Kategorie: Suider-Afrika

Suid-Afrikaanse nuus, d.w.s. sowel nuus uit Suid-Afrika én Suider-Afrika.

Oproer aanstaande jaar by Wits aangekondig

‘n Swart woordvoerder van die studenteraad van die Universiteit van die Witwatersrand, David Manabile sê hulle sal wag tot die studente terugkeer ná die vakansie om tot oproer oor te gaan.

Die Universiteit het Maandag aangekondig dat studiegeld aanstaande jaar met agt persent verhoog word.

Manabile sê hulle verwag onrus en massaoptrede omdat die studente ontevrede sal wees oor die verhoging in universiteitsgeld, maar het nie kommentaar gelewer oor die openlike aanhitsing deur sekere partye nie.

Die sogenaamde massaoptrede by tersiêre instellings gaan byna sonder uitsondering gepaard met brandstigting, saakbeskadiging en geweld.

Hy sê hulle wag net vir ‘n mandaat om verdere ontwrigtende aksies teen die instelling van stapel te stuur.

Die Universiteit sê die verhoging is in ooreenstemming met die minister van hoër onderwys se riglyn en is noodsaaklik om finansiële volhoubaarheid te verseker.

Petrolprys daal, maar voordeel gaan aan joggies, handelaars

Die petrolprys daal van eerskomende Woensdag af met 20 sent per liter, en sal voortaan R12,37 aan die kus en R12,85 in die binneland kos. Maar volgens die ekonoom Cees Bruggemans, moes die prys eintlik met 40 sent gedaal het. Die grootste deel van die voordeel word egter nie aan die verbruiker deurgegee nie, maar aan petroljoggies wat ‘n salarisverhoging van 10% ontvang het, asook aan handelaars en groothandelaars wat voortaan ‘n groter wins vanaf motoriste sal verhaal.

Bruggemans het vanoggend getwiet:

Die prys van petroleumgas sal met 17 sent per kilogram daal.

Die grootste deel van die daling kan aan die swakker internasionale olieprys toegeskryf word, en nie aan die sterker rand van die afgelope paar dae nie. Die rand het teen die dollar en vernaamste geldeenhede versterk toe dit bekend geraak het dat Suid-Afrika se staatskuld nie dadelik tot rommelstatus deur Standard & Poor verlaag gaan word nie.

Benewens die salarisverhoging aan petroljoggies van 10% — in alle ontwikkelde lande gooi motoriste self petrol in en dus is petroljoggies eintlik ‘n oorbodige luukse in Suid-Afrika — gaan vulstasie-eienaars 4,9 sent per liter meer aan winsmarge ontvang. Groothandelaars verkry egter die leeue-aandeel met ‘n verhoging van 15,2 sent per liter petrol en 5,9 sent per liter diesel.

Swaar gewapende vulstasie-rowers gesoek

Die polisie op Parys soek na vyf swart swaar gewapende verdagtes wat vermoedelik hierdie week by twee vulstasies op die N1-snelweg buite die dorp toegeslaan het.

Polisiewoordvoerder Sinah Mpakane sê twee van die mans, altwee met vuurwapens, het vermoedelik Vrydag tussen 02:00 en 02:15 by die eerste winkel van die vulstasie ingestorm en die werknemers gedreig om na die agterkant van die winkel te gaan.

Sy sê vyftien minute later is presies dieselfde modus operandi gevolg toe die booswigte by die tweede vulstasie, net oorkant die pad, toegeslaan het.

Mpakane sê die booswigte het toegang tot draagbare kluise gekry by altwee winkels en met ‘n onbekende bedrag geld op die vlug geslaan.

“Die twee rowers wat in die winkel ingekom het, was onderskeidelik gewapen met ‘n haelgeweer en pistool. Niemand is beseer nie en hulle het met ‘n silwer Mercedes Benz sonder nommerplate op die vlug geslaan. Die ondersoek duur voort,” sê Mpakane.

Bron: OFM

Sewe swart verdagtes vas vir steekmoord

Sewe swart verdagtes, tussen die ouderdomme van 17 en 29 jaar, sal na verwagting môre in die Bloemfonteinse Landdroshof verskyn ná die wrede moord op ‘n 45-jarige man vandeesweek.

Polisiewoordvoerder, Sinah Mpakane, sê die vrou van die vemoorde Whittey Jameson het Maandag om 20:00 van die werk af by hul huis in Bloemspruit aangekom en op die lyk van haar man afgekom.

Jameson se lyk was vol steekwonde en hy was reeds oorlede volgens Mpakane. Sy sê Jameson se klere, skoene, selfoon, skootrekenaar, en tablet is in die proses gesteel.

Mpakane sê die booswigte is Vrydag by Bloemspruit vasgetrek, steeds in besit van die gesteelde goedere.

Die verdagtes sal na verwagting môre in die hof op klagtes van moord, die besit van gesteelde goedere en gewapende roof verskyn.

Bron: OFM

Hof verbied swart pastoor om sy gemeentelede met ‘Doom’ te bespuit

‘n Swart Suid-Afrikaanse pastoor wat sy gemeentelede met “Doom” bespuit het om hulle op bonatuurlike wyse van hul siektes te genees, is deur die hof verbied om daarmee voort te gaan, hangende ‘n hofsaak wat aanstaande maand in Limpopo aangehoor sal word.

Lethebo Rabalago het nasionale en internasionale bekendheid verwerf met sy onortodokse genesing van gemeentelede, wat nietemin nie veel verskil van metodes wat toordokters met die volle ondersteuning van die parlement elders in die land aanwend nie.

Volgens ‘n radio-onderhoud het Rabalago gesê dat God modder, speeksel en “selfs giftige dinge kan gebruik om mense te verlos”.

Derick Kganyago, ‘n woordvoerder van Limpopo se departement van gesondheid, het gesê dat die provinsiale regering ‘n hofbevel teen Rabalago verkry het “totdat hy in Januarie in die hof verskyn. Doom is nie geskik vir menslike gebruik nie.”

In 2014 het ‘n ander swart Suid-Afrikaanse lekeprediker in Pretoria dosyne lede van sy gemeente aangemoedig om gras te eet om gesond te word. In 2015 het dieselfde swart predikant sy gemeentelede aangesê om petrol te drink aangesien dit hulle van kwale sal genees.

In dié stadium het ‘n TV-kanaal berig dat gemeentelede wat petrol gedrink het, gesien is waar hulle flou word of op die vloer rondrol met simptome van naarheid.

ANC se ‘Castro-besingende’ SANW laat soldate sonder kos

Suid-Afrika se huidige weermag, wat meesal deur oud-Umkhonto-offisiere gelei word, het ‘n hofsaak vermy deur noodrantsoene voedsel aan drie weermagbasisse te verskaf waar soldate begin honger ly het.

Die Suid-Afrikaanse Nasionale Weermag-vakbond het die weermag tot Woensdag tyd gegee om sy versoek terug te trek dat soldate in Zeerust, Middelburg en Mafikeng huis toe gestuur word omdat hul kos opgeraak het.

Ter elfder ure het die twee partye in die hofaansoek egter ‘n ooreenkoms bereik met die SANW wat besluit het om voedselvoorrade aan die betrokke basisse te stuur.

Die sekretaris van die SANW-vakbond, Pikkie Greeff, het Dinsdag ‘n afskrif van ‘n finale aanmaning aan die weermag op sy Twitter geplaas. Die brief is aan die minister van verdediging en militêre veterane, Nosiviwe Mapisa-Nqakula, asook aan die weermaghoof genl. Solly Shoke, die verdedigingsekretaris, Sam Gulube en bevelvoerders van die betrokke basisse gestuur.

Woensdag het Greeff verklaar dat die vakbond se regslui besig was om met die weermag te onderhandel om die kwessie op te los, hangende ‘n hofaansoek wou sou volg.

Hy het egter later getwiet:

In die aanmaningsbrief sê die vakbond dat die SANW verplig is om “afdoende rantsoene” aan die betrokke soldate te verskaf.

In ‘n verdere twiet het Greeff die ANC-bewind kwalik geneem dat hulle Kuba toe vlieg om hulde aan Fidel Castro te bring, maar nie na hul eie soldate omsien nie.

Politieke partye striem SAUK-raadsvoorsitter

Die hoofswepe van die ANC en die DA het ‘n striemende aanval gedoen op die SAUK-raadsvoorsitter, Mbulaheni Maghuve se regsverteenwoordiger en sy hofaansoek teen die ad hoc-komitee wat die SAUK moet ondersoek. Maghuve doen aansoek dat die werksaamhede van die komitee opgeskort word weens beweerde vooroordeel. Die DA se hoofsweep, John Steenhuisen het in ‘n vergadering van die parlement se programkomitee gesê die gehalte van die hofstukke is skokkend. Steenhuisen sê daar kan nie ‘n situasie wees waar eksterne partye aan die parlement wil voorskryf hoe en wanneer hulle aanspreeklik gehou kan word nie.

Die ANC se hoofsweep, Jackson Mthembu sê die hofaansoek deur Maghuve is ligsinnig en dat die komitee moes voortgaan met die ondersoek na die SAUK, hangende die uitspraak in die hofaansoek. Mthembu sê hy kan nie sien dat die aansoek sal slaag nie. Hy het gevra dat parlementêre prosesse in die toekoms nie deur flou hofaansoeke vertraag word nie. – RSG en ander bronne

Ramaphosa, Media24 bring hulde aan kommunistiese Fidel Castro

Sowel Media24 as Cyril Ramaphosa, die ANC-politikus wat deur die Suid-Afrikaanse oligargie gesteun word om Zuma te vervang, het gister hulde aan die ontslape Kubaanse leier Fidel Castro gebring. News24, wat deesdae onder redaksie van die linkse Boerehater Adriaan Basson staan, het ‘n lowende berig oor Castro en Ramaphosa se hagiografie aan die kommunistiese revolusionêr geplaas.

Volgens Cyril Ramaphosa het Suid-Afrika behoefte aan “beginselvaste en vreeslose” leiers soos Castro en Nelson Mandela. Hy was diep bedroef om hulde te bring aan “een van die grootste revolusionêre van ons tyd”, het Ramaphosa gesê.

Die linkse hoofstroommedia van Suid-Afrika, waaronder Media24, maar ook die Primedia-groep wat 702 en Hoëveld besit, het die afgelope paar dae gepopel oor die “Kubaanse oorwinning oor Suid-Afrika in Angola en Namibië”, asook “hoe Castro Suid-Afrika (militêr) bevry het”.

Ramaphosa het Castro gister geprys omdat hy “saam met die revolusionêre bewegings in Angola, Namibië en Suid-Afrika gedurende hul bevrydingsoorloë gestaan het”.

Die swart Suid-Afrikaanse sakeman en politikus het ongeveer 1000 mense in Khayalitsha naby Kaapstad toegespreek tydens ‘n huldigingseremonie aan Fidel Castro.

President Jacob Zuma bevind hom tans in Kuba waar hy insgelyks Castro se rol in die ANC se oorwinning oor die Nasionale Party van Suid-Afrika geloof het.

In ‘n bydrae op die Europese webblad Free West Media, stel Karin Bredenkamp van PRAAG egter die prentjie reg in die artikel Fidel Castro’s bitter legacy in Angola.

 

Graderingsagentskappe kondig aanstons SA se status aan

Die eerste van drie internasionale kredietgraderingsagentskappe sal vandag aankondig of Suid-Afrika afgegradeer word of nie.

Moody’s sal vandag sy besluit aankondig, terwyl Standard and Poors op 2 Desember sy verslag oor die land se kredietgradering vrystel.

Moody’s gradeer Suid-Afrika tans op twee kerwe bokant rommelstatus.

President Jacob Zuma het Woensdag in die parlement gesê dat die land genoeg gedoen het om aan graderingsagentskappe te wys dat hy ekonomiese groei kan bevorder.

Beleggers sê egter die voortslepende binnegevegte in die ANC kan ‘n kredietafgradering tot gevolg hê.

Die land moet sowat 165 miljoen rand leen weens ‘n begrotingstekort, en die koste van lenings kan verdubbel of verdriedubbel indien die land tot rommelstatus afgegradeer word.

Onderwyser vas wat dwelms smous

Drie swartes, waaronder ‘n onderwyser van Tweespruit in die Vrystaat, sal Maandag na verwagting aansoek doen om borgtog nadat hulle aangekeer is vir dwelmhandel.

Polisiewoordvoerder, Martin Xuma, sê Daniel Molelle, ‘n plaaslike hoërskoolonderwyser, en sy twee makkers, Mojalefa Mosia en Tshokolo Sekwere, het Maandag in die landdroshof op Excelsior verskyn.

Hulle is verlede Vrydag deur die polisie betrap met altesaam 23 Ndanda-pille ter waarde van R1000. Xuma sê die pille weeg 35-gram. Dit is soortgelyk aan Mandrax gemeng met ander dwelms.

Xuma sê gemeenskapslede het inligting aan die polisie verskaf oor mans wat handel met dwelms dryf. Die polisie het ‘n ondersoek begin.

Gemeenskapslede is gevra om die polisie te ontbied wanneer hulle die verdagtes gewaar. Hy sê die polisie het vinnig gereageer nadat inligting ontvang is van ‘n wit Ford Bantam-bakkie wat deur Molelle bestuur is en in die Dawiesville-gebied naby Tweespruit opgemerk is.

Mosia en Sekwere was ook in die bakkie. Hy sê die polisie het toegeslaan oomblikke nadat die bakkie by ‘n adres in die gebied gestop het.

Hy sê daar is op die pille beslag gelê nadat die bakkie deursoek is.

Bron: OFM