Kategorie: Internasionale nuus

Nuus oor die wêreld buite Suider-Afrika

Hillary weer by trappe gevang dat sy sukkel

Die Demokratiese Party se presidensiële kandidaat Hillary Clinton is die naweek weer gevang dat sy met trappe sukkel in New York Stad se Flatiron-distrik Sondagmiddag.

Die video is op Twitter deur ABC News se Liz Kreutz beskikbaar gestel wat toon hoe Clinton, geklee in ‘n swaar groen jas in warm weer, die sewe trappe na die sypaadjie afsukkel.

Clinton gryp daarna ‘n handvatsel van die voertuig om haarself regop te hou. Sy sukkel om in die voertuig in te klim.

Clinton neem klaarblyklik nou ekstra sorg om te verseker dat sy nie weer in die openbaar val of inmekaarsak nie.

Intussen word daar met Hillary se persoonlike dokter Lisa Bardack, die gek geskeer op sosiale media oor haar onbekwaamheid.

Bardack se verduidelikings van Clinton se siektetoestand en haar medikasie stem nie ooreen nie. En nie die medikasie òf die diagnose stem ooreen met wat die publiek al met hule eie oë gesien het nie en wat deur die hoofstroom media versin word.

Medici sê Bardack lieg nou al so vlot soos haar pasiënt en dit kan haar loopbaan skade berokken.

Bardack is die dogter van Lester Bardack en Judith Frankle. Haar ma was ‘n rabbi. Bardack se suster Amy, is ook ‘n rabbi, en is onlangs aangestel as Direkteur van Onderwys vir die Joodse Federasie van Groter Pittsburgh. Beide susters getroud met dokters.

Hillary het intussen die Israelse premier Benjamin Netanyahu ontmoet en verseker van volgehoue Amerikaanse steun.

Hillary Clinton en Donald Trump sal Maandag by Hofstra Universiteit in New York mekaar in lewende lywe pak in die eerste van drie presidensiële debatte.

Toe Juanita Broaddrick hoor Bill Clinton se minnares Gennifer Flowers sal dalk teenwoordig wees in die voorste ry van die eerste presidensiële debat as Donald Trump se gas, het sy gesê sy sal so ‘n geleentheid verwelkom.

En toe die American Mirror haar vra wat sy vir Clinton sal sê, het Broaddrick gereageer: “Onthou jy my? Ek is die een wat jou man verkrag het en jy daarna afgedreig het. Ek is nog steeds hier om die waarheid te praat en jy is ‘n leuenaar.”

Nigeriese voedselkrisis laat algar koud

Meer as 20 000 mense is reeds dood en meer as 2,6 miljoen is haweloos gelaat sedert Boko Haram-militante in 2009 met ’n insurgensie teen die Nigeriese ower­hede begin het, het AFP berig.

Ondanks die groot aantal mense wat hierdeur geraak word, het die situasie min aandag geniet in vergelyking met ander humanitêre krisisse in die wêreld, selfs binne Nigerië.

In Julie het die Verenigde Nasies (VN) aangekondig dat byna 250 000 kinders onder die ouderdom van vyf jaar vanjaar in die Borno-staat alleen aan ernstige ondervoeding ly en dat een in vyf, nagenoeg 50 000 sal sterf.

Verlede maand het die VN gesê 4,5 miljoen mense in die noordoostelike state van Nigerië benodig dringend voedselbystand, twee keer soveel as wat in Maart die geval was.

Van hulle staar meer as 65 000 hongersnood in die gesig. Gevegte en onveiligheid het egter daartoe gelei dat van die gebiede wat die swaarste getref is, van hulp afgesny is.

Dr. Bamidele Omotola, ’n spesialis in voeding verbonde aan die VN se Kinderfonds (Unicef) sê globale akute ondervoeding is “ver, ver, ver meer as wat ’n mens in noodtoestand aantref”.

“Ek onthou die laaste keer wat ons sulke ernstige gevalle gehad het. Dit was tydens die Nigeriese burgeroorlog vanaf 1967 tot 1970,” het hy bygevoeg.

Destyds is meer as ’n miljoen mense dood vanweë hongersnood en siekte tydens die oorlog wat teweeggebring is deur die eensydige onafhanklikheidsverklaring deur Biafra in die suidooste van Nigerië.

Nou het gevegte boere verhinder om hul oeste aan te plant, gebiede is verwoes en landmyne is geplant met waterbronne wat besmet is en die tekort aan voedselvoorrade wat pryse by plaaslike markte die hoogte laat inskiet het. Terselfdertyd heers ’n resessie in Nigerië. Die land se geldeenheid, die naira, het waarde verloor en inflasie het tot meer as 17 persent gestyg, wat kos, brandstof en goedere baie duur gemaak het.

Dokters en gesondheidswerkers bied voedingsprogramme in kampe vir hawelose mense en by openbare gesondheidsklinieke in Maiduguri aan en sien daagliks die gevolge van die voedseltekorte.

Desperate ondergewig kinders word geweeg en die omtrek van hul bo-arms word gemeet vir tekens van ondervoeding.

Diegene wat te swak is om teen komplikasies soos masels, malaria en diarree te veg, word na ’n terapeutiese voedingsentrum in Gwange gestuur wat deur Dokters Sonder Grense (MSF) beman word.

MSF sê in Julie is 290 pasiënte opgeneem en 30 kinders is dood vanweë erge ondervoeding. In Augustus het die getalle tot 387 opnames met 72 sterftes verhoog.

Die Boko Haram-konflik en die gevolge het ook reeds oorgespoel na noordelike Kameroen, die suidooste van Niger en die weste van Tsjad met meer as 6,3 miljoen mense in die streek wat ernstige voedselonveiligheid in die gesig staar.

Volgens die VN se humanitêre koördineerder in die streek, Toby Lanzer, is $385 miljoen nodig om die krisis in die noordooste van Nigerië af te weer. Vir die streek word $559 miljoen benodig.

Maar die hongersnood is nie alleen die gevolg van Mosleminsurgente nie. Talle kinders word verhonger deur hul ouers omdat hulle glo die kinders is “hekse”. Enkele van dié duisende kinders word deur hulpwerkers (foto) gered.

Burlingtonskieter is ‘n Moslem

Die man wat dié naweek ‘n winkelsentrum in Burlington in die Amerikaanse deelstaat Washington, vyf mense doodgeskiet het, is nie Spaans soos die media wou te kenne gee nie, maar ‘n Moslem.

Sy sosiale media toon dat hy ook ekstremistiese neigings gehad het. Beelmateriaal van die voorval wys ‘n ongewapende Cetin wat by die sentrum instap, maar later met die vuurwapen te voorskyn kom. Die wapen is na die slagting in die sentrum gevind.

Die 20-jarige Arcan Cetin is intussen deur die polisie aangekeer. Hy is by sy huis in hegtenis geneem, sowat 48 km van die toneel waar hy met ‘n jaggeweer op onskuldiges losgebrand het.

Cetin was glo soos ‘n “zombie” toe hy in hegtenis geneem is, het die polisie Sondag gesê. Hy was ongewapen en het homself nie teëgesit nie.

Volgens sers. Mark Francis, polisiewoordvoerder, het die aanvaller op die vlug geslaan voordat polisie op die toneel aangekom het. Die sentrum, die Cascade Mall, is daarna ontruim.

Vier vroue is doodgeskiet waaronder ‘n ma en dogter. ‘n wit Boeingtegnikus, wat getref is, het later in ’n hospitaal aan sy wonde beswyk.

Nooddienste het kort na die voorval ’n foto van die skieter uitgereik, maar gesê hy is “Spaanssprekend”, vermoedelik om die kollig van Moslemterreur af te hou.

Die polisie beweer dit is steeds “onbekend” wat die motief vir die aanval was, maar sluit nie die moontlikheid uit dat die bloedbad ‘n terreuraanval was nie.

Cetin is ‘n gebore Turk met Amerikaanse burgerskap.

Die aanval volg skaars ‘n week nadat ‘n Moslem nege mense met ‘n mes in ‘n winkelsentrum in St. Cloud, Minnesota gesteek het. Die aanvaller is deur polisiebeamtes op die toneel doodgeskiet.

Derde nag van rassegeweld in Charlotte

Owerhede het ‘n noodtoestand in Charlotte in die Amerikaanse deelstaat Noord-Carolina afgekondig terwyl swart onluste vir ‘n derde nag voortgewoed het.

Die polisie het ‘n veroordeelde swart geweldsmisdadiger Keith Lamont Scott (43), wat ‘n vuurwapen by hom gehad het, doodgeskiet.

Sy familie hou egter vol dat die vuurwapen ‘n “boek” was. Dié versinsel is deur ‘n swart kletsrymer Mills Shaka Zulu Gill die wêreld ingestuur.

Die onluste van Donderdagnag is die jongste teken van toenemende druk teen die polisie om ‘n video van die insident vry te stel.

Die polisie het nog nie beeldmateriaal van die skietvoorval uitgereik nie, maar die stad se burgemeester sê hulle is voornemens om dit te doen.

Pat McCrory, goewerneur van Noord-Carolina, het vroeër gesê versterkings sal ingestuur word om plaaslike wetstoepassers by te staan.

Todd Walther, woordvoerder vir die Charlotte-Mecklenburg se gemeenskapspolisieforum het aan CNN se Erin Burnett gesê meer as twee derdes van die amokmakers is van elders.

“Dit is nie Charlotte wat hier betoog nie. Dit is buite-entiteite wat inkom en hierdie probleme veroorsaak. Dit is nie betogers nie, dit is misdadigers…”

Walther het gesê die swart betogers word ingebus om te kom geweld pleeg.
 
“Ons het die aanstigters wat inkom van buite opgespoor. Hulle kom in op busse van buite die staat. As jy teruggaan en kyk na ‘n paar van die arrestasies wat gisteraand gemaak is, kan jy waarskynlik sê 70% van diegene besit buite-staat-ID’s. Hulle is nie afkomstig van Charlotte nie.”

Intussen is verskeie voorvalle van geweld teen wittes aangemeld. Ten spyte daarvan hou die hoofstroommedia vol dat die betogings “vreedsaam” was.

‘n Wit man is in ‘n parkeerterrein deur ‘n groep swartes aangeval en ‘n joernalis is deur swart oproeriges in ‘n vuur gegooi.

Agtien maande gelede toe die onluste opgevlam het in Ferguson, was dit te danke aan die miljardêr George Soros wat $33 miljoen aan sogenaamde “maatskaplike geregtigheidsorganisasies” geskenk het om Ferguson ‘n nasionale brandpunt van rassegeweld te maak.

Ken Zimmerman, die direkteur van Soros se Open Society Foundations (OSF) in die VSA, het verlede jaar ontken dat Soros BLM befonds het en dit afgemaak as “gerugte” sonder substansie.

Maar dit was voordat kuberkrakers met DCLeaks.com OSF se dokumente gelek het wat toon dat Soros reeds ten minste $650,000 direk aan BLM geskenk het.

Soros is toevallig ook een van Hillary Clinton se grootse skenkers. Sy het reeds $7 miljoen van hom ontvang.
 
Geweld in Charlotte het uitgebreek nadat honderde swart betogers deur die middestad beweeg en onder meer slagspreuke soos “Black lives matter” en “Die polisie moet doodgemaak word” geskree het.

jewsblm

Die betogers het klippe gegooi, brande gestig en ‘n hoofweg afgesper, winkels geplunder en vensters uitgeslaan.

Die oproer in Charlotte volg op betogings in Tulsa in die deelstaat Oklahoma waar betogers die inhegtenisneming van ‘n polisielid geëis het wat verlede week glo ‘n “ongewapende” swart man doodgeskiet het.

Die hoofstroommedia fokus egter slegs op wit rassevooroordeel in wetstoepassing in die VSA, terwyl die debat oor swart geweld doodgesmoor word.

NAVO, VN wil nie aan Amerikaanse Aleppo-aas byt nie

Amerika probeer Rusland blameer vir die aanval op ’n konvooi wat hulp aan die meer as 78 000 vasgekeerde mense in die Siriese stad Aleppo moes bring.

Maar NAVO se sekretaris-generaal Jens Stoltenberg het geweier om te spekuleer oor wie verantwoordelikheid moet aanvaar vir die aanval op die hulpkonvooi naby Aleppo, en gesê partye moet eers “die feite regkry”.

Nagenoeg 20 mense is in die aanval op die konvooi dood.

Rusland ontken ten sterkste dat die lug­aanval op die konvooi deur die land se magte en selfs Siriese regeringsmagte uitgevoer is.

Volgens verklarings deur Moskou was die aanval in die nag en die Siriese lugmag beskik nie oor die vermoë om nagvlugte uit te voer nie. Rusland gee militante die skuld vir die aanval.

Hooggeplaaste Amerikaanse weermagwoordvoerders hou egter vol dat hulle oor voldoende bewyse beskik dat Russiese vegvliegtuie die aanval uitgevoer het.

Rusland het intussen hommeltuig-video­materiaal vrygestel wat volgens hulle bewys dat die konvooi gevolg is deur ’n voertuig wat ’n mortierlanseerder op ’n sleepwa gesleep het.

Die Russiese regering het gesê slegs militante het geweet presies waar die konvooi was, alhoewel die VN alle partye in kennis gestel het van die konvooi.

Die Russiese ambassadeur by die VN, Witali Tjoerkin, het gesê sulke haastig beskuldigings, ontdaan van enige feite, is ontwerp, onder andere, om aandag af te lei van ‘n vreemde fout “gemaak deur vlieëniers van die Amerikaanse anti-ISIS koalisie op 17 September toe Siriese regeringsposisies naby Deir ez-Zor gebombardeer is”.

Amerika se veelvuldige verskonings en verduidelikings wat die land probeer verontskuldig, het reeds gespanne betrekkinge met Rusland verder versleg.

Rusland vermoed die VSA probeer ISIS in Sirië beskerm en sê die VSA moet onverwyld ‘n onderskeid tref tussen Siriese “opposisie” en ISIS-militante.

Die Russiese ministerie van verdediging sê ‘n Amerikaanse hommeltuig was ook in die omgewing van die humanitêre konvooi toe dit buite Aleppo aangeval is.

Hulle sê die Predator het van die Incirlik-lugbasis in Turkye opgestyg tot op ‘n hoogte van 3600 meter en teen ongeveer 200 kilometer per uur en die konvooi gevolg.

Die Verenigde Nasies (VN) het ná ‘n dodelike aanval op ‘n konvooi alle hulpverlening in Sirië opgeskort.

Die Amerikaanse minister van buitelandse sake, John Kerry, het intussen aan die VN se Veiligheidsraad in New York gesê alle vliegtuie in die noorde van Sirië behoort verbied te word om te vlieg sodat humanitêre hulp afgelaai kan word.

Kerry het by die raad gesê so ‘n stap kan die geloofwaardigheid herstel van pogings om ‘n einde aan die konflik in Sirië te maak.

Tweede nag van geweld in Charlotte, NC oor swart ‘boekleser’

Geweld het vir ‘n tweede nag die Amerikaanse stad Charlotte ontsier nadat swart inwoners die strate ingevaar het.

Hulle is ontstoke omdat ‘n swart man deur die polisie doodgeskiet is. Hulle beweer hy was besig om ‘n boek te lees toe hy in koele bloede doodgeskiet is, maar getuies vertel ‘n ander storie.

Een persoon is geskiet tydens die protesoptrede en is in ‘n kritieke toestand. Volgens die polisie is die persoon deur ‘n burgerlike geskiet, en nie deur die polisie nie.

Onluspolisie het traanrook gebruik om die tierende horde swart oproeriges uiteen te jaag. Hulle moes ook skokgranate gebruik nadat betogers hulle met vuurwerke bestook het.

BLM-aktiviste sê die polisie en “witheid” is verantwoordelik vir die geweld na die dood van ‘n “onskuldige” swart “boekleser”.

Die 43-jarige Keith Lamont Scott is Dinsdagaand deur ‘n swart polisiebeampte doodgeskiet.

Sestien polisiebeamptes is tydens die eerste nag van oproer beseer en een is ook in die gesig met ‘n klip getref, het amptenare gesê.

Verslae is vroeg Woensdag ontvang van motoriste wat op die Interstate 85 aangeval is en hul voertuie beskadig is toe betogers klippe, bottels en verkeerskeëls vanaf brûe gegooi het.

Swart betogers het die Time Warner Cable Arena, die tuiste van die NBA se Charlotte Hornets, geplunder. Hulle het ook die NASCAR Hall of Fame, ‘n Buffalo Wild Wings en ‘n Westin leeggedra, volgens die Charlotte Observer.

Charlotte se burgemeester Jennifer Roberts het ‘n Woensdag by ‘n perskonferensie gevra dat die gemeenskap kalm moet bly en moet wag vir die feite voor hulle haastige gevolgtrekkings maak.

Haar kommentaar kom net ‘n uur voor ‘n aktivistegroep sy eie nuuskonferensie gehou het om die swart gemeenskap oor te haal tot ‘n ekonomiese boikot van wit besighede in Charlotte.

‘n CNN-verslaggewer Ed Lavandera is neergevel deur ‘n oproerige terwyl hy besig was met lewendige verslagdoening.

Charlotte-Mecklenburg se polisiehoof Kerr Putney het gesê beamptes wat Scott genader het, het nie ‘n boek gevind op die toneel van die skietery nie, in teenstelling met wat sosiale media beweer.

Hulle het wel ‘n wapen op die toneel gevind. “Ons het ‘n wapen gevind. Die wapen was daar en getuies het dit bevestig, en meer [getuies] as net die beamptes.”

Maar die bewerings op sosiale media dat Scott besig was om ‘n boek te lees toe hy doodgeskiet is, is egter binne enkele ure meer as ‘n halfmiljoen keer gedeel.

Die swart inwoners het daarna uitgevaar op ‘n plundertog na Walmart op Noord Tryon Street omstreeks 03:30.

Drie of meer vragmotors is gestop en geplunder op die Interstate 85, en brande is gestig om die pad af te sper.

Slegs een persoon is tot dusver in hegtenis geneem, het die polisie gesê.

Die polisie het gesê hulle was op soek na iemand weens ‘n uitstaande lasbrief toe hulle sien Scott verlaat sy motor met ‘n geweer.

Beamptes het Scott genader waarna hy ‘n “dodelike bedreiging vir die beamptes” geword het toe hy die wapen op hulle gerig het, volgens die polisieverklaring.

Openbare rekords toon dat Scott skuldig bevind is in April 2004 aan ‘n misdryf van aanranding met ‘n dodelike wapen. Ander aanklagte sluit aanranding op ‘n kind onder 12 in, aanranding op ‘n vrou en doodsdreigemente.

VSA vra dat SA politieke geweld in DRK keer

Die Verenigde State het Dinsdag ‘n beroep op Suid-Afrika gedoen om sy spesiale invloed in die Demokratiese Republiek van die Kongo (DRK) te gebruik om hierdie week se ontploffing van politieke geweld te keer en te sorg dat dit nie buite beheer raak nie.

Polisie het traangas gebruik talle ondersteuners van opposisiepartye in Kinshasa te verwilder in geweld wat weer opgevlam het omdat die verkiesing uitgestel is.

Die ontevredenes eis dat pres. Joseph Kabila vanjaar die tuig moet neerlê en verhinder moet word om ‘n derde termyn te dien.

Die hoofkwartiere van drie opposisiepartye in die Demokratiese Republiek van Kongo (DRK) is oornag en in die vroeë oggendure Dinsdag aan die brand gesteek.

Die brandstigting kom net ‘n dag ná dodelike botsings tussen die polisie en opponente van pres. Joseph Kabila.

Opposisiegroepe het gesê meer as 50 mense is dood Maandag in botsings in die hoofstad, Kinshasa. Die regering het gesê ten minste 17 mense is dood, maar gewaarsku dat die dodetal verder kan styg.

Ooggetuies het gesê betogers het ten minste een polisiebeampte doodgeslaan.

Vier mense is ook dood toe die hoofkwartier van drie opposisiepartye oornag en vroeg Dinsdag aan die brand gesteek is, het Agence France-Presse berig.

Ooggetuies het aan Reuters gesê die polisie het in die skare in gevuur.

Die DRK se grondwet verbied ‘n derde termyn.

Russe woedend oor blaam vir hulpkonvooi-aanval

“Ons is werklik woedend oor hierdie aanval. Daar was ‘n lang proses van toestemming en voorbereiding voordat die konvooi toegelaat is om geïsoleerde burgerlikes te gaan bystaan,” het die Verenigde Nasies (VN) se spesiale gesant vir Sirië, Steffan de Mistura, in ’n verklaring aan Reuters gesê, nadat ’n noodleni­gingskonvooi onderweg na Aleppo Maandagaand aangeval is.

Die VN het sy hulpkonvooie aan die konflikgesteisterde gebied gestaak en waarsku oor die gevolge.

Vroeër Dinsdag, het die Russiese ministerie van buitelandse sake ook hul verontwaardiging te kenne gegee oor die “flagrante pogings van ‘n paar buitelandse ondersteuners van gewapende rebelle en terroriste in Sirië” om blaam na Moskou en Damaskus te verplaas.

Die Russiese ministerie van verdediging se woordvoerder het gesê die Russiese weermag het videomateriaal van die toneel en daar is geen teken dat die konvooi geteiken is in ‘n lugaanval nie.

“Ons het nou die videomateriaal bestudeer van waar die voorval plaasgevind het en daar is geen tekens van enige ammunisie gevind in die konvooi wat getref is nie. Daar is geen kraters nie, die voertuie se onderstelle is ongeskonde en hulle is nie erg beskadig nie.”

Dinsdag het die Verenigde Nasies hul verklaring aangepas en gesê hulle weet nie of dit ‘n lugaanval was nie. “Ons is nie in ‘n posisie om te bepaal of dit in werklikheid lugaanvalle was nie. Ons is in ‘n posisie om te sê dat die konvooi aangeval is,” het die VN se humanitêre woordvoerder Jens Laerke gesê.

Die Withuis het volgehou dat dit “lugaanvalle” was.

Twee onlangse aanvalle teen die Siriese weermag in Oos-Sirië dui volgens ontleders op ‘n Amerikaanse plan om die Siriese regering se teenwoordigheid oos van Palmyra uit te skakel.

Dit sal die VSA en sy bondgenote in staat stel om “Sunnie-entiteit” in Oos-Sirië en Wes-Irak op te rig wat ‘n permanente doring in die vlees van Sirië en sy bondgenote sal wees.

Volgens ‘n woordvoerder van die Rooikruis het meer as 10 mense in die aanval omgekom. Sowat 20 voertuie is ook aan die brand gesteek.

Die voorsitter van die Siriese Rooi Halfmaan was klaarblyklik onder die oorledenes.

Rusland en die VSA het gesê hulle sal werk om die skietstilstand staande te hou ten spyte van die terugslag, maar volgens sekere Westerse nuusbronne is dit beëindig nadat ‘n djihadisteleier gesê het hulle maak gereed om die aanvalle voort te sit.

Die ooreenkoms is verlede week bereik, maar is reeds etlike kere verbreek.

Rusland het die naweek gesê ‘n aanval van die VSA-geleide koalisie teen die Islamitiese Staat (ISIS) het meer as 60 Siriese soldate in die ooste van die land gedood.

Die jongste skietstilstand is die tweede vanjaar wat deur die VSA en Rusland bemiddel is om die oorlog in Sirië, wat nou al ses jaar duur, te beëindig.

Kenia en Somalië takel mekaar in oliegrensdispuut

Kenia het Somalië Maandag betig omdat die land Kenia voor die Verenigde Nasies se hoogste hof gesleep het om ‘n maritieme grensdispuut te verdedig.

Die finale beslissing kan ‘n groot invloed op die potensieel uiters winsgewende olie- en gasreserwes van die Indiese Oseaan hê.

Mogadishu se saak teen Nairobi voor die VN-hof is ‘n poging om die seegrens te verskuif en indien dit slaag, sal dit minstens drie van Kenia se aflandige olieblokke beïnvloed.

Somalië sê op sy beurt onderhandelinge kon nie daarin slaag om ‘n oplossing in hierdie bitter dispuut te vind nie, wat ‘n betekenisvolle impak op ‘n nuwe inkomstebron vir een van die twee Oos-Afrika-lande kan hê.

Somalië se beskuldigings is in kwade trou en is “net so absurd as wat dit pynigend is,” het Kenia se prokureur-generaal, Githu Muigai, aan regters in Den Haag gesê. Die hof is in 1946 tot stand gebring om geskille tussen lande te besleg.

“Somalië wil die hof laat glo dat gedurende al daardie jare, Kenia saamgesweer het om voordeel uit ‘n buurland te trek deur sy see en olie te steel,” het hy gesê.

Die sleutelpunt van die dispuut is hoe om ‘n seegrens te trek, het AFP berig.

Somalië, wat noord van Kenia geleë is, wil hê die grens moet in ”n suidelike rigting ‘n verlenging van sy landsgrens wees.

Kenia wil egter hê dit moet ‘n reguit lyn oos, parallel aan die breedtegraad wees wat dit groter seegebied sal gee.

Kenia sê hy oefen sedert 1979, toe die land se eksklusiewe ekonomiese sone afgekondig is, onbetwiste jurisdiksie oor die gebied uit.

Die land voer aan dat voorheen met Mogadishu ooreengekom is om die dispuut deur middel van onderhandelinge en nie regstappe nie, op te los.

Hierbenewens was Nairobi “’n vriend” van Mogadishu en help in die stryd teen die djihadistiese Al-Sjabaab groep, met honderde Keniaanse soldate en burgerlikes wat reeds met hul lewens geboet het, het Muigai gesê.

Britse Reaper-aanval laat Siriese skietstilstand wankel

Sirië se skietstilstand het verkeer op die rand van ineenstorting, nadat ’n Amerikaans-geleide koalisie-aanval die lewe van dosyne Siriese regeringsoldate geëis het.

Aleppo is ook vir die eerste keer in byna ’n week weer gebombardeer.

’n Reeks aanvalle Sondag op gebiede in Aleppo wat in rebelle-hande is, het ou gevegsfronte heropen en is die ernstigste bedreiging vir die skietstilstand tot nog toe.

’n Staking van gevegte in en om Aleppo, sodat broodnodige humanitêre bystand gelewer kon word, was een van die sleutelbepalings van die ooreenkoms.

’n Week ná die aanvang van die skietstilstand, het desperate inwoners van gebiede onder beleg nog geen bystand ontvang nie, omdat vegtende partye nie die veiligheid van humanitêre agentskappe kan waarborg nie.

Die mede-borge van die skietstilstandooreenkoms, Rusland en Amerika, het mekaar beskuldig en betrekkinge is verder versuur.

Sirië het Amerika daarvan beskuldig­ dat dit die skietstilstand saboteer.

“Die rede vir hierdie Amerikaanse aggressie is om die skietstilstand te laat misluk,” het Basjar Jaafari, Sirië se ambassadeur by die Verenigde Nasies, gesê.

Brittanje se militêre betrokkenheid by die lugaanval is deur hul Verdedigingsministerie bevestig. Verslae dui op ‘n Reapertuig wat gebruik kon gewees het.

Australiese sowel as Deense magte is deel van die VSA-geleide koalisie. By die hoofkwartier van die Deense militêre magte het ‘n woordvoerder ook hul betrokkenheid by die dodelike aanval erken.

“Twee Deense F-16s het deelgeneem saam met vliegtuie van ander lande in hierdie aanvalle. Die aanval is onmiddellik gestop toe ‘n verslag van die Russiese kant aangedui het dat ‘n Siriese militêre posisie getref is,” lui die Deeense verklaring.

“Dit is natuurlik jammer as die koalisie verkeerdelik enigiets anders as ISIS-magte getref het,” het die verklaring voortgegaan.

Die Siriese konvooi het noodvoorraad in ‘n plattelandse gebied in Urm al-Kubra afgelewer. Die VN sê minstens 18 van die 31 vragmotors, sowel as ‘n pakhuis is getref.

‘n Aantal noodlenigingswerkers is volgens berigte dood of gewond het die VN se spesiale raadgewer oor humanitêre sake, Jan Egeland bevestig.