Drie tieners is in die hospitaal oorlede nadat hulle by Leisure Island op Knysna in die Suid-Kaap verdrink het.
Die drie is deur die see meegesleur, terwyl ‘n vierde kind oorleef het.
‘n Woordvoerder van die Nasionale Seereddingsinstituut, Craig Lambinon, het bevestig dat ‘n vierde meisie oorleef het.
Hy sê die NSRI kon daarin slaag om die drie uit die water te haal en hulle op die toneel behandel met mond-tot-mondasemhaling.
Hulle is daarna na die hospitaal gehaas, maar ten spyte van voortgesette noodbehandeling is die drie dood verklaar.
Lambinon sê daar word vermoed dat hulle in vlakwater deur seestrome meegesleur is.
Die munisipaliteit van Knysna het hulle skok uitgespreek oor die dood van drie kinders in ‘n trekstroom.
Hulle was glo tussen tien en dertien jaar oud en is in die plaaslike hospitaal dood.
Die nasionale seereddingsinstituut die vierde kind het ongedeerd uit die water gestap.
Hul name is nie bekendgemaak nie.
Dis hartseer om, veral hierdie tyd van die jaar te lees van sulke insidente.
Ek moet vra – waar was die ouers, gesien in die lig dat dit sulke jong kinders is ?
Baie tragies Trippie. Daar was ‘n waarskuwing op talle radiostasies oor die sterk seestrome tans.
Die water draf teen ‘n woeste spoed (soms tot 12 knope) deur die Heads wat soos ‘n tregter tussen die see en die strandmeer reageer.
Die kjeenirs het met uitgaande gety oorkant Leisure Isle in die water wat op die oog af heel kalm voorkom, gaan ploeter, waarna hulle teen ‘n spoed see toe gespoel is.
Is maar hoe dit is.
Dankie vir hierdie inligting Gideon – komend van ‘n Pretorianer wat nog nooit Knysna besoek het nie, maar dit is in die vooruitsig, dalk nog in hierdie maand terwyl ek met verlof is.