Karin Roodt – Bladsy 51

BA-vliegtuig bots in baksteengebou op OR Tambo

‘n Vliegtuig van British Airways wat na Londen oppad was het van koers geraak en in ‘n baksteengebou by die OR Tambo Internasionale Lughawe in Johannesburg vasgery.

Harriet Tolputt, hoof van media vir Oxfam, was op die vlug en het die foto hiernaas geneem.

Sy het die foto na Twitter gepos: “BA bots in die gebou by J Burg lughawe. Niemand beseer nie, slegs die vlieënier se trots. Nie beïndruk dat die eersteklaspassasiers kan afklim voor ekonomiese klas tydens ‘n noodgeval nie.”

British Airways het gesê ‘n ondersoek is aan die gang is.

Die vlug is gekanselleer en die passasiers is na plaaslike hotelle geneem totdat hulle op ‘n ander vlug geplaas kan word.

Fotos wys hoe een van die vliegtuig se vlerke deur ‘n baksteengebou langs die aanloopbaan geskeur het. Passasiers het op Twitter gesê dat niemand beseer is nie.

‘n Woordvoerder van OR Tambo, Unathi Batyashe-Fillis het die voorval bevestig en sê die Burgerlugvaartowerheid stel ondersoek in.

Vrese vir etniese stryd in Suid-Soedan neem toe

Burgers van die VSA is Sondag veilig ontruim van Bor tot Juba in Suid-Soedan het die State Department gesê nadat vrese van ‘n etniese burgeroorlog verskerp het.

Die VN-sending in Suid-Soedan is tans besig om alle burgerlike personeel uit die hoofstad Juba na Oeganda te verskuif, te midde van die toenemende geweld tussen die land se weermag en rebellemagte.

‘n Helikopter van die VN is Vrydag in dieselfde streek afgeskiet.

Die sending sê die personeel in Bor, waar hewige gevegte aan die gang is, is reeds na Juba geneem.

Geweervuur het twee dae gelede drie Amerikaanse militêre vliegtuie getref wat besig was om Amerikaanse burgers te ontruim, en vier soldate is gewond.

Die geweld in die wêreld se jongste staat het reeds die lewens van honderde mense geëis en wêreldleiers het hul kommer oor die oorlog uitgespreek.

President Barack Obama het in ‘n brief aan die leiers in die Amerikaanse Huis van Verteenwoordigers en die Senaat gesê hulle monitor die situasie.

Ongeveer 380 Amerikaanse amptenare en private burgers is uit die gevegte in Suid-Soedan ontruim, het die State Department gesê.

Hulle het ook sowat 300 burgers van ander lande na Nairobi en ander plekke buite Suid-Soedan op vier huurvlugte en vyf militêre vliegtuie gevlieg .

“Die Amerikaanse regering doen alles moontlik om die veiligheid en sekuriteit van die Verenigde State se burgers in Suid-Soedan te verseker,” lui die verklaring deur Jen Psaki, die State Department se woordvoerder.

Die VSA se militêre magte het bevestig dat vier van sy lede in die aanvalle gewond is.

Die Verenigde Nasies sê honderde mense is dood in die jongste konflik in Suid-Soedan.

Konsultant wat Vigs met swartes verbind ‘kry baie skaam’

‘n Amerikaanse openbare betrekkinge konsultant vir ‘n mediamaatskappy se twiet oor swartes en Vigs het gelei tot verontwaardiging op sosiale mediawebwerwe Saterdag, asook haar afdanking.

Justine Sacco het getwiet dat sy nie vigs sal kry nie omdat sy wit is, het SABC-nuus berig.

Sacco het Vrydag getwiet: “Gaan na Afrika, hoop ek kry nie vigs nie, net ‘n grap, ek is wit”.

Sacco is die hoof van openbare betrekkinge vir die Amerikaanse internetmaatskappy, InterActiveCorp ( IAC ).

Omdat Sacco nie toegang tot die internet gehad het tydens die vlug nie, was sy nie bewus van die storm wat sy veroorsaak het nie. Die hashtag # HasJustineLandedYet was op ‘n stadium gewild op Twitter soos mense haar vlug van Londen se Heathrowlughawe na die Kaapstad Internasionale Lughawe ingewag het.

IAC, wat die eienaar van match.com is, het die twiet veroordeel en het hulself sedertdien gedistansieer van Sacco, die senior direkteur van korporatiewe kommunikasie.

Met haar aankoms in Suid-Afrika is Sacco se Twitterrekening skielik verwyder, maar een plaaslike Twittergebruiker by Kaapstad Internasionale Lughawe het daarin geslaag om haar aankoms af te neem en te pos na Twitter.

Sacco het agter ‘n sonbril probeer wegkruip met haar aankoms.

“Daar is geen verskoning vir die haatlike stellings wat gemaak is nie en ons veroordeel dit onomwonde,” het IAC in sy verklaring gesê.

Sacco het intussen om verskoning gevra oor haar “rassistiese” twiet wat sy uitgestuur het.

Sy is summier na die voorval afgedank, maar sy sê sy is baie skaam oor haar onsensitiewe optrede teenoor miljoene mense wat met VIGS saamleef.

Sacco wat in Brirttanje woon, is in Suid-Afrika gebore.

Premier vra optrede na 2 sterf by inisiasie

Die premier van Noordwes, Thandi Modise, het gevra vir verskerpte optrede teen onwettige inisiasieskole na die dood van twee jong seuns.

Die twee jeugdiges van 16 en 17 jaar oud het by ‘n inisiasieskool op Makwaneng maagkrampe gekry en inmekaargesak.

Verskeie ander jong seuns is na die hospitaal op Schweitzer-Reneke geneem. Modise sê diegene wat onwettige inisiasieskole bedryf, behoort aangekla te word.

Sy het ‘n beroep op tradisionele leiers as bewakers van die tradisies gedoen om die inisiasieskole te monitor en enige mishandeling en onwettige optrede by die owerhede aan te meld. – RSG

AbaTemboe-oudstes sê net Mandla kan Mandelas lei

Stamhoofde het Nelson Mandela se kleinseun, Mandla, as die nuwe wettige hoof van die Mandela-familie verklaar, in weerwil van die oudste dogter Makaziwe wat deur Winnie Madikizela-Mandela as hoof aangewys is.

“Of ons daarvan hou of nie, Mandla is die enigste persoon wat ons as leier van die Mandela-familie beskou,” het die AbaTemboe se koninklike woordvoerder Mfundo Mtirara Donderdag gesê.

Hy het gepraat in reaksie op Madikizela -Mandela se aankondiging vandeesweek dat Makaziwe Mandela nou die hoof van die gesin is.

Woensdagaand Madikizela-Mandela berigte in die media van die strydende Mandela-familie probeer weerlê .

“In ooreenstemming met gewoontereg en tradisie, sal die oudste dogter, Makaziwe Mandela, die familie met die ondersteuning van haar twee susters lei,” het sy gesê.

Maar Mtirara het gister gesê dat Makaziwe nie die familie kan lei nie.

“Leierskap gaan van vader na seun. Ons respekteer Makaziwe as die oudste dogter. Sy behoort Mandla te ondersteun en te adviseer,” het hy gesê.

Nkosi Xolile Ndevu , sekretaris-generaal van die Kongres vanTradisionele Leiers van SA , het gesê Mandla is die enigste erfgenaam van die leierskap van die Mandela-familie.

“Tradisioneel is daar geen manier waarop Makaziwe die familie lan lei nie. Mandla het die verantwoordelikheid om die familie se hoof te wees.

“Sy plig is om familiebyeenkomste te reël en te lei. Mafungwashe ( eerstegebore dogter ) kan nie enige tradisionele seremonies lei nie,” het hy gesê.

Mandla, Makaziwe en Madikizela -Mandela kon nie vir kommentaar bereik word nie.

Zuma loof Vendas vir respekbetoon

President Jacob Zuma sê hy sou vir hom ‘n Vendavrou gevat het as hy nie reeds getroud was met sy vier vroue nie. Hulle gaan “lê selfs om respek vir ander mense te wys”, het hy vol lof gesê.

The Star het Vrydag berig dat hy honderde mense op Impendle in die KwaZulu-Natalse Middellande vroeër hierdie week toegespreek het, waar hy die belangrikheid van respek beklemtoon het.

Zuma het gesê dat jong mans en vroue moet selfrespek en respek vir ander toon.

“Toe ek in Venda was onlangs, was ek so beïndruk om te sien hoe die mense daar respek vir ander mense toon,” het Zuma glo gesê.

“‘n Vrou het haar hande geklap en selfs gaan lê om respek te toon.”

Die president het gesê hy was beïndruk, en onder groot gelag gesê as hy nie reeds getroud was nie, sou hy in Venda gaan soek het vir ‘n vrou.

Dak van Londense teater stort ineen

Die dak van ‘n teater in die Britse hoofstad Londen het ineengestort en minstens 76 mense is beseer.

Na wat berig word is sewe van die 76 mense ernstig beseer nadat die dak van die Apollo-teater in Londen meegegee het.

Die Londense brandweer sê al die mense wat gedurende die vertoning in die teater vasgekeer was, is gered uit die puin.

Agt-en-vyftig mense is in nabygeleë hospitale opgeneem. ‘n Teater naby waar Les Miserables speel, is as kitshospitaal ingerig.

Die Apollo het die “The Curious Incident of the Dog in the Nighttime” opgevoer, toe die ongeluk gebeur het.

Die stadsraad van Westminister sal ‘n ondersoek na die oorsaak van die ongeluk loods, maar het verklaar dat die ineenstorting nie as ‘n terreurdaad beskou word nie.

Die brandweer sê daar was bykans 720 mense in die teater toe ‘n strukturele fout daartoe gelei het dat die dak vyf verdiepings ver val.

Volgens ooggetuies het verskeie balkonne ook ineengestort en het dit soos ‘n “bom” geklink.

Drie tieners verdrink by Knysna

Drie tieners is in die hospitaal oorlede nadat hulle by Leisure Island op Knysna in die Suid-Kaap verdrink het.

Die drie is deur die see meegesleur, terwyl ‘n vierde kind oorleef het.

‘n Woordvoerder van die Nasionale Seereddingsinstituut, Craig Lambinon, het bevestig dat ‘n vierde meisie oorleef het.

Hy sê die NSRI kon daarin slaag om die drie uit die water te haal en hulle op die toneel behandel met mond-tot-mondasemhaling.

Hulle is daarna na die hospitaal gehaas, maar ten spyte van voortgesette noodbehandeling is die drie dood verklaar.

Lambinon sê daar word vermoed dat hulle in vlakwater deur seestrome meegesleur is.

Die munisipaliteit van Knysna het hulle skok uitgespreek oor die dood van drie kinders in ‘n trekstroom.

Hulle was glo tussen tien en dertien jaar oud en is in die plaaslike hospitaal dood.

Die nasionale seereddingsinstituut die vierde kind het ongedeerd uit die water gestap.

Hul name is nie bekendgemaak nie.

Suid-Afrikaners is stokkiesdraai-kampioene

Afwesigheid by die werk die tyd van die jaar in Suid-Afrika is van die hoogste in die wêreld.

Só sê ‘n Kaapse regsverteenwoordiger, Michael Bagraim, wat geageer het op syfers van Statistiek Suid-Afrika wat wys dat afwesigheid van die werk Suid-Afrika sowat 12 miljard rand ‘n jaar kos.

Hy sê afwesigheid in die Feestyd neem tot bykans 20 persent toe. – RSG

IVP, APC sal nie koalisie met KD aangaan nie

Die leier van die African People’s Convention, Themba Godi sê sy party sal nie by die opposisie-koalisie, die Kollektief vir Demokrasie aansluit nie.

Godi sê sy party se politieke program verskil van dié van Kollektief vir Demokrasie onder aanvoering van Mosiuoa Lekota.

Die KD wat uit ‘n paar marginale partye bestaan, beplan om saam te werk met die oog op aanstaande jaar se verkiesing.

Skaars ‘n dag na die aankondiging dat die IVP ook deel uitmaak van die groep, het die IVP gesê hulle was geskok om uit te vind dat hulle by die kollektief aangesluit het.

“Die leierskap van die IVP was geskok om te leer in die media, dat die IVP ‘n formele koalisie vir die komende 2014 aangegaan het om die nasionale en provinsiale verkiesing te betwis,” het die party se sekretaris-generaal, Sibongile Nkomo, gesê in ‘n verklaring Woensdag .

“Die IVP het nog nie sy seën gegee vir ‘n nuwe party wat gevorm moet word nie, en het ons ingestem om as ‘n deel van ‘n formele opposisie aan die koalisie vir die 2014 verkiesings deel te neem,” het sy gesê.

Nkomo gesê haar party is versigtig vir alliansies na die rampspoedige ervaring in 2004, toe hulle die noodlottige Koalisie vir Verandering met die Demokratiese Alliansie in KwaZulu-Natal aangegaan het.

Dit het gelei tot “meer as 250.000 bedorwe stembriewe (wat) die diepte van verwarring aangedui het onder voetsoolvlakondersteuners, wat vir beide partye op die stembrief gestem het,” het sy gesê.

“Dit was tot die IVP se nadeel,” sê Nkomo, en het bygevoeg dat dit bygedra het dat die party beheer van KwaZulu-Natal aan die ANC afgestaan het.

Die IVP het beklemtoon dat hulle nie ‘n koalisie aangegaan het nie, maar ‘n strategiese samewerkingsooreenkoms is vir die 2014-verkiesing.

Die Demokratiese Allaince (DA ) het na bewering ‘n uitnodiging om aan te sluit van die hand gewys.

Cosatu dreig Numsa oor Vavi

Cosatu dreig met regstappe teen die vakbond Numsa, omdat hy die geskorste hoofsekretaris, Zwelinzima Vavi genooi het om sy spesiale kongres toe te spreek.

Cosatu het vroeër by die geaffilieërde Numsa oor die uitnodiging aan Vavi beswaar gemaak en gesê dat die uitnodiging teen die besluit om Vavi te skors indruis.

Die federasie se sentrale uitvoerende komitee-vergadering het Vavi verbied om enige Cosatu-byeenkoms toe te spreek.

Die vakbondfederasie het gesê dat Numsa nie uit sy geledere geskop sal word nie, maar dat Vavi se uitnodiging in ‘n baie ernstige lig beskou word.

Die hoofsekretaris van Numsa, Irvin Jim, het in reaksie gesê Vavi is in sy persoonlike hoedanigheid genooi om te praat by die herdenking van ‘n voormalige vakbondleier, Mthunthuseli Tom.

Vandag is die vakbond se laaste dag van hulle spesiale nasionale kongres.

Steve en Julius in hegtenis geneem vir spoed

Die gewildste Afrikaanse sanger, Steve Hofmeyer ook Donderdagaand op die N4 naby Bronkhortspruit in hegtenis geneem.

Hofmeyr verskyn Maandag in die Bronkhorstspruit landdroshof nadat hy na bewering 169 kilometer per uur gery het.

Hy is op borgtog van R500 vrygelaat.

Hofmeyer was laat vir sy konsert by die Forever Resort Badplaas. Ná die spoedlokval wat gelei het tot sy inhegtenisname, het die konsert veel later begin.

In ‘n soortgelyke voorval is die leier van die EFF (Ekonomiese Vryheidsvegters) Julius Malema, ook vir spoed in hegtenis geneem.

Malema sal in die Vanderbijlparkse landdroshof verskyn nadat hy Donderdagaand vir ‘n spoedoortreding gevang is.

Malema het glo teen 215 kilometer per uur gery op die N1 in die Vaalgebied.

Hy was op pad na die swart woonbuurt Alexandra, in Johannesburg, om plakkers te gaan toespreek.

Hofmeyr en Malema sal benewens die spoedoortredings albei ook glo aangekla word van roekelose en nalatige bestuur.

Nuwe bankreëls verwater Europese soewereiniteit

Die EU se ministers van Finansies het Woensdag ‘n bankunie-ooreenkoms bereik wat Brussel ongekende nuwe magte sal gee om te verhoed dat banke wat ineenstort die ekonomie knou, het amptelike bronne gesê.

‘n Bron binne die Franse ministerie van finansies het gesê ná ‘n lang dag van harde gesprekke, wat gekenmerk is deur skerp verskille oor sleutelelemente van die nuwe regulerende stelsel, is ‘n ooreenkoms bereik.

Die nuwe Enkelresolusiemeganisme sal banke sluit voor hulle die breër ekonomie kan benadeel en saam met ‘n nuwe toesighoudende regime, vorm dit die bankunie.

Volgens die reëls sal die nuwe liggaam banke kan sluit sodat dit nie in duie stort en finansiële krisisse soos in Ciprus, Ierland en Spanje veroorsaak nie.

Dit is opgestel in reaksie op die finansiële en skuldkrisisse wat byna die eurosone op sy knieë gedwing met regerings wat gered moes word ná red hul hul leners te hulp gesnel het.

Die nuwe raamwerk beteken ‘n groot verwatering van soewereiniteit en ‘n groot stap in die rigting van die EU se uitgebreide gesag. Dit verduidelik deels waarom die gesprekke oor ‘n jaar geneem het om tot hierdie besluit te kom.

‘n Belangrike knelpunt, veral tussen Frankryk en Duitsland, was wie die finale sê sal hê in die besluit om ‘n bank te sluit en hoe dit betaal moet word.

Die plan is om die banke te kry om by te dra tot ‘n spesiale fonds vir hierdie doel, ingefaseer oor 10 jaar, sodat die belastingbetaler sal nie meer opdok nie.

Volgens ‘n konsep-dokument kan oorbrugginsfinansiering kom van lidlande van die eurosone of van die EU se eie reddingsfonds, die Europese stabiliteitsmeganisme.

Leiers van 28 Europese Unie-lande is tans vir ‘n beraad in Brussel byeen om die nuwe bankregulasies te bespreek.

‘Zuma het nie voordeel getrek uit opgraderings nie’

Die minister van Openbare Werke, Thulas Nxesi sê dit is nie waar dat die president eie voordeel getrek het uit die opgraderings nie.

Hy het gesê alle soewereine lande het ‘n plig om die land se verkose leier te beskerm.

Nxesi het die volledige inter-ministeriële verslag oor veiligheidsopgraderings by President Jacob Zuma se privaatwoning by Nkandla in Pretoria bekend gemaak.

Nxesi het gesê die opgraderings was noodsaaklik, en dat president Zuma nie daarvoor gevra het nie. Die veiligheidsopgraderings het meer as R200 miljoen gekos.

Hy het egter bygevoeg dat die spesiale ondersoekeenheid en die ouditeur-generaal ondersoek gaan instel na bewerings dat die kostes van die opgraderings opgejaag is.

Hulle sal ook ondersoek of enige ander ongerymdhede voorgekom het.

Die direkteur van die Sentrum vir Demokrasie-studies aan die Rhodes Universiteit, professor Steven Friedman het aan RSG gesê dat hy twyfel of openbare vertroue herstel is ná die bekendmaking van die interministeriële verslag oor president Jacob Zuma se privaatwoning by Nkandla.

Hy sê die ministers van die Veiligheidsgroepering, as deel van die regering, het een kant van die saak gestel.

Hy sê die verwagting is dat hulle die president sal steun.

Friedman sê sonder die verslag van die Openbare Beskermer, sal die publiek se vertroue nie herstel word nie.