Dan Roodt, Author at praag.co.za

Frankryk waaksaam na Moslemdreigement

Franse amptenare was Woensdag waaksaam nadat Moslems gedreig het om wraak te neem oor president Nicolas Sarkozy se kritiek teen die boerka.

In Frankryk heers "baie groot waaksaamheid" teen aksies en verklarings uit Noord-Afrika, het die Franse minister van buitelandse sake se woordvoerder Eric Chevallier tydens 'n inligtingsessie vir die media gesê.

"Franse owerhede het hulle beslistheid om terreur te beveg herbevestig," het hy bygevoeg.

In Algerië het Moslemfundementaliste op die intenet bekend gemaak dat hulle gaan wraak neem. Die verklaring kon nie onafhanklik geverifieer word nie.

Sarkozy het onlangs gesê die boerka is nie welkom in Frankryk nie en sal vroue in gevangenes verander. Die Franse parlement het 'n kommissie aangestel om die kwessie te ondersoek wat daartoe kan lei dat die Moslemkledingstuk in die openbaar in Frankryk verbied word.

Human Rights Watch sê so 'n besluit sal kontraproduktief wees en 'n gesiene Britse Moslemorganisasie het Sarkozy se opmerkings as patroniserend en kwetsend beskryf.

Libanon se mees invloedryke Sjiïetise godsdiensleier het die Franse president gevra om sy gewraakte stelling te heroorweeg.

Die Al Kaida-verklaring uit Algerië het 'n beroep op volgelinge gedoen om op te tree "vir die eer van ons dogters en vroue" en het alle Moslems gevra "om te reageer op hierdie haat".

play online лобановский харьков

Facebook verander MySpace in swart ghetto

Facebook het MySpace in 'n swart ghetto verander weens die feit dat blankes gevlug het van laasgenoemde netwerk, sê 'n sosiale navorser in die VSA.

Danah Boyd sê Facebook se bestaan het 'n migrasie van MySpace se wit gebruikers veroorsaak. Opgevoede en welvarende gebruikers identifiseer nie met die hoofsaaklik Noord-Amerikaanse MySpace nie, terwyl Facebook vir hulle aantreklik is.

MySpace behoort aan News Corp. "Dit was nie net enige een wat MySpace verlaat het vir Facebook nie ,” sê Boyd, wat vir Microsoft Research New England werk.

Sy het aan 'n gehoor by die New Yorkse Democracy Forum gesê hulle kan maar net sowel 'n ongemaklike waarheid in die oë kyk. "Wat gebeur het was 'n moderne weergawe van wit uitvlug."

Boyd het gesê MySpace het in 'n digitale “ghetto”verander. "Die mense daar is meer geneig om bruin en swart te wees en hulle het 'n stel waardes wat die wit gemeenskap beangs maak."

In haar onderhoude met Amerikaanse tieners sedert 2006 het dit duidelik geword dat aanlynmigrasiepatrone dieselfde is as groepe se keuses vir stede. Facebookgebruikers sien neer op MySpacegebruikers en nie andersom nie.

Wit hoërskoolkinders het Facebook "meer gekultiveerd" en "minder dom" gevind as MySpace. "Enige leerder met 'n Facebookbladsy sal jou vertel dat MySpacegebruikers meer geneig is om swak opgevoed te wees en luidrugtig," het sy gesê.

Boyd glo dat sulke verskille in sosiale netwerke meer na vore gaan kom met tyd. "Facebookgebruikers is dit eens oor die gevoel dat hulle na 'n vreedame, stiller, minder openbare ruimte migreer, wat meer idillies is."

план бани фото

Amerikaanse offensief kan Taliban laat groei

Daar is in baie dele in die suide van Afghanistan 'n gevoel van openlike verset in die lug, wat Amerikaanse magte se taak om die plaaslike bevolking se vertroue te wen bemoeilik.

Die Taliban is gewild in veral die provinsie Helmand en dorpenaars het die wapen opgeneem teen die invallers om hulle huise te beskerm of uit weerwraak omdat 'n familielid in 'n Amerikaanse lugaanval gedood is.

Ander weer, het by die Taliban aangesluit uit armoede of omdat die Taliban die enigste alternatief bied op wat hulle as 'n vyandelike mag beskou.

Donderdagoggend het 4 000 Amerikaanse seesoldate 'n groot offensief begin om die streek terug te neem van die insurgente. Die spesialissoldate vorm deel van 'n meer uitgebreide ontplooiing van addisionele magte wat die nuwe Amerikaanse bevelvoerder in Afghanistan, Gen. Stanley A. McChrystal, aangekondig het.

Die offensief is daarop gemik om nie alleen die Taliban uit te roei nie, maar om ook die bevolking te beskerm. Laasgenoemde skyn 'n haas onbegonne taak te wees aangesien die Taliban ten minste die platteland van twee provinsies, naamlik Kandahar en Helmand, heeltemal oorheers.

Hewige gevegte, waarsku plaaslike inwoners en amptenare van die huidige eenheidsregering, gaan verhoudinge tussen die invallers en die plaaslike bevolking verder versuur. Die regering het geen verteenwoordiging in 5 van Helmand se 13 provinsies nie en in verskeie ander, soos Nawa, is troepe en amptenare in die geïsoleerde dorpe waar hulle wel teenwoordig is, onder beleg.

In landelike gebiede word die Taliban se gesag aanvaar en inwoners vrees die opbou van Amerikaanse troepe. In Junie het hulle gesê om onder Talibanbeheer te leef is vir hulle beslis verkieslik. Artillerievuur en lugaanvalle deur 'n buitelandse mag bly vir die meeste 'n steen des aanstoots.

Die suidelike provinsies het die grootste burgerlike lewensverlies sedert die NAVO-ontplooiing in 2006 ervaar. Gevegte het ook duisende vlugtelinge na nabygeleë dorpe laat stroom.

Meer mense ondersteun die Taliban as die regering, sê Abdoel Kadir Noorzai, hoof van die Afghaanse Onafhanklike Menseregtekommissie. Gemeenskapsleiers sê die Taliban is 'n bekende, waar die regering en 'n buitelandse mag heeltemal onbekend is.

Die Amerikaans invallers hou aan om groteske foute te begaan wat die plaaslike bevolking se weersin in hulle verder aanmoedig. 'n Invloedryke stamhoof en gesiene man in die hele Helmandprovinsie asook sy vrou is onlangs gedood, ten spyte daarvan dat hy van die Taliban oorgeloop het na die regering. Net hulle babadogtertjie het die aanval oorleef.

Verlede jaar het 2 400 Amerikaanse seesoldate 'n klein, maar belangrike area in suid-Helmand suksesvol oorgeneem om die Taliban se toevoerroete van Pakistan af te sny. Dit het die Talibanmagte wat verder noord opereer 'n ernstige knou gegee.

Lt. Gen. James Dutton, die Britse onderbevelvoerder van NAVO in Afghanistan, sê hulle wil hierdie jaar soortgelyke operasies in meer plekke deurvoer. Maar kenners waarsku dat meer troepe juis 'n felle teenreaksie kan veroorsaak.

topcargo

Colesberg-inwoners herstel elektrisiteit met hofbevel

Die Aksiegroep Colesberg het daarin geslaag om die elekrisiteitsvoorsiening aan inwoners met 'n hofbevel herstel te kry. Die Aksiegroep en sy lede verkeer tans in dispuut met die sogenaamde Umsobomvu-munisipaliteit weens onredelike tariefstygings en gebrek aan dienslewering.

Nadat die Aksiegroep, wat by die Nasionale Belastingbetalersunie van mnr. Jaap Kelder geaffilieer is, 'n tydelike hofbevel teen die munisipaliteit verkry het, het die burgemeester, munisipale bestuurder en finansiële bestuurder steeds geweier om die krag aan te sit.

Mnr. Johan Matthee, voorsitter van die Aksiegroep Colesberg, 'n klag van minagting van die hof teen die burgemeester en sy twee mede-amptenare gelê. Hy sê: "Nadat die stukke deur die balju op die respondente bestel is, het die munisipale bestuurder steeds hardnekkig geweier om die kragtoevoer te herstel. Ek was derhalwe genoodsaak om lasbriewe vir die inhegtenisneming van die munisipale bestuurder, burgemeester en die finansiele bestuurder aan te vra op sterkte van minagting van die hof. Die lasbriewe is uitgereik en die polisie het onmiddellik opgetree.

"Die munisipale raad het gistermiddag 14:00 'n spesiale raadsvergadering gehou (rede onbekend) en toe die vergadering verdaag, het die polisie gereed gestaan om die mense te arresteer. Die munisipale bestuurder het toe so groot geskrik dat hy daar-en-dan opdrag gegee het dat die krag weer aangeskakel moet word".

Volgens mnr. Matthee het hy "om 17:45 begin oproepe ontvang van baie dankbare inwoners om te bevestig dat hulle kragtoevoer, ná 5 weke in die donker en in uiterse koue, herstel is."

Die keerdatum vir die bekragtiging van die tussentydse hofbevel is 28 Julie 2009. Tensy die munisipaliteit verweer aanteken, sal die bevel dan finaal verklaar word.

Die inwoners dring daarop aan dat hulle net vir elekrisiteit wil betaal, hetsy per rekening, hetsy per voorafbetaalde meter, terwyl hulle dispuut met die Colesbergse munisipaliteit aan die gang is.

Die inwoners beroep hulle op die Munisipalestelselswet nr. 32 van 2000, waarvan artikel 102(2), saamgelees met artikel 102(1), bepaal dat 'n munisipaliteit nie 'n belastingbetaler se skuld vir dienste mag konsolideer "waar daar 'n dispuut met die munisipaliteit bestaan nie".

Aksiegroep Colesberg is finansieel bygestaan deur die Nasionale Belastingbetalersunie om sy regskoste te dek, met advokaat Mari Olivier wat vir die Aksiegroep opgetree het.

Мордвинов Александр Фильчаков

Veg terug vir Afrikaans in die howe

Wat Martin Labuschagne in sy betoog skryf is ongetwyfeld waar. Maar hoe ons die verdere aanslag deur die kommunistiese ANC teen ons hanteer, is iets wat deur ons besluit word en nie deur ons vyande nie!

Ek glo egter dat presies hierdie strategie van die ANC om Afrikaans en dus Afrikaners verder te benadeel, in ons guns kan tel. Waarom sal ons gedurig soos ‘n hond wat gewoond is aan afgeknou word, stert tussen die bene rondsluip?

As die ANC skree transformasie en verteenwoordigendheid, dan wil almal alle poste met swartes vul. En die Afrikaner en ander blanke honde wat reeds so erg oorgegee het dat hul op die rug lê en hulself bietjies bietjies nat piepie, staan voor in die koor om AA en BEE te dreunsing.

Is hierdie aanslag teen die Afrikaner se vermoë om homself in die howe te laat geld en gelykheid voor die reg te geniet, nie juis waar ons ‘n slag kan slaan vir meer Afrikaner verteenwoordiging en gelykheid nie?

Kan geen van ons geëerde en geleerde regskenners ‘n saak daarvoor maak dat presies hierdie praktiese taalprobleem in die howe, dit noodsaak dat daar landdroste, regters, aanklaers, advokate, prokureurs en hofstaf moet wees, wat verskillende taalgroepe in hul eie tale in die howe kan verteenwoordig, hanteer en verhoor nie?

Met ander woorde as daar nie ‘n Afrikaansmagtige regter of staatsaanklaer is nie, word ‘n Afrikaner se saak uitgestel totdat daar wel een is. En as die staat versuim om sy plig in hierdie verband na te kom, dan het beide die Afrikaner as volk sowel as die individu wie nie sy dag in die hof kan kry nie, ‘n saak en ‘n eis teen die staat.

Hierdie voorstel kan tien teen een baie meer ontwikkel word en elegant uiteengesit word.

Moet egter nie net lê om afgeknou en geskop te word nie! Byt terug! Of beskik die Afrikaner nie meer oor regsgeleerdes met die vermoëns, wil en trots om iets vir hulself en hul eie mense te doen nie?

медицинскую справку

Gautrein dalk voor 2010 gereed

Bushalte in Johannesburg

Die Gautrainprojek vorder goed en mag dalk gereed wees vir die 2010 Fifa Wêreldbeker het die Gautreinbestuursagentskap Donderdag aangekondig.

HUB, Jack van der Merwe, sê dit is hulle bedoeling om die Gautrein so naby aan 2010 as moontlik te loods. Hy het met joernaliste in Johannesburg gepraat gedurende 'n mediatoer.

Die agentskap beoog om die trein te voltooi en te begin toets 'n maand voordat die toernooi afskop.

"Ons probeer om die twee op te lyn en ons probeer versnel," het hy gesê.

Hy het nietemin gewaarsku dat die Gautrain se nuttigheid sal afhang van ondersteunende openbare vervoerprogramme soos die BRT, die snelbusdiens, asook die taxi's.

'n Uitdaging wat voorlê is die staking waarmee die Nasionale Metaalwerkersunie van Suid-Afrika, NUMSA, dreig.

Van der Merwe sê onderhandelinge met die unie sal deur die Suid-Afrikaanse Federasie van Siviele Ingenieurkontrakteurs gevoer word.

Stuur ‘n vraag aan Obama per SMS

Lede van die publiek kan vrae na die Amerikaanse president Barack Obama stuur per SMS op die vooraand van sy besoek aan Ghana.

Die missie van die VSA in Suid-Afrika het Donderdag gesê die president sal teksboodskappe voor sy besoek aan Ghana Saterdag ontvang.

"President Obama sal direk op uitgesoekte vrae antwoord deur plaaslike radiouitsendings in Afrika," het die missie in 'n verklaring gesê.

Om 'n SMS aan Obama te stuur vanaf 3 Julie , tik "English" of "French" in en stuur na +61-41-860-1934 en instruksies sal daarna volg.

Obama sal Akkra, die hoofstad van Ghana, op 11 Julie besoek.

Фільчаков прокурор

VF+ waarsku ANC en Jansen

Abrie Oosthuizen

Die VF Plus se leier in die Vrystaat, mnr. Abrie Oosthuizen, het die ANC se onlangse uitlatings met betrekking tot die Universiteit van die Vrystaat (UV), in ‘n mediaverklaring sterk veroordeel.

Mnr. Neels van Rooyen, ANC-wetgewerlid, het tydens Maandag 29 Junie 2009 se wetgewersitting in ’n mosie gesê dat die nuwe rektor van die UV, prof. Jonathan Jansen, die UV moet transformeer en dat die ANC-regering nie sal huiwer om in te gryp as transformasie aan die UV nie na wense is nie.

Die UV se hoofkampus het 27157 geregistreerde studente en van hierdie studente is 17679 (65%) swart en 15689 (57%) vroulik. Indien die studente-getalle van die QwaQwa- en Vista-kampusse in berekening gebring word, is die verhouding swart-wit nog groter. Verder is koshuise aan die UV vanaf 2008 drasties getransformeer en het die tradisioneel wit koshuise ’n integrasiesyfer van nagenoeg 30%, terwyl tradisioneel swart koshuise onder die 1% geïntegreer is.

“Dit is kommerwekkend dat die ANC-regering se klem steeds so drasties op rasse-integrasie en transformasie is,” het Oosthuizen gesê. Die ANC se klem moet eerder na die verbetering van akademiese standaarde verskuif.

Die VF Plus waarsku prof. Jansen om nie soos sy voorgangers onder hierdie politieke druk te swig nie, maar eerder te fokus op die uitbou van die UV as ‘n instituut van uitnemendheid. “Dit blyk dat die ANC nooit tevrede gaan wees totdat die getal wit studente aan tersiêre instellings absoluut gering is nie en Afrikaans heeltemal as onderrigtaal verdwyn nie,” het Oosthuizen bygevoeg.

mga games

Minimumloon dring emosionele besluit aan blankes op

Ek glo dat die minimum loon vir ongeskoolde arbeid tans hier rondom R1 300 rond is. Dit word egter nou met 20% opgestoot, tot kort duskant R1 600 en daar word beplan om sulke skerp stygings gereeld oor die volgende paar jaar in te stel.

Mens moet egter krities vra of bogenoemde as goed of sleg vir ons vertolk moet word. Goedkoop arbeid het sekere positiewe gevolge, maar die vraag wat mens jou moet afvra is wat die langtermyngevolge daarvan is. Ek kan aan die volgende dink:

Laer vlak van outomatisering, wat veroorsaak dat mens minder kompeterend is in die globale ekonomie.
Onproduktiewe besigheidsprosesse, wat slegs goed vertoon omdat die arbeidskoste dit kunsmatig goed laat lyk.
Meer werkers wat minder doen, meer sosiale en arbeidsprobleme.
Uitsluiting van mense uit jou eie bevolkingsgroep, omdat hulle kwansuis duurder is.
Kulturele beïnvloeding deur werkers wat totaal verskillende waardes en kulture deel – bv. die alomteenwoordigende huisbediende wat moet klere stryk en afstof vir n bietjie geld elke maand, en wat in ruil iets minder tasbaars vir jou gee, nl. empatie met haar kultuur en miskien TB. Tuinwerkers gee ook soms iets terug behalwe hul dienste waaruit hul (gees)drif duidelik blyk (geweldsmisdaad). Op 'n suiwer koel beredeneerde vlak moet mens vra: Hoekom het jy so iemand in jou huis of tuin toegelaat i.p.v. hoe kon hy dit doen ná al die jare…
Enige strategiese besluit rakende jou eie soort word altyd bemoeilik deur emosionele bagasie a.g.v. jou intimiteit met die ander kulture, wat in jou persoonlike ruimte om jou beweeg.

Ek is seker daar is ook redes hoekom hierdie goedkoop arbeid gewens is:

Jy kan op die bank lê en TV kyk, terwyl iemand die gras sny.
Boere met 'n marginale winsgrens kan nog steeds op hul plase boer en die land van kos voorsien.
Swartmense wat nie geskool is nie, kan wel genoeg verdien om 'n relatiewe hoë lewenstandaard te handhaaf – maar ten koste van wie?
'n Tekort aan sodanige werkers van goeie kwaliteit, lei uiteindelik daartoe dat jy net meer en meer betaal vir iemand wat nie rêrig baie beteken nie (dus as daar in n bepaalde omgewing net 3 werkers is wat verslaaf is aan alkohol, is die boer verplig om hulle in sy diens te hou, teen die nuwe verhoogde minimumloon).

Bg. noue samewerking veroorsaak 'n morele dilemma by die meeste blankes in Suid-Afrika, en lei in 'n groot mate tot emosionele besluitneming, waar ander se gevoelens ten koste van jou eie waardes in ag geneem word. Verder dink ek nie dat ons rêrig afhanklik is van goedkoop arbeid nie, maar dat ons vriendelik verplig word om daarvan gebruik te maak. Die boodskap wat mens al oor dekades kry, is hoe om dit en dat vir jou werker te doen of nie te doen nie. Mens hoor egter nooit dat iemand bevraagteken of mens in die eerste plek so 'n werker moet hê nie. Dit dui dus op 'n subtiele verpligting wat op ons geplaas word om tog vir die mense om te gee – maar dis te betwyfel of daar werklik so 'n plig bestaan.

Dokters vies oor aanbod, afdankings en toestande

Stakende dokters in die Wes-Kaap het onmiddellik ná ’n massavergadering by Groote Schuur-hospitaal Woensdag laat blyk dat hulle die jongste aanbod waarskynlik Donderdag finaal van die hand gaan wys.

Hulle het hul misnoeë uitgespreek oor die uitslag van die onderhandelings wat Dinsdagaand in Johannesburg geëindig het.

Dr. Molefi Sefularo, die adjunkminister, het die nuwe aanbod persoonlik aan dokters oorgedra tydens die byeenkoms, maar die regering se finale salarisaanbod is volgens medici nie voldoende nie en talle sê die stakings gaan voort.

In KwaZulu-Natal heers reeds onmin, ook oor die feit dat sekere provinsies dokters begin afdank. Talle dreig om die staking voort te sit totdat afdankings teruggetrek word.

Dokters kla verder oor die haglike werkomstandighede.

Spanne van die Suid-Afrikaanse Militêre Gesondheidsdiens is by ses hospitale in KwaZulu-Natal, twee in Mpumalanga, die Tembisa-hospitaal aan die Oos-Rand en drie ander hospitale ontplooi.

Woordvoerder van die 150 stakende dokters in Mpumalanga wat voor die Rob Ferreira-hospitaal in Nelspruit betoog het, dr. Thomas Bredenkamp, het volgens Beeld gesê: “Hulle moet ons ook nie probeer wysmaak ons is besig om die dokters se etiese kode te verontagsaam nie."

“Die kode sê ons moet in die beste belang van ons pasiënte optree. En dit is presies wat ons nou doen. Pasiënte het lank genoeg gely onder die mediese stelsel wat in duie stort.”

accessories wedding