Die polisie in die Vrystaat soek steeds na ‘n vyfde swart verdagte wat Maandag betrokke by ‘n plaasaanval op Warden.
Die eienaars van die plaas se identiteit word om veiligheidsredes nie bekend gemaak nie.
Polisiewoordvoerder, Thandi Mbambo, sê vier verdagtes is kort ná die voorval waarin drie televisiestelle, ‘n digitale kamera, selfone en ‘n beursie gesteel is, op die N3 by Villiers in hegtenis geneem.
Sy sê die polisie in samewerking met plaaslike boere en patrollies op die snelweg het nou saamgewerk om ‘n blou BMW met ‘n Limpopo-registrasienommer, waarin die booswigte op die vlug geslaan het, op te spoor.
Sy sê die verdagte motor is op die N3-snelweg gesien. Die booswigte het egter die snelweg verlaat toe hulle die polisie gewaar. Hulle het ‘n slaggat in die straat in Villiers getref.
Mbambo sê ‘n jaagtog tussen die polisie op Villiers en die rowers in die motor het plaasgevind, waarna die rowers die motor in die pad gelos het nadat dit ‘n slaggat getref het. Hulle het verder te voet gevlug, maar is in ‘n halfuur aangekeer.
Mbambo sê ‘n 9mm pistool met ammunisie is in een vandie verdagtes se besit gevind. Daar is ook beslag gelê op al die gesteelde goedere.
Mbambo sê al vier verdagtes sal na verwagting môre in die landdroshof op Warden verskyn op ‘n aanklag van huisroof.
Die vierde verdagte sal na verwagting ook Donderdag in die landdroshof op Villiers verskyn. Hy word ook van die besit van ‘n onwettige vuurwapen en ammunisie aangekla.
Mbambo sê daar is ook beslag gelê op die BMW wat deur die booswigte gebruik is. Die polisie kon nog nie die eienaarskap van die motor vasstel nie.
Volgens die voorsitter van Warden-landbouvereniging, Hendri Jansen van Rensburg, het die aanvallers in die oggend op die werf opgedaag.
Die werknemers is glo erg getraumatiseerd na die voorval waar hulle met vuurwapens aangehou en toe vasgebind is.
Dit is die 21ste plaasaanval in die Vrystaat tot dusver vanjaar.
Vrystaat Landbou (VL) sê die voorval word as ‘n plaasaanval bestempel omdat geweld betrokke was.
Twee mense is vanjaar reeds op plase in die omgewing vermoor. Dit sluit onder meer die moord op dr. Bennie Cilliers op die plaas Gouda by Rouxville in.
Altesaam vyf aanvalle op plase het verlede maand in die Vrystaat plaasgevind.
“Die eienaars van die plaas se identiteit word om veiligheidsredes nie bekend gemaak nie.”
Kan en wil iemand dit hier toelichten tegen de achtergrond van een reeds gepleegde aanval nr 5001 ?, die wederom niet is voorkomen door de anc sacp staat ?
Verwacht men eventueel nog een aanval op dezelfde dag omdat men op die Plaas is verzwakt ?
Of is dat juist deel van maskering van de harde feiten die minstens op grove nalatigheid duiden van het schrikbewind ?