Boer kritiek na plaasaanval tussen Warden en Verkykerskop

Boere in die omgewing het saamgestaan en met die hulp van die polisie drie swart verdagtes agterna gesit na ‘n plaasaanval tussen Warden en Verkykerskop.

Volgens Vrystaat Landbou is die 32-jarige CT Steyn aangeval deur drie swartes omstreeks 20:00 gisteraand toe hulle kontant by hom geëis het.

Steyn is met ‘n mes in die hart gesteek en moes sedertdien ‘n noodoperasie ondergaan. Hy is tans in ‘n kritieke maar stabiele toestand in die hospitaal.

Die verdagtes het gevlug met sy Toyota Hilux-bakkie, klere, selfoon en ander items volgens die polisie. Die bakkie is gevind naby Bluegumbosch in Qwaqwa vanoggend. Die hoof uitvoerende beampte van Vrystaat Landbou, Henk Vermeulen, sê meer moet gedoen word om “misdaad” uit te roei op boerderygemeenskappe.

“Misdaad is regtig besig om tot die punt te beweeg waar dit soms voel asof dit buite beheer is. Die polisie kan nie op elke enkele plek 24 uur per dag wees nie. Ons moet kyk hoe ons ons eie gebiede kan beheer. Ons is baie tevrede dat die boeregemeenskap onmiddellik gereageer het,” sê Vermeulen.

Niemand is nog in hegtenis geneem in verband met die voorval nie. Die polisie in die Vrystaat ondersoek ‘n saak van roof.

11 thoughts on “Boer kritiek na plaasaanval tussen Warden en Verkykerskop”

  1. Terwyl dit besmoontlik waar is dat die Kerk en die Regering die volhoubare voorbeeld behoort te stel rondom goeie administrasie en moraliteit op alle terriene van ons samelewing, sukkel die man en vrou op die grond skynbaar om Zuma en ander se herhaalde oorlogsverklaarings teen blankes in SA te begryp en daarvolgends te handel. Daar is steeds ‘n reuse gestoei om burgerregteorganisasies, instansies, Afrikaner politiek die SAPD, die GPF tot op nasionale vlak, Plaaswagte, Buurtwagte en die man, vrou, kind en landbouboer op grondvlak sover te kry om konstruktief saam te werk, wettige vuurwapens te dra en te gebruik, alarmstelsels, kameras en patrollies te benut, en oortuigend te reageer teen die plaag van eskalerende misdaad (veral teen blankes en landbouboere) in SA. Hoeveel mediaverklaarings en persberigte oor selfverdediging en plaasaanvalle het nie al sedert Feburarie 2017 die lig gesien, maar niks verander op grondvlak nie? Daar word gebid en gekerm, – maar sinvolle praktiese optrede landswyd, met eenparige blanke Afrikaner strukture wat samehorig leiding en doelgerigde ondersteunende inspraak vir geregtigheid lewer, glad nie! Beide die politieke wil en die wil (ruggraat) op grondvlak, ontbreek. Nog ‘n bietjie slaap, nog ‘n bietjie sluimer, nog ‘n bietjie hande vou om uit te rus … so bloei ons ekonomies en fisies dood, elke dag.

    1. “Misdaad is regtig besig om tot die punt te beweeg waar dit soms voel asof dit buite beheer is.”

      Soms? Nee, Henk Vermeulen! Dit IS heeltemal buite beheer en die polisie kan/wil net mooi niks daaraan doen nie …

      Jy is reg Riaan … maar moenie Praag blameer nie! Praag probeer ook maar net sin maak uit die chaos wat die daaglikse nuus is!

  3. CT Steyn is in die hart gesteek-Polisie klassifiseer dit as ROOF!..
    Nie poging tot moord nie!?.
    Ek stem heelhartig saam met jou Johnny Kongo!..
    Tyd om paraat saam te staan. Almal wil dit wegpraat of Boere paai. Jy kan nie redeneer met die Govt. nie-hulle wil nie eers die aanvalle in Parlement bespreek nie.
    Tyd om vinger uit te haal en geraas te maak!..
    Hoekom betaal enige Witmens belasting!.. Wat gee jou taks jou.. en dan boonop will hulle als vat vir wat jy gewerk het.
    HOU OP BELASTING BETAAL. dan moet hulle luister.

    1. “Almal wil dit wegpraat of Boere paai”.
      Presies my vraag aan Leon Lemmer in sy laaste plasing. Ons gaan slegter daarvan afkom as die pasifistiese Amerikaanse Rooihuide.
      Doen respekvol aan die hand dat;
      om tramboer op leë omgekeerde asblikke in strate te speel – nie as musiek in my ore sal afgaan nie.
      Slegs iets wat herinner aan Wagner se Ride of the Valkeries…’will suffice’.

Maak 'n opvolg-bydrae