Gister het ongeveer 3000 PUK-studente op die kampus betoog (blykbaar die eerste keer in die geskiedenis!) ten gunste van Afrikaans en nie-inmenging deur Beeld se Melville-linkses of die kommunistiese minister van hoër onderwys, Blade Nzimande.
Studente was versigtig om hul verbintenis tot “nie-rassigheid” en “nie-seksisme” te verklaar terwyl hulle terselfdertyd die behoud van hul grondwetlike reg om in Afrikaans onderrig te ontvang, bepleit het. Die gebrek van ‘n institusionele versetskultuur was egter taamlik helder aangesien die minderheid swart studente wat saam betoog het, meer gemaklik was om te toitoi en te sing.
Die multikulturele aanskyn van die betoging was egter nie nie genoeg die etiket van “regs” af te weer nie. ‘n Groep bekend as die Transformasienetwerk vir Hoër Onderwys (Higher Education Transformation Network) het vooraf ‘n verklaring uitgereik waarin die “regse betoging” verwerp word.
Volgens die Transformasienetwerk verteenwoordig die studente se memorandum:
“…’n treurige aanklag teen die vlak van indoktrinasie by NWU Potchefstroom. Dit is amper ondenkbaar dat regse studente hul onkunde, onsensitiwiteit en vooroordeel so openlik kan openbaar. Gegewe die berg getuienis wat van die teendeel spreek, klink hul bewering van steun vir grondwetlike waardes soos gelykheid, vryheid en menseregte hol. Dis helder dat dié eienaardige dokument nie van ‘n studenteliggaam met geldige besware afkomstig is nie.”
Die Transformasienetwerk vir hoër onderwys het in Junie ‘n hofsaak teen Willie Spies en die alumnusraad van Tukkies gewen waarin hulle beweer dat daar diskriminasie by die UP bestaan omdat daar nie genoeg swart gesigte op die alumnusraad bestaan nie. Die saak sal nou verder in die gelykheidshof voortgesit word. Dit wil voorkom asof die Transformasienetwerk, wat uit ‘n groep swart regsgeleerdes meesal met staatsdiensposte bestaan, van elders befonds word om Afrikaners by die oorblywende Afrikaanse universiteite vanuit alle bestuurs- en ander poste te verdryf om sodoende geheel en al die mag op sulke kampusse oor te neem. Daarom verkeer die PUK ook in hul visier.
Die Transformasienetwerk spits hom op universiteite toe, terwyl Section 27, wat deur George Soros befonds word, hofsake teen Afrikaanse skole maak of swart studente by sulke skole opsweep om klagtes van rassisme teen Afrikaneronderwysers te maak.
Die PUK-studente se memorandum word hier onder volledig geplaas soos dit op die Studenteraad se Facebook-blad gepubliseer is:
MEMORANDUM
OORHANDIG AAN DIE VISEKANSELIER VAN DIE NOORDWES-UNIVERSITEIT
DEUR DIE STUDENTERAAD VAN DIE POTCHEFSTROOMKAMPUS
OP 24 JULIE 2014
Vir té lank is daar besluite geneem oor ons, maar sonder ons.
Vir té lank word aantygings soos: “diskriminerend”, “pro-ontgroening” en “onvermoë om te verander” aan die lewe gehou deur stilswye of deur uitlatings van Bestuur sonder om ons in die saak te ken. Ons word daarvan beskuldig dat ons instinktief ʼn verdedigende houding inslaan wanneer hierdie aantygings om ons nekke gehang word. Hierdie poging om ons monde te snoer, sal nie verder slaag nie; ons sal nie langer swyg oor onwaarhede oor ons nie!
Studente by gister se betoging op die Potch-kampus
Ons verteenwoordig die studente van die Potchefstroomkampus en almal vandag hier bymekaar. Ons staan vir ʼn aktiewe en deelnemende studentelewe en waarborg studentiteit aan elkeen van die nagenoeg 20 000 kontakstudente van die Potchefstroomkampus. Ons voetspoor in die plaaslike gemeenskap getuig van ons gesindheid en toewyding – met meer as 80 projekte en die insameling en effektiewe toedeling van ʼn miljoen rand per jaar maak ons ʼn wesenlike verskil in ons gemeenskap.
Besef eens en vir altyd dat ons die Grondwet van RSA steun – nie ontgroening nie! Ons koester ʼn samelewing geskoei op die grondwetlike waardes van gelykheid, vryheid en menswaardigheid. Ons bevestig dat ons hierdie waardes onderskryf, en dat ons wil ervaar dat Bestuur dit ook teenoor ons uitleef.
Dit is vir ons as studente ʼn belediging dat daar – sonder die nodige korreksie – meer aandag geskenk word aan eensydige berigte in die media, en die dagblad Beeld in besonder, as dat die Bestuur na die NWU se eie studente se stem luister en ondersoek instel na wat werklik onder ons leef en wat ons proaktief dóén.
Die Studentestem word blatant geïgnoreer!
In die lig van die bogenoemde eis ons:
Die daarstelling van ‘n Forum vir gesprekvoering tussen die Visekanselier en die verteenwoordigende studente van die Potchefstroomkampus en wat spesifiek daarop fokus om wanpersepsies te identifiseer en uit die weg te ruim. Hierdie Forum moet onder andere bestaan uit politieke organisasies wat op progressiewe liberale beleid gemik is. Die Forum moet binne 10 dae ná ontvangs van hierdie skrywe gevestig word.
Effektiewe transformasie wat die voortbestaan van Afrikaans as onderrigtaal op die Potchefstroomkampus sal verseker, binne ‘n meertalige en multikulturele konteks, met inagname van die demografie van die Afrikaansprekende bevolking van Suid-Afrika in die geheel en wat ook verteenwoordigend is van die breë Suid-Afrikaanse samelewing. Duidelike teikens moet teen einde November 2014 vir die volgende 5 jaar opgestel word wat transformasie binne hierdie konteks in die breë studente- en ook koshuislewe sal verseker.
Transformasie soos hierbo gestel moet dan by uitstek nie fokus op ‘getalletransformasie’ soos meestal in politieke retoriek aangevoer word nie, maar moet fokus op die verandering van denkwyses, weerlê van wanpersepsies en die skepping van ‘n multikulturele eenheid op die kampus, waarbinne verskeidenheid dog die andersheid van elke individu waardeer en gerespekteer word. Daar word vereis dat akademiese sowel as sosiale programme in plek gestel word wat hierdie kwessie sal aanspreek, om sodoende ‘n studentemassa te vorm wat ‘n verskil kan maak in Suid-Afrika. Hierdie eis moet ook deel uitmaak van die gesamentlike teikens en plan wat teen einde November 2014 gefinaliseer moet word.
Toegang vir alle studente tot die NWU-Potchefstroomkampus as ‘n meertalige kampus, met behoud van die grondwetlike reg om Afrikaans as onderrigtaal te behou terwyl toegang bevorder en Engels en Setswana ontwikkel word.
Fermer optrede deur Bestuur teenoor die media ten opsigte van onbillike beriggewing ten einde ons studente se integriteit en die geloofwaardigheid van ons kwalifikasies te beskerm.
Dat Bestuur die onwetenskaplike werkwyse staak om uitlatings te maak oor die studentelewe en oor studente sonder om hulle van die nodige feite en inligting by die studente as primêre bron hieroor te vergewis.
Dr. Theuns Eloff, wat onlangs die tuig as rektor van die Noordwes-universiteit neergelê het, is tot voorsitter van Dagbreektrust verkies. Dit blyk uit onlangse berigte in die media. Daar word konserwatief geskat dat die Trust oor R2 miljard se likiede fondse in die vorm van kontant en aandele beskik.
Die kanse dat dié fondse egter in die belang van die Afrikaner aangewend sal word, is skraal. Oor die afgelope jare het Dagbreek konsekwent die Nasionale Party se beleid van versoening met die ANC, asook die “versmelting” van Afrikaners met kleurlinge om “Afrikaanses” te word, nagejaag.
Die aanwysing van Eloff versterk die beheer wat Potchefstroom, of dan trustees wat bande met die Potchefstroomkampus het, oor Dagbreektrust uitoefen. Mnr. Flip Buys van Solidariteit, ‘n ander trustee van Dagbreek, het insgelyks aan die Potchefstroomse Universiteit gestudeer en dien ook op die raad daarvan (tans NWU).
Die vorige voorsitter van Dagbreek, mnr. Danie Cronjé, was eers voorsitter van ABSA-bank. Maar ook hy was op ‘n stadium lektor in Monetêre en bankwese aan die Potchefstroomse Universiteit. Nog ‘n vorige trustee was prof. Carools Reinecke, wat ook op sy dag rektor van die PUK was. Dis onbekend of Reinecke steeds op die Trust dien.
Die oorsprong van Dagbreektrust word tans nie aan die groot klok gehang nie, maar die trust is waarskynlik dieselfde vereniging as dié wat dr. HF Verwoerd in die dertigerjare gestig het om die Johannesburgse dagblad, Die Transvaler, mee te begin. Ná verskeie samesmeltings, het Perskor tot stand gekom, met Dagbreektrust as Perskor se vernaamste aandeelhouer.
Uiteindelik is Perskor deur mnr. Terry Moolman van die Caxton-drukkery oorgeneem en tot vandag toe behoort sekere Perskor-titels soos The Citizen, Rooi Rose en ander aan Caxton.
Die bates waaroor Dagbreek tans beskik, is hoofsaaklik aandele in Naspers wat voortspruit uit ‘n ontbondelingstransaksie toe M-Net, waarin Perskor ‘n mede-aandeel gehad het, se aandele in Naspersaandele omskep is.
Toe Naspers se aandele minder as R500 werd was, het Dagbreek se aandeelhouding in Naspers reeds tot een miljard rand gestyg. Tans verhandel Naspers teen R1290 per aandeel, dus kan mens met redelike sekerheid sê dat Dagbreek se bates tot oor die twee miljard rand gestyg het.
Volgens Bloomberg is die dividendopbrengs op Naspersaandele tans 0,33% per jaar. Dit beteken dat Dagbreek se inkomste net uit dividende jaarliks R6,6 miljoen beloop, ongeag ander beleggings of deposito’s.
Die tolkprogram aan die Universiteit van Potchefstroom wat dit vir swart studente moontlik maak om ingenieurswese in Engels te studeer, is deur Dagbreektrust gefinansier. Dit mag strydig met die trustakte wees, aangesien die trust veronderstel is om Afrikaans te bevorder. Die trust argumenteer egter dat Engelse tolkwerk “help om die universiteit op die duur Afrikaans te hou”. Ná Adriaan Basson van Beeld se veldtog teen die Noordwes-universiteit en die aandag wat dit van die kommunistiese minister van hoër onderwys, Blade Nzimande, ontvang het, is dit egter te betwyfel of die universiteit veel langer Afrikaans as voertaal sal kan behou.
Dagbreektrust ondersteun onder andere ook die webblad LitNet, wat deur prof. Etienne van Heerden van die Universiteit van Kaapstad, bedryf word. Die blad is bekend vir sy dikwels linkse en marxistiese standpunte. Verskeie aansoeke deur PRAAG vir projekte om Afrikaans te bevorder, is reeds deur Dagbreek afgekeur, onder meer omdat daar nie ‘n regstellende-aksie-komponent by sulke projekte betrokke was nie en dit daarom as “eksklusief” en nie “inklusief” nie geag is.
Ironies genoeg word die fonds wat dr. Verwoerd in die 1930s opgerig het, dus vandag gebruik om marxistiese denke in Suid-Afrika te bevorder.
Vanoggend het die webblad nie minder as drie keer nie onbeskikbaar geraak. Die eerste twee kere rondom vyfuur vanoggend was daar geheueprobleme en die derde keer het ‘n lêer in die databasis korrup geraak, moontlik weens oorverhitting.
Gelukkig kon ons dit telkens gou genoeg herstel. Die derde keer was ‘n groter tegniese uitdaging wat ons darem binne ‘n halfuur of so te bowe kon kom. Maar dit vermors kosbare tyd en energie.
Daarom het ons nou tot die stap oorgegaan om binne die volgende paar dae na ‘n nuwe, groter en sterker bediener te verskuif. Met splinternuwe programmatuur sal alles vinniger én veiliger werk. Om alles op te stel, asook al die data vir ongeveer 20 000 artikels in ‘n oorsese land van een rekenaar na ‘n ander oor te kopieer, is egter ‘n delikate oefening wat ons tot laatnag gaan besig hou. Ons begin van nuuts af aan met ‘n leë hardeskyf!
Die nuwe bediener sal ons in staat om soveel meer vir al ons lesers en ondersteuners te kan doen, met allerlei nuwe voordele en toegang tot inligting en vermaak.
Met die hoofstroommedia wat toenemend polities korrek en onder invloed van die ANC en die Suid-Afrikaanse Kommunisteparty staan, is praag vir ons almal ‘n onontbeerlike bron van inligting, menings en debat. Ons vermoed dat ‘n groot deel van die Suid-Afrikaanse media sedert 1994 deur binne- en buitelandse inligtingsdienste geïnfiltreer is; oor die afgelope paar dae was dit byna komies om te sien hoe hulle die amptelike Britse en Amerikaanse regeringsinligting en teeninligting oor Israel en die Oekraïne-tragedie klakkeloos weergee! Drie senior intelligensie-amptenare van die VSA-regering het vandeesweek presies dieselfde terme gebruik as wat in Beeld en Die Burger staan. Dis sekerlik nie toevallig nie.
Die hoofstroommedia in ons land het openlike propagandaspuite vir die ANC en die oorlugsugtige Anglo-Amerikaanse wêreldryk geword. Dit word nie eens meer weggesteek nie. Paul Craig Roberts verwys na die BBC as die British Brainwashing Corporation, maar hy het nog nie die media in óns land gesien nie!
Daarenteen, vergelyk die twee praag-blaaie met die beste van die internetmedia in oorsese lande wat die waarheid uitsnuffel en boekstaaf. Ons Engelse blad word ook wyd in Europa en in die VSA gelees. Ons stelsel is so aanpasbaar dat ons enigiets kan aanbied, van teks en foto’s tot klank/potgooie en video. Dit laai besonder maklik en vinnig op selfone en tablette ook af, selfs op verafgeleë dele van die platteland. Spoed is vir ons belangrik, vandaar die eenvoud en minder foto’s wat ons deesdae plaas.
Disqus stel lesers in staat om self deel te neem en inligting, asook skakels, foto’s en video’s te plaas. Geen van die hoofstroomblaaie se kommentaarafdelings laat soveel vryheid met skakels, beelde en video op Disqus toe nie.
Dus, as u nie reeds ‘n maandelikse debietorder uitgeneem het om ons te ondersteun nie, maak gerus nou so. Help ons om in dié see van vyandelike propaganda ‘n vlammetjie van hoop brandend te hou. Dit mag selfs lewens red, want as daar volle beheer oor inligting in ons land heers, sal ons eenvoudig een vir een uitgewis kan word sonder dat ‘n haan ooit daaroor sal kraai. Almal weet dat die SA revolusie nou eers ná 20 jaar op dreef begin kom, net soos in Zimbabwe vanaf 2000 gebeur het.
Neem ‘n oomblik en vul die vormpie hier in. As u enige vrae of voorstelle het, kontak ons by inlig[by]praag.org. As u nie tyd het nie, stuur in elk geval vir ons ‘n e-pos en ons sal ‘n plan maak om die inligting per e-pos of selfs telefonies by u te bekom.
Die ANC se plan om die oorblywende staatskole met ‘n meerderheid blanke kinders en wat gewoonlik in Afrikaans bedryf word, te saboteer, het ‘n stap nader gekom toe die minister van basiese onderwys gister gesê het dat die provinsies oor sulke magte beskik.
Volgens Angie Motshekga, die betrokke minister, “het provinsies die mandaat om hul eie provinsies en dus hul eie skole na goeddunke te bestuur, as gevolg van die skeiding van magte”.
Die LUR vir onderwys in Gauteng, die provinsie waarin die meeste Afrikaners en blankes woon, het voorheen verklaar dat hy skole in die voorstede en in die lokasies wil saamsmelt om “beter integrasie” te bewerkstellig.
Die LUR, Panyaza Lesufi, beskik reeds oor ‘n “tegniese span” wat hom gaan adviseer oor hoe beter “maatskaplike kohesie” bereik kan word deur voorstedelike leerlinge en onderwysers te dwing om met lokasieskole te integreer.
Terwyl Suid-Afrika sedert 1994 omtrent alle Amerikaanse metodes van rasse-integrasie toegepas het, is “bussing” of om leerlinge van verskillende rasse met busse aan te ry om saam skool te gaan, nog nie toegepas nie. Dit wil nou voorkom asof die Gautengse LUR vir onderwys tot dié stap sal oorgaan.
Deel van die plan is om die “hulpbronne” van voormalige, Afrikaanstalige model-C-skole, wat gewoonlik deur die ouers onderhou word, nou deur lokasieskole te laat “benut”.
Die Amerikaanse meningsvormer en voormalige redakteur van die Wall Street Journal, Paul Craig Roberts, het onlangs in sy kommentaar oor die krisis in die Oekraïne en die VSA se rol daarin, gesê:
“As ons eerlik is en oor die moed beskik om die werklikheid in die oë te kyk, sal ons besef dat die Sowjetunie nie in duie gestort het nie. Dit het eenvoudig, tesame met Pol Pot, Washington en Londen toe getrek.”
Die vorige minister van onderwys, Kader Asmal, het reeds deur dieselfde metodes van Sowjetagtige sosiogeniëring die Afrikaanse universiteite verengels en ontwrig. Afrikaanse skole gaan blykbaar nou aan dieselfde verengelsing en aftakeling blootgestel word, ter wille van die revolusie.
Blykbaar het sulke planne in die Wes- en Oos-Kaap egter nie so goed gewerk nie en is “baie probleme” met die uitvoering daarvan ondervind, het minister Motshekga gesê.Maar indien Gauteng met sy samesmeltingsplan wil voortgaan, sal die nasionale departement van onderwys egter ‘n “eenheid” daarstel om provinsiale departemente met samesmeltings by te staan.
Die regering het bevestig hy sal voor die einde van Augustus met die Boere Afrikaner Volksraad vergader, het RSG berig.
Dit volg nadat die Volksraad gister aangekondig het dat samesprekings onder andere met president Jacob Zuma en sy adjunk, Cyril Ramaphosa oor self-beskikking gehou sal word.
Die groep wil onafhanklikheid van Suid-Afrika hê en ‘n staat vestig waar Afrikaners hulle kultuur en taal kan uitleef.
Die presidensiële woordvoerder, Mac Maharaj sê die regering is altyd bereid om met verskillende belangegroepe in gesprek te tree.
Maharaj sê die kwessie duik gereeld op en die regering is bereid om dit te bespreek om sodoende litigasie te vermy.
Die Universiteit van die Vrystaat se wit studentedekaan vir transformasie moet sy pos ontruim nadat hy klaarblyklik nie daarin geslaag het om die rektor se swart agenda deur te voer nie.
Dit is bevestig deur Lacea Loader, UV-woordvoerder.
Loader het egter ontken dat die besluit verband hou met Buys se planne om “fundamentele en volledige transformasie” oftewel verswarting van die Kovsie-kampus onder aanvoering van die rektor Jonathan Jansen deur te voer.
Buys het op gebruiklike wyse naakte Boerehaat ingespan om die inwoners van die JBM Hertzog-manskoshuis tot sy “kulturele hernuwingsproses”, te bekeer.
Groot ongelukkigheid heers onder studente en alumni van dié universiteit daaroor.
Klaarblyklik het Jansen se plan om soos gewoonlik ‘n witte te gebruik vir sy verswartingsprojek, nou gesneuwel.
Gedenkwaardighede, onder meer persoonlike items wat aan die Boere-generaal JBM Hertzog behoort het, is uit die koshuis verwyder as deel van Jansen en Buys se kultuurslopingprojek teen Afrikaners.
Die voormalige voorsitter van die Kovsie-alumni-trust en oud-inwoner van JBM, wat homself as “pro-transformasie” beskryf, se oë het blykbaar nou effens oopgegaan nadat die ANC-aanslag nader tuis beweeg het.
Jonathan Jansen, die rektor en aanstigter, wat openlik teen wit Afrikaners agiteer, het voorheen die “proses van hernuwing” verdedig, maar dit lyk asof Buys se dae getel is en Jansen van hom ontslae geraak het om sy verleentheid te verberg na heftige teenstand.
Jansen het oudergewoonte die ontstoke betrokkenes tot leuenaars verklaar en ontken dat gedenkwaardighede uit die koshuis verwyder is. Hy het gesê die naamsverandering van die koshuis “is deel is van ’n konsultasieproses”.
Rapport het egter ’n opname bekom van die toespraak wat Buys op 19 Februarie by JBM gemaak het. Hieruit is dit duidelik dat die studentedekaan onder aanvoering van Jansen, verklaar dat die sogenaamde “konsultasieproses” pure oëverblindery is.
Buys, ‘n NG-predikant wat deurgaans altyd Engels praat, het voor studente verklaar: “Ek wil dit duidelik stel: Hierdie koshuis sál verander. In elke opsig. Die naam van die koshuis sal verander. Die museum (in die voorportaal van die koshuis) met materiaal wat aan JBM Hertzog behoort het, sal verwyder word.
“Ek wil dit duidelik maak, of julle saamstem of nie, die goed moet dié jaar verander. Vanjaar is die jaar wat hierdie koshuis fundamenteel en volledig verander.”
Daar is groot ongelukkigheid oor die bestuurstyl van die Kleurlingrektor, wie se termyn pas verleng is: “Wanneer hy met ons op vergaderings praat, klink hy erger as ’n diktator. Hy praat soos ’n skoolhoof wat met laerskoolkinders praat, behalwe dat ’n laerskoolhoof nie sal vloek voor sy leerlinge nie.”
Vlaminge wat van Jansen se optredes voor ‘n buitelandse gehoor bygewoon het, het voorheen aan Praag gesê gehore was ook geskok deur die man se gebrek aan opvoeding, verwysings na seks met jong vroulike studente en onbeheersde gekruide taal.
Jansen het reeds in sy talle Beeld-opiniestukke sy minderwaardigheid met giftige anti-Afrikaanse en anti-wit ywer verklaar. Dit manifesteer voorts in sy skollie-gedrag en ongeskunstelde maniere.
Studente sê hul rektor se gereelde gebruik van die woorde “fok” en “my God” in die openbaar gee veral aanstoot.
Die liggame van die slagoffers van die Maleisiese vliegramp sal vandag per vliegtuig na Nederland geneem word.
Die land, wat 193 burgers verloor het toe die vliegtuig in die Oekraïne afgeskiet is, se vlae sal halfmas hang.
Die Amerikaanse intelligensiegemeenskap het intussen erken dat hulle geen getuienis het dat Rusland direk betrokke is by die vliegtuigramp nie.
Drie senior inligtingsamptenare het die media Dinsdag in Washington op voorwaarde van anonimiteit toegespreek.
Hulle glo dat die vliegtuig per ongeluk deur Russies-gesinde separatiste geteiken is, maar geen nuwe getuienis vir hul jongste “scenario” aangebied nie.
Marie Harf, woordvoerder, sê hulle het nog nie “al die feite nie”.
Die intelligensiebronne het gesê dat hulle oor geen inligting beskik dat Russe teenwoordig was of opleiding verskaf het nie.
‘n Senior amptenaar het gesê die mees waarskynlike verklaring is dat die daders nie die nodige opleiding gehad het om die missielstelsel te kan gebruik nie.
Hulle het bygevoeg dat dit hoogs onwaarskynlik is dat die daders ooit uitgewys sal word.
Die amptenare het geweier om meer besonderhede oor die satelliete en ander gesofistikeerde sensors te gee wat hulle in staat gestel het om die missiel op te spoor.
Russiese amptenare het enkele dae gelede baie spesifieke tegniese data vrygestel in die openbare domein wat tot opheldering van die oorsake kan lei.
Die Amerikaanse inligtingsdiens het nie daarop gereageer nie en herhaal dat hulle YouTube en sosiale media gebruik en afleidings maak om tot hul gevolgtrekking te kom.
Van die beskikbare oopbroninligting is reeds uitgewys as vervalsings deur kenners.
Die twee vlugopnemers van die vliegtuig is intussen aan Nederlandse kundiges oorhandig, wat die ondersoek na die voorval lei.
Dit sal na Farnborough in Brittanje gestuur word waar die gestoorde data afgelaai sal word.
Die hoof van die Nederlandse forensiese span in die Oekraïene sê die trein wat vroeër in Kharkof aangekom het, vervoer 200 liggame van die vliegramp van die Maleisiese Lugdiens asook liggaamsdele.
Dit is minder as die liggame wat deur die selfverdedigingseenhede vermeld is. Vroeër is aangedui dat daar was 282 liggame is.
Die span het in die dorp gesê hulle sal na die ongelukstoneel moet terugkeer vir verdere ondersoek.
Toe die vliegtuig verlede week neergestort het, was daar na bewering 298 mense aan boord. Die meeste was van Nederland.
Die plan is dat die liggame van Kharkof af na die Nederlandse stad Eindhoven gevlieg sal word.
Die minister van hoër onderwys en sekretarisgeneraal van die SA Kommunisteparty, Blade Nzimande, het gister gesê dat daar “nie meer iets soos Afrikaanse- of Zoeloe- of Tswana-universiteite bestaan nie”.
Hy het dié opmerking tydens sy begrotingsrede oor hoër onderwys gemaak. Verder het hy uitgevaar teen “netelige kwessies soos rassisme (waaronder die Noordwes-Universiteit), asook diskriminasie wat op geslag, MIV-status, Vigs of klas gegrond is”. Sy departement het ook ‘n “maatskaplike insluitingsbeleid” aangekondig waardeur sulke kwessies “gekonfronteer” gaan word.
Die departement van hoër onderwys wil die aantal studente van die huidige 953 373 tot 1,1 miljoen in 2019 uitbrei. Teen 2030 word beplan dat daar 1,6 miljoen studente sal wees.
Die SAUK en die Afrikaanse Taal- en Kultuurvereniging, die ATKV, het hulle daartoe verbind om saam te werk om te verseker dat die belange van alle tale waaronder ook Afrikaanse “op en van die lug af goed verteenwoordig word”.
Die twee partye het vergader om die ATKV se kommer oor Afrikaanse programme te bespreek, insluitende die verskuiwing van die Afrikaanse nuus van SABC2 na SABC3, het RSG berig.
Die openbare uitsaaier sê die kwessie van taal is nie net beperk tot Afrikaans nie, omdat hy altyd daarna streef om te verseker dat “al die amptelike tale goed verteenwoordig is op al sy platforms”.
Die Israeliese weermag se verbete aanslag op die Palestynse het gelei tot ‘n massa-opskorting van internasionale vlugte na Tel Aviv.
Dinsdag het vyandelikhede in die Gasatrook verdiep en die onstabiele situasie het uitgebrei om die internasionale lughawe Ben Gurion.
As gevolg hiervan, het 15 maatskappye uit 10 lande dadelik alle vlugte na Israel opgeskort. Internasionale lugvaartpassasiers vrees ‘n herhaling van die mees onlangse lugramp van vlug MH17 in die Oekraïne.
Die stap is geneem na die Europese Agentskap vir Lugvaartveiligheid waarskuwings oor die gevaar van vlieg in hierdie streek van die Midde-Ooste uitgereik het.
Die agentskap sal na verwagting ‘n amptelike verklaring uitreik oor hierdie saak wat “streng aanbevelings” aan alle Europese lugdienste sal insluit.
Onder die lugdienste wat hul vlugte na Tel Aviv gekanselleer het, is Brussels Airlines, Air Baltic, Lufthansa, Swissair, Austrian Airlines, Germanwings, Air France, KLM, Cyprus Airways, Turkish Airlines, Air Serbia en Air Canada.
Intussen het die Israeliese se departement van Vervoer gekla dat hulle nie saamstem met hierdie evaluering van die situasie nie, alhoewel die Israelse regering verklaar het dat Hamas 70 vuurpyle na Israel afgeskiet het.
Die Israelse premier, Benjamin Netanyahu het die Amerikaanse Minister van Buitelandse Sake, John Kerry in ‘n telefoniese gesprek gevra om die 24 uur verbod op Amerikaanse vlugte na Israel op te hef.
Dit volg nadat die Amerikaanse Federale Lugvaart-administrasie ook alle nasionale lugrederye verbied het om vir dié tydperk op die Ben Gurion Internasionale Lughawe in Tel Aviv te land. Netanyahu sê die lughawe is veilig
Daar is egter ‘n woonhuis vernietig deur ‘n bom net 1,5 km van die lughawe.
Sedert 8 Julie bestook die Palestyne en Israel mekaar in Gasa.
Vlieëniers van die plaaslike dienste El Al en Arkia, asook ‘n aantal Europese lande kla dat hulle al “verblind” is deur militante Palestynse groepe.
Oor die twee weke van Israel se militêre operasie in Gasa, is 583 mense vermoor, insluitend 121 kinders. Soveel as 3600 mense, insluitend meer as 900 kinders, is beseer. Meer as 100,000 mense is ontwortel en 15.000 mense is van hulp afhanklik.
