Kategorie: Nuus

Riool tas plakkers se ‘menseregte’ aan sê DA

Verskeie swart gesinne in Ikageng, naby Potchefstroom in Noordwes, woon al maande lank kniediep in onverwerkte riool wat in en om hul huise loop.

Nou gaan ‘n wit raadslid van die DA hulle bystaan, want self doen die mense niks daaroor nie. Die Demokratiese Alliansie in Noordwes het Dinsdag aan OFM-nuus bevestig dat die party van voorneme is om ‘n klag teen die munisipale bestuurder by die Suid-Afrikaanse Menseregtekommissie, sowel as ‘n kriminele klag by die polisie, in te dien.

Die DA beskou dit as ‘n “ernstige menseregteskending”, en dat die situasie ernstige mediese implikasies inhou vir diegene wat gedwing word om onder hierdie omstandighede te leef.

“Ons het klagtes uit die gemeenskap ontvang – spesifiek Uitbreiding 11 in Ikageng – dat hulle al sedert Desember in riool sit. Die mense se huise is omring deur riool, as gevolg van rioolpype wat nie skoongemaak word nie. Hul klagtes val op dowe ore by die munisipaliteit. Hul kinders het al veluitslae; van hulle kan nie meer in hul huise leef nie; en ons het besluit om hierdie [saak] na die Menseregtekommissie te verwys,” sê die raadslid.

Sweedse minister van integrasie lieg oor verkragtingsyfer

Nadat sy die BBC vertel het dat die aantal seksuele misdade in Swede besig is om te daal, moes Swede se minister integrasie Ylva Johansson haar liegstories sluk en om verskoning vra.

Die mees onlangse syfers toon duidelik ‘n 13 persent toename in aangemelde seksuele misdade in Swede in 2016, en ‘n algemene toename oor die afgelope tien jaar.

Tydens ‘n onlangse onderhoud met die BBC, het die minister egter verklaar: “Ons kan sien dat die vlakke afgaan, en afgaan, en afgaan,” maar ongelukkig is dit nie die geval nie.

Sweedse sosiale media asook Twitter was aan die brand met ‘n geskal van verontwaardiging oor haar misleidende verklaring tydens haar TV-optrede.

‘n Sweedse politikus, Elisabeth Svantesson het getwiet: “Ons het nie nog fopnuus nodig nie.” Sy het ook ‘n beroep op die Minister gedoen om haarself te verduidelik. “Op watter manier is die aantal seksuele misdade besig om te verminder?”

Johansson moes vinnig haarself Saterdag red van ‘n yslike verleentheid. “Ek het my antwoord gebaseer op inligting wat ek het op daardie oomblik gehad het,” het sy aan die koerant Dagens Nyheter vertel. Dit klink onheilspellend soos ‘n verduideliking vir ‘n ideologiese vooroordeel want ‘n minister van sogenaamde “integrasie” wat nie eers die basiese kennis dra van wat die immigrante mee doenig is nie, laat ‘n mens wonder.

“Die voorlopige syfers vir 2016 toon ongelukkig dat die syfers aan die toeneem is,” het sy gesê en bygevoeg: “Dit is belangrik om korrek te wees, natuurlik.” Die aantal verkragtings in Swede het met 13 persent in 2016 toegeneem tot 6 560, ‘n syfer waarvan die Minister baie bewus moes gewees het.

Johansson, het tydens haar onderhoud op BBC News, ook ontken dat daar enige verband tussen misdaad en immigrasie is: “Ons kan geen verband tussen misdaad en immigrasie sien nie.”

“Ons is ‘n immigrasieland al vir twintig jaar … in dieselfde tyd, het die misdaadvlakke afgegaan. So ons kan nie regtig ‘n verband sien nie”, het sy gesê.

“Die vlak van verkragtings is nie eintlik hoog in Swede nie”, het sy ook gesê, nadat Nigel Farage onlangs gesê het Malmö is die “verkragtinghoofstad van Europa”. Die minister het ook beweer dat Farage “nie regtig weet waarvan hy praat nie”.

Oor die afgelope dekade het die aantal aangemelde verkragtings van 4 208 in 2006 tot 6 560 in 2016 gestyg, volgens die Nasionale Raad Sweedse vir Misdaadvoorkoming soos gerapporteer deur Aftonbladet.

‘Slegs nie-blankes’ vir mond-tot-mond asemhaling

York Universiteit in Toronto, Kanada, se swart studentgroep bied noodhulpopleiding uitsluitlik vir swart studente aan. Hulle sê hul blatante rassediskriminasie is deel van hul “plig” om die swart gemeenskap te help.

‘n Foto op hul Twitterbladsy van die groep, YUBSA, bevestig dit is slegs vir swart studente.

In ‘n verklaring wat uitgereik is op hul Facebook-blad, blameer YUBSA “anti-swart rassisme” vir die verontwaardiging oor hul program. Die groep het verduidelik dat, terwyl noodhulp iets is “waar almal in staat moet wees om toegang te verkry,” is hul dienste streng vir die swart gemeenskap en dit is nie rassisties nie.

“In ons pogings om hierdie te bied aan ons swart lede van die gemeenskap, is ons pogings met weerstand en anti-swart rassisme begroet.”

Die verklaring lui voorts: “YUBSA wil dit baie duidelik maak… dat dit op geen manier in enige betekenis rassisties is nie.”

Die groep verdedig hul besluit om net die program aan die swart gemeenskap aan te bied, deur York Universiteit se beweerde “lang geskiedenis van uitwissing van swart organisasies, swart studente en swart ruimte op dié kampus” uit te wys. Volgens die groep, beteken dit dat hulle nou ‘n “plig” het om net dienste slegs aan swart studente te bied.

“Ons is gekies om die belange van die swart studente by York te verteenwoordig binne ‘n anti-onderdrukkende raamwerk.”

Die groep het hul verklaring afgesluit deur mense te vra om hul “anti-swart rassisme in toom te hou” en om “beter te doen” as dit.

Die groep het ook hul verontwaardiging op Twitter te kenne gegee, en verklaar dat “anti-swart rassisme” die rede vir die ontsteltenis is.

Te midde van die omstredenheid, het YUBSA nóg ‘n verklaring uitgereik wat beweer “wittes is nie ‘n gemarginaliseerde groep” nie, en hulle het daarom nie hul eie ruimtes op kampus nodig nie.

YUBSA het wittes aangemoedig om menseregteklagtes in te dien teen hulle sodat hulle dit kan “versamel” om boek te hou van al die “anti-swart rassisme wat York voortdurend versuim om te erken en altyd teenwoordig is op dié kampus”.

Swart inwoners maak amok in Qwa Qwa oor water

Brandende bande en klipgooiery in die strate is hoe die inwoners van Tseseng (Wyk 20) ​​in Phuthaditjhaba verkies om te wys dat die plaaslike munisipaliteit hulle moet voorsien van water.

Volgens polisiewoordvoerder, Mmako Mophiring, het 30 inwoners van wyk 20 Dinsdagoggend die hoofpad langs Manthatisi Hoërskool met klippe en brandende bande versper want hulle protesteer oor water. Die polisie is na die toneel ontbied.

Terwyl Mophiring die voorval bevestig het, het hy geweier om meer besonderhede rondom die aantal arrestasies wat gemaak is te gee en verklaar dat die polisie ‘n verklaring later gaan vrystel in die dag ná ondersoeke na die aangeleentheid.

Intussen, het ‘n woordvoerder van die nasionale departement van water en sanitasie, Sputnik Ratau, gesê hy weet nie van die nuus oor die protes nie, maar het hy die mense van Tseseng se manier van protes veroordeel, selfs al is hulle redes vir die protes te verstane.

Ratau sê dat die DWS is op soek na maniere om te verseker dat die korrekte infrastruktuur in plek is wat inwoners van Qwaqwa in staat sal stel om maklik toegang te verkry tot water.

Hy voeg by dat inwoners moet daarop let dat, terwyl die departement nie meer water met water tenkwaens gaan aanry noe omdat dit te duur is om te doen, sal die departement steeds voortgaan om water te voorsien aan die gebiede wat dit die nodigste het.

Dit is egter nie duidelik wat hy daarmee bedoel nie. Dit lyk asof die gebied nie water afgelewer gehad het nie.

Toelae-krisis: Minister speel die raskaart

Die Minister van Maatskaplike Ontwikkeling, Bathabile Dlamini, het uiteindelik die raskaart gespeel toe sy in ‘n hoek gedruk word oor haar swak hantering van die toelae-krisis.

Sy het rolspelers in Kaapstad oor die chaos met maatskaplike toelaes ingelig, nadat sy verskeie kere nie opgedaag het in die Parlement nie.

Sy het die geleentheid gebruik om die media oor die kole te haal, en gesê swart joernaliste verstaan die gevolge van die nie-betaling van toelaes terwyl wittes hulle eie agenda probeer bevorder.

Dlamini sê van die drie bieërs wat aansoek gedoen het om die toelaes te hanteer, nadat die Grondwethof die tender aan CPS tersyde gestel en ‘n nuwe proses gelas het, het een hom onttrek terwyl die ander twee nie die vermoë gehad het om die werk te doen nie.

Sy voer sonder ironie aan dat haar Departement twee jaar lank onsuksesvol probeer het om ‘n alternatiewe verskaffer te kry.

Dlamini het ontvangers van toelaes die versekering gegee dat hulle wel hulle toelaes op 1 April sal ontvang omdat CPS glo sal aanbly om die werk te doen, sonder ‘n kontrak.

Die voorsitter van die Staande Komitee oor Openbare Rekeninge, Themba Godi, sê ‘n vergadering oor die krisis met die betaling van toelaes sal vandag voortgaan, ongeag of Dlamini, teenwoordig is of nie.

Dlamini moes SKOOR reeds verlede week inlig oor die dreigende krisis, maar sy het nie vir die vergadering opgedaag nie.

Die Minister het intussen gesê sy is ten gunste van die hernuwing van die kontrak met die diensverskaffer, CPS, alhoewel die Grondwethof in 2013 reeds beslis het dat die bestaande kontrak ongeldig is.

Skokgranate en rubberkoeëls teen amokmakers noord van Johannesburg

Betogers het die R-55 by Summit-rylaan in die Olivenhoutbosch omgewing, noord van Johannesburg met klippe en brandende bande versper.

Die inwoners het bande gebrand en verskeie paaie versper. Gistermiddag is winkels geplunder.

Die inwoners is ontevrede oor gebrekkige dienslewering, misdaad en wat hulle noem, ongerymdhede met die toewysing van HOP-huise.

Motoriste moes gisteraand van alternatiewe roetes gebruik maak, om die N-1 of N-14 nadat die polisie hulle aangeraai het om nie deur die gebied te ry nie.

Die situasie in Olivenhoutbosch van egter gisternag kalmer ná Maandag se sporadiese geweld tydens ‘n diensleweringsbetoging nadat die polisie rubber koeëls en skokgranate gebruik het om betogers te verjaag.

Die protes was oor dienslewering en geen xenofobiese geweld is aangemeld nie, het die polisie gesê.

Die polisiewoordvoerder, Kay Makhubela, sê twee mense is in hegtenis geneem wat probeer het om ‘n raadslid se huis aan die brand te steek.

Boer kritiek na plaasaanval tussen Warden en Verkykerskop

Boere in die omgewing het saamgestaan en met die hulp van die polisie drie swart verdagtes agterna gesit na ‘n plaasaanval tussen Warden en Verkykerskop.

Volgens Vrystaat Landbou is die 32-jarige CT Steyn aangeval deur drie swartes omstreeks 20:00 gisteraand toe hulle kontant by hom geëis het.

Steyn is met ‘n mes in die hart gesteek en moes sedertdien ‘n noodoperasie ondergaan. Hy is tans in ‘n kritieke maar stabiele toestand in die hospitaal.

Die verdagtes het gevlug met sy Toyota Hilux-bakkie, klere, selfoon en ander items volgens die polisie. Die bakkie is gevind naby Bluegumbosch in Qwaqwa vanoggend. Die hoof uitvoerende beampte van Vrystaat Landbou, Henk Vermeulen, sê meer moet gedoen word om “misdaad” uit te roei op boerderygemeenskappe.

“Misdaad is regtig besig om tot die punt te beweeg waar dit soms voel asof dit buite beheer is. Die polisie kan nie op elke enkele plek 24 uur per dag wees nie. Ons moet kyk hoe ons ons eie gebiede kan beheer. Ons is baie tevrede dat die boeregemeenskap onmiddellik gereageer het,” sê Vermeulen.

Niemand is nog in hegtenis geneem in verband met die voorval nie. Die polisie in die Vrystaat ondersoek ‘n saak van roof.

Arlington-plaasaanval: Vyf voor

Vyf swartes wat verlede week in hegtenis geneem is in verband met die plaasaanval op ‘n vrou naby Arlington sal weer in die hof vandag verskyn.

‘n Polisiewoordvoerder, Zweli Mohobeleli sê neefs Tseko Radebe (30), Ramonyaduwa Radebe (37), Mokwanyane Radebe (33), saam met Mhlupheki Malindi (32) en Pule Motlong sal na verwagting om borgtog aansoek doen.

Die vyf is in hegtenis geneem in verband met die aanval op Pauline van Zyl van die Roodekraal plaas. Van Zyl was het tuis gekom uit die dorp, vroeg Maandagaand, toe die aanvallers toegeslaan het.

Haar man Stefan was nie by die huis ten tyde van die aanval nie. Mohobeleli het gesê die swart aanvallers het geld geëis en Van Zyl gedwing om die kluis oop te sluit. Sy is vasgebind en drie vuurwapens is gesteel.

Twee van die verdagtes is in hegtenis geneem kort ná die aanval, terwyl die ander ‘n paar dae later in hegtenis geneem is in Arlington en Lindley.

‘Moenie die immigrante nie voer nie’

Die sentrum-regse burgemeester van die Franse hawestad Calais het liefdadigheid aan immigrante verbied. Natacha Bouchart het die verspreiding van voedsel verbied om te keer dat ‘n nuwe Oerwoudkamp weer op die rand van haar stad ontstaan.

Bouchart het ingetree om hulpgroepe te keer om immigrante te voer deur die goedkeuring van nuwe beperkinge. Bouchart het gesê dat sy die situasie verstaan ​​”van ‘n menslike oogpunt,” maar sy was nie van plan om in te gee aan hulpgroepe se oproepe dat hulle die mense wil kos gee nie.

Die polisie pas wat hulle noem ‘n “nul-toleransie beleid” op immigrante toe, en stuur hulle na amptelike akkommodasiesentrums elders in Frankryk as hulle hulle vang.

Na die uitreiking van ‘n bevel om al die voedselverspreiding op die terrein van die sogenaamde “Oerwoud” wat in Oktober verlede jaar gesloop is te stop, het Bouchart gesê langtermyn kommer is belangriker as onmiddellike hulpverligtingaksies. “Ons het te veel gely,” het Bouchart, ‘n lid van die sentrum-regse Les Republicains gesê.

Sy het verwys na die ontsettende styging in geweld en misdaad sedert die immigrante uit Afrika en die Midde-Ooste op die plek toegesak het.

Amptenare het reeds pogings deur plaaslike liefdadigheid belemmer om storte vir tienerimmigrante in die dorp te open, het die Guardian berig. Liefdadigheid en die plaaslike owerhede is nou in ‘n hofstryd gewikkel oor Calais se besluite.

“Ek het hierdie besluit geneem om seker te maak dat daar geen permanente basis of plakkery geskep word rondom Calais nie,” het Bouchart aan AFP gesê.

Calais het toenemend polities konserwatief en anti-links geraak en stem nou vir die FN, Marine Le Pen se party sedert die oorspronklike plakkersdorp opgerig is in 1999.

Utopia56, ‘n humanitêre hulpgroep, sê beamptes het traangas op vrywilligers en tieners gegooi wat vir kos tougestaan het. Die groep het aan La Voix du Nord vertel dat hulle sal voortgaan om die immigrante te voed “vir die eenvoudige rede dat hulle honger is,” selfs al moet hulle ondergronds werk.

Sarah Arrom van Utopia56 sê “Toestande is besig om meer en meer problematies te raak vir die immigrante. Hulle slaap nie, hulle kan nie ‘n stort neem nie, hulle is al hoe meer en meer moeg. Ons is regtig bekommerd oor hul toekoms.”

Nuwe aankomelinge, hoofsaaklik uit die Midde-Ooste, Afrika en die Indiese subkontinent, stroom steeds na Calais, met ‘n paar liefdadigheidsorganisasies wat rapporteer dat hulle besig is om honderde, en selfs duisende mense daagliks te voed.

Net Utopia56, ‘n klein organisasie, versprei 250 warm etes per nag, ‘n skerp styging na voorverlede maand, met die meeste ontvangers van Eritrea, Soedan en Ethiopië.

Op sy hoogtepunt, het die bevolking van die kamp 10 000 bereik, waarna swaar gewapende polisie die gebied moes patrolleer om inwoners te beskerm teen die gevolglike misdaad en aanvalle, ook op toeriste.

Pateet Macron blameer ‘Russiese krakers’ vir sy probleme

Emmanuel Macron, soos verloorder Hillary Clinton, is blykbaar die jongste slagoffer van “Russiese krakers”. Hy is geteiken deur ‘n parallelle “Russiese kraak- en fopnuus-veldtog”, volgens sy digitale veldtog bestuurder.

Maar die tweetjies kon nie enige bewyse van sodanige bedrywighede gee nie.

Mounir Mahjoubi beweer “Russe” is agter voortgesette “hoë vlak aanvalle” met die Russiese staatsbeheerde media as die “eerste bron van vals inligting”. Mahjoubi het by Sky News gekla: “Kom ons wees presies hieroor.”

Ongelukkig kon Mahjoubi alles behalwe “presies” wees en het hy eerder simptome van breinvries openbaar met onsamehangende beskuldigings teen “verregses”.

“Ons beskuldig Russia Today (RT) en Sputnik News as die voorste bronne van valse inligting oor ons kandidaat en al die ander simbiotiese maniere van al hierdie fascistiese organisasies of verregse nuusorganisasies.”

Die sogenaamde “kraak” beskuldigings kan nie verduidelik hoekom Macron se vertoning in die meningspeilings so pateties is nie, want die media hemel hom op as die “wenner”.

Mahjoubi erken boonop dat die “kraak” geen effek gehad het nie: “Ons was die teikens van verskeie pogings van krakery, maar ons het daarin geslaag om almal van hulle te keer.”

Mahjoubi het met Sky News by die hoofkwartier van Macron se beweging, En Marche, gepraat. Die beweging het nie lede nie, want dis nie ‘n politieke party nie. Dis maar ‘n maand of wat oud.

Hillary Clinton het tydens die Amerikaanse verkiesings verlede jaar dieselfde twak kwytgeraak oor die “Russe” om te verklaar hoekom sy verloor het.

Mahjoubi sê hy glo Macron is ‘n teiken omdat hy ‘n globalistiese, pro-Europa, pro die euro, intervensionistiese en liberale houding het – almal standpunte wat baie kiesers in verskeie EU-lande, asook die VSA reeds verwerp het. Hy sê Marine Le Pen is die “vyand”.

“Hierdie idees van ‘n meer oop Europa, van ‘n sterker Europa, van ‘n meer progressiewe Frankryk, hierdie idees vir sekere lande in die wêreld en vir sekere private organisasies is idees waarteen daar geveg word,” sê Mahjoubi. Maar duidelik begryp hy nie waarom kiesers in opstand is daarteen nie.

Nie Macron of sy personeel by En Marche weet mooi wat aangaan nie: “Die enigste ding wat ons kan sê, is dat die helfte van al die aanvalle uit die Oekraïne kom.”

Polisie gaan SA gebiede monitor waar buitelanders woon

Die polisie sê hulle het gebiede wat die ergste deur aanvalle op buitelanders en hulle sake-ondernemings geraak is, as prioriteitsgebiede geoormerk.

Rosettenville in Johannesburg en Pretoria in die Tshwane Metro het die ergste onder die vlaag gewelddadige aanvalle op buitelanders se winkels in die townships deurgeloop.

In Pretoria-Wes is hoofsaaklik Nigeriërs aangeval en van dwelmhandel, mensehandel en prostitusie beskuldig.

Die waarnemende nasionale polisiekommissaris, Khomotso Phahlane, sê die polisie sal voortgaan om die situasie in die betrokke gebiede te monitor.

Die ministers in die Justisie-, Misdaadvoorkomings- en Veiligheidsgroepering, sê die regering het gewaarsku teen sake-ondernemings wat buitelanders sonder dokumente in diens neem as ‘n manier om goedkoop arbeid te bekom.

Die regering sê sulke optrede deur sakelui skep spanning tussen plaaslike inwoners en buitelanders.

Die Minister van Binnelandse Sake, Malusi Gigaba, sê planne is gereed om inspeksies te doen.

Gigaba sê buitelanders sonder dokumente wat in die land opgespoor word, sal na hulle lande van herkoms teruggestuur word.

Hy sê tydens die vorige geldjaar is net meer as 33 000 mense gerepatrieer wat ‘n redelike duur proses is om uit te voer.

Sassa-minister trap verder klei

Die Minister van Maatskaplike Ontwikkeling, Bathabile Dlamini, het Suid-Afrikaners die versekering gegee dat maatskaplike toelae volgende maand uitbetaal sal word. Sy het ook erken dat “ons stelsel die ergste vorm van misdryf en diefstal ervaar het”.

Maar tydens Sondag se Sassa nuuskonferensie het dit geblyk dat geen kontrak onderteken is met Cash Paymaster Service (CPS) vir April nie en geen ooreenkoms of plan is nog in plek met die tesourie nie.

Vrydagaand het die Departement se woordvoerder Lumka Oliphant ‘n verklaring uitgereik waarin gesê is dat Sassa en CPS ‘n ooreenkoms bereik het. Toe nie.

Dlamini, wat wegkruip en nie by die parlement opdaag waar die kwessie bespreek word nie, het uiteindelik die media in Pretoria toegespreek oor die onstuimigheid wat in die departement heers, waaronder ‘n hofgeding en die bedanking van die direkteur, Zane Dangor.

Dlamini sê die huidige diensverskaffer CPS kon nie vervang word nie weens die traagheid van ander ondernemings om op tenders te reageer.

Die Grondwethof het reeds in 2014 gelas dat die departement betalings van toelae moet oorneem nadat daar bevind is dat daar ongerymdhede met die aanstelling van CPS was.

Ben Theron, portefeuljebestuurder direkteur vir die burgerlike organisasie Outa, het die inligtingsessie van Dlamini Sondag as “niks minder as ‘n skande” nie beskryf.

“Ons verwag dat die minister die status van onderhandelinge, die koste en die proses om dit oor te dra van die verantwoordelikheid van die kontrakteur na die in-huis uitbetalingbestuurspan te deel,” het Theron gesê.

“In plaas daarvan, was dubbel-pratery en ontkenning aan die orde van die dag, met geen duidelikheid oor die skielike bedanking van mnr Dangor, haar direkteur-generaal, of die afwesigheid van die hoof uitvoerende beampte van Sassa by die inligtingsessie nie,” het Theron gesê.

Dlamini sê dat die poskantoor ‘n belangrike rolspeler in die betaling van toelaes sal bly, en het ook bekend gemaak dat die maatskaplike agentskap, Sassa, ‘n geïntegreerde administrasie- sowel as betalingstelsel sal oprig.

Dlamini sê hierdie proses behoort teen April 2019 afgehandel te wees.

Die tegnologiemaatskappy, NET1, wat die verspreider van die maatskaplike toelaes, CashPay Master Services oftewel CPS besit, sê alle maatskaplike toelaes sal op 1 April betaal word ten spyte daarvan dat hulle geen nuwe kontrak met SASSA het nie.

Maar dit is steeds nie duidelik watter diensverskaffer gekontrakteer sal word om die toelaes te versprei nie. Die uitvoerende hoof van NET1, Serge Balamant, sê die Grondwethof het die kontrak tussen hulle en Sassa as ongeldig verklaar, maar dit duidelik gestel dat dit nie handel oor foute deur CPS nie, maar eerder Sassa se optrede in die tenderproses.

Wêreldrekord vir springhaas-jag by veiling

Drie buffel-jagpakette ter waarde van R130 000 elk is tydens die eerste Philippolis-wildsveiling van die jaar verkoop. Ander jagpakkette het tussen R25 000 en R35 000 behaal. En dan was daar ook die springhaas-jagpakket.

‘n Tong-in-die-kies wêreldrekord is tydens hierdie veiling opgestel.

“Ja en dan het ons ‘n nuwe wereldrekord opgestel in Philippolis. Sover ons weet is dit ‘n eerste wat ‘n springhaaspakket verkoop is gesamentlik met springbokke, en hierdie pakket het dan ook R8 000 behaal. So ons is baie opgewonde oor die springhase wat in die pakket dan as ‘n wêreldrekord aangebied word. Baie geluk Philippolis hier op Otterskloof!” vertel Lukas Kleynhans, afslaer van Vleissentraal.

Kleynhans wat die veiling aangebied het, sê daar was ‘n verskeidenheid van wild, onder meer nyalas, springbokke, blou- en swartwildebeeste, asook blesbokke, op die veiling te koop.

Kleynhans se die jagpakkette wat aangebied is, het skaflike pryse behaal. Bykans 400 stuks wild is op die veiling op die Otterskloof Private Wildsplaas naby Philippolis in die Vrystaat te koop aangebied.

Staatsveiligheid gaan sosiale media beheer

Die ANC het besluit om in te gryp om sosiale media te sensureer, in die lig van kwessies soos die verspreiding van “fopnuus” en swendelary, sê die Minister van Staatsveiligheid David Mahlobo.

Hy het Sondag tydens ‘n vraag-en-antwoord-sessie met joernaliste ná ‘n nuuskonferensie gesê sy departement oorweeg stappe na die Justisie, Misdaadvoorkoming en Sekuriteit Groepering (JCPS) se oorsig.

Mahlobo, het gereageer op ‘n vraag deur ‘n verslaggewer oor fopnuus, en gesê afgesien van die gewone bedoeling daarvan, word sosiale media ook misbruik om, onder andere, vals inligting te versprei.

Hy het gesê dit is nie uniek aan Suid-Afrika nie.

“Ons oorweeg dit om die ruimte te reguleer. Selfs die beste demokrasieë wat eerbied afdwing, hulle reguleer die ruimte,” het Mahlobo gesê.

Hy meen dit sal nie ‘n maklike ding wees om te doen nie, want dit kan gesien word “as inmenging met menseregte”.

Dit sal dus nodig wees om dit in verskeie liggame en forums te bespreek. “Ons sal bespreek hoe ons kan reguleer,” sê Mahlobo.

Afgesien van mense wat iets voorgee op sosiale media, of selfs voorgee om iemand anders te wees, het hy gesê probleme sluit in foto’s wat vals tonele uitbeeld.

Gedokterde beelde is ook ‘n probleem, het hy gesê.

Maar die probleem is dat linkse intervensioniste die term “fopnuus” gebruik om nuus wat hulle in ‘n slegte lig stel, te sensureer.

Google en Facebook werk reeds nou saam met regerings om nasionalistiese nuus te onderdruk.