Kategorie: Nuus

Minstens 330 dood na orkaan Haïti tref

Die presidentsverkiesing in Haïti moes uitgestel word weens die orkaan Matthew en minstens 330 mense is in Haïti en die Dominikaanse Republiek dood in die verwoesting.

Wat beskryf word as mees verwoestende Karibiese orkaan in byna ‘n dekade, het Haïti Dinsdag getref met winde van 230 km/h, storm­reën en reusegolwe.

Bote en opdrifsels was teen die paaie langs die kus in die suidwestelike deel van Haïti opgedam.

Amptenare het die ramp as die ergste humanitêre krisis sedert 2010 se aardbewing bestempel.

Meer as drieduisemnd huise is langs die suidelik skiereiland verwoes en minstens 350 000 mense het hulp van die een of ander aard nodig.

Daar is ook kommer dat die cholera-epidemie wat reeds minstens seweduisend lewens sedert 2010 geëis het, aansienlik gaan vererger weens die omstandighede na die orkaan.

Die storm het ook erge skade in Kuba aangerig waarna dit aanbeweeg het na die Bahamas en die laer ooskus van die VSA.

Meer as 1,5 miljoen mense in dele van Florida in die VSA is intussen aangeraai om die gebied te ontruim.

Goewerneur Rick Scott het inwoners­ gewaarsku dat die orkaan die gebied direk kan tref, met moont­like katastrofiese gevolge.

Honderdduisende mense het reeds in ander deelstate aan die ooskus, soos Suid- en Noord-­Carolina, elders skuiling gaan soek.

Ten minste 12 miljoen mense in die VSA word geraak deur sulke storms.

Kenia se verkiesingskommissie bedank

Die kommissarisse van Kenia se verkiesingskommissie het Woensdag bedank as deel van ’n ooreenkoms met opposisiepartye, wat vroeër vanjaar gewelddadige betogings in die land teen die kiesstelstelsel gelei het.

Die aankondiging dat al tien lede van die onafhanklike verkiesings- en afbakeningskommissie bedank het, is in ’n verklaring deur die Keniaanse regering aangekondig.

Ondertussen berig AFP dat ses mense in die noordooste van Kenia gisteroggend deur vermeende al-Sjabaab militante vermoor is.

Die aanval het in die dorp Mandera plaasgevind en ’n omheinde residensiële gebou geteiken waar hoofsaaklik nie-etniese Somali’s en nie-Moslems tuisgaan.

Ivoorkus se nuwe grondwet ‘n poging spanning te ontlont

Die Ivoorkus se pres. Alassane Ouattara het ‘n beroep op die parlement gedoen om ‘n nuwe grondwet te aanvaar.

Ouat­tara het in sy herverkie­singsveldtog verlede jaar beloof om die grondwetlike vereiste te verwyder dat presidentskandidate se ouers natuurlik gebore Ivoorkusburgers moet wees. Dit is ’n teer punt in ’n land wat vir lank immigrante uit naburige lande getrek het.

Nasionaliteit was die middelpunt van die krisis wat in 1999 tot ’n staatsgreep gelei het en die oorsaak was van die 2002-2003-burgeroorlog, wat die Wes-Afrikaland die afgelope agt jaar verdeel gelaat het.

In die konsepgrondwet wat Ouattara Woensdag in die parlement voorgelê het, word die klousule versag wat in die verlede sy opponente verhinder het om as kandidate in verkiesings te staan. Dit het ook ’n simbool van uitsluiting van inwoners van die noordelike gebiede geword. Hierdie inwoners se familiebande strek dikwels oor grense.

“Hierdie is die geleentheid om ’n nuwe blaadjie om te slaan en agtereenvolgende krisisse in die land agter die rug te kry en ’n nuwe maatskaplike onderneming aan te gaan,” het Ouattara aan wetgewers in die nasionale vergadering gesê.

Ouattara is in 2010 verkies, al het sy oorwinning ’n tweede oorlog ontketen waarin minstens 3 000 mense dood is, nadat pres. Laurent Gbagbo geweier het om die nederlaag te aanvaar.

Gbagbo staan nou in die internasionale geregshof tereg vir misdade teen die mensdom.

Die parlement het tot 15 Oktober om die teks van die grondwet goed te keur vóór dit by wyse van ’n referendum op 30 Oktober aan die publiek voorgelê word.

Ander wysigings verwyder die maksimum ouderdomsbeperking van 75 jaar vir presidentskandidate en maak dit ook makliker om die grondwet in die toekoms te wysig.

Opposisiepolitici en burgerlike samelewingroepe het die proses om die grondwet op te stel, gekritiseer en sê dit is sonder konsensus en deursigtigheid gedoen.

Portugees aangewys as Ban Ki-Moon se opvolger

Die voormalige Sosialistiese premier van Portugal, Antonio Guterres sal later vandag amptelik deur die Veiligheidraad bekragtig word as kandidaat vir die amp van sekretaris-generaal van die Verenigde Nasies.

As hoof van die UNHCR se vlugtelingagentskap tussen 2005-2015, het Guterres het die agentskap deur die wêreld se ergste vlugtelingkrisisse gelei, naamlik Sirië, Afghanistan, Irak.

Na ses stemgeleenthede het Guterres dertien uit die vyftien lede van die Veiligheidsraad se stemme gehad, en twee lede het buite stemming gebly.

Die finale formele stemming in die Veiligheidsraad vind vanoggend om 10-uur Amerikaanse tyd plaas. Die Algemene Vergadering moet die aanwysing bekragtig.

Sy toetrede tot die politiek kom van 1976 na Portugal se staatsgreep.

Daar was teleurstelling onder die veldtogvoerders wat vir ‘n eerste vroulike sekretaris-generaal gehoop het of ‘n kandidaat uit Oos-Europa, ‘n gebied wat nog nooit die posisie beklee het nie.

Die Russiese ambassadeur by die VN het Guterres se aanstelling verwelkom.

Die nie-amptelike doodsure op SA paaie

As jy tuiskom tussen 18:00 en 02:00 per motor oor ‘n naweek, tel jouself onder die gelukkiges.

Daardie tyd van die nag is die nie-amptelike “doodsure” op Suid-Afrika se paaie, volgens verkeersbeamptes.

Dronkbestuur, spoed en ‘n gebrek aan toesig is die hoofredes dat die paaie minder veilig raak tydens hierdie ure, sê amptenare. maar ‘n mens kan waarskynlik onpadwaardige voertuie, roekelose taxi-bestuurders en gekoopte lisensies daarby voeg.

Volgens ‘n verkeersbeampte het ‘n bestuurstoesigverslag wat verlede week ter tafel gelê is by die provinsiale wetgewer oor noodlottige ongelukke, daartoe gelei dat die herstrukturering van skofte vir verkeersbeamptes hersien gaan word.

Gauteng se verkeersbeamptes sê die meerderheid van hulle is aan diens vanaf 06:00-10:00, maar verlaat die provinsie se paaie wat dan met onvoldoende polisiëring op die mees kritieke tyd te kampe het.

Gauteng, wat die hoogste aantal voertuie op die pad het in vergelyking met ander provinsies, sukkel reeds om met ‘n doeltreffende strategieë vorendag te kom om die dodelike ongelukke op sy groot paaie te beperk.

Maniere waarop verkeersbeamptes ontplooi kan word op ‘n 24-uur-basis met die voorneme om padsterftes te bekamp, word tans ondersoek. Die verkeerspolisiedienste kan aanstons as ‘n noodsaaklike diens verklaar word in ooreenstemming met die Wet op Arbeidsverhoudinge van 1995.

Naweke is meer problematies as gevolg van mense wat onder die invloed bestuur en lang afstande reis.

Vir diegene wat onkapabel wil raak oor die naweek, is dit dalk ‘n plan om eerder ‘n diens soos Uber te gebruik om veilig tuis te kom.

Hofgeding kom teen Stellenbosch se anti-Afrikaanse taalbeleid

Die Stellenbosch Universiteit sê hy bestudeer nog dokumente wat ‘n pro-Afrikaanse steungroep by die hof ingedien het.

Die groep, “Gelyke Kanse”, vra dat die Wes-Kaapse Hooggeregshof die universiteit se nuwe taalbeleid ter syde stel.

Volgens die nuwe beleid sal Engels van aanstaande jaar af die primêre onderrig- en administratiewe taal wees.

Die groep waarsku dat die universiteit miljoene aan trustgeld kan verloor as Afrikaans sy status by die instelling verloor.

Swart skoolverkragting, swangerskappe neem toe

Die Suid-Afrikaanse Raad vir Opvoeders het ‘n toename in seksuele mishandeling en verkragting van swart leerlinge deur onderwysers aangekondig.

In sy jaarverslag, die raad het ook gesê 25 swart onderwysers is afgedank weens wangedrag, ‘n toename van 15 onderwysers die vorige jaar.

Die raad het gesê swart ouers weier in die meeste gevalle teen die onderwysers te getuig wat na bewering betrokke is by seksuele aanranding.

Dit is omdat die onderwysers finansiële hulp verskaf aan die families van die leerlinge wat daaronder ly.

‘n Swart onderwyser in KwaZulu-Natal is in hegtenis geneem nadat ‘n berig oor sosiale media viraal versprei is waar hy na bewering met ‘n leerling omgang het. Die onderwyser is glo betrokke by verskeie ander gevalle van seksuele aanranding.

Vier ander onderwysers by dieselfde skool is geskors deur die provinsiale Departement van Onderwys na leerlinge oor soortgelyke gevalle van verkragting en seksuele misbruik teen hulle uitgekom het.

Een amptenaar het gesê dit was slegs die oortjie van die seekoei.

Die Departement van Basiese Onderwys het gesê hulle is bekommerd oor die voorkoms van swangerskap onder swart leerlinge.

Verlede jaar alleen, het 99 000 leerlinge landwyd swanger geraak. In net een skool in Limpopo, is sowat 20 leerlinge swanger.

Malema stel samesmelting met ANC in die vooruitsig

Dinsdagaand het Julius Malema sy beleid om die media te ignoreer laat vaar en met ‘n nuwe voorstel gekom wat sy ondersteuners sal verbaas.

Tydens ‘n onderhoud met eNCA het die EFF-leier uit die bloute gesê dat hy bereid sou wees om ‘n “samesmeltingproses” met die ANC te begin.

Die samesmelting sal glo slegs oorweeg word as die ANC se steun in die verkiesings van 2019 onder die 50%-merk daal.

Dit was ‘n knipoog na diegene wat diep agterdogtig staan teenoor Malema se werklike langtermyndoelwitte.

Hy was ook skepties oor die EFF se sukses. Die party sukkel om deur te breek na die 20%-drempel.

Die DA meen hy, sal nooit genoeg ondersteuning kry om ‘n regering op sy eie te vorm nie.

As die ANC sukkel, sê hy, “sal sy eerste aanbod aan ‘n samesmelting met die ANC” gaan.

En dit sal nie net ‘n geval wees van waar hy ‘n pos in die regering kry, of ‘n rol speel in die bepaling van beleidrigtigtings nie, belowe hy.

Hy sê hy praat oor ‘n behoorlike, groothandel samesmelting.

“Die naam van die ANC herinner ons mense aan hul pynlike verlede,” sê hy. Dit moet dus ‘n hele nuwe party wees waarin beide die ANC en die EFF ophou om te bestaan.

Dit kan glo met “unieke leierskap” deurgevoer word.

Krisis op kampusse word deur DA, EFF aangemoedig

Die krisis in hoër onderwys word kennelik deur die opposisie aangemoedig om van president Zuma ontslae te raak. Maar die DA en EFF is besig om die meerderheid studente se wense daarmee ook te verontagsaam en in gevaar te stel.

Die nasionale voorsitter van die EFF, Dali Mpofu is nou betrokke by die betogings vir gratis onderwys. Hy het aangevoer dat hy op die kampus van Witwatersrand optree as “besorgde ouer” en nie as politikus nie.

Maar Mpofu het nogtans in ‘n politieke hoedanigheid ‘n beroep op belanghebbers gedoen om die betogers te ondersteun. Hy het selfs die polisie se teenwoordigheid op die kampusse gekritiseer.

Vroeër is berig dat Mpofu die Beset Luthuli-huis beweging befonds het. Hy het glo vyf miljoen rand uit Amerika ontvang en dit gebruik het om die anti-Zuma betogers te steun.

Hulle eis dat die president asook die nasionale uitvoerende komitee van die ANC bedank.

Die Openbare Beskermer, Thuli Madonsela, meen ook “alle rolspelers”, wat oproeriges insluit, moet aan gesprek deelneem. Maar dié houding beteken dat die betogers se sogenaamde griewe ernstig opgeneem moet word, terwyl dit slegs die mening van ‘n klein minderheid verteenwoordig.

Net soos die vise-kansellier van die Universiteit van Kaapstad, Max Price, meen Madonsela die krisis is die regering se skuld, terwyl dit duidelik is dat hulle skerm vir die belhamels se “regte”.

Die president van die Appèlhof in Bloemfontein, regter Lex Mpati, het intussen ook sy stem gevoeg by die opposisie oor die gewelddadige betogings by universiteite.

Die DA gesê het die ANC-regering het sy plig versuim om ‘n buitengewone vergadering oor die krisis te belê sodat dit in die Parlement bespreek kon word, maar nog geen leierskap getoon om die ontwrigting en geweld te veroordeel nie.

Die polisie het moes Dinsdag rubberkoeëls gebruik om die betogende studente by Wits uiteen te jaag. Twee polisiebeamptes en ‘n dosent is beseer.

Vyf studente is in hegtenis geneem. Die waarnemende nasionale polisiekommissaris, Kgomotso Phahlane het die media na die geweld toegespreek, en sê die vernietiging van eiendom kan nie toegelaat word nie.

Klaarblyklik stem die DA en EFF nie daarmee saam nie.

Betogers en polisie raak slaags by UK na petrolbomaanvalle

RSG berig dat betogende swart studente by die Universiteit van Kaapstad oornag petrolbomme gegooi het en met die polisie slaags geraak.

‘n Woordvoerder van die universiteit, Gerda Kruger sê ‘n groep studente het probeer om ‘n gebou te beset, maar is deur veiligheidspersoneel verhoed.

Twee studente het egter by die gebou ingebreek.

Sy sê betogers het toe verskeie brande op die universiteit se boonste kampus gestig. Veiligheidswagte het die brande probeer geblus en gepoog om die betogers uiteen te jaag.

Kruger sê die polisie is eenuur vanoggend ingeroep, waarna hulle skokgranate gebruik het om die situasie onder beheer te bring.

‘n Polisiebeamptes is beseer toe hy met klippe bestook is, en ‘n veiligheidswag is ook tydens die gevegte beseer.

Volgens Kruger was daar vroeg vanoggend slegs een brand wat nog nie geblus was nie.

Die polisie is steeds op die kampus ontplooi.