Zuma – Bladsy 6 – praag.co.za

Die neokoloniale spel in SAR op dreef

Die felheid waarmee opposisielede van COPE en die DA president Zuma se optrede in die Sentraal-Afrikaanse Republiek veroordeel, laat ‘n mens wonder of hulle werklik verstaan wat daar afspeel. Die ander moontlikheid is dat hulle besonder goed ingelig is oor die optrede van ene Jack Grynberg, ‘n Amerikaanse oliemagnaat in die SAR.

Grynberg het onlangs sy aanspraak op oliekonsessies in die land verloor wat hy deur die howe wou herstel. Gerugte wil hê dat die Seleka-rebelle deur Grynberg Petroleum teen president Bozizé befonds is. Daar het skielik oral werwingsentra in die land oopgemaak wat rekrute R1000 belowe om hul “patriotiese plig” vir Seleka na te kom.

Die oliemagnaat van Denver is geen vreemdeling by konflik nie. Daar word bespiegel dat Grynberg verantwoordelik was vir die fenomenale opgang wat British Petroleum ná die val van die Sowjet-Unie gemaak het.

Grynberg, ‘n voormalige CIA-agent, het na bewering geologiese data by die Amerikaanse regering oor olievelde in Kazakstan gesteel wat hy aan BP se Lord Browne verkwansel het.

Die Amerikaner het hom egter destyds met Browne misgis, en toe hy skrik vir die bedrae omkoopgeld wat Browne bereid was om te betaal aan Kazakstan se president Nazarbajef, het die twee se verhouding in ‘n bitter twis ontaard.

Van Grynberg se voorneme om die gay Browne se voorliefde vir kinders te ontmasker, of sy belastingontduiking in lande soos Egipte waar hy letterlik miljarde van die staat gesteel het, het dadels gekom aangesien Browne lankal reeds politici kon oorreed dat hy in landsbelang optree, ook in die VSA.

By Woensdag se byeenkoms, was daar eenstemmigheid by die vergadering dat Suid-Afrika uit die SAR moet onttrek, ‘n goeie aanduiding dat Suid-Afrika ten minste Suid-Afrikaanse belange daar verteenwoordig, anders as ‘n paar ander spelers.

Bozizé het glo hulpbronkonsessies aan Suid-Afrika toegestaan in ruil vir beskerming teen neokoloniale aasvoëls. Die Franse was na bewering woedend oor dié ooreenkomste en was ná Woensdag se vergadering sigbaar verlig oor die besluit dat Suid-Afrika sal onttrek.

Idris Déby, die leier van Tsjad, het Woensdag op ‘n perskonferensie ná die leiersbyeenkoms gesê dat hulle die oorname van die rebelleleier, hoofman Michel Djotodia, as president van die SAR verwerp. Djotodia het vroeër aangekondig dat hy vir die volgende drie jaar die “oorgang” sal lei.

Die Communauté économique des Etats d’Afrique centrale (CEEAC) het hul ondersteuning vir ‘n oorgangskandidaat in die SAR uitgespreek wat die land binne 18 maande tot ‘n oorgangsbestel sal lei. ‘n Oorgangsraad is in die vooruitsig gestel, naamlik die Comité national de transition (CNT), waarby die rolspelers van die Libreville-ooreenkoms ook ingesluit is.

“‘n Komitee wat bestaan uit bekende figure in die SAR moet die oorgang lei. Hulle sal uitvoerende magte hê en sal die oorgangspresident kies,” het Déby gesê.

Die ambassadeur van die EU in Bangui, Guy Samzun, het egter sy hoop uitgespreek dat die rebelleleier Djotodia wel as president sal oorneem, wat kan lei tot verdere destabilisering in midde-Afrika. Die VN het egter reeds die mandaat vir ‘n multinasionale ingrypingsmag in die DRK goedgekeur.

Die herstel van ‘n grondwetlike bestel in die SAR in ooreenstemming met die voorskrifte van die Afrika-Unie se veiligheidsraad, is geopper asook die volgehoue betrokkenheid van die Organisation internationale de la francophonie.

Die Suid-Afrikaanse weermag se ontplooiing in die DRK sal op vrede en stabiliteit in die streek gerig wees. Ugandese soldate en vegvliegtuie is ook in die noorde van die Demokratiese Republiek van die Kongo (DRK) saamgetrek.

‘n Sending bestaande uit ministers van die CEEAC, die Ekonomiese Gemeenskap van Sentraal-Afrikaanse State, die Afrika-Unie, die EU en die Organisation internationale de la francophonie, sal aanstons oor die toekoms van SAR besluit.

Die rol wat die Amerikaanse oliemagnaat Jack Grynberg in die toekoms van die SAR sal speel, moet egter nie geringgeskat word nie.

Afrikanerkundiges kraak kragkrisis

Die nuwe Suid-Afrika se bekendste probleem is ‘n nuwe probleem sonder apartheidspresedent, naamlik: die gebrek aan, en erg eskalerende koste van krag.

Elektrisiteit hou nie maar net die liggies aan nie, maar is die kardinale lewenstroom van ‘n nywerheidsland soos ons s’n wat oor minerale, smelterye en diep myne beskik.

Boonop is die Kaapprovinsies, wat vroeër ‘n onafhanklike kolonie gevorm het, energie-afhanklik van die Nkandla-bewind weens te min kernkrag vanaf Koeberg.

Dr Anton Eberhard van die Universiteit van Kaapstad is lid van die “National Planning Committee” in mnr Trevor Manual se Ministerie van Ekonomiese Beplanning. Dr Eberhard en die “National Development Plan” is egter skepties oor ‘n nuwe kernkragprogram in SA.

President Jacob Zuma het onlangs die “National Development Plan” in die parlement tot nasionale hoofplan verhef. ‘n Selfs nog groter verrassing was die aankondiging van ‘n massiewe 10 000MW-kernkragprogram vir hoofsaaklik Kaapse kusstede ver van steenkoolvelde, by monde van die geagte Kgalema Mothlante.

Oud-apartheid-Suid-Afrika beskik oor die grondstowwe en tegniese vermoë om weer uraan vir elektriese energie te verryk.

Uraanverrykingsvermoë, soos oorskotkrag, sal soos in die verlede groot gesag aan Pretoria in Afrika verleen, asook die moontlikheid om ‘n “uitbreekbom” te bou. Laasgnoemde verleen aan ‘n land supermoondheidstatus in sy streek.

Uraanverryking en brandstofvervaardiging was inherent deel van Eskom se korrelbedreaktor. ‘n Soortgelyke reaktor word vanjaar (2013) in China in bedryf gestel.

Suid-Afrika se mediese en nywerheidsisotoopreaktor is reeds wêreldberoemd, en gebruik al vir dekades lank ou Afrikanerkernbomuraan as brandstof.

Eskom se effektiewe en relatief eenvoudige kernkragprogram het in 2009 plotseling op die rotse geloop, toe die voltooide ontwerp dramaties gewysig is om die Amerikaanse mark se verlangde toepassing van stoom- en proseshitte te pas.

Eskom se eenvoudige reaktor sou slegs sonder stoom- en proseshitte krag kon lewer. Die Amerikaanse maatskappy Westinghouse het egter ‘n aandeelhouer in Eskom se kernkragprogram geword, en alhoewel die Suid-Afrikaanse mark slegs krag nodig gehad het, het Westinghouse onwrikbaar op stoom- en proseshitte vir die Amerikaanse mark aangedring.

Die eskalerende kapitaalkoste en onopgeloste tegniese probleme weens hoër reaktortemperature en die toevoeging van ‘n ingewikkelde water- en stoomketelstelsel – spesifiek vir die Amerikaanse proseshittemark – was die Eskomreaktor se onmiddellike doodsteek.

Die Amerikaanse mark het boonop duur dubbele-dopbeskerming vereis, om hulle unieke plaaslike probleem van Boeings wat in baie hoë geboue vasvlieg, aan te spreek. Die Eskomreaktor was egter maar 20 meter hoog.

Jaco Kriek het waarskynlik die ANC-regering in 2009 ge-adviseer om Westinghouse en sy Amerikaanse mark uit te sluit, en eerder eksklusief op die akute kragbehoeftes van Suid-Afrika, Afrika en BRIC-lande te konsentreer. Destyds was Suid-Afrika egter nog nie deel van die BRIC-groep nie.

Kgalema Mothlanthe was destyds slegs tydelik staatspresident, en die magsituasie in Suid-Afrika gevolglik uiters onseker, wat geleentheid geskep het vir die Amerikaanse droom van hoë proseshitte vir die verwerking van olie- en teersand, om die Eskomreaktor se alreeds voltooide kraggerigte konfigurasie terminaal te beïnvloed.

Die eerste Eskomreaktor sou nou by Koeberg krag gelewer het, gegrond op die beproefde direktekragsiklus met heliumgasturbine, soos onder andere aan die voormalige Afrikaneruniversiteit van Potchefstroom gebou en getoets is.

Hoewel Suid-Afrika nie soos Japan op die lewensgevaarlike tektoniese “Ring-van-Vuur”-plaat gebou is nie, het die onlangse Foekoesjima-ramp ‘n groot uitwerking op die boukoste van waterverkoelde kernkragreaktors regoor die wêreld gehad. Die gevolglike verhoogde kapitaalkoste van konvensionele waterverkoelde kernkragreaktors bevoordeel die handelsmededinging van die onverkoelde Eskomreaktor beduidend.

Die Eskomreaktor is tsoenamibestand, en by wyse van plaaslike spreke selfs “Boerebestand”. ‘n Boer en sy handlangers sou byvoorbeeld die Eskomreaktor op ‘n plaas in die Limpopo kon bedryf, sonder om reaktorsmelting te hoef te vrees.

Nie eers Eskomkragonderbrekings en die berugte Koebergbout-sabotasie-tipe-instandhouding, kan ‘n Eskomreaktor laat smelt nie. Vir praktiese doeleindes is die Eskomreaktor dus ook “Eskombestand”.

Die nuwe Medupi- en Kusile-stoomketels van Eskom se nuwe steenkoolkragstasies moet spesiaal vir superkritiese hoëdrukstoom gesweis word, en is daarom riskant in Afrika-omstandighede met korrupte sweissertifikate. Die Eskomreaktor sonder Amerikaanse spesifikasies het nie ‘n stoomketel nie.

Anders as die Franse Koebergkernkragstasie met sy lae beskikbaarheid weens branstofruilings, word die Afrikaanse Eskomreaktor aanlyn met brandstof gelaai.

Die Eskomreaktor kan ook baie beter die wisselende kragaanvraag navolg.

Eskomreaktors kan insgelyks in die binneland gebou word, omdat geen waterverkoelingspoele, soos oseane, groot riviere of damme benodig word nie.

Konstruksietye vir die modulêre 165MW (elektriese) eenhede sonder stoomketels is 50% korter as dié van steenkoolkragstasies. Die modulariteit van die Eskomreaktors verminder ook finansieringskostes en projekrisiko.

Die ANC se nuwe kernkragbouprogram behels 9 600MW vir die eerste fase. Dit is gelyk aan 60 (sic!) plaaslik vervaardigde Eskomreaktors, wat ‘n monteerbaan in die Coega- Industriële Sone regverdig.

Volgens Barbara Hogan, voormalige Minister van Openbare Staatsondernemings:

It was originally envisaged that Eskom would be the PBMR’s anchor customer, with a possible purchase of up to 24 reactors as part of the country’s expansion of its electricity generation capacity to meet increasing demand with a first demonstration PBMR to be constructed on the Koeberg Nuclear Power Station site. However, between 2005 and 2009, it became increasingly clear that, based on the direct-cycle electricity design, PBMR’s potential investor and customer market was severely restricted and it was unable to acquire either; hence government has been constrained to make decisions about the future of the project.

It is absolutely clear from all the high-level reviews that have been undertaken that there is no doubt about the validity of Pebble Bed Technology itself. The main feature of the Pebble Bed Reactor is that its safety features are inherent in the physics of the design, as opposed to add-on engineered safety features as found on current Light Water Reactor (LWR) nuclear plants. In the PBMR original design, the system is a so-called direct cycle where the reactor coolant which is helium in our case, passes through the turbo generator plant without an intermediate system such as a boiler.

This arrangement promised greater thermal efficiency and safety, hence its attractiveness as a future nuclear generation technology. Both the United States and China are actively engaged in further developing this technology, with South Africa earning a reputation as having been at the cutting edge of these developments. This is a remarkable achievement for a developing country and something of which we are justifiably proud.

Die kapitaalkoste van die Eskomreaktor is dubbel dié van Medupi en Kusile, maar die ingevoerde kostekomponent is kleiner, wat buitelandse valute bespaar, en die lopenderekeningstekort verminder.

CO2-belasting is nul, en brandstofkoste ‘n breukdeel van steenkool- en steenkoolvervoerkoste. Bedryfs- en kragproduksiekoste is dus laer.

Die berging van gebruikte brandstofballe is meer ongewingsvriendelik en minder gevaarlik as met konvensionele kenrkragstasies.

Die Eskomreaktor is reeds volledig ontwerp, en plaaslike branstofbalvervaardiging getoets. Tydens die Eskomreaktorprojek, het die ANC-regering by monde van NECSA aangekondig dat uraan weer by Pelindaba verryk sal word.

Brandstofbalbeheer, brandstofbaltemperatuurbeheer, en brandstofbalvloeibeheer met die bedryf van soortgelyke reaktors in Duitsland met ‘n kapasiteit van 46MW(t) en 300MW(t), is in die Afrikaanse weergawe deur middel van ‘n smaller reaktortenk vervolmaak.

Die twee Duitse reaktore is uit bedryf gestel, nie alleen weens klepflaters, baltoevoer- en vloeiprobleme, sowel as Tsjernobil se besoedeling nie, maar omdat Duitsland na Russiese gas toe oorskakel volgens die Poetin-plan, wat kernkrag dus geheel en al uitsluit.

Suid-Afrika se kernprogram is egter nou ‘n gegewe, net soos China se Eskomtipe-korrelbedreaktor. Die 800 hoofsaaklik Afrikaners wat in die voormalige Verwoerdburgstad aan die Eskomreaktor gewerk het, kan egter weer vanuit China en die VSA teruggelok word na hul tuisland met behulp van die bekende “Coming-Home”-program.

President Poetin en Rusland het die Eskomreaktor en brandstofbalvervaardiging met die plaaslike verryking van uraan ondersteun, en sal dit weer doen, soos by die BRICS-vergadering in Durban, naby Nkandla, belowe is.

Lesers is welkom om hierdie artikel aan Jaco Kriek en ander kernkragkundige Afrikaners te stuur. Sou Jaco Kriek met President Zuma en Minister Gigaba hieroor kommunikeer, is dit moontlik dat ons tradisionele Zoeloepresident die voordele van die plaaslike vervaardiging van die Afrikaner- en Afrikaankundige Eskomreaktor weer sal oorweeg, as ‘n sprekende “Proudly-South-African”-projek.

Met Westinghouse nou ‘n Japannese maatskappy en dus uit die prentjie, en gegewe die groot mark in Suid-Afrika, Afrika en BRICS, sowel as Suid-Afrika se Spesiale Strategiese Venootskappe met China en Rusland, het die tyd nou aangebreek vir die plaaslike produksie van die Eskomreaktor in groot getalle, met Suid-Afrika self as ankerkliënt.

Indië sal uiteindelik ook honderde Eskomreaktors koop, aangesien die Eskomreaktor anders as konvensionele reaktors, ook op thorium kan loop.

Met die Nkandla-bewind se openbare verbintenis tot plaaslike minerale hulbronverryking, plaaslike vervaardiging, werkskepping, volhoubare groen energie, CO2-belasting en veilige Afrika-kernkrag, het presies die regte oomblik vir die Eskomreaktor en beskikbare Afrikanerkundigheid nou aangebreek.

Aangesien die Eskomreaktor, heliumturbine en kernbrandstofballe reeds volledig en in besonderhede ontwerp, gekwalifiseer, geteken en deur NECSA gelisensieer is, en die Afrikanerminister Marinus “Kortbroek” van Schalkwyk reeds die omgewingsimpakstudie en konstruksieterrein amptelik goedgekeur het, kan die eerste modulêre Eskomreaktor binne 5 jaar gebou en in bedryf gestel word.

Met ‘n regeringsmandaat kan Jaco Kriek binne 6 maande die PBMR-span weer bymekaarbring. Die Suid-Afrikaanse PBMR-maatskappy benodig R20 miljard vir 5 jaar se bedryfskostes en die bou van die eerste reaktor by Koeberg, en daardie bedrag is deesdae kleingeld in die staat se Eskombegroting. R50 miljard is tans goedgekeur vir son- en windkrag, wat slegs elektrisiteit lewer wanneer die son skyn of die wind waai, vandaar die lae 35%-benuttingsvlakke, wat geen nywerheidsbasisaanvraag kan bevredig nie.

Die Eskomreaktorproduksielyn is reeds vir die Coega- Industriele Zone naby Port Elizabeth beplan.

Tans is die Kongolese Inga III en Grand-Inga-kragprojekte op die amptelike presidensiële projeklys van Suid-Afrika. Die Afrikaanse Eskomreaktor se finansiële, militêre, tegniese, omgewingsimpak- en tydsrisikos is veel laer as die van die gevaarlike Kongolese Inga-projek.

Die Inga-projek vereis ‘n volledig toegeruste Suid-Afrikaanse Weermag in Angola en die DRK, soos tydens die Angolese Oorlog.

President Zuma was onlangs waagmoedig genoeg om die Inga-projek op papier te loods, deur ‘n ekonomies-militêre alliansie-ooreenkoms met president Joseph Kabila van die DRK te onderteken. Die Nkandla-bewind sal dus uiters versekerd en tevrede wees met die plaaslike gelisensieerde Eskomreaktor en bewese Afrikanerkundigheid.

Zuma gryp in by staking

Die Suid-Afrikaanse president Jacob Zuma het gesê ministers moet onmiddellik onderhandel oor ‘n openbaresektorstaking en verwag dat beide die regering en vakbonde moet toegee, het sy woordvoerder gister gesê.

Tot dusver het die regering gesê dat hy kan nie bekostig om aan die eis vir salaristoenames van meer as dubbel die inflasiekoers toe te gee om die staking deur ongeveer 1.3 miljoen mense te beëindig nie. Die staking betree nou sy derde week en dreig om verder deur Afrika se grootste ekonomie te versprei.

Zuma verkeer reeds onder druk groeiende politieke as gevolg van die staking deur werkers, insluitende onderwysers, verpleegsters en klerke. Sy woordvoerder het gesê die president was veral bekommerd oor die impak op gesondheid en opvoeding.

“Die president is van mening dat die staking so gou as moontlik tot ‘n einde moet kom, binne die volgende paar dae,” het Zizi Kodwa gesê en toegevoeg dat Zuma oor die naweek aan regeringsministers gesê het om gesprekke te hervat.

“Hy het ‘n beroep op beide kante gedoen om die belange van die land eerste te stel. Dit sou ‘n proses van gee en neem aan beide kante van die onderhandelings beteken,” Kodwa gesê. Hy het nie besonderhede verskaf oor die toegewings wat Zuma wil hê die regering moet maak nie.

Suid-Afrika se grootste staking sedert 2007 in terme van verlore dae het aandele, effekte, en die rand het grootliks onbeïnvloed gelaat, maar markspelers het gesê die staking kan winste deur die rand beperk en kan ‘n groter impak hê as dit voortsleep.

Die vakbondfederasie Cosatu het Zuma se kommentaar verwelkom.

“Die Federasie hoop dat ‘n verbeterde aanbod nou ter tafel gelê sal word en dat die staking so vinnig as moontlik afgehandel kan word, deur middel van’ n ooreenkoms wat vir die werknemersaanvaarbaar is,” het die vakbond in ‘n verklaring gesê.

Dubbele inflasie

Die werkers eis ‘n 8,6 persent loonverhoging – meer as dubbel die inflasiekoers – en 1 000 rand ($ 136)per maand as ‘n behuisingstoelaag. Die regering het onderskeidelik 7 persent en 700 rand aangebied.

Die staking het ‘n breuk laat verdiep binne die regerende alliansie tussen Zuma se African National Congress en COSATU, wat gehelp het om hom aan die mag te stel, maar teleurgesteld is oor wat hy gedoen het en nie sy beleid na links verskuif het nie.

COSATU het gedreig om later hierdie week die staking na alle lede van die vakbonde wat dit verteenwoordig uit te brei,blykbaar sowat 2 miljoen werkers.

Ontleders verwag dat Zuma en die ANC-regering, wat gewoonlik aan werkerseise toegee, gou ‘n ooreenkoms sal bereik wat ten gunste van die vakbonde gelaai sal wees en later oor die skade aan die staat se besteding te bekommer.

Enige ooreenkoms wat ‘n einde aan die staking maak, sal waarskynlik staatsuitgawes met 1 tot 2 persent laat toeneem, wat die regering gaan dwing om nuwe fondse te vind terwyl dit juis probeer die begrotingstekort van altesaam 6,7 persent van die bruto binnelandse produk te verminder.

Vakbonde het ook die arbeidsoptrede aan Zuma se politieke toekoms gekoppel. Die volgende verkiesing vind eers in 2014 plaas, maar die regerende alliansie sal lank voor daardie tyd besluit wie sy kandidaat gaan wees.

COSATU se sekretaris-generaal Zwelinzima Vavi het oor die naweek gedreig om sy steun vir die ANC in te trek, maar die vakbondfederasie het vandag ‘n meer versoenende houding ingeneem deur persoonlike aanvalle op Zuma te veroordeel.

стоматология улыбка

Malema wil grond onteien

Grondeienaars wat bedrae tydens onteiening weier se grond behoort sonder betaling weggeneem te word, het die ANC-jeugliga se leier, Julius Malema, vandag gesê.

“Gewillige verkoper, gewillige koper werk nie, Swart Ekonomiese Bemagtiging werk nie,” het Malema aan die Mail & Guardian gesê op ‘n vraag wat die ANCYL daarmee bedoel as hy sê dat leiers nie die koningin (van Engeland) behoort te vertel dat ekonomiese beleid nie sal nie verander nie.

Malema het gesê dat oor die afgelope 10 jaar ‘n sekere persentasie van die grond na die meerderheid van die bevolking oorgedra moes gewees het.

“Dit is ‘n eenvoudige beleid. Ons gaan die grond vat, maar ons sal vergoed en ons sal die prys bepaal.. Ons gaan na [Eugene] Terre’Blanche se plaas en sê: vir hierdie vele hektaar, sal ons u R2-miljoen gee, baie dankie.

“As jy sê dat dit is te min en jy wil nie dit doen nie, dan vat ons die grond en gee jou niks. Dit word onteiening genoem en vergoeding wat deur die staat bepaal word.”

Sonder om president Jacob Zuma by naam te noem, wat vroeër vanjaar na die Verenigde Koninkryk gereis en Koningin Elizabeth II ontmoet, het hy gesê dat toe die ANCYL gevorm is, dit gekant was teen vorme van stryd soos petisies, of “die stuur van afvaardigings na die koningin”.

“Noudat u die mag gegee word deur die mense van Suid-Afrika, gaan u nog steeds na die koningin en gedra uself as u nie die mag van die mense ontvang het nie.

“As u sê dat daar geen verandering in Suid-Afrika se ekonomiese patroon gaan wees nie, sê u dat dit dieselfde gaan bly as tydens die koloniale bewind.”

Tydens sy besoek, in reaksie op ‘n versoek om groter duidelikheid oor praatjies deur die ANCYL dat Suid-Afrika se myne genasionaliseer gaan word, het Zuma gesê dat nasionalisering nie regeringsbeleid is nie.

Leierskapsvakuum onder Afrikaners

Willie Spies se onopgewasse TV-vertoning gisteraand (weereens!) het my laat besef hoe akuut die politieke vakuum in Afrikanergeledere is. Terwyl hy oënskynlik argumenteer vanuit die hoek van ‘n demokratiese regstaat gefundeer in ‘n gerespekteerde grondwet waaraan alle landsburgers hulself vrywillig onderwerp en waar petisies en redelike vertoë gewig dra word ons inderwaarheid deur rewolusionêre kleptomane oorheers wat toenemend in ‘n staat van onverklaarde oorlog teenoor Afrikaners en blankes verkeer.

Ons word nie gereken as politieke opponente nie, maar as die vyand wat verdien om vermoor, verdruk en verjaag te word. Die onlangse oorhandiging van ‘n naamlys van vermoorde Boere aan die barbare by Luthuli-huis was onbeholpe en onrespekvol teenoor die slagoffers en strategies uiters naief. Afrikaners is verneder terwyl ons die geleentheid daartoe geskep het – het Hofmeyr en Afriforum enigsins vooraf gekoukus hoe die jeugliga sou reageer op hul eie turf….dalk soos betaamlike en beskaafde here?

In dieselfde trant het die onlangse aandete van verskeie Afrikaners met ‘n toenemende mank en lam Zuma ook geensins hul reputasies bevorder nie. Hoe kan hul enigsins redeneer om by so ‘n assosiasie te baat terwyl die ANC se hofnar Afrikaners openlik tart, Boerebloed onverpoos bly vloei en die politieke kwik in die land bly styg – die wetteloosheid en gevoel van anargisme is inderdaad tasbaar.

Ten spyte van moontlik ‘n meerderheid Afrikaners se ondersteuning vir selfbeskikking, laat die politieke leierskap van die VF+ hul steeds koud. Pieter Mulder se volgehoue betrokkenheid by die kabinet is besig om te boemerang en laat sy party oop vir verdagmakery en toenemende Afrikaner-argwaan.

Die veld lê braak vir ‘n nuwe inklusiewe en dinamiese Afrikaner politieke beweging. Indien ons nie sonder meer polities organiseer en mobiliseer nie gaan moontlike voortydige en ondeurdagte onbesonnenheid uiters droewige uitkomste lewer. Afrikaners is rusteloos… ons het nie die nuwe militante spelreëls geskep nie, maar sal nou noodgedwonge tot die stryd moet toetree… in die belang van ons eie oorlewing en die van ons kinders.

Wat gaan Zuma aan wit armoede doen?

Die VF Plus het Dinsdag ‘n brief aan president Zuma oorhandig tydens sy besoek aan die wit plakkerskamp in die Wesmoot van Pretoria.

Die verteenwoordiger van die VF Plus in die Wesmoot en Wykskomiteelid, Philip van Staden, het in die skrywe onder andere die swak behuisingstoestande, gebrekkige dienslewering en misdaadprobleme in die gemeenskap onder die President se aandag gebring.

Die beplande verskuiwing deur die Tshwane-metroraad van 17 000 plakkers vanaf Atteridgeville na Wesmoot het ook aandag gekry. Volgens die VF Plus kan die gemeenskap nie nog 17 000 mense akkommodeer nie omdat die bestaande infrastruktuur reeds onder druk verkeer. Die VF Plus het ook aangebied om vir een volle dag die President te vergesel in die gemeenskap om hom van die ware omvang van armoede in die gemeenskap te vergewis.

Van Staden het bygevoeg dat die President alreeds twee jaar terug in die gemeenskap was, maar dat beloftes wat hy aan die gemeenskap gemaak het nog nie nagekom is nie.

Die Burgemeester van die Tshwane-metroraad, dr Gwen Ramokgopa het vir Van Staden na ‘n gesprek uitgenooi om die situasie te bespreek.

пескоструйные топкарго

Zuma steun Zimbabwe se pogings om sanksies te laat ophef

Die Suid-Afrikaanse president Jacob Zuma het Vrydag tydens ‘n besoek aan Uganda weer sy oproep herhaal dat Westerse sanksies teen die Zimbabwiese president Robert Mugabe se regime opgehef behoort te word.

Tydens ‘n gesamentlike perskonferensie met die Ugandese president Yoweri Museveni aan die einde van ‘n twee dae lange staatsbesoek het Zuma aangevoer die sanksies skep ‘n wanbalans in Zimbabwe se nasionale eenheidsregering.

“Een deel van die regering wat die MDC verteenwoordig werk op volle sterkte, want hulle kan na die buiteland reis en mobiliseer, terwyl die ander kant nie doeltreffend kan funksioneer nie as gevolg van die beperkinge. Daarom het hierdie sanksies ‘n hindernis geword,” het Zuma gesê.

Sowel die Europese Unie as die Verenigde State van Amerika handhaaf ‘n reisverbod en ‘n batebevriesing teen Mugabe, sy vrou en sy binnekring uit protes teen omstrede 2008-verkiesings en die beweerde menseregtevergrype deur sy regering.

‘n Magsdelingregering tussen Mugabe se Zanu-PF en sy mededinger Morgan Tsvangirai se Beweging vir Demokratiese Verandering (MDC) het in gebreke gebly om te groot vooruitgang te maak nadat dit ‘n jaar gelede saamgestel is, ná bemiddeling deur Zuma se voorganger, Thabo Mbeki.

“Zanu-PF het hierdie kwessies geopper, dat die sanksies is nie die eenheidsregering toelaat om teen sy volle sterkte te funksioneer nie,” het Zuma aangevoer.

“As die sanksies opgehef is, sal ons vinniger vooruitgang kan maak,” het hy bygevoeg.

Museveni het Zuma se posisie in ‘n gesamentlike verklaring gesteun.

Zimbabwe se veral in ‘n politieke en ekonomiese krisis het 10 jaar gelede begin, toe Mugabe ‘n referendum oor ‘n nuwe grondwet verloor het oor ‘n nuwe grondwet, wat die magte van ‘n man wat sedert onafhanklikheid in 1980 heers, sou uigebrei het.

Zuma is na Uganda met ‘n afvaardiging van kabinetsministers en sakeleiers om oor ‘n verskeidenheid bilaterale aangeleenthede te praat, insluitend beleggings in dié Oos-Afrikaanse land se nuutgevonde olierykdom.

free games online

Zuma sal gas en olie op Ugandese staatsbesoek bespreek

Suid-Afrika se president, Jacob Zuma, het Donderdag in Kampala aangekom vir ‘n staatsbesoek wat sowat twee dae sal duur.

Zuma sal onder andere die beleggingsmoontlikhede van Uganda se nuut gevonde olierykdom bespreek.

“Hierdie besoek sal heelwat geleenthede skep vir beide Uganda en Suid-Afrika. Noudat ons land olie ontdek het kan Suid-Afrika se kundigheid ingespan word om dit te ontgin,” het Isaac Musumba, junior minister van buitelandse sake, gesê.

“Behalwe vir die olie het ons ook heelwat ander potensiaal waarin Suid-Afrika moontlik sal belangstel,” het hy bygevoeg.

Zuma het kort na sy aankoms ‘n een-tot-een vergadering met Uganda se president Yoweri Museveni gehad.

Suid-Afrika se olie- en gasbedryf is redelik klein en daar word tans gekyk na buitelandse moontlikhede.

лобановский харьков

Etiekdebat doodgebore

Die misdaad en veral geweldsmisdaad wat die land teister word dikwels toegeskryf aan ‘n morele verval. Iemand wat bloot honger is, sal byvoorbeeld nie ‘n luukse motor kaap en die bestuurder doodskiet bloot om kos vir hom en sy gesin te kry nie. Of boere op plase deur die slaapkamervensters skiet sonder om iets te buit nie.

‘n Morele herstel is noodsaaklik. Dit strek wyd tot die vestiging van ‘n etiese kode, soos die daarstelling van werksetiek.

Juis daarom sou pres. Jacob Zuma se voorstel, en nou planne, vir die debattering oor morele waardes nie onvanpas klink nie, maar eerder presidensieel.

Dit blyk egter dat dit nie doel van die voorgestelde debat sal wees nie, maar om beweerde gebruike van sekere groepe teen mekaar op te weeg omdat, soos hy dit stel, praktyke wat vir sommiges moreel verkeerd is, vir ander nie noodwendig verkeerd is nie.

Die voorbeelde wat hy noem is werklik ontstellend. Aan die wortel hiervan is artikel 96 van die grondwet wat kabinetslede verbied om ander betaalde werk te verrig of belange te hê wat tot ‘n konflik van belange kan lei nie. Dieselfde artikel skryf ook die daarstelling van en uitlewing van ‘n gedragskode voor.

Nog ontstellender is die verwatering van die beginsel dat ‘n regerende party in algemene belang moet regeer. Presies wat is daar om te debatteer as die ANC se Chancellor House sake met Eskom doen, en die ganse bevolking daarvoor betaal?

Hierdie is kwessies wat deur die eeue deel van die wêreld se grondwetlike demokrasieë geword het. Deur konvensie is elke beginsel aan die praktyk getoets, en het onlosmaaklik deel geword hiervan.

Die redes is voor die hand liggend. Kabinetslede het bykans onbeperkte toegang tot geklassifiseerde inligting, en sou etiese beperkings nie geld nie, sou kabinetslede ‘n bepaalde voorsprong hê by die benut of verkoop van hierdie inligting wanneer daar multimiljardrand wapentransaksies opduik, sou nuwe besproeiingskemas beplan word, en vele meer.

Die geskiedenis is vol voorbeelde van kabinetslede wat hierdie versoekings nie kon weerstaan nie, en selfs in die tronk beland het.

Nou wil pres. Zuma die beginsels onderliggend hieroor oopgooi vir debat.

Terwyl die president die wiel wil herontwerp, is daar soveel in die land wat aandag nodig het, soos die verval van paaie en dienste wat in duie stort. Minstens ‘n skaflike deel hiervan kan na onetiese gedrag, soos tenderpreneurskap herlei word.

Gister het ds. Theunis Botha, leier van die Christen-demokratiese Party, ‘n verklaring uitgereik waarin hy pres. Zuma opnuut daarvan beskuldig dat hy die land na die donker eeue probeer terugsleep waar voorvadergeesaanbidding ‘n norm is. Al meer word kritiek op Christenskap gehoor wat voorgestel word as die witman se godsdiens wat allerlei imperiale doelstellings sou hê. Dit lyk of Christelike norme as struikelblokke beskou word om ‘n plunderkrasie gevestig te kry.

Uiteindelik is die harde werklikheid dat Suid-Afrika nie ‘n selfonderhoudende planeet is nie. Suid-Afrika is ook deel van die wêreldekonomie, en die mate waarin die land ‘n netto wins of verlies hieruit gaan maak hang af van aspekte soos korrupsievryheid, produktiwiteit en werksetiek wat mededingendheid verhoog, ‘n fokus op noodsaaklike eerder as luukse sodat oormatige hoeveelheid kapitaal nie uit sirkulasie geneem word deur byvoorbeeld luukse vuurwaens in te voer nie, en ‘n samelewing wat breedweg funksioneer volgens die norme en etiese kode wat deur instellings soos die wêreldbank as geldend aanvaar word.

Die wiel is reeds ontwerp en in bedryf. Die beskikbare energie moet eerder aangewend word om sake reg te ruk, nie deur misdaad uit te skakel deur dit te wettig nie.

As die etiekdebat wél realiseer sal elke burger, elke organisasie, elke kerk, sy stem duidelik moet laat hoor.

magic boxes Данильченко Харьков

Plaasmoorde en die trap op die hart en siel van die Afrikaner

Plaasmoorde, dikwels onbeskryflik wreed, is sedert 1994 ‘n aggressiewe kanker wat deur die land woed. Voor 1994 was die landbougemeenskap ook aan terreur onderhewig, soos selfs babas wat in landmynaanvalle aan flarde geruk is.

Volgens Interpol is die moordkoers onder die land se boere meer as 300 per 100 000 per jaar. Die land se moordkoers is sowat 40 per 100 000 per jaar, die wêreldgemiddeld is 5, en Wes-Europa se moordkoers is 1 per 100 000 per jaar.

Oor minder as drie maande skop die Fifa-Wêreldbeker-eindtoernooi in Suid-Afrika af terwyl die land onlangs die titel van wêreldmoordhoofsetel by sy titel as die wêreld se verkragtingshoofsetel gevoeg het.

En so skrikwekkend soos die huisrooftogte, wat dikwels op verkragting en moord uitloop, “openbare” rooftogte en huisrooftogte is, die koers hiervoor op die land se plase is bykans 10 keer hoër.

Die landbousensusse bring byvoorbeeld ongehoorde groot bedrae verliese as gevolg van vee-, gewasse en weidingdiefstal aan die lig.

In enige konstitusionele demokrasie, waar die regering soos veronderstel word in algemene belang regeer, sou ‘n mens ‘n bykanse histerie vanuit regeringsgeledere oor dié soort syfers verwag.

Die teenoorgestelde gebeur egter. Die regering swyg dawerend in al elf amptelike tale. In teendeel, wanneer die minister van Polisie die uiters ongewone doen en plaasaanvalle wel veroordeel, word die effektiewe repudiëring hiervan deur die kroonprins, Julius Malema, op allerlei maniere deur die regering en ANC gekondoneer.

Die toppunt van minagting sou egter nog kom toe ANC-ampsdraers onder die oë van die SAPD die naamlyste met 1 600 plaasmoordslagoffers opskeur, op die grond voor hul hoofkantoor neergooi en daarop trap. Die doel van die naamlyste was om die erns van die sing van die liedjies soos “Skiet die boere” onder die ANC se aandag te probeer bring.

Met hierdie optrede het die ANC op die hart en siel van die Afrikaner en bitter baie Engelssprekendes getrap. Indien pres. Jacob Zuma dit nie ten sterkste veroordeel nie, onderstreep hy dat hy nie ‘n president se agterent is nie.

Die grondwet, so gebrekkig soos dit mag wees, stel op verskeie maniere die belangrikheid van respek vir mekaar se kulture. In ‘n heterogene land is dit vanselfsprekend.

Met die bou van Vryheidspark het ministers en ander oral in Suider-Afrika gesneuwelde en gestorwe kaders se voorvadergeeste gaan bymekaar maak en met kartonbokse na Vryheidspark gebring en om daar losgelaat te word. Afrikanergroepe het nie hierop gereageer deur simbolies bokse met die name van hierdie afgestorwenes in die strate te gaan vertrap en verbrand nie, al val hierdie tradisie vir die Afrikaners en Christene hoe vreemd op.

Met die ANC se optrede by Luthuliehuis is die wig van polarisasie tot diep in die siel van die nasie ingedryf. Die teerling is as’t ware gewerp, en die streep is in die grond getrek.

Indien daar ooit ‘n tyd was wat van Zuma verwag is om presidensiëel op te tree is dit nou. Die land wag.

pro100casino

Zuma vir ‘n tweede termyn?

President Jacob Zuma het gesê hy sal nooit sy organisasie uitdaag as hulle hom vir ’n tweede termyn as die president van die ANC nomineer nie, het Business Day Dinsdag berig.

“Ek het nog nooit die ANC uitgetart nie. Die ANC word altyd van my volgende stap ingelig,” het Zuma geantwoord op ‘n vraag of hy as die leier van die ANC sal aanbly indien die party se liggame hom vir ‘n tweede termyn nomineer.

Zuma het bygevoeg dat hy eerder nie wil bespiegel oor hoekom daar reeds ‘n stryery oor sy opvolger woed nie.

Hy het dié wat “ondergrondse” veldtogte wil stig, gewaarsku dat hulle uitgesnuffel sal word.

Ná afloop van die afgelope naweek se vergadering van die party se nasionale uitvoerende komitee, heers daar glo kommer oor die party se opvolger wat in 2012 sal oorneem.

you play games topcargo

Zuma na Zim

Pres. Jacob Zuma gaan Zimbabwe hierdie week besoek om die magsdelingsooreenkoms, ná ‘n dekadelange politieke en ekonomiese krisis, te ondersoek.

Pres. Robert Mugbae en sy mededinger Morgan Tsvangirai, het verlede jaar ‘n eenheidsregering gevorm, om ‘n einde te probeer bring aan ontwrigtende verkiesings.

Zuma gaan vanaf 16 tot 18 Maart in Zimbabwe wees om met politieke partye te vergader, het sy kantoor Maandag in ‘n verklaring gesê.

Vroeër hierdie maand het Brittanje ‘n voorstel deur Zuma van die hand gewys. Zuma wou gehad het dat die Europese Unie alle sanksies teen Mugabe en sy vennote moes beeïndig.

Zuma is ook nie die mening toegedaan dat meer druk in die vorm van sanksies die weg na die toekoms baan nie.

Ongeveer drie miljoen Zimbabwiërs het reeds na Suid-Afrika gevlug, weens die ekomoniese ineenstorting in Zimbabwe.

топкарго

Polisiestaat of piesangrepubliek

Dié naweek vra die Sunday Times die vraag of Suid-Afrika nader aan ‘n polisiestaat beweeg, en stapel ‘n aantal kommerwekkende tekens op. In die hoofartikel word onder meer die stelling gemaak dat elemente binne die ANC nou oor mekaar se voete val om te probeer kyk waar die harde manne van apartheid hul handboeke gebêre het.

Afgesien van die tekens wat die Sunday Times gebruik, soos die terugkeer van militêre range in die polisie, en die minister se opmerkings van “skiet om dood te skiet” is daar nog meer.

Die minister van Samewerkende Regering, Sicelo Shiceka, het oorlog teen die, soos hy dit noem, wanbetalers verklaar wat weens swak dienslewering hul munisipale belastinggeld in ‘n trustrekening stort. In die proses het nog ‘n dreigement bykans verlore gegaan. Swart wanbetalers wat oproerig is word ook met die volle impak van harde teenoptrede gedreig, soos die afsperring van swart woongebiede en die uitrook van die belhamels.

Klink dit nie ook bekend nie?

Die groot fout wat mense maak wat ongelukkig is – wat ook al die rede – is om die een hefboom te gebruik waaroor die regering gevoelig is, naamlik om die komende Fifa-toernooi as hefboom vir beter dienslewering te gebruik.

Presies hoe gevoelig die regering oor dié kwessie is, het duidelik geblyk toe enkele misdadigers, waarvan minstens een blykbaar geestelik onwel is, gedreig het dat hulle die buitelandse besoekers aan die toernooi wil teiken. Geen steen is onaangeroer gelaat om die weerbarstiges op te spoor nie en joernaliste is voor die hof gesleep.

Hierna het swart wanbetalers ‘n soortgelyke dreigement gemaak. Ook hulle is laat verstaan dat hulle onsagkens opgespoor en vervolg sal word, soos die opmerking van Shiceka blyk.

Toe het Cosatu op die wa geklim. Dié keer was die regering se aksie anders. Volgens berigte vanoggend lyk dit of die ANC die voet neersit teen wat as “los kanonne” beskryf word. Onder dreigemente van tugoptrede is al die eendjies skynbaar nou in die ry. Dié tugoptrede is egter nie terugwerkend van krag nie, en almal begin nou met ‘n skoon lei. Ook Julius Malema wat behoorlik soos ‘n los kanon geskiet het, ook onder sy eie kaders in, kom in die proses skotvry daarvan af.

Dat sommiges kommer het oor tekens van ‘n polisiestaat, verdryf dit steeds nie die tekens van ‘n piesangrepubliek nie. Ook hier speel die Fifa-toernooi dikwels ‘n rol. Vanoggend word berig dat die Mangaung-munisipaliteit steeds hoopvol is dat straatverbeterings voor die Fifa-toernooi afgehandel sal kan wees. Intussen bly die gasheerstad-ooreenkomste wat stede met Fifa moes sluit min of meer ‘n staatsgeheim. Af en toe kruip nog ‘n bepaling soos ‘n wurm uit die blik, soos dat die stede hulle tot boomplantaksies en vullisherwinning verbind het. Die snelbusvervoerdiens loop op taxistakings uit.

Die dreigemente teen wanbetalers en belastingbetalersverenigings klink ook meer na ‘n paniekreaksie namate die werklike treurige toestand op munisipale gebied tot die regering begin deurdring. Die huidige gefladder en beloftes dat sake reggeruk sal word kom te midde van meer as ‘n dekade se beloftes en peperduur sogenaamde regsrukaksies. Onder die powerste munisipaliteite tel ook van dié wat deur die taakspan wat oud-pres. Thabo Mbeki aangestel het en skynbaar dadels uitgerig is.

Die minister identifiseer wel die kern van die probleem, naamlik dat die ANC, soos hy dit gestel het, onbekwame ampsdraers en amptenare aangestel het. Met die kern van die probleem geïdentifiseer, sou ‘n mens verwag dat dit ook is waar die probleem aangespreek gaan word. Die oorlog word egter teen van die simptome verklaar.

Te midde van ‘n stroom plaasmoorde en ander opspraakwekkende moorde gaan dring die kommissaris van polisie in die parlement aan om as generaal aangespreek te word. Heel gepas het die parlementslede dit geïgnoreer. Die land het werklik nie in sy stryd teen misdaad iemand nodig wat soos Idi Amin homself van sersant tot generaal, en toe veldmaarskalk bevorder het sonder dat dit teen enige merieteverwante maatstaf gemeet word nie.

Dit is maar enkele aspekte. Nog ‘n belangrike en gevaarlike bontpratery is die voorneme om die artikel in die grondwet wat eiendomsreg waarborg te wysig. Kommersiële landbougrond is skynbaar in die oog.

Dit gaan egter veel meer as die wysiging van artikel 25 verg. Suid-Afrika sal ook sy grondwetlike verbintenis tot internasionale verdrae moet opskort, anders sal mense wie se eiendomsreg ontneem word, hulle ook tot multi-nasionale arbitrasie kan wend soos die geval met Zimbabwiese boere was wat hulle tot die SAOG-tribunaal in Namibië, en daarna die Suid-Afrikaanse howe kon wend.

Word dit ook ontneem, is die land nie meer ‘n grondwetlike demokrasie nie.

free bonus slot

Verkragters ‘gedra hulle soos diere’

Die mans wat twee vroulike paramedici aangeval en een verkrag het, het hulle soos diere gedra, het pres. Jacob Zuma Sondag gesê.

“Dit is baie skokkend om te hoor dat mense wat ‘n diens aan die gemeenskap lewer op so ‘n wrede manier aangeval is…Daardie misdadigers het hulle soos diere gedra,” het Zuma tydens ‘n besoek aan die Roodepoortbrandweerstasie gesê.

Drie mans het op 6 Maart die vroue oorval toe hulle in Durban Deep in Roodepoort aangekom het om ‘n kleuter wat brandwonde opgedoen het, te help.

Volgens die polisie het die trio die manlike paramedici gedreig en gesê hulle moet weghardloop anders word hulle geskiet.

Zuma het gesê hy het met die slagoffers, hul gesinne en die hoof van nooddienste in Roodepoort gepraat en die polisie ondersoek die saak.

“Ek is bly dat die paramedici steeds bereid is om ná die voorval te werk. Die misdadigers moet so gou as moontlik in hegtenis geneem word.

Hy het gesê die gemeenskap moet saam met die polisie werk om misdaad te beveg.

финская сауна цены