Nuus Archives - Page 93 of 403

Moslems prys Obama se tweestaatoplossing vir Israel

Die minister van buitelandse sake van Sirië het president Barack Obama se boodskap tydens sy besoek aan Turkye aan die Arabiese en Moslemwêreld geprys. Arabiere regoor die Midde-Ooste is verbly deur die Amerikaanse president se belofte dat hy sal druk uitoefen vir 'n Palestynse staat.

Sy besoek aan Turkye was sy eerste aan 'n hoofsaaklik Moslemland. Hy het uitgereik na Moslems deur te verklaar dat die VSA nie tans in 'n oorlog teen Islam gewikkel is nie en nooit sal wees nie. Hy het in Ankara verwys na die vredesproses tussen Israel en die Arabiere en sy wens uitgespreek dat die skep van 'n Palestynse staat naas Israel as doelwit gestel behoort te word.

In 'n onderhoud wat hierdie week gepubliseer is, het die Siriese minister van buitelandse sake, Walid Moallem, gesê dat Obama se toespraak duidelik toon dat die VSA 'n tweestaatoplossing nastreef.

VN sukkel om soldate in die Kongo te hou

Indiese vredesoldaat in die Kongo

Die wêreld se grootste VN-vredespoging loop die risiko om uitmekaar te val in die Kongo, as gevolg van die potensiële verlies van meer as ‘n kwart van sy soldate en onwilligheid aan die kant van ander nasies om nog soldate te stuur.

Die top-VN-amptenaar vir die Kongovredesending, ook bekend onder die Franse akroniem MONUC, het Donderdag aanvaar dat Indië byna 4400 soldate, wat tans die ruggraat van die sending van 16 475 man verteenwoordig, kan onttrek.

Die onderhandelings is aan die gang met Indië oor die toekoms van sy soldate,” het Alan Doss gesê ná hy die veiligheidsraad ingelig het.

VN-amptenare sê hulle het net nie genoeg soldate om al die burgerlikes in Kongo doeltreffend te kan beskerm nie, insluitend ten minste 1 miljoen wat ontwortel bly weens gevegte in ‘n land wat groter is as Wes-Europa maar met net 480km se geteerde paaie.

“Die swaar werk, moet ek hier sê, sal steeds gedoen moet word deur die Kongolese Nasionale weermag," het Doss gesê, alhoewel dit moeilik sal wees omdat die Kongo se inkomste met 70% gedaal het as gevolg van die ineenstorting van grondstofpryse.

Pakistan se 3 550 soldate maak MONUC se tweede grootste afdeling uit, gevolg deur omtrent 1 300 soldate elk van Bangladesj en Uruguay en meer as 1000 elk van Suid-Afrika en Nepal.

deposit mobile

?Slagoffers van apartheid? kan nou eis van Duitse en Amerikaanse firmas

Slagoffers van Suid-Afrika se ou apartheidsregering het ‘n geregtelike groenlig gekry in Amerika om die week voort te gaan met eise vir skadevergoeding van vyf groot Amerikaanse en Duitse firmas vir hulle hulp van dekades aan onderdrukking deur wit heerskappy.

'n New Yorkse regter, Shira Scheindlin, het gesê sake waarin geld geëis word teen Duitsland se Daimler en Rheinmetall Groep en die Amerikaanse Ford, General Motors en IBM kan voortgaan, het die webwerf Law.com Donderdag berig.

Die klaers – twee groepe Suid-Afrikaners – beweer dat die firmas apartheid ondersteun het deur voertuie, wapens, rekenaars en ander items aan die apartheidsbewind verkoop.

Soortgelyke eise dat IBM en Japan se Fujitsu betrokke was in moorde en marteling is van die hand gewys.

Die regter het ook eise teen Barclays Bank PLC vir beweerde werksdiskriminasie van die hand gewys en teen Brittanje se Barclays en Switserse UBS dat hulle geld geleen het en die koop van Suid-Afrikaanse weermagsertifikate ondersteun het, het Law.com gesê.

Volgens Amerikaanse wet, kan nie-Amerikaanse burgers hof toe gaan teen maatskappye wat ‘n vastrapplek het in Amerika, indien hulle kan bewys dat internasionale menseregte geskend is.

уличные фонари цена

Motlanthe plaas Khutsong oor na Gauteng

Kgalema Motlanthe

President Kgalema Motlanthe het ‘n nuwe wetswysiging aangekondig waaronder Merafong-munisipaliteit geherinkorporeer word in Gauteng, het sy kantoor Dinsdag gesê.

Motlanthe se woordvoerder het gesê die president het 3 April gestel as die datum waarop die oorgrensmunisipalewetherroeping en verwantesakeveranderingswet in werking sal tree.

Dit beoog om ‘n einde te bring aan jare van ongelukkigheid oor ‘n besluit wat in 2005 geneem is om grense te skuif en Merafong in die Noordwesprovinsie geplaas.

Inwoners van Merafong, wat die Khutsong woongebied insluit, het hulle tot die strate gewend in soms gewelddadige betogings en gekla dat hul lewenstandaard sal daal, aangesien die Noordwesregering minder doeltreffend was wat dienslewering betref as die Gautengregering.

Die protes het gelei tot die regering se aankondiging verlede jaar dat hulle die besluit van 2005 sal omkeer.

финские сауны лобановский политик

Polisie l? beslag op dagga op Lesotho-grens

Polisie het Donderdagoggend dagga met ‘n geskatte straatwaarde van ongeveer R1,2 miljoen gekonfiskeer omtrent 10km van die land se Kwaggasnek-grenspos met Lesotho.

Superintendent Bonisile Sigobe het gesê die dagga was in 12 groot sakke – wat elke meer as 100kg geweeg het – op die bak van ‘n Toyota Hilux-bakkie.

Die twee insittendes het nie deur die grenspos gery nie, maar ‘n pad gebruik wat nie deur doeanebeamptes beman word nie, het hy gesê.

Hulle is beide Lesothoburgers, met ouderdomme 27 en 31 en word aangehou by die Malutipolisiestasie in die Oos-Kaap.

‘n Vuurwapen en ammunisie wat Maart gesteel is in Maclear is ook in hulle besit gevind, het Sigobe gesê.

nights 2013 прокурор Фильчаков

Conficker – wat ‘n wurm

Vir die lesers wat Windows gebruik, is dit seker nou 'n goeie tyd om jou rekenaar na te gaan vir die virus Conficker of Downadup soos dit bekend staan.

Die virus het na raming al reeds tussen 7 en 15 miljoen rekenaars wêreldwyd besmet en het op 1 April 'n nuwe fase binnegegaan. Die meeste kenners het verwag dat die outeurs van die virus so 'n paar dae ná die eerste gaan wag voordat hulle die kode ten volle gaan implementeer; dit het nou wel gebeur. Op die 8ste het TrendMicro 'n nuwe lêer op een van hul besmette rekenaars opgemerk.

Die nuwe verwikkeling het dit nou moontlik gemaak dat die virus (variant Conficker C) met ander P2P- (peer to peer) netwerke kan kommunikeer. Die verspreiding van die nuwe lêer is baie subtiel en dit is om so min moontlik aandag te lok. Volgens Ivan Macalintal van Trend Research is die kommunikasie nou in volle swang en is dit net 'n kwessie van tyd voordat die kode verder gaan ontwikkel.

Wat doen die virus dan? Wel, die outeurs van die virusse is daarop uit om geld te maak, dit is al. Hulle is nie kinders wat in hul slaapkamers kodes aanmekaar slaan om ander te irriteer nie; hierdie werk is van hoogs opgeleide en gemotiveerde bendes wat net een ding voor oë het: om mense se geld te steel.

Met aanlyndienste, van bankwese tot veilings en waar mense soms dieselfde wagwoorde en gebruikersname vir talle werwe het, is die virusse daarop uit om daardie inligting te bekom en te oes. Wat die virusse ook doen, is om miljoene masjiene in "botnets" te verander wat dan onskuldige mense se masjiene oorneem om daardie funksies te verrig.

Die virus het 'n gaping in Microsoft se Windows-program uitgebyt en die programmatuurreus het selfs 'n $250 000-vergoeding beskikbaar gestel vir inligting wat wat kan lei tot die inhegtenisname van die persone.

Wat kan gedoen word om die ding te stop, wel, kry jou virusprogrammaguur op datum, maak seker jy gebruik bekende firmas soos Norton of TrendMicro. Besoek ook hul werwe om jou masjien na te gaan. Een kenmerk van die virus is wanneer jy een van die werwe wil besoek, sal dit 'n blad vertoon wat meld dat die werf onbereikbaar is.

Maak seker jou Windows-stelsel is op datum met die jongste veiligheidsbywerkings en installeer 'n brandmuur.

Vir meer inligting sien:

Wikipedia – http://en.wikipedia.org/wiki/Conficker

http://blog.trendmicro.com/downadconficker-watch-new-variant-in-the-mix/

http://www.symantec.com/norton/theme.jsp?themeid=conficker_worm&inid=us_ghp_link_conficker_worm

укладка прокурор Фильчаков

Verryn, vlugtelingvriend, met die dood gedreig

Twee mans is Woensdagaand gearresteer na hulle doodsdreigemente gemaak het teen biskop Paul Verryn.

“Twee verdagtes is gearresteer vir intimidasie en afpersing by die sentrale Metodistekerk,” het kaptein John Maluleke gesê.

Verryn het Maandag die eerste doodsdreigement ontvang van die mans, beide Zoeloesprekende Suid-Afrikaners. Hy het daarna ‘n klag by die polisie gaan lê.

Verryn het gesê die mans beweer dat hulle deur sakemanne wat naby die kerk sake doen, gehuur is en dat hulle professionele moordenaars is wat aktief is in taxigeweld.

Dit is Dinsdag opgevolg deur ‘n oproep van die twee mans wat beweer het dat die besigheidseienaars reeds die eerste paaiement van R30 000 oorhandig het.

Verryn het gesê dit is as gevolg hiervan dat hy vermoed het dat die mans probeer het om hom af te pers vir geld.

Saam met die afpersing glo die biskop dat die dreigemente ook “gesien kan word as ‘n poging waarin mense probeer om alle opposisie teen xenofobie uit die weg te ruim”.

Maluleke het gesê die twee mans wat gearresteer is sal Dinsdag in die Johannesburgse landdroshof verskyn.

для пескоструя депутат лобановский

Dans sal sy dans

Na wie se pype dans Zille?

Helen Zille, DA-leier, het Woensdag kritici van haar danspassies betig deur te sê dat sing en dans deel is van Suid-Afrika se kultuur. Sy het nie gesê watter kultuur nie. Die Britte is nie bekend vir dansende politici nie.

"Sommige mense sê vir my 'mev. Zille jy behoort nie te dans nie, dis nie jou styl nie'," het sy aan haar ondersteuners tydens 'n verkiesingsbyeenkoms in die Karoo gesê.

"Een dame het my met Margaret Thatcher vergelyk. Sy het gesê dat die Ystervrou nooit sou oorweeg om so te dans nie."

Maar Zille, wie se gerondspringery gereeld 'n verleentheid is om te aanskou wanneer dit op die kassie se nuus uitgesaai word, sê sy moet doen wat sy moet doen omdat mense rondom haar dans.

"Moet ek nou stokstyf staan en sê nee dankie ek wil nie dans nie? Sing en dans is deel van ons kultuur."

Die ANC se jeugligaleier, Julius Malema, nog een van Zille se danskritici, sê sy herinner hom aan 'n apartheidspioen as sy so dans.

Zille het Woensdag saam met haar ondersteuners in die Noord-Kaap anti-ANC liedjies gesing. Televisiekykers kan nog danspassies en sang van die DA-leier te wagte wees voor stemdag op 22 April.

Hlope het geweet daar is ?geen saak teen Zuma?

Kaapse regterpresident John Hlophe het klaarblyklik toegang gehad tot notas tussen regters van die grondwethof, het die Geregtelike Dienskommissie Woensdag gehoor.

Hlophe het gespog by regter Bess Nkabinde dat hy ‘n lys gekry het van mense wat geïmpliseer word in die multimiljardrandwapenstransaksie by die Nasionale Intelligensie Agentskap, het sy gesê.

“Hy (Hlophe) het verder verduidelik dat daar geen saak teen mnr Jacob Zuma is nie,” het Nkabinde in Johannesburg voor die GDK getuig.

“Hy (Hlophe) het gesê daar is ‘n lys van mense wat ook almal in die wapentransaksie betrokke was, hy het die lys van die Nasionale Intelligensie Agentskap gekry en het iets gesê in die lyn van dat sommige van die mense wat op die lys verskyn hulle poste sal verloor wanneer mnr. Zuma president word,” het Nkabinde gesê.

Twitter en Facebook ondersteun opstand

‘n Skare van meer as 10 000 jong Moldawiërs het Dinsdag asof uit die niet verskyn om protes aan te teken teen Moldawië se kommunistiese regering. Hulle het regeringsgeboue gestroop en met die polisie gebots.

Die see van jong mense het die generasiegaping getoon wat in Moldawië ontstaan het, en die protesteerders het hulle geslag se voorkeurgereedskap gebruik, deur die skare bymekaar te maak met teksboodskappe, op Facebook en Twitter.

Die protesteerders het hulle eie etiket geskep op Twitter, en Moldawiërs byeengeroep deur gebeure in die klein voormalige Sowjetstaat op ‘n nuwe Twitterlys van gewilde onderwerpe geplaas, sodat mense regoor die wêreld kon bybly met wat ontvou.

Teen Dinsdagaand is die geboue van die parlement erg beskadig en skares mense is beseer. Maar die opluspolisie het teen Woensdag beheer van die president se kantoor en parlement geneem.

Na honderde eerstehandse weergawes op die internet geland het deur middel van Twitter, is internetdiens in Chisinau, die hoofstad skielik afgeskakel.

Onluspolisie het beheer teruggekry oor Moldawië se parlement nadat die betogers geweldadig geraak het. Ten minste 170 mense is beseer en een persoon dood gedurende die opstande wat in reaksie op die Kommunistiese party se oorwinning in Sondag se verkiesing gehou is.

Die Oos-Europese land Moldawië het in ‘n politieke krisis verval na Sondag se parlementêre verkiesing, met die hoofstad Chisinau wat die ergste politieke geweld in dekades gesien het.

‘n Onrustige vrede het Woensdag oor Chisinau geheers na onluspolisie beheer oorgeneem het. Dosyne jeugdiges het vroeg Woensdag byeengekom vir nog protes, maar daar was geen teken van die geweld wat Dinsdag se protes gekenmerk het nie

name slot machine selector Фильчаков прокурор