Kategorie: Nuus

Oostenrykse FPÖ teken samewerkingsooreenkoms met Poetin

Die Oostenrykse FPÖ het ‘n samewerkingsooreenkoms met president Vladimir Poetin onderteken tydens ‘n Moskou besoek aan die Verenigde Rusland party.

Dit is bevestig deur die Frankfurtse voorsitter van die FPÖ, Detlef Wimmer. Die verdrag is onderteken in die teenwoordigheid van FPÖ se hoof Heinz-Christian Strache, president Norbert Hofer, vise-burgemeester Johann Gudenus, en adjunk Harald Vilimsky Maandag in Moskou.

Die ondertekening van die samewerkingsooreenkoms met Rusland het ‘n groot politieke storm in Oostenryk veroorsaak.

Sondagaand, het ‘n joernalis Claus Pandy die inhoud van die ooreenkoms op Twitter vrygestel. Die twee partye, onder andere, onderneem om “gereeld te skakel deur afvaardigings op verskeie vlakke” en ook “te organiseer vir die uitruil van ondervinding in wetgewende aktiwiteite”. Ook op die gebied van “besigheid, handel en belegging”, het die twee hul wedersydse ondersteuning uitgespreek.

‘n Stortvloed van kritiek het losgebars ​​van die SPÖ, ÖVP en die Groenes. Die SPÖ se President Georg Niedermühlbichler het gesê: “Dit is duidelik dat die koue in Moskou na die here se koppe toe gegaan het.”

ÖVP se uitvoerende hoof Reinhold Mitterlehner het gesê dat op ‘n tyd wanneer die wêreld na Moskou gaan “as gevolg van die gebeure in die Siriese stad Aleppo”, is die reis na die Russiese hoofstad “absoluut onaanvaarbaar” en “ongelooflik onsensitief”.

Die Groenes was buite hulself oor die reis na Moskou. Hulle beskryf die reis as “‘n hernude teken van Europese antagonisme”. Groen-guru Eva Glawischnig was boos na die aankondiging: “Net twee weke na die Duitse presidensiële verkiesing, is die FPÖ duidelik besig om terug te keer na sy anti-Europese houding.”

Die Groen-LP Karl Öllinger het selfs gepraat van die “vyfde kolom van Poetin in Europa”.

Verkiesing van gekleurde mej. Frankryk lei tot rasse-onmin

Saterdagaand is ‘n 18-jarige kleurling uit Frans-Guyana, Alicia Aylies, as mej. Frankryk aangewys, wat onmiddellik tot verwoede kommentaar op Twitter en ander sosiale media aanleiding gegee het. Nie minder nie as 3 uit die 5 finaliste was van gemengde ras. In ‘n flou poging om polities korrek te wees, het ‘n vorige (blanke) mej. Frankryk uit 2003, Lorphelin Marine, getwiet: “Asemrowende jong vroue in die finaal. Rasvermenging is ‘n krag!!!! Sterkte julle meisies!!!”

Die Franse woord “métissage” beteken rasvermenging en daar word gewoonlik na kleurlinge as “métis” verwys. Hoewel “mademoiselle” die Franse woord vir “mejuffrou” is, gebruik die Franse die Engelse term “Miss” (wat as “mies” uitgespreek word) vir meisies wat aan ‘n skoonheidskompetisie deelneem. Vandaar dan ook die term “Miss France” vir “Mejuffrou Frankryk”.

Hiermee was die vet egter in die vuur en voorstanders van ‘n tradisionele, blanke Frankryk soos Henry de Lesquen het dit as ‘n “kosmopolitiese bedrogspul” beskryf en bygevoeg: “1. Guyana is nie Frankryk nie. 2. Dis vanpas dat die mejuffrou wat Frankryk verteenwoordig  van Kaukasiese ras moet wees.”

Nog ‘n Fransman, ene Frédéric, het die verkiesing van ‘n jong vrou “van ‘n ander kontinent” (Guyana is wel ‘n oorsese gebied en departement wat aan Frankryk behoort) as ‘n “nasionale vernedering, nogmaals” beskryf en bygevoeg: “Hulle sleep ons identiteit deur die modder.”

Dog aan die teenoorgestelde — linkse — kant van die spektrum het die vreugdevure hoog gebrand. Terwyl behoudende Franse bekommerd is dat hulle deur immigrante uit Afrika en die Midde-Ooste vervang gaan word in ‘n “groot vervanging”, het ‘n swart joernalis van die linkse webblad Buzzfeed, Jennifer Padjemi, getwiet dat die groot vervanging nou in volle swang is: “Die groot vervanging, dis nou. Mej. Frankryk.”

Die blanke sokkerjoernalis Gilles Verdez het verlede jaar toe ‘n blanke meisie as mej. Frankryk aangewys is, getwiet dat dit by implikasie “rassisties” sou wees deur te sê: “Om as mej. Frankryk 2016 verkies te word is dit daarom verkieslik om eerder blank as mooi te wees? #MejMartinique.”

Die blanke meisie wat Verdez verlede jaar “lelik en blank” gevind het, was Iris Mittenaere (foto hier onder).

Iris Mittenaere

Die mej. Martinique wat in 2016 Verdez gunsteling was, heet Morgane Edvige en het onder andere weens haar eksplisiete seksuele twiets ‘n skandaal veroorsaak:

Morgane Edvige

Dié keer is Gilles Verdez egter nie teleurgestel nie en kon hy oor die gekleurde mej. Frankryk twiet:

“#MissFrance Mej Guyana, simbool van Frankryk in haar manjifieke diversiteit, van ‘n Frankryk met soveel emosie, van ‘n versoende Frankryk.”

‘n Toenemende aantal Franse beskou egter nie gekleurdes as “egte Franse” nie en meen dat Frankryk ‘n “blanke, Christelike land” moet wees. Vandaar die huidige polemiek rondom die ras van Mej. Frankryk, wat die verdeeldheid van die land rondom ras, kultuur en godsdiens weerspieël.

Tydens ‘n onderhoud met die sentrumregse koerant, Le Figaro, is die volgende vraag aan die nuwe mej. Frankryk gevra:

“U is ‘n kleurling, is dit vir u ‘n simbool?

Antwoord: “Daar is nie veel swart of kleurlingskoonheidskoninginne nie, dit stel my in staat om te toon dat Frankryk oor ‘n groot mate van diversiteit beskik.”

 

Duterte spog dat hy self kriminele dood

Die Filippynse president, Rodrigo Duterte, sê hy het persoonlik vermeende kriminele doodgemaak toe hy burgemeester van ‘n stad in die suide van die Filippyne was om ‘n voorbeeld vir die polisie te stel.

Hy het hierdie opmerkings gemaak toe hy sakelui oor sy veldtog teen onwettige dwelms toegespreek het. Die veldtog het tot die dood van duisende mense deur die polisie en ongeïdentifiseerde aanvallers gelei sedert Duterte op 30 Junie vanjaar president geword het.

“Ek het in Davao met ‘n motorfiets rondgery en die strate gepatrolleer en amok gemaak. Ek het regtig konfrontasie gesoek sodat ek mense kon doodmaak,” het die 71-jarige president gesê.

Menseregte-aktiviste is woedend dat Duterte dwelmhandelaars teiken.

Eiffeltoring in donkerte gehul na ISIS uit Aleppo gerook is

Siriese burgers van die oostelike dele van Aleppo het die strate ingevaar om die oorwinning van hul weermag oor terroriste te vier. Die vieringe word doodgeswyg in die Weste.

Volgens die Russiese woordvoerder van die president, Dmitri Peskof, is daar nog ISIS-terroriste wat burgerlikes as menslike skilde gebruik.

Globaliste probeer propaganda maak oor die vergrype teen burgerlikes en kinders omdat hulle nou uitgerook is na hul inval in Aleppo. Maar daar is geen waarnemers op die grond wat die “gerugte” kan steun nie. Desnieteenstaande word onbevestigde berigte oor “oorlogsmisdade” uitgestuur deur die dooieboommedia.

Die militante soek ‘n uitkomkans, nadat hulle deur die Siriese weermag in ‘n hoek gedruk is. Net drie geboue is oor waar hulle vasgekeer is in die oostelike deel van die stad.

Die vasgekeerdes het ‘n nuwe ontruimingsplan aangekondig om “burgerlikes en beseerdes” uit Aleppo te verwyder nadat hewige gevegte opnuut uitgebreek het.

‘n Bron na-aan die Siriese regering het dit egter ontken en sê die vyandelikhede duur voort nadat die jongste skietstilstandooreenkoms met Turkye wat die ISIS-militante ook ondersteun, klaarblyklik misluk het.

Ingevolge die plan sou die militante Woensdagoggend die ooste van die stad kon verlaat, maar lugaanvalle het opnuut uitgebreek.

Aktiviste sê die liggame van die dooies kan weens die hewige bombardering nie uit die strate verwyder word nie.

Twee militantegroepe hou egter vol dat ‘n nuwe skietstakingsooreenkoms bereik is ná onderhandelings tussen die Russe en die Turkse Rooi Halfmaan – en dat burgers vroeg vanoggend die stad sal begin verlaat.

Die Eiffel-toring in Parys, Frankryk, was Woensdagaand in donkerte gehul, ‘n gebaar van uiters vreemde ondersteuning vir die terroriste in Aleppo in Sirië.

Die linkse burgemeester, Anne Hidalgo sê daar is besluit om die Eiffel se ligte af te skakel om die aandag te vestig op die “onhoudbare situasie” in die stad “waar die ontruimingsplanne vertraag word”, maar eintlik is die Sosialiste se proksiemagte besig om uitgeroei te word.

Ondersteuners van ISIS in Parys het selfs aan ‘n protesoptrede by die Eiffel-toring deelgeneem en rooi klere gedra wat die bloedvergieting in Sirië wat hulle veroorsaak het, te probeer voorhou as die werk van president Assad.

Die Franse Sosialiste se regime-veranderingsplanne met buitelandse proksies onder die die vlag van ISIS in Sirië, het intussen klaaglik misluk.

Bedags is die Eiffeltoring is digte besoedelingsmis gehul.

Die uittredende sekretaris-generaal van die Verenigde Nasies, Ban Ki-moon, het ook die toestand in Aleppo veroordeel, maar darem bygevoeg dat die gerugte oor vergrype onbevestig is. In Westerse hoofstede, het globaliste dit egter as feite voorgehou.

Die voormalige Portugese eerste minister Antonio Guterres, is intussen Maandag as sekretaris-generaal van die Verenigde Nasies beëdig.

Hy is die negende VN-hoof in die liggaam se 71-jarige bestaan. Hy neem op 1 Januarie die leisels by Ban Ki-moon oor.

Die aanwys van ‘n nuwe sekretaris-generaal is in die verlede agter geslote deure deur ‘n paar magtige lande gedoen. Vanjaar het die proses egter openbare besprekings behels met elk van die 13 kandidate wat om die pos meegeding het, maar die sogenaamde “deursigtigheid” is ‘n foefie.

Na verwagting sal die oud-kommunis Guterres ‘n groter skoothondjie wees as sy voorganger.

Ban het twee termyne van vyf jaar gedien

Londen, Parys ervaar groot druk om terreur te bekamp

Die polisie het Maandag ses mense aangekeer in klopjagte wat verband hou met die bekamping van terrorisme in sentraal-Engeland en Londen.

Plofstofdeskundiges is later ook ontplooi terwyl die polisie met deursoekings besig was.

Speurders het vier mense in Derby en nog een in Burton upon Trent in sentraal-Engeland aangekeer.

‘n Vrou wat daarvan verdink is dat sy besig was om vir ‘n terroristedaad voor te berei, is in Londen in hegtenis geneem.

In Frankryk is die bestaande noodtoestand weer verleng tot na die presidentsverkiesing wat in Mei beslis sal word.

Die toenemende kommer oor die kulturele antagonisme het Frankryk se parlement vroeg Woensdag genoop om te stem vir die uitbreiding van ‘n nasionale noodtoestand tot 15 Julie, ná volgende jaar se verkiesings. Die oornagstem in die Nasionale Vergadering is deur ‘n reuse 288-32 aanvaar.

Slegs die ver-linkses en groenes het teen die verlenging van sekuriteitsmaatreëls gestem.

Die nuwe Minister van Binnelandse Sake Bruno Le Roux, het beklemtoon voor die stemmery dat Frankryk “‘n uiters hoë” risiko van ‘n terroriste-aanval in die gesig staar. Sedert die laaste massamoorde het Le Roux opgemerk dat hulle reeds “meer as 13 terreuraanvalle, wat sowat 30 individue insluit” gefnuik het.

Dit sal die vyfde uitbreiding van die noodtoestand wees, ook genoem Vigipirate. Dit gee die aan die polisie uitgebreide bevoegdhede wat deursoeking en arrestasie betref.

Amerika verwag rentekoersverhoging vandag met Dow naby 20 000 ondanks/danksy Trump

Nie net het die wêreld se links-liberale hoofstroommedia voorspel dat Donald Trump loshande die Amerikaanse presidentsverkiesing sou verloor nie, maar ook dat daar ‘n finansiële ineenstorting sou plaasvind indien so ‘n hoogs onwaarskynlike gebeurtenis ooit sou plaasvind. Wel, die onwaarskynlike — volgens hulle — het toe op 8 November plaasgevind. Erger: pleks van ‘n ineenstorting op Amerikaanse finansiële markte, het die beurse tot gister vir 17 dae agtereenvolgens nuwe rekords opgestel en  het die Dow Jones-indeks van die grootste 30 nywerheidsaandele gisteraand ‘n nuwe rekord net onder die towervlak van 20 000 behaal.

Janet Yellen

Van gister af vergader die Amerikaanse Federale Reserwebank se FOMC (Federal Open Market Committee) onder voorsitterskap van mev. Janet Yellen egter. Na alle verwagting gaan die FOMC vandag aankondig dat Amerikaanse rentekoerse van hul huidige vlak van 0,5% tot 0,75% verhoog word. Dit verwys na die vlak van lenings tussen banke oftewel die sogenaamde “Fed Funds”-koers, wat weer die ander koerse soos die primakoers bepaal. Dit klink nie na veel nie, maar aangesien sommige ontwikkelde lande soos Switserland en Swede tans met negatiewe rentekoerse en deflasie worstel, asook 0% in die eurogebied, kan dit die Amerikaanse dollar ‘n verdere hupstoot gee.

Die aandelemarkte in die VSA kan selfs verdere rekordhoogtepunte bereik aangesien die markte reeds die rentekoersverhoging verdiskonteer het en daar uitgesien word na verdere ekonomiese groei in die VSA.

Uitwerking op Suid-Afrika

Oor die algemeen is ‘n styging in Amerikaanse rentekoerse en ‘n sterk dollar nie goed vir Suid-Afrika nie. Die rand mag dalk van hier af aan teen die dollar verswak wat ingevoerde goedere waarvan die pryse meesal in dollar bepaal word — soos ru-olie — duurder sal maak. Dit mag ook ‘n negatiewe uitwerking op plaaslike kapitaalmarkte hê soos wat internasionale beleggers hul fondse eerder in die VSA belê en uit Suid-Afrika onttrek. ‘n Groot aantrekkingskrag tot dusver vir buitelandse beleggers was die relatief hoë opbrengste wat Suid-Afrikaanse staatseffekte betaal, teenoor hul Amerikaanse en Europese eweknieë.

Die sterker dollar sal Suid-Afrika tref op dieselfde tydstip as wat die land reeds sukkel met ‘n dreigende verlaging van sy skuldgradering deur Moody en Standard & Poor. Dit kan die land verder in ‘n toestand van “stagflasie” laat, met min vraag in die ekonomie, maar stygende pryse weens ‘n swak geldeenheid.

Ontleders sal egter mev. Yellen se perskonferensie na afloop van die vergadering fyn dophou vir enige wenke oor die verdere verloop van Amerika se siklus van rentekoersverhogings wat hiermee aanbreek. Afhangend van haar kommentaar, kan beurse verder styg of skielik afwaarts korrigeer, en kan die dollar sy lopie teen die euro, Britse pond, jen en ander geldeenhede voortsit, aldan nie.

Tot dusver het mnr. Donald Trump se verkiesing ‘n positiewe uitwerking op die markte gehad, in weerwil van al die swartgallige praatjies deur die media. Sommige sê dat die markte styg, danksy Trump want hy het immers meer poste en die beskerming van Amerika se handelsbelange belowe. Mev. Yellen is egter ‘n vyand van mnr. Trump en ‘n Clinton-ondersteuner en mag dalk haar mag by die Federale Reserwe begin gebruik om sy kaarte deurmekaar te krap.

Israel stel omstrede ‘verkragter-rabbi’ by weermag aan

Israel het Eyal Karim aangestel as die Israeliese weermag se hoofrabbi, ten spyte van sy siening dat Israeliese soldate nie-Joodse vroue kan verkrag.

Vandeesweek het brig. Gen. Eyal Karim sy posisie in die Israeliese weermag amptelik aanvaar.

In 2003 het Karim in ‘n rubriek genaamd “Vra die Rabbi” by Kipa.co.il, ‘n gewilde Hebreeuse webwerf vir godsdienstige Jode aangebied, en op ‘n vraag oor verkragting in tye van oorlog gesê:

“Is dit deesdae toegelaat vir ‘n IDF [Israeliese weermag] soldaat, byvoorbeeld, verkragting van meisies tydens oorlog, of is so iets verbied?” is Karim gevra. Hy het geantwoord: “Selfs al is omgang met ‘n nie-Joodse vrou ‘n baie ernstige saak, is dit toelaatbaar tydens oorlog … die Torah laat toe dat die individu sy bose drang bevredig.”

Karim, ‘n voormalige spesiale magte bevelvoerder, is ‘n rabbi wat spesialiseer in halakka-dilemmas. Halakka verteenwoordig die liggaam van Joodse godsdienstige wette wat die staat van Israel rig.

Karim se inswering by die IDF se hoofkwartier in Tel Aviv is bygewoon deur Stafhoof Gadi Eisenkot, het die Amerikaanse Herald Tribune (AHT) berig.

Eisenkot het Karim tydens die seremonie geprys: “Hy is die mees gepaste en geskikte keuse vir rabbynse gesag in die IDF. Ek het geen twyfel nie.”

Die Israeliese joernalis Yossi Gurvitz het die opmerkings van Karim oor verkragting in Engels in 2012 blootgelê, volgens AHT. In die 972 Magazine, het Gurvitz gesê dat toe hy die militêre opperbevel gevra het om kommentaar te lewer op dié stellings, is hy gedreig deur ‘n leërwoordvoerder en vertel dat sy navraag “die IDF, die staat van Israel en die Joodse geloof nie respekteer nie”.

Hier is ‘n voorbeeld die ander raad van Karim vir soldate, soos Haaretz berig het:

Op ‘n vraag, byvoorbeeld, of terroriste mense is, het hy geantwoord: “Terroriste moet nie as mense behandel word nie, want die reël is dat diegene wat genadig is teenoor die wrede uiteindelik wreed sal wees om die barmhartige te red.” Hy het hulle as “diere” beskryf.

Op ‘n vraag of dit toelaatbaar is om terroriste te behandel “voordat hulle ontplof” (gebaseer op die argument dat hulle Vigs het) het Karim geantwoord: “Terroriste wat beseer is, moet doodgemaak word.”

Kennelik het die man geen agtig vir die Geneefse Konvensie in die Midde Ooste se enigste “Westerse demokrasie” nie

Nuwe tegnologie lei Trump

Die aangewese Amerikaanse president, Donald Trump, het tot op hede nog nie ‘n amptelike nuuskonferensie gehou sedert hy op 8 November verkies is nie.

Hy gaan egter voort om direk via Twitter te kommunikeer en het enkele onderhoude toegestaan.

Sy kantoor het bekendgemaak dat ‘n aankondiging oor die toekoms van sy sakeryk nié meer Donderdag gemaak sal word nie. Sy woordvoerder sê dit is om seker te maak dat sy regspan alle kwessies uitgeklaar het.

Trump het wel die voorbeeld van sy voorgangers gevolg en ‘n groep joernaliste saamgestel om die publiek oor sy doen en late in te lig.

Ander presidente het egter binne dae nadat hulle verkies is ‘n nuuskonferensie gehou om vrae van joernaliste te beantwoord.

Shakespeare moet plek maak vir onbekende swart feminis

Anti-wit studente aan die Universiteit van Pennsylvania, in die VSA, het ‘n portret van Shakespeare by die Engelse departement van die muur afgeruk en gekla dat hy nie “diversiteit” verteenwoordig nie.

Dit lyk asof “diversiteit” oor die uitsluiting van hoofsaaklik blankes gaan. Alles wat “witheid” verteenwoordig, moet gevandaliseer word.

Die hoof van die departement het dit bevestig, en sonder ironie in ‘n verklaring gesê dit moet beskou word as ‘n “manier om hul verbintenis te bevestig aan ‘n meer inklusiewe opdrag vir die Engelse departement,” het The Daily Pennsylvanian berig.

Die “progressiewes” glo klaarblyklik dat middelmatige onbekende skrywers groot name sal word as hulle mure versier.

Die Departementshoof Jed Esty het gesê die digter van Avon is vervang met Audre Lorde, ‘n onbekende Afro-Amerikaanse feminis. Haar mees beroemde uitspraak volgens haar volgelinge was: “Ek wil graag skryf oor nog ‘n stukkie fiksie wat handel oor ‘n aantal kwessies van lesbiese ouerskap in die 1960’s, en veelrassige verhoudings in die lesbiese en homoseksuele gemeenskap.”

Lorde is nog nooit vertaal in ‘n ander taal nie, en nie een van haar volumes geskrifte is gekatalogiseer nie. Haar gedigte is nie welsprekend of inspirerend nie. Dit kom neer op die gewone skril revolusionêre Marxisties-kulturele gemeenplase, in eindelose eendimensionele herhalings van retoriek en hiperbool.

Esty het bevestig dat Lorde se afskuwelike foto sal bly in Shakespeare se plek, en die gewone ou saai tipe aankondiging gemaak van ‘n stigting van ‘n “werkgroep” om te help “monitor aan die proses” van rassetransformasie.

Dit is duidelik uit die verklaring dat Esty is te bang is om oor die rasse-onderwerp direk te praat.

‘n Wit student, Mike Benz, duidelik idioties verlinks, het sy genoegdoening uitgespreek oor die “kultuur-storing” maar natuurlik kon hy geen inhoud daaraan toevoeg nie.

Dak van kerk stort ineen in Nigerië

Die dak van ‘n volgepakte kerk in die suide van Nigerië het Saterdag in duie gestort.

Minstens 60 mense is dood, het ooggetuies en amptenare aan AP gesê.

Die “Reigners Bible Church International” in Uyo, die hoofstad van die Akwa Ibom-staat, was nog onder konstruksie en werkers het gejaag om dit betyds klaar te maak vir Saterdag se seremonie om die kerk se stigter, Akan Weeks, as biskop in te huldig, het lede van die gemeente gesê.

Honderde mense, onder wie die goewerneur­ van die staat, Udom Emmanuel,­ was in die kerk toe die metaal­dwarsbalke op die aanbidders neergestort en die sinkplaatdak ingeval het. Emmanuel en Weeks, wat predik dat God sy aanhangers­ ryk sal maak, het ongedeerd ontsnap.

Die oorskot van 60 slagoffers is reeds uit die puin gehaal, maar die dodetal kan styg namate ‘n hyskraan meer rommel verwyder.

‘n Woordvoerder van die goewerneur, Ekerete Udoh, sê ‘n ondersoek is gelas om vas te stel of met die boustandaarde laat slaplê is. Geboue stort gereeld in Nigerië ineen as gevolg van endemiese korrupsie asook kontrakteurs wat onderstandaard-­boumateriaal gebruik en inspekteurs omkoop om swak werk of ‘n afwesigheid van boupermitte te ignoreer.

In 2014 is 116 mense dood toe ‘n multiverdieping-­gastehuis van ‘n kerk in Lagos, Nigerië se kommersiële hoofstad, ineengestort het. Die meeste slagoffers was Suid-Afrikaanse volgelinge van die kerk se invloedryke stigter, T.B. Joshua.

Twee strukturele ingenieurs, Joshua en trustees van die kerk is van strafregtelike nalatigheid en onopsetlike manslag aangekla nadat bevind is dat strukturele probleme, wat deur die ontwerp en foute met die bouproses meegebring is, daartoe gelei het dat die gebou ineengestort het.

Lagos se staatsaanklaers se pogings om hulle voor die hof te bring, het telkens misluk vanweë vele regsuitdagings wat die verhoor steeds vertraag.

Le Clos maak swemgeskiedenis

Chad le Clos het sy derde goue medalje by die Kortbadwêreldkampioenskap in Windsor, Kanada, gewen en daarmee swemgeskiedenis gemaak.

Le Clos het nou nege goue medaljes verower.

Met dié oorwinning het hy die eerste manswemmer geword wat die 50-, 100- en 200-metervlinderslag op twee agtereenvolgende wêreldbyeenkomste gewen het.

Le Clos se wentyd in die 50-metervlinderslag was 21-komma-nege-agt sekondes. Die Amerikaner, Tom Shields was tweede en David Morgan van Australië derde.

Twee bomontploffings ruk Istanboel

Die dodetal ná twee bomontplof­fings kort na mekaar naby die Istanboelse sokkerstadion het tot 38 gestyg, met 166 mense wat beseer is, het die Turkse minister van binnelandse sake, Suleyman Soylu, gister gesê.

Onder die slagoffers was minstens 30 polisiebeamptes.

Turkye het gister as nasionale roudag afgekondig ná die aanvalle in die hart van Istanboel na aan die tuisveld van die sokkerspan Besiktas.

Die aanval kom ure nadat WikiLeaks eposse uitgelek het van Erdogan se skoonseun Berat Albayrak se bande met ISIS se onwettige oliehandel.

‘n Motorbom het buite die Vodafone Arena-voetbalstadion op die oewers van die Bosporusrivier ontplof ná ‘n wed­stryd in die superliga-toernooi tussen Besiktas en Bursaspor. Minder as ‘n minuut later het ‘n selfmoordbomaanvaller in ‘n nabygeleë park toegeslaan.

Die owerhede het nie ‘n aanduiding gegee wie vir die bomaanvalle verantwoordelik is nie. Istanboel en ander stede het vanjaar ‘n reeks aanvalle beleef waarvoor die Islamitiese Staat(ISIS) en Koerdiese militante die skuld gegee word.

Turkye se eerste minister, Binali Yildirim, het die opdrag gegee dat die landsvlag halfmas wapper en pres. Recep Tayyip Erdogan het ”n beplande besoek aan Kazakstan afgestel, het die staatsnuusagentskap, Anadolu, berig.

Volgens Soylu is tien verdagtes in hegtenis geneem.

‘n Forensiese span het die stadion reeds geïnspekteer om bewyse in te samel en munisipale voertuie was besig om die puin op te ruim.

Erdogan het ná die aanvalle in ‘n verklaring gesê “’n daad van terrorisme het ons veiligheidsmagte en burgers by Besiktas vanaand geteiken”. Hy sê die tydsberekening van die ontploffings was sodanig dat dit daarop gemik was om die maksimum lewensverlies te veroorsaak.

Die polisie het die gebied rondom die stadion afgekordon wat naby die Dolmabahce-­paleis van die Ottomaanse era is waar die kantore van die eerste minister gehuisves word.

Die toneel is ongeveer ‘n kilometer van die besige Taksim-plein, ‘n groot toeriste-­trekpleister.

Die regering het kort ná die aanval ‘n verbod op die uitsending van beeld­materiaal van die aanval geplaas, iets wat deesdae telkens gebeur in die nadraai van geweldpleging in die land.

Siriese magte trek terug uit Palmyra na ISIS-aanvalle

Russiese lugaanvalle het talle vegters van die Islamitiese Staat (ISIS) in die antieke Siriese stad Palmyra gedood en ander gedwing om die wyk te neem nadat hulle vroeër die stad herbeset het.

Maar ISIS het weer aangeval en Siriese magte uit dele van die stad verdryf.

Meer as 60 lugaanvalle is oornag uitgevoer met meer as 300 ISIS-djihadiste wat dood is.

ISIS het verlede week met ‘n offensief naby Palmyra, ‘n Unesco-wêrelderfenisterrein, begin. Nadat hulle Aleppo verloor het, skuil hulle nou by die erfenisterrein om bombardemente te ontsnap in die hoop om ‘n propaganda-oorwinning te behaal.

In die offensief het hulle ongeveer 50 lede van die Siriese regering om die lewe gebring en gelyktydig aanvalle op verskeie posisies van die regering in die omgewing van Palmyra uitgevoer.

In Mei 2015 het ISIS beheer oor Palmyra geneem en massiewe skade aan baie van die antieke plekke in die stad aangerig.

Twee wat dokter op Rouxville vermoor kry lewenslank

Twee swartes is tot lewenslange tronkstraf gevonnis in die Bethulie rondgaande hof vir die moord op ‘n Smithfieldse arts, Bennie Cilliers.

Die Cilliers-egpaar aangeval op hul plaas naby Rouxville in Januarie vanjaar.

Waarnemende Regter Liza Tsatsi het ook ‘n voormalige plaaswerker van Cilliers, Thabang Jordaan, tot 22 jaar gevangenisstraf gevonnis op roof-verwante aanklagte en 10 jaar op ‘n aanklag van poging tot moord.

Die tweede beskuldigde in die saak, taxibestuurder Dawid Zamayo, is gevonnis tot 20 jaar gevangenisstraf.

Zamayo het ook 10 jaar gevangenisstraf gekry vir die poging tot moord wat verband hou met Cilliers se vrou, Cecilia wat die aanval oorleef het.
 
Regter Tsatsi het die twee moordenaars het ‘n man wat op die hoogtepunt van sy loopbaan was en ‘n mediese dokter, asook ‘n persoon met vaardighede waaraan Suid-Afrika ‘n dringende behoefte het, doodgemaak. Sy het ook gesê as ‘n boer het Cilliers werk vir baie mense geskep wat nou sonder inkomste sit.

Tsatsi het gesê sy kan nie enige wesenlike omstandighede vind vir die hof om af te wyk van die minimum vonnisse wat vir die misdade voorgeskryf word nie.

Cilliers het die aanval met ‘n swaar ysterstaaf tydens die plaasaanval nie oorleef nie.

Na die hofverrigtinge, het Cilliers se oudste seun, Pieter, aan OFM-nuus gesê hulle is verlig die saak is gesluit.

Hy het gesê hopelik kan die familie nou terugkeer na ‘n soort van normale lewe. Die jongste seun het die hoop uitgespreek dat die letsels van die voorval nie weer oopgemaak word nie.