volksmoord – Bladsy 4

Vuurwapen in Brandfort-plaasaanval soek

Die Valke in die Vrystaat is steeds op soek na ‘n vuurwapen wat gebruik is deur vier vermeende swart plaasaanvallers naby Brandfort Maandag.

‘n Woordvoerder van die Valke, S’fiso Nyakane, sê hulle het hul soektog na ‘n dam naby die veld waar die aanval plaasgevind het, uitgebrei.

Charl Gutter is aangeval op sy plaas deur die vier swart verdagtes omstreeks 07:00 toe hy op die punt was om te vertrek van sy plaas.

‘n Worsteling het uitgebreek en een van die verdagtes het na bewering skote afgevuur op Gutter. Hy het teruggeskiet en een gewond in die rug.

Die beseerde aanvaller, Saniboy Segalo, het later gesterf in ‘n ambulans op pad na die hospitaal.

Nyakane sê Teboho Francis, Tefo Tlhabo en Tsietsi Rampa het vlugtig in die plaaslike landdroshof verskyn op aanklagte van poging tot moord en poging tot roof.

Hy sê hulle sal formeel om borgtog aansoek doen op 7 September.

Hulle bly in aanhouding.

Boer wat homself wou verdedig van moord aangekla

Vier swart verdagtes tussen die ouderdomme van 26 en 40 is in hegtenis geneem nadat ‘n 70-jarige boer Maandag aangeval is in Brandfort.

Maar die boer gaan ook van moord aangekla word omdat hy een van die aanvallers gedood het.

Polisiewoordvoerder Ikobeng Hlubi, sê die boer is deur vyf verdagtes voorgekeer omstreeks 07:00 toe hy van sy Palmietfontein-plaas wou vertrek het.

Sy sê een van die verdagtes het aan die boer se venster geklop met ‘n vuurwapen. Die verdagtes het toe begin skote vuur op die boer, waarna hy dit reggekry het om te ontsnap deur die passasiersdeur.

Sy sê die boer het teruggeskiet, en een van die verdagtes gewond. Die boer het sonder enige beserings weggekom.

Hlubi sê die 31-jarige swart verdagte wat raakgeskiet is, is later onderweg na die hospitaal dood.

“Die vier verdagtes sal na verwagting in die Brandfort-landdroshof verskyn op aanklagte van poging tot moord en roof met ‘n vuurwapen,” sê Hlubi.

Die polisie gaan ook het ‘n klag van moord teen die boer wat homself wou verdedig, ondersoek.

Parys-moordsaak: Aanklagte teen net vier teruggetrek

Die staat het die moordaanklagte teen slegs vier van die beskuldigdes in die Parys-moordsaak teruggetrek.

Die Nasionale Vervolgingsgesag se Phaladi Shuping sê aanklagte teen Fanie Oosthuizen, asook Wian, Wikus en Muller van der Westhuizen is teruggetrek.

“In hierdie stadium is ons van mening dat daar nie enige vooruitsigte is om vier van die mans suksesvol van moord aan te kla nie,” sê Shuping.

Shuping sê nog ‘n beskuldigde, ‘n 17-jarige seun, se verhoor sal afsonderlik hanteer word en hy sal weer op 9 September verskyn.

Aanklagte teen die ander ses verdagtes staan egter en hulle sal op 18 November vir ‘n voorverhoorsitting verskyn.

Hul arrestasies is egter uitgevoer voordat die polisie kon bewys dat enige van die boere met die moorde verbind kan word.

Die EFF het ná die voorval beweer dit was nie ‘n plaasaanval nie, maar dat die twee mans op Loedie van der Westhuizen se plaas was oor ‘n “loongeskil”.

Die groep word daarvan beskuldig dat hulle twee swart plaasaanvallers, Samuel Tjixa en Simon Jubeba, aangerand het en dat die twee aanvallers aan hul beserings beswyk het.

Maar die twee aanvallers is in polisie-aanhouding dood.

Die twee swart aanvallers het op 6 Januarie die 73-jarige boer, Loedie van der Westhuizen, in sy huis aangeval, maar die polisie het nooit die saak ondersoek nie.

Ná dit duidelik geword het dat die beamptes nie hul werk na behore gedoen het nie, het die SAPD ‘n tweede ondersoekspan uitgestuur wat dadelik ‘n politieke motief van ‘n “loondispuut” aan die voorval gekoppel het.

Van der Westhuizen het nog steeds die bebloede klere wat hy gedra het tydens die aanval, en waarin die polisie nie belangstel as bewysstukke nie.

Nie een van die twee swart oorledenes het ooit vir Van der Westhuizen gewerk nie en hy het hulle niks geskuld nie.

Die Staat het die klagte teen Johan Cilliers en sy seun, wat vroeër weens die moorde gearresteer is, teruggetrek.

Vreemd genoeg is die twee Cilliers, pa en seun, die enigste twee mense wat dié aand op die toneel was en nie beskuldigdes in die saak is nie.

Nie die Cilliers of hul regsverteenwoordiger wou bevestig of ontken dat hulle staatsgetuies is nie. Vermoedelik is die twee banggepraat of deur die owerhede afgedreig om valse getuienis teen die aangeklaagde boere te lewer.

‘n Skoolseun, Cor Loggenberg, is na die skoolhoof se kantoor ontbied en die Valke het hom te aanskoue van almal geboei en weggelei, met die uitsluitlike doel om hom te verneder.

Volgens sy pa, Anton, het sy onderneming miljoene rande se skade gelei weens die owerhede se kwaadwillige swartsmeerdery teen die gesin.

Kobus Burger, Loggenberg en Van der Westhuizen se regsverteenwoordiger, sê hulle sal ‘n skadevergoedingseis teen die polisie indien weens onregmatige arrestasie.

Ma van drie op plaas doodgesteek

‘n Vrou en moeder van drie jong dogters is Woensdagmiddag op ‘n plaas naby Hartbeespoort in Noordwes vermoor.

Sy is vermoedelik oorval kort voordat sy haar kinders by die skool sou gaan haal het.

Verskeie steekwonde is aan haar lyk opgemerk waar sy buite die huis gevind is.

Die polisie het glo die toneel vir leidrade gefynkam tot in die vroeë-oggendure, het Netwerk24 berig.

Die vrou was ‘n weduwee. Haar naam is nog nie bekend gemaak nie. Sy het na die afsterwe van haar man twee jaar gelede, alleen met haar dogters in hul huurhuis op die plaas in die Rietfontein-omgewing gewoon.

Hul huis was afgeleë, weg van ander wonings op die plaas.

Die drie kinders is glo tans in veilige sorg van vriende.

Dood van treindrywer skok familie

Die familie van die 73-jarige man wat vermoor is in sy huis in Bloemfontein Maandagoggend, is diep geskok oor sy dood.

Die liggaam van Hendrik Knoetze is deur ‘n buurman ontdek in sy Pellissier-huis teen omstreeks 08:00 Maandag.

Knoetze, ‘n voormalige treindrywer, was vasgebind met sigbare kopwonde. Hy is na bewering doodgeslaan.

‘n Polisiewoordvoerder, Chaka Marope sê paramedici vermoed dat Knoetze sowat drie tot vier dae gelede vermoor is.

Intussen het die neef van Knoetze, Glanville Oliver, sê die familie het aanvanklik gedink Knoetze is aan natuurlike oorsake dood.

“Toe ons by die huis kom het ons gesien dat hy inderdaad vermoor is. Ek bedoel, hy was ‘n pensioenaris. Almal wat tot dusver gebel om te hoor of hy vermoor is het my gevra, hoekom hy? Hy was ‘n baie goeie mens, hy sou nie eens ‘n vlieg seermaak nie,” sê Oliver.

Niemand is nog in hegtenis geneem in verband met die moord nie.

Dit is nie bekend hoe nou betrokke Knoetze by die geding was wat Transnet-pensioenarisse in die vorm van ŉ klasaksie-eis teen Transnet en die regering aanhangig gemaak het nie.

In die saak eis sowat 70 000 pensioenarisse van alle rasse bykans R80 miljard van Transnet. Dit is die grootste siviele eis in die land se regsgeskiedenis.

Meeste van die eisers is deur baie jare van groot lyding. Baie van hulle het verarm en is in die grootste ellende dood.

“Transnet het tot dusver desperaat probeer om deur tegniese punte die saak te vertraag. Die gevolg daarvan was dat baie pensioenarisse met die verloop van tyd gesterf het. Baie weens swaarkry, ŉ gebrek aan geld en gepaardgaande mediese sorg.

“Dit kan daarom nie weggeredeneer word dat Transnet ŉ roekelose en hartelose instansie is wat die bloed van baie van hierdie mense aan sy hande het nie,” het hul regsverteenwoordiger adv. Alberts vroeër vanjaar gesê.

Geen Duitse geld vir Namibiese volksmoordnasate nie

Die nasate van slagoffers van die 1904 tot 1908 volksmoord kan nie enige verwagtinge koester dat groot bedrae geld aan hulle in reparasie uitbetaal sal word nie.

Die Duitse spesiale gesant vir die reparasie-dialoog tussen die twee lande, Ruprecht Polenz (foto hierbo), het Woensdag gedurende sy drie dae lange besoek aan Namibië gesê die onderhandelinge word nie “in ‘n monetêre lig” beskou nie en dat voorstelle vir verskeie projekte en programme reeds voorgelê is.

Christiaan Schlaga, die Duitse ambassadeur in Namibië, het die stelling ondersteun en benadruk die idee dat geld gaan instroom, is misleidend.

“Projekte en programme kos geld, maar daar sal nie ’n enkelbedrag oorgedra word nie,” het Schlaga gesê.

Polenz het Maandag in die land aangekom vir samesprekinge met sy Namibiese eweknie sowel as met die geraakte Nama- en Herero-gemeenskappe.

Met sy besoek aan pres. Hage Geingob het hy ’n brief van die Duitse federale president, Joachim Gauck, oorhandig.

Hy het gesê Gauck stel “intens belang” in die onderhandelinge wat hy hoop goeie resultate gaan lewer en is bereid om op enige manier ’n bydrae te maak.

Polenz het die eerste dag met die Nama-hoofman, Dawid Fredericks, en sy twee seuns, Ruben en Dawid, op Shark-eiland vergader. Hy het ook met die Witbooi-gemeenskap, en veral hoofman Salomon Witbooi, op Gibeon gesels.

Polenz het gesê gedurende sy gesprek met die Herero-gemeenskap het opperhoofman adv. Vekuii Rukoro aangedring dat die Duitse regering met hom die vergoedingsonderhandelinge voer – met moontlike fasilitering deur die Namibiese regering.

“Duitsland kan nie aan hierdie versoek voldoen nie. Die onderhandelingsraamwerk wat deur die Namibiese regering geskep is, is voldoende. Omdat daar projekte en programme ter sprake is, moet ons met die regering onderhandel. Ons wil ’n resultaat hê wat vir almal aanvaarbaar is,” het Polenz gesê.

Oor die Nama- en Herero-versoeke om direk aan die onderhandelinge deel te neem, het Polenz gesê hy is bewus dat die Namibiese regering ’n inklusiewe proses wil hê en dit van die Namibiese regering afhang.

Hoewel daar nie ’n sperdatum vir die afhandeling van die onderhandelinge is nie, hoop Duitsland om dit teen die einde van die jaar te voltrek, voor die verkiesings volgende jaar in dié land.

“Ons is die mense wat om vergifnis smeek. Ons kan nie die proses aanjaag en onsself dan verskoon nie,” het Polenz gesê.

Die volgende ronde van onderhandelinge in September sal fokus op die inhoud en verwoording van die ooreenkoms, wat vertroulik gehou sal word tot die finalisering daarvan.

Deel van die ooreenkoms sal ’n amptelike verskoning aan die betrokke gemeenskappe insluit, het Polenz gesê.

Dit sal ook ’n politieke verklaring met ’n konsepdokument insluit aangesien die saak ’n politieke en morele kwessie is en om ’n “beter, gesamentlike toekoms” te bewerkstellig, het Polenz gesê.

Bron: Die Republikein

Plaasmoorde: Die slagting van wit boere in syfers

Daar is ‘n aansienlike toename in plaasaanvalle in Suid-Afrika sedert 2012 sê die Transvaalse Landbou-unie (TLU SA).

Die statistiek sluit plaasaanvalle en moorde in wat sedert 1990 tot Junie 2016 plaasgevind het.

‘n Totaal van 1 824 moorde is aangemeld tydens plaasaanvalle sedert 1990 asook 3 933 aanvalle.

Van die 1 824 moorde, was 1 170 slagoffers boere, 491 was direkte familie van die boere, 141 was werkers op die plaas en 22 was besoekers.

Volgens die tweejaarlikse opname, toon 2012 (174 aanvalle) ‘n beduidende toename in vergelyking met die 96 aanvalle in 2011.

In 2013 weer het die getal gestyg tot 231 slagoffers wat aangeval is. In 2014 het dit gestyg tot 279.

‘n Rekordhoogtepunt is in 2015 aangeteken toe 318 mense aangeval is op hul plase. Vermoedelik is die meeste slagoffers wit en Afrikaans.

In terme van plaasmoorde, was 2002 die bloedigste jaar met 119 mense wat hul lewens verloor het in plaasaanvalle.

Tot dusver is daar 2016 ‘n verbysterende 188 aanvalle waarin 39 mense gedood is, aangeteken.

Gauteng het die hoogste moordsyfer met 499 aanvalle en 413 moorde sedert 1990. Hierdie jaar is daar 14 moorde en 40 aanvalle alleen reeds gepleeg.

Die provinsie met die minste aanvalle en moorde is die Noord-Kaap met 46 aanvalle en 26 moorde sedert 1990.

Uitspraak verwag in saak van twee Masbiekers wat Brits teister

Uitspraak word Maandag gelewer in die saak van twee Mosambiekers wat teregstaan op verskeie aanklagte van plaasaanvalle in die Brits-omgewing in Noordwes.

Die 27-jarige Knowledge Mandlazi en die 31-jarige John Khoza-Tibani staan in die Pretoriase Hooggeregshof tereg op meer as 20 aanklagte, wat vyf moordaanklagte, drie aanklagte van poging tot moord en verskeie huisbrake insluit.

Die misdade is tussen Maart en Junie 2014 gepleeg. Die beskuldigdes het na bewering meestal kommersiële boere in hul moordveldtog geteiken.

Die boere is van hul voertuie, selfone, kontant, vuurwapens en ander waardevolle items beroof.

Mandlazi wat skuldig gepleit het op die aanklagte dien reeds tronkstraf van 60 jaar uit vir die moord op ‘n winkelier van Pakistan in 2014 naby Brits.

Dit is nie bekend of die aanvallers verbind kan word met die moord op die agt-en-sestig-jarige Louw du Plessis nie.

Sy liggaam is vroeër dié maand ontdek in sy huis in Flapstraat deur sy vrou Rose toe sy tuisgekom het van die werk af, het die polisie gesê.

“Sy hande was vasgebind met skoenveters en dit wil voorkom asof hy verwurg is. Hy het ook ander beserings gehad.”

Louw se selfoon, ‘n kluis met ‘n vuurwapen, en sy Nissan NP200-bakkie, wat volgelaai was met waatlemoene is vermis.

Die bakkie is later verlate in Letlhabile gevind.

“Daar word beweer dat die slagoffer laas gesien is saam met sy twee werknemers,” het die polisie gesê.

Louw se vrou Rose is die matrone van die Rusoord Ouetehuis.

Swart aanvallers rand bejaardes op Verkykerskop-plaas aan

Die polisie soek steeds na twee swartes wat die naweek ‘n bejaarde egpaar op hul plaas by Verkykerskop in die Vrystaat aangeval en beroof het.

Polisiewoordvoerder in die Vrystaat, Mmako Mophiring, sê aanvallers het Vrydagnag toegang tot Bertus van Wyk en sy vrou, Trudie, se plaashuis verkry deur ‘n ruit in ‘n ander kamer in die huis te breek.

Mophiring sê die egpaar is in hul slaapkamer geslaan, waarna die booswigte met verskeie gesteelde goed op die vlug geslaan het.

Bankkaarte en die egpaar se selfone is gebuit. Die rowers het ook met ‘n dubbelkajuit-bakkie gevlug. Mophiring het nie gesê waarmee die egpaar geslaan is nie en of hulle gewapen was nie.

Netcare 911 het Saterdagoggend omstreeks 02:30 die beseerde egpaar op hul plaas behandel, voordat hulle na ‘n hospitaal op Newcastle in KwaZulu-Natal vervoer is.

Mophiring vra enigiemand met inligting om hul naaste polisiekantoor te bel.

Hy sê mense moet veral op die uitkyk wees vir die Van Wyk’s se silwer Ford dubbelkajuit-bakkie waarmee die rowers op die vlug geslaan het.

Warden-plaasaanval-verdagtes voor

Vier verdagtes wat verlede Maandag op Villiers in hegtenis geneem is kort nadat hulle glo betrokke was by ‘n rooftog op ‘n plaas by Warden in die Vrystaat, sal na verwagting die week om regshulp in die landdroshof op Warden aansoek doen.

Drie van die mans, Bulelani Fulumeni, Wandi Yende en Tumelo Jeffrey Tau, se hofsaak is verlede Donderdag vir verdere ondersoek uitgestel, het OFM berig.

Hulle staan tereg op aanklagte van huisroof en die besit van beweerde gesteelde goedere nadat hulle glo werkers in die plaashuis met vuurwapens aangehou, vasgebind en beroof het.

‘n Polisiewoordvoerder sê ‘n vierde verdagte, Simphjiwe Yende, sal saam met sy medebeskuldigdes verskyn nadat hy ook verlede Donderdag op ‘n bykomende aanklag van die besit van ‘n onwettige vuurwapen in Villiers verskyn het.

Hy het Maandag in die landdroshof op Harrismith verskyn op dieselfde aanklagte as sy medebeskuldigdes omdat hy nie verlede Donderdag saam met hulle verskyn het nie.

Die polisie, in samewerking met plaaslike boere en patrollies op die snelweg, het nou saamgewerk om ‘n blou BMW met ‘n Limpopo-registrasienommer op te spoor, waarin die booswigte kort ná die voorval op die vlug geslaan het.

Dié motor is op die N3-snelweg gesien, maar het die snelweg verlaat toe die polisie gewaar is.

Die booswigte se motor het ‘n slaggat in die straat op Villiers getref. Hulle het weggehardloop, maar is later in hegtenis geneem.

Die polisie het beslag gelê op die drie televisieskerms, ‘n digitale kamera, selfone en ‘n beursie. Mbambo sê ‘n 9mm-pistool is in Yende se besit gevind. Hy is weer op 23 Junie in die hof in verband met dié aanklag.

Plaasaanvaller by Warden steeds soek

Die polisie in die Vrystaat soek steeds na ‘n vyfde swart verdagte wat Maandag betrokke by ‘n plaasaanval op Warden.

Die eienaars van die plaas se identiteit word om veiligheidsredes nie bekend gemaak nie.

Polisiewoordvoerder, Thandi Mbambo, sê vier verdagtes is kort ná die voorval waarin drie televisiestelle, ‘n digitale kamera, selfone en ‘n beursie gesteel is, op die N3 by Villiers in hegtenis geneem.

Sy sê die polisie in samewerking met plaaslike boere en patrollies op die snelweg het nou saamgewerk om ‘n blou BMW met ‘n Limpopo-registrasienommer, waarin die booswigte op die vlug geslaan het, op te spoor.

Sy sê die verdagte motor is op die N3-snelweg gesien. Die booswigte het egter die snelweg verlaat toe hulle die polisie gewaar. Hulle het ‘n slaggat in die straat in Villiers getref.

Mbambo sê ‘n jaagtog tussen die polisie op Villiers en die rowers in die motor het plaasgevind, waarna die rowers die motor in die pad gelos het nadat dit ‘n slaggat getref het. Hulle het verder te voet gevlug, maar is in ‘n halfuur aangekeer.

Mbambo sê ‘n 9mm pistool met ammunisie is in een vandie verdagtes se besit gevind. Daar is ook beslag gelê op al die gesteelde goedere.

Mbambo sê al vier verdagtes sal na verwagting môre in die landdroshof op Warden verskyn op ‘n aanklag van huisroof.

Die vierde verdagte sal na verwagting ook Donderdag in die landdroshof op Villiers verskyn. Hy word ook van die besit van ‘n onwettige vuurwapen en ammunisie aangekla.

Mbambo sê daar is ook beslag gelê op die BMW wat deur die booswigte gebruik is. Die polisie kon nog nie die eienaarskap van die motor vasstel nie.

Volgens die voorsitter van Warden-landbouvereniging, Hendri Jansen van Rensburg, het die aanvallers in die oggend op die werf opgedaag.

Die werknemers is glo erg getraumatiseerd na die voorval waar hulle met vuurwapens aangehou en toe vasgebind is.

Dit is die 21ste plaasaanval in die Vrystaat tot dusver vanjaar.

Vrystaat Landbou (VL) sê die voorval word as ‘n plaasaanval bestempel omdat geweld betrokke was.

Twee mense is vanjaar reeds op plase in die omgewing vermoor. Dit sluit onder meer die moord op dr. Bennie Cilliers op die plaas Gouda by Rouxville in.

Altesaam vyf aanvalle op plase het verlede maand in die Vrystaat plaasgevind.

Bultfontein-plaasaanval: Vyf aanvallers borgtog geweier

Vyf swart verdagtes wat in hegtenis geneem is na ‘n plaasaanval by ‘n Bultfontein is borgtog geweier in die plaaslike landdroshof.

Die Vrystaat se polisiewoordvoerder, Ian Gaobepe, sê die mans is in hegtenis geneem in Phahameng kort ná ‘n aanval op Leon Venter se plaas op 12 Mei.

Drie vuurwapens wat uit die Venter-plaashuis gesteel is, is ná die in die inhegtenisneming van die vier swart verdagtes teruggevind. Gesteelde munte, ‘n kamera en ‘n horlosie is ook gekry.

‘n Vyfde verdagte, wat Venter se Toyota-bakkie gesteel het, is in hegtenis geneem kort na die eerste arrestasies.

Venter se bakkie is as vermis aangemeld na die aanval, maar is later verlate gevind op ‘n plaaslike grondpad.

Gaobepe sê die saak is uitgestel tot 15 Junie vir verhoor.

Die verdagtes, Mahlomola Chaka (22), Themba Mentjies (24), Tete Moshane (24), Pogisho Mokale (26), en Tshepiso Ntsane (26) staan tereg op aanklagte van die besit van gesteelde vuurwapens.

Intussen het die polisie ‘n deurbraak gemaak deur die arrestasie van twee swart verdagtes in verband met ‘n die plaasaanval op Hertzogville wat ook op 12 Mei plaasgevind het.

Gaobepe sê na ‘n ondersoek van byna drie weke is ‘n swartman is in hegtenis geneem in Bultfontein tydens die besoek aan ‘n bank, en ‘n tweede swarte kort daarna.

Dit volg na die aanval op Gideon Botha en sy vrou Petronella nadat hulle het teruggegaan huis toe van die dorp en drie swartes hulle tuis ingewag het.

‘n Derde verdagte is steeds op vrye voet.

Plaasaanvalle in Vrystaat neem effens af, maar kommer bly

Plaasaanvalle in die Vrystaat het sedert die begin van die jaar tot middel Mei ‘n afname getoon teenoor dieselfde tydperk verlede jaar.

VKB en Vrystaat Landbou (VL) se veiligheidslessenaar toon daar was vanjaar 19 aanvalle op plase waarin twee mense vermoor is. Dít teenoor verlede jaar dieselfde tydperk waarin daar 34 plaasaanvalle was en vyf mense vermoor is, wat plaaswerkers, boere en inwoners op kleinhoewes insluit.

Voorsitter van die VL se komitee vir wet en orde, Tommie Esterhuyse, sê dié afname in plaasaanvalle sover vanjaar is goeie nuus, maar hy glo meer kan gedoen word.Volgens hom is daar goeie bestaande samewerking tussen boere, die polisie en lede van die plaaswagstelsel op plaaslike- en gebiedsvlak in die provinsie, wat wel ‘n impak maak om ‘n veilige en volhoubare landboubedryf daar te stel. Meer betrokkenheid is egter nodig.

Hy sê dit is ook goeie nuus dat ses plaasaanvalle die afgelope twee maande in die provinsie voorkom is. Die aanvalle is in Bloemfontein by Bloemspruit en die polisiëringsgebied van Parkweg, en op Bultfontein, Heilbron, Koppies en Petrus Steyn gefnuik.

Hy skryf die sukses toe aan goeie samewerking tussen betrokkenes in die landelike beveiligingsplan. Dit sluit veiligheidskoördineerders, die polisie en spesialis-eenhede in. Die veiligheidslessenaar se betrokkenheid werp ook vrugte af. Daarmee saam was daar ‘n goeie vloei van inligting tussen belanghebbendes gewees. Daar was inligtingskakeling tussen boere, die plaaswagtelsel en die polisie. Esterhuyse sê egter meer mense moet betrokke raak sodat meer sukses behaal kan word. Daar moet proaktief te werk gegaan word.

‘n Handleiding is saamgestel vir die bestaande plaaswagstelsel in plattelandse gebiede en dit verskaf inligting en riglyne aan betrokkenes om veiligheid in landelike gebiede te verskerp.

Die plaaswagstelsel is ‘n primêre rolspeler in die Landelike Beveiligingstrategie (LBS). Dit speel ‘n ondersteunende rol om saam met die polisie ‘n veilige omgewing te skep. Esterhuyse sê die plaaswagstelsel is al in 30 dorpe in die Vrystaat in werking gestel. Dit word hoofsaaklik gedryf deur die gebiedskantore van georganiseerde landbou en behels die patrollering van gebiede en besoeke aan plase.

Plaaswagte word in die handleiding ingelig oor die vloei van inligting wat baie belangrik is ten opsigte van misdaad, tendense en patrone. Die identifisering van verdagte mense en voertuie, wat substantief betrokke is by misdaad op landbougrond, asook die mobilisasie van boere tydens aanvalle op plase word ook bespreek. Daar is ook riglyne oor die insameling van inligting met betrekking tot georganiseerde misdaad wat deur verskillende strukture na die polisie se gespesialiseerde eenhede gekanaliseer word. Die identiteitsprofiele van alle inwoners op plase is ook van belang om te verseker dat boere nie booswigte aanstel nie.

Esterhuyse sê die bestaande strukture, soos onder meer die plaaswagstelsel, vervul ‘n belangrike rol in die skep van ’n veilige landboubedryf in die Vrystaat.

Bron: OFM Nuus

Kwaadwillige gerugte oor Parys-plaasaanval versprei

ANC-handlangers is skynbaar besig met ‘n onverbloemde heksejag teen wit mans wat hulself wou beskerm teen swart plaasaanvallers.

Elf wit mans, waaronder ‘n 17-jarige seun en ‘n polisiebeampte, verskyn vandag in die Parys-landdroshof in verband met die moord op twee vermeende swart plaasaanvallers.

Die mans, meestal boere, het na bewering vir Samuel Tjixa en Simon Jubeba op 6 Januarie vermoor nadat hulle glo ‘n bejaarde boer op sy plaas buite Parysaangeval het.

Loedie van der Westhuizen (73) is verwant aan vyf van die beskuldigdes.

Kwaadwillige gerugte word nou as “harde nuus” versprei deur amptelike nuuskanale dat die boer nie aangeval is nie, maar dat hy homself beseer het.

Die Nasionale Vervolgingsgesag het dit intussen as spekulasie afgemaak.

Vier nuwe verdagtes, insluitend die minderjarige seun, is Dinsdag in verband met die moorde in hegtenis geneem en het gister in die hof verskyn.

Miela Jansen van Vuuren, Cor Loggenberg en Loedie van der Westhuizen is borgtog van R10 000 toegestaan terwyl die minderjarige in die sorg van sy ouers vrygelaat is.

Aanklagte teen nóg twee mans, ‘n pa en seun, is vroeër laat vaar weens ‘n gebrek aan bewyse.

Die ander verdagtes wat vandag verskyn is die bejaarde Van der Westhuizen se seun, Boeta, Anton Loggenberg, polisiekaptein Henk Prinsloo, Fanie Oosthuizen, en Wian, Müller en Lodewikus van der Westhuizen.