Die totale hoeveelheid likwidasies wat vir 2008 aangeteken is, het toegeneem met 4,7% teenoor 2007, het Statistiek SA Dinsdag gesê. Die totale hoeveelheid likwidasies vir Desember 2008 het toegeneem met 68,4% vergeleke met Desember 2007.
Die 4,7%-toename in likwidasies vir 2008 is hoofsaaklik die gevolg van 'n 7%-toename in vrywillige likwidasies, het die Pretoria-gebaseerde agentskap gesê. Likwidasies ten opsigte van beslote korporasies het toegeneem met 37,7% terwyl maatskappy-likwidasies met 17,1% afgeneem het wanneer 2008 vergelyk word met 2007. Die grootste hoeveelheid likwidasies vir 2008 was verbonde aan finansiering, versekering, eiendomsagente en besigheidsdienste, 43,3%.
Dit is gevolg deur groothandel en kleinhandel, voedseldienste en akkommodasie teen 29,9% het Statistiek SA gesê. Ten opsigte van insolvensiedata vir November 2008, het Statistiek SA gesê dat die totale hoeveelheid insolvensies steeds toeneem.
"Die totale hoeveelheid insolvensies vir die 11 maande wat geëindig het in November 2008 het toegeneem met 51,5%, vergeleke met die 11 maande wat geëindig het in November 2007." Daar was wel 'n afname van 2,2% tussen November 2007 en November 2008.