Die man wat dié naweek ‘n winkelsentrum in Burlington in die Amerikaanse deelstaat Washington, vyf mense doodgeskiet het, is nie Spaans soos die media wou te kenne gee nie, maar ‘n Moslem.
Sy sosiale media toon dat hy ook ekstremistiese neigings gehad het. Beelmateriaal van die voorval wys ‘n ongewapende Cetin wat by die sentrum instap, maar later met die vuurwapen te voorskyn kom. Die wapen is na die slagting in die sentrum gevind.
Die 20-jarige Arcan Cetin is intussen deur die polisie aangekeer. Hy is by sy huis in hegtenis geneem, sowat 48 km van die toneel waar hy met ‘n jaggeweer op onskuldiges losgebrand het.
Cetin was glo soos ‘n “zombie” toe hy in hegtenis geneem is, het die polisie Sondag gesê. Hy was ongewapen en het homself nie teëgesit nie.
Volgens sers. Mark Francis, polisiewoordvoerder, het die aanvaller op die vlug geslaan voordat polisie op die toneel aangekom het. Die sentrum, die Cascade Mall, is daarna ontruim.
Vier vroue is doodgeskiet waaronder ‘n ma en dogter. ‘n wit Boeingtegnikus, wat getref is, het later in ’n hospitaal aan sy wonde beswyk.
Nooddienste het kort na die voorval ’n foto van die skieter uitgereik, maar gesê hy is “Spaanssprekend”, vermoedelik om die kollig van Moslemterreur af te hou.
Die polisie beweer dit is steeds “onbekend” wat die motief vir die aanval was, maar sluit nie die moontlikheid uit dat die bloedbad ‘n terreuraanval was nie.
Cetin is ‘n gebore Turk met Amerikaanse burgerskap.
Die aanval volg skaars ‘n week nadat ‘n Moslem nege mense met ‘n mes in ‘n winkelsentrum in St. Cloud, Minnesota gesteek het. Die aanvaller is deur polisiebeamtes op die toneel doodgeskiet.
‘…. is nie Spaans soos die media te kenne wou gee maar ‘n moslem’. (Ek verkies om moslem met ‘n klein letter te skryf)
Waarom sê dat hy nie Spaans is maar ‘n moslem? Spaans is immers ‘n nasionaliteit terwyl moslem verwys na sy geloofsgroep. Een dag lank terug het ek aan ‘n Indiër gevra watter nasie hy is en hy het ook gesê moslem. Na ek dit duidelik gemaak het dat ek nie vra lid van watter geloofsgroep hy is nie maar water nasionaliteit het hy gesê dat hy ‘n Indiër is. Om een of ander rede maak vele mense daardie fout. Geen rede waarom ‘n Spanjaard nie ook ‘n fundalistiese moslem kan wees nie. Toegegee, daar word wel aan die einde van die berig genoem dat hy ‘n Turk is. Ek verwys bloot daarna omdat baie mense na moslemisme verwys asof Islam ‘n nasie is.