Suider-Afrika – Bladsy 34

Slegte paaie, geen wetstoepassing veroorsaak ongelukke

Slegte padonderhoud en die gebrek aan wetstoepassing is die hoofoorsake van die hoër hoeveelheid ongelukke op Suid-Afrikaanse paaie, het die AA Woensdag gesê. AA-woordvoerder Gary Ronald het gesê omtrent 5% van die ongelukke op Suid-Afrika se paaie word veroorsaak deur slegte padtekens en swak toestande van padoppervlakte.

“Die gebrek aan padonderhoud het gelei tot die algehele agteruitgang van die paaie, wat die syfer heelwat opgestoot het,” het hy gesê.

Wetstoepassing was een van die groter probleme, het hy gesê, met taxi’s en motoriste wat almal ‘n flagrante disrespek toon vir eenvoudige verkeersreëls.

“In amper elke geval, word ‘n ongeluk voorafgegaan deur ‘n verkeersoortreding,” het hy gesê.

In 2008 was daar 9.2 miljoen motors op Suid-Afrikaanse paaie en 900 000 ongelukke, het Ronald gesê. “Dit maak vir ‘n verbysterende 10% van alle voertuie op die pad, met ‘n koste aan die ekonomie gelykstaande aan 3% van die nasionale bruto binnelandse produk en meer as 42 sterftes elke dag.

Ronald het gesê padongelukke is net so groot probleem vir die land as sake soos vigs en misdaad.

“Dit word gereken dat padongelukke ‘n derde van die leidende oorsake gaan wees van onnatuurlike sterftes teen 2020, wat dit hoër as vigs sal plaas,” het hy gesê.

Ronald het padgebruikers aangemoedig om die AA se Paas-ligte-aan-veldtog te ondersteun, waarin motoriste aangemoedig word om ten alle tye met die ligte aan te ry.

Deur met ligte aan te ry help om bewustheid te skep onder kwesbare padgebruikers, omdat motors meer sigbaar is.

“Indien die veldtog ernstig opgeneem word deur genoeg motoriste, kan dit ons ‘n vertrekpunt gee om te kan sien of daar ‘n sigbare vermindering is in padongelukke om die regering te motiveer om die bestuur met ligte aan wetgewing te maak,” het Ronald gesê.

Saam met die toestand van die paaie en die wetstoepassing, het Ronald gesê ander areas van kommer is openbare persepsie en bewustheid, korrupsie, gemeenskapsbetrokkenheid, padgebruikeropvoeding en breë opvoeding en kommunikasie.

Drie vir moord en roof gearresteer in Kagiso

Drie mans is Woensdag in Kagiso gearresteer vir moord, roof en die besit van onwettige vuurwapens, het die Gautengse polisie gesê.

Hulle word daarvan verdink dat hulle die eienaar van die huis wat hulle beroof het vermoor het, het inspekteur Solomon Sibiya gesê.

Polisie wat in Kagiso patrolleer het omstreeks 3:20 het ‘n voertuig gesien wat verdag gelyk het. Hulle het die voertuig gestop en die drie insittendes deursoek, waarna hulle twee ongelisensieerde wapens gevind het.

In die kar het die polisie ‘n LCD plasmaskerm televisie gevind asook ‘n skootrekenaar, ‘n luidspreker en ‘n sak met klein goedere soos bloutandtoerusting en skoene.

Toe hulle gevra is waar hulle die goed gekry het, het een van die mans na bewering erken dat hulle vroeër die aand ‘n huis in Honeydew beroof het.

Die drie is gearresteer vir huisbraak en die besit van onwettige vuurwapens en ammunisie.

Die drie word aangehou in Kagiso en sal in die hof verskyn. 'n Klag van moord sal waarskynlik by die klagstaat gevoeg word.

Man helder oordag doodgesteek

‘n Twee-en-twintigjarige man van Howick is gearresteer na hy klaarblyklik ‘n 50-jarige man doodgesteek het in Bellstraat in Howick, het KwaZulu-Natalse polisie Woensdag gesê.

Superintendent Henry Budham het gesê polisie het ‘n boodskap ontvang van ‘n moord buitekant ‘n taverne in Bellstraat omtrent 3 uur die middag.

Polisie het die liggaam van die 50-jarige Pipi Zuma buite die taverne gevind met verskeie steekwonde aan sy liggaam.

Zuma was klaarblyklik saam met iemand anders by die taverne waarna die twee het betrokke geraak het in ‘n argument. Hulle het die taverne verlaat en ‘n argument het uitgebreek, waarna Zuma doodgesteek is.

‘n Mes, waarskynlik die moordwapen, is opdie toneel gevind.

Polisie het ‘n 22-jarige man gearresteer wat binnekort voor die landdros in Howick moet verskyn.

Die ondersoek na die moord duur steeds voort.mobile casino no

SAOG ondersteun sanksies teen Madagaskar

Suid-Afrika het Woensdag gesê hulle sal sanksies teen Madagaskar se nuwe weermagondersteunde regering steun wanneer Suider-Afrikaanse leiers volgende week ‘n beraad hou.

“Ons ondersteun die nie-erkenning van Madagaskar, ons ondersteun druk, insluitend wat ook al op besluit mag word, sanksies…,” het die minister van buitelandse sake, Nkosazana Dlamini-Zuma, aan verslaggewers gesê.86 купить

Zimbabwe moet eers agterstallige skuld betaal

Die verlenging van die IMF se finansiële en tegniese hulp aan Zimbabwe sal afhang of die regering sy agterstallige skuld betaal en goeie beleidsrigtings in plek kry, het die fonds Woensdag gesê.

“Die IMF staan gereed om die owerhede te help deur middel van beleidsadvies. Tegniese en finansiële hulp van die IMF sal net afhang van die bewys van ‘n rekord van goeie beleidsimplimentering, skenkerondersteuning en oplossing van agterstallige finansiële verpligtinge aan amptelike krediteure,” het die IMF gesê.

gladiator video Александр Фильчаков

Tree op teen burgemeester se lyfwagte, vra VF+

Die Vryheidsfont Plus het gesê dat hy amptelik van die Tshwane-metroraad se munisipale bestuurder, mnr. Kiba Kekana, gaan versoek dat daar dissiplinêr opgetree moet word teen die lyfwagte van die Burgemeester, dr. Gwen Ramokgopa, wat joernaliste verhoed het om die hofverrigtinge van haar dogter by te woon.

Volgens berigte is joernaliste en lede van die publiek wat die Burgemeester se dogter se hofverskyning wou bywoon, deur Ramokgopa se lyfwagte verhoed om die hofsaal binne te gaan. Ramokgopa se dogter het in die hof verskyn oor aanklagte wat verband hou met die besit van dwelms.

Volgens dr. Conrad Beyers, VF Plus-raadslid, was die hofverrigtinge oop vir lede van die publiek, insluitende joernaliste. Boonop het die Burgemeester se lyfwagte geen jurisdiksie in die betrokke hof nie.

“Dit was die joernaliste se grondwetlike reg om die verrigtinge by te woon. Die Burgemeester se bloulig-bende is duidelik van mening dat hulle bo die wet, insluitende die grondwet, verhewe is. Hulle was total buite orde en behoort dissiplinêr ondersoek te word”, het Beyers gesê.

Die VF Plus het sy standpunt herhaal dat dit buitensporig is om ongeveer 18 persoonlike lyfwagte vir die Burgemeester te reserveer terwyl die res van die stad se inwoners in vrees vir misdaad leef. “Daar moet ook gekyk word na die magte wat die lyfwagte het. Hulle taak is om die Burgemeester se veiligheid te verseker – die joernaliste was geen bedreiging vir haar veiligheid nie. Hulle was slegs met penne gewapen en nie swaarde nie.”

прокурор Фильчаков

Cholera gevind in rivier in Johannesburg

‘n Onafhanklike watermonster wat geneem is van die Jukskeirivier het die teenwoordigheid van cholera onthul, maar die departement van waterwese het moet nog die teenwoordigheid van die wateroordraagbare siekte bevestig.

Paul Fairall, ‘n omgewingskonsultant en die voorsitter van die Jukskeirivieropvangsgebiedbestuursforum het verlede week die uitslae ontvang van twee monsters wat uit die rivier geneem is.

Een van die monsters, wat geneem is in die Dewetshofgebied, onder Bezuidenhoutvallei, toon tekens van cholera. Die tweede monster wat geneem is uit die Jukskei by Marlboro was skoon.

Fairall het gesê dit is die tragiese resultaat waar duisende vlugtelinge in die middel van Johannesburg woon.

Op Maandag het die departement gesê dat hulle geen cholera gevind het in die Jukskei nie, maar dat hulle gaan begin om te toets daarvoor.

“Met al die fekalebesoedeling wat in die Jukskei plaasvind, is dit hoogs waarskynlik dat cholera opgespoor sal word,” het Leonardo Manus, bestuurder van die drinkwaterkwaliteitsregulering by die departement gesê.

Hy het gesê streekspersoneel sal aan die gemeenskappe wat meer waarskynlik die water sal drink, die gevare daarvan moet uitwys om onbehandelde water te drink.

Zimbabwe gaan inflasiedata vrystel

Zimbabwe sou Dinsdag nuwe inflasiedata vrystel, die eerste nuwe aankondiging in die verband sedert Oktober, het die sentrale statistiek kantoor gesê. Die amptelike syfer het na ‘n rekord van 231 miljoen persent gestyg.

Die land sukkel met ‘n erge ekonomiese krisis en het die gebruik van buitelandse geldeenhede toegelaat om hiperinflasie te tem. Dit is die hoogste inflasie in die wêreld vir ‘n land wat nie in oorlog gewikkel is nie.игри для дэвочэк топкарго

Onderwysers nou al drie maande nie betaal nie

In Limpopo is tydelike onderwysers nou al vir drie maande nie betaal nie. Hulle salarisaansoeke lê onaangeraak. “Ek was hoogs ontsteld om uit te vind dat ons kantore meer as 'n honderd salarisaansoekvorms vir tydelike leerkragte het wat nie geprosesseer is nie,” sê Limpopo se LUR vir onderwys, Aaron Motsoaledi. “Ek weet nie hoekom die vorms nie geprosesseer is nie en probeer vasstel wie vir die wangedrag verantwoordelik is.”

Motsoaledi het 'n ondersoek gelas nadat hy klagtes ontvang het. Hy sê die departement beskou die wanbetaling van hierdie onderwysers in 'n ernstige lig, siende dat dit beslis 'n uitwerking op hulle werk sal hê.

Hy het die versekering gegee dat die departement “dag en nag” werk om te verseker dat die onderwysers hulle salarisse so gou as moontlik sal onvang.

Motsoaledi sê skoolhoofde kan nie verantwoordelik gehou word vir die wanbetaling nie aangesien hulle nie die verantwoordelikheid het om tydelike onderwysers aan te stel om poste by hulle skole te vul nie.

“Tensy die skoolhoofde die departement omtrent die aanstellings inlig en die relevante dokumente indien, is dit moeilik vir hoofkantoor en distrikskantore om te weet dat die onderwysers nie betaal word nie,” sê hy.

“Onderriggewers vervul 'n essensiële diens wat 'n aansienlike bydrae maak tot die ontwikkeling van ons provinsie en ons land en ons wil hulle graag verseker dat ons alles sal doen om te sien dat hulle betaal word.”

casino online прокурор Фильчаков

Burgemeesteres se dogter kry nie voorkeurbehandeling nie, s? Metropolisie

Die Tshwane Metropolisie het beweringe ontken dat die uitvoerende burgemeesteres, Gwen Ramokgopa, se dogter voorkeurbehandeling ontvang het nadat sy gearresteer is tydens 'n dwelmklopjag by haar skool.

Kommissaris Mpho Mmutle, die strategiese uitvoerende direkteur van die munisipaliteit se gemeenskapsveiligheidsdepartement het oor die naweek gesê dit is onwaar dat Ramokgopa se kind toegelaat is om die Brooklynpolisiestasie vroeg Vrydag te verlaat terwyl ander kinders ure moes wag voordat hulle aangekla is.

Mmutle het gesê dat sy inderwaarheid die laaste een was om die polisiestasie te verlaat.

no deposit mobile slots

Zimbabwe moet eers hervorm voor hulp invloei

Zimbabwe se $5 miljard (omtrent R50 miljard) korttermyn ekonomiese herstelplan wat die week bekendgemaak is, lyk asof dit vir seker gaan misluk tensy wet en orde weer herstel word, soos die internasionale skenkers vereis.

President Robert Mugabe, die Zanu-PF leier en Tendai Biti, die minister van finansies van die MDC, het ‘n podium gedeel in Harare terwyl Mugabe die buitelyne van die plan geskets het, wat insluit ‘n einde aan prysbeheer en die verligting van buitelandse beheer en investering spesifiek in landbou en infrastruktuur.

Biti het gepraat daarvan dat Zimbabwe dalk die rand as geldeenheid kan aanvaar, maar het beklemtoon dat wet en orde weer herstel moet word voor ekonomiese herstel moontlik is.

Maar tot die verrassing en teleurstelling van baie mense in die koalisieregering, en ook Suid-Afrika, op wie Morgan Tsvangirai gereken het vir vinnige hulp, vra Westerse skenkers bewyse dat wet en orde herstel is voordat hulle groot geld in die land gaan inpomp.

Owerhede het gesê dat Tito Mboweni, SA se reserwebankgoewerneur en Trevor Manuel, die minister van finansies, ook huiwerig is om geld aan Zimbabwe beskikbaar te maak terwyl Gideon Gono die hoof van die reserwebank daar bly.

Gono se wilde beleidsbesluite word gesien as rede vir die chaotiese ekonomie in die land.

‘n Minister in die nuwe regering wat anoniem wil bly het gesê: “Niks konkreets is sover op ooreen gekom met Suid-Afrika nie. Dit is effens teleurstellend na die rol wat hulle gespeel het om die koalisieregering in plek te kry, ons sou verwag dat hulle vinnig sou optree en te help om hulle skepping te stabiliseer.”

In ‘n dramatiese verandering van sy gewone “Ons sal dit alleen regkry” verklaring, het Mugabe die week ‘n passievolle versoek gerig vir internasionale hulp om in werking te tree om sy land se ekonomie wat al beter dae gesien het te help.

Maar ‘n senior IMF-beampte het aan ‘n vergadering van burgerlike organisasies gesê: “Ons kan nie net intree en help om die begroting te versterk nie. Ons wil gesonde beleidsveranderinge sien gebeur.”

Skandinawiese skenkers, van wie Zimbabwe verwag het om meer simpatiek te wees, hou ook terug op die hulpfondse.

Dit wil voorkom asof Mugabe werklike veranderinge sal moet maak voordat die hulpkrane oopgedraai gaan word.

Ramaphosa kry spoedboete

Die uitvoerende voorsitter van Shakuda Group, Cyril Ramaphosa, is in die hof met R3000 beboet na hy gevang is toe hy te vinnig gery het in Midrand, het sy persoonlike assistent Maandag gesê.

Ramaphosa was teen omtrent 2 uur Saterdag oggend op pad terug van ‘n vergadering wat toegespreek is deur ANK-president Jacob Zuma toe hy gevang is in Midrand, het Maureen Mphatsoe gesê.

Ramaphosa wat voorheen ‘n ANK-sekretarisgeneraal was en ook die leier van die unie van mynwerkers, is na die polisieselle geneem en later op borgtog van R500 vrygelaat, met die instruksies dat hy Maandag in die hof moet verskyn.

Hy het 162 km per uur gery toe hy gevang is.

Mphatsoe het gesê Ramaphosa was baie beïndruk met die professionele manier waarop die polisie die saak hanteer het. Hy het gesê hulle was regverdig en het korrek opgetree, het sy gesê.

Metropolisiewoordvoerder, superintendent Wayne Minnaar het gesê 25 mense is gearresteer vir spoedoortredings tussen Vrydagaand en vroeg Saterdagoggend.

Man doodgesteek deur inbrekers

‘n Man van 68 is doodgesteek deur twee swart mans in sy huis in Redford in Port Elizabeth, het Oos-Kaapse polisie Maandag gesê.

Inspekteur Dumile Gwavu het gesê Pieter William van der Poel se 65-jarige vrou is wakker gemaak deur die geraas in hul huis in Topazstraat in die vroeë oggendure van Sondag.

Sy het ontdek dat van der Poel besig was om met twee swart mans te worstel in die gang – een het hom vasgehou en die ander het hom herhaaldelik gesteek.

Die vrou het gegaan om ‘n vuurwapen te gaan haal, maar die twee swartes het gevlug.

Sy het haar man gevra waar hulle heen is, en is meegedeel dat hulle deur ‘n venster van die eerste verdieping gespring het.

Die twee swartes het ‘n leer gebruik om die venster te bereik waardeur hulle ingeklim het.

Van de Poel het inmekaar gesak en is dood voor die paramedici op die toneel kon verskyn.

Hy het steekwonde aan sy bors, rug en albei arms opgedoen en het erg gebloei.

‘n Saak van huisbraak en moord gaan ondersoek word, het Gwavu gesê.

печка купить лобановский харьков

4 Onderwysers vergiftig

Vier onderwyses het Maandag insekgif geabsorbeer by ‘n laerskool in KwaZulu-Natal, en is na ‘n kliniek gehaas vir mediese behandeling, het paramedici gesê.

Netcare 911-woordvoerder Chris Botha het gesê een onderwyser is in ‘n kritieke toestand terwyl die ander drie se toestand ernstig is.

Die onderwysers het organofosfaat ingekry by die Mkobozi Laerskool in Esikhawini op die KZN noordkus. Die skool is intussen ontruim.

Daar word geglo dat ‘n man Vrydag die skool binnegekom het en insekdoder gesprei het regdeur die perseel.

“Onderwysers het Maandag by die skool aangekom en die gif deur hulle vel geabsorbeer,” het Botha gesê.

Geen kinders is geaffekteer nie omdat hulle ontruim is. Botha het verduidelik dat wanneer ‘n gebou met so gif gesprei word, dit omtrent 4 dae neem voordat enige iemand die gebou kan binnegaan.

Organofosfaatiddels is ‘n diverse groep chemikalieë wat beide in huishoudelike en industriële toepassings.

Voorbeelde van organofosfate sluit in insekdoders, senuweegasse soos sarin en plantdoders.

прокурор Фильчаков