Kategorie: Nuus

Meer as 2 miljoen stroom Duitsland binne

Die jaar 2015 het die die hoogste vlak van immigrasie in Duitsland se geskiedenis gelewer.

Verlede jaar, was daar ‘n migrasie-oorskot van 1 139000 mense, het die Duitse Federale Buro vir Statistiek verklaar.

Statistici skryf dit toe aan die vlugtelingkrisis, maar ook die styging in immigrasie uit die nuwe EU-lidlande wat steeds voortgaan.

Verlede jaar het 2137000 mense na Duitsland gekom. Dit verteenwoordig ‘n toename van 672,000 of 46 persent in vergelyking met 2014.

Dit beteken ook dat meer as 2 miljoen mense, waarvan die meerderheid nie wit is nie, na Duitsland is, terwyl byna een miljoen hoofsaaklik wit Duitsers padgegee het.

Sowat 998,000 inwoners het besluit om Duitsland te verlaat, dus 83000 of nege persent meer as die vorige jaar.

Vandaar die oorskot bereken as net minder as 1 140000 instromelinge, maar die oorwig nie-blankes is heelwat groter.

Verrassend is slegs sowat 15 persent afkomstig uit lande wat geraak word deur hoë werkloosheid soos Griekeland, Italië, Portugal en Spanje.

Met die uitsondering van Italië, het immigrasie uit hierdie lande, wat onder skuld en finansiële krisis gebuk gaan, onlangs weer verlangsaam.

Immigrante verkies dikwels deelstate met goeie werksgeleenthede, maar trek graag na waar hulle etniese groep teenwoordig is. Immigrante uit Noord-Afrika verkies byvoorbeeld om dié rede NRW en Pakistani’s trek na Hesse.

Die getal emigrante het ook gestyg tot ‘n rekordvlak: 998000 mense het hul rug op Duitsland gekeer, nege persent meer as die vorige jaar.

Die Duitse owerhede hoop dat die jong manlike instromelinge die stagnerende arbeidsmark kan red en dat gryssorg deur hierdie immigrante behartig sal word.

Blykbaar het niemand in Duitsland nog verder as hierdie twee oppervlakkige kwessies gedink nie.

Terreuraanval in Nice: dodetal kruip na 84

Die dodetal in gisteraand se terreuraanval in Nice, Frankryk, het intussen gestyg tot 84 mense, met ‘n verdere 18 wat in ‘n “uiters ernstige toestand verkeer”, volgens die jongste inligting van die Franse ministerie van binnelandse sake wat ook vir veiligheid verantwoordelik is. Die vorige syfer wat vrygestel is, was ten minste 80 mense dood, waaronder ook kinders. Daar bestaan ook 50 “lig beseerdes” en 120 ander mense wat “geraak” is, wat in ‘n skoktoestand verkeer en deur die nooddienste behandel word, het ‘n woordvoerder van die ministerie, Pierre-Henry Brandet, gesê.

Tydens die aanval deur ‘n Franse Tunisiër omstreeks elfuur gisteraand tydens die Bastille-dagvieringe in die kusstad Nice, het hy ‘n groot wit vragmotor in ‘n skare in die strandgebied ingery, asook op hulle losgebrand met ‘n outomatiese wapen. Die aanvaller is kort daarna deur die polisie doodgeskiet. Frankryk verkeer steeds in ‘n noodtoestand ná die terreuraanval verlede jaar op 13 November toe 89 mense in die Bataclan-teater in Parys deur Moslem-terroriste gedood is. In ‘n TV-uitsending in die vroeë oggendure het Frankryk se ongewilde Sosialistiese President, François Hollande, bevestig dat die Nice-voorval as ‘n “terreurdaad” beskou word, asook aangekondig dat die noodtoestand in die land met ‘n verdere drie maande verleng word.

In die VSA het Donald Trump in sy reaksie op die gebeure in Frankryk vir Barack Obama daarvan beskuldig dat hy nie wil erken dat “radikale Islamitiese terreur” vandag ‘n groot probleem is nie.

 

Trump ignoreer uitnodiging van NAACP

Die swart Amerikaanse aktivistegroep, die NAACP sê die Republikeinse presidensiële kandidaat Donald Trump het ‘n uitnodiging om aan ‘n opkomende byeenkoms van die groep deel te neem, geïgnoreer.

Dus is die gevestigde presedent van deelname deur ‘n kandidaat in die Amerikaanse resies om president te word, nie gevolg nie.

Daarmee het Trump besluit om nie enige belang aan ‘n groep swart rassiste te verleen met sy teenwoordigheid nie.

Dit beklemtoon ook opnuut die intuïsie van die GOP-vaandeldraer om eerder op wit kiesers te fokus en ooglopende swart raslokvalle te vermy.

Die NAACP-president Cornell William Brooks het Dinsdag aan CNN gesê dat Trump die uitnodiging om op te tree by hulle Cincinnati-byeenkoms, geskeduleer om vanaf Saterdag tot Woensdag te duur, van die hand gewys het.

Die Demokratiese genomineerde aanspraakmaker Hillary Clinton sal na verwagting volgende Maandag daar optree, omdat sy afhanklik is van swart stemme.

Die Republikeinse Nasionale Konvensie sal op dieselfde dag regoor die staat van Cleveland open.

Die Trump-veldtog het ook nie Dinsdagaand reageer op ‘n Associated Press-versoek om kommentaar te lewer nie.

Brooks het gesê hoewel lede van die Trump-veldtog ‘n skeduleringskonflik aangedui het, omdat Trump formeel op dieselfde dag die nominasie van die party sal aanvaar, moes Trump voor hulle opgetree het.

Brooks het uitgevaar teen Trump en gesê hy moes tyd ingeruim het te midde van die “rassistiese” moorde van swart mans deur polisiebeamptes in Louisiana en Minnesota, gevolg deur die moord op vyf wit Dallas polisiebeamptes deur ‘n swart sluipskutter.

Die jongste QUINNIPIAC-peiling toon dat Trump en Hillary in Ohio kop-aan-kop is en dat hy in Pennsylvania en Florida ‘n voorsprong het.

Die wedloop is straf, maar Paul Manafort, Trump se nuwe veldtogbestuurder se onbetwisbare leierskap is reeds sigbaar.

Trump het onlangs homself beperk tot slegs ‘n paar groot toesprake om sy retoriek beter te omskryf, onnodige strydpunte te vermy en het Hillary intussen aan haarself oorgelaat om haar eie foute te belig.

Vrese dat konflik in Suid-Soedan kan hervat

‘n Swaar bewapende Ugandese militêre konvooi het Donderdag die grens na Suid-Soedan oorgesteek om die land se burgers wat in Jaba vasgekeer is, na veiligheid te neem, het AFP berig.

Dit kom midde vrees dat die intensiewe gevegte van verlede naweek enige oomblik weer kan uitbreek, ondanks die skietstilstand-ooreenkoms wat steeds van krag is.

Die Verenigde Nasies het gewaarsku oor die gespanne toestand in die land en die moontlikheid van nuwe geweldpleging.

Die Ugandese konvooi van ongeveer 50 vragmotors, wat vergesel word van gepantserde voertuie wat met masjiengewere bewapen is, het die grens by Nimule oorgesteek om ‘n veilige korridor vir vlugtende burgerlikes op die 200 kilometer lange pad tussen Juba en Nimule te open.

“Ons beplan om na Juba te gaan en ongeveer 3 000 Ugandese wat daar gestrand is en die land wil verlaat, na veiligheid te neem,” het Uganda se weermaghoof, brigadier Leopold Kyanda, gesê.

Kyanda sê die sending sal tussen twee en drie dae duur.

Die Ugandese weermag het aan die kant van pres. Salva Kiir geveg nadat die burgeroorlog in Desember 2013 uitgebreek het tussen magte lojaal aan hom en magte wat deur die visepresident Riek Machar gelei is.

Van buite Juba is berigte van geweldpleging in die dorpe Leer in die Eenheidstaat en Wau in die westelike Bahr el Ghazal-staat ontvang. Die weermag en rebellemagte het ook in die omgewing van Malakal in die Bo-Nyl-streek gemobiliseer.

Handelsvlugte is gister uit Juba hervat. Vliegtuie wat aangekom het was leeg en het stampvol vertrek met mense wat desperaat was om die stad te verlaat. Spesiale huurvlugte neem buitelanders sedert Woensdag uit die land.

Denel ontken Gupta-oorname na tenderbesluit

Denel het Donderdag bewerings ontken dat die maatskappy deur die Gupta-familie oorgeneem is om ‘n R1-miljard kontrak aan VR Laser ipv LMT Holdings te gee.

LMT Holdings het die transaksie as ongeoorloof bestempel en hulle tot die hooggeregshof gewend.

“Denel wil reageer op die negatiewe verslaggewing wat tans deur sekere publikasies versprei word,” het Vuyelwa Qinga, Denel se kommunikasiebeampte in ‘n verklaring gesê.

“Denel wil kategories ontken dat dit deur die Gupta-familie oorgeneem is.”

Vroeër op Donderdag is berig dat ‘n Suid-Afrikaanse militêre kontrakteur Denel voor die Pretoriase hooggeregshof gedaag het.

Die aandeelhouers van LMT Holdings het ‘n dringende aansoek gebring na die toekenning vir die Hoefysterprogram aan VR Laser.

LMT Holdings is ‘n plaaslike ingenieurswese- en produksie-maatskappy waarvan 51 persent aan Denel behoort.

Die kontrakte vir die Hoefyster-projek, met sy verwagte inkomste sou vir tien jaar sowat R100 miljoen per jaar genereer.

Die transaksie is bekragtig deur die Tesourie sowel as die Minister van Openbare Ondernemings in 2012.

In hofstukke word nou aangevoer dat die besluit om die kontrak aan VR Laser te gee, gegrond is op ‘n politieke motief en inmenging om te verseker dat die Gupta-familie en president Jacob Zuma se seun Duduzane daarby baat.

Qinga al het dit ontken en gesê die toekenning van die kontrak aan LMT sou ‘n sekere politikus bevoordeel en LMT steek dit weg.

Sindikaat glo agter Bloemfonteinse rooftogte

Die polisie in Bloemfontein sluit nie die moontlikheid uit dat ‘n sindikaat betrokke kan wees by ‘n vlaag rooftogte wat vandeesweek by verskeie plaaslike besighede plaasgevind het nie.

Polisiewoordvoerder, Wendy Nkabi, sê drie besighede is Maandag enkele ure ná mekaar beroof. Volgens haar is ‘n juwelierswinkel daarna in ‘n inkopiesentrum ook beroof toe twee mans Dinsdagmiddag ‘n ring in die winkel wou koop.

‘n Werknemer het ‘n ring uitgehaal om aan hulle te wys, waarna een van die rowers ‘n vuurwapen op haar gerig het.

Nkabi sê die rower het daarna geld in die kasregister geëis. Hulle het ook ‘n rugsak aan die werknemer oorhandig en haar beveel om al die ringe en ander juweliersware in die winkel daarin te gooi. In die proses het die werknemer die winkel se paniekknoppie gedruk. Die mans is daarna vort.

Nkabi sê die rowers het in ‘n motor weggery. Lede van die Parkweg-polisiekantoor het hulle agtervolg en van die pad gedwing. Sys ê ‘n 37-jarige man is ‘n paar kilometer van die inkopiesentrum in sy motor in hegtenis geneem. Sy makker het weggehardloop.

Nkabi sê die verdagte sal na verwagting eerskomende Maandag in die plaaslike landdroshof verskyn. Die ander rower is nog nie in hegtenis geneem nie.

Volgens Nkabi is dit nog onduidelik of die verdagte betrokke was by die ander rooftoge in Bloemfontein. ‘n Diamant ring ter waarde van R28 000 en meer as R800 is gevat. Daar is op ‘n ander diamandring en meer as R650 beslag gelê.

Bron: OFM Nuus

Koel matige weer vir groot dele voorspel

Die koue het effens gewyk in groot dele van die land. Matige tot koel weerstoestande word dié naweek of later in die week in die Noord-Kaap, Vrystaat en Noordwes verwag

Temperature sal Saterdag en Sondag net onder 20 grade Celsius wees.

Alhoewel die suidelike deel van die Noord-Kaap vandag en more lae temperature van onder 17 grade Celsius kan verwag weens ‘n frontale stelsel wat ooswaarts na die binneland van die Wes-Kaap beweeg, sal die kouetoestande teen Sondag opklaar.

Temperature onder 17 grade Celsius word vir De Aar voorspel, met plekke in die verre suidelike deel van die Noord-Kaap wat selfs maksimum dagtemperature van so min as 14 grade Celsius kan hê.

Koel, maar matige toestande vir groot dele in die sentrale binneland duur volgende week voort.

Teen Dinsdag kan temperature dalk ietwat daal in Noord-Kaap en die suid-westelike deel van die Vrystaat weens ‘n koue front in die Wes-Kaap, maar die koue sal van korte duur wees.

Temperature in Bloemfontein, Kroonstad en die suidelike deel van die Vrystaat sal oor die volgende twee dae wissel tussen 18 en 19 grade Celsius. In Upington is dit vandag 24 grade Celsius.

Raad beslis dat Wilgehof-skoolhoof weer aangestel word

Die Onderwysdepartement in die Vrystaat het ‘n besluit deur die Raad op Arbeidsbetrekkinge in die Onderwys gekritiseer.

Die Raad het beslis dat ‘n Bloemfonteinse skoolhoof wat op aanklagte van rassisme afgedank is, weer aangestel moet word.

Hulle het ook beslis dat die laerskoolhoof van Wilgehof, Fanie Roelofse sowat R600 000 se salaris terugwerkend moet kry.

‘n Woordvoerder vir die departement, Howard Ndaba sê hulle gaan die beslissing in die Arbeidshof betwis.

Hy sê die departement is van mening dat Roelofse nie in staat is om met kinders te werk nie en dat die departement alles in hul vermoë sal doen om rassisme uit te roei.

Roelofse is afgedank ná klagtes van die Mensregtekommissie dat hy nie opgetree het teen ‘n onderwyser oor rassistiese uitlatings, die ou landsvlag en neerhalende foto’s in sy klaskamer nie.

‘Groter as Churchill se taak’

Koningin Elizabeth II het die nuwe leier van die Konserwatiewe Party, Theresa May, ingeroep om ‘n nuwe regering saam te stel, het AFP berig.

Europese leiers het reeds gevra dat Brittanje vinnig moet optree om die skeiding van die EU te formaliseer. May het egter aangedui dat sy nie aangejaag sal word nie.

Die 59-jarige dogter van ’n dominee, is Brittanje se tweede vroulike premier met die oorspronklike “ystervrou”, Margaret Thatcher, wat die weg gebaan het.

May staar groot uitdagings in die gesig en sal alles in haar vermoë moet doen om ernstige verdeeldheid in die geledere van die Konserwatiewe Party te oorbrug en die potensiële ekonomiese afname ná uittrede uit die EU, te behartig.

Nog ’n groot uitdaging is om pro-EU Skotland te verhinder om weer ‘n veldtog vir onafhanklikheid te voer ten einde in die EU te bly. Sy sal ook nuwe globale handelsbande en diplomatieke alliansies in die ná-Brexit-era moet smee.

The Guardian het Woensdag berig: “Sy kom aan bewind in ’n tyd wat Churchill sou uitgedaag het.”

May het saam met Cameron die siening gesteun dat Brittanje in die EU moet bly, en sy sal nou Euro-skeptici in haar eie party en die land moet oortuig dat sy nie van plan is om die implementering van uittrede uit die EU te systap nie.

“Brexit beteken Brexit en ons gaan ’n sukses daarvan maak,” het sy gesê.

Sy is gewild in en om Maidenhead, die welaf dorp wes van Londen, wat sy sedert 1997 in die Britse parlement verteenwoordig.

May het pas vir Boris Johnson as die minister van Buitelandse Sake aangestel.

Sy is ongelukkig eerder bekend vir haar skoenliefde, veral luiperdvel-laarse, wat gereeld in die Britse pers opgemerk word.

Sy is selfs afgeneem waar haar skoenhak net voor 10 Downingstraat in die sypaadjie vashaak.

mayskoen

Wegbly-aksie in Zim misluk

Die meeste ondernemings en skole in Zimbabwe het Dinsdag normaalweg geopen, ondanks ‘n oproep tot ‘n landwye staking.

Pastoor Evan Mawarire, leier van die sukkelende #ThisFlag-beweging, is vroeër op aanklagte van aanhitsing van geweld en rusverstoring in hegtenis geneem.

Mawarire het die oproer gedoen aan sy landsgenote om Woensdag en Donderdag aan ‘n landwye wegblyaksie deel te neem.

Die leier van die Progressiewe Onderwysersunie, Takafira Zhou, het aan AFP gesê die reaksie op die oproepe was traag omdat diegene wat verlede week aan die staking deelgeneem het, hul salarisse kwyt is.

Hulle vrees vir nóg strawwer maatreëls as hulle met die staking volhou.

Die hoë ouderdom van die regerende Zanu-PF se leier, Robert Mugabe, het ‘n opvolgstryd ontketen wat die party lamlê.

Oproer het verlede week plek-plek uitgeslaan, maar het weer vinnig bedaar.

Dit kom na invoerregulasies is op 17 Junie deur die Zimbabwiese regering aangekondig is wat sekere Suid-Afrikaanse produkte verbied om “plaaslike handel te bevorder”.

Staatsamptenare het nog steeds nie hul salarisse ontvang nie.

Indien Zimbabwe ineenstort sal vlugtelinge eenvoudig oor die grens na Suid-Afrika stroom, na groener weivelde.