President Jacob Zuma sê hy sou vir hom ‘n Vendavrou gevat het as hy nie reeds getroud was met sy vier vroue nie. Hulle gaan “lê selfs om respek vir ander mense te wys”, het hy vol lof gesê.
The Star het Vrydag berig dat hy honderde mense op Impendle in die KwaZulu-Natalse Middellande vroeër hierdie week toegespreek het, waar hy die belangrikheid van respek beklemtoon het.
Zuma het gesê dat jong mans en vroue moet selfrespek en respek vir ander toon.
“Toe ek in Venda was onlangs, was ek so beïndruk om te sien hoe die mense daar respek vir ander mense toon,” het Zuma glo gesê.
“‘n Vrou het haar hande geklap en selfs gaan lê om respek te toon.”
Die president het gesê hy was beïndruk, en onder groot gelag gesê as hy nie reeds getroud was nie, sou hy in Venda gaan soek het vir ‘n vrou.