Kategorie: Nuus

Xhosa-faksie hou presterende studente gyselaar

‘n Ooreenkoms tussen visekanseliers en die Minister van Hoër Onderwys, Blade Nzimande, om klasgelde by universiteite regoor die land met net 6% te verhoog in stede van 10%, is deur studentebetogers verwerp.

Die klein groepie Xhosa-belhamels wat die instellings landwyd lamlê, het die 6% ooreenkoms verwerp en gesê hulle sal nie enige ‘n verhoging in 2016 aanvaar nie.

‘n Woordvoerder van die ANC sê die regering moet intens betrokke raak by die studente om die protes te voorkom.

In Kaapstad het die betogings gewelddadig geraak toe die polisie skokgranate en traanrook op amokmakers afgevuur het nadat hulle die parlement wou binnestorm.

Dertig studente is in hegtenis geneem, insluitend die seuns van die Universiteit van Kaapstad se visekanselier Max Price en ANC-staatmaker Frank Chikane.

Albei is van die Xhosa-faksie wat klaarblyklik nou ‘n aanslag teen Zoeloe-oorheersing beplan en sodoende die groot meerderheid studente wat vir hul eindeksamens voorberei, gyselaar hou.

Ingeligte bronne sê die meeste belhamels is akademiese wanpresteerders wat probeer om hul swak punte met protesaksie te verbloem, in die hoop dat hulle deurgesit sal word.

Terwyl die Xhosa-faksie die optrede van die polisie teen betogers Woensdag veroordeel het, het die polisie gesê hulle is “tevrede” met hul gedrag.

Betogers is vasbeslote dat die protesaksie sal voortgaan totdat daar aan hulle eise toegegee word. Die meeste universiteite bly gesluit tot groot nadeel van akademiese presteerders.

Om een of ander onverklaarbare rede het die visekanselier van Wits, Adam Habib, wat reeds ruim aangetoon het hoe hy nie opgewasse is om die probleme by sy instelling op te los nie, nou die voortou geneem in die openbaar om namens die belhamels en alle bestuur te onderhandel.

Dit blyk dat skoonmaakpersoneel by die Wits-universiteit ook deel vorm van die “studenteprotes”.

Die werkers sê omdat hulle nie deel is van die instelling se personeel nie, kom hulle kinders nie in aanmerking vir gratis klasse nie. Hulle werk vir privaatfirmas.

Franse minister ontplooi polisie teen migrante-misdaad

Frankryk se minister van binnelandse sake het Derde Wêreld-migrante Woensdag in die hawestad van Calais belowe dat vroue en kinders verhitte tente in ‘n tydelike kamp gegee sal word teen die bitter koue.

Hy het ook verklaar dat die misdaadprobleem aangespreek sal word deur bykomende polisiebeamptes – sowat 1 125 van hulle – te ontplooi in Calais en die omliggende gebiede.

Migrante en vlugtelinge uit die horing van Afrika, die Midde-Ooste of Afghanistan probeer om Brittanje dmv vragmotors, veerbote of deur die Kanaaltonnel te bereik.

Die sogenaamde “Nuwe Oerwoud” is ‘n versameling plakkers, ​​wat ongeveer ‘n uur weg te voet van die sentrum van die noordelike Franse stad opgeskiet het.

Die Sosialiste verkeer onder druk omdat kiesers kla dat misdaad toegeneem het.

Die afgelope maande, het honderde migrante wat wil oorgaan na Brittanje, die plakkerskamp aansienlik laat uitbrei.

Sowat 6 000 mense woon in die plakkerskamp en met die heersende winterweer, vrees hulpgroepe dat toestande in die gebied verder sal versleg.

Minister Bernard Cazeneuve het Calais besoek vir die sewende keer sedert die migrantekrisis begin het, maar die onverkwiklike toestand toon geen teken van enige afname nie.

Benewens die bykomende polisie wat in die gebied ontplooi sal word, sal ‘n sentrum wat vroue en kinders huisves, verder vergroot word om 400 siele in te neem.

“In die tussentyd, sal verhitte tente opgerig word… teen die einde van die week,” het hy gesê, en belowe dat “geen vrou en geen kind sonder ‘n skuiling in hierdie stad sal bly nie”.

Net sowat 150 migrante per dag kon in Augustus onwettig na Engeland reis weens strenger veiligheidsmaatreëls om hulle uit te hou.

Baie migrante en vlugtelinge woon dus in die “Nuwe Oerwoud” ‘n krotbuurt van gevaarlike stegies besaai met tydelike skuilings wat uit afvalmateriaal opgerig is.

Vroeër hierdie week, het Calais se burgemeester Natacha Bouchart die vooruitsig van ‘n weermagontplooiing genoem, “omdat ons nie regtig weet wat daar aangaan nie”.

Bouchart het vroeër 12 miljoen Britse Pond van die Britse regering ontvang vir die migrantekrisis nadat sy gedreig het om die hawe te sluit, Britse grensbeheer op Franse grond af te skaf, die Verenigde Koninkryk se doeanebeamptes huis toe te stuur en 2000 migrante dadelik na Brittanje te laat reis.

Trudeau se oorwinning slegte nuus vir Amerikaanse Neo-Konserwatiewes

Kanadese het ‘n einde aan die nege jaar lange bewind van eerste minister Stephen Harper se Konserwatiewe Party gemaak deur ‘n Liberale regering te verkies onder leiding van Justin Trudeau.

Justin is die seun van ’n charismatiese voormalige eerste minister Pierre Trudeau.

Meningsopnames Sondag het reeds aangedui dat die Liberales ’n hupstoot uit die derde plek gekry het en nou ’n sewe punt voorsprong op die konserwatiewes het.

Baie van Kanada se 26,4 miljoen geregistreerde kiesers moes ‘n politieke sirkus aanskou met kandidate wat hulself deurentyd deur hul belaglike manewales diskwalifiseer.

Die 43-jarige Trudeau hoop om die “Trudeau-manie” te laat herleef wat in 1968 die ou garde uit die kussings gelig het.

Justin Trudeau se oorwinning is slegte nuus vir Amerikaanse Neo-Konserwatiewes.

Trudeau het bevestig dat hy Kanadese vegvliegtuie sal onttrek van die lugaanvalle in Irak en Sirië teen die demokratiesverkose president al-Assad.

Hy het die Amerikaanse president Barack Obama van sy besluit ingelig slegs ure na oorwinning by die stembus.

As deel van sy verkiesingsveldtog, het Trudeau belowe om die CF-18 vegvliegtuie wat tot Maart 2016 ontplooi is, huistoe te bring.

Trudeau, wat gekant is teen die onafhanklikheidstrewe van Quebec, het ook die wettiging van dagga belowe.

Blanke studente kla omdat Tukkies vandag gesluit is

Die Universiteit van Pretoria, wat tot dusver die kampusonrus gespaar gebly het, het insgelyks aangekondig dat hy vandag alle klasse opskort en gesluit sal wees as deel van die landwye staking van hoofsaaklik swart studente. Blanke studente wat vir toetse en eksamens moet voorberei, asook in praktiese kursusse veeleisende take moet voltooi, was gister ontstoke hieroor.

“Ons is nie deel van hulle politiek nie!” het ‘n damestudent by Tukkies wat nie haar naam genoem wil hê nie, gister uitgeroep. “Dis die einde van die jaar; ek is toegegooi onder die werk en moet Maandag ‘n baie moeilike projek inhandig. Ek het nie die toerusting tuis om daaraan te werk nie; daarom móét ek kampus toe kom.”

Sy wou in elk geval vandag kampus toe kom, maar haar ouers het ‘n stokkie daarvoor gesteek, uit vrees vir haar veiligheid. “Hulle sê dat ek dalk aangeval gaan word. En dis waar, ek sal van die Gautreinstasie af kampus toe moet loop en op pad word ons altyd deur die swart leeglêers en motorwagte seksueel geteister. Dus sal ek nie gemaklik voel om alleen te moet loop nie,” sê sy.

‘n Ander student sou vandag lesings bygewoon het en voel dis onregverdig weens die veeleisendheid van sy kursus. “Daar is so min tyd in elke lesing vir dosente om die werk te verduidelik,” sê hy. “Nou is ons agter met die sillabus en sal hulle dit iewers aanstaande week moet inprop, op die vooraand van die eksamens. Ons is betalende studente wat nou benadeel word, alles omdat swart studente op ander kampusse besig is om amok te maak. Ek is ‘n beurs by Wits aangebied, maar wou nie soontoe gaan nie weens die linkse politiek daar, nou raak dit my selfs hier by Tukkies.”

Volgens hom sal dit niks help om fooie te verlaag nie. “Selfs al kan almal gratis studeer, moet jy nog aan die toelatingsvereistes voldoen. Benewens maklike kursusse soos onderwys, is daar baie min swart studente wat toelating verkry. Hulle wiskunde en wetenskap is eenvoudig nie goed genoeg nie. Al brand hulle die kampus af, gaan dit nog niks daaraan verander nie.”

Sy vriend langs hom, wat ekonomie studeer, meen “hulle soek net ‘n stuk papier sodat hulle agterna ‘n regeringspos kan kry, waar hulle hul sakke kan vul. Hulle hoef nooit te presteer nie. ‘As ek nie my sin kry nie, verniel ek geboue of brand iets af,’ is die houding. Bou nou ‘n land met sulke mense.”

Intussen probeer die HSM (hoofstroommedia) om die indruk te skep dat alle studente ontevrede is. Die Naspersorgaan, News24, berig soos volg:

“Studente van die Universiteit van Pretoria sê  dat hulle voortgaan met hul betoging oor voorgestelde fooiverhogings vir 2016 en hulle sweer dat hulle nie sal tou opgooi nie.”

Vermeende messteker glimlag breed by sy hofverskyning

Die laggende bruinman Damian Adams wat die wit onderwyseres Lindie Bosch-Jansen die naweek volgens ooggetuies met ‘n mes doodgesteek het, het in die landdroshof in Warmbad (Bela-Bela) verskyn.

PRAAG het vroeër berig dat hy swart is, maar dit blyk dat Adams, 20, bruin is.

Die Pos, ’n plaaslike koerant, berig hy het verbande aan albei sy arms gehad.

Hy het beserings aan sy arms opgedoen toe hy oor ’n lemmetjiesdraad probeer vlug het na die moord.

Die vermoorde onderwyseres se handsak is in sy besit gevind.

Die moeder van Bosch-Jansen het nie Dinsdagoggend die hofverskyning van haar dogter se vermeende moordenaar bygewoon nie.

Anne O’Neill Hoffman sê sy is te getraumatiseer deur die gebeure.

Adams sal in aanhouding bly tot hy volgende week om borgtog sal aansoek doen.

Puk-studente beskerm Totius-beeld

Lede van die drukgroep Reform PUK eis nou om direk met die Noordwes-Universiteit se raad te skakel rakende hul klagtes.

Dit volg na ’n massavergadering deur lede van die Reform PUK-groep waar hul visekanselier, Dan Kgwadi, Dinsdag uitgejou het en gesê het dat hy nie antwoorde op hul vrae gebied het nie.

Kgwadi het terugvoer gelewer oor die memorandum van griewe wat verlede week aan hom oorhandig is, waar Reform PUK onder meer kla oor die universiteit se taalbeleid, tolkdienste en hoë klasgelde.

Hy het gesê dat die universiteit kennis neem van hul ongelukkigheid, en dat die universiteit se bestuur dit sal aanspreek.

Kgwadi het egter bygevoeg dat dit onmoontlik en onprakties is om binne enkele dae hierdie probleme te probeer oplos.

Spanning het hoog geloop toe swart studente ‘n beeld van die Afrikaanse digter Totius wou vandaliseer.

Ná die vergadering met Kgwadi, waar die kwessie van die standbeeld bespreek is, het ‘n groep wit studente die beeld omring in ‘n poging om dit te beskerm.

Swart studente het hulle deurentyd gekoggel.

NWU se woordvoerder Professor Johannes Froneman het bevestig dat daar wit studente die standbeeld beskerm en dat swartes daarna die aftog geblaas het.

Verlede week het die opstokers ‘n memorandum aan die bestuur van die universiteit oorhandig en hulle gevra om te reageer teen 20 Oktober.

Eise in die memorandum sluit in die verwydering van die Totius-beeld, die verandering van die toelatingsbeleid, die hervorming van die SR en dat alle lesings in Engels aangebied moet word by die instansie.

Meer as 200 plaasaanvalle vanjaar

Meer as 200 plaasaanvalle is reeds vanjaar aangemeld, waarvan meer as 40 in Mpumalanga voorgekom het.

Die TLU-landbou-organisasie het sy kommer uitgespreek oor die toename in plaasaanvalle.

Die TLU-verteenwoordiger op Ermelo in Mpumalanga, Danie du Plessis sê die TLU is van mening dat die polisie nie genoeg doen om landbougemeenskappe te beskerm nie.

Du Plessis sê die styl van die aanvalle het ook verander.

Du Plessis het vroeër gesê: “Dié goed begin nou handuit ruk. Dit kan net nie so aangaan nie.

“Die stelsel is teen die boere gekant en ons is kwesbaar. Die rowers dink dis reg dat hulle mense net kan skiet en daarmee wegkom.”

Hy het enige planne vir landelike beveiliging deur die regering as blote praatjies afgemaak.

“Die planne kom nie op grondvlak uit nie.”

Volgens Du Plessis het die boere hulself nou begin beveilig.

“Niemand anders gaan dit doen nie.”

TLU SA se President, Louis Meintjes sê dit is opmerklik hoe eensgesind die boere op grondvlak is oor beginselsake wat landbou raak, maar daarom soveel meer onbegryplik dat nasionale landbou-organisasies oor dieselfde beginselkwessie verskil.

“Dit voel amper of landbou-organisasies op nasionale vlak voeling met die boer op grondvlak verloor het, en daarom uitsprake maak en beleidsrigtings ondersteun wat beslis nie deur die boere op grondvlak ondersteun word nie.”

Die boere in Suid-Afrika, deur die bank, het die ANC se beleidstandpunt dat boere 50 persent van hulle plase aan swart werkers moet afstaan, in geheel verwerp, het Meintjies gesê.

“Voorts is ek baie bekommerd oor mnr. Zuma se uitlating dat daar geen plek vir besighede in Suid-Afrika is wat nie die ANC ondersteun nie. In ander woorde kom dit daarop neer dat die ANC se goedgesindheid gekoop moet word op welke wyse ook al om te kan sake doen in Suid-Afrika. Sou dit waar wees, maak dit die ANC in wese die grootste misdaad sindikaat in die land,” het Meintjies bygevoeg.

Drukgroepe het reeds hulle kommer uitgespreek en oproepe op die polisie gedoen om plaasaanvalle as prioriteitsmisdaad te verklaar.

Die nasionale polisiewoordvoerder, Solomon Makgale sê die polisie is besig met strategieë wat daarop gemik is om misdade soos plaasaanvalle te bekamp.

Hy sê plaasgemeenskappe en ander landelike gemeenskappe ervaar ‘n toename in misdaad.

Hy sê die polisie is in gesprek met landbou-organisasies wat reeds veiligheidstrukture vir landelike gemeenskappe het, en in oorleg met hulle is ‘n landelike polisiëringstrategie ontwikkel.

Makgale sê dié strategie word tans in werking gestel.

Betoger glo raakgery by Kovsies

Betogers het Dinsdagaand op die Bloemfontein-kampus van die Universiteit van die Vrystaat (UV) met geweld gedreig nadat ‘n finalejaarstudent glo in ‘n tref-en-trap raakgery is.

Die betoger was deel was van die protes teen verhogings in klasgelde.

Die betogings, wat dreig om eindeksamens by die betrokke instellings in gedrang te bring, is oënskynlik teen verhogings in klasgelde aanstaande jaar.

Die oproer het na die Vrystaat oorgespoel nadat meestal swart studente by universiteite landswyd amok begin maak het, met talle wat onder die indruk verkeer dat hulle teen “wit beheer” in opstand is.

Die 22-jarige vroulike betoger het op ‘n sypaadjie gesit terwyl honderde betogers die hoofhek in Nelson Mandelarylaan in Bloemfontein probeer afsper het.

Die bestuurder het ongeduldig geraak met die massa en die betoger getref in ‘n poging om deur te ry.

Die kampussekuriteit het die bestuurder agternagesit, maar dit is nie duidelik of hulle die voertuig opgespoor het nie.

Geen inligting oor die betoger se beserings is beskikbaar nie.

Onluste-polisie storm admingebou van US

‘n Groep van meer as 50 studente van die Universiteit van Stellenbosch ‘n interdik verontagsaam wat deur ‘n balju van die hof Dinsdagoggend aan hulle oorhandig is.

Betogers het die glas van die universiteit se Admin B-gebou se ingang gebreek en skares studente het buite saamgedrom. ‘n Menseketting is vir ‘n ruk voor die ingang gevorm.

Gerugte van een beseerde is op Twitter versprei, maar kon nie bevestig word nie.

Betogers het die admin-gebou intussen herdoop na “Winnie Mandela House”. Die Universiteit het vroeër ‘n hofbevel bekom teen ‘n betoging op die kampus.

Die Admin B-gebou se besetters het verbygangers toegesnou: “Fok julle en fok die polisie. Hulle het julle in Marikana gebruik om ons pa’s dood te maak!”

Dit is nie ‘n “fokken dieretuin” nie, het betoger ook skree toe groepe studente kom kyk het hoe die besetting ontvou. Betogers het ook geskree dat hulle “wit suprematisme” gaan beëindig.

Swart onluste-polisie monitor van vanoggend af die gespanne situasie by die universiteit waar die betogers die gebou beset.

Hulle het intussen ingestorm om die gebou te ontset onder luide veroordeling van die betogers wat geskree het “Dis nie onluste nie!”

Sommige studente was in die gebou toegesluit waar veiligheidspersoneel toesig gehou het. Die studente betoog glo teen die voorgestelde verhoging in klasfooie.

Betogers van die Universiteit van Kaapstad het na verskeie koshuise op die kampus beweeg om werkers wat uitgekontrakteer is, te dwing om hulle poste te verlaat.

By Rochesterkoshuis het betogers binnegestorm om die kos te “nasionaliseer” en hulself gehelp aan die middagete.

Hulle het daarna hul opmars na die strate van die Kaapstad se voorstede voortgesit.

Die werkers sluit veiligheidswagte en skoonmakers in. Die studente eis dat die universiteit die gebruik van privaatmaatskappye op die kampus moet staak.

Klasse is weer opgeskort en die universiteit het ‘n hofbevel gekry om die betogers te verbied om gewone bedrywighede op die kampus te ontwrig.

Intussen sê betogende mediese studente by die Universiteit van die Witwatersrand in Johannesburg hulle protesoptrede raak nie noodsaaklike dienste by die Charlotte Maxeke Akademiese Hospitaal nie.

Die betogers het intussen na die strate van Johannesburg uitgebrei waar verkeer vir die tweede dag ontwrig word.

Die betogers sê hulle verwag slegs van studente om aan die betoging deel te neem, en dat dokters en mediese personeel beskerm sal word.

Die studente betoog oor ‘n voorgestelde verhoging in klasgelde. Baie van die mediese studente was veronderstel om vandag eksamen te skryf.

Protes het voortgegaan by Wits asook Rhodes universiteite. Klasse by die drie universiteite is opgeskort vir nog ‘n opeenvolgende dag.

Protes het ook begin by Fort Hare-universiteit in die Oos-Kaap.

Protes sal ook Woensdag by Tuks Universiteit in Pretoria begin.

Kiëf probeer Minsk-vrede ondermyn

Regeringsbronne in Kiëf het bekend gemaak dat ’n soldaat in die konflikgeteisterde ooste van die Oekraïne doodgeskiet is.

Dit is glo die eerste sterfgeval onder regeringsmagte in ’n maand.

Dié nuus kom pas nadat president Hollande van Frankryk verklaar het dat die Minsk-vredesooreenkoms verleng behoort te word. Dit sou strek tot Desember 2015.

Dinsdag het pro-Russiese rebelle op regeringsposisies suid van Avdiivka gevuur, volgens Kiëf. Die dorp is net noord van die rebelle-vesting Donetsk geleë.

Twee ander soldate is in die skietery gewond.

Kiëf en die rebelle het ’n skietstilstandooreenkoms gesluit wat op 1 September in werking getree het.

Op 14 September het regeringsmagte twee sterftes aangemeld en die rebelle het verlede naweek ’n vegter aan die buitewyke van Donetsk verloor.

Die konflik het begin toe NAVO ‘n destabiliseringsoefening van stapel gestuur het in die Oekraïne. Meer as 8 000 mense is reeds dood en 1,5 miljoen haweloos gelaat in die konflik.

Na ‘n referendum in die Krim-skiereiland in Maart 2014 is dit as ‘n selfregerende gebied deur Rusland verklaar.