Kategorie: Internasionale nuus

Nuus oor die wêreld buite Suider-Afrika

Wilders maak ongewone openbare verskyning vir veldtog

Sekuriteit sal hul hande vol hê met Geert Wilders tydens sy verkiesingsveldtog. Hy het Saterdag in Spijkenisse, ‘n voorstad van die PVV-vesting van Rotterdam, Nederland, ‘n seldsame openbare verskyning gemaak.

Op 10 November 2004 is twee aanvallers gevang ná ‘n uur lange beleg van ‘n gebou in Den Haag. Hulle was in besit van drie handgranate om Wilders te vermoor. Die verdagtes was vermoedelik lede van wat die Nederlandse intelligensie-agentskap, die Algemene Inlichtingen- en Veiligheidsdienst, die sogenaamde Hofstadgroep noem.

Die lede van hierdie terroriste-organisasie het gereeld bymekaar gekom in die Amsterdamse huis van Mohammed Bouyeri, die moordenaar van Theo van Gogh. Sedert dié voorval is Wilders onder konstante bewaking as gevolg van gereelde bedreigings teen sy lewe.

Wilders het ‘n oproep gedoen vir die sluiting van al die moskees in Nederland en ‘n verbod Moslem immigrasie, berig Reuters.

Hy het Marokkane as “vuilgoed” beskryf.

Rotterdam, ‘n hawestad, spog met ‘n groot Moslem-bevolking, omdat die Moslem burgemeester van Rotterdam Ahmed Abou Taleb, wat die Nederlandse Arbeidersparty verteenwoordig, lief is vir linkse multikulturalisme.

Abou Taleb, die seun van ‘n imam in die noorde van Marokko, het verhuis na Nederland in 1976. Rotterdam, die tweede grootste stad in die land met ‘n bevolking van meer as 610 000 het die eerste immigrant in so ‘n posisie in Nederland aangestel.

“Ek wil hê dat ons in die regering moet wees,” het Wilders verlede week gesê ten einde Nederland te “de-Islamiseer”.

In ‘n onderhoud Donderdag met Associated Press, het Wilders gesê die voorstel, wat insluit die sluiting van die land se grense teen migrante uit Islamitiese lande, die sluiting van al die moskees en ‘n verbod op die Koran, is wetlik korrekte maatreëls.

Wilders het ook geskimp dat grondwetlike verandering moontlik is, want ‘n “grondwet is nie iets wat in klip gegiet is en nooit verander kan word nie”.

Vrydag het sy party wetgewing voorgestel om ‘n tradisionele Nederlandse sprokiesfiguur, Zwarte Piet te behou, volgens die plaaslike media. Zwarte Piet, is St Nicholas se swart helper in die Nederlandse tradisie van Sinterklaas, maar die swartgesmeerde gesigte, ‘n uitbeelding van die karakter, het kritiek van linkses wat sê dit is “rassisme” uitgelok.

Volgens ‘n senior lid van Wilders se party, Harm Beertema, is die werklike belang van “hierdie klein wet” want “die aanval op Sinterklaas is tot nou toe mees suksesvolle aanval in die oorlog teen ons identiteit. Dit gaan oor die bewaring van ons kultuur”.

Die Turkse-gebore Arbeider LP Selcuk Ozturk het PVV-lede in die parlement gekoggel: “Kyk hoe sit hulle daar,” het die vyandige Ozturk neerhalend gekekkel, verwysende na Martin Bosma en Machiel de Graaf, as “die dienaars van Geert”, het die Volkskrant berig.

Wilders loop voor, met liberale aanspraakmaker premier Mark Rutte agter. Rutte is effens aangehelp deur sy eie herhaling van anti-immigrasie retoriek en rooskleuriger ekonomiese vooruitsigte.

Groot partye het ‘n koalisie met Wilders uitgesluit, maar ‘n oorwinning vir Wilders, ‘n Franse bondgenoot in Marine Le Pen, asook die opkoms van die AlternatieF vir Duitsland – almal anti-immigrasie partye wat hoop om die Europese politiek op sy kop te draai – sal so ‘n besluit ongedaan maak.

Maak ‘n verskil en sluit vandag nog aan by Praag! U sal nie hierdie nuus in enige ander Afrikaanse publikasie lees nie. Die meeste wil nie hê u moet van die opkoms van nasionalisme in Europa weet nie, want dit gaan ‘n Afrikanertoekoms skep.

Dis ‘n gevaarlike werk om ‘n Russiese gesant te wees

Rusland se ambassadeur in die VSA, Witali Tjurkin, is in sy kantoor in New York dood aan ‘n “hartaanval” net ‘n dag voor sy verjaarsdag. Hy was 64 jaar oud.

Dié werk begin besonder gevaarlik lyk. Dit is nou derde sleutelpersoon wat skielik beswyk aan onverwagte “natuurlike oorsake”.

Die Russiese Ministerie van Buitelandse Sake het geen besonderhede oor Tjurkin se dood bekendgemaak nie. Die ambassadeur was ‘n uitnemende gesant van Rusland.

Die Obama-administrasie se ondersteuning vir ISIS en bombardering van die Siriese stad Aleppo, is deur Russiese ingryping omgekeer.

Toe die Amerikaanse diplomaat by die Verenigde Nasies, Samantha Power, Rusland verlede jaar daarvan beskuldig het dat hy aanspreeklik is vir “gruweldade” in Sirië, het Tjurkin gesê sy tree soos Moeder Teresa op en vergeet van Amerika se aanvalle in die Midde-Ooste.

Nog ‘n Russiese gesant Andrei Malanin, 55, is dood op sy badkamervloer gevind deur ‘n ander lid van die ambassade personeel, het ‘n Griekse polisiebeampte op 11 Januarie deser in Athene bevestig.

Volgens Associated Press het die Griekse polisie ‘n moordondersoek-eenheid ingeroep omdat hulle onraad vermoed het.

Malanin se dood was drie weke nadat die ambassadeur van Rusland in Turkye, Andrei Karlov, vermoor is deur ‘n polisiebeampte terwyl hy by ‘n foto-uitstalling in Ankara opgetree het. Sy moord is op kamera vasgevang.

Griekeland se eertydse ambassadeur na Rusland is ook onder vreemde omstandighede in Brasilië oorlede.

Meubelsaak vra om verskoning oor slegs-mans katalogus

Ikea Israel het ‘n verskoning uitgereik omdat sy meubelkatalogus net mans en seuns bevat en geen vroue nie.

“Ons besef dat mense ontsteld is daaroor en dat die publikasie nie voorhou waarvoor IKEA staan nie, en ons vra om verskoning hiervoor,” het die uitvoerende hoof Shuky Koblenz in ‘n verklaring gesê.

Vroeër het die Israeliese kantoor van IKEA, ‘n internasionale Sweedse meubelsaak, ‘n verklaring uitgereik om die katalogus te verduidelik as ‘n besluit wat geneem is “na versoeke wat ons ontvang het, om ‘n alternatiewe en spesiale katalogus uit te gee, wat toelaat dat die godsdienstige en Ortodokse gemeenskappe dit kan geniet om deur ons produkte te blaai en die oplossings te vind wat IKEA bied in ooreenstemming met hul leefstyl.”

Die Israeliese tak van die Sweedse meubelreus het die katalogus beskryf as ‘n poging om die ultra-Ortodokse Jode as kliënte te lok, aangesien hulle 10 persent van Israel se 8,6 miljoen burgers is wat ‘n streng interpretasie van Joodse wette volg.

Ultra-Ortodokse vroue dra lang rompe, lang moue en kopdoeke, en beskou foto’s van vroue as onwelvoeglik en teen godsdienstige reëls.

Die gereelde Ikea katalogus in Israel beskik oor ‘n “multikulturele” groep mans en vroue, met gay en gemengde-ras paartjies, terwyl die slegs-mans katalogus ultra-Ortodokse mansmodelle toon wat sybaarde en kippas dra.

Die items wat uitgelig word, sluit boekrakke in wat uitgebreide versamelings van boeke oor die Joodse wet bevat, en klaptafels en opslaanbeddens bedoel om besoekers tydens groot familiebyeenkomste op Joodse vakansiedae te akkommodeer.

Die tekste in die katalogus is ook daarop gemik om die ultra-Ortodokse Jode te trek. As sodanig, bykomend tot ‘n tafel gedek vir die Sabbat en rakke vol van gebedsboeke, is daar onderskrifte wat kliënte vertel hulle kan “die familie samesyn geniet”.

Dit is nie die eerste keer dat Ikea verontwaardiging met sy promosiemateriaal ontlok nie. In 1994 het die maatskappy ‘n advertensie met ‘n gay paartjie in die VSA gebruik, waarna godsdienstige konserwatiewes die maatskappy geboikot het.

In 2012, het Ikea vroue uit hul katalogusse uitgehaal vir die Saoedi-Arabiese mark en in 2013, is die maatskappy gekritiseer deur LGBT aktiviste vir weglating van ‘n storie oor ‘n lesbiese paartjie in die Russiese uitgawe van sy winkeltydskrif. Die artikel was teen die wet in Rusland wat positiewe uitbeeldings van gay mense verbied.

Starbucks beledig Italianers met palmbome langs ikoniese katedraal

Inwoners van Milaan is woedend oor die skielike verskyning van ‘n spul palmbome wat die beroemdste katedraal in Milaan, ‘n 14de-eeuse Gotiese wonder bekend as die Dom van Milaan, verbloem.

Hulle sê die nie-inheemse plante langs ‘n ikoniese Italiaanse argitektuurbesienswaardigheid is uit plek.

Nasionaliste voel die plant-projek, geborg deur Starbucks, die Amerikaanse koffiereus, ‘n bykomende belediging is vir koffiemal Italianers. Italië spog met ‘n netwerk van meestal onafhanklike koffiekroeë wat uiteindelik strawwe kompetisie van die Amerikaanse multinasionale bedryf in die gesig kan staar.

Die 42 palmbome, sommige van hulle vyf meter hoog, is die eerste plante wat piesangbome in die skaduwee van die katedraal ook insluit.

“Palms en piesangs in Piazza Duomo! Al wat ons nou nodig het is kamele en ape en ons sal regtig Afrika in Italië wees,” het Matteo Salvini, leier van die Noordelike Liga, verklaar.

Die anti-immigrasie politikus het gewaarsku dat Starbucks duisende swart migrante kan gebruik in die toekoms vir Starbucks se Italiaanse afsetpunte, nadat die maatskappy voorgestel het dat hulle werk aan “vlugtelinge” sal gee.

“Sover hul koffie betref, sal ek myne iewers anders koop,” sê Salvini.

Verskeie Italianers in Milaan is gewalg deur die palmbome, maar ‘n swarte het gesê hy voel tuis toe hy gevra is of die bome daar welkom is. Hy het geantwoord: “Ja, dit is ‘n goeie atmosfeer”.

Italië het intussen ook ‘n linkse wet probeer deurdwing met boetes van tot €10.000 en gevangenisstraf van tot twee jaar vir die verspreiding op die internet van “vals, oordrewe of kwetsende nuus” of diegene wat verantwoordelik is vir “veldtogte van haat” omdat Afrika en piesangbome nou die onderwerp van spot geword het na die Starbucks-plan.

Die konsepwetgewing sal nie van toepassing wees op koerante nie. Papiernuus sukkel om met die internet mee te ding.

Twitter slaan aan die brand in ontkenning oor Swede se verkragtingsepidemie

Die Amerikaanse president Donald Trump het sy gunsteling platform, Twitter, gebruik om die maatskaplike probleme wat veroorsaak word deur immigrasie in Swede te verduidelik.

Die president het getwiet: “My stelling oor wat gebeur in Swede was in verwysing na ‘n storie wat uitgesaai is op @FoxNews oor immigrante en Swede.”

In die Fox News dokumentêre aflewering waarna Trump verwys het, het filmmaker Ami Horowitz gesê: “Daar was ‘n absolute toename in beide wapengeweld en verkragting in Swede vandat hulle begin het met hierdie oop-deur beleid,” met verwysing na Swede se besluit om sy deure oop te maak vir groot getalle vlugtelinge in 2013, het die BBC berig.

Horowitz het aan Fox News gesê mense hoog in die Sweedse regering is doelbewus besig om verkragtingsmisdade deur “kwesbare” immigrante toe te smeer.

Gedurende sy veldtog-styl byeenkoms Saterdag in Florida, het Trump verwys na voorvalle in Duitsland en Swede ter verdediging van sy uitvoerende bevel oor immigrasie en vlugtelinge – spesifiek met verwysing na die Fox dokumentêr oor Swede die vorige aand.

“As jy kyk na wat gebeur in Duitsland, as jy kyk na wat gisteraand in Swede aangaan – Swede” het hy gesê. “Wie sou dit glo? Swede! Hulle het groot getalle ingeneem, hulle probleme is soos hulle nooit gedink het moontlik sou wees nie.”

Die Sweedse ambassade in Washington was so onthuts oor Trump se onthulling oor die negatiewe aspekte van immigrasie, dat hulle voorgegee het om te nie begryp ​​waarna Trump verwys nie. Sweedse regeringsamptenare het dadelik verklaar daar was nog “geen terreuraanvalle” in Swede nie, en die verkragtingsplaag wat direk gekoppel is aan “vlugtelinge” totaal geïgnoreer.

Maar Horowitz het die geweld uitgelig: “Van die begin van die vlugtelingkrisis, was daar ‘n oplewing in wapengeweld en verkragting – die statistieke is duidelik.”

Veertig jaar ná die Sweedse parlement eenparig besluit het om die voorheen homogene Swede te verander in ‘n multikulturele land, het geweldsmisdaad met 300 persent en verkragtings met 1 472 persent toegeneem. In 1975, was 421 verkragtings by die polisie aangemeld, in 2014, was dit 6 620. Swede is nou nommer twee op die lys van verkragtingslande, waar Lesotho in Suider-Afrika voorloop.

Volgens syfers van die Sweedse Nasionale Raad vir Misdaadvoorkoming van 2011, het 29 000 Sweedse vroue gerapporteer dat hulle verkrag is, wat daarop dui dat minder as 25 persent van die verkragtings by die polisie aangemeld is.

En in 2015, was die verhouding van verkragtings waar die Sweedse polisie eintlik die verdagte gevind het 14 persent. In 86 persent van verkragtings, het die verkragter weggekom.

Die internet radiostasie Granskning Sverige het die hoofstroomkoerante Aftonbladet en Expressen gevra waarom hulle die skuldiges in verkragtingsake as “Sweedse mans” beskryf wanneer hulle eintlik Somaliërs sonder Sweedse burgerskap is. Die hoofstroom Sweedse koerante het aanstoot geneem toe hulle gevra is of hulle ‘n verantwoordelikheid voel om Sweedse vroue te waarsku om weg van immigrante mans te bly. Een joernalis het gevra waarom dit hul verantwoordelikheid moet wees.

Michael Hess, ‘n politikus uit se Swede Demokratiese Party, is aangekla van “swartsmeerdery van etniese groepe” [hets mot folkgrupp], ‘n misdaad in Swede ná sy kommentaar oor die verkragtingsepidemie. “Wanneer sal joernaliste besef dat dit diep gewortel is in die Moslemkultuur om te verkrag… Daar is ‘n sterk verband tussen verkragtings in Swede en die aantal immigrante uit MENA-lande [Midde-Ooste en Noord-Afrika].”

In Mei 2014 het Hess ‘n opgeskorte tronkstraf en ‘n boete ontvang.

Hess het voorheen in Moslemlande gewoon en tydens sy verhoor, bewyse voorgelê van hoe die sharia handel met verkragting, sowel as statistiek wat aandui dat Moslems aansienlik oorverteenwoordig onder oortreders van verkragting in Swede. Maar die hof het beslis dat hierdie feite “irrelevant” is.

‘n Verslag 1996 het getoon dat immigrante uit Noord-Afrika (Algerië, Libië, Marokko en Tunisië) 23 keer so geneig is om verkragting te pleeg as Sweedse mans.

In 2002 was 85 persent van diegene wat gevonnis is tot ten minste twee jaar in die tronk vir verkragting in Svea hovrätt, ‘n appèlhof, buitelandsgebore of tweede generasie immigrante.

Swede is nou die vinnigste groeiende land in Europa as gevolg van immigrasie, maar Sweedse wette verbied registrasie gebaseer op afkoms of godsdiens. Bendeverkragtings, voorheen onbekend in Sweedse kriminele geskiedenis, is nou deel van die misdaadtoneel, maar geen studies word daaroor gedoen nie.

Volgens Eurostat syfers van 2015, is die werkloosheidsyfer onder buitelandse burgers in Swede 20,1 persent, terwyl die Sweedse burgers ‘n werkloosheidsyfer van 5,7 persent toon.

Frankryk se ‘misdaad teen die mensdom’

Emmanuel Macron is vinnig besig om die nar van die Franse verkiesingsveldtog te word nadat hy kolonisasie ‘n “misdaad teen die mensdom” genoem het.

Tydens sy besoek aan Algerië aan die begin van die week, het Macron nie net te kere gegaan oor die “misdaad teen die mensdom” nie, maar ook die “ware barbarisme” daarvan veroordeel, in ‘n onderhoud met die Algerynse kanaal Echorouk News, uitgesaai op Dinsdag 14 Februarie.

“Kolonisasie is deel van die Franse geskiedenis (…). Dit is deel van die verlede wat ons ten volle in die gesig moet staar deur verskoning te vra aan diegene teen wie ons hierdie dade gepleeg het,” het hy gesê sonder ironie. In die nadraai van die onderhoud, het verskeie politieke leiers van die Republikeine (LR) en die Front National (FN) ten sterkste beswaar gemaak teen die rasbyter se opportunisme.

Tydens ‘n vergadering in Compiègne (Oise) Woensdagaand, het die Republikeine kandidaat François Fillon, dié opmerkings “onwaardig van ‘n kandidaat vir die presidentskap van die Republiek” genoem.

“‘n Tyd gelede het Macron positiewe aspekte aan kolonisasie verbind. Dit beteken Emmanuel Macron het geen ruggraat nie. Hy sê net wat diegene wat na hom luister wil hoor,” het Fillon aan byna 4 000 mense gesê. “Dit pas nie by ‘n staatshoof nie.”

In Oktober het die voormalige Minister van Ekonomie Macron aan Le Point vertel tydens die kolonisasie van Algerië “was daar marteling, maar ook die opkoms van ‘n staat, rykdom, ‘n middelklas. Daar was elemente van die beskawing ingebring.”

Voormalige Eerste Minister Jean-Pierre Raffarin het ook Macron se naakte manteldraaiery Woensdagaand op BFM-TV uitmekaargetrek: “Slaan die Franse, bring hierdie stories om te verdeel, te hermobiliseer, ek sien die verkiesingskommer agter dit alles. Dit pas nie by ‘n staatshoof om te gaan letsels oopkrap wat nog baie seer is nie.”

Die FN het die verklarings van die stigter van En Marche! veroordeel. “Nie net tevrede met die wil om ons op te los in ‘n groot globalistiese bad nie, moet Macron Frankryk in die buiteland afkraak. En hy streef daarna om te lei?” het die veldtogdirekteur Marine Le Pen, David Rachline opgemerk. Wallerand de Saint-Just, tesourier van die FN, het Macron beskuldig omdat hy “Frankryk in die rug steek”.

Die joernalis van die Algerynse TV-kanaal Echorouk News was self oorbluf deur die liggewig se opmerkings en selfs die verlinkse Groene Emmanuelle Cosse, Minister van Behuising, het dit veroordeel: “Ek sou nie die term gebruik nie want ‘n ‘misdaad teen die mensdom” is ‘n baie spesifieke regsterm en ek dink ons ​​moet die regte woorde gebruik in die regte plek,” het sy aan France2 gesê.

In 2012, het Francois Hollande kolonisasie tydens sy toespraak by die Algerynse Parlement veroordeel as ‘n “onregverdige en wrede” koloniale stelsel, en “die lyding wat kolonisasie gebring het oor die Algerynse volk”. Maar Hollande het egter nooit die regsdrempel oorgesteek nie. Macron het hom nietemin geloof vir sy pogings om gedurende sy termyn van vyf jaar ‘n “stabiele” en “sterk” verhouding met Algerië te bou ná die sesde nag van immigrante geweld in Parys.

2012 was die 50ste herdenking van Algerië se onafhanklikheid van Frankryk. Die Harkis, ‘n groep wat uitgedelg is deur dekolonisasie, het aan die Franse kant tydens die Algerynse oorlog geveg. Sowat 250 000 Harkis wat koloniale Frankryk teen Algerië se “vryheidsvegters” verdedig het is eenvoudig aan hul eie lot oorgelaat.

Dit is juis dekolonisasie wat tot die slagtings en massamoorde gelei het. Daaroor het Macron nie ‘n woord gerep nie.

Le Pen: ‘Ons gaan ‘n muur bou en Algerië gaan betaal!’

‘n Satiriese stuk wat voorstel dat Franse Front National persoonlikhede wat president Donald Trump se muur met Meksiko bewonder, besluit het om ‘n muur te bou op die “grens” met Algerië, word nou gerapporteer as ‘n feit.

Die fopnuusstorie, bedoel as ‘n grap, verskyn op die satiriese Franse webwerf Le Gorafi.

Die berig, waarvan die toon duidelik satiries is, wys daarop dat Front National persoonlikhede wat van Trump se muur hou, ‘n soortgelyke een gaan bou op die “grens” met Algerië.

So ‘n “muur” sal ‘n bietjie moeilik wees om te bou, aangesien die Middellandse See tussen die twee lande lê.

“Inderdaad, vir die Front National se kandidaat, is die ooreenkomste is ryk en onweerlegbaar: ‘Beide lande is warm, gewelddadig, ekonomies en sosiaal agterlik… Ek kan voortgaan vir ure lank. Om eerlik te wees, afgesien van die taal, sien ek nie veel verskil nie want dit is duidelik dat Algerië ons Mexiko is,” het Le Pen verklaar tydens haar veldtog.

“En soos haar Amerikaanse eweknie, is sy beslis nie van plan om die projek te finansier uit openbare fondse nie – Marine Le Pen het haar vasberadenheid gister verklaar dat sy Algerië met sy verantwoordelikhede gaan konfronteer. Behalwe dat, in teenstelling met die Verenigde State van Amerika, die finansiering van die konstruksie deur die plasing van ‘n heffing op Algerië se uitvoere nie moontlik lyk nie, is ‘ellende, misdadigheid en radikale Islam ongelukkig nie belasbaar nie’ het die FN president gesê. ‘Ek nooi dus President Bouteflika om die som van €9,36 miljard so gou as moontlik bymekaar te kry en stuur dit vir my via bank of ‘n posorder na die volgende adres.'”

Die grap is deur die Algerynse koerant El Hayat berig as ‘n feit.

Macron se kanse om Le Pen te klop is skraal

Volgens Eurointelligence, is die kanse van Emmanuel Macron om teen Marine Le Pen te wen, skraal. Macron is nog ‘n Soros oop-grenssurrogaat.

Ifop se meninsgpeiling toon Macron kan slegs 14 persent steun van werkers verwag, dieselfde as Jean-Luc Mélenchon, wat beskou word as ‘n randeier. Marine Le Pen loop voor met 37 persent steun, terwyl die Sosialistiese Benoit Hamon effens beter as die ander twee kandidate met 18 persent vaar.

Blootstelling aan liberale onderwys was een van die skeidslyne ook in die Brexit stem en die Amerikaanse verkiesing. Macron is dus die stedelike gunsteling, maar nie op die platteland waar hulle die elite met ‘n groeiende agterdog bejeën nie. Baie ouer immigrante wil ook die invloei van nuwelinge beperk en sien hulle as direkte kompetisie vir poste. Hulle wil ook vir Le Pen gaan stem.

Le Pen verdeel die wêreld in globaliste en patriotte, terwyl Macron probeer om kiesers as progressiewes en konserwatiewes, in te deel berig Journal du Dimanche. In daardie sin, bied Le Pen se visie baie meer duidelikheid as oop grense en beledigings.

Om dieselfde rede, sal Geert Wilders na verwagting 20 persent van die stemme kry, in vergelyking met sy teenstander Mark Rutte se 16 persent in Nederland. In 2005 het die land die Europese grondwet verwerp en verlede jaar gestem teen ‘n verdrag vir EU bande met die Oekraïne.

‘n Peiling Dinsdag het getoon dat meer as 61 persent van die respondente Nederlandse politici as “elitistiese, onbetroubareen oneerlike” mense sien.

Die veldtog vir die Nederlandse verkiesing het Woensdag afgeskop, het Reuters berig. Wilders en sy party vir Vryheid loop voor in meningspeilings vir die grootste deel van die afgelope twee jaar.

Nigel Farage het gister in Europese Parlement, gewaarsku dat die immigrasie krisis geïgnoreer word.

“Ek voel asof ek ‘n vergadering van ‘n godsdienstige sekte hier vanoggend bywoon. Dis asof die wêreldwye revolusie van 2016, Brexit, Trump, die Italiaanse verwerping van die referendum, het heeltemal by julle verbygegaan.

“Geen twyfel, baie van julle hier sal waarskynlik julle eie kiesers verag vir wat ek nou gaan sê, want net verlede week, het Chatham House, die betroubare groep, ‘n massiewe opname van 10 Europese lande gepubliseer, en slegs 20% van die mense wil immigrasie uit Moslem lande laat voortgaan. Net 20%. … Wat beteken jou kiesers het ‘n harder standpunt oor hierdie as Donald Trump, of myself, of eintlik enige party in hierdie Parlement … En die feit is, die Europese Unie het geen toekoms nie in sy huidige vorm. En ek vermoed julle is in vir so ‘n groot skok in 2017 as wat julle in 2016 gekry het.”

Die EU se vlugtelingkrisis is nie ‘n natuurlike verskynsel nie. Dit het saamgeval met Soros Open Society Foundation-skenkersgeld aan die VSA-gebaseerde Migration Policy Institute en die platform vir internasionale samewerking op Ongedokumenteerde Migrante, albei Soros-geborgde organisasies. Beide groepe bepleit die hervestiging van die derdewêreld Moslems in Europa.

In 2015, het ‘n Sky News verslaggewer bevind dat “Migrante Handboeke” op die Griekse eiland Lesbos versprei word. Dit is later aan die lig gebring dat die handboeke wat in Arabies geskryf is, uitgegee is om immigrante oor die Middellandse See te help deur ‘n groep genaamd “Welkom by die EU” befonds deur die Soros Open Society Foundation.

In ‘n klein dorpie in die VSA, Fargo, Noord-Dakota, het ‘n plaaslike televisie verslaggewer die Soros-plan vir die Verenigde State van Amerika oopgevlek om die land te oorstroom met Moslemvlugtelinge. Die PNAE, is deur Soros gebruik om te probeer om miljoene mense uit die Midde-Ooste in te voer en te vestig in klein dorpies soos Fargo.

U sal hierdie berig in geen ander Afrikaanse nuusmedium lees nie. Die tyd, moeite en insette wat dit verg het ondersteuning nodig. Sluit vandag nog aan by Praag!

‘Amerikaners kan nie méér omgee vir julle kinders as julself nie’

“Amerikaners kan nie meer omgee vir die toekomstige sekuriteit van jou kinders as wat julle doen nie,” het die Amerikaanse sekretaris van verdediging James Mattis in sy eerste toespraak aan NAVO-bondgenote in Brussel gesê.

Mattis het openlik gewaarsku dat die administrasie van Donald Trump sy verbintenis “sal hersien” tensy lede hul bestedingsbeloftes nakom. “As julle lande nie wil sien hoe Amerika sy verbintenis tot hierdie alliansie hersien nie, sal elkeen van julle moet steun wys vir ons gemeenskaplike verdediging,” het hy gesê.

“Ek is dit verskuldig aan julle om julle duidelikheid te gee oor die politieke werklikheid in die Verenigde State van Amerika en die billike vraag van my mense in konkrete terme te stel.”

Mattis het ook gevra vir ‘n vasgestelde datumplan om te voldoen aan 2 persent besteding. Die “mylpaaldatums” vir vanjaar sal NAVO-lede se bydraes monitor, het hy gesê.

“Amerika sal sy verantwoordelikhede nakom,” het Mattis gesê aan NAVO se ministers van verdediging, maar hy het dit duidelik gemaak dat Amerikaanse ondersteuning perke het.

Die VSA spandeer meer van sy bruto binnelandse produk op die verdediging as enige ander NAVO-lid – 3,61 persent in 2016. NAVO se sekretaris-generaal Jens Stoltenberg het in reaksie gesê dat enige nie-nakoming van die verdrag tot “ernstige kommer” sal lei. Hy het gesê die bydraes het effens toegeneem verlede jaar.

“Dit is belangrik, maar nie genoeg nie,” het Stoltenberg gesê. “Ons moet voortgaan om militêre uitgawes in Europa en Kanada te verhoog.”

Die stemming was gespanne, het een NAVO-amptenaar gesê. Dit het gou duidelik geword dat Rusland se skadu oor die verrigtinge val nadat Donald Trump se verdedigingssekretaris die vrae oor Micheal Flynn afgemaak het.

Sekere NAVO-vennote is bekommerd oor die Trump-administrasie se beter verhoudings met Moskou.

In reaksie op Rusland se referendum in die Krim in 2014, het Barack Obama Amerikaanse troeponttrekkings uit Europa omgekeer en die grootste ontplooiing sedert die einde van die Koue Oorlog gematig. Vier multinasionale bataljonne is na Pole en drie Baltiese lande ontplooi.

Maar terwyl Mattis die Krim in die verbygaan genoem het, het hy ook die Islamitiese Staat se greep oor dele van Irak en Sirië geopper, en gesê dat “sommiges in hierdie alliansie ontken wat gebeur en wegkyk”.

“Ten spyte van die dreigemente van die ooste en suide, het ons gefaal om gapings te vul in ons NAVO-reaksiemagte of om aan te pas,” het hy bygevoeg.

Met die oog op die vergadering in Brussel, het die New York Times berig dat Moskou ‘n nuwe soort kruismissiel ontplooi, om vrese van ‘n “moontlike oortreding” van die INF-kernsperverdrag te verhoog.

Stoltenberg het sy kommer uitgespreek oor die nuus van die nuwe Russiese missiel wat “in stryd is met ‘n belangrike wapenbeheerverdrag”, maar het nie verduidelikings aangebied met betrekking tot NAVO se ontplooiing op die grens van Rusland nie.

Dit wil voorkom asof die Michael Flynn storie uitgewoed is, nadat dit aan die lig gekom het dat die New York Times “alternatiewe feite” of fopnuus oor Flynn versprei het.

CNN se Jim Sciutto het berig dat die FBI nie aanklagte teen Michael Flynn sal ondersoek as gevolg van sy gesprekke met ‘n Russiese ambassadeur nie. Die anti-Russiese koors het hooggeloop voor die NAVO-vergadering want die alliansie het geen bestaansreg as Rusland nie as ‘n bedreiging voorgehou word nie.

Die enigste ander rede vir die alliansie sal wees om ‘n front teen Moslemterreur te vorm, iets wat die EU weier met hul oopgrensbeleid.

Maar die nuwe Trump-administrasie oefen druk uit op NAVO om terroriste bedreigings uit Noord-Afrika en die Midde-Ooste teen te werk.

NAVO sal opgestel word “so spoedig moontlik” in Napels, Italië, om intelligensie te koördineer oor krisislande soos Irak en Sirië, het Stoltenberg verklaar.

Trump sal na verwagting NAVO se hoofkwartier besoek in Mei wanneer die alliansie het sy leiersberaad hou.

Intussen Jean-Marie Guéhenno, uitvoerende hoof van International Crisis Group, Europese lede van NAVO gewaarsku voor die vergadering in Brussel: “NAVO gaan oor Noord-Amerika se betrokkenheid in Europa, en die Europeërs, in samewerking met Kanada, moet die inisiatief neem om ‘n visie aangepas by die 21ste eeu te vorm.

“Anders, loop hulle die risiko dat ‘n president wat min tyd het vir die vasteland sy Europese bondgenote sal sien bloot as aanvullings by ‘n Amerika-eerste strategie.”

Het ‘n towerspreuk Harry Potter-outeur se besige tong stil?

JK Rowling, die skepper van Harry Potter, is ‘n baie ryk burger. Volgens die media het sy bates met ‘n netto waarde van sowat een miljard dollar. Maar afgesien van haar rykdom, is sy ook lief vir oop grense en “vlugtelinge”.

Toe sy egter die geleentheid gegun word om te bewys sy is opreg in haar soort “menslike” oortuigings, en dat sy bereid is om persoonlike opofferings te maak vir oopgrens-immigrasie – presies wat sy van ander verwag om te doen – is die prekende en praatsieke Rowling skielik skynbaar minder gewillig.

Die skrywer het eenkeer melodramaties die stories oor immigrante wat geraak word deur Trump se “reisverbod” op Moslems vergelyk met haar werk by Amnestie Internasionaal wat oor politieke gevangenes en diktators gehandel het.

Rowling verdedig migrante met ywer en ontken die stygende misdaad wat verband hou met die instroming. Diegene wat teen oop grense is, is volgense haar Twitter-vete met Daily Mail redakteur Piers Morgan dié wat die meeste aanstoot gee.

Terwyl die meeste van haar aanbiddende lesers nie van die feit hou dat immigrante hul lande oorstroom nie, veral in Frankryk, Swede en Duitsland, verdedig Rowling nogtans onbeperkte immigrasie.

Na sy Morgan vertel het om te “fokof” toe hy gesê het die uitvoerende bevel van President Donald Trump se immigrasieverbod is nie slegs ‘n Moslemverbod nie, was Rowling pens en pootjies midde in die geveg vir meer “vlugtelinge” na haar land. Sy beskryf die hofbesluit in die VSA om die verbod ongedaan te maak “so bevredigend soos ek gedink het”.

‘n Konserwatiewe kommentator, Mike Cernovich, wat al keelvol was vir Rowling se morele aanstellerigheid, het nou aangebied om vliegtuigkaartjies te koop vir 100 vlugtelinge om in haar groot herehuise in Aberfeldy en Edinburgh vir ‘n jaar te kom woon. Aanbieder van die “Mark Kaye Show” het aangebied om 20 kaartjies te betaal en Hollywoodsterre met groot bekke word nou ook gevra om hul huise oop te stel.

Mike se uitdaging versprei soos ‘n veldbrand. Na 27 301 stemme, het Cernovich ‘n oproep gedoen aan Rowling om “die herehuis se mure af te breek”. Sy Twitter-peiling het bevind dat 92 persent van die stemmers meen dat Rowling sy aanbod moet aanvaar.

Die mense het gepraat, en die resultate is duidelik: JK Rowling moet “vlugtelinge” toelaat in haar wonings of haar grootbekuitsprake stop. Kort na die uitdaging, het Rowling wat baie aktief is op Twitter, skielik baie stil geraak.

Dit lyk asof Harry Potter towerwoorde oor haar uitgespreek het. Haar stilte spreek egter boekdele. Die “Harry Potter” skrywer het toevallig ‘n “muur” van 10m heinings opgesit om haar huis om haar privaatheid te verhoog.