mense wat “gered” is, is nie aan die naaste veilige hawe in Tunisië besorg nie, maar na Sicilië geneem.

Gefira bevraagteken die sogenaamde reddingsoperasies, wat al hoe meer na mensehandel begin lyk. Gefira beweer ook dat die bedrywighede nie moontlik sou wees sonder die toestemming van owerhede nie en noem die volgende organisasies wat daarvan verdink word dat hulle met mense smokkel: MOAS, Jugend Rettet, Stichting Bootvluchting, MsF (Dokters Sonder Grense), Save the Children, Proactiva Open Arms, Sea-Watch.org, See-Eye en Life Boat.

MOAS lyk na ‘n sleutelspeler in hierdie aktiwiteit. Dit is in 2013 gestig deur ‘n Amerikaanse sakeman Chris Catrambone in Malta. Hy het sy loopbaan as ‘n werknemer van die Amerikaanse Kongres begin. Sy maatskappy, Tanger Groep, het sedert 2006 gegroei van ‘n maatskappy met drie werknemers wat betrokke is in Irak, tot vandag, met bedrywighede in 110 lande en ‘n onbekende aantal werknemers. Gefira bevraagteken die manier waarop hierdie sake-onderneming in staat was om soveel inkomste te genereer sodat Catrambone met sy eie geld ‘n skip kon betaal vir MOAS. Een moontlike verklaring kan wees dat die maatskappy ‘n groot inkomste uit “reddingsoperasies” verkry.

MOAS word gelei deur die voormalige Maltese opperbevelvoerder Martin Xuereb en ‘n paar ander personeellede met óf militêre agtergronde in Malta of in private sekuriteit. Sedert MOAS se bedrywighede eindig die immigrante aan wal in Italië en vreemd genoeg nie in die tuishawe van Malta nie.

Gefira is ‘n Nederlandse stigting gefokus op die ontleding van die huidige geopolitieke en finansiële onstabiliteit.

Sal Tajani in die voetspore volg van groot verkwister Martin Schulz?

Martin Schulz was óf ‘n Bollinger Bolsjewistiese of ‘n Foie Gras Federalis. Wat sal die nuwe baas van die EU Antonia Tajani wees?

Tajani het pas sy landgenoot verslaan om die pos oor te neem na ‘n lang stemproses gister in Straatsburg.

EU-grootkop Martin Schulz, en sikofant van oorlede Britse Marxistiese historikus Eric Hobsbawn, is vervang deur Tajani.

Schulz het twee limousines, twee chauffeurs en 33 assistente aangehou, almal betaal deur die belastingbetaler.

Schulz se span het bestaan uit ‘n woordvoerder, vyf persbeamptes en twee dagboek-assistente. Die voormalige alkoholis het ook twee bodes geklee in swart aandpakke aangehou om gaste te groet.

Die voormalige hoof van die EU-Parlement is dikwels daarvan beskuldig deur die kollegas dat hy openbare geld mors, terwyl Schulz geen probleem daarmee gehad het om vir groter bydraes te bedel nie.

‘n EU-verslag van 2015 het aan die lig gebring hoe Duitsland se groot verkwister min agting vir ander mense se geld het.

Die Sosialis het ‘n so ‘n yslike en duur span van personeel aangehou, dat die EU Parlement se begrotingsbeheerkomitee “met kommer kennis geneem het van die groot aantal personeel wat in die kantoor van die president van die Europese Parlement dien, ‘n hoogs twyfelagtige bestuursbesluit”.

“Dit skep ‘n slegte voorbeeld vir kostevermindering en fiskale verantwoordelikheid in die Parlement,” het hulle bygevoeg. Die lede ook sy behoefte aan twee baie duur motors bevraagteken.

Voormalige UKIP-leier Nigel Farage het opgemerk: “Die Koningin van Skeba het waarskynlik minder personeel gehad, beslis minder chauffeurs. Ek kan nie besluit of Martin Schulz ‘n Bollinger Bolsjewis of ‘n Foie Gras Federalis is nie. Wat hierdie verslag toon is dat die president van die Europese Parlement agter EU-sous aan is. Hy is lief vir die EU, want dit baat hom persoonlik.”

Hy is ook beskuldig van politieke baantjies vir boeties na die uitdeel van top administratiewe poste in die Parlement aan lede van sy persoonlike personeel, het The Daily Mail berig.

Duitse skrywer wat media ontbloot sterf onverwags

Die joernalis en skrywer Udo Ulfkotte is skielik op die ouderdom van 56 jaar oorlede.

In 2014, het hy opslae gemaak met sy boek “Gekoopte Joernaliste” waarin hy die invloed van die CIA in Duitse hoofstroom media blootgelê het.

Ulfkotte was ‘n ondersteuner van die Pegida-beweging en was krities oor Islamitiese idees. Die omstrede skrywer is na ‘n hartaanval dood.

Hy is Vrydag oorlede, het DPA berig, volgens inligting wat verkry is van sy familie.

Die politieke aktivis het vir baie jare as ‘n joernalis vir die invloedryke Duitse dagblad die Frankfurter Allgemeine Zeitung gewerk.

Hy het later as ‘n vryskutjoernalis opgetree.

By ‘n Pegida-byeenkoms in Dresden, het hy van die dreigende Islamisering veroordeel, nadat vark in Duitse skole en crèches verbied is.

Ulfkotte was ‘n ondersteuners van Thilo Sarrazin oor sy menings rakende migrasie probleme en die vergrype van Islam.

Hy het aan die Leipziger Volkszeitung in 2010 gesê dat die regering “is stapelgek om sulke yslike bedrae aan agterlike immigrante se opvoeding uit te gee”.

Met sy blitsverkoperboek “Gekoopte Joernaliste” het Ulfkotte ‘n groot gehoor bereik. Die publikasie het gefokus op sy eerstehandse ervaring waar kollegas betaal is om op te tree as agente vir die CIA en ander intelligensie-agentskappe.

Die openbaring het bygedra tot die groeiende verlies van vertroue in die pers in Duitsland.

Hy het ook erken het dat hy meegedoen het gedurende sy tyd as ‘n werknemer van die FAZ. Ulfkotte beskryf dit in sy boek, en verduidelik dat sy kollegas ‘n gevaarlike nabyheid aan elite netwerke gehandhaaf het, en beweer dat regeringsagentskappe soos die Bundesnachrichtendienst openlik verslagdoening gedikteer het. Ulfkotte het vir die FAZ gewerk tussen 1986-2003.

Verskeie hoofstroommedia het Ulfkotte se beweringsas “onbetroubare teorieë” en “samesweringsteorieë” probeer afmaak.

Trump gee Navo en Merkel twee ken-opstoppers

In twee afsonderlike onderhoude met Duitsland se Bild en Londen se Sunday Times, het Donald Trump uit sy hoek van die internasionale bokskryt gestorm gekom, met verreikende beleids- en strategie-aankondigings oor NAVO en Merkel.

Trump het aan die Times gesê baie lande gaan die Europese Unie verlaat, as gevolg van die skade wat aangerig is deur die migrasiekrisis. “Ek dink dit is baie moeilik,” het hy gesê. “Mense, lande wil hul eie identiteit behou en die Verenigde Koninkryk wou sy eie identiteit hê.”

Trump het NAVO beskryf as uitgedien, en voorspel dat ander lede van die Europese Unie die Unie binnekort gaan verlaat.

Hy het ook gepraat oor sy standpunt oor Rusland en voorgestel dat hy dalk ekonomiese sanksies teen Vladimir Poetin as hefboom in gesprekke oor kern-ontwapening sal gebruik. Navo, het hy gesê, “het probleme”.

“[NAVO] is uitgedien, eerste, want dit is ontwerp baie, baie jare gelede,” het Bild Trump aangehaal. “In die tweede plek betaal lande nie wat hulle moet nie” en NAVO “het niks teen terrorisme gedoen nie”.

Maar sy mees neerhalende opmerkings was gemik teen die EU en Merkel, wie se oop-grens-beleid ‘n “katastrofiese fout” was volgens hom. Hy het die EU as ‘n instrument van Duitse oorheersing voorgehou met die doel om die VSA te klop in internasionale handel. Om dié rede, het Trump gesê staan hy afsydig teenoor lande wat nie die Unie wil verlaat nie volgens Bild.

Merkel staar ‘n ongekende uitdaging in die gesig van die anti-immigrasie Alternatief vir Duitsland as sy ‘n vierde termyn aanpak, in navolging van vele Afrika diktators wat wil bly klou aan mag.

Trump het opgemerk dat sy Duitsland seergemaak het deur die inlaat van “al hierdie onwettiges” in haar land.

Bloomberg berig dat Trump se kommentaar “min twyfel laat dat hy sal vashou aan veldtogposisies en in sommige gevalle dekades van Amerikaanse buitelandse beleid gaan omkeer, om hom fundamenteel in stryd te bring met die Duitse kanselier Angela Merkel oor kwessies wat vrye handel en vlugtelinge asook sekuriteit en die EU se rol in die wêreld insluit”.

Toe hy gevra is oor die vooruitsig van ‘n vermindering in kerngereedheid teenoor Rusland, het Trump aan die koerant gesê: “Vir een ding, dink ek kernwapens moet baie minder word en aansienlik afgeskaal, dit is ‘n deel daarvan.”

Die nuwe Amerikaanse president het gesê hy wil met Brittanje ‘n “billike” handelsooreenkoms binne weke sluit om te help met Brexit, ‘n “groot ding”. Hy het die Britte geprys dat hulle die EU verlaat het. Mense en lande wil hul eie identiteit behou en wil nie buitestaanders laat instroom om alles te “vernietig” nie, het hy gesê.

Gerugte van ‘n historiese ontmoeting tussen Trump en Poetin

Die eerste buitelandse reis van President Trump sal moontlik na ‘n vergadering met Rusland se Vladimir Poetin in die hoofstad van Ysland wees.

Die Sunday Times het onthul dat verkose-president Donald Trump hoop om die Russiese leier Wladimir Poetin binne weke van sy 20 Januarie-inhuldiging in Reykjavik te kan ontmoet.

Trump en sy raadgewers, het Britse amptenare onthul, beplan sy eerste buitelandse reis na ‘n vergadering met Rusland se Vladimir Poetin in die hoofstad van Ysland, het die Sunday Times berig.

Met verwysing na ‘n anonieme bron, sal die beraad wees “in navolging van Ronald Reagan se Koue Oorlog-einde-ooreenkoms in Reykjavik met Michail Gorbatsjof.”

Die skuif sal beslis ‘n nuwe golf van veroordelings deur oorlogsugtiges ontketen tuis en in die buiteland teen Trump se beweerde liefde vir die Russiese leier.

Die ontmoeting met Poetin, is glo om werk te begin aan ‘n ooreenkoms om kernwapens te beperk, ‘n teken van groter vriendskaplikheid in VSA-Russiese verhoudings.

The Times beweer dat volgens bronne naby aan die Russiese ambassade in Londen, sal die Kremlin instem tot ‘n spitsberaad tussen die twee staatshoofde.

Die ontmoeting tussen Poetin en Trump kon Westerse verhoudings herstel met Moskou, net meer as 30 jaar sedert die historiese beraad op 11-12 Oktober 1986, tussen Reagan en Gorbatsjof.

Die vergadering was die tweede in ‘n reeks wat die verhouding tussen die Verenigde State en die destydse Sowjet-Unie herstel het, en uiteindelik gelei het tot ‘n broodnodige de-eskalasie in die kernwapenwedloop tussen die twee supermoondhede.

Trump, net soos Reagan het, wil kernontwapening bespreek met Rusland.

Die jongste verslag kom net ‘n dag nadat Trump aan die Wall Street Journal gesê het hy kan anti-Russiese sanksies ophef “onder sekere omstandighede”. In ‘n uur lange onderhoud Vrydag, het hy bygevoeg dat hy dit sal oorweeg, afhangende van hoe bereidwillig die Russe is in die stryd teen terrorisme, asook hulp met ander doelwitte wat hy voel sleutelkwessies vir die VSA is.

Die vergadering is nog nie amptelik bekend gemaak deur enige van die partye nie, en verslae sê Ysland is nog nie formeel gekontak nie, maar gerugte wil nie gaan lê nie.

Frankryk se Macron omhels gebroke Engels, die globaliste se taal

Frankryk se Emmanuel Macron, ‘n presidensiële kandidaat, het die taal van Molière versaak vir gebroke Engels, die globaliste se taal.

Macron het ‘n konferensie oor die Europese Unie in sy pidgin English, nie Frans nie, toegespreek – ‘n rare ding vir Franse politici om te doen.

Macron se geskrewe Engelse is gangbaar, maar sy Engelse uitspraak is verskriklik swak. Hy spreek “groei” en “bruto” op dieselfde manier uit, wat dit byna onmoontlik om te verstaan wat die voormalige ekonomie professor wil sê.

Pidgins het gewoonlik lae prestige met betrekking tot ander tale, iets wat die selfvoldane Macron, die banke se man, blykbaar nie weet nie.

Die Franse ekonomie professor, beleggingsbankier, minister van ekonomie en nou presidensiële kandidaat, het ‘n lesing propvol clichés oor Frans-Duitse betrekkinge by die Humboldt Universiteit in Berlyn verlede Dinsdag aangebied.

Hy het ook vanaf die konferensie in Engels getwiet. Sy patetiese pogings om modieus en nuwerwets te wees, is deur Franse politici uitgelag, het Politico berig.

Die leier van die anti-EU Nasionale Front in Frankryk, Marine Le Pen, het opgemerk: “Presidensiële kandidaat Macron gaan na Berlyn om ‘n konferensie in Engels te hou … arme Frankryk!”

Florian Philippot, Le Pen se adviseur, het opgemerk: “Dit is nie net dat hy geen respek vir ons taal het nie, hy glo nie in Frankryk nie”.

Selfs as Franse politici in die buiteland reis, praat hulle hul eie taal. Baie het ‘n goeie begrip van Engels, maar is trots op hul behoud van Frans.

Globalistiese Macron, wat verlede jaar uit president François Hollande se Sosialistiese regering bedank het om as ‘n onafhanklike kandidaat in die komende presidensiële verkiesing te staan, het ook tydens sy toespraak die EU verdedig en die mislukte oop-grensbeleid van Duitse kanselier Angela Merkel besing.

En so gepraat van taaltrots: Voormalige Franse president Jacques Chirac, het in 2006 uit van ‘n EU-beraad gestorm uit protes teen ‘n Franse afgevaardigde wat die gehoor in Engels toegespreek het.

Operaster onttrek van Trump-inhuldiging ná doodsdreigemente

‘n Internasionale operaster het doodsdreigemente ontvang omdat hy by die Trump-inhuldiging sou optree.

Operaster Andrea Bocelli sou sing by inhuldiging van Donald Trump maar ná doodsdreigemente onttrek, het The Mail on Sunday berig.

Die nuus kom in die nasleep van die besluit van ‘n swart sanger Jennifer Holliday om ook te onttrek nadat sy gedreig en gebrandmerk is as ‘n “Uncle Tom”, ‘n swart verraaier wat met wittes heul.

Die blinde tenoor se onverdraagsame linkse aanhangers het gesê hulle gaan sy konserte en opnames boikot as hy sing by die Trump-inhuldiging.

Maar ‘n bron het aan die Britse Daily Mail gesê dat die 58-jarige vasbeslote was om te sing, maar onttrek het op advies van sy sekuriteitspan nadat hy doodsdreigemente ontvang het.

Holliday egter, het in ‘n verklaring om verskoning gevra aan lesbiese, gay, biseksuele en transgender ondersteuners vir die feit dat sy “oningelig” was oor hul griewe.

“My enigste keuse moet nou wees om met die LGBT-gemeenskap saam te staan en onomwonde te stel dat ek nie sal meedoen aan die verwelkomingskonsert of aan enige van die inhuldigingvieringe nie.”

Maar Die Washington Post berig dat Washington DC se veiligheidshoof net dae voor die inhuldiging afgedank is, wat potensieel ‘n groot sekuriteitsprobleem vir die organiseerders skep.

Maj. Gen. Errol R. Schwartz se skok-ontslag kom te midde van vieringe wat geklassifiseer word as ‘n nasionale spesiale sekuriteitsgebeurtenis. Schwartz het maande lank beplan aan die veiligheid van DC vir daardie dag.

Betogers maak intussen reg om groot ontwrigting by die inhuldiging te saai. Die protes sal vandalisme, en eiendomsvernietiging insluit, het ‘n bron met intieme kennis van die protesplanne aan die Daily Caller Vrydag gesê.

Die bron het bygevoeg dat die betogers elke kontrolepunt gaan blokkeer met een of ander liberale grief soos klimaatsverandering of rassisme.

Organiseerders vir #DisruptJ20 is van plan om af te skop op 18 Januarie met ‘n gay danspartytjie buite die huis verkose vise-president Mike Pence.

Schwartz, wat aangestel is deur president George W. Bush in 2008, het gesê sy opdragte kom van die Pentagon, maar dat hy nie weet wie die besluit geneem het nie.

Hy het ook bygevoeg dat geen redes verskaf is oor waarom hy gevra is om te bedank nie. “Ek is ‘n soldaat,” het hy gesê en daarop gewys dat hy bevele volg. “Ek is ‘n presidensiële aangestelling, dus die president het die mag om my te verwyder.”

Anders as in ander Amerikaanse deelstate waar die goewerneur die National Guard se bevelvoerder aanstel, rus daardie plig op die president in Washington DC.

Weereens dui hierdie stap op die begeerte van die Obama-administrasie om ‘n gladde magsoorgang te ontspoor om sodoende Trump te legitimiteit te ondermyn.

Sal wurms ‘n einde bring aan kosrassisme?

Australiese inheemse voedsel is nog steeds ‘n rariteit op borde in die land, maar die skrywer John Newton wil hierdie “kosrassisme” beëindig.

Newton het die deugde van insekte en wurms vir voedsel besing, met die argument dat die omhelsing van inheemse kos “‘n pad na versoening kan wees”, het die ABC (Australiese Uitsaaikorporasie) berig.

Die gesprek sê regte, nie-rassistiese Australiese kos “word deur die inheemse mense van die land vir meer as 50 000 jaar al geëet”.

“As ons net die kos eet wat deur die eerste setlaars hierheen gebring is en almal wat gevolg het, kan ons onsself nog Australies noem? Die opeenvolgende golwe van aankomelinge sedert 1945 het ook hul kulture en kos saam met hulle gebring. En wat het Anglo-Australië doen? Dit opgeraap.

“Die voedsel van immigrante omhels van oral oor die wêreld. Die gevolg is dat Australië nie net multikultureel is nie, dis multikulinêr. Australiërs sal na ‘n Thai-restaurant gaan – na enige soort restaurant – en het geen vrees daarvoor nie.

“Hulle sal ewe tevrede bootnoedelsop met bloed daardeur geroer verorber of stinkende tofu. Maar nie larwes of quandongs of akudjura (bostamaties) nie.”

Die wurms is groot, wit larwes van verskeie motte wat hout eet, die belangrikste stapelvoedsel van die woestyn en histories ‘n stapelbestandeel in die dieet van inheemse mense. Tradisioneel is dit selde dat mans dit uitgrawe, maar die “gender” vooroordeel word vir die oomblik nog geïgnoreer deur die sosiale geregtigheidstryders.

Die “kosrassisme” in Australië het vorendag gekom nadat deelnemers op ‘n ITV-reeks met die naam I am a celebrity … Get me out of here, aan gehore vertel het hoe walglik die wurms proe en dat dit hulle siek maak.

“Die wurms [witchetty grub] van die inheemse mense is ‘n belangrike bron van proteïen. Dit het ‘n godsdienstige betekenis. Vir ons om te gaan staan en grappe maak daaroor, wys geen respek nie,” het die aanbieder Ray Mears ontstoke verklaar.

Ray het gesê: “Dit is eerder soos iemand wat na Brittanje gaan en sê: ”n Gebraaide aartappel, is dit nie die vreemdste ding nie?'”

Maar die wurm-etery is nou geskrap uit die reeks na kommer dat wit Australiërs steeds gaan geweier om te sluk.

Marine Le Pen bring besoek aan Trump Tower

Die Franse presidentskandidaat van die nasionalistiese Front National het gisteraand Suid-Afrikaanse tyd besoek gebring aan die Trump Tower in New York, hoofkwartier van mnr. Donald Trump. Sy is ook afgeneem in die geselskap van drie mans: haar metgesel en visepresident van die party, Louis Aliot, tesame met Guido “George” Lombardi en Le Pen se internasionale raadgewer, Ludovic De Danne.

Lombardi beskik volgens berigte oor bande met Europese patriotiese partye, maar is ook — volgens Politico — ‘n lid van die Trump-span. Hy woon self in die Trump-toring.

Marine Le Pen het haar besoek aan New York as “privaat” beskryf, maar tans gis heelwat media oor die besoek. Self wou sy nie sê of daar enige ontmoetings met Donald Trump sou plaasvind nie, terwyl die Trump-span volgens die BCC gesê het dat “daar geen vergaderings sou plaasvind nie”. ‘n Privaat of informele ontmoeting met Trump is dus nie uitgesluit nie.

Volgens die huidige meningsopnames in Frankryk behoort Madame Le Pen deur te dring tot die tweede en finale rondte van die presidentsverkiesing in dié land wat aan die begin van Mei gehou sal word. Haar grootste teenstanders tans is Manuel Valls van die Sosialistiese Party en François Fillon van die Republikeine. Die onafhanklike kandidaat Emanuel Macron geniet ook beduidende steun en dit is moontlik dat hy beter as Valls tydens die eerste rondte van die verkiesing einde April mag vaar.

Ras, ras, ras: Obama in trane

Die uittredende Amerikaanse president, Barack Obama, het in ‘n emosionele afskeidstoespraak in Chicago Amerikaners gevra om op te staan vir Amerika se “waardes” en om alle vorme van diskriminasie te verwerp.

Die uittredende swart president het gesê rasverskille bly ‘n verdelende krag in die VSA.

Obama het gesê die suksesse wat in sy tyd behaal is sluit in die ekonomiese herstel, die kernwapen-ooreenkoms met Iran en die wettiging van huwelike tussen dieselfde geslagte.

Hy het die afskeidstoespraak gebruik om die aangewese president, Donald Trump, se beleidsvoorstelle skerp te kritiseer.

In die nominasie-sittings sal al die Trump-aanstellings vir sleutelposte na verwagting oor rasverskille gebraai word. Dit blyk dat dit die enigste idee is wat die Demokrate oor het na hul geweldige terugslag met die verkiesing.

Jeff Sessions, wat Trump vir prokureur-generaal wil aanstel moes Dinsdag bontstaan oor rassisme-aantygings.

Onder die komende sittings is een Woensdag vir Exxon Mobil se baas, Rex Tillerson, Trump se keuse vir minister van buitelandse sake.

Demokrate en Neocon-Republikeine is bekommerd dat hy te naby is aan Rusland. Afgetrede Marine Corps Gen. James Mattis, is die keuse vir verdedigingsekretaris. Sy rassisme-vere gaan na verwagting Donderdag gepluk word.

Nou het dit ook bekend geraak dat die borsbeeld van Martin Luther King uit die Ovaalkantoor gesmyt gaan word, en Winston Churchill gaan teruggeplaas word op sy plek.

Obama het Winston verwyder.