ANC slaan bal mis oor grondsake

“Stille diplomasie jeens Robert Mugabe se grondroof en versuim om die breë publiek in te lig oor die armoedegevolge van die uitdeel van onlewensvatbare lappies grond in ‘n marginale landbouland, eerder as grondpryse moet die skuld kry vir die regering se dilemma met grondhervorming.

“Terwyl die regering steeds volhou met sy stelling dat hy lewensvatbare kleinboere wil vestig, verstrengel probleme binne die Departement van Grondsake die grondhervormingsproses en word die blaam steeds, te midde van talle bewyse tot die teendeel, op boere geplaas,” aldus ds. Theunis Botha. Leier van die Christen-Demokratiese Party (CDP) en waarnemende voorsitter van die Christen-Demokratise Alliansie (CDA).

Botha het gereageer op ‘n stelling van die minister van landelike ontwikkeling en grondhervorming, Gugile Nkwinti, dat die regering nie die beginsel van vrywillige verkoper, vrywillige koper, kan bekostig nie.

“Boonop verplig die Suid-Afrikaanse grondwet die land om internasionale ooreenkomste te respekteer. Ook die Afrika-Kommissie vir Mense- en Groepregte erken eiendomsreg en dat die billike kompensasie by onteiening betaal moet word.

“Ons stel voor dat die regering eers ‘n behoorlik grondoudit hou, omdat verskeie gesaghebbende studies toon dat die 30 % teiken van swart besit lank reeds bereik is. Die regering se weiering om so ‘n oudit te hou lyk toenemend verdag.”

детские магазиныАлександр Фильчаков прокурор

Malema ANC se enigste juweel – Mbalula

Die ANC se omstrede jeugleier, Julius Malema, is die ANC se enigste juweel aangesien dit al is wat die ANC het, en die opposisie nie het nie, en daarom die nydige jaloesie. So het die adjunk-minister van Polisie, Fakile Mbalula, in die debat oor pres. Jacob Zuma se staatsrede gesê.

Mbalula het ook in die bresse getree vir die komende debat binne die ANC oor die nasionalisering van myne, wat deur die ANC se jeugliga op die tafel geplaas is. Volgens Mbalula is die nasionaliseringsbeginsel nie nuut vir die ANC nie. SAPA

Ander nuusstories, kortliks:

Zuma se vriendin kry groot tender onder verdagte omstandighede

Die IVP skree blou moord nadat dit aan die lig gekom het dat ‘n tender vir die voorsiening van verversings aan die KwaZulu-Natalse Wetgewer aan die ma van twee van pres. Jacob Zuma se buite-egtelike kinders toegeken is. Sapa en News 24 berig die tenderbedrag beloop R1,3 miljoen, terwyl IOL die waarde op R3 miljoen stel. Volgens die IVP is die tender toegeken voor die hersieningsperiode van 21 dae verloop het, en dat dit ook nie soos die wet vereis in die staatskoerant geadverteer was nie. Die Wetgewer hou vol dat dit ‘n openbare tenders was en dat meer as 50 voorleggings ontvang is.

Vanjaar 5 biljoen mobiele foongebruikers – VN

Die VN se Internasionale Telekommunikasie-Unie berig dat die wêreld vanjaar sy 5 biljoenste selfoonsubskripsie-intekenaar gaan oplewer. Dit volg na ‘n skerp toename in gebruik van Smart Phones in die ontwikkelde wêreld en mobiele telefone in die ontwikkelende wêreld. Die aantal mobiele breëband-intekenare gaan vanjaar ook die een biljoenkerf verbysteek. AFP

clue board game onlineалександр лобановский класс

Boere se belangrike rol

“Dit is onbillik om van Suid-Afrikaanse kommersiële boere te verwag om meer werksgeleenthede te skep en so met landelike ontwikkeling te help as hulle geen sekerheid oor hulle toekoms het nie,” het dr. Pieter Mulder, VF Plus-leier en adjunkminister van Landbou, Bosbou en Visserye in die Parlementêre debat oor president Zuma se staatsrede gesê.

Landelike ontwikkeling is met reg een van die prioriteite van die regering. “In my kontak die afgelope nege maande met landbouers dwarsdeur die land, besef hulle die belangrikheid hiervan en bied hulle hulle hulp aan. Die kommersiële boere vra egter aan my hoe hulle meer werksgeleenthede kan skep en hulle boerdery kan uitbrei as hulle na vyftien jaar steeds nie seker is of hulle hul grond gaan behou nie,” volgens dr. Mulder.

“Daar heers ook groot onsekerheid oor veiligheid op die platteland met die groot aantal plaasmoorde. Waarom kan moorde op plase nie as afsonderlike polisie-statistiek gegee word nie? Die boerderygemeenskap aanvaar die rede is dat plaasmoorde, van wit en swart, nie vir die regering belangrik is nie,” het Mulder gesê.

Dr. Mulder het ook na die twintig Afrikastate verwys wat allerlei aanloklike aanbiedinge maak om Suid-Afrikaanse kommersiële boere te kry om by hulle te kom boer. Dit gee ‘n aanduiding van die groot waarde wat in die res van Afrika aan Suid-Afrikaanse kommersiële boere geheg word.

online casino euДанильченко Юрий Брониславович компромат

Zille sê nasionalisering geniet nie steun

Helen Zille, DA-leier, het tydens ’n mediakonferensie by die parlement teen die nasionalisering van die myne gewaarsku.

Volgens haar is nasionalisering van die myne nie ‘n kwessie wat enige steun in die kabinet geniet nie.

Sy het ook gesê dit kan Suid-Afrika 10 jaar terugsit. “Ons het uit die semi-staatsinstellings geleer dat dit nie baie doeltreffend is nie. Die laaste ding wat ons wil hê, is om nóg tien jaar te verloor deur hulpbronne in ondoeltreffende, yslike staatsondernemings te stort.

“Dit kan hulpbronne wegneem van produktiewe beleggingsbesteding wat aansporings en meer ekonomiese aktiwiteit kan skep.

Sy het gesê dit is die verkeerde soort debat en ‘n mors van tyd.

Die grootste struikelblok in ekonomiese ontwikkeling is volgens die DA-leier is nie die eienaarskap van myne nie, maar die gebrek aan vaardighede in die onderwysstelsel.

046-1 бланкпрокурор харьковской области

Business Express onder klippe gesteek

“Die feit dat die Business Express tussen Pretoria en Johannesburg vanoggend met klippe bestook is, plaas die veiligheid van passasiers op die trein onder verdenking,” sê mnr. Jaco Mulder, VF Plus-LPW vir Gauteng.

Volgens me. Christel Liebenberg, kantoorbestuurder van die VF Plus in die Gauteng Wetgewer, was sy ‘n passasier op die trein wat vanoggend net voor 06:00 vanuit Centurion na Johannesburg vertrek het.  Die trein het naby Tembisa gaan staan, vermoedelik vanweë ‘n kragonderbreking wat vermoedelik verband hou met kabeldiefstal in die Kaalfontein/Kemptonpark-omgewing.  Die passasiers moes oorklim op ‘n ander Business Express wat kort na sy vertrek onder die klippe gesteek is deur mense langs die treinspoor en ook vanuit ‘n stilstaande Metrotrein.

Volgens me. Liebenberg is van die vensters stukkend gegooi en het glasskerwe deur die trein getrek, waarop passasiers gillend skuiling op die vloer van die trein gesoek het. Talle passasiers, waaronder vroue en kinders, is erg getraumatiseer deur die voorval veral omdat dit vantevore ook plaasgevind het.

“Indien die regering nie die veiligheid van passasiers op openbare vervoerstelsels kan waarborg nie, is dit ook gedoem tot mislukking en sal daar van die Gautrein ook niks kom nie.  Voorvalle soos dié kan die Wêreldbekersokker versuur terwyl daar reeds ‘n vraag bestaan oor die veiligheid van toeriste,” het Mulder bygevoeg.

Volgens Mulder is die regering se onvermoë om diens te kan lewer toenemend besig om tot publieke opstand te lei. “Die VF Plus eis dat die regering hul veiligheidsmaatreëls op openbare vervoerstelsels onmiddellik opskerp.”

мозаикалобановский супермаркет класс

‘Sokkersentrum in Braamfontein beslis geroof’

Nadat PRAAG Vrydag ‘n berig geplaas het oor die YMCA in Braamfontein wat deur ‘n groep van ongeveer 25 gewapende mans beroof is, het FIFA, die internasionale sokkerfederasie ontken dat dié rooftog hoegenaamd met die Wêreldsokkerbeker verband hou.

Ook die dagblad Beeld het dit as ‘n “internetgerug” afgemaak wat boonop “vals” is. PRAAG het intussen die feite met ons bron gekontroleer en kan bevestig dat die rooftog in Braamfontein wel met die Wêreldbeker verband hou, maar dat FIFA nog nie amptelik die bestuur van die YMCA-gebou oorgeneem het nie.

Die YMCA-gebou in Smitstraat, Braamfontein, is egter wel geoormerk om 700 tot 900 internasionale joernaliste te huisves wat die sokker kom dek. Nie net sou hulle daar teen billike tariewe akkomodasie ontvang nie, maar daar is ook ‘n kommunikasiesentrum vir hulle ingerig met die nodige rekenaars, monitors, redigeerbanke en ander elektroniese toerusting om hulle in staat te stel om hul berigte wêreldwyd te versend. Dit is juis hierdie toerusting wat Vrydagoggend geroof is.

Saaknr. 731/02/2010 is by die Hillbrowse polisiestasie in Johannesburg aangemeld, waarin die roof van “boumateriaal” by die YMCA-gebou en die aanhouding van veiligheidswagte met messe en vuurwapens ter sprake is. Die “boumateriaal” is egter die elektroniese toerusting wat vir die sokkerjoernaliste bestem was.

Volgens ons bron, wat nie sy naam of posisie genoem wil hê nie, uit vrees “dat hy sy werk sal verloor”, was kontrakteurs besig om die toerusting op bestelling in die YMCA-gebou te installeer toe dit geroof is. Eers wanneer die gebou en die installasie voltooi sou wees, sou die plaaslike reëlingskomitee van die sokkerwêreldbeker dit amptelik aan FIFA oorhandig.

Die feit dat die YMCA-gebou, hoewel bestem vir sokkerjoernaliste, nog nie amptelik onder beheer van FIFA verkeer het nie, word nou gebruik om te ontken dat daar hoegenaamd ‘n sokkerverwante rooftog plaasgevind het. Indien Sep Blatter buite sy hotel op straat beroof word, kan ‘n mens seker argumenteer dat hy in sy persoonlike hoedanigheid beroof is en dat FIFA dus nie amptelik by die voorval betrokke was nie. Die rooftog word gesien as “maar net nog ‘n rooftog” wat in Johannesburg op ‘n daaglikse basis plaasvind en het geen “amptelike verband” met die sokker nie. Die feit dat ‘n sentrum vir sokkerjoernaliste egter van kommunikasietoerusting beroof word nog vóór voltooiing en alvorens die joernaliste nog in die land is, spreek egter boekdele oor die veiligheidsituasie in die land.

Volgens die anonieme woordvoerder, sal “van die kommunikasietoerusting moeilik op die plaaslike mark verkoop kan word, aangesien die rooftog aangemeld is, maar sal waarskynlik elders in Afrika ‘n tuiste vind”.

treasures of egyptОлександр Васильович Фільчаков

Berig op PRAAG ‘vals’ volgens Beeld

Die berig op praag.co.za dat Fifa se kommunikasiesentrum in Braamfontein, Johannesburg, beroof is, is volgens Beeld vals.

Delia Fischer, Fifa-woordvoerder in Suid-Afrika, het Sondag gesê die wêreldsokkerbeheerliggaam het geen sentrum in Braamfontein nie.

Volgens kapt. Bheki Mavundla, polisiewoordvoerder, is ’n sakerooftog egter wel Vrydag by die Hillbrowpolisiekantoor aangemeld.

Dr. Dan Roodt van Praag het op die groep se webwerf geskryf “al die groot mediagroepe” het blykbaar “ooreenkomste” met Fifa onderteken.

Lees die volledige berig hier.

справки 086улобановский александр компромат

Kommunikasiesentrum 2010 gestroop

Tot die verleentheid van Sepp Blatter en FIFA, het die 2010-kommunikasiesentrum vir 900 joernaliste in Braamfontein, Johannesburg vanmôre omstreeks 9-uur onder ‘n grootskaalse rooftog deurgeloop. Kommunikasie- en videotoerusting van etlike miljoene rande is gebuit.

FIFA se Blatter, wat reeds by herhaling plaaslike waarskuwings oor misdaad en gebrekkige polisiëring as blote “rassisme” afgemaak het, het gister nog TV-advertensies oor “Madiba” laat uitsaai. Die uitsaaisentrum in Smitstraat, Braamfontein, wat in die ou gebou van die YMCA ingerig word, was nog nie gereed nie en kontrakteurs was nog besig om aan die toerusting te werk. ‘n Groep swaar gewapende mans het hulle aangehou en groot hoeveelhede waardevolle kommunikasietoerusting is weggery.

Veiligheidswagte is met vuurwapens oorval en aangesê om met hul gesigte op die grond te lê terwyl die gebou gestroop is. ‘n Woordvoerder het die operasie as “militêr van aard” beskryf. Sommige items wat geroof is, was so groot dat “vyf groot mans” nodig was om dit uit te dra. Die rooftog moes heelwat beplanning en organisasie geverg het, wat toon dat georganiseerde misdaad die sokkerwêreldbeker as ‘n meevaller beskou waarvan sommige vrugte nou reeds gepluk word.

Volgens getuies wat in aanhouding verkeer het, was daar ongeveer 20 tot 25 rowers. Voertuie het stilgehou en gery, terwyl ander voertuie weer in aantog was. Satellietskottels, redigeermasjiene, rekenaars en videomonitors is geroof, genoeg om ‘n hele uitsaaistasie te begin.

штукатурные смеси для наружных работАлександр Фильчаков прокурор

VF+ verwelkom skorsing

Die Vryheidsfront Plus verwelkom die skorsing van twee ANC raadslede, waaronder een die Speaker van die Stadsraad van Randfontein is, deur die LUR vir Plaaslike Owerhede mnr. Kgaogelo Lekgoro.

‘n VF Plus raadslid van Randfontein mnr Hennie van Staden, het in Oktober 2009 reeds feite oor ongeruimdhede van die Speaker aan die media bekend gemaak.  Die voormalige speaker me. Setsiba en bekende sakevrou met talle besighede, ondermeer ‘n uitleenskema en klereonderneming, word daarvan beskuldig dat sy, bygestaan deur haar persoonlike assistent,  ondermeer klere, tupperware en handsakke uit haar ampsmotor se kattebak en amptelike kantoor verkoop het.

Rdl. van Staden het verder ook gesê dat me. Setsiba in private hoedanigheid ‘n uitnodiging aanvaar het van die Universiteit van New Jersey en met haar terugkeer R3 000 se reis- en verblyfkoste van die stadsraad geëis het.  “Dit is vreemd dat me. Setsiba se persoonlike assistent nie deur die skorsing geraak word nie.  Ondersoeke blyk dat sy van alles geweet het.  Dalk moet die LUR mnr Lekgoro, weer na die verklarings kyk het van Staden gesê.

 

free slotФильчаков прокурор харьков

Natuurramp dreig met plakkers

ANC-verkiesingsbeloftes van 2003 is besig om ‘n natuurramp te veroorsaak. So sê me Hannelie Snyman, VF Plus raadslid en die party se woordvoerder oor Omgewingsake aan die Wesrand.

Die Selapatse-plakkerskamp wat deur die ANC aangemoedig is om uiteindelik as dorpsgebied proklameer te word, is op gevaarlike geologiese verskuiwings gevestig wat sinkgatvorming aanhelp.  Politieke druk rondom die 2004 verkiesing het die ANC genoodsaak om van hul plan af te sien, maar die mense het reeds begin om hul plakkershutte daar op te rig.

Die Munisipaliteit van Mogale City het onderneem om nie die uitbreiding van die plakkerskampe toe te laat nie maar meer as 25 000 mense woon reeds in die kamp met gevestigde kerke en kleuterskole.

Die plakkerskamp is op die Oaktree-formasie van die Zwartkrans dolomietiese kompartement geleë waar die grond uiters poreus is en puttoilette en menslike afval watertafels besoedel. Khutsong, Tarlton en groot gedeeltes van die Wieg van die Mensdom word hierdeur geraak en volgens die Munisipaliteit van Merafong City is twee nuwe sinkgate verlede week aangemeld in Khutsong.  Die bekende Blyvooruitsig-sinkgat is op dieselfde geologiese formasie geleë. Die sinkgat op die pad tussen Carltonville en Ventersdorp is na drie jaar nog nie herstel nie.

Die VF Plus waarsku mynhuise en die owerhede gereeld teen die onverantwoordelike besoedeling van die omgewing.  Die VF Plus hou die ANC-regering verantwoordelik vir die onomkeerbare gevolge hiervan.

полиграфлобановский харьков класс