Nuus – Bladsy 274 – praag.co.za

Pole se geskiedenisles aan die Duitsers

Jaroslaw Kaczynski

Pole het pas daarin geslaag om ’n toegewing oor die Europese Unie-verdrag af te dwing, maar ten koste van die land se verhouding met sommige van die EU-lede.

Leiers van die 27 EU-lidlande het op 23 Junie in Brussel uiteindelik daarin geslaag om eenstemmigheid te bereik oor die opstel van ’n nuwe verdrag wat die EU-grondwet sal vervang wat in 2005 deur beide Nederlandse en Franse kiesers by die stembusse verwerp is. Die nuwe verdrag sal teen die einde van 2007 gefinaliseer word.

EU-leiers, onder aanvoering van kanselier Angela Merkel, het ’n konsessie aan Pole gemaak deur te besluit om die huidige EU-verkiesingstelsel onveranderd te behou tot 2017. President Lech Kaczynski en sy tweelingbroer, die eerste minister Jaroslaw Kaczynski, het die besluit as ’n oorwinning vir Pole bestempel. Die Poolse eerste minister het ander EU-lande by die pas afgelope beraad geskok toe hy gesê het Pole is op groter stemregvoordele geregtig aangesien die land se bevolking nou veel meer as die huidige 38 miljoen sou beloop indien die Nazi’s nie miljoene Pole tydens die Tweede Wêreldoorlog vermoor het nie.

Die Italiaanse eerste minister, Romano Prodi, het in sy reaksie op die beraad gesê Europa het die gemeenskaplike wil om te vorder, verloor. Hy het Engeland veroordeel weens die land se “hardkoppige aandrang” om ’n Europese vlag en volkslied uitgesluit te kry van die EU-verdrag en het ook die houding van Pole gekritiseer. Die Duitse dagblad Bild, wat Angela Merkel ondersteun, meen dat dit beter sou gewees het as die samesprekings misluk het en glo nie dat die Kaczynski-broers met die konsessie van Brussel tevrede gaan wees nie.

Die Pole is in hulle skik met die feit dat hulle hul stempel op die beraad afgedruk het. Hulle is verder hoopvol dat hul land se verhouding met Frankryk en Duitsland gaan verbeter. Tydens Jacques Chirac se periode as president van Frankryk was die verhouding tussen Frankryk en Pole gespanne. Nicolas Sarkozy en Angela Merkel is egter albei jonger en verstaan die Poolse situasie beter. Sarkozy is van Hongaarse afkoms en Merkel het in Oos-Duitsland groot geword, wat beteken dat hulle beter begrip vir die situasie in Oos-Europa het.

uk slots

Versailles skitter weer

Spie?lsaal, Versailles

Die 357 spieëls in die beroemde Spieëlsaal van Versailles skitter weer nadat ‘n restourasie-projek deur die firma Vinci onderneem is. Die pragtige Saal sal komende Woensdag vir die publiek oopgestel word. Die projek het drie jaar se harde werk gekos, net so lank as wat dit die skilder Le Brun geneem het om die indrukwekkende dak te voltooi. Die daktoneel beeld ‘n reeks oorlogsoorwinnings van Lodewyk XIV uit.

Werk aan die bou van die Saal is in 1678 begin. Die sewentien boogvensters wat ‘n uitsig bied op een van die mooiste tuine in Europa, is deur argitek Jules Hardouin-Mansart beplan om die Sonkoning en sy eggenote se appartemente aan mekaar te verbind.

‘n Monopolie op die vervaardiging van spieëls, een van die duurste en mees gesogte items in die sewentiende eeu, is deur die republiek van Venisië afgedwing. Om dus te hou by die onderneming om net Franse vakkennis aan te wend vir die bou van die Saal, moes vakmanne uit Venisië omgekoop word om in Gobelins met die vervaardiging van spieëls te begin.

Alhoewel die silika van Normandië verkry is, soos laboratoriumtoetse bewys, dink die navorsers betrokke dat die spieëls dalk nooit in Frankryk vervaardig is nie en dat die ongemaklike feit weggesteek is. Hulle kon nie een bestelling vir die sogenaamde glasfabriek wat spieëls maak in Gobelins opspoor nie!

Aan die noordekant van die Spieëlsaal is die Oorlogsaal en aan die suidekant die Vredesaal. Lodewyk XIV het die vertrek daagliks as ‘n deurgang na sy Kapel geneem. Die swanesang van sy absolutistiese heerskappy is in die lang vertrek, toe vol ornate silwer meubels, voltrek.

Die mees rojale ontvangs ooit is daar in 1715 vir die ambassadeur van die Sjah van Persië, Mohamed Reza Beg, gehou, maar dit het later geblyk dat die rol van die gesant deur ‘n swendelaar gespeel is wat deur die koning se eie raadgewers gehuur is.

In die negentiende eeu is die vredesluiting om Pruise se oorwinning oor Frankryk te vier op 18 Januarie 1871 in die Spieëlsaal afgehandel en Willem I is tot die Keiserryk se koning gekroon. Die swaar oorlogskuld wat Frankryk opgelê is, sou bydra tot Pruise se opbloei.

Dit was maar een van vele geskiedkundige oomblikke wat deur die mure teruggekaats is. Op 28 Junie 1919 teken Clemenceau die Verdrag van Versailles wat die Eerste Wêreldoorlog sou beëindig en die grondslag vir die Tweede Wêreldoorlog sou lê.

Vir die eerste maal in die Spieëlsaal se geskiedenis is ‘n volle restourasieprojek, van vloer tot dak, deurgevoer. Elke stukkie brons, hout en glas is skoongemaak en waar nodig herstel, teen ‘n prys van 12 miljoen euro.

Net die dokumentasie van die Saal se binne-argitektuur alleen het ‘n jaar geduur. Van die dakskildery se oppervlak van 1 000m2 was daar byvoorbeeld 80% in die verlede tydens klein restourasiewerkies oorgeskilder, is daar vasgestel.

Die oorspronklike werk van Le Brun is dus hierdie keer heeltemal noukeurig blootgelê en die 40 personeellede betrokke was oorstelp met die vonds. "’n Baie fyn oog vir kleur en ‘n baie groot skilder," sê Meneer Didier wat die projek gelei het. Die herstelwerk het die span in staat gestel om te sien hoe die skilder sy tonele beplan het en waar hy gehuiwer het. Sodoende kon hulle ‘n unieke insig in sy werkmetode verkry.

Die ontdekking wat kunshistorici die meeste getref het, was dat die blou wat Le Brun gebruik het simbolies van donker na lig geskakeer word hoe nader die kyker aan die Oorlogsaal beweeg. Die oorspronklike groen-brons verguldings van die lyste en om die vensters is ook teruggebring. Elke detail is deur en deur geverifieer om met argiefbeskrywings te klop. "Ons het niks bygevoeg nie," het die direkteur bevestig.

play free slots casino топкарго кидалы

Noord-Kaap se gesondheidsdepartement stort in duie

Die provinsiale gesondheidsdepartement van die Noord-Kaap word tans deur die plaaslike tesourie en die kantoor van die eerste minister geadministreer. Dit volg op jare van nepotisme en korrupsie.

Volgens die waarnemende LUR vir gesondheid in die Noord-Kaap, Gomolemo Lucas, gaan “verstandige finansiële stelsels“ vir die department geskep word. Hy het toegegee dat daar verskeie wanpraktyke in die tenderproses die afgelope paar jaar plaasgevind het. Lucas se uitsprake bevestig die ouditeur-generaal se bevindinge van laas jaar. Die OG het naamlik op ’n hele klomp onreëlmatighede in die departement se finansiële bestuur afgekom. Probleme is toegeskryf aan onbekwaamheid en ook aan korrupsie.

Gedurende die 2005/2006 finansiële jaar is ’n ongespesifiseerde aantal gesondheidsdiensamptenare in die Noord-Kaap afgedank weens pogings om die departement van R1,7 miljoen te beroof deur bankbesonderhede van ’n verskaffer te verander en die geld in hul eie privaat rekeninge te laat inbetaal.

Die ouditeur-generaal het egter die aankoopprosedure van die department die meeste gekritiseer. So het die departement byvoorbeeld kospakkies ter waarde van R1,8 miljoen aangekoop sonder om enige tenders uit te reik. Alle aankope van meer as R200 000 is volgens regulasies veronderstel om deur middel van tenders besleg word.

Sommige maatskappye wat vir tenders aansoek gedoen het, bestaan nie. In party gevalle is tenders van ”kompeterende maatskappye” vanaf die maatskappy wat die tender suksesvol behaal het, se faksmasjien af gestuur.

Die bestuur van medisyne in die departement se besit is nog ’n probleemarea. Geen maatreëls word getref om medisyne waarvan die vervaldatum verstryk, te vervang nie. Klinieke se voorraad word ook nie altyd aangevul nie.

Volgens Gareth Morgan, die Demokratiese Party se segsman oor gesondheidsaangeleenthede, behoort ander provinsiale gesondheidsdepartemente ook ondersoek te word. In die Limpopo-provinsie vind onreëlmatighede ten opsigte van tenders ook plaas, nuutgeboude geboue val uitmekaar en hospitale hou nie rekord van hul voorraad nie. In die Vrystaat weer is daar verskeie onvoltooide bouprojekte en uitstaande pasiëntskuld ter waarde van R147 miljoen.

Poetin besin oor Russiese geskiedenis

Poetin, Donderdagaand

President Vladimir Poetin het Donderdagaand ‘n konferensie van geskiedenisonderwysers in Moskou toegespreek waar hy na hoofstukke uit die Russiese verlede onder Stalin verwys het as "problematies" en "verskriklik". Hy het bygevoeg dat elke staat egter met soortgelyke dinge uit sy geskiedenis worstel. In Rusland, so onlangs as die twintigste eeu, is miljoene mense tydens Josef Stalin se skrikbewind gedood.

Maar wie spog met die ergste vergrype? Vir Poetin is die antwoord duidelik: "In elk geval het ons geen atoomwapens teen burgerlikes aangewend nie. Ons het nie chemiese stowwe oor duisende kilometer gespuit nie en het geen land onder sewe keer meer bomme gesteek as wat gedurende die Groot Vaderlandsoorlog altesaam gebruik is soos in byvoorbeeld Viëtnam nie." Hy het ook gesê: "By ons was dit nie so erg soos by sommige ander nie."

Die "verskriklike sy" van die Russiese geskiedenis was veral die hongersnood in 1932 – 1933 in die Oekraïene en ander dele van Rusland waartydens tussen vyf en sewe miljoen mense dood is. Gedurende die "Groot Terreur", 1937 tot 1938, toe byna 1,6 miljoen mense aangehou is, het 700 000 slagoffers omgekom wat doodgeskiet is. Ander is daarna in kampe oorlede.

Tydens die Tweede Wêreldoorlog is miljoene Duitsers, Tsjetsjniërs, Krim-Tartare en ander volke uit hul gebiede gedeporteer en na raming het tussen 20 en 30 persent die onmenslike toestande nie oorleef nie.

Die konferensie is gehou om nuwe leerplanne vir skole te bespreek omdat die materiaal van die negentigerjare vervang moet word. Die bestaande handboeke vir skoolgaande kinders, so lui die kritiek, behandel die Russiese geskiedenis van die 20ste eeu as ‘n reeks opeenvolgende katastrofes. Om die outoriteit van die staat weer te herstel, moet "foute" uitgewys word, maar ook suksesse.

"’n Mens kan nie toelaat dat ons skuldgevoelens opgelê word nie," het Poetin aan die onderwysers gesê. Waar daar ooglopende swak voorstellings van die Russiese geskiedenis in ‘n skoolhandboek voorkom, het hy vermaan dat "baie handboeke deur mense geskryf is wat deur buitelanders betaal is. Diegene wat betaal, bepaal die deuntjie."

beyond polus или zoom

Staking l? Nigeri? lam

‘n Algemene staking wat in Nigerië afgekondig is, het chaos in die land veroorsaak. Die algehele werkstilstand is deur die twee grootste vakbonde uitgeroep om die nuwe president te dwing om die verhoging in brandstofpryse terug te trek.

Die twee vakbonde, naamlik die Nigeria Labour Congress, wat hoofsaaklik uit handearbeiders bestaan, en die Trade Union Congress wat witboordjiewerkers bedien, is ontevrede met die feit dat brandstof 15% duurder geword het. President Umaru Yar’adua weier om die verhoging wat sy voorganger afgekondig het, ongedaan te maak.

Die regering hou vol dat die staking deur "politieke" gronde teweeggebring is omdat dit onverantwoordelik is om vir ‘n toename van 5 naira ‘n land te verlam. Die wisselkoers is tans 128 naira vir $1. Olusegun Obasanjo het die verhoogde prys van 65 na 75 naira op 28 Mei bekend gemaak.

Die regering het by monde van die president ná twee dae aangekondig dat hulle wel sal oorweeg om die prys te verlaag na 70 naira per liter. Ander toegewings is ook voorgelê in die hoop dat die stakers sal besgee.

Verdubbelde verkoopsbelasting wat teen die einde van Mei ingestel sou word, sal laat vaar word en ‘n salarisverhoging van 15% terugwerkend vanaf 1 Januarie 2007 is aangebied. Die vorige regering het reeds die verhoging aangekondig, maar amptenare het nooit die beloofde beter vergoeding ontvang nie.

Die twee vakbonde hou egter voet by stuk dat die hoër brandstofprys onaanvaarbaar is en het onderneem om die arbeidsaksie vol te hou totdat die regering gehoor aan hul eis gee. Die gevolg van die besluit is oral in Nigerië sigbaar.

Met sonsopkoms staan honderde taxi’s dig saamgedrom om vulstasies met 25 of 50 liter kannetjies gereed om die paar druppels brandstof nog beskikbaar in die hande te probeer kry. Die meeste stasies ontvang geen brandstof meer van privaat- of regeringsdepots nie. Die groot hawe van Lagos, Apapa, word byna heeltemal lamgelê omdat die Nigerian Port Authority asook doeanebeamptes deelneem aan die staking.

By die Murtala Mohamed-lughawe word internasionale vlugte wat uit Lagos vertrek gedwing om van hul direkte trajekte af te sien omdat hulle elders moet aandoen om eers vol te maak aangesien vliegtuigbrandstof ook nie meer volop is nie.

Nigerië is die sesde grootste olieuitvoerder ter wêreld, maar die land se belangrikste bron van inkomste word skynbaar nie geraak deur die krisis nie. Die multinasionale instansies wat meesal in die suide opereer, maak gebruik van hul eie personeel.

Die NLC het Woensdag aangekondig dat hulle toesig sal hou oor stakende werkers om te verhoed dat hulle terugkeer na hul poste voordat ‘n gewenste uitkoms bereik is. Verskeie Nigeriese koerante het foto’s van padblokkades en versperrings deur munisipale busse geplaas om werkers te waarsku dat hulle dopgehou word.

Die regering het dieselfde dag bevestig dat "die reg om te staak gerespekteer word, maar dat dit nie misbruik moet word om wet en orde te ondermyn nie." Hulle het die vakbonde daaraan herinner dat niemand gedwing mag word om aan die staking deel te neem nie.

President Yar’adua is besonder kwesbaar vir die politieke druk wat tans oplaai omdat hy nog geen regering aangewys het sedert hy op 29 Mei die amp oorgeneem het nie. Volgens die onafhanklike koerant This Day verkeer hy tussen twee vure. As hy te kragdadig optree om sy posisie te legitimeer sal hy sy gewilde beeld van ‘n "gewillige dienaar" by die bevolking prysgee. Indien hy nie optree nie, sal die maatskaplike onrus verder uitbrei.

Watter manier van optrede hy ookal kies, is dit duidelik dat die mag van die president ‘n knou toegedien is en dat dit niks goeds voorspel vir die afsienbare toekoms in Nigerië nie.

3d томография

Die Lindela-debakel

Gaste van Lindela

Die nuwe direkteur-generaal van die departement van binnelandse sake, Mavuso Msimang, het Woensdag teenoor die parlement se staande komitee oor openbare rekeninge (SKOOR) toegegee dat die departement se kontrak met die maatskappy wat die Lindela-repatriasiesentrum naby Krugersdorp bestuur, “’n bedrogspul” is.

“Dit is nie ’n goeie kontrak nie. Ons gaan dit definitief volgende jaar hersien om te kyk of dit nie verbeter kan word tot voordeel van die departement nie,“ het Msimang erken.

Die kontrak is opgestel met Leading Prospects Bpk, wat die sentrum namens die departement bestuur. Die dokument is só opgestel dat die departement slegs voordeel trek wanneer die sentrum optimaal benut word. Volgens Msimang is die deparement se doelwit om die getal onwettige immigrante in die land te verminder.

Daarom maak die kontrak nie sin nie, want die departement behoort nie voordeel te trek uit die feit dat daar meer onwettige immigrante in die sentrum aangehou word nie. Volgens die kontrak betaal die departement R80 per dag per aangehoudene aan Leading Prospects Bpk, met die aanname dat daar maandeliks 3 250 persone by die sentrum aangehou word.

Selfs al word daar minder persone aangehou, is die departement egter steeds verplig om dieselfde bedrag te betaal. Oor die afgelope paar jaar het die aantal persone wat by Lindela aangehou word, gedaal tot sowat 1 500 per maand.

SKOOR het die departement beveel om binne die volgende twee weke die name van alle direkteure en aandeelhouers van Leading Prospects Bpk aan die komitee voor te lê. Daar word tans gespekuleer dat sommige van die aandeelhouers prominente politici is.

Leading Prospects Bpk het ’n kontrak van tien jaar met die departement van binnelandse sake.

Oesama se vlug

Judicial Watch, ‘n Amerikaanse organisasie wat inligting versamel oor korrupsie in die VSA se politieke stelsel het ‘n interessante ontdekking gemaak: Oesama Bin Laden, leier van die internasionale terroriste-organisasie Al Kaida, het ‘n vliegtuig gehuur om die VSA te verlaat ná 11 September 2001. ‘n Segsman van die FBI, Richard Kolko, het die bewering ontken en gesê die inligting is onjuis. Oesama het glo nie die vliegtuig gehuur nie.

Die organisasie JW het die betrokke dokumente verkry danksy die wet wat vrye toegang tot inligting waarborg. Die naam van Bin Laden is doodgetrek in die dokumente maar nie in die voetnote onderaan nie. Dit het JW in staat gestel om die ware toedrag van sake uit te pluis. Meredith Diliberto, advokaat vir JW, het die eerste gesensureerde stel dokumente reeds in 2004 ontvang en in 2006 daarin geslaag om deur die howe ‘n nuwe stel van die FBI te eis.

Die dokumente is op die internet te besigtig op die organisasie se webwerf. Oesama het blykbaar ‘n Ryan Air 727 gebruik, alom bekend as die "vlug van die Bin Laden-familie", wat op 19 September 2001 vanaf Los Angeles opgestyg het met Saoediërs aan boord. Terwyl die FBI ontken dat Oesama dit gehuur het, staan daar duidelik in die verslag dat die "Saoediese koninklike gesin of Oesama Bin Laden die vliegtuig gehuur het".

Die groep het daarna in Orlando geland, toe in Washington aangedoen en later na Boston gereis. Die vliegtuig het daarna egter die VSA verlaat en die volgende dag in Parys aangekom. Ses vlugte tussen 14 en 24 September 2001 altesaam is opgeteken om Oesama Bin Laden se familie en gesin uit die VSA te ontruim volgens JW.

"Volgens die FBI, en dit is ongelooflik, het nie een Saoediër of een van die lede van die Bin Laden-gesin enige inligting van waarde aan die ondersoekers kon lewer nie." verklaar JW op hul webtuiste. ‘n Paar dae ná die verskriklike aanvalle op New York, die Pentagon en verskeie passasiersvliegtuie wat daarvoor aangewend is, is die vermeende baasbrein se naastes en gesin dus deur die FBI ondervra sonder dat dit enige nuttige inligting opgelewer het.

Die organisasie is bekommerd dat die FBI, wat hoegenaamd geen ongerymdhede opgemerk het nie, nie hulle werk behoorlik gedoen het nie. ‘n Segspersoon van die FBI het ter verduideliking gesê dat die onafhanklike Kommissie van Ondersoek na 11 September 2001 se voorvalle bevind het dat "geen persoon aan boord met terrorisme verbind kon word nie" en dat "geen politieke inmenging" die vlug uit die VSA gehelp het nie. Kennelik het die FBI egter ook nie veel gedoen om die vlug te keer nie.

Khoi San Internasionaal verwerp

Rhoda Khadalie

Nie minder nie as 46 naamsveranderinge word tans in Kaapstad oorweeg. Volgens ’n aankondiging gister van Helen Zille, die stad se burgemeester, sal die name nou geadverteer word en die publiek genooi word om kommentaar te lewer. Die name sal daarna deur die burgemeesterskomitee oorweeg word.

’n Paneel onder leiding van Rhoda Kadalie het voorgestel dat Kromboom-straat in die suidelike deel van Kaapstad na die musikant Taliep Petersen vernoem word. Hendrik Verwoerd-rylaan in Panorama kan nou Beyers Naude-rylaan word, Hans Strydom-laan in die middestad Albert Luthuli-laan en JB Hertzog-boulevard Nelson Mandela-boulevard. Ander figure wat herdenk sal word, sluit Jan Rabie, Uys Krige, die hartchirurg Chris Barnard en ANC-vryheidsvegters soos Anton Fransch en Ashley Kriel in. Die paneel het verder besluit dat al die NY-strate in Guguletu verander behoort te word. NY staan vir “Native Yard.“

Die paneellede het téén die voorstel besluit om die lughawe te vernoem na Khoi San Internasionaal. Hulle het ook besluit téén die verandering van De Waal-rylaan na Hoerikwaggo-rylaan en het eerder die naam van die PAC-leier Philip Kgosana voorgestel. ’n Verdere voorstel om Oswald Pirow-straat in die middestad na Anti Nazi-straat te herdoop, is ook verwerp.

Intussen gaan die hofsaak van die Demokratiese Alliansie teen die 176 voorgestelde naamsveranderinge in Durban voort. Meer nuus in hierdie verband word môre verwag.

Franse ‘komedie’ kom tot ‘n einde

Alhoewel die PS, die Franse Sosialistiese Party, effens beter gedoen het as wat verwag is in die naweek se parlementêre verkiesings, gaan die Party gebuk onder ‘n leierskapskrisis nadat Ségolène Royal teenoor Sarkozy verloor het in haar stryd om as die eerste vroulike president van Frankryk te aangewys te word.

In Royal se pasverskene boek "Les coulisses d’une défaite" [Agter die skerms van ‘n nederlaag] kondig sy aan wat die Franse pers nou al ‘n geruime tyd oor gons: Sy en haar metgesel, die leier van die PS, François Hollande, se paaie gaan skei.

“Ek het Francois Hollande gevra om die huis te verlaat en sy nuwe verhouding, nou oral in boeke en koerante uitgestal, elders te gaan uitleef en ek wens hom alle geluk daarmee toe,” verklaar Royal in haar boek. Die twee was nooit getroud nie.

Royal stel belang om die leisels van Hollande, met wie sy die afgelope 30 jaar saamgewoon het en vier kinders by het, oor te neem. Hollande het voor die eerste rondte reeds aangedui dat hy nie die moeder van sy kinders na die Elysées Paleis sal vergesel indien sy verkies word nie.

Sy staan waarskynlik ‘n goeie kans om wel as leier van haar Party aangewys te word ten spyte van groot onmin wat in Sosialistiese geledere heers. Haar onlangse toenadering tot die sentristiese Francois Bayrou het vir skerp kritiek uit die linkervleuel van die Party gesorg.

Indien sy wen sal sy vinnig met ‘n nuwe visie vir die Sosialiste vorendag moet kom. Nie dat sy veel te vrees het van ander aanspraakmakers uit eie kring in daardie opsig nie. Die geslag wat bekend staan as “Mitterand se kinders” is tans arm aan idees en planne om die PS in ‘n wenkoers te stuur.

Le Monde het verlig in ‘n hoofartikel gereageer dat die aankondiging uiteindelik gemaak is en die versuurde verhouding as ‘n “Vaudeville” komedie beskryf. Royal het tydens die verkiesingsveldtog volgehou dat hulle nog saam woon en geskerts dat Hollande nie haar aanbod van ‘n “romantiese” huwelik in Tahiti wou aanvaar nie.

Die paartjie het in 1978 ontmoet en het saam by die roemryke instelling waar Franse leiers opgelei word, ENA (Skool vir Nasionale Administrasie), gestudeer. Die nuwe Franse president was ook voor die verkiesing in die nuus nadat sy vrou Cécilia hom kortstondig verlaat het vir ‘n Amerikaner.

Vroue m??t baat by grondhervorming

Lulu Xingwana

Minister Lulu Xingwana het Dinsdag grond ter waarde van R1 miljard aan vier gemeenskappe in Mpumalanga oorhandig. Tydens die seremonie het sy gesê dat vroue moet baat vind by grondhervorming. Sy het altesaam 32 hektaar grond oorhandig aan die gemeenskappe van Lugedlane, Siboshwa, Hhoyi and Mbambiso wat in 1954 onteien is.

“Ons loof die vier stamhoofde en die gemeenskap wat ’n eis ingedien het om hulle grond terug te kry,“ het sy gesê. Sy het verder benadruk dat alhoewel die grond teen markverwante pryse teruggekoop is, die regering nie sal huiwer om grond te onteien as die regering en spesifieke grondeienaars nie tot ’n vergelyk kan kom nie. Daar sal onder geen omstandighede vir langer as ses maande meer met eienaars onderhandel word nie.

Volgens Xingwana is daar 5 279 grondeise uitstaande en sommige sal nie teen 2008 (president Mbeki se sperdatum) afgehandel wees nie.

casino games 21 Фильчаков Харьков

Kom bel? in die paradys

Joseph Kabila

President Joseph Kabila van die Demokratiese Republiek van die Kongo (DRK) het Vrydag ’n groep Suid-Afrikaanse sakemanne toegespreek en ’n rooskleurige prentjie van sy land aan hulle voorgehou.

Hy het toegegee dat veiligheid nog ’n probleem in die ooste van die land is, maar het gesê die probleem word aangespreek. “Wanneer die besigheidsgemeenskap van Suid-Afrika en elders na die DRK kom, gaan julle nie ’n klomp rewolusiestokers ontmoet nie, nee, julle gaan wettige, demokratiese instellings ontmoet,” het hy aan die Suid-Afrikaanse-DRK-forum gesê. “Politieke risiko’s bestaan nie meer nie.” Hy het die versekering gegee dat staatsinstansies stabiel en demokraties gaan bly “vir ’n baie lang tyd.” Volgens hom sal niemand aan die grondwet peuter ten einde ’n derde of vierde mandaat te bekom nie. “Die DRK is ’n veranderde land. Die DRK is reg om u te ontvang. Kom en belê … die geleenthede is daar.“

“Die klein probleempies wat ons het, is min of meer stroompies in vergelyking met die riviere wat ons oorgesteek het,” het die Kongolese president sy gehoor ingelig. President Thabo Mbeki het by hom aangesluit en gesê die DRK verteenwoordig “’n goeie besigheidsgeleentheid.“

Sowat vier miljoen mense is die afgelope paar jaar in die DRK dood tydens die konflik wat die land geteister het. Tans is daar sowat 2 000 Suid-Afrikaanse soldate wat in die Verenigde Nasies se vredesmag van 17 600 man dien. In die ooste van die land swaai 10 000 Rwandese Hutu’s nog die septer. Jean-Pierre Bemba, Kabila se belangrikste politieke mededinger, verkeer tans in ballingskap in Portugal. Hy het op 11 April die DRK verlaat ná hewige gevegte tussen sy ondersteuners en regeringstroepe en nadat hy drie weke lank in die Suid-Afrikaanse ambassade geskuil het.

casino sign up

Gaping tussen internetgebruikers groei

Een uit elke vyf mense in die wêreld het ‘n hoëspoedinternetverbinding maar die gaping tussen diegene wat dit het en die res, groei. Internetvideo-uitsendings en maatskaplike netwerke het ook dramaties toegeneem danksy die 300 miljoen hoëspoedinternetgebruikers.

Die sukses wat YouTube behaal het is alombekend, ook in Suid-Afrika. Duisende ure se film is al op die net vasgelê oor enige onderwerp onder die son. Al is meer as ‘n miljard mense aanlyn waarvan ‘n derde snelgroeiende toegang tot vinnige verbindings het, is dit nie ‘n uitgemaakte saak dat die internet die oorblywende byna ses miljard mense ook gaan bereik nie.

Die digitale wêreld is ‘n verdeelde een. Terwyl daar baie hoë penetrasievlakke vir breëbandverbindings in Europa, Noord-Amerika en hoë-tegnologie ekonomieë soos dié van Suid-Korea is, bly Afrika, soos heelwat ontwikkelende lande, agter. Daar is dikwels in ontwikkelende lande nie eers ‘n telefoondiens nie, dus is internettoegang nie ‘n opsie nie.

Die VSA bly steeds die voorloper in breëbandgebruik met 60 miljoen intekenare vanjaar. In die tweede plek is China met 56 miljoen. ‘n Jaar gelede was dit egter 41 miljoen gebruikers en na wat verwag word sal hulle Amerika teen die einde van die jaar verbysteek om die grootste breëband mark ter wêreld te word.

China het skielik momentum gekry, sê marknavorsers. Meer mense het in die eerste drie maande van 2007 as breëbandinternetgebruikers aangeteken as in enige ander eerste kwartaal. Die toeloop word deur ekonomiese veranderinge en nuwe regeringsriglyne verklaar.

China se groeiende middelklas beskou ‘n breëbandverbinding as ‘n statussimbool. Die Chinese regering wil andersyds graag die platteland toerus met rekenaartoegang en is besig met grootskaalse projekte om dit te realiseer.

Natuurlik help die voorbereidings vir die Olimpiese Spele wat aanstaande jaar in Beijing gehou gaan word ook om die belangstelling gaande te hou . Die regering het intussen afgekondig dat elke huishouding in Beijing oor ‘n hoëspoedverbinding moet beskik wanneer die Spele afskop.

Japan is nommer drie op die ranglys met 26,5 miljoen gebruikers. Daarna volg Duitsland met 16 miljoen en dan Frankryk met 15,3 miljoen. Frankryk het ‘n paar lande soos Suid-Korea in die breëbandresies verbygesteek met ‘n fenomenale 9% toename. Suid-Korea het tans 14,1 miljoen gebruikers in die vyfde plek.

In die sesde plek is Brittanje wat danksy die hewige kompetisie tussen Sky en sogenaamde "gratis" breëband verskaffers soos TalkTalk ‘n groei van 6,4% in die mark gesien het. Wat die persentasie van huishoudings betref is daar egter net 55% wat van ‘n hoëspoedverbinding gebruik maak en in daardie opsig is die VK besig om terug te gly na die sewentiende plek.

In Suid-Korea is byna 90% van alle huishoudings met ‘n breëbandverbinding toegerus. Ook in Hong Kong, Monaco en Macau waar die bevolkingsdigtheid asook verdienste hoog is. In die VSA is dit net onder 53%, in die vier-en-twintigste plek. In China staan die persentasie op 14,35% en in Indië op 1,15%. Indië het ‘n geraamde 200 miljoen huishoudings.

Oos-Europa suig steeds aan die agterspeen in Europa, maar het nogtans groeipotensiaal getoon. Veral in lande wat onlangs by die EU aangesluit het was belangstelling effens groter. Kroasië het ‘n ongelooflike toename van 25% gewys! Ook Griekeland en Indonesië het gegroei, maar penetrasievlakke bly laag.

Heel agter in die ry staan Afrika. Net Suid-Afrika, Soedan, Senegal en Gaboen het die lys gehaal. Die meeste nie-Arabiese lande het nie eens geregistreer nie. Suid-Afrika het 215 000 huishoudelike breëbandgebruikers en Soedan het 3000. In Noord-Afrika lyk dit effens beter met Marokko wat 418 000 gebruikers geregistreer het en Egipte 240 000.

shop games free

Afrikaleiers vol vertroue

Joseph Kabila

Joseph Kabila, die 36-jarige staatshoof van die Demokratiese Republiek van die Kongo (DRK), is gister met sy aankoms by die parlement in Kaapstad met ’n rooi tapyt en geweersaluut begroet. Daarna is hy na Tuynhuis geneem vir samesprekings met president Thabo Mbeki.

Ná die bilaterale samesprekings het Kabila die parlement (in Frans) toegespreek. Hy is van mening dat Suid-Afrika en die DRK ekonomiese groei in Afrika kan aanvuur. Hy het ’n beroep op verbeterde samewerking tussen die twee lande gedoen. Daarna het hy verduidelik dat sy regering tans probeer om aan verskeie sake in die DRK aandag te gee: die landbousektor, mynwese en die bou van paaie, hawens en lughawens.

Sowat vier miljoen mense het die afgelope paar jaar in die konflikgeteisterde land die lewe gelaat.

Vandag sal Kabila en Mbeki deelneem aan die DRK-Sakeforum voordat Kabila na die Noordwes-provinisie vertrek vir ’n kort besoek.

Intussen het Moammar Khaddafi en Robert Mugabe Woensdag in Tripoli vergader en ooreengekom dat die Afrika-unie met sy 53 state in ’n federale regering omskep moet word wanneer Afrika-staatshoofde van 1-2 Julie in Akkra, Ghana, vergader.

Khaddafi is lankal ’n ondersteuner van die skepping van ’n Verenigde State van Afrika-konsep, wat volgens hom Afrika se 800 miljoen inwoners in staat sal stel om van “Westerse kolonialisme” ontslae te raak. Die vergadering in Ghana sal 50 jaar ná Ghana die eerste Afrika-staat geword het om onafhanklikheid te verwerf, plaasvind en is dus van simboliese belang.

Die twee leiers wou nie sê watter ander onderwerpe tydens die gesprek gedek is nie. Dit is egter bekend dat Zimbabwe petrol van Libië ontvang het, ingevolge ’n lening van 360 miljoen Amerikaanse dollar. Zimbabwe sou dan deel van die lening terugbetaal deur landbouprodukte aan Libië te lewer, maar die ooreenkoms het in 2002 platgeval aangesien Zimbabwe nie sy deel van die ooreenkoms kon nakom nie. Zimbabwe se inflasiekoers staan tans op 3 700%, die werkloosheidsyfer op 80% en daar is ’n chroniese tekort aan voedsel en petrol.

станции италия

Afrika raak al meer agter

Die Wêreld Ekonomiese Forum (WEF) se konferensie oor Afrika het gisteroggend in Kaapstad afgeskop, te midde van waarskuwings dat Afrika se ontoereikende groeikoers die vasteland al verder laat agter raak teenoor die res van die planeet. Sowat 700 politici en sakeleiers woon die konferensie by.

Daar word verwag dat die 2007-groeikoers vir Afrika 6.2% gaan wees, volgens ’n verslag wat gesamentlik deur die WEF, Wêreldbank en Afrika-ontwikkelingsbank opgestel is. Die groei is hoofsaaklik toe te skryf aan eksterne faktore soos hoë kommoditeitspryse, skuldafskrywing en ’n gunstige internasionale ekonomiese klimaat.

Afrika se groei hou egter nie tred met wat elders gebeur nie. Volgens die Internasionale Monetêre Fonds het die Chinese ekonomie verlede jaar met 10% gegroei, Indië met 8.4% en Rusland met 6.4%. Ten einde teen 2015 die vasteland se armoedevlak te halveer, sal ’n volgehoue jaarlikse groeikoers van 7% noodsaaklik wees vir Afrika.

John Page, hoofekonoom van die Wêreldbank, meen dit is nie waar dat Afrika nie kan meeding met die res van die wêreld nie. Hy dink daar is “wêreldklas firmas in al die Afrika-lande” en dat Afrika bloot beter beleid en instellings nodig het, asook beleggings in infrastruktuur en menslike hulpbronne.

Beide Thabo Mbeki van Suid-Afrika en Abdoulaye Wade van Senegal het gister beklemtoon dat daar nie na Afrika gekyk moet word as ’n vasteland van “korrupsie en siekte“ nie. Tokyo Sexwale meen daar is rede vir optimisme en dat Afrika se sukses “gevier“ behoort te word. Hy het sy toespraak gelewer teen die agtergrond van dreunsang deur Cosatu-werkers wat buite die Internasionale Konferensiesentrum in Kaapstad gestaak het.to beat прокурор Фильчаков