Skrywer: Joseph Secrève

Joseph Secrève: Obama en Clinton, diktators van die proletariaat

Volgens diverse mediabronne voorspel 2016 nie veel goeds nie. Russia Today se Max Keiser waarsku oor ‘n finansiële superseepbel wat gaan bars, Generaal André Blattmann van die Switserse weermag meen dat Europa op die randjie van ‘n burgeroorlog staan, die lae olieprys druk die Russiese en Saoediese ekonomie (en bied moontlik ‘n verklaring vir Saoedi-Arabië se skokkende 47 teregstellings van afgelope week om ontnugterde dissidente te intimideer) en ISIS verryk hulself nog skaamteloos op die olie wat hulle aan Turkye verkoop.

Dan sien ons hoedat die eerste toespraak wat President Obama in 2016 gemaak het, is om die VSA se wapenwette eiehandig sonder toestemming van die Amerikaanse Kongres op te skerp. Obama meen dat die aantal skietinsidente hom noop om sulke maatreëls te onderneem: ‘n gerieflike lis om juis in hierdie spannende tye die publiek sonder wapens te laat. Die Kongres is juis die liggaam van volksverteenwoordigers wat moet sorg dat Amerika se beskaafde demokratiese stelsel in stand bly. Deur die besluite van die Kongres te minag, is Obama juis besig om ‘n diktator van homself te maak.

Die rede waarom die Amerikaanse Grondwet wapenwette en die vorming van volkskommando’s goedkeur is om juis sulke diktatoriale neigings teë te werk en om die regering te dwing om na die burger te luister, en dit is presies wat Obama wil voorkom. Dit is nogal ironies hoedat die linkses met hul “diktatuur-van-die-proletariaat”-ideale juis die teenoorgestelde met hul aksies bewerkstellig. Immers, ‘n ware diktatuur van die proletariaat beteken juis om wapens vir die gewone mens te gee.

Maar hier raak dit vreemd.

Wat Obama probeer doen, is om demokrasie in sy beskaafde vorm ongedaan te maak. Hy en sy koterie van wêreldheersers is nie soseer teen demokrasie as sodanig nie, maar teen die wigte en teenwigte wat sorg dat demokrasie en geregtigheid op ‘n ordentlike wyse kan saambestaan. As ons dink aan die kommuniste van weleer, is hulle ook altyd geneig om na hul land as “demokraties” te verwys. Dink maar aan die ou Deutsche Demokratische Republik of die Demokratiese Volksrepubliek van (Noord-) Korea. Behoudende burgers soos ons kyk na hierdie name met ‘n gevoel van ironie, maar dit kom omdat ons nie weet hoe kommuniste dink nie. Sodra hierdie moondhede na hulself as demokraties verwys, is hulle heeltemaal korrek. Kommunistiese lande ís demokrasieë!

Laat ek verduidelik: Die woord “demos” beteken gepeupel. Dink maar aan politieke “demon-“strasies. Die woord “kratos” beteken mag. In kommunistiese lande is dit die norm vir die gepeupel om met massabetogings in opstand te kom teen ‘n vermeende vyand, ongeag hoe goed of sleg daardie persoon is. Sodra ‘n groep straatskollies besluit om iemand aan te val, het hulle dit demokraties onder mekaar besluit. Dit is hierdie soort “demokrasie” wat Obama in die VSA probeer bewerkstellig. Dit kan ons duidelik sien uit hoe hy Trayvon Martin – die swart puber wat in 2012 deur ‘n Latino-buurtwag doodgeskiet is – verdedig het, selfs al het die agtiende geregshof van Florida die buurtwag onskuldig aan moord bevind.

Hier sien ons kommunistiese demokrasie in werking: Die leier bo-aan en die gepeupel onderaan is die hamer en aambeeld wat die beskaafde mens tussenin verpletter. Die beskaafde instelling, naamlik die hooggeregshof, word geminag, terwyl aan die gepeupel ‘n sekere werklikheid geskets word oor die sogenaamde toedrag van sake. Omdat die gepeupel nie van beter weet nie raak hulle opstandig teen die vermeende onreg en eis nou dat die hof se uitspraak ongeldig verklaar moet word.

Die ander bekende geval is dié van Michael Brown, die aggressiewe en gesette swart puber wat geprobeer het om die wit polisie-agent se pistool uit sy hande te stoei en dit met die dood bekoop het. Ofskoon dosyne getuies voor die regter gepleit het dat hy die agent bestorm het, het die massahisterie aan ons die “Hands up, Don’t shoot”-narratief voorgehou en dat die agent hom dus ten onregte geskiet het. Weereens het die hof die polisie gelyk gegee maar hierdie bevinding is soos gewoonlik weer doodgeskree deur hierdie propagandaslenter.

Met sulke taktieke is Obama besig om Amerika stadig maar seker in ‘n kommunistiese diktatuur te verander. Aangesien die wit Amerikaners in baie opsigte nog te puriteins is om tot sulke massabetogings oor te gaan, word swart ghettobewoners gebruik. Dieselfde sien ons met Islamiste in Europa. Swartes en Islamiste is die moderne inkarnasie van die vroeëre Bolsjewiste. Hulle is perfek, vuur en vlam agter hulle ideale en beskik oor geen moraal nie.

Interessant genoeg kwalifiseer Obama baie goed as die diktator van die proletariaat. Hy en sy vrou is destyds van die rol geskrap en mag nie meer as prokureurs optree nie. Daarbenewens was sy dosentkollegas nie onder die indruk van sy dosentskap nie. Hy was volgens hulle lui, ongekwalifiseer en het nooit vergaderings bygewoon nie. Sy aanstelling was duidelik ‘n politieke tussenstap gewees.

Dit stem grootliks ooreen met die loopbaan van daardie ander groot rewolusionêr Wladimir Lenin. Hy was ook ‘n prokureur wat nooit of nouliks as sodanig gewerk het, en het kontakte onderhou met sy ryk bankiersvriende in Switserland. Sy mede-rewolusionêr Trotski was goeie vriende met die Baron Lionel de Rothschild en hulle het gereeld saam skaak gespeel.

Hillary_RodhamOns kan maar net hoop dat daardie ander skurk, Hillary Clinton, nie sal oorneem nie. Terwyl die hele wêreld oor manlief se eskapades met Monica Lewinsky gepreek het, is die werklikheid dat vroulief ook geen skaamte het om met ander vroue op soortgelyke wyse om te gaan nie. Laat staan nog dat daardie twee die Bonnie en Clyde van Amerikaanse politiek verteenwoordig. Bill die kokaiënsmokkelaar en reeksverkragter en Hillary wat met intimidasie en privaatspeurders sorg dat sy skandes nie openbaar gemaak word nie. Haar prokureursverlede is soortgelyk aan dié van die Obamas en Lenin en sy is deskundig op die gebied van Saul Alinsky se reëls vir radikale linkses. Dit verg nie baie verbeeldingskrag om te dink dat sy ‘n erger president as Obama sal wees nie.

 

Dit wil lyk asof Verwoerd die spyker op die kop geslaan het toe hy gestel het dat sodra Mandela president van Suid-Afrika sou word, sou die hele wêreld voor kommunisme swig.

In daardie geval was efwee se verraad nie beperk tot die Afrikaner nie, maar het dit die hele Westerse wêreld nou oorspoel.

Ek wonder of hy dit besef…?

 

Ons psigotiese massamedia

Dikwels funksioneer ‘n gehele samelewing soos een indiwidu. In samelewings is daar byvoorbeeld verskillende range en stande en ordes wat saamwerk om ‘n funksionele eenheid te bewerkstellig, soortgelyk aan die verskeidenheid organe in ‘n mens se liggaam. Daar is ook teenstrydige menings oor ‘n bepaalde plan van aanpak in groot groepe, net soos wat ‘n mens teenstrydige opvattings kan hê. In ‘n ernstige graad kan hierdie teenstrydighede tot sielkundige ongemak lei, net soos ‘n gebrekkige samehang ‘n samelewing uitmekaar kan trek.

Kom ons kyk eers na sielkundige verskynsels soos depressie en psigose. Interessant genoeg werk die huidige kommunistiese mafiamedia op dieselfde beginsel, vandaar dat ons die aard daarvan moet identifiseer om ons sielkundige en kulturele integriteit te beskerm.

‘n Mens is van mening dat ‘n kliniese depressie weens ‘n gebrek aan energie ontstaan. Dit is ‘n halwe waarheid. Elkeen van ons kan onsself hierdie gemoedstoestand voorstel. ‘n Depressie is die resultaat van ‘n stroom nare gedagtes en denkpatrone uit die verlede wat ons daaglikse aktiwiteite ontwrig. Jy sit byvoorbeeld agter die stuurwiel of by die huis met ‘n boek en ewe skielik duik daardie imbesiel wat jou twintig jaar gelede verneder het in jou gedagtewêreld op. Dit was alweer byna vergete gewees totdat ewe skielik hierdie ongenooide gas so uit die bloute jou begin slegsê. As jy toevallig alleen by die huis is, herleef jy selfs hierdie insident en begin omtrent te argumenteer met hierdie “persoon”, maar nou is jy beter voorberei en stoei jy hierdie gadagteboelie om met jou beter ontwikkelde teenargumente. Jou oorwinning is egter van korte duur. ‘n Minuut later kom hierdie gedagte terug en begin jou weer uit te daag en sleg te sê. Selfs al het jy die beste verdediging teen hierdie irriterende gedagte wil dit nie gaan lê nie.

Wanneer iemand aan ernstige depressie ly, werk daardie gedagteboelie oortyd. Hy en sy makkers het hul Red Bull en brandewyn gedrink en kap jou die hele tyd met pynlike gedagtes uit jou verlede, tot soverre mate dat jy in jou gedagtewêreld soos ‘n verslane bokser voel. Elke keer as jy wil opstaan, slaan hulle jou neer. Die gebrek aan energie tydens depressie is met ander woorde ‘n verslaenheid wat ‘n gevolg is van hierdie ooraktiewe stroom pynlike gedagtes.

Wanneer ‘n mens ernstig geestessiek is, praat ons van ‘n psigose. Dit werk op dieselfde beginsel. Die verskil is dat dit voel asof iemand die volumeknop oopgedraai het, en nou is daardie pynlike gedagtes heelwat meer werklik en aanwesig as by ‘n depressie. Daardie gedagteboelie skel nou nie meer vanagter ‘n muur of geslote hek nie, maar die hek het oopgebreek en nou skel en skree hy direk op jou. Dikwels ly mense aan hallusinasies en hoor stemme wat hulle uitskel, of hulle sien figure van mense wat hulle uitskel of uitlag, soos mooi uitgebeeld was in die rolprent A Beautiful Mind. Dit lyk met ander woorde werklik, maar dit is nie, en het streng gesproke niks met die empiriese werklikheid te make nie. Desondanks rig dit ondraaglike pyn aan.

Dit is belangrik om te weet dat daardie gedagteboelie wat sulke pynlike gedagtes voortbring dit vir sy eie genot doen. Dit moet letterlik beskou word as ‘n aparte entiteit in ons gees wat dit ongelooflik geniet om op ons swakhede te teer en ons te verneder. Die rede waarom ons hierdie pynlike gedagtes nie maklik weg kan dink of verslaan nie, is omdat hulle juis afhanklik is van ons energie. Hoe meer aandag ‘n mens bestee aan hierdie negatiewe gedagtes hoe sterker word hulle. Egter, sodra iemand wat in ‘n psigose is sy hallusinasies konfronteer, sal daardie stem hoogs waarskynlik terug antwoord met: “Ek doen dit vir jou eie beswil”, wat natuurlik nie waar is nie. Dit is bloot ‘n lis om sy “slagoffer” verder te verwar en belaglik te maak.

In elk geval is die gedagteboelie se doel baie duidelik. Hy wil nie hê dat jy jou hoër vryhede moet nastreef nie. Hy wil jou verlam en die aandag aflei van die goeie dinge waartoe jy in staat is. Enige poging om jou gees te suiwer en verryk wil hy afbreek en bespot. As voorbeeld dink ek aan ‘n straatmusikant wat viool speel en dat een of ander onnosel puber verbyloop en die spot dryf met die musikant, soos ek in Amsterdam af en toe sien. Daardie puber weet dat hy nooit so ‘n instrument sal kan bemeester nie, en toon minagting vir diegene wat dit wél doen. Die gedagteboelie is ‘n soortgelyke puber: ‘n lae gees wat die hoër geeste wil vernietig.

Interessant genoeg het klassieke aria’s ‘n positiewe uitwerking teen depressie en hallusinasies. Mense wat deur derglike siektes gekwel word en na skitterende uitvoerings van byvoorbeeld Amazing Grace, Mozart se Lacrimosa of soortgelyke koorgesange luister, meen dat die pynlike gedagtes en hallusinasies minder word, vergelykbaar met hierdie onbeskofte puber wat nie dood gevind sal word voor ‘n kerkkoor of in ‘n Weense konsertgebou nie. Gebed en Bybeltekste soos Psalm 23 help ook om die gedagteboelie te verdryf en kan ‘n verklaring wees waarom gelowige mense vinniger genees van geestessiektes as ongelowige mense.

Wanneer hierdie gedagteboelie jou belaster met onaangename herinneringe uit jou verlede, is hy besig om propaganda teen jou te maak. Deur gebruik te maak van jou eie geheue lyk dit asof dit jou eie gedagtewêreld is wat dié gedagtes voortdurend voortbring, wat nie waar is nie. Volgens Emanuel Swedenborg se beskrywings is daar inderdaad sprake van slegte geeste wat ons gedagtes op hierdie manier beïnvloed en wil wegstuur van die wêreld van hoër spirituele bewussyn. Gelukkig kan ons met moderne psigoterapie ook ‘n deeglike insig kry in hierdie nare gedagtes en van daaruit leer om hulle te identifiseer en tegelyk onklaar te maak deur die inhoud daarvan met die werklikheid te toets en ‘n meer realistieser blik op ons bestaan te werp.

Net soos hierdie bogenoemde voorbeeld van die gedagteboelie ‘n sielkundige/metafisiese verklaring bied vir geestessiektes, werk die huidige politieke propagandamasjinerie op ‘n soortgelyke manier. Dit is ‘n georkestreerde massadepressie of psigose. Die massamedia vertolk die rol van die gedagteboelie.

As ons na die Christi van der Westhuizens, Max du Preez’s of Piet Croukamps van hierdie wêreld kyk, sien ons dieselfde patroon. Hulle is die tasbare manifestasie van die gedagteboelie. Elke keer as daar ‘n skrywe van hulle in die perse verskyn is dit die alewige stroom propaganda oor hoe sleg ons is as ons nie ons eie ondergang wil bespoedig nie. Ons is nou al meer as twintig jaar onder ANC heerskappy en die eindelose laster wil eenvoudig nie ophou nie. Elkeen van hulle haak vas oor wit bevoorregting en bekrompenheid en dat ons geestelik swak is omdat ons nie die huidige Suid-Afrika wil omhels nie. As volk is ons ook nou “depressief” of miskien selfs “psigoties” soos wat hierdie stemme die hele dag op ons skel en skree.

Sodra ons die bogenoemde skrywers sou vra wat hulle motiveer om so neerhalend oor ons te berig, sal die antwoord ook ongetwyfeld wees dat dit vir ons eie beswil is. Hulle wil ons bekrompe wesentjies na die ware verligting lei. Dit is natuurlik ‘n volslae twakstorie. Hulle skryf dit nie vir ons nie, maar vir hulself. Húlle vind baat daarby, nie ons nie. Net soos depressie keer dat ons nie onsself volwaardig kan ontwikkel of ontplooi nie, doen hierdie rubriekboelies dieselfde. Hulle wil verhoed dat ons as volk doen wat ons graag sou wou doen. Hulle wil ons afstomp en die aandag aflei van ons hoër, innerlike vryhede, juis omdat hierdie suiwer vryhede weer tot moontlike ongelykheid tussen bevolkingsgoepe kan lei. Hulle wil ons geestelik verlam, tot die punt dat ons uit wanhoop tot moord of selfmoord gedryf word. En as ons moord of selfmoord pleeg, wen hulle weer. Dan is dit alweer die soveelste “bewys” van hoe ongelooflik en inherent sleg ons is.

Net soos in die geval van depressie en psigose, is die propagandastryd  wat hulle voer ‘n sielskwessie. Ons wil ons siel op ‘n bepaalde manier uitdrukking gee en hulle wil dit belemmer. Dit kan ons duidelik sien hoe hulle ons skel as ons nie méér doen om swartes uit hul ellende te verlos nie, maar oor Zimbabwe, waar twee miljoen swartes so swaarkry dat hulle weer tot kannibalisme oorgegaan het, is hulle doodstil. Erger nog, ek onthou dat Mal Max iewers geskryf het hoe goed en stabiel dit nou daar is. Die werklikheid is dat hierdie hoofstroomkwetteraars eintlik geen flenter omgee vir swartes of apartheid nie. Soos met alles wat hulle sê en skryf, is hul simaptieë slegs illusies en bedrog wat in stand gehou word deur hul haat vir Afrikaners.

Aan hulle totale onopregtheid met die feite kan ons hulle ontmasker vir wat hulle werklik is. Daar is niks realisties aan wat hulle kwytraak nie. Laat ons eerlik wees, die daadwerklike harde apartheid waarmee ons so gestraf word het maar net sewe jaar geduur, van 1959 tot Verwoerd se moord in 1966. Vorster en Botha het destyds begin om apartheid geleidelik af te takel. Dit was nie net efwee se doen nie. Laat staan nog dat onder Verwoerd was daar slegs drie miljoen swartes in Suid-Afrika gewees, wat ‘n druppel in die emmer is vergeleke met die vyf en veertig miljoen swartes vandag wat almal meen dat hulle slagoffers van daardie stelsel was. Om maar te swyg oor die grootskalige ontwikkeling wat Verwoerd onder swartes daargestel het.

Net soos die gedagteboelie ‘n lae gees is wat net uit is om te treiter, is hierdie ekstreemlinkse kwetteraars dieselfde kategorie lae geeste. Vandaar meen ek dat hierdie konflik hoofsaaklik ‘n sielskwessie is om nie net die Afrikaner nie, maar die Christelike Weste se siel te vernietig sodat hulle selfvoldaan hul kleingeestige oorwinning kan behaal, soos Engelse sokkervandale wat net na wedstryde toe gaan om verwoesting te saai.

Swedenborg skryf in Divine Providence (par. 43):

“…if we are caught up in loving what is evil, we cannot help feeling that hellish freedom is freedom itself; while if we are caught up in loving what is good, we feel that heavenly freedom is freedom itself. As a result, each freedom regards the other as slavery.”

Inderdaad, vryheid vir boelies is noodgedwonge slawerny vir goeie mense, en andersom.

Kan iemand dalk ‘n bietjie Clozapine vir Naspers gee?

Massapsigose

Verengelsing is verdomming

Met die terreuraanslae in Europa, die brandende motorbande in Suid-Afrika, die histeriese proteste op kampusse in die Verenigde State, en die verhoogde aantal aanslae op Sirië (met nog hordes vlugtelinge as resultaat) is alles eintlik al gesê: Die Westerse beskawing se donker nag van die siel het aangebreek. Oor die afgelope paar jaar is allerlei slinkse aksies onderneem om die Weste in die tang te neem en nou gaan die bose magte oor tot die uitvoering van hul plan om van die eens glorieuse Weste in ‘n tweede Suid-Afrika om te skep: ‘n distopiese utopie.

Om dit te bewerkstellig moet elke land op sy eie meriete beoordeel en vernietig word. Moslems moor mekaar uit in alewige broedertwiste, Europa verswak homself deur sy skuldgevoelens en simpatie met ander volkere tot die maksimum uit te buit, Amerika vernietig homself op dieselfde manier, en die Afrikaner as gevolg van sy onvermoë om kant te kies vir sy eie mense. Afrikaners in magsposisies hunker altyd na die opvattings van die grootmagte en vertrap dan hul eie mense.

Dit is om hierdie rede belangrik dat ons hierdie nuwe golf van gedwonge verengelsing verstaan. Dit het naamlik bittermin met Rule Brittania of die Britse Ryk te make, hoewel sommige Boerehater-Souties so mag dink. Die uiteinde van hierdie Soutiefisering het geen empaaier-oogmerke nie, altans nie op die manier soos Rhodes of Milner wou gehad het nie, maar juis om te help om die massas verder te verdom en uiteindelik te vernietig. In plaas van ‘n hernude Britse Ryk kan ons beter dink in terme van ‘n Huxleyaanse Dapper Nuwe Wêreld.

Hoewel Engels as wêreldtaal kan pronk met ongelooflik baie literatuur en kennis, hetsy in sy eie taal, hetsy deur vertaling, word goeie literatuur nouliks gelees. Boekeksemplare van denkers, digters en mistici van weleer kan gratis op internet gelees en afgelaai word terwyl gemors soos Vyftig tinte grys en ander oppervlakkige vermaak ‘n pryskaartjie in die winkels het. Soos Huxley voorspel het, sal goeie literatuur nog altyd daar wees, maar eenvoudigweg nie meer gelees word nie. Immers, wie wil lees as jy op ‘n Playstation kan speel? Volgens die Amerikaanse omroeper Alex Jones is die sosiale medium Twitter ook ingestel om mense se taalgevoel af te stomp. Met sy kort sinne en direkte resultaatgedrewe kommunikasie ontwikkel ‘n mens geen dieper taalgevoel nie.

In die geval van Suid-Afrika, met sy huidige fanatieke koterie van English-only advokate en propagandiste, is “Engels” in werklikheid ‘n eufemisme vir “kennismonopolie”.

Op hierdie stadium is daar nog hordes literatuur en toesprake in Afrikaans wat besig is om stof te vergaar op verskeie boekrakke. Daardie werke bevat insigte en opvattings wat nog steeds die potensiaal het om deur die web van leuens te breek wat mense jarelank oor Afrikaners te hore gekry het. Ek herinner my dat PH du Preez in sy boek Apartheid: Misdaad of Weldaad? beskryf het hoedat die destydse Ministerie van Samewerking en Ontwikkeling – wat tydens die Nasionale Partybewind opgerig was om nie-blankes op te hef – kwartaalblaaie uitgebring het waarin statistieke oor die (enorme) besteding aan swartes bekend gemaak was. Egter, ten tye van efwee se groot volksverraad het hierdie blaaie en argiefstukke massaal op die brandstapel beland, soos ‘n soenoffer aan die god van politieke korrektheid. Die feit dat hierdie geskiedkundige dokumentasie nog voor ANC oorname vernietig was, spreek boekdele oor die gebrek aan integriteit van die destydse NP bewind, waarvan efwee slegs die boegbeeld was.

Stel jou voor in ‘n Suid-Afrika waar niemand meer Afrikaans beheers nie. Dan sou daardie kennis vir goed in die vergetelheid geraak het. Die Engelstalige jingo’s sou hiermee ideologies die stryd gewen het, en die nuwe geslag verengelste Afrikaners sou dan geen keuse gehad het as om die sondebok te wees van die huidige regime nie, soortgelyk aan die verdagmakery wat Japanese en Suid-Koreaners in Noord-Korea nog daagliks moet ondergaan, selfs al het hulle vir dekades lank geen kontak meer met hul gesinne gehad nie. Daar sou geen verset moontlik gewees het deur na die historiese werklikheid te kyk nie aangesien hierdie kennis nie beskikbaar sou gewees het nie. Hulle sou by geboorte sonder meer gebrandmerk word as slegte mense, en enige weerstand hierteen sou die norm bevestig. Hiermee het ons na ’n wye sirkeldraai teruggekeer na die tyd van die negentiende eeuse eugenetikatydperk, alles in die naam van “gelykheid”.

Die woorde van George Orwell is in hierdie opsig pynlik relevant: Wie die verlede beheer, beheer die toekoms. Wie die hede beheer, beheer die verlede.

Voeg hiermee saam die doelbewuste pogings wat aangewend word om die wêreldbevolking dom te maak (weereens met Engels as taalmedium) dan kan ons maklik sien hoe die English-only beweging ‘n ingang is om mense onder beheer te bring deur hul gedagtes unaniem te beheer en moontlike verset uit te skakel. Daar mag dalk nog spraakvryheid wees, maar sonder die vermoë om te kan dink is spraakvryheid in elk geval ’n sinnelose oefening.

Vandaar dat pro-Afrikaanse aktivisme as reaksionêr gesien word deur die ANC en hul kommunistiese meesters. Waar alle volkere op aarde deur die Engelse worsmasjien gepers moet word om hulle eenvormig te maak, gaan kennis wat in hul eie tale verskyn het van die toneel verdwyn. In sy kort geskiedenis het Afrikaans baie insiggewende volkekunde ontwikkel en “regse” politici en denkers het standpunte verkondig wat eintlik so voor die hand liggend is dat dit gekkewerk is om dit te ontken.

Enkele fragmente kan in hierdie verband genoem word:

Oom Jaap Marais skryf dat die rede waarom die nie-blankes in Amerika en Australië so oorverteenwoordig word in die gevangenisse is nie omdat hulle primêr tot geweld geneig is nie, maar omdat hulle as indiwidue van een volk gelyk behandel word as indiwidue van ’n ander volk. Dit lei tot wanaanpassing, frustrasie en misdaad. Vervolgens word hulle van hul vryheid ontneem en plaas dit weer ’n las op die samelewing. Daar kan geen sprake wees van sosiale geregtigheid onder sulke omstandighede nie. Dalk is dit my eie vooroordele wat spreek, maar Oom Jaap se beskrywing maak heelwat meer sin as die alewige geweeklag oor diskriminasie en slawernyverlede wat die linkse hoofstroommedia elke dag aan ons opdis. Tegelyk skep hierdie hoofstroommedia ’n presedent vir ander nie-blankes om te roof, moor en te verkrag waardeur die misdaadkultuur slegs verder in die gees van die betreffende volkere veranker gaan word. Uiteindelik word almal verloorders in die stryd, die wittes sowel as die nie-wittes.

Van Tobie Muller het ons geleer dat sodra volkere hul eie innerlike kragte en kultuur misken, gaan hulle slegs groter volkere slaafs naloop. Hul eie identiteit ontwikkel nie meer nie en dan dreig daar ’n verlore generasie te ontstaan. Dalk is dit die rede hoekom Hollywood ons deesdae oorspoel met films oor een of ander zombie-apokalips. In hierdie geval is die zombies ’n allegorie van die nuwe generasie half-dooie onnadenkende wesens van die Nuwe Wêreldorde. Blykbaar verwys die geheimsinnige wêreldheersers na die gewone mens ook as ‘die leweloses’. Oom Jaap het mos ook op ’n stadium gepraat van die “lopende lyke”, verwysend na die kultuurlose en identiteitlose massa.

CJ Langenhoven het ons gewys op die verskil tussen ’n indiwidu en ’n volk. ’n Indiwidu kyk na sy verlede en sien ’n wiegie en kyk na die toekoms en sien ’n graf. ’n Volk is andersom: ’n Volk kyk terug en sien ’n graf en kyk na die toekoms en sien ’n wiegie. Hierdie siening breek fundamenteel weg van die nihilisme van ons tyd. Uiteraard oortree ek ’n groot taboe om dit te sê, maar Langenhoven se standpunt vul my met meer inspirasie en waarheidsbesef as die histrioniese gayregte-ophemeling van die laaste tyd.

En nou moet ons toesien hoe Afrikaans binnekort finaal as hoër onderwystaal gaan verdwyn, danksy die verradelike invloed van sommige wit rektore wat graag kompeteer om te sien hoe swart hulle kan wees.

Soos NP van Wyk Louw in Liberale Nasionalisme geskryf het: ”Wanneer ’n groep weet dat sy redenering nie aangehoor sal word nie; dat selfs die taal waarin hy dit stel, nie verstaan word nie; dat elke argument met ’n magsgreep beantwoord sal word…dan vind hy dit oorbodig, ja selfs verraad, om nog te dink”.

Ek kon dit nie beter gestel het nie.

Wie wurg wit Europa blou?

Dr. Leopold Scholtz skryf afgelope Saterdag op Prawda dat Europa tot steeds meer “ekstremisme” oorgaan as gevolg van die migrantestroom wat die Abendland oorspoel. Daar word ‘n tal van voorbeelde genoem, onder andere die skeltaal wat Frau Merkel moet verduur, die Nederlandse dorpe wat ekstremiste trek, die Sweed wat ‘n onderwyser en kind doodgesteek het, en meer gematigde insidente waarin plaaslike Duitse burgemeesters meen dat daar geen plek meer is om hierdie stroom vlugtelinge op te vang nie.

As ek op die hoofstroommedia kyk, sien ek dieselfde tendens. Die Metro gratis koerant bring verlede week ‘n voorbladfoto uit van ‘n kind in nood, en Al-Jazeera meld van ‘n verdrinkende vlugtelingkind wie se lewe net-net gered kon word. ‘n Groot aantal tragiese gevalle word aan die Europeër geprojekteer om op hul skuldgevoelens te teer en om meer vlugtelinge in hul eie agtertuin te verwelkom.

Tussen Scholtz en die Europese hoofstroommedia word die indruk gewek dat die Europeer intolerant en inherent rassisties is, en dat dit ‘n swakheid aan hulle kant is dat hulle nie hierdie arme onskuldige vlugtelinge in hul gebiede wil aanvaar nie. Ek vermoed dat die HSM doelbewus gemuilband word om nie al te negatiewe berigte oor die vlugtelinge te plaas nie. Immers, elke wit Europeer wat teenstribbel is mos een te veel.

Hierdie proteste waar die tradisionele Europeers hulself skuldig aan maak is egter nie bloot ‘n irrasionele impuls nie, maar ‘n reaksie op dit wat hulle elke dag sien en van hul kennisse en vriende verneem. Net so aan die buitekant van die falende mediamonopolie is daar baie gesaghebbende nuusvoerders wat ander verhale vertel.

Die volgende is die geval:

In Duitsland het die misdaad die laaste jaar dramaties toegeneem. Buitelandse bendes het op die groter stede toegesak en begin vanuit hul onderwêreldse posisie die nasionale kohesie te ondermyn. Die situasie is al so rampspoedig dat die polisie gekapituleer het. Hulle het nie die hulpbronne of die manskappe om hierdie probleem te kortwiek nie, wat in feite beteken dat wet en orde besig is om te verval. Dat die woede teen Angela Merkel begin toeneem behoort nie te verbaas nie. Sy het immers enkele jare gelede toegegee dat integrasie in Duitsland volledig misluk het. Die ander Europese leiers het opgelug gereageer dat iemand anders dié probleem eerste openbaar gemaak het, en soos vallende dominostene het hulle al skoorvoetend dieselfde toegegee. Eers Merkel, toe Sarkozy, daarna Balkenende en David Cameron.

Ondanks hierdie duidelik mislukte integrasie van minderhede, staan Frau Merkel nou voorop en meen dat Duitsland nog heelwat meer kan akkommodeer. Duidelik blyk dit nie soseer die verregse ekstremiste is wat irrasioneel optree nie, maar eerder Frau Merkel, wat besig is om ‘n slinkse hoogverraad te pleeg met haar optredes.

Ons sien dieselfde tendens in Swede. Daardie land is tegnies bankrot. Minderhede en asielsoekers wil nie werk nie, maar op uitkerings van die staat leef. Hulle wil ook nie integreer nie, maar die plaaslike Sweedse bevolking van binneuit vernietig. In 2006 het die polisie in Malmö ook al vermeld dat hulle die misdaad nie meer kan beheer nie. Ondanks hierdie bevindings, die feit dat verkragings met meer as 1400% toegeneem het, en dat hulle nog heelwat meer asielsoekers wil opvang, word elke stem van protes doodgeswyg of as “rassisties” beskou. Daar word weer grootliks melding gemaak van die “verregse, rassistiese” Sweed wat iemand met ‘n mes doodgesteek het, maar toe afgelope Augustus ‘n vlugteling uit Eritrea iemand in die Ikea winkel onthoof het, was alle perse doodstil. Om die gemoedere te bedaar het die winkel besluit om kombuismesse uit die rakke te verwyder in plaas van die vlugteling uit hul land te skop. Die mes het dit alweer gedoen.

Ikea

Die narratief dat die vlugtelinge wegvlug vir die oorlog in Sirië is maar ‘n dungesaaide storie. Slegs 20% van die vlugtelinge blyk inderdaad van daardie land afkomstig te wees. Ongeveer 72% van die vlugtelinge is mans van weerbare leeftyd (18-45 jaar) met om en by 15% vroue en 13% kinders. Ons moet ook nie vergeet dat die martelaar-peuter Aylan Kurdi wat dood op die Turkse kus aangespoel het, ook in sy tuisdorp in Sirië begrawe lê nie, wat ‘n mens laat kopkrap oor die veiligheidssituasie aldaar.

Die leier van Sirië, Bashar al-Assad, is ‘n mediese dokter en sekulêre Moslem. Sy vrou is ook volledig sekulêr en dra geen hoofdoek nie. Hy staan juis bekend om sy gematigheid en dat radikale Moslems hom wil verwyder omdat hy te akkommoderend is vir ander nie-Islamitiese minderhede. Selfs die VS befons ISIS om Assad uit sy land te verwyder. Dit is dus uiters skynheilig hoe die Europese leiers, media en moraliste karring oor die gebrek aan gematigheid onder hul eie mense terwyl hulle juis van ‘n gematige leier ontslae wil raak deur radikale bewegings te steun.

As die spulletjie witboordjieskurke in Brussel werklik gematigheid onder hulle mense wil hê, moet hulle begin om gematigde leiers elders te steun teen radikalisme. Dan sal die vlugtelingestroom vanself begin afneem en die Europeër sy radikale leuses en spandoeke oorboord gooi.

Dit gaan egter nie gebeur nie, aangesien ons ‘n nuwe tydsgewrig betree. Die skurke in die EU en hul skoothondjie-leiers is soos ‘n imperialistiese beheerliggaam wat die soewereiniteit van die Europese nasiestate wil vernietig. As die gewone Europeër nie so verward en apaties was nie, sou hy kon gesien het dat die EU beheerliggaam letterlik in ‘n staat van oorlog teen die nasiestate verkeer, en net soos hulle uit Suid-Afrika geleer het hoe verlam en verdeeld ‘n Westerse volk optree in ‘n multikulturele gebied, gebruik hulle die vlugtelinge as verskoning om Europa in dieselfde rioolput af te spoel.

Laat ons nie vergeet nie dat daardie superbankpokker George Soros se stigting verantwoordelik was om pamflette te versprei onder die inwoners van die Midde-Ooste waarin vermeld word hoe hulle die Europese wette kan omseil om hulself in Europa te kan vestig, volledig met landskaarte, telefoonnommers, internetadresse en regsverteenwoordigers se gegewens.

Dit is nogal verbasend hoe die eens magtige Europa se leiers ewe skielik jellie-agtig begin word het en kans sien om hul eie mense se lewens te versuur terwyl die Nederlandse eerste minister weier om asielsoekers in sy buurt te verwelkom. Dis mos ons taak, meen hy. Snaaks genoeg het ek ook niks meer verneem van Conny Braam, Klaas de Jonge of Hélène Passtoors nie. Auntie apartheid is nou ewe skielik tjoepstil en sê niks oor haar rassistiese landgenote nie.

Al wat ek weet is dat hoe gouer die Eurolande wakker skrik  en wegbeweeg uit daardie vervloekte Unie, hoe beter sal die kans wees dat daar nog ‘n land sal wees vir die etniese Europeër se nageslag een dag.

Ongelukkig is die etniese Europeër juis die probleem.

Turkse tandartse en die val van Europa

In Europa is dinge aan die gons. Seker geen mens gesels nie iewers oor die migrantekrisis wat besig is om Europa te oorspoel nie, en soos die Nasionale Partyregering van oudsher, is Europeers diep verdeeld oor die plan van aanpak. In die oggende voordat ek werk toe gaan het ek ‘n nare gewoonte om net gou na CNN of Al-Jazeera te kyk, en wat my verbaas het – waarskynlik op ‘n ander manier as die meeste lede van die publiek – is die skokkende beeldmateriaal wat hulle tog maar besluit het om uit te saai oor die tragiese lot van Aylan Kurdi, die driejarige peuter wat dood aangespoel het op die Turkse kus. Dit is skokkend omdat ‘n lewe vernietig is onder tragiese omstandighede, maar my verbasing is waarom hierdie beeld uitgehef moet word bo die ander tientalle vlugtelinge wat elke week dood aanspoel iewers in die Middellandse See.

Ek vermoed dat hierdie kind ‘n Hector Petersen in die maak is, verwysend na die skoolkind-martelaar wat in Soweto in 1976 deur ‘n swart polisieagent gedood is en die simbool geword het van die “verdrukking van apartheid”. As Petersen maar net daardie dag besluit het om skool toe te gaan sou ons nooit van hom gehoor het nie. Laat staan nog die sosioloog dr. Melville Edelstein wat op dieselfde dag as Petersen bruut vermoor was deur swartes. Om sy nek het hulle ‘n bord gehang met die woord “Beware” daarop geskryf. Omdat Edelstein ‘n linksgesinde hulpverlener was en nie in die propagandaprentjie pas nie, moet ons maar raai wie hy was. Geen media of gedenksteen verkondig sy verhaal nie.

Soos gewoonlik probeer die hoofstroommedia om op die Europeers se gevoelens te bespeel om meer immigrante toe te laat, met hierdie tragiese dood as propagandaslenter oor die wanhoop waarin die vlutelinge verkeer. Dit is net ironies dat dieselfde media wat die oorlog teen Sirië aan ons verkoop het, nou op ons simpatieë teer om die skerwe op te raap wat hulle self veroorsaak het, so asof dit ons skuld is dat ons nie genoeg doen om hulle ellende op te ruim nie.

Wat die dood van hierdie kind nog tragieser maak is dat hy eintlik onnodig gesterf het. Hy en sy gesin was al drie jaar woonagtig in Turkye gewees toe hulle besluit het om die waagtog na Europa te onderneem. Sy pa was ‘n konstruksiewerker in die ooste van Turkye gewees, maar het besluit om na Europa te vlug omdat hy…sy krom tande wou laat regmaak. Turke is oor die algemeen goeie haarkappers, maar blykbaar geen goeie tandartse nie. Pa het sy hele gesin as gevolg van ‘n kosmetiese behandeling verloor, net hy het dit oorleef. Die feit dat hy sy gesin kon begrawe in hul Siriese tuisdorp laat ‘n mens nog vrae stel oor die ware aard van die konflik in daardie gebied. Net soos Petersen geskiet was deur ‘n swart polisieagent en wit verdrukking hiervoor die skuld gegee word, kan ons ook nou Turkse tandartse verwyt vir die vlugtelingestroom?

Kort daarna het Euronews beelde uitgesaai oor die harde optrede van die Hongaarse polisie, uiteraard bedoel om die regsgesinde president Viktor Orban as ‘n monster voor te stel. Wat Euronews egter versuim het om bekend te maak is hoe hierdie vlugtelinge op Hongaarse treine massaal waterbottels en voedselpakette weggegooi wat die polisie aangedra het, wat verraai dat hulle nie so desperaat is as wat ons veronderstel is om te glo nie.

Heelwat tragieser, en nog minder bekend is dat die Egiptiese vloot swart bootvlugtelinge op volle see bombardeer op pad na Europa toe, maar weereens word die Europeers verwyt dat hulle onopreg of arrogant is as hulle dit durf waag om meer vlugtelinge te weier. Ook het geen enkele Arabiese moontheid vlugtelinge asiel verleen nie, terwyl hulle met hul miljarde petrodollars sekerlik iets kon gedoen het.

Hierdie emosionele pleidooi vir Europeërs het maar een doel, en dit is om Europa te vernietig. Die ekonomie is nou nog steeds baie wankel en al hierdie vlugtelinge gaan net verder druk uitoefen op die Europese welsynstaat. Oor ‘n paar jaar sal hulle waarskynlik ook stemgeregtig word en natuurlik op linkse politieke partye stem wat hulle die son, maan en die sterre belowe het, en sodoende help om Europa volledig ekonomies, kultureel en spiritueel te vernietig.

Maar nog lank voordat dit so ver is, is die vlugtelingestroom ‘n Trojaanse Perd wat benewens die ware vlugtelinge, ook ‘n hele aantal radikale figure gaan toelaat met die doel om die Weste te vernietig. Om die waarheid te sê, begin hierdie vlugtelinge, wat sopas in Duitsland aangeland het, hul gasland te kommandeer oor wat hulle as gewens en ongewens beskou. So word Duitse skoolmeisies in Beiere deesdae verplig om hul skouers en bene te bedek om nie die Siriese vlugtelinge te ontstel nie, terwyl Frau Merkel in dieselfde week ander Eurolande onder druk gesit het om meer vlugtelinge toe te laat. Nog ‘n vreemde verskynsel is dat van die sowat twee duisend vlugtelinge wat onlangs uit die trein gestap het in München, is daar geen enkele vrou of kind te bekenne nie. Blykbaar vlug slegs mans weg uit oorlogsgebiede.

Met al hierdie gegewens in gedagte, is ons met meer vrae as antwoorde gelaat. Sonder om die ware aard van die krisis te geringskat behoort ons af te vra wat werklik hier afspeel.

Die globale elite het waarskynlik hierdie les geleer by Suid-Afrika. Soos die bekende spreuk van Auguste Comte lui is demografie ons noodlot. Die Europeers verwek minder kinders enersyds en laat derduisende nie-integreerbare maar uiters vrugbare minderhede toe in hul eie lande. Oor twee generasies sal Europa onherkenbaar getransformeer wees en sal die daaglikse vernedering van wit Europeers eerder die norm as uitsondering word. Aangesien die Europeer spiritueel breindood is, sal hulle nie besef dat hul eie nihilistiese lewensbeskouing ‘n steen des aanstoots is vir jong gelowiges nie, wat hul radikalisme bloot verder sal bevorder. Die feit dat die vlugtelinge hoofsaaklik jong mans is, gaan Europese vroue ook nie gemaklik stel nie. Soos Swede, sal die verkragtingsyfer ongetwyfeld toeneem in lande wat meer vlugtelinge toelaat.

En terwyl Europa oorspoel word, sit NAVO en oefen in die oostelike Eurolande teen ‘n moontlike Russiese invasie. Bid jou aan as die Christelike Rusland ewe skielik Europa sou binneval! Gelukkig hoef ons nie te vrees nie: Die heldhaftige Nederlanders sal ons beskerm soos wat hulle op die oefenterreine aanlê en “Pang pang!” roep soos ons laas gedoen het toe ons agt jaar oud was en Cowboys en Kroeks gespeel het. Daar is blykbaar geen geld vir koeëls nie maar wel miljarde om asielsoekers binne te laat om Europa verder te vernietig met hul radikale eise.

Die situasie het so kranksinnig geword dat ek dink Otto von Bismarck in sy graf sou gedraai het as hy sien hoe Frau Merkel ‘n bespotting maak van sy edele “Kulturkampf”.

Uiteindelik is dit al wat ons linkse vriende kan vermag. Die hele tyd kla oor die lamlendigheid van ander met die bedoeling om hul eie kultuur daarmee te vernietig sodat niemand meer gehelp kan word nie.

Die konserwatiewe denker Russel Kirk het perfek saamgestel waarom mense verkies om behoudend te wees: “The conservative is concerned, first of all, with the regeneration of the spirit and character—with the perennial problem of the inner order of the soul, the restoration of the ethical understanding, and the religious sanction upon which any life worth living is founded. This is conservatism at the highest.”

Eers as ons hierna kyk besef ons hoe ver Europa homself van die werklikheid vervreem het.

 

 

Helter Skelter

Sodra ons die naam “Charles Manson” uiter, sal die meeste mense weet van wie ons praat. Die hippie-sekteleier uit die sestiger jare wat die wêreld geskok het toe hy sy volgelinge aangehits het om mense op die mees barbaarse wyse te vermoor. Seker sy bekendste slagoffer was die aktrise Sharon Tate gewees, wat op daardie stadium hoogswanger was en getroud was met die pedofiliese filmregisseur Roman Polanski. Met die moord op Tate, sowel as die moorde wat daarna gevolg het, het die volgelinge telkens woorde in bloed teen die mure geskryf, elkeen ‘n verwysing na die Beatles se White Album, wat kort daarvoor uitgekom het.

Manson meen hy was gemotiveer deur “Helter Skelter”, ‘n verwysing na ‘n lied op die Beatles se plaat. Vir hom het hierdie teks beteken dat daar ‘n onafwendbare apokaliptiese rasseoorlog iewers in die toekoms sou plaasvind, en hy wou dit aanwakker. Volgens sy interpretasie hiervan sou swartes massaal begin om opstandig te word en die wittes doodmaak. Dit was die bedoeling gewees dat hy en sy volgelinge hulself iewers in die Kaliforniese valleie sou skuilhou terwyl die swartes op ‘n moordveldtog al die wittes sou uitmoor. Sodra die slagting verby is, sou hulle weer tevoorskyn kom en die versadigde en bedaarde swart bevolking oormeester en weer in ‘n staat van slawerny aanhou.

Alhoewel Manson self niemand vermoor het nie, sou hy in elk geval die doodstraf gekry het as dit nie was vir die tydelike afskaffing van die doodstraf in die VS op daardie stadium nie. Min mense weet vandag dat die VS die doodstraf afgeskaf het en daarna weer teruggeroep het, waarskynlik as gevolg van Manson se veldtog.

In elk geval is sy ideologiese nalatenskap nie vergete nie. Die media, skrywers, kommentators, digters, rocksterre en vele meer het gesorg dat sy naam in ‘n makabere eer behoue gebly het. Hy dien nog steeds sy straf uit in ‘n Kaliforniese gevangenis en sy paroolaansoeke word nog steeds geweier.

Byna elkeen vandag beskou Manson as ‘n gek met ‘n ernstige psigiatriese afwyking. Meestal is hierdie ‘gek’ -etiket nie soseer ‘n diagnose nie, maar ‘n manier om nie meegesleur te word in die wêreld van sy waanbeelde en fantasieë nie. Op hierdie manier poog die gewone mens om sy eie beeld van die werklikheid in stand te hou. Die vraag is egter, is Manson werklik gek, en is die gewone mens werklik normaal? Wat gebeur as ‘normaal’ die nuwe ‘gek’ begin word? In ‘n poging om ons te beskerm teen sy drogbeelde, het ons nie iets ernstig oor die hoof gesien nie?

Ons sit vandag in anno 2015, en ons het gesien hoe Mandela en Ronnie Kasrils staan en sing dat hulle die wittes sal doodmaak. Daarbenewens het elke ANC president homself skuldig gemaak aan aanhitsery teen wittes. Laat staan nog Malema, wat die nuwe golf van haat aanwakker. Om oor die EU se geliefde troeteldiktator Robert Mugabe nie eens te praat nie.

In die Verenigde State sien ons dieselfde tendens: Die welbekende ‘knockout’ spel waarmee groepe swartes mekaar uitdaag om wittes met een vuishou bewusteloos teen die grond te slaan is nog aan die orde van die dag. Selfs wit vroue word nie gespaar nie, en daar het inderdaad al mense omgekom as gevolg hiervan. Soos gewoonlik swyg die media soos die graf hieroor, maar in die enkele gevalle waar wittes vasgepen kan word vir ongebruiklike optredes na swartes, bemoei selfs president Obama homself daarmee, en help hiermee om die beeld van slegte wittes weereens te versterk by swartes.

Die mees onlangse geval van aanhitsery is die swart Moslempredikant Louis Farrakhan. In ‘n videofragment kan gesien word hoe hy skaamteloos ‘n oproep doen aan tien duisend swartes om wittes dood te maak, en sy swart volgelinge gee hom ‘n staande applous hiervoor. Dat swartes onder die indruk hiervan is en blankes gaan doodmaak, is gewis.

Deftig uitgedos met ‘n dubbelborsbaadjie, wit syhemp, goudgerande bril en strikdas roep die bejaarde Farrakhan ghettobewones op om te doen wat hulle goed kan doen, naamlik agtervolg en doodmaak. Interessant genoeg gee hy hierdie toespraak in ‘n Baptistekerk in Miami, wat aangee dat rassebelange swaarder weeg as geloofsoriëntasie, en dat hy in feite dus sy eie beginsels verraai. Dan praat ons nie oor sy duur smaak in klere nie, wat sy toespraak oor ‘verdrukking’ ‘n siniese trant gee. So meen hy ook dat hulle moet opstaan ‘teen die vier honderd jaar oue vyand wat toesien hoe hulle mekaar in ghetto’s uitmoor’, sonder dat hy self die ironie daaragter sien dat hy presies dieselfde doen. Geweld lok net verder geweld uit, ongeag velkleur.

Dit is wat gebeur wanneer ‘n, umm… ‘spirituele’ leier nie na die spirituele dimensie van die mens omsien nie. Eintlik is sy werk om mense te leer om hul eie kragte te benut en self die mas op te kom, aangesien ware bevryding binne mense is. Sodra predikante geen aandag hieraan bestee nie is hulle nie besig met geloof nie, maar met politiek. Hulle kyk nie meer na binne nie, maar na buite. Daar sien hulle ongelykheid, word jaloers en styg hul behoefte om te wil vernietig, terwyl hulle hulself sodoende geestelik swakker maak in plaas van sterker. Op hierdie manier gly hulle af in hul eie, selfgemaakte staat van slawerny en gaan hul bloed net verder kook teen diegene wat wel hul innerlike kragte benut het en hulself hoër op die maatskaplike trap gewerk het. So werk kommunisme ook: Dit is ‘n siklus van spirituele selfvernietiging met afguns en moordlus, alles in die naam van een of ander geloof.

Sedert Mandela se presidentskap staan die wêreld op sy kop. Indoktrinasie het intuïsie verdring, rassespanninge het toegeneem terwyl die media meen dit het afgeneem, die ‘patriargale’ witmens doen niks om homself of sy mense te beskerm nie, “gelyke regte” het ‘n nuwe vorm van tribalisme teweeggebring en demokrasie is ‘n kodewoord vir swart elitisme. Hoe lank hierdie illusie nog staande sal bly is ‘n vraag wat nog beantwoord moet word.

Wat die rasse-apokalips aanbetref blyk dit dat daardie bejaarde hippie tog iewers ‘n punt beetgehad het. Hy sit in die tronk en Farrakhan spu haat van die kansel. Daar is eintlik meer ooreenkomste as verskille tussen die twee.

Die gerugte gaan rond dat Charles Manson deel was van die MK-Ultra breinspoeleksperimente wat in die sestiger jare toegepas was, en dat hy bloot opdragte van sy meesters uitgevoer het, soortgelyk aan die moordenaars Dimitrios Tsafendas en Sirhan Sirhan, die moordenaar van Robert Kennedy. In elk geval het sy gevreesde rasseoorlog ‘n werklikheid geword, net soos sy meesters wou. En is Louis Farrakhan ook nie maar ‘n marionet van sy meesters nie? Ons sal maar vir die wis en die onwis die naam George Soros nie in hierdie verband noem nie.

Stel u voor as Manson, mooi strak in pak soos Farrakhan met ‘n drie miljoen dollar glimlag agter die kansel sou preek wat die gevolge sou wees?

Dít, dames en here, is die verskil tussen ‘n suksesvolle haatpredikant en ‘n geestelik verwarde mens.

‘n Knuppel in die gay hoenderhok

Na aanleiding van die Amerikaanse hooggeregshof se uitspraak dat gay-huwelike nie teen die Grondwetlike bepalinge van die Verenigde State indruis nie, sien ons wêreldwyd ‘n oplewing van pro-gay vreugevieringe en aktiviste wat mekaar op die skouer klop oor hul oorwinning. Orals word die kleurvolle gay vlag gehys (en die Konfederale vlag gestryk), homoseksuele stelle het massaal in die huwelik getree en Facebook gebruikers het uit solidariteit hul profielfoto’s aangepas met die kleure van die gay vlag.

Soos ‘n oorwinning van ‘n voetbalwedstryd is die vreugde groot en is die verwagting dat hierdie aksie binnekort so algemeen sal word dat die taboe daaromheen iets van die verlede sal wees. Die gedagtes in hierdie tydsbestek bestaan alreeds uit onbegrip oor die tyd wat dit geneem het om dit wettig te verklaar, en dat dit absurd is dat homohuwelike nie eerder erken was nie.

Soos met enige nuwe instelling wat wettig verklaar word is mense geneig om hierdie nuwe vryheid onkrities te aanvaar sonder om te besef dat die uiteinde hiervan geen vryheid beteken nie, maar liewer die pad van goeie bedoelings is wat na die hel lei.

Ek maak nou ‘n groot waagsprong, maar net soos apartheid die verskeie volkere in Suid-Afrika beskerm en onkundig gehou het oor die barbarisme van Afrika, is die kans groot dat die destydse wetgewing teen gay huwelike ook die publiek onkundig gehou het oor die gevare wat nou kan ontstaan wanneer die homoseksuele ‘hek van die dam’ is, om ‘n Nederlandse uitdrukking te gebruik.

Homoseksualiteit is al so oud soos die mensdom self en kom oral voor. Dit is ook nie ‘n doelbewuste keuse nie, maar ‘n aangetrokkenheid tussen mense van dieselfde geslag. As hierdie aangetrokkenheid eenmaal ontstaan het, doen die sosialisering in die gay-gemeenskap die res.

Die gevaar is egter wanneer gay-aktivisme die politiek begin beïnvloed. In die sestiger jare en verder het verskeie aktiviste manifeste geskryf waarin hulle hul geaardheid tot uitdrukking wil bring, dikwels ten koste van die gevestigde orde wat – natuurlik – as verdrukkend beskou word.

Kom ons kyk na enkele uittreksels van hierdie gay-manifeste:

Michael Swift, ‘n gay-regte aktivis en skrywer van die “Gay Revolutionary” het in die publikasie Gay Community News van Februarie 15-21 uit 1987 geskryf:

“We shall sodomize your sons, emblems of your feeble masculinity, of your shallow dreams and vulgar lies. We shall seduce them in your schools, in your dormitories, in your gymnasiums, in your locker rooms, in your sports arenas, in your seminaries, in your youth groups, in your movie theater bathrooms, in your army bunkhouses, in your truck stops, in your all male clubs, in your houses of Congress, wherever men are with men together. Your sons shall become our minions and do our bidding. They will be recast in our image. They will come to crave and adore us.”

“If you dare to cry faggot, fairy, queer, at us, we will stab you in your cowardly hearts and defile your dead, puny bodies.”

“Our writers and artists will make love between men fashionable and de rigueur, and we will succeed because we are adept at setting styles. We will eliminate heterosexual liaisons through usage of the devices of wit and ridicule, devices which we are skilled in employing.”

“The family unit-spawning ground of lies, betrayals, mediocrity, hypocrisy and violence–will be abolished. The family unit, which only dampens imagination and curbs free will, must be eliminated. Perfect boys will be conceived and grown in the genetic laboratory (my kursivering). They will be bonded together in communal setting, under the control and instruction of homosexual savants.”

Soos ons kan aflei, is daar ’n groot mate van militante sentimente onder sommiges wat selfs bereid is om tot primitiewe eugenetika oor te gaan. Daarmee gepaardgaande sien ons ‘n wil om die kerngesin af te breek, net soos Marx en Engels wou. Ons sien dus ’n hele ideologiese rioolput van vuigheid gekombineer met kommunistiese en Nazi-agtige gedagtes wat agter die kleurvolle baniere skuilgaan. Deur gayregte tot politiek te verhef sal hierdie sentimente ’n werklikheid word, net soos die Swart Gevaar ook ’n werklikheid geword het die afgelope twintig jaar.

Let wel, hierdie woorde is geen stompsinnige uitbarstings van ’n gefrustreerde gay puber nie, maar ’n outentieke wetenskapsartikel  wat in die Amerikaanse Kongresbiblioteek bewaar word!

In ’n ander uittreksel van ‘n gay vergadering wat in 1972 in San Francisco gehou was – die Gay Rights Platform – was die voorstel geopper om alle wette te onttek wat seksuele omgang onder ’n bepaalde leeftyd verbied, asook om huwelike toe te staan met ’n onbeperkte aantal mans en vrouens wat saam in die eg verbind word. ’n Paar jaar later, in 1993, was ook eise gestel om verpligte miv toetse af te skaf en gratis behandeling toe te dien vir vigspasiënte en dwelmverslaafdes.

Vir diegene wat belangstel kan die volledige artikel hier ingesien word.

Die motief is die volgende: ‘n Oorseksualisering van die massas en ‘n vernietiging van goeie karakter wat net ‘n gesonde kerngesin kan waarborg. Dit het ten doel om  mense te verslaaf aan alle vorme van walging en ekstreme seksuele wangedrag wat geen meerwaarde vir die samelewing inhou nie en juis die samelewing se ondergang bespoedig. Seksualiteit onder gays het ‘n ander betekenis as by heteroseksuele stelle. In heteroseksuele verbande is dit die bedoeling dat ‘n nageslag voortspruit en die ouers moet hul kennis en wysheid aan die jong generasie oordra sodat hulle eendag die roer van hul kultuur kan oorneem. Aangesien daar geen kinders kan voortspruit uit ‘n homoseksuele verhouding nie word seksualiteit meer beskou as ‘n genotmiddel, byna soos dwelms op ‘n partytjie: Eers begin ‘n mens met een, daarna begin dit verveel en begin ‘n mens meer in te neem en meer uitspattig om te gaan om die grense te verlê van hierdie vorm van genot.

As iemand dink ek oordryf, verwys ek na gebeure soos “bareback” partytjies waar homoseksuele stelle onbeskerm met mekaar omgaan met die doelbewuste intensie om te sien of hulle mekaar met die miv virus kan infekteer. Hulle speel met ander woorde Russiese roulette met hul gesondheid. Dit is ook nie uitsonderlik dat hulle in een aand tot dosyne kontakte met ander mans gehad het nie. Die gevare van hierdie omgangsvorme vir die algemene volksgesondheid behoort vir almal duidelik te wees nie net wat die miv virus aanbetref nie, maar ook ander siektes soos hepatitis en diverse oordraagbare infeksies.

Die redes waarom daar sedewette bestaan is dieselfde as waarom daar verkeersreëls en motorvoertuiglisensies is, naamlik om te sorg dat mense verstaan wat hulle doen en die moontlike gevare van hul optredes besef, uiteindelik sodat hulle nie hulself of ander onnodig in gevaar kan stel nie. Snaaks genoeg begryp ons almal die gevare van wat sou gebeur as ons besluit om die verkeersreëls massaal te verontagsaam, maar op seksuele gebied kan ons dit nie raaksien nie. (Laat ek raai, binnekort gaan ons seker hoor dat verkeersreëls ook verdrukkende Westerse chauvinistiese wit-manvark instellings is.)

Wat ons gesien het met die Olimpiese Winterspele in Sotsji, was dat die hoofsaaklike rede vir protes vanuit die gay gemeenskap gehandel het om die wetgewing teen nie-tradisionele sekspraktyke vir minderjariges ongedaan te maak, wat eintlik beteken dat hulle die Russiese regering wil dwing om die dun lyn tussen pedofilie en homoseksualiteit nader aan mekaar te bring. Immers, nêrens in die Russiese wetgewing word verwys na homoseksualiteit nie, maar die wet wil slegs voorkom dat minderjariges blootgestel word aan nie-tradisionele sekspraktyke.

Duidelik het die dom massa meelopers geen idee wat die uiteindelike resultaat is van hul eie aktivisme nie.

Vanuit hierdie redenering is dit belangrik dat ons die volgende weet, naamlik dat by pedofilie is die grondmotief beslis nie om ‘n “alternatiewe” vorm van geslagsgemeenskap te bevorder nie. Pedofiele word gemotiveer deur ‘n behoefte om ‘n kind se onskuld te skend. Die hele beginsel van kind-wees en onskuld wil hulle vernietig.

Die “vryheid” wat hulle voorstaan is geen hoë vryheid nie, maar juis ‘n lae vryheid. Met lae vryheid bedoel ek onmiddelike behoeftebevrediging, en met hoë vryheid die kultivering van passie en kultuur met die uiteindelike bedoeling om te selfaktualiseer. Die insette by hoër vryhede is groter, maar die beloning is heelwat treffender en belangriker vir die algemene voortbestaan van almal.

Deur die lae vryhede te benadruk probeer hierdie drukgroepe die aandag van die hoër vryhede af te lei sodat mense uiteindelik soos verwarde kinders word met geen geestelike krag om hulself uit benarde posisies te help nie, en maak mense dus vatbaar vir ‘n Huxleyaanse dapper nuwe wêrelddiktatuur. Die rigtingloosheid en nihilisme wat hieruit sal onstaan is genoeg om enige mens se wil te breek wat verder vooruit wil gaan in die lewe.

Vandaar dat ons rekening moet hou watter onheimlike magte ons gaan verwelkom deur gayregte te steun.

Soos baie linkse stokperdjies is dit geen nuutgevonde vryheid nie, maar ‘n soveelste manier om die Westerse beskawing ten val te bring.

Hoe Christendom wetenskap bevorder het en rewolusionêre net wil afbreek

Thomas van Aquino

As ek terugkyk na die wetenskapfiksieskrywers uit die sestiger jare, met hul hoop op ‘n tegnologiese utopie in die een en twintigste eeu, en ons vergelyk dit met wat tans in die wêreld gebeur, kan ons maklik tot die konklusie kom dat iewers iets behoorlik fout gegaan het. Volgens Arthur C Clarke sou ons al in 2001 gereeld vakansies op die maan gehou het, en enorme ruimtestasies gevul met winkelsentrums sou in ‘n wentelbaan om die aarde getuimel het.

Ons is nou vyftien jaar in die een en twintigste eeu en besef nou al te goed dat Clarke se voorspellings ietwat te optimisties was. Daar is enersyds wel tegnologiese ontwikkelinge, maar die hele obsessie met die ruimte is nie meer wat dit destyds was nie, en bly maar in die gedagte van enkele miljardêr-entrepeneurs wat so dan en wan ‘n stap in daardie rigting waag.

Die volkere wat hierdie tegnologiese ontwikkelinge moontlik gemaak het, is hoofsaaklik te vinde by die Christelike wêrelddele, met Wes-Europa as bakermat. Die Christelike geloof het juis hierdie tegnologiese voorsprong gefasiliteer. Dit sien ons in werke van Augustinus van Hippo en later Thomas van Aquino, twee van die mees prominente denkers van die vroeë Christendom. Vir hierdie denkers was die belangrikste onderskeid tussen mens en dier die vermoë om rasioneel en logies te dink. Plato meen dat die mens onderskei homself van die dier deur sy vermoeë om wiskunde te kan doen.

Hoe dit ook sy, hierdie logiese dimensie van die mens se gees het Augustinus en Aquinas laat konkludeer dat die mens sy rasionele brein moet gebruik om die geheime van die heelal te ontsyfer. Die denkstroom wat hulle ontwikkel het, het moderne wetenskaplike ondersoek ingelui, en die opvatting was dat tegnologie en rasionele denke die mens nader tot God sou laat kom. Deur die invloed van die Christelike denke was die ou mitiese wetenskappe soos astrologie omgesit in sterrekunde en alchemie omgesit in moderne chemie.

Die moderne wetenskap probeer verbande te lê tussen oorsaak en gevolg en op hierdie manier natuurwette te ondersoek. In die Islam daarenteen het wetenskap nie tot dieselfde mate ontwikkel nie, aangesien enige oorsaak-gevolg verbande beskou word as die wil van God, en geen vraag mag in hierdie verband gestel word nie.

Dit is nogal ironies dat dieselfde denke wat Christendom ontwikkel het nou deur ateïste gebruik word om Christendom belaglik te maak. Dikwels verwys hulle na die Donker Middeleeue wat na die val van die Romeinse Ryk gevolg het. Onmiddelik gaan hulle gedagtes na heksejagte, die Inkwisisie, bygeloof en ‘n gebrek aan tegnologiese ontwikkelinge.

Dat die Donker Middeleeue sulke grimmige tye was, behoort tot die selfde graad van onwaarheid as apartheid wat sogenaamd ‘n misdaad teen die mensheid was. In daardie tyd was die tegnologiese ontwikkelinge juis op ‘n hoogtepunt. Ons kan ‘n paar voorbeelde noem:

  • Die bril. Een van die belangrikste uitvindings uit die Middeleeue was die bril gewees. Mense so teen hul veertigs kon vroeër nie meer hul ambag beoefen nie, aangesien hul gesigsvermoë dit nie meer toegelaat het nie. Die bril het veroorsaak dat mense op die toppunt van hul deskundigheid hul beroep nog jarelang kon beoefen, wat uiteraard goed gesorg het om hul persoonlike welvaart te verbeter.
  • Die skoorsteen. In die Romeinse tyd was daar nie soiets soos skoorstene in huise nie. Mense moes maar met warm komberse hulself teen die koue winters beskerm. In die Middeleeue was die skoorsteen uitgevind wat veroorsaak het dat rook veilig uit die huise kon ontsnap terwyl die hitte nog binne gebly het. Dit het ‘n gevolg gehad dat mense gesonder begin leef het en meer persoonlike energie kon spandeer op hul ambagte as om voortdurend hulself teen die koue te bewapen.
  • Skouertuig vir perde. Die Romeine het gebruik gemaak van osse om hul lande te ploeg en om swaar karre te trek. Osse is uiteraard sterk, maar ook baie stadig. Hulle wou graag perde ingespan het vir daardie doeleindes, maar die perd se lang nek was ‘n belemmering gewees. Perde kon op daardie stadium net ligte vragte trek sonder dat hul kele toegedruk sou word. In die Middeleeue het iemand ‘n tuig ontwikkel wat oor ‘n perd se skouers gesit kon word, en eensklaps kon perde ingesit word om lande heelwat vinniger te ploeg en swaar karre te trek. Dit het ook aanleiding gegee dat hulle begin insien het dat ‘n mens perde of osse eerder twee by twee agter mekaar kon inspan in plaas van langs mekaar om nog meer swaar vragte te trek. In die Romeinse tyd was perde langs mekaar ingespan. Dit sien ons veral as ons kyk na standbeelde van die godin Nike, waar haar strydwa deur meerdere perde getrek word wat langs mekaar hardloop. Die Romeine kon hooguit vyf perde inspan, anders sou hulle voortdurend teen mekaar bots en stamp, maar as hulle agter mekaar ingespan word kon hulle uiteraard heelwat meer vermag.
  • Banke en wisselkantore. In verband met struikrowery het baie geld verlore gegaan tussen dorpe en stede. Vervoer van geld moes gepaard gegaan het met wagte wat saamgeloop het om moontlike diewe af te weer. In die Middeleeue was die konsep van ‘n tjek geloods wat slegs by banke inwisselbaar was op die ontvanger se naam, wat struikrowers oorbodig gemaak het. Die monnike was ook van die eerste vroegmoderne bankiers gewees.
  • Geleerdheid onder monnike. Ons is onder die indruk dat monnike in kloosters die hele dag net die Bybel gelees het. In feite het hulle daarmee saam ook belangrike filosowe gelees en self wysgerige stukke geskryf wat selfs moderne professore nouliks kan oortref. Van hulle was ook geleerd in wetenskap en kon met hul beperkte kennis uitermate diepsinnige debatte voer en standpunte inneem. Iemand soos ek wat in die geleentheid was om die Strahovskyklooster in Praag te kon besoek, kan getuig van die tientalle meters boekrakke vol skrywes oor onderwerpe wat wissel van teologie tot sterrekunde, plantkunde en ‘n hele rits ander velde waarin hulle geleerd was. Anders as die tydsgees ons voorhou was hulle beslis nie dom of skolasties ingeperk nie.

Wat die heksejagte aanbetref besef min mense deesdae dat dit hoofsaaklik sekulêre howe was wat die vonnisse uitgespreek het. Die Inkwisisie moes soos moderne advokate voor die howe bewys lewer of goed oortuig dat hulle met hekse te make gehad het, en slegs as die howe skuld bevind het, kon die Inkwisisie oorgaan tot teregstelling. Andersyds was in lande waar die Inkwisisie meer mag gehad het relatief min hekse verbrand. Uiteraard was daar altyd magsmisbruik gewees van hierdie orde en gevalle waar hulle hand uitgeruk het, maar dit het meestal gevolg op krisisse soos die builepes of ander onverklaarbaarhede wat mense persoonlik geraak het, juis omdat ‘n formele ondersoek nie altyd moontlik was nie.

Die vroeë welvaart het begin by die Katolieke, maar het met verloop van tyd oorgewaai na die Protestante toe. Dit is daarom nie heeltemaal waar om die Protestante al die eer en krediet te gee vir Westerse welvaart nie. Hulle het dit min of meer oorgeneem van die Katolieke wat in sommige dele van Europa hul geloofwaardigheid begin verloor het.

In die tyd waarin ons nou leef kan ons sien hoedat Protestantisme in die Weste vanuit alle oorde aangeval word deur allerlei radikale aktiviste met rewolusionêre oogmerke. Hul eie denke is egter heelwat primitiewer en gevaarliker, en dit sien ons aan die hand van die volgende eienskappe.

  • Die rewolusionêr vind dat die wêreld te ingewikkeld begin word en wil alles afbreek tot eenvoud. Om hierdie rede ontmoedig hulle vrye denke en gebruik liewer indoktrinasie, vergelykbaar met George Orwell se “Four legs good, two legs bad” skape.
  • Die rewolusionêr wil andersyds ook ‘n einde maak aan privaat eiendom en alle gesag sentraliseer. Privaat eiendom beteken ‘n gesonder verband tussen produksie en beloning. As privaat eiendom afgeskaf word kan jy eindeloos produseer net om te sien hoe die staat alles vat sonder vergoeding of beloning. Hiermee word hard werk en kreatiwiteit ontmoedig.
  • Waar die Christene glo dat vrees vir die Here die beginsel van wysheid is, glo die rewolusionêre dat die mens eindeloos maakbaar is. Die motief agter vrees vir die Here is nie angs nie, maar respek vir die natuur en al sy kompleksiteite en die belang van ‘n eenvoudige lewe. Waar die rewolusionêr streef na absolute eenvoud, streef die (veral) Protestantse leer na ‘n balans tussen eenheid en diversiteit.
  • Die belangrikste onderskeid tussen die Christelike en rewolusionêre wêreldbeeld is dat Christendom het gebou aan die moderne wêreld en rewolusie kan net afbreek. Kyk maar na intellektuele rewolusionêre soos Hegel, Bakoenin of Proudhon, wat aangevuur was met die leuse: ”Die genot van vernietiging is ‘n kreatiewe genot”. Hulle het terdeë besef dat die “vloei van die geskiedenis” die vloei van bloed beteken. Nesta Webster skryf in haar tesis “The French Revolution: A Study in Democracy” (1919) dat die leiers van die Franse Rewolusie kalm en uitgebreid bereken het hoeveel mense doodgemaak moes word vir die rewolusie om te slaag en het allerlei planne beraam om hierdie te bewerkstellig. Volgens hulle somme moes twee derdes, oftewel sestien miljoen Franse doodgemaak word vir hierdie doeleinde.

Dit is duidelik dat die Christelike leerstellings in die weg staan van die doelstellings wat rewolusionêre graag wil sien. Hulle geloof is dat die mens se verlossing in radikale eenvoud en vernietiging lê.

Met die verwoesting wat ons in Ferguson, Baltimore en andere dele van die Verenigde State gesien het, tesame met IS wat duisende jare oue artefakte tot dusver vernietig het, sien ons hoe die gees van rewolusie in hierdie dade glimmer. Die verskil is dat hul meesters tot die besef gekom het dat ‘n mens beter van bestaande middele en opvattings gebruik kan maak as om nuwe gedagtegoed in te stel soos destyds in die ou Sowjet Unie. Laasgenoemde word nie altyd aanvaar deur die menigte nie. Om hierdie wêreldwye rewolusie te laat slaag moet dit so natuurlik moontlik lyk en aansluit by mense se bestaande waardestelsels.

Dit is ook in ons belang om te besef dat hierdie gewelddadige opwellinge nie toevallig gebeur nie. Dit is al jare vantevore beplan en in hierdie tydstip is die uitvoerende fase besig om voltrek te word. Net soos Christendom wetenskaplike denke bevorder het, het die rewolusionêre op hul eie manier ook hul taktiek verfyn om hulself nog verder uit die skynwerpers te hou terwyl hulle die wêreld aan die brand steek. Ons sien byvoorbeeld dat IS uit is om ‘n globale kalifaat te skep, terwyl die tiranne Saddam Hoessein en Mohammar Khadaffi juis hierdie strominge teëgehou het, vandaar dat hulle waarskynlik verwyder moes word. As IS daarin slaag om ‘n kalifaat in daardie wye gebied te skep en dus mag te sentraliseer, sal dit die skaduregering se werk makliker maak om beheer uit te oefen oor hierdie wêrelddeel. Alles wat dus gebeur het ‘n groter plan agter die skerms. Dit sal na alle waarskynlikheid dekades of selfs meer as ‘n honderd jaar duur, maar so stadigaan word daar gebou aan ‘n globale wêreldorde, en IS, die vernietiging van Suid-Afrika en nou die Verenigde State is alles klein brokstukkies wat hierdie groter orde gaan fasiliteer. Vergelyk hoe Islam meer as twee honderd jaar die septer in Bosnië geswaai het voordat die Bosniërs so stadigaan tot Islam bekeer het.

Op hierdie stadium in die geskiedenis is Christendom die mees vervolgde geloof ter wêreld. Elke elf minute word iewers op die wêreld ‘n Christen vermoor omwille sy geloof, terwyl die massamedia geen woord hieroor rep nie. Duisternis en bygeloof word so stadigaan die nuwe verligtingsideale wat ons moet omarm in die naam van “gelykheid”.

Wie weet, as dit nie vir die rewolusionêre was nie, sou Arthur C Clarke se droom van ‘n tegnologiese utopie dalk meer haalbaar gewees het.

Dit bewys weereens dat op die ou einde van die dag is die rewolusionêre hul eie grootste vyand.

Die Bolsjewistiese Rewolusie is nou globaal

Ek hoor nou-die-dag hoe een van M-TV se popafgode, Katy Perry, al singend waarsku dat ons reg moet maak vir die perfekte storm net toe donker stormwolke begin saampak oor Noord-Holland. Nogal toevallig was my gedagtes op daardie tyd, maar ek dink me. Perry se lirieke het ’n dieper betekenis as een of ander puberale liefdesdrama.

In haar musiekvideo sien ons allerlei simbole uit die Egiptiese mitologie, natuurlik met die piramide en sinspeling op die alsiende oog waarmee sy wil aangee dat sy in die binnekringe van die wêreld se skaduregering sit. Die verband tussen Egiptiese mitologie en hierdie okkulte beweging het te make met die feit dat Egipte belangrike genootskappe gehad het waar duistere geheime bespreek was, die sogenaamde mistieke skole.

josephsecreveSodra iemand begin het by hierdie skole so vanaf hul twaalfde lewensjaar moes hulle hul linkeroog met ‘n haarlok afgedek het, en sodra hulle na jarelange studie ten volle ingewy was, kon hulle hierdie haarlok verwyder van hul linkeroog, wat simboliseer dat hulle in die duisternis kan sien. Met die regteroog sien ‘n mens die lig en met die linkeroog die duisternis. Vandaar dat die Oog van Horus, die alsiende oog, die regteroog is, omdat dit goddelike krag en beskerming voorstel. Wanneer Perry en haar kollega-musiekgodinne die linkeroog benadruk in hul musiekvideos, gee hulle hiermee te kenne dat hulle kennis van duistere sake het.

Sonder om nou heeltemaal op sleeptou geneem te word deur ‘n musiekvideo, kan ons egter tot die gevolgtrekking kom dat daar inderdaad dinge tans in die wêreld gebeur wat besig is om ‘n perfekte storm te skep. Dit is asof ons in ‘n tang geneem is en van alle kante bestook word met vyandigheid.

Suid-Afrika is aan die brand, Europa sit met ‘n ekonomie wat nog sukkel om aan die gang te kom met duisende swart vlugtelinge aan die suidgrens, die Verenigde State word so stadigaan ‘n diktatuur, en een van die laaste “wit” lande in die wêreld, Australië, word ook so sydelings onder druk gesit om meer vreemdelinge – veral Moslems en Indiërs – toe te laat.

Laat staan nog dat bewegings soos IS steeds verder op globale skaal begin opereer, ironies genoeg in lande waar Amerika die vorige staatshoofde verwyder het. ‘n Mens wonder of dit te make kan hê met senatore soos John McCain wat saam met IS gesien was dat hulle samesprekings gevoer het.

Dit wil lyk asof al hierdie gebeurtenisse, globale aardverwarming, die belemmering van produktiewe landbou met belaglike grondeise, geneties gemodifieerde voedsel, oop grense, gewetenloosheid, kringtelevisie, facebook en hoër opgeleide radikales wat ‘n hele geslag studente opgevoed het met vals kennis, iewers tot ‘n punt sal kom waar daar geen vrye ontwikkeling na eie keuse meer moontlik sal wees nie.

Een van die bewegings wat hierdie verskynsel moontlik gemaak het is die ondergang van die nasiestaat. Tot op hede word vanuit allerlei oorde geroep dat nasionalisme, wat die ideologiese dryfveer is agter die nasiestaat, die wêreld se nommer een boosdoener is terwyl dit eintlik die oplossing was vir al hierdie ellende. Hoe meer ‘n mens teen tradisie begin agiteer, hoe groter is die kans dat dit iewers in die toekoms tog weer na vore sal tree en rigting gaan gee aan die vreemdes en verlorenes.

Vandaar meen ek dat die slim wêreldheersers ook hiervan weet en alle moontlike middele nou insit om te sorg dat daar geen ideologiese “tuiste” meer sal oorbly wanner die storm verbygeraas het nie, dat die onderhewige volkere geen keuse sal hê as om die moreel bankrotte en geesdodende lewe te aanvaar wat hulle vir ons uitgestippel het nie.

In die meeste van hierdie wêreldoorheersende ideologieë kom daar voortdurend een bestel na vore, naamlik die Republiek soos voorgestel deur Plato. Of dit nou kommunisme, globalisme, nasionaalsosialisme of fascisme is, albei stelsels streef na ‘n hoër adelstand van geleerdes, gevolg deur verskeie werkers -en soldateklasse onderaan.

Die filosoof Plato het vir dertien jaar lang gestudeer in hierdie mistieke skole. Volgens die geleerde esoterikus Manly Palmer Hall was Plato die hoogste Illuminatus, en dit mag ‘n verklaring bied hoekom die kommuniste en die Verenigde Nasies stilletjies werk om sy Republiek ‘n werklikheid te maak. Die einddoel is dat almal werkers en soldate moet wees, met slegs ‘n klein kliek bo-aan wat weet wat gebeur. Dit klink verdag veel soos Marx se oproep dat die werkers van die wêreld hulself moet verenig.

Selfs hier in Nederland sien ons hierdie tendens hoe kinders in graad 7 die cito-toets moet aflê wat bepaal waarvoor hulle aanleg het, en na watter hoërskool hulle moet gaan. In die hoër beroepslewe is ‘n passie vir jou vak ook ‘n vreemde verskynsel. Alles is afgebreek tot banale nommers en syfers en om dosente aan te tref wat met ywer hulle kennis wil deel aan hul studente sien ‘n mens nouliks. Die enigste wat hier geld is resultate. Oor die meer subtiele aspekte van menswees word geen aandag aan bestee nie, terwyl daar juis die belangrikste prosesse plaasvind wat ons mens maak.

Daarbenewens sien ons in die Europese welsynstate steeds meer ma-dominante en pa-afwesige gesinne. Die kerngesin word kleiner en kinders word al op baie jong leeftye vanaf enkele maande oud in kinderdagverblywe ondergebring.

Soos Marx en Plato wou, word kinders dus steeds minder deur die kerngesin opgevoed, en lyk kinderopvoeding eerder soos ‘n fabriek as ‘n verheuging in hul ontluikende talente soos net ‘n gesonde kerngesin kan waarborg. Die eindresultaat is dat mense nie geleer het om volwasse te word nie, en ‘n samelewing van kleuters ontstaan wat nie meer met wysheid en persoonlike insigte op hul eie bene kan staan nie. Daardeur word hulle afhanklik van die staat en regverdig op hierdie manier ‘n diktatuur.

Ek vermoed dat die kommuniste se obsessie om mense saam te dwing, of uitsprake dat die groep belangriker is as die indiwidu juis te make het om mense tot konfirmiteit te dwing. As hulle te indiwidualisties is, gaan hulle vir hulself leer dink, en dit is die ergste wat die magshebbers kan oorkom. In ‘n konformistiese groepsverband is mense juis geneig om met die groep saam te praat om nie hulself te vervreem nie, soos Solomon Asch se bekende konformiteitseksperiment uitgewys het.

Die ou orde moet vernietig word voordat die nuwe een uit die as kan verrys. Die chaos wat ontstaan gaan verder help om die magtigste titane van die wêreld se greep te versterk en al doende sorg dat die mens geen vrye ontwikkeling het buiten die paaie wat hulle vir ons gebaan het nie. Waar die kommuniste se vlag rooi was, die kleur van bloed en rewolusie, is die kleur van die EU se vlag blou, wat onderduimsheid en subtiliteit voorstel, die stadige, koel rewolusie. Elke land met ‘n Westerse inslag ervaar nou hierdie sluimerende rewolusie op sy eie manier.

Soos Nikita Kroesjof vir Kennedy destyds gewaarsku het, sal Amerika (en die Weste as geheel) een oggend opstaan en besef dat hulle in ‘n kommunistiese staat leef, nie-wetende wat hulle oorkom het nie, en snaaks genoeg het Verwoerd juis hiervoor gewaarsku met die vrylating van Mandela.

Toe Suid-Afrika se eerste swart president – FW de Klerk – aan bewind gekom het, was dit in feite die begin van die einde gewees, en nou moet ons toesien hoe die Weste soos ‘n kaarthuis stadig maar seker instort, terwyl ons geen idee het wat van ons mooi land geword het nie.

Ek dink die volgende stap sou wees om te kyk na wat die groot Joodse vermaaklikheidsfabriek in Hollywood nog vir ons te biede het. Daardie filmtrilogie “The Hunger Games” is een wat ons ter harte moet neem, en dalk kan die argitekte van hierdie Nuwe Wêreldorde ons tog ‘n paar dinge leer hoe om hierdie perfekte storm te oorleef.