Etiket: Kaapstad

Bruin student wat ‘kaffermeit’ pos nie ‘uitgesonder’ nie

By die Kaapse Skiereiland Universiteit van Tegnologie (KSUT) is net ‘n ligte fladdering opgemerk toe student van die Wellington-kampus per ongeluk stempos op WhatsApp uitgestuur het na haar klasgroep wat bedoel was vir ‘n private gesprek.

In die stempos, gestuur op 22 Augustus, verwys sy na een van haar klasmaats as ‘n “kaffermeit”.

Sy is later in kennis gestel deur ‘n klasmaat dat sy die stemnota gestuur het na die verkeerde groep.

‘n Klasmaat het glo die SA Studente Kongres (Sasco) gekontak om ‘n klag in te dien.

Sasco het die Studente se Verteenwoordigende Raad genader, wat ‘n optog gereël het en studente gemobiliseer het “in die stryd teen rassisme”.

“Ons wou nie die meisie uitsonder nie, daarom het ons ‘n vreedsame optog beplan om die hele kampus se studente te verenig en bewustheid teen rassisme te kweek,” het SR-lid Athi Ndita gesê.

Die student, vermoedelik bruin, word tans aan ‘n dissiplinêre verhoor onderwerp.

SRC sekretaris Elsabe Westraat het gesê hulle is bewus van die voorval.

KSUT se woordvoerder Lauren Kansley het gesê die saak geniet aandag.

Kort en lang stembriewe

Die kortste stembriewe gaan in Buffalo City in die Oos-Kaap aan kiesers uitgedeel word, waar net 12 politieke partye deelneem.

Kiesers in die Mangaung Metro Munisipaliteit gaan die tweede kortste stembrief van alle metro munisipaliteite landwyd kry tydens die 2016 Munisipale Verkiesing.

Volgens die OVK gaan net 14 politieke partye in dié gebied aan die verkiesing deelneem.

Die langste stembrief gaan in Kaapstad, Suid-Afrika se dwelmhoofstad, uitgedeel word waar kiesers ‘n keuse van 36 politieke partye het.

Daar word vermoed dat politieke partye ook gebruik word om geld te was, aangesien wetgewing nie vereis dat skenkers blootgelê word nie.

Die leier van die IVP, Mangosuthu Buthelezi het in Ulundi in KwaZulu-Natal by die party se laaste saamtrek voor Donderdag se verkiesing gesê in die Wes-Kaap is daar bejaardes wat al 18 jaar op huise wag en steeds vir die DA stem.

Buthelezi sê daar is ook gemeenskappe sonder kraanwater. Hierdie inwoners is nie eers bewus van die menigte partye nie.

Die OVK het vroeër aangedui dat ‘n rekord getal politieke partye vanjaar aan die verkiesing gaan deelneem.

In terme van plaaslike munisipaliteite het die Richtersveld-munisipaliteit in die Noord-Kaap die kleinste proporsionele stembrief met net drie partye wat in die gebied tot die verkiesingstryd toegetree het.

Stembriewe is intussen in Soweto gesteel. Houers met bykans 2000 stembriewe is Donderdag uit `n afleweringsvoertuig in Dobsonville gesteel.

Die gesteelde stembriewe sal nie gebruik kan word nie en veiligheidsmaatreëls is opgeskerp.

Meer as 800 000 kiesers sal vandag en môre spesiale stemme kan uitbring in wat eintlik maar weer eens ‘n etniese sensusopname is.

Die Verkiesingskommissie sê dié syfer is glo die hoogste ooit.

Die VK se adjunk-hoofverkiesingsbeampte, Sy Mamabolo sê die hoë getal mense wat spesiale stemme kan uitbring, is moontlik gemaak weens die VK se veldtog om registrasie te vergemaklik.

Mense kon hulle aansoeke indien met SMS-boodskappe, op die internet of aansoeke per hand.

Nelson Mandelabaai sal na verwagting ‘n koalisie-raad kry waar die EFF met die DA kan saamwerk teen die ANC.

Dit sal beteken dat ‘n stem vir die DA in Pretoria en Port Elisabeth in werklikheid ‘n stem vir die EFF is, want met die DA-steun asook die EFF se steun, kan Tshwane dieselfde pad loop.

Die Munisipale Verkiesing 2016 vind op Woensdag 3 Augustus plaas.

Plakkershuise van buitelanders in Tshwane, Kaapstad brand

Die Tshwane Metro sê hulle weet nie wie verantwoordelik is vir die brand in die Plastic View-plakkerskamp nie.

Die meerderheid van Plastic View se inwoners is buitelanders en nie Suid-Afrikaanse burgers nie.

‘n Woordvoerder van die burgemeester, Blessing Manale sê hulle sal ondersoek instel na die oorsaak van die brand.

Hy sê die brand het vinnig versprei omdat daar sowat duisend plakkershuise in ‘n gebied so groot soos drie rugbyvelde is.

Vyf mense is in die brand dood, en honderde mense is dakloos gelaat.

Die Metro het die families van die inwoners wat die naweek dood is in die brand intussen gekontak.

Manale sê die Metro is al vir vier jaar in gesprek met menseregte-prokureurs oor die moontlike hervestiging van inwoners van Plastic View.

Hy sê egter die behuisingskode laat hulle nie toe om maatskaplike behuising aan buitelandse burgers toe te ken nie.

Nog ‘n plakker is vroeg vanoggend dood in ‘n brand in Gugulethu op die Kaapse Vlakte waar tien plakkershuise in puin gelê is. Byna 40 mense is dakloos gelaat.

Gugulethu is ook ‘n gebied wat hoofsaaklik deur buitelanders beset word.

‘n Woordvoerder van die Kaapstadse brandweer, Theo Layne sê die oorsaak van die brand is nog nie bekend nie, en die saak is aan die polisie oorhandig vir verdere ondersoek.

Hy sê rampbestuurspanne sal vanoggend die gebied besoek om te bepaal watter bystand hulle kan verskaf.

ANC-verkiesingsgeweld versper N2 vir tweede dag

Die ANC het moes een van sy lede skors omdat die aanhitser by Woensdagaand se openbare geweld op die N2-snelweg buite Kaapstad betrokke was.

ANC-lede het Woensdagaand beswaar gemaak oor kandidaatslyste en twee busse is aan die brand gesteek.

Die Wes-Kaapse waarnemende verkeershoof, Jacques Mostert het motoriste versoek om alternatiewe roetes te gebruik.

Die ANC se provinsiale woordvoerder, Yonela Diko sê die party sal nie huiwer om tugstappe te doen teen lede wat die ANC se beleid oortree nie.

Wes-Kaapse motoriste het vanoggend weer ontwrigting op albei hul nasionale snelweë getrotseer.

Klipgooiers het bane van die N2 ná Kaapstad onbegaanbaar gemaak en met brandende bande afgesper.

Die Wes-Kaapse polisie moes weer op die snelweg by die Kaapstadse internasionale lughawe ontplooi word nadat protesoptrede op die besige pad hervat is.

Die N2 na die stad, digby die Kaapstadse internasionale lughawe moes sluit weens oproer.

Die Wes-Kaapse verkeersafdeling het ook ‘n padblokkade op die N1-snelweg opgerig om moeilikheidmakers vas te vat.

Motoriste met uitstaande lasbriewe is geteiken. Sowat 45 mense het waarskuwings ontvang om in die hof te verskyn.

Veertien mense is Donderdag by ‘n soortgelyke padversperring op die N2 in hegtenis geneem.

Die ANC in die Wes-Kaap het aantygings van die Kaapstadse Metro verwerp dat sy lede die verkeer vanoggend op die N2-snelweg naby die Kaapstadse lughawe ontwrig het.

Kaapse studente brand hul kollege voor eksamen

Die bestuur van die Kaapstad Kollege in Crawford is besig om die skade na Maandag se gewelddadige protesoptrede deur primêre gesondheidsorgstudente te beraam, het RSG berig.

Hulle het motorbande gebrand en van die geboue aan die brand gesteek.

Hulle beweer dat die kursus wat hulle studeer, nie geakkrediteer is nie en ook nie deur Suid-Afrikaanse Raad van Verpleegsters erken word nie.

Die studente weier ook om aan die eksamen deel te neem.

‘n Lid van die Studenteraad, Khayelethu Kama sê hul klagtes het op dowe ore geval. ‘n Woordvoerder van die instelling, Louis van Niekerk sê hulle voer gesprekke met die studenteliggaam.

Kaapstad bestry rassisme, nie geweld nie

Kaapstad bestry liewer rassisme, nie geweld en die vernietiging van infrastruktuur nie.

Wes-Kaapse Verkeersowerhede sê die N7 by Du Noon naby Milnerton is weer oopgestel na nog ‘n nag van gewelddadige protesoptrede.

Protesgangers het voertuie met klippe bestook en buitebande aan die brand gesteek.

Hulle sê daar word nie gehoor gegee aan hul eise om behuising en dienslewering nie.

Maandag is winkels wat aan buitelandse burgers behoort gestroop en ‘n MyCiti-bushalte ernstig beskadig.

Intussen sê die Kaapstadse metro sê hulle ondersoek nou meer as 30 voorvalle van rassisme in die stad en nie dienslewering nie.

Die plaaslike owerheid en die Kaapse Skiereiland universiteit van tegnologie het ‘n onderneming onderteken om rassisme te bestry.

Die burgemeester van Kaapstad, Patricia de Lille het ‘n beroep op die publiek gedoen om voorvalle van rassisme aan te meld.

Metrorail moes pendelaars waarsku dat vertragings van tot twee ure kan voorkom na vandalisme aan die seintoerusting by die Kaapse stasie.

Die pendeldiens ervaar die afgelope paar weke verskeie probleme weens ‘n onbeskermde staking.

Treinwaens is onder meer aan die brand gesteek. Nog veiligheidsmaatreëls is in plek en pendelaars is gevra om van alternatiewe vervoer gebruik te maak.

Die departement van Water en Sanitasie het ook sy kommer uitgespreek oor die toenemende beskadiging van waterinfrastruktuur weens kabeldiefstal by pompstasies.

Die departement sê kabeldiefstal kniehalter die verskaffing van skoon water aan gemeenskappe.

Water ter waarde van tot sewe miljard rand gaan jaarliks verlore weens die beskadiging van infrastuktuur.

Beloning uitgereik na treinverwoesting in Kaapstad

Pendelaars in Kaapstad kan vanoggend lang vertragings verwag nadat treinwaens die naweek by die Kaapstad-stasie aan die brand gesteek is.

Die skade beloop miljoene rand.

Volgens Metrorail se woordvoerder in die Wes-Kaap, Riana Scott, word vyf peronne geraak.

Metrorail in die Wes-Kaap het vroeër ‘n beloning van R100 000 aangebied vir inligting wat kan lei tot die inhegtenisneming van die vandale.

Die streekbestuurder van Metrorail, Richard Walker sê die doelbewuste vernietiging van treine veroorsaak dat Metrorail nie voldoende dienste aan passasiers kan lewer nie.

Hy waarsku dat pendelaars Maandag gaan sukkel om betyds by hul bestemmings uit te kom.

Vyf stasieperonne is gesluit terwyl herstelwerk gedoen word nadat die waens aan die brand gesteek is.

Vertragings van tot 60 minute kan verwag word, sê Walker.

Walker sê die doelbewuste vernietiging van 37 treine het vervoervermoë in die streek baie nadelig geraak en duisende verontrief.

“Tegniese spanne werk dag en nag om soveel beskadigde infrastruktuur as moontlik ter voorbereiding vir Maandagoggend se piekdiens te herstel,” het hy gesê.

Die Wes-Kaapse streek bedryf 89 trein-stelle van 696 treine elke weeksdag, 360 treine op Saterdae en 225 treine op Sondae.

Gedurende spitstye word alle treine reeds ingespan, wat beteken dat daar nie ekstra weans beskikbaar is in ‘n noodgeval nie.

Flou Staatsrede verder deur opposisiesirkus ontsier

President Jacob Zuma se Staatsrede het Donderdag die verwagte sirkus opgelewer.

Zuma het beleggers en plaaslike sakelui probeer paai, maar omstrede kwessies vermy.

Cope-leier, Mosiua Lekota, was die eerste om die vergadering te verlaat. Hy is gevolg deur die EFF, wat walsend “Zupta moet val” gedreunsing het.

Beide Lekota en Malema het sonder ironie verklaar dat die president nie meer eerbaar is nie. Lekota sê die president het reeds in die Grondwethof erken dat hy sy ampseed oortree het.

Die Nasionale Vergadering is vir meer as ‘n uur nadat verrigtinge begin het ontwrig deur ‘n sinnelose woordetwis tussen Baleka Mbete, speaker, en die EFF.

Die DA beplan om later ‘n mosie van wantroue in die president in die parlement voor te stel, terwyl die leier van die EFF, Julius Malema kort na hulle uitgestap het op ‘n nuuskonferensie gesê hulle is van plan om die president in ‘n staat van beskuldiging te laat plaas.

Die president se versekering dat die beplande kernaanlegplan net sal voortgaan gaan as dit bekostigbaar is, is verwelkom.

Maar min was beïndruk met Zuma se toespraak en die ekonomiese vooruitsigte vir die land.

Alhoewel Suid-Afrika steeds ‘n aanloklike beleggersbestemming kan wees, bly die grondhervormingskwessie en die ANC se anti-wit magsbeheptheid ‘n groot kopseer.

Zuma het die nuttigheid en koste van twee hoofstede aangeroer.

Wat staatsbesteding betref, het Zuma gesê die regering “onderneem om besteding suinig te doen en vermorsing te besnoei”.

“Oorsese reise sal ingeperk word en diegene wat wil reis, moet redes verskaf en wys hoe dit tot voordeel van die land sal wees. Verdere beperkings op spyseniering, vermaak, konferensies en sosiale geleenthede sal ingestel word.”

Die vraag op almal se lippe was of dit alles genoeg sal wees om internasionale sentiment te draai, en ‘n resessie af te weer en of opposisiepartye nie ywerig meewerk aan die land se probleme nie.

Staatsrede sal niks nuuts oplewer nie

Suid-Afrikaners kan niks nuuts te wagte wees wat vanaand se Staatsrede betref nie, meen ontleders.

President Jacob Zuma se 2016 Staatsrede kom te midde van verskeie politieke- en ekonomiese kwessies wat deur die DA en EFF voorgehou word as redes om verrigtinge weer eens te ontwrig.

Dié twee opposisiepartye het die instelling voorheen tot ‘n sirkus verklaar deur lede aan te rand, chaos te saai en rond te hardloop in die gebou.

Die kanse dat sulke manewales Zuma sal laat bedank, is nul.

Veiligheidsmaatreëls is só verskerp dat aktiviste reeds gekla het dat hulle nie naby die gebou of parlementslede kan kom om te betoog nie.

Betogers sal ten minste 600m ver van die Parlementsgebou gehou word.

Die ANC-Jeugliga het intussen gedreig met ‘n “burgeroorlog” teen die EFF en ander aktiviste.

#ZumaMustFall het toestemming van die Stad Kaapstad gekry vir 5 000 betogers, terwyl die Ses’khona People’s Rights Movement toestemming vir 1 500 deelnemers het.

Zuma sal beleggingsvertroue in Suid-Afrika probeer herstel deur maar weens druk van die EFF waarskynlik nie veel vermag nie.

Die komende plaaslike verkiesing is aanstons en die ANC se sogenaamde “Back to basics” program is daarop gemik om stemme te werf.

Die rand het op die vooraand van die Staatsrede vir ‘n tweede agtereenvolgende dag veld gewen teen die dollar.

Die rand hou sy posisie ondanks kommentaar deur die voorsitter van die Federale Reserweraad, Janet Yellen wat laat blyk het dat die Amerikaanse Sentrale Bank nog nie heeltemal die moontlikheid van ‘n rentekoersverhoging in Maart uitgesluit het nie.

Te midde van minder vrese oor die swakker vooruitsigte vir die wêreldekonomie, het die rand nogtans op ‘n stadium vir R15,80 teen die Amerikaanse geldeenheid verhandel.

Die plaaslike geldeenheid was die naasbeste teen die dollar uit ‘n mandjie van die geldeenhede van 25 ontluikende markte, met slegs die roebel wat hom geklop het.

Univ. Kaapstad rig verkragtingswaarskuwing: Rhodes-gedenkteken ‘n gevaarsone

Die liberale bastion waar menige feminis daagliks wit mans uitskel, het so pas ‘n “veiligheidswaarskuwing” uitgereik dat vroue nie meer op die kampus en veral by die Rhodes-gedenkteken veilig is nie. “Ná donker is dit nie meer veilig nie,” sê die universiteit.

Twee studentes is in Desember en Januarie op die kampus verkrag. ‘n Ander student is met ‘n pistool naby De Waal-rylaan onderkant die Rhodes-gedenkteken aangehou.

“Dis ‘n verskriklike skok,” sê Merle Collins, die Kaapse woordvoerder vir die Suid-Afrikaanse Nasionale Parke .

“Ons het geen ander verslae van voorvalle in die omgewing ontvang nie,” het sy die voorval ligter probeer maak. “Ons het gesê dat ons tot dusver so gelukkig is, dit was so stil, dus is dit ‘n verskriklike skok vir ons. Ons sal outomaties die veiligheid in die gebied opskerp.”

Die woordvoerder van die Universiteit Kaapstad, Elijah Moholola, meen dat daar in beide gevalle dieselfde “modus operandi” gevolg is. Hy vermoed dat dieselfde oortreder by albei verkragtingsgevalle betrokke was. Die ras of voorkoms van die oortreder is nie vermeld nie.

Volgens Moholola is die Rhodes-gedenkteken ‘n “gewilde plek” vir studente om te besoek. “In die lig van die voorvalle, maan ons almal om die gebied rondom die Rhodes-gedenkteken te vermy, veral ná donker en in die besonder die paadjie wat as ‘n kortpad deur die bos gebruik word.”

Die polisie in die Wes-Kaap het bevestig dat twee verkragtingsake aanhangig gemaak is.

“In nie een van die gevalle is daar al iemand in hegtenis geneem nie. Albei gevalle is by die SAPS Mowbray vir ondersoek aangemeld,” sê kaptein FC van Wyk.

Tweede verkragting by UK skud kampus

Nog ‘n vrou is by die Universiteit van Kaapstad naby die kampus verkrag, vyf weke nadat ‘n verkragting daar aangemeld is.

Die universiteit het in ‘n verklaring aan studente en personeel gesê daar die twee slagoffers is vermoedelik deur dieselfde persoon aangeval en verkrag.

Die aanval het op Dinsdag 19 Januarie plaasgevind, terwyl die vorige verkragting op 11 Desember plaasgevind het.

Die vrou het van die Rhodes-gedenkteken na die universiteit gestap, toe sy oorval is. Die polisie ondersoek albei voorvalle.

“Dit is met woede en spyt dat ons julle in kennis moet stel van ernstige gewelddadige voorvalle wat naby die Rhodes-gedenkteken plaasgevind het,” het die UK in ‘n verklaring gesê.

“Ons wil almal versoek om hierdie gebied, veral saans as dit donker is, te vermy.” Die UK het berading aan die studente aangebied.

Nog ‘n student is verlede week gekaap naby die M3-hoofweg onder die Rhodes-gedenkteken. Die verdagtes is egter kort daarna gevang en in hegtenis geneem.

Kaapstad wil nie SA-vlag op gebou sien nie

Die Kaapstadse Metro het ‘n kennisgewing aan die bestuur van die Overbeek-gebou in Kloofstraat beteken om die gebruik van die kant van die gebou as advertensieruimte te staak, het RSG berig.

Die woonstelblok is in omstredenheid gehul nadat ‘n Zuma-Must-Fall-banier verlede week daar opgehang is.

Die banier is die afgelope naweek in ‘n gespanne atmosfeer deur ANC-ondersteuners afgetrek.

Dit is intussen met ‘n Suid-Afrikaanse landsvlag vervang.

‘n Stadswoordvoerder, Priya Reddy sê die gebruik van die spasie is strydig met die stad se verordeninge.

Sy sê indien die vlag nie teen môre verwyder word nie, sal die stad regstappe doen.

Nog ‘n onwettige banier ontsier Kaapstad

‘n Yslike banier van die nuwe Suid-Afrikaanse onderbroekvlag is aan die kant van dieselfde gebou in Kaapstad aangebring wat verlede week “Zuma must fall” vertoon het.

Maar die Stad Kaapstad, sê hulle het geen idee wie verantwoordelik is vir die jongste oortreding op die hoek van Kloof- en Buitensingelstrate nie.

“Geen aansoek is aan die Stad gerig [vir die jongste vlagbanier nie],” het woordvoerder Priya Reddy gesê.

“Ons sal ondersoek instel of dit strydig met enige van ons verordeninge en as dit is, sal die saak oorhandig word aan ons aanklaer,” het Reddy gesê.

Intussen is die stad nog in die proses om Independent Outdoor Media, wat die onwettige “Zuma moet val” banier verlede week opgesit het, te dagvaar.

Swart en bruin ANC-ondersteuners het Saterdag na die woonstelgebou opgeruk en dit af die muur afgeruk met messe en ander skerp voorwerpe.

Die voorval het gelei tot verhoogde rassepolarisasie, aangesien meestal wittes gekant is teen Zuma.

Kaapstad krabbel terug oor Zuma-banier na swartes witte aanrand

Die Stad Kaapstad sê die dagvaarding vir die Zuma Must Fall-banier in die stad, word voorberei.

Die groot teken is Saterdag uitmekaar geruk deur ANC-ondersteuners,’n dag nadat dit langs die kant van ‘n privaatgebou in die middestad verskyn het.

Onafhanklike Outdoor Media is in die moeilikheid, want amptenare sê die maatskappy het ‘n munisipale verordening verontagsaam.

Intussen het die ANC gesê oproepe vir die verwydering President Jacob Zuma kan slegs die samelewing polariseer.

ANC-woordvoerder Keith Khoza sê die veldtog het ‘n rassistiese ondertoon.

Beeldmateriaal van ‘n onderonsie tussen bruin en swart ANC-ondersteuners en die wit baniervervaardigers, toon hoe ‘n witman deur swartes aangeval word en onder polisiebeskerming moet vlug.

‘n Woordvoerder, Priya Reddy sê die aanklaer sal binnekort die dokumente teen die mediamaatskappy, Independent Outdoor Media finaliseer.

Die maatskappy het na bewering die banier sonder toestemming op een van die stad se geboue aangebring.

Dit is nog onbekend wie vir die banier betaal het, maar die ANC beskuldig die DA dat die party verantwoordelik is.

Die ANC beskuldig ook die DA daarvan dat hulle niks gedoen het terwyl die onwettige daad uitgevoer is nie.