Etiket: VSA

Ras, ras, ras: Obama in trane

Die uittredende Amerikaanse president, Barack Obama, het in ‘n emosionele afskeidstoespraak in Chicago Amerikaners gevra om op te staan vir Amerika se “waardes” en om alle vorme van diskriminasie te verwerp.

Die uittredende swart president het gesê rasverskille bly ‘n verdelende krag in die VSA.

Obama het gesê die suksesse wat in sy tyd behaal is sluit in die ekonomiese herstel, die kernwapen-ooreenkoms met Iran en die wettiging van huwelike tussen dieselfde geslagte.

Hy het die afskeidstoespraak gebruik om die aangewese president, Donald Trump, se beleidsvoorstelle skerp te kritiseer.

In die nominasie-sittings sal al die Trump-aanstellings vir sleutelposte na verwagting oor rasverskille gebraai word. Dit blyk dat dit die enigste idee is wat die Demokrate oor het na hul geweldige terugslag met die verkiesing.

Jeff Sessions, wat Trump vir prokureur-generaal wil aanstel moes Dinsdag bontstaan oor rassisme-aantygings.

Onder die komende sittings is een Woensdag vir Exxon Mobil se baas, Rex Tillerson, Trump se keuse vir minister van buitelandse sake.

Demokrate en Neocon-Republikeine is bekommerd dat hy te naby is aan Rusland. Afgetrede Marine Corps Gen. James Mattis, is die keuse vir verdedigingsekretaris. Sy rassisme-vere gaan na verwagting Donderdag gepluk word.

Nou het dit ook bekend geraak dat die borsbeeld van Martin Luther King uit die Ovaalkantoor gesmyt gaan word, en Winston Churchill gaan teruggeplaas word op sy plek.

Obama het Winston verwyder.

Anti-Russiese histerie het dieselfde bron as Irak se WMV

Dieselfde amptenare in Washington wat die oorlog in Irak aangeblaas het, is nou verantwoordelik vir anti-Russiese histerie.

Die vernaamste skuldiges herhaal eise dat Rusland die Demokratiese Party se kommunikasie onderskep het: James Clapper, die direkteur van nasionale intelligensie, sowel as senatore Lindsey Graham en John McCain.

Clapper was instrumenteel in die fasilitering van die bedrieglike intelligensie oor Irak. Verdedigingsekretaris Donald Rumsfeld het Clapper in beheer van die analise van satellietbeelde geplaas, die beste bron vir die soek en vind van die ligging van wapens van massavernietiging.

Soos Newsweek berig het in 2010:

“President Obama se nominasie van die Pentagon intelligensiehoof James Clapper as intelligensietsaar het die Bush-era debat laat ontvlam oor hoe en waarom agentskappe Saddam Hussein se wapens-van-massa-vernietiging arsenaal voor die inval in Irak Maart 2003 oorbeklemtoon het. Clapper het ‘n belangrike rol gespeel in daardie ramings; tussen 2001-2006 was hy die hoof van die Nasionale Georuimtelike-intelligensie-agentskap, die Pentagon se eenheid wat verantwoordelik is vir die interpretasie van spioenasie satellietfoto’s en ander tegniese intelligensie soos lugdeeltjies en grondmonsters.”

Die voorsitter van die Senaat se gekose Komitee oor Intelligensie, Jay Rockefeller het tot die gevolgtrekking gekom dat, “In die vervaardiging van die saak vir oorlog, het die [Obama] administrasie herhaaldelik intelligensie aangebied as ‘n feit toe in werklikheid ongegrond was, weerspreek is, of selfs nie-bestaande.”

Voormalige generaal Colin Powell sê self dat sy toespraak by die Verenigde Nasies in 2003 ter bevordering van die rasionaal vir die oorlog in Irak, ‘n “klad” op sy rekord is. Die toespraak het detail uiteengesit oor Irak se wapenprogram, maar intelligensie sou later onomwonde bevestig dat die program nooit bestaan ​​het nie.

Teen die tyd dat dit duidelik was dat daar nooit WMV in Irak was nie, en Clapper gevra is om sy leuens te verduidelik, het hy gegorrel dat die WVM “waarskynlik verskuif is na Sirië”.

Dat Clapper gereeld lieg, is duidelik. Op 12 Maart 2013 het hy voor die Kongres valse getuienis gelewer oor die omvang van die NSA se data-insameling oor Amerikaners. Vier maande later, na die Edward Snowden onthullings, het hy aan die Senaat erken sy getuienis was “duidelik foutief”.

Newsweek het Lindsey Graham as een van Clapper se geesgenote beskryf: “Een van die grootste rasieleiers vir die oorlog in Irak ….” Graham het nou ‘n beroep gedoen dat “rotse, nie klippies nie” op Rusland moet reën.

In die 2003 aanloop tot die oorlog in Irak, het John McCain en Graham se verskynings op TV-debatte soos Meet the Press, Fox News Sunday, en Face the Nation te kere gegaan oor Saddam Hussein se wapens van massa vernietiging.

McCain het op 16 Februarie 2003, op Face the Nation, oorlog aangehits op grond van intelligensie wat wapens van massavernietiging “onthul” het in Irak. Nou beweer dieselfde McCain dat Rusland die VSA in ‘n kuberaanval geteiken het, en dat dit noodwendig oorlog beteken.

Daar is nog geen bewyse van Russiese aandadigheid nie, maar soos in die geval van Irak, hoop die drie die konflik breek uit voor hul aanklagte as vals ontbloot word, as dit reeds te laat is.

Nie die bloed van miljoene mense op hul hande traak die drie nie.

Top-Trump raadgewer sê CIA se kierangs gaan braai

‘n Topassistent van verkose pres. Donald Trump het Sondag gesê Amerika het oneweredig opgetree toe hy besluit het om 35 Russiese diplomate uit die VSA te skop.

‘n Vliegtuig met 35 Russiese diplomate en hul families moes Washington Sondag verlaat en terugkeer na Rusland, nadat die Obama-administrasie naarstiglik na redes moes soek om verhoudinge tussen Rusland en die VSA verder te versuur voordat Trump oorneem.

Pres. Barack Obama het dié diplomate uit die land geskop nadat vals nuus versprei is oor Rusland se beweerde inmenging in die Amerikaanse presidentsverkiesing.

Sean Spicer, Trump se nuwe Withuis-woordvoerder, het aan ABC gesê hy gaan moeilike vrae aan Amerikaanse spioene vra.

Obama se stap om die Russiese diplomate uit te skop, volg ná ‘n ondersoek deur die CIA, die Amerikaanse geheime diens. Dit het sedertdien duidelik geword dat die CIA ‘n duidelike politieke agenda nastreef net soos met hul liegstories oor “wapens van massavernietiging” in Irak as verskoning om die Midde-Ooste te gaan destabiliseer.

Trump vergader vandeesweek met die intelligensiedienste.

Hy het die laaste tyd bewerings deur Amerikaanse intelligensieagentskappe dat Rusland die Amerikaanse presidentsverkiesing met kuberkrakery wou beïnvloed, van die tafel gevee.

Spicer sê toe kuberkrakers van China in 2015 op die Amerikaanse regering se rekenaarstelsels toegeslaan en die persoonlike inligting van vier miljoen huidige en voormalige federale werknemers gesteel het, was daar geen openbare optrede nie.

“So ‘n mens kan vra of daar hierdie keer politieke vergelding was eerder as ‘n diplomatieke reaksie,” sê Spicer.

Die diplomate het 72 uur gehad om die land te verlaat.

Intussen het Media24 die CIA se wolhaarstories van CNN gedienstig herhaal:

“Volgens dié koerant [Guardian] het die Russiese owerhede reeds opdrag gegee dat die Anglo-Amerikaanse skool in Moskou gesluit word waar die kinders van Amerikaanse, Britse en Kanadese diplomate skoolgaan. Dit kan verreikende gevolge vir Westerse diplomate in die Russiese hoofstad inhou.”

Dié vals nuus kom van CNN en die Guardian het bloot herhaal wat CNN berig het.

Die inligting oor die sluiting van die Anglo-Amerikaanse skool in Moskou is versprei deur CNN en is heeltemal vals, het die Russiese ministerie van buitelandse sake se woordvoerder, Maria Zakharova, op haar Facebook gesê.

“Amerikaanse amptenare is ‘anoniem ingelig’…Dit is ‘n leuen. Blykbaar het die Withuis heeltemal sy beheer verloor oor sy sintuie en begin nou sanksies teen sy eie kinders uitroep.”

“Die CNN TV-kanaal en ander Westerse media het weer vals inligting versprei met verwysing na die amptelike Amerikaanse bronne,” het Zakharova gesê.

‘n Groter kopseer vir die anti-Trump juigkommando by Naspers, is WikiLeaks. Julian Assange het nog plofbare materiaal belowe en reeds aangedui dat dit 1000 persent seker is dat Rusland nie kuberinbrake gepleeg het wat die Demokrate se onderduimshede ontbloot het nie.

Naspers ignoreer WikiLeaks soos ‘n stopstraat, terwyl Leopold Scholtz op Maroela Media probeer voorgee dat hy nog nooit ‘n Hillary-ondersteuner was nie.

Bevryde Aleppo vier fees

Terwyl ‘n amptelike verklaring oor die situasie uit Damaskus moet kom, het ‘n bron naby aan Siriese weermaghoofkwartier aan RIA Novosti gesê dat die weermag op die rand is daarvan om die stad van terroriste te bevry.

Jubelende Siriërs het die strate ingevaar om hul bevryding te vier.

Die hele gebied is byna volledig herower in en om Aleppo en is sowat 18 000 vierkante kilometer, ‘n groter gebied as die hele Katar of Libanon.

Vroeër Maandag, het die Russiese ministerie van verdediging aangekondig dat meer as 13 000 burgerlikes gered is van militante dele van Oos-Aleppo met die hulp van die Russiese Sentrum vir Versoening oor die afgelope 24 uur.

Maar op die Franse radiostasie, France Culture, se korrespondent in Aleppo het ‘n onderhoud gevoer met ‘n Siriese man wat hartseer is om sy vernielde woning weer te sien, met geen ruimte vir enige beskrywing van hoe dit dalk kon gebeur het nie.

Die hele segment was opgestel teen die beleid van president Assad, met geen verwysing na die regime verandering wat deur buitelandse magte op die land afgedwing is nie. Die radio-onderhoud het eerder die “gevaar vir die wêrelderfenis” in Palmyra aan Assad toegeskryf, ‘n klassieke voorbeeld van “valse nuus”. Woedende luisteraars het gereageer en gesê die invloed van Katari-geld in Frankryk moet bevraagteken word.

Mense van Aleppo het intussen in die strate uitgevaar na ‘n oorwinning van die Siriese weermag oor Al-Qaeda en naderende einde van die stryd om hul stad. Groot opslagplekke met buitelandse ammunisie, kos en medisyne is gevind in die kwartiere die vlugtende Takfiris.

Die uittredende sekretaris-generaal van die Verenigde Nasies, Ban Ki Moon, het sy kommer uitgespreek oor onbevestigde berigte van “groot mensevergrype” in Aleppo die afgelope paar uur, maar kon geen voorbeelde gee nie. Hy het self benadruk dat die berigte nie bevestig kon word nie

Hy het sy spesiale gesant in Sirië opdrag gegee om met die betrokke partye te beraadslaag. Ban het ‘n beroep op die Siriese regering en sy bondgenote gedoen om burgerlikes te beskerm.

Die VN se raadgewer oor humanitêre aangeleenthede het vroeër gesê Sirië en Rusland is aanspreeklik vir die vergrype deur pro-regeringsmagte, sonder enige feite.

Volgens die VN is sowat 50 000 Siriërs in Aleppo vasgekeer wat daagliks onder bomaanvalle deurloop. Die Siriese regering sowel as Rusland het nog nie op die onbevestigde aantygings gereageer nie.

Sergei Lawrof het egter aan Reuters gesê die VSA is moontlik aanspreeklik vir die aanval op Palmyra om die aandag af te lei van hul nederlaag in Aleppo.

Die kommunikasie van die Siriese weermag is glo deur ‘n buitelandse mag versteur sodat hulle nie die opbou in Palmyra opgemerk het nie.

Shakespeare moet plek maak vir onbekende swart feminis

Anti-wit studente aan die Universiteit van Pennsylvania, in die VSA, het ‘n portret van Shakespeare by die Engelse departement van die muur afgeruk en gekla dat hy nie “diversiteit” verteenwoordig nie.

Dit lyk asof “diversiteit” oor die uitsluiting van hoofsaaklik blankes gaan. Alles wat “witheid” verteenwoordig, moet gevandaliseer word.

Die hoof van die departement het dit bevestig, en sonder ironie in ‘n verklaring gesê dit moet beskou word as ‘n “manier om hul verbintenis te bevestig aan ‘n meer inklusiewe opdrag vir die Engelse departement,” het The Daily Pennsylvanian berig.

Die “progressiewes” glo klaarblyklik dat middelmatige onbekende skrywers groot name sal word as hulle mure versier.

Die Departementshoof Jed Esty het gesê die digter van Avon is vervang met Audre Lorde, ‘n onbekende Afro-Amerikaanse feminis. Haar mees beroemde uitspraak volgens haar volgelinge was: “Ek wil graag skryf oor nog ‘n stukkie fiksie wat handel oor ‘n aantal kwessies van lesbiese ouerskap in die 1960’s, en veelrassige verhoudings in die lesbiese en homoseksuele gemeenskap.”

Lorde is nog nooit vertaal in ‘n ander taal nie, en nie een van haar volumes geskrifte is gekatalogiseer nie. Haar gedigte is nie welsprekend of inspirerend nie. Dit kom neer op die gewone skril revolusionêre Marxisties-kulturele gemeenplase, in eindelose eendimensionele herhalings van retoriek en hiperbool.

Esty het bevestig dat Lorde se afskuwelike foto sal bly in Shakespeare se plek, en die gewone ou saai tipe aankondiging gemaak van ‘n stigting van ‘n “werkgroep” om te help “monitor aan die proses” van rassetransformasie.

Dit is duidelik uit die verklaring dat Esty is te bang is om oor die rasse-onderwerp direk te praat.

‘n Wit student, Mike Benz, duidelik idioties verlinks, het sy genoegdoening uitgespreek oor die “kultuur-storing” maar natuurlik kon hy geen inhoud daaraan toevoeg nie.

Nigel Farage: mediakrisis o.a. te wyte aan te veel homoseksuele by BBC

“Die mediabedryf verkeer in ‘n baie erge krisis,” het die Britse politikus Nigel Farage onlangs gesê. Hy het ook in ‘n bedekte verwysing na homoseksuele laat val dat die BBC die verkeerde mense in diens neem, veral as hul “lewensstylkeuses in ag geneem word – en dis ‘n verwysing na oriëntasie, sal ons maar sê, en weereens is hulle nie verteenwoordigend van wat ‘n mens buite Londen sien nie. Dus, weereens, moet die bedryf sy indiensnemingsbeleid geheel en al verander.”

Nigel Farage is ‘n voormalige leier van die VK-onafhanklikheidsparty, UKIP, en word allerweë beskou as die man wat die stem ten gunste van “Brexit” geswaai het. Hy het die opmerkings gemaak tydens die NewsXchange-konferensie in Kopenhagen, Denemarke, waar hy ook met die invloedryke regse webblad Breitbart ‘n onderhoud gevoer het.Volgens hom was die media die “grootste verloorders” in 2016, ‘n jaar van “politieke revolusie”.Hy sê: “Dit was ‘n jaar van politieke revolusie, asook ‘n totale ramp vir die meningsopnamebedryf en die media-uitsaaibedryf. As hulle verkeerd was oor Brexit, was hulle dubbel verkeerd oor Trump.

Hy het veral die krisis in die Sweedse media uitgesonder, wat hy die “ergste ter wêreld” genoem het. “Ek dink die heel ergste uitsaai-organisasie ter wêreld is in Swede. Swede is heeltemal afgesny, want daar is geen dekking nie.

“Hulle word nie eens toegelaat om die nasionaliteit van iemand wat ‘n misdaad pleeg te vermeld nie. Dit is nou verbode vanweë ‘n onderlinge ooreenkoms tussen die uitsaaiers en die koerante.

“(In Swede) het jy die opkoms van ‘n politieke party — hulle kan dit nie hanteer nie. Ek was drie weke gelede in Stockholm. Ek en die vorige Tsjeggiese president Vaclav Klaus het ‘n groot konferensie toegespreek — honderde mense — en ek is nie gevra om ‘n enkele Sweedse onderhoud te doen nie. Hulle wil nie daaroor praat nie. Dis ongelooflik.”

Sedert 1999 ondersteun Farage ‘n groep genaamd News-watch wat duisende ure van die BBC se spitstydnuusdekking ontleed vir vooroordeel en tans openlike bangmaakstories. Hy het verduidelik dat die BBC selfs kosprogramme gebruik om oor die “ramp” vir Brittanje buite die EU te praat, asook in Farming Today waar die staatsuitsaaier na die “katastrofe” verwys wat binnekort die Britse landbou (agv Brexit) gaan tref.

Trump se oorwinning, Brexit en nou Italië se referendum waartydens die globalistiese rigting verwerp is, het groot kommer by die hoofstroommedia veroorsaak, maar hulle hou aan om die verhaal van die verkiesing en openbare kommentaar oor dié politieke grondverskuiwings te sensureer.

“Wat ek sou sê, is dat dié bedryf in ‘n diepgaande krisis verkeer,” gaan Farage voort. “Dis so verwyder van die manier waarop gewone mense toenemend dink dat dit ‘n enorme gaping in die mark gelaat het wat deur die internet gevul word.”

Farage noem dat die stedelike elites in hul nuuskantore bydra tot die probleem van hoe hulle die nuus aanbied. “Een van die dinge wat ek vandag gaan sê, is dat hul indiensnemingsbeleid geheel en al behoort te verander,” meen Farage. “By die BBC is daar ‘n eng gedeelte van die samelewing — baie stedelik, baie metropolitaans, finansieel baie elite, met ‘n obsessie oor etniese vermenging en geslagsbalans.

“Ek sou vir seker nooit vir UKIP gekry waar dit tans is sonder YouTube en die nuwe webblaaie wat te voorskyn gekom het nie,” sê hy.

“Maar hoeveel nie-graduandi werk daar by die BBC? Wel, geen. En net so het jy die lewensstylkeuses van die mense wat by die BBC werk, wat betref hoe hulle leef — en dis ‘n verwysing na oriëntasie, sal ons maar sê, en weereens is dit nie verteenwoordigend van wat mens buite Londen sien nie. Dus, weereens, sal die bedryf sy indiensnemingsbeleid heeltemal moet verander.”

Farage meen dat die Europese media die beriggewing oor die EU en radikale Islam in oënskou sal moet neem, en die manier waarop hulle oor immigrasie verslag doen, geheel en al moet verander. En hy het ook klem gelê op die Westerse media se blatante vooroordeel as dit by klimaatsverandering kom, asook hul grootskaalse steun vir windenergie.
“Dis asof die groot sake nie net die politieke klas besit nie, maar ook die mediaklas. Tensy hulle realisties raak oor dié vier kwessies, gaan ‘n konferensie soos dié oor vyf jaar veel minder mense trek.”

Gedurende sy toespraak by die News Xchange-konferensie, wat jaarliks plaasvind, het Farage sy kommentaar oor die media se tekortkominge herhaal: “Daar is ‘n paar groot kwessies waaroor julle ouens hard sal moet dink.

“Die Europese kwessie is een van hulle — ons het met Brexit getoon dat dit moontlik is, en nou is daar vele lande in die Europese Unie wat ersntig or hul toekoms in dié projek besin. Ek dink die dekking oor radikale Islam is nog ‘n veld waar u heeltemal tred verloor.

“Betreffende immigrasie, dink ek daar is baie van u wat die onderwerp dek op ‘n manier wat enigeen wat die kwessie ter sprake stel, verdag maak asof hy kwaadwillige bedoelings sou hê — wat in die meerderheid gevalle gewoon nie waar is nie.

“Ek dink die dekking van radikale Islam is ‘n ander veld waar u heeltemal uit voeling is met groot dele van u eie bevolking. Trouens, dit gebeur ook in die politiek. Geagte Hillary (Clinton) kon nie eens sover kom om radikale Islam te sê nie —sy kon nie eens die term gebruik nie.

Farage stem met Trump saam dat CNN sedert Hillary Clinton se neerlaag agteruitgegaan het. “Hulle het ‘n vinnige skulderkenning gedoen en toe weer die gewone ding begin doen,” sê Farage. Volgens hom gaan hulle die huidige krisis wat hulle in die gesig staar, oorkom nie. “Ek is net nie oortuig dat dié groep mense daartoe in staat is nie.”

Farage het verder opgemerk dat die mediabedryf veral in Amerika enorme uitdagings in die gesig staar sover dit korporatiewe amalgamering van nuuskantore betref. Die media-oligopolieë bestaan op ‘n groter skaal in die VSA, maar wesentlik staar alle lande ‘n soortgelyke probleem in die gesig.

Om mediavooroodeel teen te werk, is maklik, verduidelik Farage. Al wat mense behoort te doen, is om die nuus af te skakel en hul inligting van alternatiewe bronne te verkry wat nie ten gunste van die establishment of die status quo bevooroordeeld is nie. “Hou net op kyk. Dit gaan oor ‘n verbruikerskeuse,” sê Farage.

Hy het ook met McClatchy News by die konferensie gepraat waar hy burgers aangemoedig het om hul eie keuses te maak. “Dis die gewone mense wat heeltemal moed opgegee het… As jy daardie mense kan inspireer om uit te gaan en te stem, kan jy die wêreld verander,” het hy gesê.

Teenoor Steve “Buzz” Thomma, McClatchy se politieke redakteur, het hy gesê: “Die enigste manier waarop jy van jou land beheer kan neem, is deur die EU te verlaat en van jou grense beheer te neem.”

Trump nooi Hongarye se anti-immigrasieleier na Washington

Die gewilde leier van Hongarye wat deur die hoofstroommedia in Engeland en Europa as “verregs” uitgekryt word, is deur Donald Trump na Washington genooi. Viktor Orbán word veral buite sy land gehoon omdat hy ‘n heining opgerig het om migrante uit Hongarye te hou.

Volgens ‘n onderhoud met Orbán wat aanlyn deur die Hongaarse sakekoerant Világgazdaság gepubliseer is, het Trump dit aan hom duidelik gemaak dat hy “‘n hoë dunk van Hongarye het”.

Orbán, wat ‘n referendum uitgeroep het om Hongarye te verhoed om in Oktober ‘n EU-kwota vlugtelinge te aanvaar, het in Julie gesê dat Trump se anti-immigrasiebeleid beter vir Europa en Hongarye sou wees.

Die regse leier het verlede jaar ‘n heining op Hongarye se suidelike grens laat bou om die instroming van migrante na Wes-Europa te stuit.

In die somer van 2015 het Hongarye die 4m-hoë heining langs sy grens van 175 km met die naburige Serwië opgerig om duisende onwettige immigrante te verhoed om die Europese Unie te bereik.

Met die Hongaars-Serwiese grens gesluit, het migrante gepoog om deur Kroasië in te dring, maar toe Kroasië die migrante na die Hongaarse grens lei, het Hongarye op 18 September 2015 met die oprigting van ‘n tweede heining op sy grens met Kroasië begin.

Orbán het Trump se oorwinning geloof, en is aangehaal dat hy meen dat Hongarye se posisie “grootliks sou verbeter” sodra Trump in die Withuis is.

Orbán het gesê: “Hy het my Washington toe genooi, ek het vir hom gesê dat ek baie lank laas daar was aangesien ek soos ‘n swartskaap behandel is, waarop hy laggend geantwoord het: ‘Ek ook.'”

“Ek dink Amerika beskik nou oor ‘n president wat nie ideologies beperk is nie,” het Orban bygevoeg. “Hy is ‘n oop persoon wat meer in sukses, doeltreffendheid en resultate belangstel as in politieke teorieë.”

Orbán het Trump se oorwinning as “uitstekende nuus” verwelkom wat die Westerse beskawing sou toelaat om tot “ware demokrasie en reguit, eerlike gesprek” terug te keer, bevry van die “verlammende beperking van politieke korrektheid”.

Die Londense Telegraph het berig dat Orbán se seun hom om 5 vm. op die dag van die Amerikaanse verkiesing gebel het om hom die nuus te vertel dat Clinton beslis verloor het. “Ek het gesê, ‘jy speel!'” herinner Orbán hom, “Ek het gedink ‘Wat ‘n dag!'”

Hillary en Jill Stein span saam om verkiesing te steel

Ondersteuners van die nuutverkose Republikeinse president, Donald Trump, is bekommerd dat die Groen Party en Hillary Clinton gaan saamspan om die Amerikaanse verkiesing te steel.

Geen bewys van enige ongerymdhede is gevind nie, maar die Stein-veldtog argumenteer hulle bekommer oor ongerymdhede.

“Dit is nie gedoen om ‘n kandidaat te bevoordeel ten koste van die ander nie,” het Stein aan PBS gesê. Maar Stein wil net die deelstate oortel waar Trump gewen het.

Hillary het New Hampshire, Minnesota en Nevada met minder stemme as Trump gewen in Pennsylvania, maar daar sal geen oortel in een van die drie state wees nie.

As dit wel ‘n regverdige en onpartydige poging was, sou ten minste een van die oortel-pogings in ‘n deelstaat gewees het waar Hillary gewen het, maar dit is nie die geval nie.

Stein se pogings het begin nadat rekenaarwetenskaplikes beweer het daar is onreëlmatighede tussen die elektroniese resultate en die papierstembriewe, met die Clinton-veldtog wat beweer dat die stemmery gekraak is. Maar in die geval van Michigan, is daar nie elektronies gestem nie.

Chris Thomas, die jarelange direkteur van Michigan se Buro vir Verkiesings, het aan die Detroit Free Press gesê. “Niks is verbind met die Internet nie.” Die stemmery kon dus nie gewees het gekraak gewees het soos Stein beweer nie.

Trump het Stein se poging ‘n “bedrogspul deur die Groen Party vir ‘n verkiesing wat reeds toegegee”.

Vrae oor hoe Stein daarin geslaag het om so ‘n groot bedrag geld in te samel om die oortellery af te dwing, het begin gons. Sy het nou meer as $4,7 miljoen dollar in so ‘n kort tydjie ontvang, terwyl sy slegs sowat $3 miljoen dollar vir haar hele veldtog kon insamel.

Vermoedens oor die wettigheid en tydsberekening van die skenkings het tot bewerings gelei van George Soros se hulp.

Nigel Farage sal nie VK se diplomaat in VSA wees nie

Nigel Farage gaan nie as ambassadeur na Amerika gestuur word nie.

Farage, voormalige en nou weer waarnemende leier van die regse Britse party Ukip, het Donald Trump vier dae ná die verkiesing in Manhattan by Trump Tower besoek.

Hy het hom sterk beywer vir Brittanje se onttrekking aan die Europese Unie (EU) en as leier van Ukip uitgetree net nadat die Britte ten gunste van Brexit gestem het.

Trump het getwiet dat Farage ’n gewilde keuse as ambassadeur sal wees, maar die Britte is nie geneë om Farage as diplomaat aan te wend nie.

Theresa May, die Britse premier, was versigtig om kritiek teen Trump te lewer en net beklemtoon dat dit belangrik is om te besef dat die twee lande reeds baie sterk bande het.

“Wat die ambassadeurspos betref, is daar nie ’n vakature nie. Ons het ’n uitstekende ambassadeur in Amerika en hy sal voortgaan met sy werk,” het haar woordvoerder gesê.

Intussen het Trump met Tulsi Gabbard, die linkse verteenwoordiger van Hawaii samsprekinge gehou oor hoe om die oorlog in Sirië te beëindig wat die NeoCons begin het. Haar pa is self ‘n vuuvreter teen gayregte.

Gabbard is ‘n Bernie Sanders ondersteuner maar het gesê sy sal saamwerk met Trump. Sy word oorweeg vir die pos van buitelandse sake.

Trump het die pos van VN-ambassadeur vir Nikky Haley gegee. Sy is ‘n Indiër, lid van ‘n Sikh-gesin, gebore as Nimrata Randhawa en ‘n voorstander van Israel.

Trump kry media voor stok

Verskeie netwerkbase en ander grootkoppe van die korporatiewe media het ‘n vernederende sessie deurgemaak nadat Donald Trump ‘n vergadering Maandag gereël het van die rekord af.

Die verwaande groep het by Trump Tower aangekom denkende dat hulle Trump gaan vertel watter dele van sy administrasie hulle gaan dek, maar is gou ontnugter.

In plaas daarvan dat hulle hartlik ontvang is, is hulle genadeloos skerp gekritiseer deur Trump, volgens die New York Post.

Die vergadering is gehou by Trump Tower en bygewoon deur 30 tot 40 mense, “insluitend die groot nuusankers van al die netwerke.” Deelnemers is nie veronderstel om uit te praat oor die besonderhede van die vergadering nie, maar volgens die Post het sommige bronne dit nogtans gedoen.

“Dit was ‘n f***en vuurpeloton,” is hoe een van daardie bronne dit beskryf het. Die bron het verduidelik dat “Trump begin het met [CNN hoof] Jeff Zucker (foto) en gesê het:” Ek haat jou netwerk, almal op CNN is ‘n leuenaar en jy behoort jou te skaam.”

Die vergadering by Trump Tower was nie ‘n roetine een nie. Trump het korte mette gemaak van hul gewaande belangrikheid.

“Die TV-base en ankers het gedink hulle sal die toegang tot die Trump administrasie bespreek, maar in plaas daarvan het hulle ‘n Trump-styl uitk*k gekry,” het die bron gesê. Nog ‘n bron het gesê dat Trump herhaal het hoe die media ‘n “bedrieglike, oneerlike spul leuenaars,” is en bevestig dat hy gesê het “almal by CNN is ‘n leuenaar en CNN is ‘n netwerk van leuenaars.”

“Uitstekende vergaderings met die top-bestuurders van die groot netwerke,” is hoe Trump se woordvoerder Kellyanne Conway die byeenkoms beskryf het.

Die groepie het gelyk of hulle bomskok het toe hulle uitloop.

Kernoorlogbedreigingsvlak laer ná Trump oorwinning

Die bedreigingsvlak in die VSA vir ‘n kernkonfrontasie is verlaag tot sy laagste vlak in die nasleep van die verkiesings.

Amerika se Defcon-waarskuwingsvlak is verlaag na sy veiligste status moontlik na die aankondiging dat Donald Trump in die 2016-presidensiële verkiesing geseëvier het.

Die Defcon Warning System, word deur ‘n private organisasie bestuur wat wêreldgebeure monitor en die kernbedreiging teen Amerika skat. Dit is nou op Vlak 5 – sy laagste moontlike status.

Die groep, wat bestaan ​​uit kundiges met kontakte in die sekuriteitsomgewing, beskou die oorwinning van Trump as ‘n aanduiding van verbeterde Russiese verhoudings.

Net weke gelede is die waarskuwing is opgeskuif tot op vlak 3 weens verhoogde spanning tussen die VSA en Rusland, uit vrees dat die Obama-administrasie die rand nader van kernoorlog.

Vlak 3 beteken Amerikaanse troepe kan gemobiliseer word binne 15 minute. Vlak 5 beteken die Amerikaanse Departement van Verdediging is op sy laagste toestand van gereedheid vir kernoorlog.

Op die webwerf van die groep lui dit: “Die Verenigde State het ‘n voorlopige stap na ‘n meer isolasionistiese beleid geneem met sy onlangse presidensiële verkiesing. Terwyl dit ‘n paar maande sal neem om te sien hoe die Amerikaanse hervormings sy buitelandse beleid raak, het reeds ‘n paar wêreldleiers die hoop uitgespreek dat verhoudings kan verbeter, insluitend met Rusland en Sirië.

“As die nuwe Amerikaanse president hou by sy vorige stellings, sal die Verenigde State van Amerika waarskynlik onttrek van militêre konfrontasies in die Midde-Ooste en moontlik die Europese teater, al is dit hoogs onwaarskynlik dat dit NAVO-verpligtinge sal laat vaar, en die Oekraïne sal waarskynlik weer in die nabye toekoms ‘n kewssie raak.”

Die Russiese leier Wladimir Poetin was een van die eerste wêreldleiers wat die Republikeinse kandidaat gelukgewens het.

“Rusland sal egter waarskynlik wag om te sien wat die nuwe president doen, en nou word hulle in die wiele gery deur die komende winter.”

Die groep het gewaarsku oor ‘n paar oorblywende bedreigings vir die VSA en veiligheid in die wêreld: China, Noord-Korea en Israel sal fokuspunte raak.

“Intussen word meer troepe na Europa in 2017 gestuur om verdediging teen die Russiese bewegings te behartig en NAVO gaan voort met die opbou van magte in Pole om omliggende gebiede te beskerm teen ‘n moontlike Russiese aanval.”

Terwyl die Amerikaanse regering ook die Defcon-stelsel gebruik, is privaat en nie aan die publiek beskikbaar nie. Daarom bly openbare rekords slegs skattings.

Trump en Poetin hou eerste telefoongesprek

President Donald Trump en Russiese leier Wladimir Poetin het belowe om ISIS te pak ná ‘n diplomatieke deurbraak.

Die twee het ‘n gesprek oor die telefoon gehad minder as ‘n week nadat die Amerikaanse verkiesing beslis is. Die gesprek dui op ‘n verbetering in die verhouding tussen die twee magte.

Trump se oorgangskantoor het gesê die twee mans het ook gepraat oor “strategiese ekonomiese kwessies,” en dat Trump “baie uitsien na ‘n sterk en blywende verhouding met Rusland en die mense van Rusland.”

Beide het ook kennis geneem van die “uiters onbevredigende toestand van Russiese-Amerikaanse verhoudings.”

Die Kremlin het gesê Poetin het Trump Maandag genader oor die beste manier om terrorisme te begin beveg.

Die twee deel ‘n gemeenskaplike siening oor “pogings in die stryd teen die gemeenskaplike vyand nommer een – internasionale terrorisme en ekstremisme,” het die Kremlin in ‘n verklaring op sy webtuiste laat Maandag gesê.

Die Kremlin het bygevoeg dat Poetin en Trump het ook gepraat het oor maniere om die krisis in Sirië op te los.

Volgende jaar, sal Rusland en die VSA 210 jaar sedert die begin van hul diplomatieke betrekkinge vier, wat hulle dalk sal motiveer “om pragmatiese, en wedersyds voordelige samewerking na te volg wat die belange van beide lande sal bevorder, asook stabiliteit en veiligheid in die wêreld,” het die verklaring bygevoeg.

Rusland het intussen begin om terreurvestings in Sirië aan te val om dele van Aleppo skoon te maak.

Volgens berigte is die offensief vanaf die Russiese vliegdekskip geloods. Waarnemers sê daar was vyandelike pogings om Russiese kommunikasie te ontwrig.

‘n MiG-29K vegvliegtuig het Maandag neergestort in die Middellandse See, maar dit sal geen invloed op die bedrywighede van die vliegdekskip, die Admiral Kuznetsov hê nie, het die Russe gesê.

NAVO het hul kommer uitgespreek dat die teenwoordigheid van die Russiese vloot moontlike tot burgelike verliese kan lei.

Trump se skitterende eerste 100-dag plan

Aan die einde van Oktober, het die nuwe Amerikaanse president, Donald Trump in Gettysburg, Pa., ‘n plan vrygestel vir sy eerste 100 dae in die amp.

Die plan gee ‘n uiteensetting van drie hooffokusareas, naamlik die skoonmaak van Washington-korrupsie, wat termynperke op die Kongres insluit, die beskerming van Amerikaanse werkers en die herstel van oppergesag van die reg.

Sy plan bevat samewerking met die Kongres om 10 stukke wetgewing teen Obamacare in te stel, die muur by die Suidelike grens met Meksiko te finansier (met ‘n bepaling dat Mexiko die VSA sal vergoed), belegging in infrastruktuur aan te moedig, militêre basisse te herbou, skoolkeuse te bevorder wat tuisonderrig insluit en nog baie meer.

Woensdag, het die senaatsleier Mitch McConnell min entoesiasme vir sy planne getoon, veral die voorstel van termynperke. McConnell is ‘n jare lange teenstander van termynperke.

McConnell het ook koue water op infrastruktuurplanne gegiet en gesê dit is nie ‘n topprioriteit nie.

McConnell het egter gesê die einde van Obamacare is ‘n “redelik hoog op die agenda” saam met ‘n omvattende belastinghervorming en beter grenssekuriteit, maar hy het geweier om die Senaat se immigrasie-agenda verder te bespreek.

Trump het sy plan ‘n “kontrak tussen my en die Amerikaanse kieser” genoem wat afskop met die herstel van eerlikheid, verantwoordelikheid en verandering na Washington.

Op die eerste dag van sy ampstermyn, sê hy sy administrasie sal onmiddellik die volgende ses maatreëls toepas teen die korrupsie en spesiale belangegroepe se samespanning in Washington:

1. ‘n Grondwetlike wysiging aan termynperke op alle lede van die Kongres;

2. Beëindiging van die indiensneming van alle federale werknemers om die federale arbeidsmag te verminder deur uitvloei (die weermag, openbare veiligheid en openbare gesondheid sal uitgesluit word);

3. ‘n Vereiste dat vir elke nuwe federale regulasie, moet twee bestaande regulasies uitgeskakel word;

4. ‘n Vyfjaar verbod op die Withuis en die Kongres se amptenare om by lobbies aan te sluit nadat hulle die staatsdiens verlaat;

5. ‘n Lewenslange verbod op Withuisamptenare om steunwerwing namens ‘n buitelandse regering te doen;

5. ‘n Totale verbod op buitelandse lobbie-groepe wat geld vir die Amerikaanse verkiesing insamel.

Trump is die wenner!

Dit was ‘n beslissende demonstrasie van die mag wat werklike kiesers hou omdat hulle gevoel het dat die belofte van die Verenigde State te midde van dekades van globalisering en multikulturalisme niks opgelewer het nie.

Donald Trump se groot oorwinning het die nuttelose rol van die hoofstroom se “kenners”, peilings, “politieke ontleders” en ‘n spul groot skenkers wat invloed wil koop, oorbelig.

Verwagtinge dat Trump ‘n “onmoontlike” taak gehad het om die 270 nodige stemme te wen, was gou-gou verydel.

Clinton se hoop op ‘n vinnige oorwinning het vervaag terwyl die Republikeinse kandidaat spoed opgetel het in ‘n reeks state en momentum gebou het.

Weke lank is voorspellings gemaak dat die Clintons weer die Withuis sal beset, en hulle kanse is op baie beter as 50 persent geskat, maar sommige verwagtinge van derdewêreld-entoesiaste by Naspes en RSG was kennelik te hoog.

Snobisme, hoon en spot teen Trump, wat sommiges beskou het as “argumente”, het nou plek gemaak vir histerie.

Ten spyte van Trump se polariserende kommentaar oor vroue, Latyns-Amerikaners, Moslems en immigrante, het hy loshande gewen.

Teen Maandagaand het gerugte van die Clinton-raadgewer, John Podesta, se eposse na pedofiele, mensehandel in kinders, Satanistiese rituele, dik geloop, terwyl die Clinton-surrogate bekommer het oor “vroueregte”.

Dit was nie alleen wit Amerikaners nie, die mense Clinton beledig het as lae-klas “betreurenswaardiges” wat die kishou toegedien het nie. Clinton het baie slegter gevaar as Obama in 2012 onder swart mans en Spaanse vroue, volgens CBS News.