Dan Roodt, Author at praag.co.za

Swart ikoon is vermoor

Michael Jackson is vermoor.

Dit is altans hoe die Los Angeles-polisie die sanger se dood op 25 Junie aan hartversaking interpreteer. Dr. Conrad Murray, die sanger se persoonlike geneesheer, is in die gereg se visier.

Die nuwe wending laat verdere vrae oor die swart ikoon wat verkies het om wit te lyk, se reeds eienaardige lewe hang. Was daar, soos sommige kommentators beweer, politieke bymotiewe van 'n rasideologiese aard betrokke?

Die webtuiste www.tmz.com (TMZ) het Woensdag berig dat Jackson se familie etlike “onbeantwoorde vrae” oor Murray se rol in die laaste ure van Jackson se lewe het. Jackson het aan hartversaking gesterf wat vermoedelik deur medikasie veroorsaak is.

Joe Jackson, die sanger se pa, het onlangs aan Amerikaanse TV-nuus gesê hy is oortuig daarvan dat daar “vuilspel” was.

LaToya Jackson, die sanger se oudste suster, het aan ’n Britse koerant gesê: “Ons dink nie net een mens was betrokke nie. Dit was ’n sameswering van mense.”

Murray se regsverteenwoordigers hou vol hy is van alle skuld onthef. TMZ het verskeie bronne in die polisie aangehaal dat die narkosemiddel Propofol die primêre oorsaak van Jackson se dood was.

Ingeligtes het gesê daar was lankal “hope belangrike bewyse” wat die vinger na Murray (51) gewys het as die persoon wat die dwelm aan Jackson toegedien het. Die handelsnaam van die middel is Diprivan.

Die bewyse sluit in goedere wat in Jackson se huis gevind is, waaronder Propofol, ’n voetstuk vir binneaarse toediening en ’n suurstoftenk.

Die dwelm word gebruik om pasiënte te bedwelm voor chirurgie en behoort volgens kenners net deur opgeleide narkotiseurs toegedien word.

086у

Hoe nou, Sadou?

Die Natalse tak van die Suid-Afrikaanse Demokratiese Onderwysers-Unie, Sadou, kla oor hoe eksamenantwoordstelle nagesien word. (Is dit nie terloops interessant hoe menige lande en organisasies met “Demokraties” in hulle name juis niks van die aard is nie? Sadou is ‘n gawe versameling Staliniste, en so ook was die Duitse Demokratiese Republiek allermins demokraties.)

Volgens Sadou word nie-moedertaalsprekers van Engels glo benadeel deur die wyse waarop antwoordstelle nagesien word.

Sadou se lede is uiteraard die einste onderwysers wat skoolhou vir juis diegene– swart leerlinge en hulle ouers – wat ten alle koste aandring daarop om in Engels onderrig te word. Die Hoërskool Ermelo verkeer byvoorbeeld nie onder druk om klasse in plaaslike tale – Zoeloe of Tswana – aan te bied nie. Nee, dit móét Engels wees.

Die resultaat is voorspelbaar. Die Zoeloesprekende skoolkind sit op die skoolbank en word uit ‘n Engelse handboek onderrig in wiskunde of biologie. Die onderrig word verskaf deur ‘n onderwyser wat Engels probeer praat, maar eintlik self ‘n Zoeloe is en wie se taalvaardigheid in Engels swak is. Nóg die skoolkind, nóg die onderwyser verstaan hetsy Engels op ‘n aanvaarbare vlak, hetsy begryp hulle alles wat in die handboeke in Engels gekryf is. Die kinders gaan skryf dan hul eksamens, ook in Engels, en druip soos vlieë.

Sadou se lede is nie net die kluts met Engels kwyt nie, maar gaan soek ook die blaam vir swak prestasies op die verkeerde plek. Die leerlinge se swak prestasie word summier toegeskryf aan die nasieners, wat glo eers die Engels wat die leerling probeer besig beoordeel, en dan eers na die vakkundige inhoud van die antwoordstel kyk.

Die driedubbele mededingende nadeel –‘n onderwyser wat nie eintlik Engels kan praat nie, ‘n leerling wat nie die Engels in die handboek ordentlik kan lees nie en dan in Engels eksamen moet skryf, word egter totaal en al deur Sadou geïgnoreer.

‘n Voor-die-hand-liggend oplossing vir swak prestasie sou logieserwys insluit om a) handboeke in die moedertaal van die leerlinge op te stel, b) vir die leerlinge om onderrig in hulle moedertaal te ontvang, en c) om die eksamen ook in hulle moedertaal te skryf. Daar is sowat vier keer meer Zoeloes as Afrikaners en dus regverdig hul getalle al die bostaande stappe.

Luister is egter min. Dit móét teen wil en dank Engels wees, al lei die gebruik van Engels regstreeks daartoe dat ‘n groot aantal leerlinge druip. In die Marxistiese onderwysvakbondlid, asook die leerlinge en hul ouers, se koppe is dit egter beter om in te Engels druip as om in Zoeloe deur te kom.

топкарго отзывы

Een kritiek nadat polisie rubberkoe?ls in Khayelitsha gebruik

Een persoon is in ‘n kritieke toestand nadat die polisie Dinsdagaand met rubberkoeëls op betogers in Khayelitsha geskiet het.

”Lede van die Suid-Afrikaanse Polisiediens en metro-polisie het op meer as 15 mense met rubberkoeëls geskiet tydens gister se betogings. Een persoon is in ‘n kritieke toestand in die Groote Schuur-hospitaal in Kaapstad,” het die AbahlalibaseMjondolo-inwonersvereniging in ‘n verklaring gesê.

Volgens die verklaring het die protesaksie oor swak dienslewering gehandel.

Konstabel Mthokozisi Gama van die SAPD het gesê die polisie moes rubberkoeëls teen die betogers gebruik om die protesaksie onder beheer te bring.

Gama het ook gesê geen beserings is gerapporteer nie. Betogers het motorbande aan die brand gesteek en lede van die polisie met klippe bestook. Die groep het ook ‘n Golden Arrow-bus aan die brand gesteek, het Gama gesê.’n Saak van kwaadwillige saakbeskadiging is aanhangig gemaak, maar niemand is nog tot dusver in verband met die saak in hegtenis geneem nie.

Die N2 tussen Spineweg en die Mew Way-afrit in die rigting van Kaapstad is Dinsdagaand tussen 21:30 en 22:15 vir verkeer gesluit. ’n Fotograaf van Die Burger, wat op die toneel was, het gesê ’n petroltenkwa het net-net ongedeerd daarvan afgekom nadat dit sowat 50 m van die brande in die stilstaande verkeer vasgevang is.

водопады домашние

Charles Taylor ontken skuld

Oudpresident Charles Taylor van Liberië, die eerste Afrikaleier wat in verband met oorlogsmisdade verhoor word, het gister in sy eie verdediging getuig en gesê die saak teen hom wemel van verkeerde inligting en leuens.

Taylor, 61, staan tereg op 11 aanklagte van aanstigting tot moord, verkragting, verminking, seksuele slawerny en die opkommandering van kindersoldate gedurende die vervlegte oorloë in Liberië en Sierra Leone in die 1990’s en vroeë 2000’s waarin meer as 250 000 mense dood is.

“Ek is nie skuldig aan enige van hierdie aanklagte nie,” het Taylor aan die drie regters in die spesiale hof vir Sierra Leone gesê. Aanklaers, wat hul saak in Februarie afgesluit het, voer aan dat hy rebelle van die Revolutionary United Front in ’n terreurveldtog teen burgerlikes aangevoer het.

Taylor het gesê dit is “heeltemal ongelooflik” dat hy as ’n terroris beskryf word.

no deposit 10 free

Watter soort ‘drastiese optrede’ vir Afrikaans?

As ons eerlik is, moet ons erken dat slegs drastiese optrede Afrikaans nou van volslae ondergang kan red.

Bogenoemde verwys.Ek het met gespitste aandag Dan Roodt se artikel in u publikasie gelees. Ek stem saam met wat hy daar sê. Die vraag is: Watter tipe "drastiese optrede" word voorgestel?

топкарго развод

Britte laat vaar dwelmklagte teen SAL-span

Op een uitsondering na, is alle dwelmklagtes teen die 30 spanlede van SAL wat in twee dwelmvoorvalle by die Heathrow-lughawe in Londen aangekeer is, laat vaar. So het die lugredery gister gesê.

Die Britse owerheid het formeel bevestig dat hulle geen verdere stappe teen die werknemers van SAL gaan neem nie, het 'n SAL-woordvoerder, Robyn Chalmers, gesê.

Die enigste uitsondering is die vorige vlugkelner van SAL, Mmatshuma Matlhara, wat in Suid-Afrika gearresteer is ná haar terugkeer uit die VK en wat van dwelmhandel aangekla is, ná 'n wenk van 'n veiligheidswag.

Die veiligheidswag, Pulane Hlahane, 43, en Matlhara, 35, het verlede maand in die Kemptonparkse landdroshof verskyn. Hulle het R5000 borgtog ontvang.

Hlahane het na bewering vir Matlhare van ekstra veiligheidsetikette voorsien sodat sy met ekstra bagasie vol onwettige middels kon reis.

Die eerste groep kajuitpersoneel van SAL is in Januarie in hegtenis geneem nadat 50 kg dagga en 4 kg kokaïen in hul bagasie gevind is. Die tweede groep is in Februarie aangekeer toe 5 kg kokaïen in hul tasse gevind is.

Chalmers het gesê die Britse owerheid het aangedui dat hulle die reg voorbehou om die saak teen enige individu te heropen indien nuwe getuienis na vore sou kom.

липецк опции топкарго кидалы

Rowers stroop gestrande bakkie van onderdele

Twee mans wie se bakkie in Dutywa gaan staan het, is deur rowers van onderdele beroof, het die Oos-Kaapse polisie Dinsdag berig.

Kaptein Jackson Manatha het gesê die twee mans was Maandagaand besig om aflewerings in Butywa te doen en was van Kokstad na Oos-Londen op pad. Hul bakkie het rondom 11 nm. gaan staan.

"Terwyl hulle vir die insleepvoertuig gewag het, het drie mans aangekom en die voertuig van twee deure, wiele en ander onderdele gestrooop."

Manatha het gesê een van die rowers het 'n vuurwapen gehad en twee was met messe bewapen.

Hulle het die mans aan bome vasgemaak maar het hulle nie andersins seergemaak nie, alvorens hulle van die toneel verdwyn het.

Uiteindelik het die mans daarin geslaag om hulself los te maak. Een van hulle het in die bosse gaan wegkruip terwyl die ander hulp gaan soek het.

Niemand is nog in verband met die voorval aangekeer nie.

'n Saak van roof met verswarende omstandighede is geopen.

local business internet Александр Фильчаков

Afrikaner bevind hom weer in die 1930s

Die Afrikaner bevind hom vandag met dieselfde taalprobleem as in die dertigerjare toe jy in besighede soos die OK Basaars, Greatermans, jou handelsbanke (voor Volkskas) en talle fabrieke geen bediening ontvang het as jy nie Engels gepraat het nie. Jy kon blou in die gesig of grys word, maar jy sou wag totdat jy skaamteloos jou geradbraakte Engels praat om bedien te word. Dít ten spyte van Afrikanerdogters wat jou moes bedien en wat nes vandag terwille van selfbehoud gelate daaraan moes meedoen.

Maar die toentertydse Afrikaner was trots en beneuk in die goeie sin van die woord. Tuis en op skool is jy van jou Afrikanerskap bewus gemaak. Praat jou taal en as daar nie geluister word nie, stap uit en gaan koop iewers anders. Hierdie beginsel is sedertdien eie aan my benadering. As ek enigsins uit sy of haar uitspraak aflei dat die persoon wat my bedien nie ‘n Afrikaner is nie, konfronteer ek daardie persoon openlik met die vraag: Praat jy Afrikaans? Indien nie, moet hy of sy iemand gaan vind wat my in my taal sal bedien of anders lui ek af en soek ‘n ander firma wat dit wel kan doen. Destyds het selfs ons kerke vanaf die kansel meegehelp om trots op ons Afrikanerskap te kweek. So het daar ‘n Afrikanerkorps met leiers in alle vertakkings van die samelewing ontstaan.

Die Afrikaners se pennies en tiekies is versamel in Federale Volksbeleggings. Nuwe Afrikanerbesighede het ontstaan: Volkskas, Sanlam, om maar enkeles te noem. Die Afrikaner kry sy Bybel in sy eie taal. Sy skrywers en digters beweeg weg van die Hollandse en kom onder die indruk van die ellende van die Afrikaner. Die Afrikaner se letterkunde lewe in al sy mooiheid. Tussen hakies, dink u daardie Afrikaners sou hulle Herzogprys na die buiteland laat gaan? Aikôna ! Al was dit ook ‘n Vondel of 'n Shakespeare.

Ek stem volkome saam, die Afrikaner staan by die kruispad. ‘n Keuse moet gemaak word. Dis maklik as jy glo… Geloof maak jou trots op dít waaraan jy glo. Glo die Afrikaner nog en is hy trots op sy Afrikanerskap met alles wat dit behels? Geloof gee ook wysheid omdat jy die beste sal kies terwille van dít waaraan jy glo. Boonop sal jy diskrimineer. Die Egiptenare sou nooit Israeliete word nie. Selfs vandag toi-toi ‘n Israeliet nie saam met die Palestyne nie.

Wees beneuk wat jou Afrikanerskap aanbetref. Ons het niks om oor skaam te wees nie. Ons is nie ‘n volk van diewe en moordenaars nie. Bedrieërs en geldsugtiges is ons sekerlik nie. Apartheid was nie ‘n skande nie. Soort soek altyd soort en sorg vir eie soort, al gaan jy waar. Is die apartheidsbeleid van die huidige regering dan eerbaarder? Sorg hy nie ook maar vir sy eie mense tot uitsluiting van die ander nie?

Ons moet hande vat. Ongelukkig sal ons weer soos destyds van vooraf moet begin, ons sente en rande bymekaarskraap en ‘n nuwe Afrikanervolksbeleggings in die lewe roep. Verstand ontbreek nie by die Afrikaner nie, dis net die trots en beneuktheid en die geloof.

Of is dit dalk vrees wat ons klein en benepe maak?

Twee Britte tronk toe weens ‘rassisme op die internet’

Simon Sheppard, het ook onder die skuilnaam Luke O’Farrell geskryf

Twee Britse mans is vir die eerste keer tronkstraf opgelê bloot weens rassistiese uitlatings in pamflette en op die internet. Simon Sheppard, 51, van Selby in Noord-Yorkshire is tot vier jaar en tien maande tronkstraf gevonnis en sy medepligtige, Stephen Whittle, 42, van Preston is tot twee jaar en tien maande in die gevangenis veroordeel.

Die twee mans het pamflette gedruk en het webwerwe in die VSA beheer waarop "rassistiese stof" gepubliseer is. Sheppard is aan 11 oortredings skuldig bevind en Whittle aan vyf.

Nadat die mans verlede jaar in Julie deur die hof in Leeds skuldig bevind is, het hulle na die VSA gevlug in 'n poging om politieke asiel te bekom. 'n Hof in Los Angeles het egter bepaal dat hulle nie vir asiel in aanmerking kom nie en is hulle daarom terug gedeporteer Brittanje toe waar hulle so pas gevonnis is.

Die Britse regter, Rodney Grant, het aan sowel Sheppard as Whittle gesê dat hul geskrifte "buitensporig en beledigend" is en oor die potensiaal beskik om "ernstige maatskaplike leed" te veroorsaak. Volgens die regter, "het oortredings soos dié uiteraard die potensiaal om ernstige maatskaplike leed te veroorsaak, veral in 'n samelewing soos ons s'n wat reeds vir 'n hele aantal jare veelrassig is".

Die ondersoek na Sheppard se bedrywighede het begin toe 'n klag oor 'n pampflet getitel, Tales of the Holohoax, by die polisie in 2004 ingedien is nadat dit onder die deur van 'n sinagoge in Blackpool gedruk is. Die pamflet is agterna teruggespeur na 'n posbus in Hull wat in die naam van Sheppard geregistreer is.

Die polisie in Humberside het later 'n webwerf met "rasopruiende stof" gevind. Die twee mans het gedink dat hulle aan die Engelse reg kon ontkom omdat hul webwerf in die VSA geregistreer was.

Om dié rede is hul skuldigbevinding 'n "baanbreker", volgens Alil Khan, die hoof van diversiteit en gemeenskapsamehorigheid by die Humberside-polisie. "Feit is dat ons nou gewys het dat jy nêrens meer kan wegkruip nie; mense het daaragter geskuil dat die webbediener in die VSA was. Om rassehaat aan te blaas, is 'n misdaad wat te dikwels plaasvind. Dié tipe stof sal nie verdra word nie, soos wat die indringende ondersoek getoon het."

Die hof het die standpunt ingeneem dat internetgeskrifte wat in Brittanje afgelaai kan word in dié land strafbaar is, ongeag in watter land die bediener verkeer. Weens die sogenaamde "eerste wysiging" aan die Amerikaanse grondwet, geniet Amerikaners steeds groter spraakvryheid as Britte of Europeërs om oor sensitiewe kwessies soos ras of die Joodse menseslagting tydens die tweede wêreldoorlog kommentaar te lewer.

Sheppard het reeds voorheen met Britse wette oor meningsvryheid gebots. Op 8 Junie 1999 is hy en David Hannam in Hull in hegtenis geneem omdat hulle rassistiese verkiesingsmateriaal ten behoewe van die Britse Nasionale Party (BNP) versprei het. Hy is dieselfde dag nog uit die BNP geskors (hoewel Hannam steeds lid van die party is en tans as senior bestuurder daarin dien) en is op 14 Junie 2000 in Hull deur 'n hof aan "die publikasie of verpreiding van rassistiese stof" skuldig bevind. Volgens Sheppard se eie webwerf, is hy by elke openbare biblioteek in Hull, asook by Hull-universiteit en Hull-kollege verbied "bloot omdat hy 'n mening uitgespreek het".

Sheppard het ook by herhaling 'n veldtog teen kommunisme en individue met kommunistiese neigings gevoer deur hul name op die internet op 'n webwerf genaamd "Redwatch" te publiseer. In dié opsig het hy die voorbeeld van linkse webwerwe gevolg wat graag name en foto's van regses publiseer ten einde hulle aan die kaak te stel en sosiaal te stigmatiseer. Blykbaar is http://www.redwatchonline.org steeds aktief hoewel die webwerf al 'n paar keer van adres verander het.

Stephen Whittle

Maar Sheppard is onder ander andere tronk toe gestuur vir die reeks artikels wat hy onder die skuilnaam Luke O'Farrell op die webwerf Heretical.com geskryf het, onder die titel Brave Jew World. Hierin lewer hy veral satiriese kommentaar op die anti-blanke uitsprake van sommige linkse Joodse intellektuele soos Susan Sontag wat gesê het: "die blanke ras is die kanker van die menslike geskiedenis", asook die voormalige Harvard-akademikus Noël Ignatiev wat 'n veldtog ten gunste van "afskaffing van die blanke ras" voer.

In dieselfde bydrae beskuldig Simon Sheppard/Luke O'Farrell die leier van die Konserwatiewe Party, David Cameron, daarvan dat hy ook deur Joodse geld geborg word: "Like Tony Blair, like Gordon Brown, he’s traitorous and unprincipled to the core, working hard to usher in a Brave Jew World in which Susan Sontag’s and Noël Ignatiev’s Marxist dreams come true: the cancer of human history is cut out, the white race is abolished, and we enter the rainbow paradise of racial harmony and equality we can see prefigured in Zimbabwe and South Africa."

Dis onduidelik vir watter spesifieke uitspraak Simon Sheppard tronk toe gestuur is, maar Afrikaanse lesers sal waarskynlik saamstem dat die bogaande paragraaf, hoewel omstrede – maar is Sontag en Ignatiev se standpunte nie ook omstrede nie? – nie vier jaar en tien maande in die tronk verdien nie. Maar lees en besluit self oor Sheppard se misdadige rubrieke onder die skuilnaam Luke O'Farrell.

online poker Данильченко Харьков

‘Regering wil steeds armoede vasvat’

Die regering is steeds verbind daartoe om werkloosheid en armoede teen 2014 te halveer ondanks die ekonomiese afswaai, het Trevor Manuel, hoof van die nasionale beplanningskommissie, Dinsdag gesê.

Manuel het die regering se mediumstrategiese beleidsraamwerk in Pretoria uitgestippel en gesê sy hoofdoel is om die impak van die ekonomiese afswaai op die land se produktiewe kapasiteit, op werk en op armoedeverligtingsmaatreëls te versag.

“Die uitdaging bly dat ons nie kan voortgaan met die hoë vlakke van werkloosheid nie. Dit is die tipe verbintenis wat ons moet maak.”

Die beleidsraamwerk het 10 strategiese prioriteite geïdentifiseer. Dit sluit ekonomiese en maatskaplike infrastruktuur, landelike ontwikkeling, voedselsekuriteit en grondhervorming, toegang tot kwaliteit opvoeding, verbeterde gesondheidsorg en die stryd teen misdaad en korrupsie in.

Manuel het gesê om die regering se doelwitte te behaal, het hy ’n sterk ontleding van sy eie vertoning nodig, asook insette van maatskaplike vennote.

Blood Suckers