Nuus – Bladsy 42 – praag.co.za

‘Boerka is teken van onderdrukking’

President Nicolas Sarkozy van Frankryk het gister gesê boerkas, kledingstukke wat Moslem-vroue van kop tot tone bedek en hul gesigte verdoesel, het geen plek in dié land nie.

Hy het gesê dié kledingstukke is ’n teken van die onderdrukking van vroue.

Tydens ’n parlementêre toespraak het Sarkozy ’n inisiatief wat LP’s verlede week begin het gesteun ná hul kommer oor die toenemende gebruik van boerkas in Frankryk uitgespreek het.

“Die boerkakwessie is nie godsdienstig nie, dit is ’n kwessie van vryheid en die waardigheid van vroue,” het Sarkozy aan ’n gesamentlike sitting van die parlement se twee huise by die Versaillespaleis gesê.

“Die boerka is ’n teken van die onderwerping van vroue. Dit is nie welkom in ons land nie,” het hy onder luide applous gesê.

Groenland kry selfregering

Nuuk

Die meeste mense ken Groenland as daardie yslike groot landmassa in die noorde langs Europa op Mercatorkaarte. Op sulke kaarte lyk Groenland so groot soos Afrika, maar dit is in der waarheid ongeveer 14 keer kleiner.

Daar woon 58 000 siele op die eiland en daar is slegs twee verkeersligte, al twee in die hoofstad.

Sondag is 'n nuwe era van selfregering aangekondig, wat uiteindelik sal lei tot die onafhanklikheid van die Groenlanders van Denemarke wat sedert 1721 oor die meesal geyste grondgebied regeer.

Die skuif wat Groenland verantwoordelikheid oor hulle strafregstelsel en olieontginning sal gee, is die resultaat van 'n referendum wat verlede jaar gehou is. Daarin het 76% van kiesers gesê hulle verkies selfregering.

Baie besluite dra 'n diep simboliese betekenis. Kalaallisut, 'n tradisionele Inuïettaal, is nou die land se amptelike taal en Groenlanders word tans deur die internasionale reg as 'n aparte volk van die Dene beskou.

Die regering van Groenland sal voortaan in Inuïet as Naalakkersuïsut bekend staan, vir die eerste maal in die geskiedenis. Kuupik Kleist, die charismatiese eerste minister, sê die verhouding tussen Groenland en Denemarke sal nou 'n gelyke een wees.

Voorheen, sê hy, was dit soos 'n huwelik waarin die vrou haar man met die koekroller rondgejaag het. Van vandag af, "het die man ewe veel sê as sy vrou in die huis".

Maar probleme is daar volop. Min Groenlanders sien ooit 'n universiteit en sosiale probleme soos alkoholmisbruik, werkloosheid en gesinsgeweld is algemeen. Daar is ook geen paaie nie en mense moet noodgedwonge gebruik maak van vliegtuie en bote om in die volgende dorp te kom.

Aardverwarming is daarbenewens besig om die yslaag wat 80% van Groenland beslaan te laat smelt. Alhoewel dit tradisionele jag, die hoofbron van voedsel, benadeel, maak dit die ontginning van enorme reserwes olie en minerale moontlik.

Die nuwe regering sal die helfte van die winste wat deur olie en minerale gelewer word, kry en die ander helfte sal na Denemarke gaan. Dit sal afgetrek word van die toelae van $637 miljoen wat Groenland jaarliks van Denemarke ontvang.

Twee verteenwoordigers van Noorweë se Samiparlement was ook Sondag by die vieringe en het die hoop uitgespreek dat die Sami ook so ver sal kan vorder.

Olafur Ragnar Grimsson, president van Ysland, het tydens die geleentheid verwys na sy land se onafhanklikwording van Denemarke in 1944. Bent Liisberg, verteenwoordiger uit Noorweë, het weer verwys na hoe sy land vir honderde jare lank eers deur die Dene en daarna die Swede oorheers is.

Nuuk, met 'n skilderagtige hawe, het 15 000 inwoners en hulle is elke oggend teen halfagt uit op straat wat blykbaar 'n yslike verkeersopeenhoping veroorsaak.

Hierdie tyd van die jaar sak die son skaars en bly dit byna heel dag lig. Die feesvieringe is dus in 'n pragtige lig gebaai, ook omdat dit die vorige dag gesneeu het.

Verteenwoordigers van 17 lande en gebiede wat die VSA insluit het die geleentheid bygewoon. Koningin Margrethe II van Denmarke was geklee in 'n tradisionele Inuïetkostuum met 'n kortbroek van robbepels en 'n kraletjalie.

Sy het die dokument wat Groenlanders se tweedeklastatus ophef, plegtig aan hulle verteenwoordigers oorhandig.

roulettes casino live

Obama sal 2010-opening bywoon

Barack Obama

Pres. Barack Obama van Amerika het 'n uitnodiging aanvaar om die openingseremonie van Wêreldbeker-sokkertoernooi in 2010 in Suid-Afrika by te woon.

Fifa-president mnr. Sepp Blatter het Maandagoggend bekend gemaak dat Obama die uitnodiging aanvaar het.

"Maar julle weet dat staatshoofde baie besig is, maar hopelik sal sy skedule toelaat dat hy dit bywoon."

Die openingseremonie vind plaas by die nuwe Soccer City wat 100 000 toeskouers kan huisves.

Op 'n ander "noot" het Blatter weer bevestig dat Vuvuzelas nie verbied gaan word tydens 2010 nie. "…om die waarheid te sê ek sal op 'n vuvuzela blaas tydens my nuuskonferensie Vrydag. Vuvuzelas maak die Suid-Afrikaanse spel 'n lewendige affêre. Dit is deel van die plaaslike kultuur en dra by tot die kleur van Suid-Afrikaanse sokker.

образец справки о Данильченко Харьков

Zimbawi?rs se status onder die loep

Duisende buitelanders bevind hulleself in Suid-Afrika. Volgens die RGN is daar ongeveer 4,1 miljoen ongeregistreerde buitelanders in die land. Ander navorsing dui op soveel as 9,84 miljoen onwettige immigrante en volgens Médecins Sans Frontières (MSF), Dokters-sonder-grense, is daar 3 miljoen Zimbawiërs teenwoordig in Suid-Afrika.

Maar Tara Polzer van die Universiteit van die Witwatersrand se Forced Migration Programme, sê dit is gewoon nie waar nie, omdat daar geen statistiek bestaan om dit te kan beweer nie.

Polzer sê daar is drie miljoen Zimbabwiese burgers wat nie in hulle land woon nie, maar hulle kan nie almal in Suid-Afrika wees nie, en 'n groot deel is in die VSA, die EU en elders. Sy het nie gesê waarop sy die bewering grond nie.

Sy het ook nie gesê hoe die arm bevolking van Zimbabwe die reiskoste na die VSA en Europa kan bekostig nie. Ten minste is daar geen aanduidings by Europese vlugtelingagentskappe dat daar enige noemenswaardige getalle Zimbawiërs in die EU teenwoordig is nie.

Sy sê hoë skattings kan negatiewe beleidsverklarings tot gevolg hê. Sy sê dit lei tot apatie by plaaslike owerhede.

Daar is bespiegelinge dat naturalisasie van miljoene buitelanders, wat Polzer voorstaan, kan lei tot meer druk op wittes en dat dit deel van 'n strategie is om die wit bevolking verder te verdun in stedelike gebiede waar wit konsentrasies is en waar buitelanders ook in groot getalle teenwoordig is.

Binnelandse sake se Immigrasiediens se direktteur-generaal Jackie MacKay sê die departement nie weet hoeveel onwettige immigrante in die land is nie, maar hulle keur hulle 90% en 97% van politieke asielsoekers af.

MacKay en woordvoerder Cleo Mosano het gesê die uitspraak Donderdag van die VN se adjunk-hoëkommissaris vir vlugtelinge Sergio Calle-Norena, dat die kabinet die spesiale status vir Zimabwiese burgers in SA goedgekeur het, is nie waar nie. Die kabinet moet nog daaroor vergader.

Die kwessie of Zimbawiërs vlugtelinge is en of hulle ekonomiese migrante is, is 'n kontroversiële een. Wat internasionale reg betref is ekonomiese redes nie voldoende om asielskap aan migrante te gee nie.

игри для днвочек

SA-leierskap in Afrika van kritieke belang s? VSA

Amerika se adjunkminister van buitelandse sake vir Afrika, Johnnie Carson, het gesê die VSA beskou Suid-Afrika se leiding in Afrika as van kritieke belang vir die suksesvolle ontwikkeling van die vasteland.

Sy onderwerp was die huidige stand van betrekkinge tussen Amerika en Suid-Afrika. Suid-Afrika se ambassadeur in Washington, Welile Nhlapo, en Moeletsi Mbeki, sakeman en broer van oud-president Mbeki, was onder die paneellede.

Suid-Afrika moet ook nie wegskram van hulle verantwoordelikheid as leier nie, maar moet die uitdaging aanvaar. Carson het Donderdag gesê dit sal stabiliteit en langtermyn-groei op die vasteland verseker. Hy het by die Buro vir Afrika-aangeleenthede in die Woodrow Wilson-sentrum in Washington gepraat.

Carson het die VSA se steun vir die bewind van president Zuma benadruk. “Suid-Afrika staan saam met ons as ’n baken van veelrassigheid, veelpartydemokrasie, ekonomiese vryemarkbeginsels, en as ’n verdediger van menseregte,” het hy in sy toespraak gesê.

“Amerika is optimisties oor die koers wat Suid-Afrika ingeslaan het. Die Amerikaanse boodskap aan Suid-Afrika is duidelik en positief: ‘Ons is ’n toegewyde vennoot van Suid-Afrika. Ons erken die belangrikheid van ons groeiende bilaterale en handelsbetrekkinge.’ ”

Carson het ook verwys na samewerking tussen Amerika en Suid-Afrika op die terrein van “kernaangeleenthede”. ’n Memorandum van verstandhouding vir kernnavorsing en -ontwikkeling is in die finale fase van hersiening en behoort eersdaags onderteken te word.

Carson is van mening dat Donald Gips se benoeming as volgende Amerikaanse ambassadeur in Suid-Afrika, waardevolle politieke vaardighede en noue bande met Obama na Afrika sal bring, indien dit bekragtig word.

Amerika is die derde grootste invoerder van Suid-Afrikaanse goedere, en meer as 600 Amerikaanse ondernemings doen sake in Suid-Afrika.

Фильчаков

SAUK wil miljoene van verbruiker verhaal

Planne wat die SAUK oorweeg om hulle uit die verknorsing te help, sluit onder meer ongewilde maatreëls vir verbuikers in. Dit is deel van mnr. Robin Nicholson, finansiële hoofbestuurder van die SAUK, se voorlegging aan die regering.

’n R100-heffing op die verkoop van elke nuwe TV-stel, DVD-speler en hoëtroustel wat kleinhandelaars namens die SAUK moet insamel.

’n Aansienlike verhoging in SAUK-lisensiegeld. Dit is so lank terug as nege jaar gelede verhoog en dit is dus nou wenslik om meer te vra.

Die instelling van permanente “lisensiefooie’’ wat MultiChoice en DSTV, M-Net en alle voornemende betaaltelevisiemaatskappye aan die SAUK moet betaal.

Die kwytskelding van BTW op lisensiegeld-inkomste, wat die SAUK ’n bykomende R132 miljoen in die sak sal bring.

Volgens die voorlegging gaan die uitsaaier in 2010 sowat R540 miljoen nodig hê vir die oorskakelingsproses na digitale terrestriële televisie (DTT), wat reeds begin het. Die bedryfsuitgawe in die SAUK-begroting sal groei na R661 miljoen in 2011 en R746 miljoen in 2012.

Oorblywende en voormalige lede van die SAUK-raad en -bestuur moet weer môre voor die parlement se portefeuljekomitee oor kommunikasie aanmeld sodat die SAUK se bestuurs- en geldkrisis te bespreek kan word nadat net twee van die vier oorblywende raadslede vir Donderdag se vergadering opgedaag het.

Lede van die raad blyk onwillig te wees om vrae oor die krisis te beantwoord en verantwoordelikeheid vir die geldtekort te aanvaar.

Volgens Beeld is daar bespiegelinge dat die SAUK-raad môre ontbind gaan word sodat ’n nuwe waarnemende bestuurskomitee van vyf mense aangestel kan word.

Nege uit die twaalf oorspronklike SAUK-raadslede het sedert Maart bedank nadat me. Nadia Bulbulia Vrydagmiddag ook haar bedankingsbrief ingedien het.

Лобановский

Rusland wil bande met Afrika herstel

Russiese president Dmitry Medwedef is hierdie week op 'n besoek aan vier Afrikalande om bande met Rusland se ou invloedsfeer te herstel.

Nadat hy Dinsdag in Egipte aankom, sal Medwedef ook Nigerië, Namibië en Angola besoek vanaf Woensdag tot Vrydag om sy land se ekonomiese belange uit te bou.

Die president se besoek volg op 'n besoek van sy voorganger Wladimir Poetin in 2006, wat die eerste besoek van 'n Kremlinleier aan suider-Afrika was.

"As die Amerikaners nou bedrywig is in post-Sowjetgebiede, dan is dit net natuurlik dat ons leierskap kan wys dat ons ook aktief kan wees in Post-Sowjetgebiede," het Apollon Davidson, Rusland se voorste Afrikahistorikus gesê.

Gedurende die Koue Oorlog was Afrika die sleutelvoorkeurgebied tussen die Sowjet-Unie en die Weste en het die kommuniste en pro-Westerse magte verstekoorloë vir ideologiese invloed op die kontinent gevoer.

Die stryd vandag gaan om die kontinent se enorme en hoofsaaklik onontginde grondstowwe, 'n vooruitsig waarvan die Kremlin weldeeglik bewus is.

Die Russiese gasreus Gazprom kla reeds dat hulle ver agter buitelandse mededingers in Afrika is, en het aangedui dat hulle gereed is om 'n groot uitdaging aan die Weste te stel.

Moskou se bande met Angola het tot 'n abrupte einde gekom met ineenstorting van die Sowjet-Unie, maar die Kremlin wil hulle verhoudinge weer hervat met lande wat ryk is aan olie, gas, diamante, metale en uraan.

"Tradisioneel is ons sake- en ekonomiese verhoudinge nie so sterk nie, want die Sowjet-Unie se bande in Afrika was polities en ideologies," sê Davidson wat Afrika al die afgelope 60 jaar bestudeer.

"Natuurlik gaan dit moeiliker wees as in die 1980"s toe 'n mens òf deel van die Westerse òf die Sowjet-blok was," sê Samir Gadio wat 'n Afrikastrateeg vir Renaissance Capital in Moskou is. Hulle het kantore in Nigerië en Kenia.

Rusland se grootste handelsvennoot in Afrika is tans Egipte maar handelsbande met Angola, Nigerië en Namibië waar een van die wêreld se grootste oopgroefuraanmyne is, is onbenullig klein volgens Gadio.

Nigerië kan 'n belangrike ontvanger van Russiese beleggings word indien Gazprom in 'n nuwe sleutelgaspyplyn daar belê.

Europa stel in 'n trans-Saharagaspyplyn belang omdat die EU graag hulle energiebronne wil diversifiseer. Die gasreus wil betrokke raak by dië prokek.

Nigerië en Rusland sal 'n energiesamewerkingsverdrag sluit en 'n gesamentlike onderneming tussen Gazprom en Nigerian National Petroleum Corporation (NNPC) sal ook geteken word het amptenare in Abuja bevestig.

"Daar is 'n groeiende bewuswording in Russiese sakekringe dat Afrika 'n mark van globale belang verteenwoordig wat meer sakegeleenthede as enige ander plek op aarde bied," het Dmitri Suchkov van die Russiese staatsbank VEB gesê.

Suchkov is 'n lid van die sakegroep wat Afrika in die oog het. Russiese maatskappye wat reeds in Afrika bedrywig is, is UC Rusal, 'n aluminumaanleg in Nigerië en Guinee wat deur miljardêr Oleg Deripaska bestuur word.

Viktor Vekselberg, nog 'n miljardêr, se Renova is teewoordig in Suid-Afrika, terwyl die diamantmonopolie Alrosa aktief is in Angola.

Wladimir Shubin, assistent-direkteur van die Afrika Instituut van die Russiese Akademie vir Wetenskap sê in die 90s was dit moeilik maar sekere ekonomiese bande het behou gebly. Baie van die leiers wat in die Sowjet-Unie opgelei is het nog die portrette van Lenin en Marx teen hulle mure, sê hy.

Theo Grunewald, Namibië se ambassadeur in Rusland, het gesê Medwedef gaan Sam Nujoma op 'n safari vergesel waar hy leeus en renosters gaan besigtig.

бра lightstar pezzo 801610 Лобановский Харьков

EU mik vir finansi?le toesighouding

Leiers van die Europese Unie het gister ooreengekom om ’n stelsel van finansiële toesighouding in te stel om ’n nuwe ekonomiese krisis te verhoed.

Die ooreenkoms is bereik ná laatnaggesprekke tussen Brittanje, Duitsland en Frankryk om vrese in Londen te besweer dat die nuwe pan-Europese liggaam die magte van nasionale reguleerders kan ondermyn.

Die ooreenkoms volg kort op die hakke van president Barack Obama van die VSA se aankondiging Woensdag dat die grootste hervorming van Amerikaanse finansiële toesighouding sedert die 1930’s op hande is.

“Die EU, soos die res van die wêreld, voel steeds die gevolge van die diepste en wyds verspreide resessie van die era ná die oorlog. Dit is van kardinale belang dat die EU voortdurend die nodige stappe ontwikkel en in werking stel in reaksie op die krisis,” het die leiers in ’n verklaring gesê.

Die voorgestelde toesighouding sal geskied deur drie pan-Europese beheerliggame te stig wat sal verseker dat lande nuwe reëls vir toesighouding instel, asook ’n Europese sistemiese-risiko-raad, wat risiko's vir finansiële stabiliteit sal monitor.

In reaksie op die Britte se kommer is daar besluit dat die nuwe liggame glad nie inbreuk sal maak op die fiskale verantwoordelikhede van lidlande nie.

Данильченко

Ajatolla vra einde aan straatbetogings

Die opperleier van Iran, ajatolla Ali Chamenei, het gister ’n einde geëis aan die straatbetogings wat die land ruk sedert ’n betwiste verkiesing ’n week gelede, en gesê enige bloedvergieting sal hul leiers se skuld wees.

Hy het president Mahmoed Ahmadinedjad verdedig as die wettige wenner van die presidentsverkiesing en ontken dat die verkiesing beknoei is – soos Ahmadinedjad se teenstanders tot dusver aangevoer het.

“As daar enige bloedvergieting is, sal die leiers van die betogings direk aanspreeklik gehou word,” het Chamenei gesê in sy eerste toespraak aan die volk sedert die protes begin het.

“Die uitslae van die verkiesing kom uit die stembus, nie uit die straat nie,” het die geestelike by die Universiteit van Teheran en die omliggende strate aan reuse-skares gesê.

“Vandag het die Iranse volk kalmte nodig.”

Hy het gesê enige klagtes oor die verkiesing moet deur regskanale geopper word.

Mirhossein Moesawi, Ahmadinedjad se sterkste teenstander in die verkiesing, het gevra dat die uitslag nietig verklaar moet word. Daarvolgens het Ahmadinedjad byna 63% van die stemme ingeoes teenoor Moesawi se 34%.

Chamenei het gesê die vyande van Iran val die legitimiteit van die Islamitiese establishment aan deur die uitslag te betwis.

фото моторных яхт

Swart mans is topverkragters

Suid-Afrika het nie alleen 'n misdaadprobleem nie, maar gaan gebuk onder die ergste aantal verkragtings denkbaar. 'n Studie wat deur die Mediese Navorsingsraad (MNR) se geslags- en gesondheidsnavorsingsgroep onderneem is, het dit weer eens uitgelig.

Prof. Rachel Jewkes, direkteur van die MNR het gister gesê die studie se bevindings is “afgryslik”. Sy het gesê dit is effens hoër, maar nie heeltemal uit pas met wat hulle in vorige navorsing in Suid-Afrika gesien het nie.

Meer as ’n kwart van die mans wat in die Oos-Kaap en KwaZulu-Natal aan ’n studie deelgeneem het, sê hulle het al ’n vrou verkrag.

’n Hele klomp van hulle het dit meer as een keer gedoen, reeds in hul tienerjare daarmee begin en selfs op seuntjies en ander mans toegeslaan.

Die deelnemers aan die studie was van annonimiteit verseker want hulle het hul antwoorde dmv 'n Palm Pilot-toestel ingesleutel.

Die studie moet nog gepubliseer word, maar die bevindings is onlangs aan die regering voorgelê en Woensdag aan die media beskikbaar gestel.

Navorsers het onderhoude met 1 738 mans in drie distrikte in stedelike en landelike dele van die Oos-Kaap en KwaZulu-Natal gevoer.

Hulle was van alle rasse- en inkomstegroepe, tussen 18 en 49 jaar oud en het vingerprikbloedmonsters vir MIV-toetsing gegee.

Altesame 27,6% van die mans het erken hulle het al ’n vrou of meisie verkrag en een uit 20 het dit die afgelope jaar gedoen.

’n Kwart van alle deelnemers tussen die ouderdomme van 25 en 45 is MIV-positief. Altesame 40% van al die mans tussen 30 en 39 is MIV-positief.

Die oorsprong lê in diepgewortelde opvattings oor manlikheid in Afrika en dat mans glo hulle is hoër in ’n hiërargie. Hulle glo ook hulle is seksueel geregtig op vroue en daar is weinig sprake van geslagsgelykheid of respek vir vroue sê die opstellers.

By Jacob Zuma se verkragtingsverhoor het skares buite die hof gedreunsing "brand die teef, brand die teef". Volgens Vigsaktiviste stuur dit ook die verkeerde boodskap dat die president 'n paar vroue het en voel hulle dit beklemtoon Zoeloemanlikheid ten koste van vroue.

Swart mans sê glo toenemend dat as die president baie vroue kan hê, kan hulle baie vriendinne hê.

Solidariteit het onlangs 'n verslag vrygestel waarin aangetoon word dat 88% van verkragtings nie gerapporteer word nie en dat kindermishandeling toeneem.

roulette online free money

Duitsers beoog grootste groenenergieplan ter w?reld

'n Duitse konsortium het 'n internasionale energieplan uitgelê van 400 miljard euro. Die gedagte is om sonenergie vanaf Noord-Afrika in te samel en na Europa te stuur. As dit werk sal dit die grootste groenenergieplan ter wêreld wees.

Die konsortium sal formeel in Julie ontmoet by Munich Re het die Süddeutsche Zeitung Dinsdag berig.

Twintig maatskappye waaronder Siemens, Deutsche Bank en energiereus RWE het ingestem om deel te wees van die inisiatief.

Die inisiatief beoog om binne die volgende twee tot drie jaar met 'n konkrete plan vorendag te kom. Die projek heet Desertec, wat water deur sonkrag, sonder dat dit te veel tegniese vernuf vereis, mbv spieëls wil verhit wat turbines sal laat draai.

Die Duitse ministerie van ekonomie asook die Klub van Rome is betrokke. Deelnemers glo die projek sal Europa van ten minste 15% van sy energiebehoeftes voorsien.

Die Duitsers hoop Italië en Spanje sal ook inkoop in die plan wat duur infrastruktuur sal benodig.

Desertec is ontwikkel deur 'n netwerk van wetenskaplikes en politici wat hulleself die Trans-Mediterreense Hernubare Energiekoöperasie noem. Die Franse sal waarskynlik nie deel wees van die projek nie omdat hulle op kernenergie staatmaak.

для бани

Sielkundiges gaan op Kovsies losgelaat word

Beeld berig dat die Universiteit van die Vrystaat se nuwe rektor graag sal wil sien dat ’n “klomp sielkundiges op die universiteit neerdaal” en die Reitz-voorval tot op die been oopvlek.

Prof. Jonathan Jansen het Donderdag by ’n konferensie oor apartheid by die Universiteit van die Witwatersrand in Johannesburg gepraat.

Hy het gesê die verhouding tussen die vier mans en die skoonmakers wat in die Reitzvideo "verneder" is, is eintlik “warm en respekvol”.

“Verskeie mense met wie ek oor die voorval gepraat het, het vir my gesê daardie seuns is eintlik lief vir die vroue. Hulle het wanneer hulle naweke huis toe gegaan het, vir die vroue groente van die plaas af gebring. Dit was ’n omgeeverhouding.”

Die video het ’n rasseherrie ontketen toe dit in Februarie verlede jaar uitgelek het. In die video word swart skoonmakers "ontgroen". Die video ironiseer die verskillende standaarde wat vir wit en swart geld en is kennelik vir die nuutaangestelde rektor 'n verleentheid wat hy deur beskuldigings van "diepgewortelde rassisme" gaan probeer besweer.

'n Mens moet glo die "vreemde verhouding" tussen die seuns en die vroue verstaan, volgens Jansen.

Dít is hoekom dit goed sal wees as sielkundiges die voorval kan ontleed, sê hy. “Dis nodig om te verstaan wát hierdie soort rassisme is én wat dit in stand hou.”

Jansen het aan Beeld gesê sy aanvanklike reaksie op die video was ongeloof. “Ek kon nie verstaan dat hulle dit doen aan ouer mense vir wie hulle omgee nie. Die rede is natuurlik dat die mense swart is.”

Dit is dus duidelik dat die sielkundiges 'n verpolitiseerde verklaring sal moet fabriseer vir Jansen se verleentheid en dat hulle nie die verskillende verwagtinge wat vir wit en swart geld onbevange sal kan ontleed nie.

Hy sê sy grootste uitdaging as die UV se nuwe rektor is om mense wat weens die Reitz-voorval "seergekry" het, met mekaar te versoen. “Wat lekker is van Kovsies is dat die oorgrote meerderheid mense ordentlik is, en siek en sat vir hierdie verdeeldheid.”

Die oorwegend wit personeel wat vir hulle brood en botter van die universiteit afhanklik is, gaan nog verder met die rasseknuppel bygekom word met die voorgestelde sielkundige "verslag" om in te val by Jansen se ideaal van rassegelykheid.

Jansen glo die universiteit sal binne drie tot vier jaar "op die wêreldkaart wees".

how to play cludo

Apartheid was ‘natuurlik’

‘n Slegs-blankesbordjie (in drie tale) op die Durbanse strand

Apartheid het gedy vanweë die gedagte dat dit natuurlik was en vanweë 'n "emosionele afstand" met betrekking tot die gevolge daarvan, het 'n konferensie oor die "Apartheidsargief" gister verneem.

"Ek voel angs. Betreffende apartheid moet ek noodwendig met die stem van 'n omstander, 'n begunstigde en ook by tye 'n apartheidsagent, praat.

"Dit maak my ongemaklik. Maar, dit is 'n werklikheid wat ek in die oë moet kyk," het professor Gillian Straker gesê in 'n aanbieding met die titel: "Ek praat as 'n blanke".

Straker, wat in die Grootsaal van die universiteit van die Witwatersrand gepraat het, het 'n eerlike, self-kritiese perspektief op haar eie ervaring van apartheid verskaf, in 'n poging om te verstaan waarom die stelsel so suksesvol was.

Sy het vrae gevra oor die "sielkundige meganismes" wat toegelaat het dat dit voortduur en groei, maar wat ook die ondergang daarvan veroorsaak het, asook dít wat apartheid in die hede handhaaf.

Die verhale van blanke Suid-Afrikaners moet vertel word, het sy in die opsomming van haar referaat gesê, nie bloot ter wille van die rekord nie of om kwessies van kollektiewe skuld aan te spreek nie, maar om te verstaan waarom blankes "nie net rassisme verinnerlik het nie, maar ook uitgedruk het".

'Natuurlike orde'

Die stelsel, wat die inwoners van Suid-Afrika na rasseverdelings polities, ekonomies, geografies en sosiaal geskei het, is toegelaat om te gedy omdat die gevolge daarvan vir slagoffers "vanuit die bewustheid van die daders geweer is".

Die apartheidsbewind het die ordening van die samelewing na rasseverdelings as 'n "natuurlike orde" voorgestel. Sy het dit met behulp van die instelling van die huisbediende verduidelik.

"Dis 'n instelling wat binne die intiemste van ruimtes die grondslag vir die maklike aanvaarding van eerste- en tweedeklasburgerskap as 'n feit van die lewe gelê het."

Straker het beskryf hoe die skande vir blanke Suid-Afrikaners onder apartheid tweeledig was: "Op die sosiale vlak het skande aan diegene gekleef wat die natuurlike order verbreek en swartes as hul gelykes behandel het. Op 'n persoonlike vlak is skande en skuld ervaar toe dissasiasie misluk het."

Dit het plaasgevind toe blanke Suid-Afrikaners bewus van die gevolge van die stelsel vir slagoffers geraak het.

"Toe die gevolge erken is, moes aandadigheid ook erken word en 'n onvleiende selfbeeld omhels word," het sy gesê.

'Geestelike apartheid'

Sy het bygevoeg dat, terwyl apartheid iets van die verlede was, geestelike apartheid steeds voortduur.

"Ek moet erken dat daar tye is wanneer ek rassisme in myself ontdek. Ek verafsku en verwerp dit en probeer dit met wortel en tak uitroei. Nietemin is daar iets in my vasgelê wat my inhibeer selfs wanneer ek poog om dit nie te huisves nie," het sy gesê.

Straker het gesê dat sy waarskynlik nie die enigste met dié gevoel was nie, aangesien "rassisme die water was waarin vele van ons… vir jare geswem het."

Sy het beskryf hoe sy in haar twintigerjare 'n nuwe wêreldbeskouing gevind het, in teenstelling met die "natuurlike orde", en hoe "noodsaaklik" dit was om hierdie nuwe wêreldbeskouing deur ander beaam te kry.

"Daarom was dit die geval dat sowel die ervaring van 'n alternatiewe werklikheid, en die openbare bevestiging van hierdie werklikheid nodig was om die uitsluiting van die vernietigende gevolge van apartheid op diegene wat langs my leef te beëindig terwyl ek steeds 'n begunstigde van die boosheid daarvan gebly het."

Straker het nie vertoef om die vreugdevolle nuwe Suid-Afrika te ervaar nie, maar het verkies om na Australië te emigreer. Sy is tans professor in sielkunde en sielkundige medisyne in die fakulteite van wetenskap en sielkundige medisyne aan die universiteit van Sydney, asook 'n besoekende professor aan die universiteit van die Witwatersrand.

Die konferensie – wat deur die skool vir menslike en gemeenskapsontwikkeling en die fakulteit vir geesteswetenskappe aan die universiteit van die Witwatersrand gehou is – maak deel uit van die "apartheidsargiefprojek".

Onder die tema "om die apartheidsargief in die oë te kyk", is die konferensie 'n eerste stap na "die onthou van die verlede en die besinning oor sy voortdurende gevolge op die huidige Suid-Afrikaanse samelewing".

Die projek is 'n internasionale navorsingsinisiatief wat na die ervarings van "gewone" Suid-Afrikaners onder apartheid kyk, asook die gevolge van daardie ervarings vir hul huidige samelewingsgedrag.

Vuvuzela lei tot permanente oorskade

Die voorsitter van die Suid-Afrikaanse Vereniging vir Oudiologie, Carina Wolmarans, sê die vuvuzela het beslis 'n negatiewe uitwerking op mense. Kinders, sê sy, kan dalk nog herstel van die oorskade wat hulle met die geraas opdoen, maar volwassenes mag onherstelbare oorskade opdoen indien hulle aan die geraas blootgestel word.

Wolmarans het gereageer op die groeiende aantal versoeke wat daarop aandring dat die vuvuzela uit stadions gehou word.

Die Spaanse sokkerspeler Xabi Alonso sê die instrument is 'n algehele aandagafleier wanneer spelers op die veld moet konsentreer en dit doen niks vir die atmosfeer van die stadion nie.

Verskeie internasionale uitsaaijoernaliste, waaronder Duitsers, kla dat die aanhoudende geraas van die instrument by die Konfederasiebeker-toernooi dit onmoontlik maak vir luisteraars en kykers om hulle te hoor.

“Dit is irriterend en dis erger op televisie. Van my vriende wat nou die sokker kyk, vra my wat op aarde aangaan. Hulle dink hul televisies is stukkend,’’ het mnr. Arne Richter, joernalis van Deutsche Presse Agentur, ’n Duitse nuusagentskap, gister aan Beeld gesê.

Sepp Blatter, Fifa-president, het Woensdag gesê dis “onmoontlik’’ om dié “plaaslike klank’’ te keer toe ’n Hollandse joernalis hom gevra het of vuvuzelas volgende jaar verbied sal word.

“Daar is baie geraas by die stadion van hierdie spesiale trompette. Dit is ’n probleem vir televisie. Dit is egter ’n plaaslike klank. Dit is onmoontlik om so plaaslike klank te keer. Wanneer ons in Suid-Afrika is, is ons in Afrika. Dis lawaaierig en daar is energie, ritme en musiek. Ons moet aanpas,’’ het hy gesê.

Die Onafhanklike Demokrate het gesê daar is niks soos die vuvuzela om die Suid-Afrikaanse sokkerondersteuner se liefde vir die spel uit te druk nie.

Rich Mkhondo, die plaaslike reëlingskomitee se kommunikasiehoof, het Donderdag gesê hy hoop die vuvuzela bly.

“Dis ’n tradisionele, feestelike instrument. Ons respekteer dit. Daar is mense wat nie daarvan hou nie, maar ons het nog altyd gesê die wedstryde gaan lawaaierig wees.’’

Die gasheeruitsaaidiens, HBS, het nog geen amptelike klag oor die vuvuzela ontvang nie.

мебель для Фільчаков прокурор