praag.co.za

Ramaphosa, Media24 bring hulde aan kommunistiese Fidel Castro

Written by

praag

in

, ,

Sowel Media24 as Cyril Ramaphosa, die ANC-politikus wat deur die Suid-Afrikaanse oligargie gesteun word om Zuma te vervang, het gister hulde aan die ontslape Kubaanse leier Fidel Castro gebring. News24, wat deesdae onder redaksie van die linkse Boerehater Adriaan Basson staan, het ‘n lowende berig oor Castro en Ramaphosa se hagiografie aan die kommunistiese revolusionêr geplaas.

Volgens Cyril Ramaphosa het Suid-Afrika behoefte aan “beginselvaste en vreeslose” leiers soos Castro en Nelson Mandela. Hy was diep bedroef om hulde te bring aan “een van die grootste revolusionêre van ons tyd”, het Ramaphosa gesê.

Die linkse hoofstroommedia van Suid-Afrika, waaronder Media24, maar ook die Primedia-groep wat 702 en Hoëveld besit, het die afgelope paar dae gepopel oor die “Kubaanse oorwinning oor Suid-Afrika in Angola en Namibië”, asook “hoe Castro Suid-Afrika (militêr) bevry het”.

Ramaphosa het Castro gister geprys omdat hy “saam met die revolusionêre bewegings in Angola, Namibië en Suid-Afrika gedurende hul bevrydingsoorloë gestaan het”.

Die swart Suid-Afrikaanse sakeman en politikus het ongeveer 1000 mense in Khayalitsha naby Kaapstad toegespreek tydens ‘n huldigingseremonie aan Fidel Castro.

President Jacob Zuma bevind hom tans in Kuba waar hy insgelyks Castro se rol in die ANC se oorwinning oor die Nasionale Party van Suid-Afrika geloof het.

In ‘n bydrae op die Europese webblad Free West Media, stel Karin Bredenkamp van PRAAG egter die prentjie reg in die artikel Fidel Castro’s bitter legacy in Angola.

 

Comments

6 responses to “Ramaphosa, Media24 bring hulde aan kommunistiese Fidel Castro”

  1. Ou Transvaal Avatar
    Ou Transvaal

    Op alle fotos lyk Kuba net soos ‘n korupte bankrot Afrika land……seker van daar die danigheid met mekaar ….ek hoor die land ruik ook soos Puinland , na die ene ontlasting.

  2. Rooikop Avatar
    Rooikop

    Nog ‘n voorbeeld van Jakkals prys sy eie stert. Castro was ‘n diktator wat sy mense uitgebuit het en GEEN teenstand geduld het nie. Diegene wat hom prys ly miskien aan Stockholmsindroom en die feit dat hy ‘n vark was verswyg almal nou. Ek lees elders dat hy sowat $900m sterk staan terwyl andere in sy land krepeer van ellende – wel dit is mos wat kommunisme beteken almal is ewe arm behalwe die leiers aan wie als behoort. Dit pas so mooi in by die hele afrikakultuur waar die hoofman als besit en die res van die mense soos slawe behandel word. Net die fisies sterkste een wat die (ver)leier kan verslaan neem dan sy plek oor as dit nie sy nasate is nie. Dis seker hoekom hulle so mal is oor hom, hy het dieselfde opgetree as die afrikadenkraamwerk.

    1. Mattewis Kat Avatar
      Mattewis Kat

      Diegene wat hom prys, netsoos goedkoop prostitute, ly bloot net aan doen-enige-iets-vir-geld sindroom. As die geld reg is, is beide die ANC en broederbond bereid om te spring. Hulle is nou ‘n alliansie en dus praat hulle uit dieselfde mond. Hoekom is dit vir mense vreemd dat Koos Bekker en Cyril Ramaposa dieselfde lofpsalm sing?

      1. Rooikop Avatar
        Rooikop

        So waar.

  3. Ciska Avatar
    Ciska

    http://www.dailymail.co.uk/news/article-3984170/KATIE-HOPKINS-came-Cuba-commie-hater-ready-bury-Castro-ended-praising-dictator-people-ways-freer-are.html?ito=email_share_article-bottom

    Gaan lees wat sê Katie Hopkins in die dailymail.co.uk, dan kom jy agter hoe erg die lewe in Kuba vir daardie mense is. Daardie gogga het in “the lap of luxury” geleef (skatryk gesteel – soos hier – hoerhuise met wit blonde vroue, die beste kos en drank), terwyl sy mense in lang rye staan vir basisiese benodighede (brood / melk). Hy het al die Kubane “dom” gehou, gin wonder die Kubane in Florida het hom gehaat nie. Is dit nie wat die goggas hier by ons wil hê nie – ons almal “dom” hou vir hulle mannewalis nie?

  4. Vicky Avatar
    Vicky

    Les: die liberale het geen morele waardes nie, behandel hulle as sulks.

Leave a Reply

More posts