Afrika kan binnekort ernstig swaarkry as gevolg van die globale kredietkrisis terwyl Westerse lande groot bedrae skuld ophoop in 'n poging om 'n internasionale resessie af te weer.
Afrikaministers is bekommerd dat die Weste so gefokus gaan raak op hul eie probleme dat hulle die beloftes van ontwikkelingshulp aan Afrika gaan ignoreer.
Die ernstige bedreiging vir Afrika se ekonomieë vanweë die globale finansiële krisis was 'n gewilde tema by die Wêreld Ekonomiese Forum in Davos van 27 tot 31 Januarie.
Politici en ekonome het beklemtoon dat 'n era van relatiewe optimisme omtrent Afrika se ekonomiese vooruitsigte na 'n einde se kant toe staan.
'n Paar belangrike redes kom nou na vore oor hoekom die finansiële krisis Afrika se ekonomie, wat redelik geïsoleer was teen die toenemende krediet probleme, kan bedreig.
Handels- en finansiële proteksionisme veroorsaak dat Westerse ministers onder direkte druk sal wees om eerder lenings aan hulle eie markte toe te wys ten koste van ander.
Dan is daar kommer oor pryse van kommoditeite.
Landbou trek ook swaar as gevolg van die hoë pryse van kunsmisstowwe, wat beleggings kniehalter.
Laastens gaan Afrika se ekonomieë swaarkry as gevolg van 'n daling in betalings vanuit hulle eie diaspora, wat self ook getref is deur die kredietkrisis in die Weste.
Trevor Manuel, die Suid-Afrikaanse minister van finansies, wat gepraat het by die openingsessie in Davos het gesê Afrika se ekonomieë "loop die risiko om te ontkoppel, ontspoor en agtergelaat te word."
Mnr. Manuel glo ook dat die groot volumes skuld wat toegestaan word deur lande soos Brittanje en Amerika ander soewereine leners kan uitwerk.
Die Suid-Afrikaanse minister se kommer word gedeel deur Kofi Annan, die voormalige sekretarisgeneraal van die VN, wat aan die Britse Financial Times gesê het dat "Afrika niks te doen het met die sub-prima krisis nie, maar dat hulle geraak sal word daardeur."
Mnr. Annan glo dat die verlies aan inkomste wat gestuur word deur Afrikane wat oorsee werk die grootste slag sal wees.
"Afrika kry miljarde uit die diaspora," het hy gesê.
Sy kommer word gedeel deur Rachid Mohammed Rachid, Egipte se minister van handel, wat aan die forum gesê het: "Werkers in die Golfgebied en elders word huistoe gestuur dus sal inkomstes uiteindelik afneem."
Ngozi Okonjo-Iweala, 'n besturende direkteur van die Wêreldbank het voorgestel dat 0,7% van die stimuluspakkette wat aanvaar word deur ontwikkelde lande aan die ontwikkelende wêreld afgestaan word.
Hoewel hy nie optimisties is dat dit sal gebeur nie.
Die protesoptog deur Johannesburgse metropolisielede en die daaropvolgende sluiting van lisensiekantore is besig om die motorhandelaars ernstig te affekteer, het die SA Motorhandel Industrie (SAMHI) Woensdag gesê. 
Die lugdiensnywerheid het Dinsdag ‘n ongekende en skokkende daling in globale lugvrag
Volkswagen SA gaan tot 400 poste verloor, het die motorvervaardiger Vrydag gesê. 
Die petrolprys gaan in Februarie styg, het Dawie Roodt, 'n ekonoom by die Efficient-groep Dinsdag gesê. 
Toyota se binnelandse produksie sal in 2009 na alle verwagtinge met 25 persent daal, teruggerem deur 'n kwynende vraag te midde van 'n verhewigende wêreldwye afplatting.
Bentley gaan hul aanleg in sentraal-Engeland vir sewe weke
Die Suid-Afrikaanse reserwebank behoort die uitleenkoers met 'n volle 100 basispunte te verlaag wanneer die monetêre beleidskomitee in Februarie vergader, het die JAB-genoteerde Colliers Internasionaal Woensdag gesê.