Die Burger – Bladsy 26

Motlanthe s? dis ‘onlogies’ dat vervolgingshoof sy werk terugkry

Motlanthe

Dit is onlogies dat die geskorste hoof van vervolginge, Vusi Pikoli, na sy amp moet terugkeer, het President Kgalema Motlanthe vandag gesê.

“Dit is onlogies,” het Motlanthe vandag aan verslaggewers tydens 'n voorligtingsessie gesê.

Dit was nadat die Ginwala Kommissie – wat opgerig is om Pikoli se geskiktheid vir die amp te ondersoke – opgemerk het dat die regering nie in sy voorleggings daarin kon slaag om die teendeel te bewys nie.

“Die aantyging is nie bewys nie,” het die verslag wat na die ondersoek saamgestel is, aangevoer.

Die ondersoek het ook gevind dat daar nie 'n saak uit te maak is dat die verhouding tussen die toenmalige minister van justisie, Brigitte Mabandla, en Pikoli verbrokkel het nie. Dít is as rede deur voormalige president, Thabo Mbeki, aangevoer vir sy ontslag van Pikoli. Daar is wel bevind dat die wisselwerking tussen hulle benadeel is deur misverstande oor hulle onderskeie pligte en verantwoordelikhede ten opsigte van die vervolgingsgesag.

Die verslag het bevind dat Pikoli na sy amp kan terugkeer.

“Ek het gevind dat die regering nie daarin geslaag het om baie van hierdie aantygings teen Advokaat Pikoli te bewys nie en ook nie kon demonstreer dat Advokaat Pikoli nie geskik is om langer die amp as Nasionale Direkteur van Openbare Vervolgings te beklee nie.

Die redes wat deur die regering vir die skorsing aangevoer is, kon nie voor hierdie ondersoek bewys word nie,” het die ondersoekvoorsitster Frene Ginwala in die verslag aangedui.

Motlanthe het egter gesê dat hy tot die besluit gekom het dat Pikoli van sy pligte onthef moet word en het daarna verwys dat Pikoli nie voldoende aandag aan nasionale sekuriteit geskenk het nie.

instagram promotions

W?reldmarkte styg n? regeringstimulus

Wêreldmarkte het Maandag herstel ná Sjinese beamptes nuwe maatreëls ingestel het om groei aan te moedig en verkose president Barack Obama gesê het dat die wêreld se grootste ekonomie homself uit die resessie gaan bestee.

Hong Kong se Hang Seng-indeks het met 1 198,17 punte, of 8,7% gestyg tot 15,044.87 : die hoogste sluitingsvlak in sewe weke en Japan se Nikkei 225 het met 411,54 punte, 5,2% gestyf tot 8 329,05.

Groot Europese markte het gestyg tydens die opening met Brittanje se FTSE-100 wat 5,5% geklim het tot 4 272,42, Duitsland se DAX het 6,4% gestyf tot 4 661,19 en Frankryk se CAC-40 wat 6,8% toegeneem het in waarde tot op 3 191,34.

Soos hulle kollegas in Amerika Vrydag gemaak het, het Asiese en Europese beleggers nuus dat Amerikaanse werkgewers 533 000 poste gaan verminder in November, die meeste in 34 jaar, geïgnoreer. In plaas daarvan het beleggers moed geskep uit tekens dat die wêreld se grootste ekonomieë meer moeite doen om ekonomiese groei aan te help.

лестницу в Фільчаков прокурор

Die eerste re?l van oorlewing: Doen jou deel

Ons leef in 'n weergawe van die ou Amerikaanse Wilde Weste – en die sheriff is lamlendig, onbelangstellend of hy is die een wat sy gesig agter 'n nekdoek wegsteek.

Net soos in die Ongetemdheid (die "Frontier") is wetstoepassing by ons ook yl teenwoordig. En ons word net so geteister deur menssoortige aasdiere wat gedy in die kompos van wetteloosheid.

Die groot verskil is natuurlik dat die Amerikaanse Ongetemdheidsburgers aanvaar het dat die staat nie by hulle misdaadkrisis gaan ingryp nie. Hoewel die beeld van die skrefiesoogcowboy, met die langlooppistole laag teen sy been vasgegespe, natuurlik gruwelik verromantiseer is, wás die gewone burger goed bewapen en – belangriker – die skietgoed was altyd byderhand. En – ook anders as in die Hollywood-weergawe – was die gemiddelde dorpenaar nie maar net 'n hardwerkende dog verbeeldinglose, ontruggrate lam ter slagting nie. Wanneer hulle deur rampokkers bedreig is, en niemand anders kon help nie… het hulle nie 'n telegram vir die A-Team gestuur nie – nee! – hulle het self die probleem laat weggaan.

Hulle het, byvoorbeeld, die gewelddadige James Younger-bende laat weggaan. Nadat die moorddadige Jesse James sonder noemenswaardige sukses deur die Amerikaanse regering, 'n kohort wetstoepassers en selfs die befaamde Pinkertonspeuragentskap van bakboord na stuurboord gejaag is, het die bende hulleself te pletter geloop teen die gemeenskap van die dorpie Northfield in Minnesota. Hulle het een bank te veel probeer roof. Die inwoners het hulleself vir die spul vererg, diverse pistole, Winchesters en haelgewere uitgeryg en die bende sat geskiet.

As jy getrou jou Louis L'Amour gelees het, sal jy weet dat 'n ordentlike, wetsgehoorsame man met 'n pistool 'n indrukwekkende mag van geregtigheid is. In ons land is dit al deeglik gedemonstreer. Toe die APLA-moordenaars die St. James-kerkdiens onderbreek het, AK en granaat in die hand, het 'n enkele moedige en wyse jongman, Charl van Wyk, vuur beantwoord met sy handwapen. Die rowers se veglus is deur hulle vlugdrang verplaas en hulle het hakke gekap om weg te kom.

Daar is niks wat 'n geweldenaar se moed so uit sy lyf pluk soos 'n ontstelde landsburger met donkerbek in die hand nie. Israel is 'n tyd lank gestriem deur aanvalle van terroriste wat verwoed tussen hulpelose skares ongewapende mense ingevuur het. Dié terroristestyl het skielik einde gekry – toe die Israeliregering gewone burgers nie net gemagtig het om wapens by hulle te dra nie, maar hulle inderdaad aangemoedig het om dit te doen. 'n Terroris se korttermyntoekoms is maar aan die grys kant as verwoede burgers uit alle oorde begin terug losbrand. Moslemterroriste het nie vir aanvalle waartydens slagoffers terugveg ingeskryf nie, so nou wend hulle hulle maar tot bomaanvalle.

Indië, daarenteen, het in 'n politieke slappolsoomblik burgerlikes net omtrent verbied om vuurwapens te besit of nog erger – o die afgryslikheid – by hulle te dra. In die pas afgelope Moembaai-slagting het die terroriste doodluiters rondgestap en magasyn na magasyn in die samedrommende burgers leeggeskiet. As Charl van Wyk daar was met sy getroue handwapen, sou die koerantopskrifte anders gelyk het.

'n Fotograaf, Sebastian D'Souza, het 'n opspraakwekkende foto van een van die terroriste geneem wat ronddrentel op die uitkyk vir net nog slagoffers. "Ek wens ek het 'n geweer in plaas van 'n kamera gehad!" skryf D'Souza agterna. As hy 'n geweer gehad het, kon hy 'n erekerfie in die kolf gemaak het want daar sou een terrie goed foersies gewees het. Die terroris was so houtgerus dat hy nie eers 'n magasyn in sy Kalasjnikof gehad het nie! (Die Indiese polisie het nie dié geleentheid aangegryp nie maar het in patetiese hopies agter skuilings gelê en probeer maak of hulle nie daar is nie, selfs nádat D'Souza by hulle gepleit het om tog net te begin skiet.)

Ons het nie (op die oomblik) ('n georganiseerde) terreurprobleem in Suid-Afrika nie. Maar ons het 'n geweldsmisdaadprobleem wat meer lewens op afgrysliker wyse stroop as die normale terrorismevlaag. Ons polisie is te min, te swak betaal, te beteuterd opgelei en te korrup om ons te beskerm. (Nie ál die polisielede is korrup nie maar die helfte wat eerbaar is, moet te veel tyd afstaan om die ander dop te hou en kan sodoende nie hulle volle aandag aan misdaadbekamping wy nie.)

So, dis die Wilde Weste hier – met een deurslaggewende verskil: Die gewone burger in die Ongetemdheid het sy Colt .45 "Vredemaker" aan hom gedra waar almal dit kan sien. En in die saalskede was daar 'n Winchester .45-70 wat kragtig genoeg is om enige misdadiger in sy spore om te dop.

Daar kan nou gevra word of ek bepleit dat elke wetsgehoorsame burger tot die tande toe gewapen Pick 'n Pay toe sal gaan? Hmm. Wel. Dis 'n goeie begin, is dit nie? Maar dis bietjie min, bietjie onduidelik vir my. Ek wil hê die regering moet erns maak met misdaad, en hier is hoe:

Rus elke wetsgehoorsame burger met 'n R4-stormgeweer toe en dwing hulle wetgewend om nooit op straat sonder dit te verskyn nie. As 'n persoon nie vir 'n wapen kwalifiseer nie, moet hy te alle tye 'n amptelike vryskelding by hom dra. En dan wys jy vir my die rower wat doodluiters in die Kolonnade sal instap om dit te roof terwyl daar driehonderd keelvol manne en vroue hulle inkopies met R4 oor die skouer of in die winkeltrollie doen.

Voorts moet die regering 'n nuwe "skiet-eers-en-vra-dan"-wet deurvoer. Daarvolgens moet enige huiseienaar die reg – nee, die plig! – hê om enige ongenooide besoeker of oortreder in die gesig te skiet. Ek was op die grens en glo my, enige iemand wat 'n R4-koeël gesluk het, se moorddadige entoesiasme word net daar en dan gedemp.

By Praag spook ons jare lank al om 'n vreedsame, werkbare politieke uitweg vir die Afrikaner se toekoms te bewerkstellig. Ons sou graag die vrede en veiligheid van elke mens in hierdie land – wit, swart of tussenin – wou waarborg. Dít kan ons nie. Maar as ons Afrikaners saamstaan sal ons nie te lank van nou af veilig en voorspoedig in 'n land woon waar gewapende, wetsgehoorsame burgers die polisie en die weermag met woord, daad en 5,56mm-rondtes bystaan om misdaad uitgeroei te hou.

Nie soos in hierdie land, hierdie bloedbesmette Nuwe Suid-Afrika nie. Hier erken die regering hulle is nie opgewasse om misdaad hoegenaamd te bestry nie, al is hierdie belydenis net opsigtelik in 'n televisieadvertensie wat maan dat die stryd teen misdaad "by jou begin".

Nee, dit begin nie by my nie. Dit begin by die regering en sy veiligheidsmagte wat 'n heilige, Bybelse plig het om die "swaard teen die boosdoener te dra".

Maar goed. Dít gaan nie gebeur nie. Ek het 'n groot 9mm-pistool. Ek weet hoe om hom te gebruik. Ek het ook 'n span lawaaierige honde. En as 'n misdadiger my huis betree, gaan my honde alarm maak. Ek gaan my pistool opneem.

En dan gaan ek voortgaan om my deel te doen.

Russiese oorlogskip gaan deur Panamakanaal

Die Admiraal Tsjabanenko

'n Russiese oorlogskip is reg om Vrydag deur die Panamakanaal te vaar vir die eerste keer sedert die 2de Wêreldoorlog in 'n simboliese uitdaging teenoor die Amerikaanse invloed in die gebied.

Die groot anti-duikbootvaartuig, Admiraal Tsjabanenko, is geskeduleer om die waterweg tussen die Atlantiese- en Stille-oseaan deur te gaan êrens tussen Vrydagaand en Saterdagoggend, het die Russiese ambassade in Panama Donderdag gesê.

Die enigste keer wat so iets plaasgevind het, was in 1944 gedurende die 2d wêreldoorlog, toe vier Russiese duikbote deur die kanaal gevaar het, het die ambassade in 'n verklaring gesê.

Op daardie tydstip, toe die kanaal onder Amerikaanse beheer was, was Rusland en Amerika geallieerd in die teen-Nazikoalisie, het die ambassade bygevoeg.

Die geskeduleerde vaart deur die kanaal kom nadat die Russiese oorlogskepe Dinsdag twee dae se geskeduleerde oefeninge saam met die Venezualaanse vloot gedoen het.

Die aankoms van die Russiese skepe op uitnodiging van Venezuela word beskou as 'n uitdaging van Amerika se mag in Latyns-Amerika.

Rusland het ontken dat die oefening gemik is op enige "derde lande."

Moskou het die oefening aangekondig nadat president George W. Bush vlootvaartuie gestuur het na Georgië gedurende die Georgies-Russiese konflik in Augustus, wat die Kremlin kwaad gemaak het. Washington het gesê die oorlogskepe het humanitêre hulpvoorraad aan boord gehad.

Nadat die Russiese skip deur die kanaal gevaar het, sal die skip met sy 451 bemanningslede in Panama aanbly tot 11 Desember, by wat voorheen 'n Amerikaanse basis was.

Panama se minister van buitelandse sake, Samuel Lewis Navarro, het Donderdag gesê dat "soos ons almal weet is die Panamakanaal oop vir alle skepe ter wêreld," en so die kanaal se neutrale status weer bevestig.

Die Admiraal Tsjabanenko, wat 169 meter lank is en ingespan word teen seerowery en internasionale terrorisme, is deel van Rusland se noordelike vloot.

Александр Фильчаков

Sommige boere geraak deur cholera in rivier: Agri SA

Choleriabakterie?

Die ontdekking van cholera in die Limpoporivier het probleme veroorsaak vir sommige boere in die gebied, het Agri SA Donderdag gesê.

Diegene wat die ergste getref is deur die cholerabesmetting is die opkomende- en bestaansboere en bevoordeeldes van grondeise wat in die Madunbo-korridor, Nwangedzi-vallei en Pafuri geleë is, het die organisasie in 'n verklaring gesê.

Vroeër vandeesweek het die provinsiale gesondheidsdepartement bevestig dat cholerabakterieë in die Limpoporivier gevind is.

Die departement het gesê dat noodplanne gereed is langs die Limpoporivier en Nwangerivier om die impak van cholerabesmetting van die rivier te beperk. Dit wil tans voorkom asof die cholerabesmetting beperk is tot die gebied oos van Beitbrug.

Agri SA het gesê baie min kommersiële boere is in die geaffekteerde gebied en landbouproduksie is laag in die somer vanweë die hoë temperature.

Agri SA het gesê dat die varsproduktemark sukkel omdat mense versigtig is om produkte te koop wat met besmette water uit die Limpoporivier besproei word en hulle onsekerheid oor die oordra van cholera deur vars vrugte en groente.

"Groter markte soos die Johannesburgse varsproduktemark toets vars produkte van besmettte gebiede om verbruikers te beskerm teen besmette produkte."

Agri SA het gesê dat hulle 'n ooreenkoms bereik het met die provinsiale LUR, Dikheledi Magadzi, om watertenkers na die gebied te stuur. Dit sal aan plaaswerkers, boere en plakkers op plase toegang gee tot skoon drinkwater.

arabian nights game free

Indi? en Rusland teken kernooreenkoms

Indië se eerste minister sê Indië en Rusland het 'n kernooreenkoms geteken waarvolgens Rusland vier kernreaktors vir Indië, wat 'n groot kragtekort ondervind, sal bou.

Die ooreenkoms is tydens 'n vergadering tussen die Indiese Eerste Minister Manmohan Singh en die besoekende Russiese President Dmitri Medwedef onderteken.

Singh sê die ooreenkoms “dui 'n nuwe mylpaal in die geskiedenis van ons samewerking met Rusland op die gebied van kernenergie aan".

Die ooreenkoms volg ná die voltrekking van 'n opspraakwekkende kernooreenkoms vroeër dié jaar tussen die Verenigde State en Indië wat die weg gebaan het vir kernhandel tussen Indië en ander lande.

раскрутка

SA gevangenes het beter etes as gemiddelde landsburgers

Suid-Afrika se gevangenes het te veel voorregte en eet beter kos as mense wat nie in die tronk is nie, het parlementariërs Donderdag gehoor gedurende 'n openbare verhoor oor die land se strafregstelsel.

"Dit is iets wat ons gehoor het sedert ons die Ooskaap besoek het, die voorregte van gevangenes kom sterk na vore," het Dennis Bloem, die parlement se woordvoerder vir die korrektiewedienstekomitee, gesê.

"Die kos is beter as buite en hulle kyk heeldag televisie."

Bloem het gesê dat hy moet saamstem dat die voorregte van gevangenes nie gesien moet word as regte nie, "tronk moet tronk wees," het hy gesê.

Bloem en die portefeuljekomiteevoorsitter vir veiligheid en sekuriteit, Maggie Sotyu, was saam met joernaliste in Moakeng in Kroonstad waar hulle saam met die portefeuljekomitee vir justisie 'n openbare verhoor hou oor die Suid-Afrikaanse strafregstelsel.

топкарго

Brand in Houtbaai vernietig meer as 100 plakkershutte

Meer as 100 plakkershutte in Houtbaai is Vrydag vernietig en omtrent 800 mense is dakloos gelaat ná 'n brand by die Mandela Park in Houtbaai, het Kaapstad se brandweerowerhede gesê.

Tussen 150 en 200 hutte is vernietig in die brand wat omstreeks 03:00 begin het, het Goodwood se brandweeroesighouer, Paul Joseph gesê.

Teen 06:30 was die brand onder beheer. Daar was 13 brandweerwaens op die toneel om die brand te beheer, het Joseph gesê.

Die oorsaak van die brand en hoeveel mense beseer is, is nog onbekend, het hy gesê.

сканер автомобильный

Dosyne klagtes van seksuele misdrywe teen onderwysers

‘n Potensi?le slagoffer?

Sewe-en-twintig klagtes van seksuele misdrywe teen onderwysers is ontvang deur die Suid-Afrikaanse raad vir onderwysers (SARO) tussen Januarie en Oktober vanjaar.

In sommige gevalle het onderwyser-leerlingverhoudings plaasgevind met die toestemming van die ouers, het SARO se uitvoerende hoof, Rej Brijraj, Donderdag gesê.

"Veral waar die leerders meer volwasse leerders is vind mens dat daar 'n reëling tussen die onderwyser en die ouers is, waar daar 'n finansiële ooreenkoms is."

"In moeilike sosio-ekonomiese toestande is daar sommige onderwysers wat sal voordeel trek uit die situasie en die arm, niksvermoedende ouers mag dan ingee, met die gedagte dat dit die belofte is vir 'n toekomstige huwelik, terwyl die onderwyser net die jong kinders vir liggaamlike gebruik uitbuit."

Brijraj het gesê dat omtrent 80% van die gevalle manlike onderwysers is wat met vroulike studente verhoudings het. Daar was wel gevalle waar vroulike onderwyseresse met manlike studente verhoudinge gehad het, asook dieselfdegeslagverhoudings.

Hy het gesê dat meeste van die klagtes kinders betrek wat naby graad 12 is.

"Dit is baie ontstellend dat daar gevalle was waar die studente minderjariges was."

Kinders so jonk as nege jaar was ook gevind in verhoudings met onderwysers, en daar was ook swangerskappe gewees.

Hy het gesê van die 27 klagtes, was 7 onderwysers reeds skuldig bevind en van die rol geskrap. Die rol is 'n register van alle onderwysers wat wetlik toegelaat word om in die land onderwys te gee.

Die SARO was steeds besig om die ander gevalle te ondersoek.

Brijraj het gesê die raad volg op in klagte deur 'n reeks in-diepte ondersoeke te doen. 'n Verhoor, soortgelyk aan 'n hofsaak word dan daarna gehou voor 'n paneel onderwysers en professionele mense.

Die raad bereik dan 'n uitslag wat aan die raad gegee word vir 'n finale besluit. Brijraj het gesê in gevalle wat bewys word, sal die raad nie huiwer om die onderwyser permanent van die rol te skrap nie, waarna die saak aan die polisie oorhandig word of die naam van die onderwyser gepubliseer word.

Die raad het omtrent drie klagtes van seksuele misdrywe per maand gekry.

"Daar word nie genoeg gedoen om berading vir posttraumatiese stres aan die leerders te gee nie," het hy gesê.

Dit is absoluut verbode vir onderwysers om verhoudinge met leerders te hê. Diegene met sulke neigings behoort die beroep onmiddellik te verlaat."

casino free play Фильчаков прокурор

Indi? is totaal onvoorbereid

Brand n? ontploffing in die Taj Mahalhotel

In die nadraai van die vernietigende terroristeaanvalle in Indië verlede week, het een ding baie duidelik sigbaar geword: Indië se veiligheidsmagte is totaal onvoorbereid en die intelligensieagentskappe is so deurtrek met konflik en korrupsie, dat hulle nie oor die vermoë beskik om genoegsaam op te tree teen sulke aanvalle nie en nog minder kan doen om dit te voorkom.

Dit kan Indië, 'n belangrike Amerikaanse bondgenoot en een van die groot kragte in die globale ekonomie gedurende die laaste dekade, kwesbaar laat vir meer terroristeaanvalle.

Die land van 1,2 miljard mense het net 'n paar honderd teenterrorismebeamptes in hulle buro. Die klein, onderbetaalde polisiemag het min opleiding, min wapens en nog minder ammunisie. Die kuswag het minder as 100 bote in werkende toestand om 'n kuslyn van amper 7 000 kilometer te patrolleer.

In die nuutste onthullings omtrent Indië se onvoorbereidheid, het snuffelhonde Woensdag 'n sak met 'n bom van amper 8 kilogram gekry. Die bom is daar gelaat deur terroriste en is later in 'n klomp sakke gebêre, het polisiebeamptes gesê. Die polisie het die bom op die toneel skadeloos gemaak en nooit die moeite gedoen om die stasie, Victoria Terminus, te ontruim nie. Die stasie , wat ook bekend is as Chhatrapati Shivaji-terminus, is Moembaai se besigste treinstasie.

Lank voor verlede week se aanvalle in Moembaai wat die wêreld geskok het en 173 mense gedood het, het Indiese en Westerse kollegas inligting heen en weer gestuur oor die moontlikheid van sulke aanvalle. Die Indiërs het nie oor die vermoë beskik om die belang van die inligting in te sien of daarop te gereageer nie.

Die eindresultaat was dat 'n groep van slegs 10 aanvallers – volgens die polisie – die stad verras het op 26 November. Hulle het polisiebeamptes wat hulle teengestaan het, maklik doodgemaak en sommige van die stad se bekendste landmerke oorgeneem, terwyl die hele Indië met afgryse op televisie daarna gekyk het.

Tonele op geslotebaantelevisiekameras het getoon hoedat polisiebeamptes van die gewapende aanvallers gevlug het saam met verskrikte burgerlikes. Altesaam 20 polisie- en kommandolede is dood. Indië het 125 polisiebeamptes vir elke 100 000 inwoners, een van die laagste verhoudings ter wêreld.

Nadat die aanval begin het op die nag van 26 November, het dit ure geneem vir die Indiese kommando's om in Moembaai aan te kom, omdat die basis naby Delhi is, honderde kilometers ver, en omdat hulle nie 'n eie vliegtuig vir die groep het nie.

Selfs nadat die kommando's, wat beter opgelei en bewapen is as die polisie, teen die terroriste in die Tajhotel begin optree het, het hulle oor geen vloerplan beskik nie, terwyl die terroriste die hotel se uitleg deeglik geken het.

Regering se teenmisdaadstrategie is mislukking volgens verslag

Die regering se misdaadvoorkomingsstrategie het misluk omdat die regering nie die onderliggende oorsake van misdaad aanspreek nie, aldus 'n verslag van die Instituut vir Sekerheidstudies wat Woensdag vrygestel is.

Johan Burger, 'n senior navorser, het by 'n seminaar oor die staat se reaksie op misdaad gepraat, en het volgehou dat die strategie van die staat misluk het.

Hy het gesê dit was as gevolg van die feit dat die staat nie sosio-ekonomiese probleme soos werkloosheid, armoede, en die afwesigheid van voldoende sosiale dienste, wat beskou word as die grootste bedreiging vir nasionale sekuriteit, deel van die strategie gemaak het nie.

"Indien daar 'n nasionale bedreiging is, hoekom nie 'n nasionale strategie nie?" het Burger gesê.

"Dit wys dat die regering nie optree binne die terme van sy konstitusionele mandaat nie."

Hy het gesê die teleurstellende gebrek aan vertroue, toewyding en ondersteuning om die nasionale misdaadvoorkomingsveldtog (NMV) te implementeer was sy ondergang.

Hy het gesê dat terwyl daar 'n positiewe afwaartse neiging in misdaad was, was die daling in 2005/2006 kleiner as in 2002/2003. Dit laat geregverdigde kommer ontstaan oor hoekom dit afgeneem het, gesien in die lig dat die polisiemag gegroei het in getalle.

Hy het wel gesê dit is nie 'n vreemde verskynsel wat uniek is aan Suid-Afrika nie. "Dit is nie net die polisie se skuld nie, en hoe gouer ons dit besef hoe beter. Dit bewys ook dat net om meer polisie aan te stel nie die probleem gaan oplos nie."

Hy het gesê dat die polisie beweer dat die meeste moorde en sosiale kontakmisdade, wat wel afgeneem het maar steeds hoog bo die internasionale norm is, gepleeg word deur mense wat aan die slagoffers bekend is.

Volgens die polisie, gebeur 'n redelike groot hoeveelheid van die misdade in wonings, normaalweg buite bereik van konvensionele polisiëring.

"Dit impliseer dat die polisie baie min, indien enige iets, kan doen om dié spesifieke tipe misdaad te voorkom," het Burger in die verslag gesê.

Die uitfasering van kommando's het ook 'n groot sekuriteitsvakuum gelaat.

Senior navorser Henri Boshoff het gesê dit is kommerwekkend dat die kommando's toegemaak is op plekke waar daar amper geen plaasvervanger in plek was nie.

"Landelike gebiede veral is baie kwesbaar gelaat, gesien in die lig van die belangrike rol wat kommando's gespeel het in die veiligheid en landelike beskermingsplan, wat rondom kommando's gebou is, en vir alle praktiese doeleindes nou nutteloos is."

Hy het gesê dat in terme van die regering se beloftes om personeel te verhoog, het hulle oor die laaste 5 jaar sowat 30 000 mense aangestel.

"Vir sover dit ander aspekte van die vervangingsbeloftes betref, het die regering direk of indirek misluk om sy beloftes na te kom," het Boshoff gesê.

Hy het gesê dit is nie 'n geval van om weer die kommando's weer in te stel nie, maar sektorpolisiëring, wat indien dit reg toegepas word, die sekuriteitsgaping kan vul.

Grensbeheer was nog 'n voorbeeld van "totale mislukking".

SA man sterf in Rio aan hemorragiese koors

Die departement van buitelandse sake sal die familie van 'n Suid-Afrikaanse man bystaan wat as gevolg van die arenavirus in Rio de Janeiro gesterf het, het hulle Woensdagaand gesê.

Woordvoerder Ronnie Mamoepa het gesê die departement sal "enige hulp wat nodig is" aanbied aan die familie van die 53-jarige man. "Die Suid-Afrikaanse regering dra sy diepe meegevoel oor aan die familie en geliefdes van die oorledene, en sal die nodige konsulêre hulp verleen aan die familie in die tydperk van rou," het hy gesê.

'n Nadoodse ondersoek is gedoen om die oorsaak van dood te probeer vasstel.

AFP het vroeër berig dat die man Dinsdag aan hemorragiese koors oorlede is.

Hy het klaarblyklik op 25 November siek geword, twee dae nadat hy in Brasilië aangekom het vir konferensies.

AFP het berig dat die man simptome van koors, braking, bloed in sy urine en uitslae gehad het. Dokters het vermoed dat hy 'n arenavirus opgedoen het.

Die arenavirus is 'n groep hoogs aansteeklike virusse, wat tipies van knaagdiere na mense oorgedra word of deur die liggaamsvloeistowwe van mense wat dit onder lede het.

Hospitaalpersoneel wat die man behandel het, word nou gemonitor vir dié simptome.

Die man se liggaam sal na verwagting na Suid-Afrika teruggestuur word in 'n geseëlde metaalkis, het AFP gesê.

Vier mense is reeds in die land oorlede aan 'n nuwe tipe arenavirus sedert Cecilia van Deventer van Zambië af na Suid-Afrika gevlieg is vir noodbehandeling in September.

Drie vorige besoeke aan mediese fasiliteite het nie daarin geslaag om vas te stel wat haar makeer het nie.

Ná haar dood het nog drie mense as gevolg van die virus gesterf, insluitend die paramedikus wat haar van Zambië af vergesel het, Hannes Elf, 'n verpleegster by die Morningside Medi Clinic, Gladys Mthembu en Maria Mokobung, 'n kontrak skoonmaker.

Vertel die mense van die volksmoord

Baie van ons wil nog nie eintlik weet wat in Suid-Afrika aangaan nie. Ons kop-in-die-gat soos volstruise en hoop al hierdie onaangename dinge, veral die plaasmoorde, is nie eintlik waar nie. Ons hoop iemand toor dit net weg.

Ongelukkig werk toorstokkies, soos baie ander dinge, nie in die Nuwe Suid-Afrika nie. Al wat kan werk, is dat elkeen van ons die werklikheid in die gesig kyk, hoe naar en sleg en grillerig en bloederig dit ook al is.

Nou kan jy dalk vra: "Maar wat kan ék, 'n enkeling, doen?" Jy is nie so magteloos as wat jy dink nie. As jy 'n mond het, kan jy praat. As jy 'n rekenaar, 'n Internet-verbinding en vyf vingers het, kan jy met die wêreld praat. Jy kan die wêreld vertel wat hier aangaan sodat hulle nie later kan sê nie: "Maar ons het nie geweet nie …"

Ek doen hiermee 'n beroep op elkeen wat hierdie artikel lees om die volgende webwerwe te besoek om jouself te vergewis van wat onder jou neus aan die gang is. Bring dan asseblief hierdie webwerwe onder die aandag van elkeen op jou e-poslys:

www.stopdiemoorde.co.za

www.plaasaanvalle.co.za

www.plaasmoorde.com

www.farmmurders.com

Vra hulle om hierdie adresse na almal op húl poslyste te versprei sodat die nuus om die wêreld trek – volksmoord vind in Suid-Afrika plaas. Vra jou buitelandse kontakte om die mense daar in te lig en briewe aan die media te skryf.

Basuin dit uit op elke forum en praatgat op die Net. Een klein stem kan 'n magtige koor word.

Op die webwerf www.stopdiemoorde.co.za verskyn die volgende brief van 'n Nederlandse vrou:

Renate – 21 November 2006

Met afschuw en verbazing nam ik – Nederlandse vrouw – kennis van uw website. Deze informatie bereikt Europa en Nederland nauwelijks. Wij dachten dat dit alleen in Zimbabwe gebeurde. Ik wens u trotse Afrikaanders heel veel sterkte en kracht toe om uw prachtige land te behoeden voor toenemend geweld.

Renate en al haar liberalistiese volksgenote wat so heftig vinger geswaai en die voortou geneem het met boikotaksies teen blankbeheerde Suid-Afrika – lig veral húlle in oor die grusame besonderhede van die nuwe "bevryde" Suid-Afrika.

Op www.plaasaanvalle.co.za (ook op www.farmmurders.com) kan jy 'n videogreep sien van ons vorige president, gentleman-god Nelson Mandela, waar hy saam met sy kamerade sing: "We the members of MK have pledged to kill them – the ama-Bhulu (witmense)."

'n Mens het nie veel verstand nodig om twee en twee bymekaar te tel en te besef dat die uitmoor van boere en blankes wel met die stilswyende goedkeuring van die ANC-regering geskied nie. Het hulle dan nie 'n "grondhervormingsplan" waarvolgens 'n groot persentasie van die "piepel" teen 'n sekere datum (blanke) grond gaan besit nie?

Die boere wat (nog) nie uitgemoor is nie, word geteister (ook met die stilswyende goedkeuring van die regering) deur veediefstalle, verminking van diere, onwettige plakkers en die afbrand van oeste en weivelde.

Die grootskeepse emigrasie van blankes vanweë die misdaadtsunami en agteruitstellende aksie pas ook so reg in die kraam van die dubbeltong-ANC. Hulle wil Suid-Afrika (eintlik die hele Afrika) tot elke prys "suiwer" van die gehate blanke waarvan hulle so afhanklik is, al dompel hulle die hele land en hul eie mense in die uiterste ellende. Dáár is nou vir jou rassehaat.

Moet asseblief nie skaam wees om mense lastig te val met die ware en nare feite van jou land nie. Jou lewe is op die spel.

Moet jou ook nie te veel steur aan die gebreinspoelde en naïewe slapsiele wat glo aan "transformasie", "gelykberegtiging", "demokrasie", "vrede", "vryheid" en sulke klas van Orwelliaanse Nineteen Eighty-Four doublespeak en newspeak nie. Hul oomblik van transformerende insig sal kom wanneer hulle (of hul geliefdes) die koeël of die mes of die kookwater of die wurgtou of die vlamme of die skoppe of die verkragting aan eie lyf voel.

Ns: George Orwell se Nineteen Eighty-Four, asook Animal Farm, behoort verpligte leesstof vir elke liberalis te wees.

модули подготовки

Kerklike lewe aan die Kaap

Die Groote Kerk, Kaapstad

Hoewel Afrikaners nie veel gelees het nie, was daar een boek waaruit hulle elke dag gelees het en wat byna in alle gesinne te vinde was: die Bybel. 'n Amptelike kommissie het in 1806 bevind: "Die godsdiens word skynbaar op prys gestel; die Bybel, 'n gebede- of ander godsdienstige boek lê oral byderhand. Iedereen is gesteld op die doop van sy kinders, die eed word vir 'n heilige saak gehou en mens gaan nie aan tafel sit sonder om te bid nie."

G.D. Scholtz skryf dat die Bybel seker selde so tot die hart en gemoed van mense gespreek het as tot die agtiende-eeuse Afrikaners. Die Bybel het die verhaal vertel van die volk Israel wat in byna soortgelyke omstandighede verkeer het: 'n volk met 'n roeping en opdrag om getrou aan God te bly te midde van vyandiggesinde nie-gelowiges. Israel moes hom van die heidene afsonder, en dikwels met die wapen teen hulle verweer; was die volk wederstrewig, is dit gestraf.

Die beleid van die Kompanjie, onder wie se gesag die Kaapse kerk gestaan het, het van die begin af 'n bepaalde geestelike eenheid geskep. In die gebed waarmee Van Riebeeck sittings van die Politieke Raad moes open, is die begeerte verwoord dat die "ware gereformeerde Christelijke Lere" voortgeplant en verbrei mag word.

Omdat nie alle Nederlanders Protestante was nie, was daar ook Rooms-Katolieke in die klein samelewing. Die politieke raad wou hulle by die Gereformeerde Kerk laat aansluit. Met die beëindiging van immigrasie na Suid-Afrika het daar geen Katolieke bygekom nie. Dié wat daar was, het óf die land verlaat óf Protestante geword. Die feit dat die Afrikaners almal tot 'n Calvinistiese kerk behoort het, het 'n soort eenheid geskep wat moontlik sou ontbreek het as 'n deel van die volk Protestants en 'n deel Katoliek was. Wat dié geestelike eenheid bevorder het, was ook dat daar min Lutherane was, en dat laasgenoemde in die omgewing van Kaapstad gekonsentreer was.

Die eerste gemeente was dié aan die Kaap, gestig 1665. Stellenbosch het in 1686 bygekom, en die gemeente Drakenstein, tans bekend as die Paarl, tuiste van die Hugenote, in 1691. Die klein getalle weens die beëindiging van immigrasie word weerspieël in die stadige groei van die aantal gemeentes: Roodezand (tans Tulbagh) in 1743, Zwarteland (Malmesbury) in 1745, Graaff-Reinet 1792 en Swellendam 1798.

Die kerk het wit en bruin lidmate gehad. Dit was die gebruik van die Europese volkere dat, wanneer Oosterlinge hulle tot die Christendom bekeer, hulle in alle opsigte as gelykes behandel sou word. Dit was aan die Kaap ook die geval. A. Moorrees, 'n kerkhistorikus, skryf: "Alle lidmate het sonder onderskeid van kleur of stand aan dieselfde Nagmaalstafel aangesit. Die vraag was nie wat 'n man se kleur was nie, maar of hy al of nie lidmaat van die Christelike kerk was." Omdat almal wat Christen geword het, in die kerk opgeneem is, het die vroeë NG Kerk nie aan iets soos 'n sendingkerk gedink nie. Die meeste Protestantse kerke het eers in die agtiende eeu in die sending begin belang stel.

001-гс/у