'n Brand het op die vierde vloer van Germiston se belastingkantoor uitgebreek Woensdagoggend.
'n Segspersoon vir die betrokke nooddienste sê brandweerpersoneel is op die toneel.
Roggers Mamaile sê daar is geen beserings en sterftes aangemeld nie.
Die brand is glo onder beheer in die gebou op hoek van Plantation en Victoriastraat.
Die oorsaak van die brand is nie bekend nie.
Dinsdag het Statistieke Suid-Afrika (SSA) sy jongste kwartaallikse arbeidsnavorsing uitgereik wat as "realisties" deur ekonoom Mike Schüssler bestempel is.
Daarvolgens het Suid-Afrika se werkloosheidsyfer met 23,5% toegeneem in die eerste kwartaal van 2009 – op van 21,9% in die vorige drie maande.
'n Totaal van 208 000 mense wat in Suid-Afrika bly, het hul werk verloor in die laaste kwartaal van 2008 en die eerste kwartaal van 2009, volgens SSA se kwartaallikse arbeidsmag-opname.
Die opname wys dat werkverliese plaasgevind het in beide die formele- (88 000) en informele- (96 000) sektore.
In vergelyking met die vorige kwartaal, het die aantal werkloses wat werk soek van 3,873 miljoen tot 4,184 miljoen gestyg.
Me. Kefiloe Masiteng, adjunk-direkteur-generaal van bevolking- en sosiale-statistieke, het gesê dat die jaar-tot-jaar prentjie min beweging gewys het in werkvlakke, omdat die hoeveelheid werkloses relatief onveranderd gebly het op 13,6 miljoen.
"Die neiging lyk negatief, produksie en handel het gedaal en likwidasies het gestyg," het sy gesê.
"Die ekonomiese vooruitsig in die land volg dieselfde neiging as die internasionale resessie. Wat ons in ekonomiese terme sien, is dat baie sektore personeel verloor.
"Produktiwiteit het ook in baie ander areas gedaal. Vervaardiging het afgeneem in terme van sy produktiwiteit, handel het verloor in terme van verkope en produktiwiteit en mynbou het ook verloor in terme van hul produktiwiteit."
Masiteng het gesê dat goud die enigste uitsondering in die mynbousektor was, maar het nie 'n drastiese impak gemaak om die verlangsaming aan te spreek nie.
Schüssler het gesê werk kan net geskep word as die BBP bokant 4% styg.
Suid-Afrika se BBP het egter in die vierde kwartaal van 2008 met 1,8% gedaal.
Die Reserwebank voorsien voorts 'n verdere inkorting in die eerste drie maande van die jaar.
"Die BBP sal aanstaande jaar positief wees," het Schüssler gesê.
Ons kan in volgende jaar 2% groei kry, maar dit is nie genoeg om werk te skep nie. Daarvoor is 4% nodig en dit sal ons in 2011 of 2012 sien.
Die huidige ekonomiese krisis kan tot die verlies van meer as 300 000 werkgeleenthede lei, het Schüssler in die agtste Suid-Afrikaanse werkloosheidverslag van UASA gesê. Die verslag is ook Dinsdag uitgereik.
"Ons voorspel 'n afname van 1,3% in die bruto binnelandse produk vir 2009," het Schüssler gesê. Hy het bygevoeg dit sal waarskynlik lei tot tussen 207 000 en 304 000 werkverliese.
Hy het verduidelik die krisis kan oor alle sektore 'n uitwerking hê, maar die tegniese en bestuursektore kan dalk nie so erg getref word nie.
"Elementêre werkers sal die hardste getref word terwyl vervaardiging, duursame produkte, die mynbou en konstruksie die ergste uitwerking van die krisis gaan ervaar."
Schüssler het gesê klein ondernemings is getref deur 140% meer likwidasies as in 2008.
"Die hoeveelheid werkgeleenthede wat in die motorbedryf buite vervaardiging (met ander woorde verkope en werkwinkels) verlore gegaan het, was 37 000 in 2008."
Hy het gesê in 2008 het sowat 1 400 restaurante hul deure gesluit.
’n Woordvoerder van die Mosambiekse polisie, Pedro Cossa, het gister gesê 'n Suid-Afrikaner, ’n Duitser, ’n Portugees en ’n burger van Botswana is betrap toe hulle ’n bytmiddel in die elektriese turbines van die Cahora Bassadam wou gooi.
Hy sê die polisie het op 500 kg van die bytmiddel, wat nog nie geïdentifiseer is nie, beslag gelê. Die name van die aangehoudenes is nie bekend gemaak nie.
Volgens die polisie is die Suid-Afrikaner 21 jaar oud en die Duitser, ’n oudsoldaat, 50 jaar oud. Die Portugese burger is ’n 30-jarige hotelwerker en die burger van Botswana ’n 28-jarige vlieënier.
Hulle word almal in Tete aangehou en sal na verwagting na Maputo geneem word vir verdere ondervraging.
Die Cahora Bassadam in die Zambezirivier, verskaf 1 500 megawatt krag aan Suid-Afrika, sowat 4,2% van die land se verbruik, en voorsien ook krag aan Mosambiek en Malawi.
Die dam is deur die Portugese regering in 1974 gebou en in 2007 aan Mosambiek oorgedra.
Agtien MDC-ondersteuners is weer in hegtenis geneem, onder wie me. Justina Mukoko, gerespekteerde menseregte-aktivis, asook vakbond- en studenteleiers. Haar ondersteuners het in trane uitgebars. Sy is voorheen in aanhouding gemartel.
Al 18 was vry op borgtog, maar is gister by hul herverskyning voor ’n hof in opdrag van landdros Catherine Chimanda in Harare weer opgesluit. Hulle word aangekla van onder meer boewery en terrorisme.
Amnestie Internasionaal het in New York gesê die stap kaats 'n ernstige skadu oor die Zimbabwiese regering se bereidwilligheid om die vervolging van politieke opponente te staak.
“Die hof besluit is ’n ernstige bedreiging vir die lewe, gesondheid en volhoubaarheid van die eenheidsregering. Dis ’n flagrante miskenning van die beginsels waarop die regering tot stand gekom het,” het Tsvangirai se Beweging vir Demokratiese Verandering in ’n verklaring gesê.
Tsvangirai is onder druk van Zanu-PF om die internasionale gemeenskap te oortuig om Zimbabwe van geldhulp te voorsien.
Die VSA, Brittanje, die Europese Unie en verskeie internasionale instellings weier om Zimbabwe te ondersteun totdat daar sekere hervormings onderneem is. Brittanje en die VSA beskou die voortgesette aanhouding en teistering van Mugabe se politieke opponente as die grootste struikelblok om hulp te ontset.
Zimbabwe het sover R3,4 miljard se kredietfinansiering van SAOG-lande teen gewone bankkoerse te bekom.
Afrikalande spook om varkgriep uit 'n kontinent te hou wat alreeds swaar gebuk gaan onder Vigs en malaria. Hulle vrees dat 'n uitbraak veel erger gevolge sal inhou as wat in Noord-Amerika en Europa die geval is.
Daar is tans net een aangemelde geval van die griepvirus in Afrika, en mediese personeel het toesig by lughawens en grensposte opgeskerp, maar fondse bly 'n tameletjie. Indien die virus posvat, vrees kenners dat dit 'n katastrofe vir die reeds gebrekkige gesondheidsdienste kan inhou en 'n aansienlike aantal menselewens kan eis.
Zambië se openbare uitsaaier het bekend gemaak dat een geval, 'n reisiger uit Suid-Afrika, in Ndola, geïsoleer is.
Daar is 22 miljoen mense in Afrika suid van die Sahara wat net MIV/VIGS besmet is en hulle verswakte immuunstelsels maak hulle besonder vatbaar vir varkgriep, veral in landelike gebiede wat nie sondermeer toegang tot dienste het nie.
Die winterseisoen het ook aangebreek en selfs gewone griep kan 'n ernstige gevaar inhou in omstandighede waar armoede, 'n gebrek aan toepaslike behuising, voedsel en oorbevolking heers.
Varkgriep het reeds die lewens van 26 mense in Meksiko geëis en 2 in die VSA. Alhoewel relatief min ongevalle in dié lande aangemeld is, kan die virus nog in 'n meer gevaarlike mutasie omsit wat 'n tweede meer dodelike golf van die griep kan beteken.
Die wêreld se aandag is op varkgriep gespits, maar daagliks sterf daar duisende Afrikane aan siektes wat verhoed of behandel kon word. David Sanders, professor aan die universiteit van die Wes-Kaap, meen die reaksie op varkgriep is "oordrewe histeries" en is verbaas dat die 2,5 miljoen swart kinders wat sterf aan diarrhiale siektes nie dieselfde aandag geniet nie.
"Die armoede en werkloosheid in Zimbabwe het tot 'n katastrofale vlak gestyg. Dat is die gevolg van slegte beleid en swak owerheid."
Die Fonds het die land tussen 9 en 24 Maart besoek. Die organisasie meen dat Zimbabwe 200 miljoen dollar (151 miljoen euro) begrotingsondersteuning en tussen 200 en 300 dollar (151 en 227 miljoen euro) vir voeding, gesondheid en onderwys benodig.
Zimbabwe word daarnaas nog steeds bedreig deur 'n cholera-epidemie wat nie onder beheer is nie omdat die land nie daarin slaag om water te suiwer nie. Die siekte het al meer as vierduisend lewens geëis.
Die IMF meen voorts dat "politieke meningsverskille kan lei tot nog groter sosiale onrus." Zimbabwe se skuld beloop 5,1 miljard dollar (3,9 miljard euro).
Die huidige debat oor parlementêre deelname deur Afrikaners is 'n teken dat ons politieke bewussyn besig is om te ontwaak, waarvoor ons PRAAG se webtydskrif moet bedank. Vanweë sy onverbondenheid slaag die PRAAG-werf daarin om eerlike menings van verskeie bydraers te ontvang en om daardeur 'n beter begrip te kry van hoe ons mense werklik voel.
Dalk sal dit nou goed wees as ons bietjie vertoef by die word "selfbeskikking" asook die begrip van "vryheid". 'n Senior lid van die ANC het eendag by 'n konferensie in die Kaap beweer dat Afrikaners ook van apartheid bevry is, dat hulle vry is binne die mees liberale grondwet op aarde en dus geen selfbekikking benodig nie.
Waarop ek hom vra: "Nou waarom kan ons nie ons eie skole beheer nie? Waarom dan nie ons eie skoolkurrikula opstel nie? Waarom mense aanstel wat geen woord Afrikaans kan verstaan en aan ons kinders voorskryf wat hulle mag leer en nie mag leer nie? Wat van ons geskiedenis, ons letterkunde, ons gedigte en ons liedereskatte?"
Vryheid beteken vir my om nie onder beheer van ander persone of instansies te staan nie, om nie deur arbitrêre regulasies ingeperk te word nie, en om my eie denke volgens eie aard mondelings of skriftelik te formuleer en sonder beletsel na ander oor te dra. Dan is jy vry van die bande wat burgers soos marionette beheer.
Selfbeskikking is die som van al die regte wat gesamentlik deur 'n gemeenskap besit word om aan daardie gemeenskap die reg te verleen om sy eie toekoms volgens sy eie aard, sonder die toedoen van enige ander gemeenskap of owerheid, self uit te werk en na te streef.
Beperkings word altyd geplaas op vryheid. Die vryheid van ander persone kan negatief geraak word deur jou vryheid. Enige mens kan sy motor oral heen bestuur, solank hy binne die spoedbeperking en verkeersreëls bly, anders word ander padgebruikers se veiligheid deur jou vryheid van beweging bedreig.
Selfbeskikking van een gemeenskap word egter nooit deur dié van 'n ander bedreig of ingeperk nie. Ek sou sê dat dit die wesenskenmerke van vryheid en selfbeskikking is.
Die gesamentlike regte van gemeenskappe en die vryheid om dit volgens eie aard saam uit te leef, is die reg wat Afrikaners nou moet opeis. Die Suid-Afrikaanse grondwet, soos hy tans geskrywe staan, maak dit moontlik om nou reeds selfbeskikking van 'n gevorderde aard te beoefen, maar dan moet die gemeenskap homself as 'n volwaardie gemeenskap organiseer.
Die semantiek van die Grondwet veroorsaak dat heelwat verwarring by mense oor die begrippe minderheidsregte en gemeenskapsregte bestaan. Nêrens word daar van minderheidsregte in die Grondwet gepraat nie, maar slegs van gemeenskapsregte. Hieronder word godsdienstige, kulturele en taalgemeenskappe bedoel. Terwyl daar in die Afrikaanse politieke semantiek van volke gepraat word, word in die Europese Unie se protokolle van minderhede en minderheidsregte gepraat. Dit skep verwarring by diegene wat hierdie kwessies in Engels wil debatteer.
Die sleutel tot selfbeskking lê daarin dat Afrikaners moet aandring op die skeiding tussen organe van die burgerlike samelewing en van staatsinstellings. Ek het by dr. Christo Landman, voormalige Kommissaris van die Artikel 185-Kommissie, gaan kers opsteek en hier is sy vertolking daarvan:
Die 185-Kommissie het liederlik gefaal om sodanige regte te formuleer. Insgelyks het die burgerlike organe nagelaat om dan in die afwesigheid van prestasie deur 185 sodanige regte te omskryf.
Ons het dus te make met 'n lam regering wat nie rigting het nie en slap gemeenskapsorganisasies wat hulself nie in verteenwoordigende rade wil organiseer om hul plig teenoor toekomstige geslagte na te kom nie.
Hieruit kan mens aflei dat die ANC-regering willens en wetens die grondwet volgens hul eie agenda vertolk en die land se kultuurgemeenskappe laat Gods water oor Gods akker loop terwyl elkeen van 50 Afrikanerorganisasies die volk op sy eie wil red.
As Afrikaners nie eens in staat is om hul gemeenskapsregte op te eis nie, kan hulle die volkstaatdroom maar op hul mae skryf. 'n Volkstaat sal nie uit die lug op hulle neerdaal nie.
Uit wat ander briefskrywers vermeld, kan ons aflei dat daar voor 1994 omtrent 800 000 regses was. Hiervan was omtrent 450 000 ondersteuners van 'n volkstaat. Die volkstaters het toe die Vryheidsfront van genl. Viljoen gesteun. Sedertdien het 300 000 van hulle die Vryheidsfront+ verlaat.
Baie van die regses wat nie 'n volkstaat ondersteun het nie, kon moontlik sedertdien van gedagte verander het. Dus kan tussen 450 000 en 800 000 tans hulle steun aan 'n volkstaat toesê.
Waarskynlik wag hulle op 'n leier.
Sal 'n volkstaat bereik kan word binne die huidige stelsel of daarbuite?
Nie een van die rubrieke of briewe maak melding van die Volksraadverkiesingskommissie nie. Is hulle nie van hierdie opsie bewus nie of wil hulle nie daarvan bewus wees nie?
'n Koalisie met die ANC-regering is nie onmoontlik nie – ongeag die afsydige houding van die meeste Afrikaners teenoor volksvreemde idiologieë en hul bitterheid oor ons lot. Dis meer moontlik as met die DA en kan tot groter voordeel vir ons mense strek. Daar is geen voordeel om met verloorders saam te werk of te betoog nie.
Alles sal afhang van minstens twee of selfs drie waarborge wat deur die Zuma-regering verskaf moet word:
1. Verbeel u hoedat die getraumatiseerde, verharde fundamentalistiese Afrikanerharte kan versag as Zuma eerstens die Boerevolk erken as ‘n inheemse stam / volk van Afrika en daaroor geen verder kwessie sal wees nie? Hy het dit tog klaar in die openbaar gedoen en nou moet hy net gestalte daaraan gee.
2. Dink net aan die trane en gebede van dankbaarheid indien al ons politieke gevangenes vrygelaat word en alle vervolging gestaak word en die lei skoongevee sou word! Want ek ken die Afrikaners en hulle is goeie, lojale en hardwerkende burgers waaroor die wêreld gaande is.
3. En verder indien ons as gelyke burgers toegelaat sou word om soos al die ander burgers van stamme, volke en tale hul eie selfbeskikking mag uitwerk – hoedat die Afrikaners sal help om hul tuislande saam met ons eie te ontwikkel.
Die een hand was tog die ander….
Dink net hoedat Zuma ge–Connie Mulder is deur Naspers – maar sonder sukses. Moontlik sou ons die ANC-regering teen die media- en propaganda-aanslag sou kon help want ons ken mos hulle vuilspel.
2. Dink net as die regering byvoorbeeld een staatsdepartement aan die VF+ kan gee, byvoorbeeld Gesondheid, hoedat ons daarvan ‘n beter sukses sal kan maak as Natuurbewaring en Toerisme onder Kortbroek – en tot die ganse volk en land se voordeel – want ons het die kundiges en hulle praat Afrikaans en Engels en selfs Zoeloe en ander inheemse tale.
So dan lê daar vir eers bemarking voor om die konsep of produk van samewerking aan ons mense te verkoop met alle moontlike verkoopstegnieke.
Maar soos alle kontrakte is die uittreeklousule die belangrikste.
As ons nie probeer nie sal ons nooit weet nie!
Afrikane moet maan toe om te gaan vasstel wat ontwikkelde lande in die buitenste ruim aanvang. So meen Oeganda se president Yoweri Museveni.
"Die Amerikaners was al op die maan. En die Russe. Die Chinese en Indiërs gaan binnekort soontoe. Afrikane is die enigste mense wat op aarde moet sit," het hy gesê aan 'n vergadering van die Uganda Law Society in Entebbe.
"Ons moet ook gaan en sê: 'Wat maak julle mense hier bo?'"
Museveni het die vergadering van top regslui dringend versoek om die integrasie van Oos-Afrika te ondersteun, met die doel om 'n ruimteprogram te ontwikkel. Hy het gesê Oeganda kan nie alleen maan toe gaan nie want hulle is te klein.
Indien Oeganda, Kenia, Tanzanië, Boeroendi en Rwanda egter saamwerk, is die doelwit binne bereik, volgens die president. "Dan kan ons aan die Amerikaners sê: 'Wat maak julle so alleen hier?'"
