Kategorie: Afrikaanse nuus

Slegs op PRAAG. Hier kry u 'n omvattende beeld van alle nuusgebeure rondom Afrikaans en Afrikaners, die enigste volksnuusblad op die web!

Ras en rewolusie geniet voorrang hoor Kovsie Stabilis

Die Kovsie Stabilis-groep, hoofsaaklik wit, oorweeg dit om ‘n aansoek by die hoogeregshof in te dien om die Universiteit van die Vrystaat te dwing om klasse op dié universiteit onverpoosd te laat voorgtaan, maar die “verkeerde” ras van die groep is vir swartes klaarblyklik die enigste oorweging om dit te beveg.

Kovsies Stabilis wil hulle beywer vir die stille meerderheid en studente wat wil studeer op die Kovsie-kampus sê die groep wat besorgde ouers, personeel, alumni en belanghebbendes insluit.

Maar swart studente wat glo hoop om hul studies te voltooi wil hulself nie vereenselwig met die groep nie en is gekant teen hul oproep.

Volgens die swart “leergierige” studente op kampus is hierdie groep, wat op Facebook begin het as ‘n stem vir diegene wat teen die huidige onluste op die UV-kampus gekant is, “net besig om verder konflik aan te vuur”.

Kovsie Stabilis het vandeesweek gedreig met regstappe teen die UV om te verseker dat studente hul akademiese jaar voltooi. Hulle wil ook geld terugeis vir diegene wat nie sal kan nie.

Stabilis is die leuse van Grey Kollege, ‘n voorste Vrystaatse skool. Dit is nie bekend of die groep se lede van Grey is nie.

‘n Trustfonds is intussen gestig om die koste van die aansoek te befonds.

Die swartes, wat ook glo ook “hoop dat klasse hervat”, sê egter die Kovsie Stabilis-lede moet hulself in die betogers se skoene plaas om tot ‘n vergelyk te kom, eerder as om “heeltemal teen” die oproeriges te wees.

Kennelik is dit ‘n aandrang dat die onsinnige eise van die onlusmakers op iets anders as rewolusionêre koors berus.

Net 5% van ­Suid-Afrika se studente hou die land se kampusse gyselaar, volgens dr. Dianne Parker, ­adjunk­-direkteur-generaal vir ­universiteite in die ­departement van hoër ­onderwys en opleiding.

Sy het nie in haar toespraak voor lede van die Nasionale ­Vergadering (NV) en ­Nasionale Raad van Provinsies (NRP) se komitees oor hoër ­onderwys genoem dat hulle almal ook swart is nie, alhoewel sy hulle “barbaars” genoem het.

Om die oproeriges nie te na te kom nie, het Parker dit ‘n “aanklag” teen die owerhede genoem, alhoewel sowat 20 verskillende swart oproerige groepe hulself al net by die Universiteit van die Witwatersrand aangemeld het, almal met verskillende eise.

Dit skep ‘n konsultasie-nagmerrie, benewens die feit dat nie een van die groepe ‘n samehangende standpunt nog kon formuleer nie, maar eerder daarin belangstel om ‘n onderhoud met Radio702 toe te staan om sodoende belangrik te kan voel.

Die doelwit van die oproeriges is om die akademiese jaar tot stilstand te dwing, en die land te destabiliseer in die hoop dat hulle polities daarby kan baat.

Kaapse Persklub kanselleer Steve-uitnodiging ná linkse geweldsdreigement

Die sanger Steve Hofmeyr is deur die Kaapse Persklub uitgenooi om oor spraakvryheid te kom praat, maar ná geweldsdreigemente uit linkse geledere is die uitnodiging teruggetrek. In ‘n epos wat in PRAAG se besit is, spreek mnr. Donwald Pressly sy spyt uit dat hy die uitnodiging na die funksie, wat môre sou plaasvind, moes terugtrek.

Steve Hofmeyr self het die nuus op Twitter bekendgemaak.

Uit Pressly se epos blyk dit dat linkses gedreig het om ‘n “skokgranaat” na die Persklub te gooi indien Hofmeyr toegelaat sou word om daar – ironies genoeg – oor pers- en spraakvryheid te kom praat. Hy skryf verder aan Steve Hofmeyr:

“Ons is oorval met besware, waaronder ‘n stelling dat ‘n skokgranaat Vrydagoggend na die lokaal gewerp sal word.

“Ons as ‘n komitee glo sterk dat ons ‘n neutrale platform vir alle sienings verskaf, waaronder u s’n, maar ongelukkig was dit nie die siening van ons lede nie.”

Omstrede figure wat reeds by die Kaapse Persklub toegelaat is om te praat, is onder andere Julius Malema en Ronnie Kasrils. Eersgenoemde het reeds male sonder tal in die openbaar geweld en revolusie gepredik, terwyl Kasrils ‘n oortuigde kommunis en terroris is wat voorheen bomme in Suid-Afrikaanse stede gestel het.

Borg geweier vir boer wat swarte raakry

‘n Oos-Vrystaatse boer, wat in hegtenis geneem is nadat hy na bewering verlede Vrydag ‘n sestigjarige swarte raakgery het, se aansoek om borgtog is vanoggend in die Bethlehemse landdroshof na Maandag uitgestel.

Josef van Eeden (34) het na bewering vir Johannes Mahlaku op ‘n plaas buite Bethlehem raakgery. Mahlaku het Saterdag, in ‘n plaaslike hospitaal, aan sy beserings beswyk. Van Eeden het homself Dinsdag aan die polisie oorgegee.

Volgens Oos-Vrystaatse polisiewoordvoerder, Zweli Mohobeleli, het Van Eeden na bewering oor Mahlaku gery.

Hy sê twee aanklagte van moord word tans teen Van Eeden ondersoek.

Die ander saak hou verband met ‘n voorval, laat verlede jaar in Fouriesburg, toe Van Eeden na bewering ‘n 36-jarige man noodlottig gewond het. Die oorledene wou Van Eeden glo met ‘n byl aanval, waarna hy hom geskiet het.

Van Eeden se prokureur het aan OFM-nuus gesê hy het namens sy kliënt voorwaardelik toegestem dat die borgtogaansoek uitgestel word. Die voorwaardes is dat die aansoek finaal op 17 Oktober aangehoor word en dat die staat moet seker maak dat die ondersoekbeampte teenwoordig is en alles in plek is.

Niemann sê as dit blyk dat die staat weer eens volgende Maandag, soos vandag, nie reg is vir die borgtogaansoek nie en met vertragingstegniek blyk besig te wees, behou hy hom die reg voor om die saak onmiddellik na die Hooggeregshof te neem.

Nieman sê wat werklik gebeur het, sal Maandag ter tafel gelê word. Van Eeden is steeds in aanhouding.

Bron: OFM

NWU waarsku belhamels dat nagwaak onwettig is

Die kampusbestuur van die NWU is bewus van ‘n beplande nagwaak ter ondersteuning van die landwye onrus op kampusse wat vir vanaand beplan is.

Die formele aansoekprosedure vir so ‘n aksie is nié gevolg nie.

Die kampusbestuur wil dit duidelik stel dat so ‘n aksie onwettig is en nie mag plaasvind nie – dit sal ook teenstrydig wees met die interdik wat steeds van toepassing is.

Intussen het topbestuur en verteenwoordigers van die Sentrale Universiteit van Tegnologie (SUT) se Studenteraad (SR) vergader.

SUT-woordvoerder, Dan Maritz, sê die hervatting van die akademiese program aan dié instelling, asook die verhoging van klasgeld vir 2017, sal Woensdag bespreek word.

Dié vergadering sal op SUT se Bloemfontein-kampus plaasvind. Maritz het vroeër die week gesê klasse en toetse is tot Vrydag opgeskort.

Studente was gister in verskeie groepe voor die Bloemfontein-kampus byeen. Polisie en sekuriteit was ook teenwoordig en het die situasie gemonitor. ‘n Groep oproeriges wat by ‘n boekwinkel oorkant die kampus byeen was, het plakkate aan die brand gesteek.

Administratiewe personeel op die kampus is egter nie geraak deur die betogings nie en het normaal gefunksioneer.

NWU weer deur EFF gedreig met chaos

Die Noordwes-Universiteit sê hulle sal alles in hul vermoë doen om te verseker studente en personeel is veilig wanneer hulle volgende week na die instansie terugkeer.

NWU-woordvoerder, Louis Jacobs, sê die universiteit het reeds gebeurlikheidsplanne in plek vir die hervatting van klasse Maandag.

Die Ekonomiese Vryheidsvegters het egter Donderdag tydens ‘n toespraak gesê hulle sal verseker alle universiteite landwyd bly gesluit, totdat gratis hoër onderwys ‘n realiteit is.

Jacobs sê al die NWU se planne beskou die veiligheid van studente en personeel as primêre prioriteit.

Jacobs sê hulle sal nie huiwer om reeds bestaande interdikte af te dwing nie.

Intussen sê studente aan die Universiteit van die Vrystaat hulle beplan om eers dié naweek te vergader en dan te besluit of hulle sal toelaat dat die UV Maandag heropen.

Hofgeding kom teen Stellenbosch se anti-Afrikaanse taalbeleid

Die Stellenbosch Universiteit sê hy bestudeer nog dokumente wat ‘n pro-Afrikaanse steungroep by die hof ingedien het.

Die groep, “Gelyke Kanse”, vra dat die Wes-Kaapse Hooggeregshof die universiteit se nuwe taalbeleid ter syde stel.

Volgens die nuwe beleid sal Engels van aanstaande jaar af die primêre onderrig- en administratiewe taal wees.

Die groep waarsku dat die universiteit miljoene aan trustgeld kan verloor as Afrikaans sy status by die instelling verloor.

Aardklop begin vanoggend

Die Aardklop Kunstefees het vanoggend in Potchefstroom afgeskop en sal tot Sondag duur.

Vroeër vanjaar was die kunstefees in die weegskaal na ‘n aankondiging dat die fees nie langer sal voortgaan nie.

‘n Groep rolspelers het egter koppe bymekaar gesit om die fees weer op die been te bring.

Die Feesdirekteur, Alexa Strachan, sê hulle is opgewonde oor die program.

“Die dorp is ‘tjokkenblok’ en ‘n mens kry skaars parkering. My stoutste verwagtinge is oortref.”

Die fees is ‘n ekonomiese inspuiting vir die dorp.

Dan Roodt tans in Swede vir konferensie en gesprekke

Dr. Dan Roodt van PRAAG het gisteroggend in Stockholm aangekom waar hy vandag (Saterdag) ‘n Europese konferensie oor identiteit sal toespreek. ‘n Verskeidenheid Europese, maar ook Amerikaanse, groepe en individue woon die konferensie by waar die opkoms van nuwe nasionalismes in Europa onder andere bespreek sal word. Die Amerikaanse nuustydskrif Time het so pas ‘n voorbladartikel aan die toename in regse en nasionalistiese steun in Europa gewy, wat aantoon hoe aktueel die tema van Europese identiteit geraak het.

“Ek dink dis belangrik dat Afrikaners deelneem aan die nuwe Europese identiteits- of identitêre beweging,” het dr. Roodt op die vooraand van sy Sweedse besoek gesê. “Vir ons is dit ‘n nuwe beweging wat alle mense van Europese afkoms, waaronder ook Noord-Amerikaners en Suid-Afrikaners, wil saamsnoer in ‘n front om die afgang van die Europese beskawing te stuit. Afrikaners het geweldig gely onder die soort linkse hegemonie van die sewentiger- en tagtigerjare toe verskeie Westerse lande ons geboikot en selfs terreur teen Suid-Afrika befonds het. Tans sien ons die teenoorgestelde gebeur, waar regse partye en politieke groepe sterk steun in Europa, asook in die VSA met Donald Trump, begin monster. Suid-Afrika was tot 1994 nog altyd ‘n Westerse land met ‘n aansienlike Europese bevolking, daarom spreek dit vanself dat ons deel van die debat moet word. Ook moet die skade wat die Europese sosialiste en kommuniste ons aangedoen het, ongedaan gemaak word. Deur hul steun vir terreur en die marginalisering van Afrikaners, het hulle eintlik ‘n soort volksmoord teen ons ontketen wat vandag nog aanhou.”

Binne hierdie eeu gaan Europeërs wêreldwyd ‘n demografiese inploffing belewe wat hulle minder as vyf persent van die wêreldbevolking gaan maak. Daarteenoor voorspel demograwe van die Verenigde Nasies dat die swart bevolking van Afrika tot meer as vier miljard mense gaan styg en dat die helfte van kinders op aarde swart gaan wees. “Europeërs besef toenemend dat hulle ‘n ramp in die gesig staar indien die afgang op soveel gebiede nie gestuit word nie,” gaan dr. Roodt voort. “Vanweë ons ervaring as onderdrukte blanke minderheid in Suid-Afrika, bring ons ‘n belangrike element na die debat. Soos Martin Bosma van die Nederlandse PVV gesê het, is ons die ‘kanarie in die steenkoolmyn’. As ons uitsterf, mag alle Europeërs of blankes uitsterf.”

Vanaf links word enige vorm van Europese, Westerse of blanke identiteit skerp aangeval. Daar word gepraat van “rassekapitalisme” wat deur Noord-Europeërs geskep is om die hele planeet te onderdruk. Nou word daar vergelding gevra, presies soos wat apartheid in Suid-Afrika vergeld moet word. “Dit het my nie eens verbaas om nou die dag in die linkse dagblad Beeld ‘n artikel deur twee swart professore van UNISA te lees waarin Noord-Europa vir al die boosheid op aarde verantwoordelik gehou word nie,” sê dr. Dan Roodt. “Beeld beskuldig ons daarvan dat ons Europeërs onbeskaafd is en dat ons die swartes se biblioteke afgebrand het. Watter biblioteke? Dit is hierdie soort ekstremistiese antiblanke sienings waarvan Europeërs op hoogte gestel moet word. Nie net ons is in die visier nie, maar almal wat van die suksesvolle Noord-Europa afkomstig is. Soos Jakes Gerwel gesê het toe hy direkteur van Naspers was: ‘die Europese Renaissance neig na apartheid en rassisme.’ Die aanklag teen Europese en Westerse identiteit is totaal.”

By die konferensie in Stockholm sal daar ook boeke verkoop word wat deur PRAAG gepubliseer is.

Ns. Die uitspraak in Beeld deur prof. Sabelo J. Ndlovu-Gatsheni en dr. Everisto Benyera waarna Dan Roodt verwys, verskyn in ‘n artikel met die titel Studente-smeltkroes:

Cecil John Rhodes het nie net kolonialisme en rassisme verteenwoordig nie, maar ook, soos treffend verwoord is deur Njabulo Ndebele, skrywer en kanselier van die Universiteit van Johannesburg (UJ), “the uncivilised that is buried ­deeply in the heart of the ­self-proclaimed civilised”.

Die Europeërs se onbeskaafde streep het neerslag gevind in hul gebruik van vuur om biblioteke wat deur ander gebou is, af te brand.

Bedank ‘n onnie!

Die Federasie van Beheerliggame van Suid-Afrikaanse Skole (Fedsas) vra mense om erkenning aan leerkragte te gee.

Dit vorm deel van Wêreldonderwysersdag wat eerskomende Woensdag gevier word. Fedsas se Jaco Deacon sê dié organisasie vier jaarliks die geleentheid op die eerste Vrydag van die vierde skoolkwartaal, omdat dié wêreldviering in die Suid-Afrikaanse skoolvakansie plaasvind.

Hy sê oud en jonk moet vanjaar ‘n blyk van waardering aan hul geliefde onderwysers toon, al is dit via persoonlike kontak, ‘n besoek aan ‘n skool of om selfs ‘n staaltjie op sosiale media te deel. Die tema vir wêreldonderwysersdag is, “Waardeer Onderwysers en Verhoog hul Status.”

Die toon van respek bepaal in ‘n mate die sukses van onderwys in geheel. Dit is veral belangrik in klaskamers. Deacon sê onderwysers wat deur leerlinge gerespekteer word, is meer suksesvol in die klaskamer omdat leerlinge meer ontvanklik is teenoor dié onderwysers.

Die status van leerkragte in ‘n gemeenskap is belangrik omdat dit weer die status van die professie verhoog en ‘n bydrae tot gehalte-onderrig lewer.

Volgens Deacon moet onderwysers bewus wees dat hulle ‘n invloed op leerlinge se toekoms het. Fedsas gaan vanjaar ook veral van sosiale media gebruik maak om bewustheid rondom onderwysers en hul status te skep.

Bron: OFM

Veteraanrestourasie-wenners sluit juniors in

Die eindronde van die eerste enjinrestourasie-uitdaging vir jong mense deur die SA Federasie van Veteraantrekker-en-enjinklubs is by die Ferreira-museum in Bloemfontein beslis.

Die kompetisie het die restourasie van ‘n stilstaande enjin van ouer as 30 jaar behels.

Die kompetisie het vir skoolkinders in ‘n junior afdeling, en seniors, nie ouer as 35 jaar nie, voorsiening gemaak.

Die voorsitter van die Sentrale Vrystaat Veterane-klub, Christo Pieterse, sê dié kompetisie was ‘n poging om jong mense te betrek by die restourasie van enjins met ‘n totale prysgeld van Engen van R150 000.

Hy het gistermiddag aan OFM-nuus verduidelik dat die kompetisie afskop met ‘n werkboek oor die enjin wat gerestoureer moet word.

Die senior afdeling is gewen deur Torsten Löwe van Pretoria met die restourasie van ‘n 1951 Deutz MAH 914, en die junior afdeling is deur Liezel Gouws van Klerksdorp gewen met die restourasie van ‘n 1963 Wolseley-enjin.

Bron: OFM