Internasionale nuus Archives - Page 354 of 464

Iran het nie nodige bommateriaal nie

Iran moet nog besluit of hulle ‘n kernbom wil bou en tans het hulle nie die wapensgraaduraan wat nodig is om dit te doen nie, het top Amerikaanse intelligensie-amptenare Dinsdag aan politici gesê.

Maar Tehran is besig om uraan te verryk, ten spyte van globale sanksies en bemeester die die kennis om langafstand missiele te bou wat kernbomme na hulle teikens, oseane ver kan dra, het die direkteur van intelligensie Dennis Blair gesê.

Die meeste spioenasie agentskappe glo dat Tehran waarskynlik hoogsverrykte uraan sal kan produseer êrens in die 2010 – 2015 tydraamwerk, met die Amerikaners wat die vroeë datum in 2013 plaas, het hy gesê.

“Alhoewel ons nie tans weet of Iran beplan om kernwapens te ontwikkel nie, stel ons dit dat Tehran op ‘n minimum die opsie oophou om dit te ontwikkel,” het Blair aan die senaat se Wapensdienste komitee gesê.

En hy het erken dat die siening teenstrydig is met die van hulle langtydse vennoot Israel: “Die Israeli’s is baie meer bekommerd oor dit en hulle neem die standpunt van ‘n ergste scenario in ten opsigte van die dinge.”

Om ‘n kernarsenaal te bou moet Iran ‘n voorraad hoogsverrykte uraan bymekaarmaak, sal hulle in staat moet wees om ‘n plofkop te bou – ‘n proses wat dit in die middel van 2003 gestop het en waarskynlik nie weer aan die gang gesit het nie – en hulle sal langafstandmissiele nodig hê.

Amerikaanse intelligensieagentskappe het tot die gevolgtrekking gekom dat “Iran besluit het om nie voort te gaan op al drie die rigtings nie,” het Blair gesê.

“Ons stem almal saam hieroor,” het luitenant Michael Maples, die direkteur van die Pentagon se Verdedigings Intelligensieagentskap (DIA) aan dieselfde komitee gesê.

En “Iran se regeringsinkomstes sal afneem in 2009 terwyl oliepryse op lae vlakke verkeer. Verdedigingsuitgawes sal gebalanseer moet word met sosiale programme,” het Maples gesê.

Amerikaanse intelligensieagentskappe reken dat Iran sy kernwapensontwerp en bewapening in die middel van 2003 gestaak het en dat Tehran dit nie weer begin het in die middel van 2007 nie, het hy aan die politici gesê.

топкарго

Sjina en VSA vat-vat aan mekaar

Sjina het Dinsdag skerp gereageer op Washington se beskuldigings oor ‘n konfrontasie op die see, ‘n insident wat volgens analiste al meer algemeen kan word soos wat Beijing sy vloot versterk en sy houvas uitoefen op omliggende waters.

Amerika beskuldig Sjinese skepe daarvan dat hulle die Amerikaners omring en lastig val, en binne 8 meter gekom het van die USNS Impeccable in internasionale waters, dood gestop het voor haar en rommel is haar pad gestrooi het. Sommige van die Sjinese bemanning het selfs uitgetrek en in onderklere verskyn na ‘n skoot water van die Amerikaanse brandslange.

Die jongste konfrontasie tussen ‘n Amerikaanse ondersoekvaartuig en Sjinese kusverdedigingsvaartuie het in internasionale waters plaasgevind in die Suid Sjinese See omtrent 120 kilometer suid van Sjina se Hainaneiland, die tuiste van vele Sjinese vlootinstallasies.

Waarnemers het gesê Beijing wil klaarblyklik sy reg uitoefen om buitelandse nasies te verhoed om ondersoek in te stel binne sy 320 kilometer eksklusiewe ekonomiese sone.

Dit bots met een van Amerika se kardinale beginsels van navigasie op die oseaan: die reg tot onbeperkte deurgang in internasionale water so lank as wat vaartuie nie inbreek maak op die ekonomiese belange van die land waar dit verby gaan nie.

Onderwyl Amerika aangebied het om te onderhandel oor die saak, het nie een van die twee kante voorgekom dat hulle gewillig is om ‘n kompromis aan te gaan nie.

Sjina het ten minste 200 gevalle aangeteken waar Amerikaanse vaartuie intelligensiedata versamel in Sjina se eksklusiewe ekonomiese sone, maar oor die algemeen het hulle konfrontasie vermy.

Die jongste insident het die ondertone van ‘n spioenasietuig gehad, maar die Amerikaanse skip is streng gesproke nie ‘n spioenasieskip nie. Dit maak kaarte van die seebodem met sonar, en stel inligting saam wat die vloot kan gebruik om hulle eie duikbote mee te stuur of om die van ander nasies mee te volg.

Hainan het heelparty vloot en lugmaginstallasies en is die tuiste van Beijing se nuutste duikbootbasis. ‘n Totale vlootopgradering voeg gevorderde missielvaartuie en diesel-elektriese duikbote by. In die komende jare is een of meer vliegdekskepe ook moontlik in die pyplyn.

casino free bonus

Brittanje voer duisende Indi?rs in

Meer as 35 000 IT-werkers van buite die EU is in 2008 alleen werkspermitte gegee, ten spyte van die ekonomiese afplatting, is bekendgemaak.

Die invloei van buitelandse werkers het daartoe gelei dat duisende Britse programmatuuringenieurs en stelselontleders afbetaal is, volgens die Vereniging van Professionele Personeelagentskappe (VPPA).

Hoof-uitvoerendebeampte Ann Swain het gesê: “Dit kom waansinnig voor dat met die ekonomie wat verswak het en duisende IT-werkers wat reeds hulle werk verloor het, daar steeds drie keer soveel buitelandse IT-werkers na Brittanje gebring word as gedurende die dotcom-bloeitydperk, toe ons ‘n vaardigheidstekort gehad het.”

Sy het gesê 80% van die nie-EU-werkers in die IT-bedryf wat na Brittanje toe kom, is op intramaatskappy-oorplasings en het bygevoeg: “Meeste van die buitelandse IT werkers is programmatuuringenieurs en stelselontleders. Hulle kom nie hierheen om fone te beantwoord op hulptoonbanke nie, maar verkeer in hoogs opgeleide en goed betalende poste.”

Mej. Swain het gesê die geldbesparende praktyk om IT-poste na die buiteland te verplaas, wat ook bekend is as “oorsese kontraktering” sal waarskynlik gedurende die afplatting in die ekonomie toeneem.

Indië is die land van waar die meeste werkspermitte vir mense toegestaan is, met 29 400 wat in 2008 uitgereik is.

Pakistan op die rand van chaos

Vrese neem toe dat die Pakistani-opposisie se beplande opmars na Islamabad die week die kernbewapende land in chaos kan dompel en die politieke toekoms van die pro-Westerse president Asif Ali Zardari in gevaar kan stel.

Die politieke konfrontasie kan ook Pakistan wegdryf van sy stryd teen ekstremisme en die pogings om sy ekonomiese krisis te oorkom, twee primêre gebiede van kommer wat die Westerse regerings wil hê hulle op moet fokus.

‘n Alliansie van opposisiepartye, wat gelei word deur ‘n voormalige eerste minister Nawaz Sharif en die invloedryke regsgemeenskap, beplan om ‘n Donderdag protesaksie te begin, genaamd ‘n lang mars, van die suidelike stad Karachi wat Islamabad 4 dae later sal bereik.

Dit beplan om ‘n sitstaking te hou in die hoofstad, tot hulle eise van die herinstelling van die regstelselonder ‘n onafhanklike voormalige hoofregter Iftikhar Chaudhry toegestaan word.

Die mars sal na verwagting toeneem in getalle soos dit deur die oostelike provinsie Punjab gaan. Dit is die streek in Pakistan me die hoogste bevolking en ‘n vesting van Sharif.

“Dit sal baie gevaarlik wees vir die dinamika van die land,” het Rasool Bux Raees, ‘n politieke wetenskap professor by die gesiene Lahore universiteit van Bestuurswetenskappe gesê. “Geweld, onstabiliteit, protes, stakings en meer konfrontasies sal toeneem, en die regering het nie werklik die gevaar van die situasie besef nie.”

Die kommer het toegeneem in Washington en ander Westerse hoofstede dat die politieke twis Pakistan se aandag sal aflei van die stryd teen die Taliban en Al-Kaïda militante wat oorgrensaanvalle loods in Afghanistan.

Фільчаков прокурор

Duitsland prys SA se buitelandse rol

Duitsland se minister van buitelandse sake Frank-Walter Steinmeier het laat Maandag gesê dat Suid-Afrika se belangrike posisie in Afrika, wat veel verder strek as bemiddeling van konflikte in Soedan en die Kongo, “die rol wat Suid-Afrika gevind het in onlangse jare beklemtoon het.”

Gedurende ‘n vergadering in Berlyn laat Maandag met die Suid-Afrikaanse minister van buitelandse sake, Nkosaza Dlamini-Zuma, het Steinmeier gepraat van die “veelvoudige fasette van samewerking” tussen Duitsland en Suid-Afrika.

Suid-Afrika, as die kontinent se enigste lid in die Groep van 20 (G20) voorste ekonomieë, behoort in staat te wees om deel te neem in die globale poging om “lesse te leer uit die krisis in die internasionale markte.”

“Ons het Suid-Afrika nodig vir die argitektuur van ‘n nuwe internasionale orde,” het Steinmeier gesê.

Die ministers van buitelandse sake het gepraat oor die lasbrief vir die arrestasie wat uitgereik is deur die internasionale kriminele hof vir die Soedanese president Omar al-Bashir, wat gelei het toe die uitsetting van verskeie internasionale humanitêre organisasies deur die regering in Soedan.

“Ons maak staat daarop dat daar geen oorhaastige reaksies uit haat sal wees nie, wat kan lei, veral in daardie streek wat reeds swaarkry, tot verdere probleme en swaarkry,” het Steinmeier gesê.

подсветка для

Boek bevestig Armeense volksmoord

Armeense volksmoordmuseum

Volgens ‘n dokument wat behoort het aan die ministerie van binnelandse sake van die Ottomaanse ryk, het 972 Ottomaanse Armeniërs verdwyn uit die amptelike bevolkingsregisters van 1915 tot 1916.

“The remaining documents of Talat Pasha,” deur Murat Bardakci is nou beskikbaar in boekvorm en is ‘n versameling dokumente en rekords wat voorheen behoort het aan Mehmed Talap, ook bekend as Talat Pasha, die primêre argitek van die Armeense deportasies.

In Turkye kan enige gesprek oor wat gebeur het met die Ottomaanse Armeniërs ‘n openbare storm van woede tot gevolg hê.

Vir geslagte lank het die meeste Turke niks geweet van die besonderhede van die Armeense volkslagting van 1915 tot 1918 nie, toe meer as ‘n miljoen Armeniërs doodgemaak is tydens die Ottomaans-Turkse regering se reiniging van die bevolking.

Turkye het die lelikste deel van hulle verlede buite sig van mense toegesluit, op die Russiese manier, en enige melding van die gebeure uit skoolboeke en amptelike vertellings uit gehou in ‘n aggressiewe veldtog om te vergeet.

Turkye het nooit ‘n amptelike syfer van deportasies of sterftes erken nie. Sondag het die Turkse minister van buitelandse sake, Ali Babacan, gewaarsku dat president Barack Obama dalk verhoudinge kan terugdraai indien hy die volksmoord op Armeniërs sou erken voor sy besoek aan Turkye volgende maand.

Die verval van die Ottomaanse ryk was bloedig, lui die Turkse argument, en dié wat dood is was slagoffers van die chaos.

Hilmar Kaiser, ‘n historikus en kenner oor die Armeense volksmoord, het gesê die rekords wat in die boek gepubliseer was, is voldoende bewys van die Ottomaanse owerheid self dat dit ‘n beplande beleid gevolg het om die Armeniërs uit te wis. “Mens het skielik op een bladsy die bevestiging van die syfers,” het hy gesê. “Dit is asof iemand jou met ‘n kierie oor die kop slaan.”

“Dit stem ooreen met wat ons reeds weet,” het Donald Bloxham, die skrywer van “The Great Game of Genocide: Imperialism, Nationalism and the Destruction of the Ottoman Armenians”, gesê.

“Ek kon die boek nooit 10 jaar terug uitgee nie,” het Bardakci gesê. “Ek sou ‘n verraaier genoem word.”

Hy het bygevoeg dat die mentaliteit verander het.

Obama hou (te) streng by sy woord

Presidente het al tekslesers gebruik vir meer as ‘n halfeeu, maar nie een het tot dusver so erg op die goed staatgemaak as Obama nie. Terwyl presidente dit tipies gebruik het vir hulle mees belangrike toesprake – ‘n inhuldiging, ‘n staatsrede of ‘n Ovaalkantoortoespraak – gebruik Obama dit vir daaglikse roetine toesprake, en selfs sy openingswoorde by perskonferensies.

Hy het dit gebruik tydens ‘n besoek aan die departement van binnelandse sake om oor bedreigde spesies te praat, en selfs toe hy herinneringe opgediep het van besoeke aan nasionale parke toe hy ‘n 11-jarige seun was. “Dit ws ‘n ervaring wat ek nooit sal vergeet nie,” het hy gesê terwyl hy dit van die teksleser af gelees het.

Vir Obama beteken ‘n teksleser kommunikasiedissipline, om so na as moontlik aan sy beoogde woorde te bly. Elke president gebruik natuurlik voorbereide opmerkings, en gereeld word daar van kaarte of papier af gelees. Maar terwyl sommige van sy voorgangers gehou het daarvan om te improviseer, verkies Obama dat die boodskap perfek is.

Obama het nooit ‘n teksleser gebruik tot sy belangrike toespraak by die 2004 Demokratiese Konvensie nie, maar hy het gereeld op die goed staatgemaak tydens verlede jaar se verkiesingsveldtog. Na een toespraak is hy gesien in ‘n spanningsvolle woordewisseling met ‘n assistent, ‘n uitbarsting wat sy woordvoerder later toegeskryf het aan ‘n foutiewe teksleser.

Die Withuis het vrae oor die gebruik van die masjiene nie geantwoord nie.

двухпоршневой цена Александр Фильчаков

Swart mans heel onder

Meer swartmans in Louisiana word in die tronk gesit of word die slagoffers van manslag as wit mans, het amptenare van ‘n onderwysnavorsingsentrum Donderdag gesê.

Cedric Richmond, Demokratiese verteenwoordiger van New Orleans, het gesê “Afro-Amerikaanse mans is laaste in omtrent enige kategorie as dit kom daarby om sukses te behaal.”

Die Raad op die Sosiale status van Swart Mans en Seuns, wat Donderdag ontmoet het in die staat se hoofstad, beplan om ‘n voorlopige verslag vry te stel op 1 Junie oor hoe swart mans tans vaar.

Onder kinders, is die persentasie van swart manlike persone drie keer dié van blanke mans, het Bobbie DeCuir, ‘n projekdirekteur by die Cecil J. Picard Sentrum vir Kinderontwikkeling en Lewenslange Onderwys gesê.

Moord is die hoofoorsaak van dood onder swart mans met ouderdomme tussen 15 tot 34, het Gail Bonhomme, ook ‘n projekdirekteur by die Picardsentrum gesê.

En vir elke wit man tussen die ouderdom van 19 en 44 wat in die tronk is, is daar omtrent 4 swart mans in die tronk, het sy gesê.

Die Picardsentrum het dié en ander statistieke, wat geneem is van die Nasionale Sentrum vir Gesondheidstatistiek en Amerikaanse Sensus Buro en saamgestel is deur LSU-demograaf Troy Blanchard na die raad toe geneem.

Daardie statistieke was nie verrassend vir die raadslede nie, waarvan die groot meerderheid selfs swart is. Maar Donderdag het die syfers woorde soos “erg”, “ontnugterend” en “teleurstellend” laat opklink uit die paneel.

ігрушки лобановский класс

Protestante en Katolieke veroordeel IRL-aanval

Politici van noordelike Ierland se Protestante en Katolieke gemeenskappe het Sondag saamgespan in die veroordeling van die aanval waarin vermoedelike IRL dissidente ‘n groep Brits soldate en pizza-afleweringsmense buite Britse barakke in Antrim, noord van Belfast geskiet het.

Die aanval het twee soldate gedood en vier ander mense, waarvan twee pizza-afleweringsmense was ernstig gewond.

Die aanval Sondagaand was die eerste wat ‘n Britse soldaat in Noord Ierland dood is, sedert ‘n IRL skerpskutter ‘n soldaat doodgeskiet het in 19997, ‘n jaar voor die historiese Goeie Vrydag ooreenkoms.

Die aanval het skokgolwe gestuur deur die Protestante en Katolieke gemeenskappe, wat steeds aanpas by ‘n gemeenskap sonder die geweld wat 3700 mense in ‘n 30 jaar periode gedood het, en het die koalisieregering wat in 2007 in Belfast in beheer gekom het geskok. Die regering het aan bewind gekom onder politieke partye wat voorheen verbind was met Protestante militantes en die IRL.

Die polisie het gesê hulle glo dat die Antrim gewapende aanvallers behoort aan ‘n dissident faksie wat die koalisieregering verwerp het, en wat sporadies maar meestal marginale aanvalle loots, hoofsaaklik teen die provinsie se polisie.

treasures of egypt

Clinton se Russiese verleentheid

Russiese media het die spot gedryf met Amerika se minister van buitelandse sake Hillary Clinton na sy haar Russiese kollega ‘n “herstel” skakelaar gegee het met ‘n ironiese spelfout.

Clinton se geskenk aan die minister van buitelandse sake Sergei Lavrov by hulle vergadering in Geneva Vrydag was bedoel om die Obama-administrasie se gewilligheid “om die herstel knoppe te druk” in die verhoudinge met Moskou oor te dra.

Maar pleks van die Russiese woord vir “herstel” (perezagruzka) het dit ‘n woord op gehad met die betekenis “oorlaai” (peregruzka).

Die dagblad Kommersant het ‘n prominente foto van die nagemaakte rooi knop gehad en verklaar: “Sergei Lavrov en Hillary Clinton druk die verkeerde knop.”

‘n Korrespondent van NTV Televisie het dit ‘n “simboliese fout” genoem en uitgewys dat Amerikaans-Russiese verhoudings “oorlaai” is in die laaste paar jare weens krapperigheid oor sake soos missielverdedigingsstelsels en verlede jaar se oorlog in Georgië.

“Die vriendelike gebaar is omgekeer deur ‘n klein amusante insident,” het die nuus webwerf RBC.ru geskryf in ‘n artikel wat laat verlede Vrydagaand gepos is.

“Tog het die episode nie Clinton en Lavrov verhoed om die knop te druk voor televisiekameras nie.”

Amerikaanse vise-president Joe Biden het gepraat daarvan om die “herstelknop” te druk vir verhoudinge tussen Moskou en Washington gedurende ‘n toespraak in Duitsland verlede maand.

Dit is sedertdien herhaal in verskeie vorme deur beide Amerikaanse en Russiese amptenare.

дровяные печи камины topcargo отзывы