Nuus Archives - Page 1292 of 1583

Motlanthe gaan Sosialisme-vergadering byeenroep

President Kgalema Motlanthe en die minister van buitelandse sake Nkosazan Dlamini-Zuma gaan Maandag die gashere wees vir die Internasionale Sosialistiese Kommissie vir ‘n Volhoubare Wêreld Vereniging in die Weskaap.

“Die agenda van die vergadering sal onder andere fokus op Afrika se ondervinding in die hantering van aardverwarming en klimaatsverandering,” het die woordvoerder vir die departement van buitelandse sake Ronnie Mamoepa Sondag in ‘n verklaring gesê.

Die kontinent se perspektief aangaande die globale ekonomiese krisis sal ook bespreek word by die vergadering in Kleinmond.

ANK-president Jacob Zuma sal ook na verwagting die vergadering bywoon.

Die Internationale Sosialis is ‘n wêreldwye organisasie van sosiale demokrate, sosialiste en arbeiderspartye. Die huidige lede is 170 politieke partye en organisasies insluitend die ANK. Die vergadering in Suid-Afrika vorm deel van ‘n program van aktiwiteite vir 2009, wat ook vergaderings van die Kommissie gaan behels in Sjina, Washington DC en by die VN se hoofkwartiere in New York.

Александр Фильчаков

35 mense beseer by ANK-byeenkoms

Ten minste 4 vroue en 2 kinders is Sondag uit Durban se Chatsworth stadion gedra nadat hulle beseer is by ‘n ANK-saamtrek.

Daar is ook gesien hoedat verskeie ander mense na die ambulanse agter die stadion geneem is.

Volgens die SAUK-verslag is 35 mense, hoofsaaklik vroue en kinders beseer.

Die stadion met 20 000 sitplekke was tot volle kapasiteit gepak, met meer as 50 busse wat ondersteuners van alle dele van die provinsie af gebring het om te kom luister na die ANK-president Jacob Zuma wat gepraat het.

Toe die ANK se KwaZulu-Natalse sekretaris Senzo Mchunu net sommige van die toeskouers genooi het om in die stadion se sentrale arena te kom sit, het ‘n skare ondersteuners deel van die barrikade wat hulle uit die gebied gehou het, omgestoot en ingestorm.

Daar is op sommige mense getrap terwyl ander hardhandig grond toe afgedruk is.

Onder die hoogwaardigheidsbekleërs wat teenwoordig was, was Cosatu president Sidumo Dlamini, Durban stadsbestuurder Michael Sutcliffe en besigheidsman Vivian Reddy.

Cosatupresident Sidumo Dlamini het ook gepraat en gesê: “Cosatu is hier om ‘n beslissende oorwinning te verseker. Die ANK tree op teen die probleme wat die land tans in die gesig staar.”

Hy het gesê die aflegging van werkers, veral die in die mynindustrie, sal aangespreek word.

arabian nights Александр Фильчаков

Old Mutual gaan Nedbank verkoop

Old Mutual beplan om 53% van sy aandeel van Nedbank te verkoop, het ‘n Britse koerant oor die naweek berig.

Die Observer het gesê dat Old Mutual, Brittanje se 4de grootste versekeraar, beplan om ‘n aandeel van die Suid-Afrikaanse bankgroep te verkoop, sonder om ‘n bron te noem.

Die verslag het gespekuleer dat Old Mutual die aandeel dalk gaan verkoop aan Standard Chartered Plc of HSBC Holdings.

‘Afrikaans kan nie tot nadeel van ander tale strek nie’

Beeld berig dat Fikile Mbalula, hoof van die ANC se verkiesingsveldtog, gesê het dat daar na Afrikaans as onderrigmedium op universiteit gekyk moet word,

Hy het Vrydag aan sowat 250 studente op die Soweto-kampus van die Universiteit van Johannesburg gesê “Afrikaans kan nie die onderrigmedium wees tot nadeel van ander tale nie.”

Mnr. Gwede Mantashe, ANC-sekretaris-generaal, het die byeenkoms glo verlaat toe daar ’n uur ná aanvang nog honderde leë stoele in die saal oop was. Die byeenkoms is deur Sasco gereël.

“Onderwys is die grootste prioriteit vir die ANC vir die volgende vyf jaar,” het Mbalula aan die skamele gehoor gesê. Hy het ook gesê glo bekostigbare en gratis tersiêre onderwys is haalbaar.

топкарго кидалы

Mugabe vier uitspattig fees

Terwyl Zimbabwiërs van die honger omkom, het president Mugabe en sy gaste die naweek dié berugte staatsleier se 85ste verjaardag gevier met peperduur kos soos kaviaar, kreef en sjampanje.

Mugabe se gaste het in die dorp Chinhoyi vir die uitspattige partytjie opgedaag – terwyl meer as die helfte van die land se inwoners brandarm is en nie kos het om van te leef nie.

Sy verjaardagkoek het 85 kg geweeg.

Mugabe het reeds op 21 Februarie verjaar, maar sy ondersteuners van die Zanu-PF-party het die vieringe uitgestel sodat hulle eers geld daarvoor kon insamel.

Hulle het meer as VS$250 000 ingesamel.

“Die land mag dalk probleme hê, maar ons moet ’n dag hê om die opofferinge wat die president vir sy land gemaak het te onthou,” het mnr. Patrick Zhuwawo, een van die geldinsamelaars en ’n neef van Mugabe, gesê.

Die skare het in vragmotors opgeruk na dié dorp noordwes van die hoofstad Harare.

Volgens vroeëre gerugte sou die eerste minister, mnr. Morgan Tsvangirai MDC, ook die partytjie bywoon.

Sy woordvoerder het egter gesê hy sal opdaag nie.

Volgens die Londense dagblad The Times was dié lekkernye op die spyskaart:

2 000 bottels sjampanje (Moët & Chandon en Bollinger);

500 bottels whisky (Johny Walker Blue Label en 22 jaar oue Chivas Regal);

8 000 krewe;

100 kg koningsgarnale;

4 000 porsies kaviaar;

8 000 bokse Ferrero Rocher-sjokolade;

16 000 eiers;

3 000 eende;

3 000 koeke;

4 000 pakke varkworsies;

500 kg kaas

4 000 pakke kraakbeskuitjies.

Geen mieliemeel is blykbaar op die onthaal toegelaat nie.

Intussen het Zimbabwe ander Afrika-lande vir VS$2 miljard gevra om sy gesondheid-, onderwys-, sanitasie-, water- en ander stelsels te herstel en sy nywerhede te herstel.

ten play app

PRAAG loods petisie vir Afrikaneronderwysowerheid

PRAAG, die Pro-Afrikaanse Aksiegroep, waaraan www.praag.co.za verwant is, loods vandag op sy tuisblad www.praag.org 'n elektroniese petisie waarin mnr. Jacob Zuma en die ANC gevra word om die oorblywende Afrikaanse skole, asook ten minste twee universiteite, aan 'n Afrikaneronderwysowerheid oor te dra.

Die petisie lui soos volg:

Geagte mnr. Jacob Zuma, mev. Naledi Pandor en ander gesaghebbendes oor onderwys in Suid-Afrika,

Ons, die ondergetekendes versoek dat daar onverwyld:

1. 'n outonome Afrikaneronderwysowerheid tot stand gebring moet word;
2. die oorblywende Afrikaanse skole, wat slegs 'n geringe persentasie skole in Suid-Afrika verteenwoordig, aan so 'n outonome Afrikaneronderwysowerheid oorgedra word, tesame met ten minste twee universiteite of kampusse, waarvan een in die noorde van die land en 'n ander in die suide gevestig moet wees;
3. staatsubsidie aan die Afrikaneronderwysowerheid vanuit die nasionale onderwysbegroting toegewys moet word.

In sy begronding van die noodsaak vir 'n Afrikaneronderwysowerheid, skryf Dr. Dan Roodt van PRAAG, soos volg op die aksiegroep se tuisblad, www.praag.org:

"Sedert 1994 is alle Afrikaanse onderwysinstellings, hetsy skole, hetsy universiteite, konstant deur die ANC-regering ondergrawe, afgetakel of selfs tot niet gemaak in die naam van sogenaamde "transformasie". Terwyl skole soos Laerskool Mikro, Hoërskool F.H. Odendaal en Ermelo-hoërskool gepoog het om deur duur en ingewikkelde hofsake hul taalregte te verdedig, is talle Afrikaanse skole geïntimideer en sonder slag of stoot verengels. Veral op die platteland ry ouers hul kinders tot sover as 200 km per dag aan om hulle in Afrikaans te laat onderrig omdat hul plaaslike dorpskool die slagoffer van "transformasie" geword het. "Transformasie" beteken nie net Engels en dikwelse rassewrywing nie, maar ook wanbestuur, korrupsie, elektrisiteit of ander dienste wat nie betaal word nie en toilette wat in so 'n haglike toestand verval dat geen Afrikanerkind van sulke geriewe gebruik wil maak nie.

Wat die Afrikaanse universiteite betref, is die toestand nog veel erger as by skole. Taal- en rassediskriminasie teen Afrikanerstudente het 'n alledaagse verskynsel geword. Van die vyf Afrikaanse universiteite wat oor geslagte deur Afrikaners opgebou is, kan slegs die Potchefstroomkampus van die Noordwes-universiteit tans nog as 'n Afrikaanse kampus beskou word. Die onlangse besluit om van die US 'n tweetalige instelling te maak, het die doodsklok vir Afrikaans aan Stellenbosch gelui en taalkenners verwag dat Engels binne enkele jare Afrikaans uit die lesingsale sal verdryf terwyl rassekwotas soos by die Universiteit van Pretoria in professionele studierigtings ingestel sal word om Afrikanerstudente van die reg te beroof om vrylik die kwalifikasies van hul keuse na te streef.

Nie eens in die tydvak van die Britse Ryk en van pro-Britse SAP-regerings is daar soveel skreiende onreg teen die Afrikaner en Afrikaans gepleeg nie. Vandaar hierdie petisie wat oor twee of drie weke aan die topbestuur van die regerende ANC, onder andere aan mnr. Jacob Zuma, oorhandig sal word.

Daarom vra ons elke Afrikanerouer, -student en -hoërskoolleerling, asook diegene wat self in die verlede aan ons voortreflike Afrikaanse skole of universiteite gestudeer het, om onverwyld die petisie hieronder te teken en ook landwyd en internasionaal onder alle Afrikaners te versprei."

Op www.praag.org is gereedskap te vinde om die petisie te onderteken en te versprei:

Kliek op die skakel om die petisie aanlyn te voltooi – http://www.praag.org/aksies/petisie.html
Gebruik die "Recommend this article" skakel en stuur dit aan jou vriende en kennisse
Kliek op die knoppies regs bo "PDF en "Druk" om dit te druk en te voltooi en terug te faks aan: 0866797849.
Vir diegene sonder internettoegang, maar met 'n selfoon, stuur 'n sms aan nommer 34110 met die woord "onderwys", gevolg deur jou naam en 'n vriend of familielid se e-posadres, indien beskikbaar. Net die woord "onderwys" en jou naam is egter ook goed genoeg, soos byvoorbeeld: onderwys Jan van der Merwe.

Данильченео

Petrolprys styg met 45 sent per liter

Die kleinhandelprys op alle grade van petrol sal aanstaande Woensdag met 45 sent per liter styg, het die minister van minerale en energie Vrydag gesê.

Die groothandelprys van diesel met ‘n 0,05% swaelinhoud sal met 38 sent per liter daal, asook die prys van diesel met swaelinhoud van 0,005%.

Die groothandelsprys van paraffien sal met 26 sent per liter daal en die enkelmaksimum- nasionale handelsprys van paraffien sal met 34 sent per liter daal.

Данильченко Харьков

SA op soek na ingenieurs

Suid-Afrika moes op ‘n groot soektog gaan om ingenieurs te lok weens die vaardigheidstekort in die land, het die ingenieursraad van Suid-Afrika (ECSA) Vrydag gesê.

“Die hoeveelheid werk wat aan die gang is, is heeltemal te veel vir die hoeveelheid ingenieurs wat beskikbaar is om dit te doen,” het die raad se hoofuitvoerendebeampte, professor Hu Hanrahan gesê.

ECSA het bygevoeg dat dit die oproep deur raadgewende ingenieurs van Suid-Afrika (CESA) ondersteun om ingenieurs wat afgelê is as gevolg van die globale finansiële krisis na die land te bring.

CESA het vroeër vandeesweek gesê dat die huidige globale krisis wat veroorsaak het dat baie ingenieurs regoor die wêreld ontslaan word ‘n ideale geleentheid is om daardie vaardighede na Suid-Afrika terug te bring.

“As ‘n regulerende organisasie, is ons daaraan toegewy om saam te werk met alle relevante partye om seker te maak dat die broodnodige vaardighede in die ingenieursektor in die hande gekry word."

“Ons kyk tans buite die land se grense om indiwidue te registreer om die gapings in die industrie te vul,” het Hanrahan gesê.

Die aflegging van ingenieurs in sommige gebiede sal ‘n geval wees waar dit Suid-Afrika se wins is, het hy gesê.

“Ons sal hulle graag wil absorbeer,” het Hanrahan gesê.

Huidige syfers by die departement van arbeid toon dat daar ernstige tekorte is in die siviele, chemiese, meganiese en ander ingenieursektore bestaan.

Tensy daar ernstige optrede plaasvind, gaan die probleme waarmee die industrie te kampe het, voortduur, het ECSA gesê.

игры для дитей

VSA kritiseer Sjina se menseregterekord

Hillary Clinton

Die Sjinese owerhede het Donderdag gereageer op die vrystelling van ‘n jaarlikse Amerikaanse departement van buitelandse sake-verslag oor globale menseregte, wat Sjina se respek vir menseregte nie net “swak” genoem het nie, “maar verswakkend in sy vervolging van etnieseminderheidsdissidente".

Die amptelike Xinhua-nuusagentskap het die verslag se afdeling oor Sjina ongegrond en onverantwoordelik genoem, en gesê dat dit “opsetlik basiese feite ignoreer” aangaande basiese menseregte en die land se etniese, wetlike en geloofsisteme.

Dit het die jaarlikse verslag ‘n Amerikaanse voorwendsel genoem om in te meng in die binnelandse sake van ander lande.

Die buitelandsedepartementdokument is uitgereik net dae nadat Hillary Clinton in haar eerste besoek aan Sjina as minister van buitelandse sake, in die openbaar gesê het dat Amerika se kommer oor Sjina se menseregtepraktyke nie die samewerking oor strategiese sake soos die ekonomiese krisis en globale verwarming sal beïnvloed nie.

Die departement se dokument het Sjina, Rusland, Zimbabwe, Egipte en ‘n hand vol ander lande uitgesonder waar menseregtetoestande agteruitgegaan het in 2008. Dit het Zimbabwe beskuldig van ‘n terreurveldtog teen die regering se politieke opponente wat gelei het tot die marteling, verdwyning of dood van honderde van hulle.

Zimbabwe vra vir $2 miljard terwyl politieke probleme voortduur

Robert Mugabe

President Robert Mugabe het in ‘n gepubliseerde onderhoud eise verwerp dat hy twee gediskrediteerde amptenare moet ontslaan, terwyl die Zimbabwiese regering Donderdag sy bure gevra het vir ‘n $2miljardhulppakket om sy sukkelende ekonomie te help.

In die onderhoud met die staatsbeheerde Herald-koerant om sy 85ste verjaarsdag te gedenk, het Mugabe geweier om toe te gee aan eise van die MDC dat die goewerneur van die reserwebank Gideon Gono en die prokureurgeneraal Johannes Tomana ontslaan word.

“Ek sien geen rede hoekom die mense moet gaan nie, en hulle sal nie gaan nie,” het Mugabe in die onderhoud gesê. Gono word wyd geblameer vir die ondergang van Zimbabwe se ekonomie en ‘n inflasiekoers wat op 231 miljoen persent staan, en Tomana word daarvoor geblameer dat hy die vrylating van politieke gevangenes verhoed.

Intussen sal Zimbabwe se versoek vir $2 miljard om sy vervalle ekonomie en infrastruktuur te red na verwagting die tweedaagse konferensie van die 15-nasie-SAOG-groep oorheers, wat in Kaapstad moet plaasvind.